الف شكر على تعاطفكم ويانا بالموضوع وممنون للمرور

الف رحمه على والديك
اشلون تكساس  راح اتخليهم ايفرون باذانهم
لك داد احنا بتكساس الغير شرعيين اكثر من التكساسيين نفسهم
هع

الف الف شكر عمي ابو الحسن على هذا القلب الطيب وهاي المشاعر الجياشه
ممنون منك اغاتي
والف شكر

الحمد لله اخوان فكت الجبسه
وطلع الغلط من موضفه التعينات الي ما فاتحه الاتاجمن الي اني دزيتلهياه من البدايه
واليوم رجعنا للشغل وكلشي تمام والحمد لله رب العالمين

اضافه بسيطه اخ تكساسي

المكاتب اسمهه
H&R Block
وعلى طول اتكون اليافطه مالتهم لونها اخضر وموجودين بكل انحاء تكساس

الف شكر اخواني الاعزاء
ريفولفر البطل الله يسهل امرك
ابو يوسف ال شكر
حيدوري مشتاقين عمي
عراقي هواي الف شكر على الدعاء الجميل الله يوفقك
اغاتي ابو علاوي الورد

الف شكر بالنيابه عن الولد ابو حسين الورد والله يوفقك حبييب

    اخي العزيز ابو عبداللة التكساسي ماشالله معلوماتك صحيحة مية بالمية ودقيقة-- كانه انت عايش اهناك وتعرف الفلم -- لان كلامك بالضبط نفس كلام ابن عمتي عايش اهناك ويكول نفس الحجي لازم تسوي نفسك متعرف تحجي انكليزي علمود تستمر المساعدات وياك وطبعا تبقة عالمدرسة ماللغة وهم يصرفون عليك -- اخي الكريم هذا الحجي مضبوط مية بالمية المساعدات ماتنكطع ومستمرة ولكن بشرط انه اتغشم نفسك وتكلهم نووووووو   انكليش   يعني متعرف انكليزي علمود تروح للمدرسة وتكعد سنيين براسهم مثل مكال اخونة ابو عبداللة التكساسي -- اخوية ابوعبداللة رجائا كلي شلون الجو يمكم يكولون بتكساس الجو حلو وماكو ثلج -- لان احنة اهنا بنيويورك قبل يومين كبت عاصفة ثلجية والاصت الامور حتة السيارةكمت ادور عليها وكوة لكيتها لان جانت مغطاة بالثلج -- تحياتي للجميع وبالتوفيق

عمي الغالي الف هلا
والله الجو يمنا استوه برد شويه واستلمنا المطر
ماشاء الله خير وبركه

اخي هذا الموقع الرسمي للخدمه
ادخل وبحوش بلكي تستفاد من السالفه
http://www.zaaptv.de/promotion-arabic-tv?gclid=CJrgwfbrkaYCFcPt7Qod7W19bA

السلام عليكم
اليوم راح اسولفلكم الخربطه الي صارت خلال الايام الماضيه
اكو فد موضف حمار بالشركه الي مسويه الكنسومر ريبورت غلطان باخر رقم من ارقام السوشيل مالتي وهذا سبب المشكله الي وكعنا بيهه
ومن اني دزيت الاثباتات للاج ار
, اثاري الخاتون ما فاتحه الاتاجمنتات الي اني دازهه قبل اسبوع واسبوعين
البارحه اتصلت بالسوشيل وما وصلت لنتيجه لان اهل السوشيل رفضوا يحجون وياها بدالي وبعدين طلبت مني اي اثبات من السوشيل
كولتلها انه اني داز الاثباتات صار طعش تالاف سنه كالتلي انه هيه ما مستلمتهن
فسويتلها ايميل البارحه وبيه البرنت اوت  مال السوشل (( احزروا اشصار ))؟؟
كالتلي ها اي هذا صحيح بس اكو رقم غلط الي هو اخر رقم
كلتلها انه ماكو غلط والرقم صحيح ومطابق للسوشل مالتي . ودزتلي نسخه ثانيه من اوراق التعيين والي لازم تتصدق من كاتب عدل وانشوف الي راح ايصير
وراح اوافيكم بالنتائج لاحقا

تحياتي للجميع

الاخوان الاعزاء ... الاخ العزيز ابو عبد الله ... الله يساعدك على المشاكل ... لكن الحياه اذا ما بيهه مشاكل هم ما تنراد ... يعني هاي الاشياء تسويلك شويه اكشن بحياتك ههههههههههههههههه ....
 احسن حل حسب اعتقادي (و لو اني اعتقد انو انت كلشي سويت بس ميخالف هم الواحد يحجيهه) انو تروح للاتش ار مانجر مال شركتكم و تكولهم هجي و هيجي عندي مشكله و تسالهم اذا همه مقدمين اسمك للسوشيال ... او تروح للقسم القانوني و تكولهم انو هاي الحاله وصلتك و انت تريد تعرف السبب و تريد تعرف الحل ... و بين الحجي دعبللهم انو هاي ممكن ان يكون بيهه عواقب قانونيه على الشركه بس لا تكلهم انو انت تريد ان ترفع عليهم قضيه ... بس كلهم انو انت استشاريت محامي بخصوص هاي الشغله ... همه اذ بيهه اي شي قانوني او معنوي ممكن ان ياثر عليهم راح يهتمون بالشغله ... بس اذا حسو انو الشغله هيه بس عليك و بس انت راح تتاثر بيهه و همه يطلعون منهه مثل الشعرة من العجين فمراح تشوف احد يهتم (هذا تره طبعهم بالشغل و اكيد انت تعرفه) ... على كل انت دائما روح و راجعهم و دائما من يكولولك فد شي .. و عاده يكولوه شفهي حتى لا تلزمه عليهم ... وره ما ترجع لمكتبك اكتبه بايميل و دزه الهم و كلهم اني هيجي اللي افتهمته منكم فهل هذا صحيح لو غلط ... اكيد همه راح يخابروك حتى يحجون وياك بس هم ما راح ينطوك شي مكتوب ... مع ذلك هاي الاشياء دائما انت وثقهه بايميلات و تواريخ ... و دائما لح عليهم و يوميه اسالهم بايميل شنو صار من شغلتك ... بس اني اكولك ... همه الشركات الكبار دائما همه اللي يطلعون على حق بالاخير و احنه الصغار اغلب الاحيان اللي ناكلهه ... هاي دا احجيلك عن تجربه خاصه اني صارت ويايه ... و هم حاولت كل اللي كلتلك عليه ... بس بعدين شافولهم دربونه و فاتو بيهه و سدوهه بوجهي ...
على كل ... انت دائما لح عليهم لان همه همينه يحترمون اللي ما يتنازل عن حقه ... و بالاخير انت ما عندك شي تخسره ... و الله كريم و ان شاء الله تنحل شغلتك على خير ... اخوك مازولا

بالتاكيد اني سويت هيج اخي مازولا والمحامي حجى وياهم مباشره والكفيل مالتي هم حجى وياهم والمنظمه مالتي حجت وياهم على الواهس
وما خفي كان اعظم

تحياتي يالغالي

اخويه الغالي ماجلان
اولا اني ما ناسيك ولا ناسي اي واحد الشغله وا مبيهه انه انتوا ابد ما تتصلون بيه رغم انه اني عللى طول اتصل واحب اتواصل وياكم
ثانيا موضوع اليدنتتي ثفت الي انت تحجي عنه اعرفه واعرف تفاصيله والكريدت ريبورت الي مشكلتي وياه مو نفس الكردت ريبورت الي انت تحجي عنه
اني اتعامل ويا ولس فاركو والكلام مالتك صحيح وعندي هاي الخدمه بس الشي الي انت تكوله ماله علاقه بشغلتي
حاول ترجع للبوست الاول مالتي واتشوف الي اني كاتبه
(( كنسومر كردت ريبورت)) واهنا بدت المشكله والسبب انه هذا التقرير مو تقرير على الحسابات المصرفيه - الكردت ريبورت العادي

ولكن المشاركه منك فقط تبعث السرور بالقلب
الف شكر عمي

الاخوان الاعزاء
اسد بابل
ايسر احمد
مضروب ليزر
بغدادي و زيوس
الف شكر على تعاطفكم ويانا بالموضوع وممنون للمرور

ورده بغدادي
وعاشت الايادي المباركه
خلصتني من دوخه التقديم مال جماعتنا ورا سنه

هع هع
1758 شكرا

الف وخمسميه و واحد وسبعين هلا

والله ياعمي ابو عبد الله اني من يمي مكمت اعرف راسي من رجلي
واجاني مغص وراسي كام يوجعني بس رغم ذلك كله
اني متاكد من حقيقة وحدة انه ربك اكبر من كلشي ومادام انت طيب مراح تحصل غير الطيب
وبصراحة مخايف عليك لان ثقتي رب العالمين ساندك ومادام انت مومن هاي اهم شي " ان تنصروا الله ينصركم "
وان شاء الله تنحل بسرعة وتبشرنا تكوللنا انه انفضت وكلشي رجع طبيعي
يارب يفرجهة عليك

رحم الله والديك اغاتي وممنون منك
الله يستر

حبي المشكله مو بالموضوع المشكله بالفايل المرفق الجماعه مدا يشوفوه او مثلي مدا اعرف اشلون احدثلك المعلومات الا غيرها ماكو مبرر اخر

ابو عبد الله انتة متستاهل غير كل الخير والله يسهللك ويحل مشكلتك ولا يهمك انتة طيب
تحياتي

رحمالله والديك خويه

الكلام صحيح بس من شروطهم لاستمرار المساعدات انك ما تحجي انكليزي

بيتس اني كتلك هذيج النوبه تعال لهيوستن
حاليا اكو 200 الف وضيفه راح تفتتح مع ملع شهر 2 2011

عمي ابوعبودي
الله يصبرك ويقويك وانته كدها وكدود
مو  مثل ما سولفنا اخر مرة عمي
المؤمن مبتلى وهاي اختبار من  رب العباد
كول الحمد لله
وربك والله والله
ربك يسد باب ويفتح الف الف باب
بس كول يا لله

ابو الحسن

الف شكر عمي ابو الحسن بمرورك
وكل الكلام الي كلته مضبوط

تحياتي

ابو عبودي الله يسهل امورك يارب وان شاءالله ماكو غير الخير
بس ابو عبدالله شنو الواحد لازم يسويه حتى لا يصير بهيج موقف؟؟

عيوني الحلول هوايه بس اني بحالتي اهم شي لازم اثبت موضوع الايرننك ريبورت لان هو الدليل الفانوني الوحيد عندي حاليا

بس اكو محامين مال امبلويمنت ممكن يسولك القضيه سهله واعتمادا علىيهه ممكن تقاضي الشركه بملغ تعويض
للاسف اني عقدي ما يلزم الشركه بهذا الشي
عموما الله اليستر وانريد دعائكم ويانا

هذا نفس موضوعي القديم
بالضبط
http://www.ankawa.com/forum/index.php/topic,376104.msg4637706.html#msg4637706
تحياتي

شكرا على المشاعر الجياشه دكتوره ورحمالله والديج وجد ا اسف مكدرت اجاوب على رسالتج
الف شكر

سلام
طبعا هاي التجربه هي بحد ذاتهه امتحان لاي عراقي جديد بامريكا ومهم جدا ان اسولفلكم عليهه حتى لا تنصدمون من تصير عدكم
الموضوع معقد بس راح اختصره واوضحه قدر المستطاع ...
جماعتي يعرفون انه اني اشتغل  بشركه ترجمه ماخذه 80 % من شغل الترجمه بالعالم (( يعني شركه جبيره كلش ))واني بالنسبه الهم مجرد موضف لا ازيد ولا انقص وما عدهم اي مانع يصرفوني من العمل وبدون مبررات وهذا الشي مكتوب بالعقد
اكو شركه لوجستيه متوليه الرواتب والاجازات والمعاملات المصرفيه والتعيين والفصل - شركه مستقله - متعاقده ويا شركتنا الاصليه لهذا الغرض, هذولي خسروا العقد مالهم ويا الشركه الام الي راح اسميهه ل ل س , خابرو علينا وكالو راح يتصلون بيكم شركه جديده علمود يسوون تعيين جديد - يابه اوكي احنا ما عدنا شي ينظم - كالونا الشركه الجديده من اتصلوا بينا انه اكو فد شي اسمه (( كنسومر كردت ريبورت)) واهنا بدت المشكله والسبب انه هذا التقرير مو تقرير على الحسابات المصرفيه - الكردت ريبورت العادي. لا هذا تجييك على الموضف من الناحيه الجنائيه و دخوله القانوني للبلد و الحسابات والمعاملات المصرفيه و الممتلكات الغير مدفوعه الضرائب بالاضافه الى تاكيد الوثائق الرسميه المقدمه من قبل الموضف لقبوله في اي عمل !  خوش عمي - لهنا هم ماكو مشكله

الشركه الي تسوي هاي التقارير اسمهه (( هاير رايت)) وهي شركه معروفه بهذا المجال والتخصص - يعني شغلتهم هجمان بيوت العالم فقط-

اجتني ايميلات منهم اتكولي انه السوشيل سيكيورتي نمبر مالتك غير صادر من الحكومه الامريكيه اعتمادا على الكنسومر ريبورت الي احنا سويناه

اني سويت الحل المنطقي الي يكول - اروح للسوشيل واكللهم بهذا الشي - رحت حجيتلهم الفلم كالولي انمت شكد صارلك وياهم - كلت سنه - كالو وهسه يله اتذكروا ؟؟ عموما ابو السوشل الرجال انطاني صحه صدور واخذته ودزيته للشركه مالتي الي هيه ل ل س - دزوا الشركه لجماعه هاير رايتس - احزروا اشصار ؟؟ هم رجعت نفس النتيجه . اتخبلت وكلت هاي الشغله يرادلهه واحد عنده كلبب ما مدشن . رحت للسوشل مره لاخ وانطاني نسخه الولد من الداتا بيس مال الكمبيوتر مالته وبيهه اسمي والسوشل واسم الموضف وتوقيعه وخابرهم لهاير رايت كالهم انه السوشيل صحيح وما بيه شي !
دزيت الورقه مره لاخ , هم اجاني نفس الجواب . وهسه صارلي فتره دا احاول اطلع من هاي الطلابه الي لا عالبال ولا عالخاطر ولا اجتي ابال احد ولحد الان ما محلوله بشكل رسمي .

خلي في بالكم انه اعتمادا على هذا التقرير - الشركه لازم لازم تفصلني لان اكو قانون تشريعي فدرالي اسمه
Federal Fair Credit Reporting Act
هذا القانون يلزم الشركات بعدم تعيين اي شخص داخل بصوره غير قانونيه او اوراقه تعد غير صحيحه .
فالشركه مالتي لحد الان ما مسوين اي خطا ومراح اكدر ارفع عليهم دعوه بالمحاكم المدنيه لان تعتبر ملزمه بالقانون وحتى لو اني اوراقي صحيحه فالريبورت ديكول غير شي
عندي نقطه وحده ممكن ابهذلهم بيهه وهاي على كلام المحامي الي حجيت وياه
اكو شركات هيه تدفع الضريبه مالتك مال السوشل
 الي اكدر اسويه انه احصل على ما يسمى - ايرننغ ريبورت - Earning Report  من مكتب السوشيل - هذا اذا الشركه دافه فلوسي مال التقاعد للسوشيل فمعناها انه السوشيل صحيح واني فقدت وضيفتي بلايا حق  واذا ما دافعين الفلوس للسوشيل فمعناها هم مسوين جريمه فدراليه(( لان موضفيني بدون سوشيل)) وبايكين فلوسي لان هم ديستقطعون الضريبه مال السوشيل
المشكله هسه انه الريبورت مال 2010 لحد الان الشركه ما مجهزته لمكتب السوشيل وما ناشره رواتب الموضفين لحد الان عند الحكومه - وعدهم مجال من بدايه شهر الواحد 2011 الى نهايه شهر كانون الاول 2011
انتبهوا يعني اذا الشركه ما دازه التقارير مالتهه لمكتب السوشيل ممكن اضل سنه كامله دا انتضر ورقه زغيره وانتوا تعرفون انه السنه بلاي شغل ازعاج مو طبيعي .

ادري الموضوع طويل بس تفاصيله جدا مهمه الكم باعتبار احنا دنبدي حياتنا اهنا وصدكوني هاي الشغله مو سهله مثل ما تتصورون لان هذا الريبوت ممكن ايدمر حياتك بامريكا ببساطه
 لذلك حبيت انوهلكم عن هذا الموضوع و خلي ابالكم ماكو حجه اذا ما خليته على باب المقترحات ويا الشركه ولكن للاسف بدون فائده

الي عنده سؤال او صارت الشغله هوسه عليه خلي يسالني واجاوبكم بكل ممنونيه


تحياتي للجميع
 

اخي ديفد اكو وحده امريكيه عدهه مشروع ممكن اعرفك بيهه وانت وياها
بس لازم تكون في هيوستن
المشروع عباره عن روضه وحضانه اهليه
التفاصيل من توصل نسولف بيهه لان كتلي انك جاي لهيوستن

شكرا جزيلا عزيزي ابو عبد الله

ولو ازعجتك اني بس عندي بس سؤالين

اول شي  التحويل عن طريق الويسترن هم علية ضرائب لو لا؟
ثانيا تعرف قيمة الضريبة تقريبا لمبلغ يتراوح بين 35 الى 45 الف بالسنه


ومشكور مرة ثانية

والله ما عندي علم بالموضوع

عيني ابو عبدالله
انت موكلت اكو شغل بهيوستن

شوفلنة واني ممنون الك

تحياتي

هاي 3 شغلات مفتوحه هسه بهيوستن
 
http://www.imgh.org/careers

شكرا اخواني على المشاعر النبيله
ابو عبد الله حاليا واكع بشده بس الله يعرف خبرهه
اريد دعائكم ويانه
وفايلون الف شكر على كلماتك الطيبه
عمي تره لو انت مو خوش ادمي الله ما يسهل امرك
بس انت واهلك درر والله سهل امرك اليوم وباجر والى الابد ان شاء الله
موفقين اغاتي ولا تنسونا بالدعاء

حبييب تكساس تره ابكد شبه الجزيره العربيه
شون تريد اي واحد بينا ايقيملكياها بهالسهوله ؟


اقرا الرابط واخذ الي يفيدك
http://www.ankawa.com/forum/index.php/topic,361332.0.html

عمي ابو عبد الله التكساسي

اشكرك على المساعدة ...زين شنو نوع الشغل الموجود؟


تحياتي

سالمين خو ماكو شي ؟

اسرع طريقه لحصولك على الجواز الامريكي
هو الاتحاق بالجيش لمده لا تقل عن 3 سنوات
الجواز يجيك بالشهر الاول بعد التخرج من دوره التدريب

مشكورة أخت لولا على هاي الكلمات وحياك أخويه أبو دينا بأي وقت والمعروف عن أبو عبد الله ميقصر ويه الناس لأن آني أعرفه زين لأن آني جيرانه وحياه الله بس هوه هسه راح يدووخ ميعرف منو آني بالضبط هههههه.
وآني هم أخوك شتحتاج شي دزلي على الخاص.
والله يديم المعروف والمحبة.

اعرفك واعرف اخبارك كليته واخ عزيز
ومبروك على شغلك الجديد

اخي ابو عبد اللة اشكرك على التوضيح بس ممكن  اعرف اذا واحد حاصل على الكرين كارت و صارلة من وصل لامريكا فد سنتين انا اقصد مو اول مايوصل اريد يفتح شغل خاص مثل ماكولون اول مايشطح ينطح  يكدر يبدي بعمل حر اكون عائلي مثلا هو و زوجتة او اولادة بدون عمال و رواتب مثل كوفي شوب او مطعم مكسيكي او مطعم تيك اوي شاورمة و هامبيركر  او محل بيع زهور  و شنو المبالغ الي يحتاجة كمعدل بالبداية و يكد احصل على قرض انا اسئل هذا اخي لان اسمعة من ناس اقارب الي بامريكا بسنتياكو فتحو محل بيتزري  و اللة وفقهم و العائلة كلة تشتغل  بي  طبعا مو اول ماوصلو لا بعد فترة مثل ماكتلك اخي 

اغاتي الفاضل
اهم شي بالمطعم الموقع واهم من الموقع الايجار مال المطعم
اي مشروع اتريد انت اتسويه اكو بزنس كونسلتنت باي ولايه موجودين يفهمك على المشروع افضل من اي شخص اخر
يعني هذا المستشار الي احجيلك عليه ممكن يوفرلك هوايه امور اهمهه الوقت الي راح يضيع بالمعاملات مال التراخيص
عموما
المطعم مشروع جدا ناجح وراس المال مالته لا يتجاوز ال 75 الف دولار للاثاث و من 20 الى 100 الف مواد المطبخ
واكيد اكيد لازم تفكر بالموقع
وطبعا هاي الاسعار مال هيوستن
اذا غير ولايه فما اعرف لان اللضريبه اهنا تختلف من السما للكاع

تحياتي

اني وياك واني ثاني واحد ائيد الفكره

اني مترجم وبالخدمه

بالمناسبه نسيت اكلك
السنه الماليه للمحاسبات والاقرارات الضريبيه 2010 راح تبدي عن قريب
فلو اترتب الاوراق مالتك من هسه افضل

نعم بس اوراق التحويل واذا بنك فجيب كشف الحسابات الي بيهه هاي التحاويل الماليه
واعتقد ابو الاج ار بلوك (( المحاسب عنده هاي الفورمات )) يعني مو صعب الحصول عليهه
عموما مثل ما كتلك اهم شي وصولات التحويل او البنك ستيتمنت الي تنذكر بيهه التحويلات
واكيد رقم الحساب والراوتك نمبر

تسلم يا ورد الورووووود

اخي من يجيك جواب صحيح شتريد بعد
ماكو داعي نكتب نفس الجواب ونعيد وبيه
المعلومه الي انطاكياها علاوي صحيحه
فانت ليش تريد اتسويهه هوسه على نفسك ومن تسمع جواب خطا اتكول احتاريت المن اصدك

تحياتي

نصيحتي بعد هذا اللي شفتة هنا بامريكا اانه الشخص في العراق الذي لديه راتب جيد +وظيفة مستقرة خلي يحذف من دماغة فكرة السفر ماكو داعي مضيعة العمر هنا بامريكا بدون عمل

اتحدى اي شخص اجى الى امريكا ولكة شغل الليناسبة خلال سنة..اريد واحد يكلي اني دشتغل شغرة زينة؟


القناعة كنز لايفنى

هذيج النوبه كتبتلك انه اني شغلي زين والحمد لله وكتلك اني مشتغل باختصاصي وانت ولا يمك اتريد اتشوف الي اتشوفه بكيفك
الناس الي اهنا كليتهه دا تشتغل
واني اتعهدلك وامام الكل
انت اذا تحجي انكليزي
تعال لهيوستن واذا ما اشغلك خلال شهر انطيك كل مصاريف انتقالك وفوكاها بوسه واعتذار عالعام

شرطي الوحيد انه تعرف انكليزي

تحياتي

السلام عليكم

تم فتح حساب جاري ببنك امريكا BANK OF AMERICA قبل شهر ، علما بأني ذهبت الى هناك كسائح .

المستندات المطلوبة :
1. جواز السفر الاصلي
2. عنوان السكن

لاستخراج  SCURE CRIEDET CARD
1. نفس المستندات المطلوبة اعلاه

تم استلام بطاقة الخصم المباشر DEIBET CARD  مباشرة من موظف البنك ( تعمل البطاقة المؤقتة لمدة شهر) وكذلك عدد (3) شيكات وتم استلام البطاقة الدائمة بعد ثلاثة ايام بواسطة البريد
تم استلام دفاتر الشبكات بواسطة البريد بعد اسبوع

ارجو ان تكون المعلومات مفيدة

ايام زمان

كلام صحيح
ممكن تاخر البطاقه الدائمه بالبريد الى حد اسبوعين عمل

اذا الي جاي ميعرف لغه وميعرف يتعامل ويا الامريكان ويروح عالمساعدات
لو يموت ما يحصل شغل
لا فيوزات ولا شي
هذا واقع
واني بامريكا واني الي اكولك هذا الشي

للا سف ما كدرت احصلك الفورم
اذا تنطيني شويه مجال اجيبلكياه
تحياتي

اخي هاي اذا كانت معلنه وتحويله يتم عن طريق حسابك بالبنك فالجواب
نعن عليهه ضريبه وامو فورم اسمه W2
هذا تملي وتقدمه بنهايه السنه عند التقديم للاقرار الضريبي لاي سنه

اما اذا كانت غير معلنه فلا تجييبلها طاري وخليها بجيبك واسكت

اااخ هم جنت مثلك اخوية بغدادي .. نسبة الامريكان السود بامريكا 12 بالمية يمكن 11 بالمية من عدهم بالمنطقة الي اني بيها ( نيويورك ) وقبل جنت بغير ولاية كلها مكسيكان اكول يوم عيد يوم الي اخلص منكم بس من شفة الافريقان الاماركة  وكعدنا بنصهم كمت كل ما اشوف مكسيكي اجلب بيه واكوله امانة اعتذاري يوصل لكل مواطني المكسيك .. الله كريم تخلص وتصير سوالف

مع الاعتذار الشديد لصاحبة الموضوع لان شوية طلعنا عن المسار

هههههههههههههههههههههههه
والله احلى تعليق بالموضوع

تحياتي

هذا الموضوع قديم لذلك اريد اصلح بيه بعض الاشياء
الاسهل للعراقيين من يروحون يفتحون حساب بالمصرف
يرحون لفرع من اي مصرف (( اي واحد ما بيه مشكله))
تاخذون وياكم
هويه الولايه او اجازه السياقه
السوشيل
اي هويه اخرى حتى لو كانت جواز (( لان المصارف حاليا تطلب هويتين بيهه صوره ))
تاخذ وياك مبلغ للايداع لا يقل عن 25 اذا تفتح حساب واحد و 50 دولار اذا حسابين
وباقي المعامله راح تم وانت كاعد بالمصرف من قبل المصرفي الي يقابلك وما تطول اكثر من نص ساعه
تستلم الكارد الاكتروني وتتوكل على الله
خلص

اذا عدكم اي اسئله بالتفاصيل فاني حاضر

اخي ديفد هذه العمليه اذا لم تكن تجميليه فهي تكميليه
ولا تغطى من قبل التامين الصحي للكبار وبدون استثناء
متاكد من هذا الشي بتكساس

اني اتفق ويا انجي ببعض الاعمال والي تكون مقتصره على ولايه مشكن لان بيهه عراقيين وصارلهم هوايه ساكنين اهناك
ومره اخرى حصرا في مشكن مو كل الولايات
انشاء واعمار مهندسون ومقاولون
اسواق البضاعة والاطعمة العربية
استيراد وتصدير
بيوت للبيع او الشراء   عقار
محاسبون قانونيون
هاي الاعمال يرادلهه اما شهاده او كومه فلوس ومره لاخ انت كلاجئ جديد صعب جدا تشتغل بهاي الاعمال لان ما عندك لا خبره ولا لايسنس
عموما اذا تريد اشرحلك الاعمال البقيه الي كالتها انجي ممكن ابينلك المشكله بحجيهه وين !

تحياتي

شنو اخوان ماكو احد عندة معلومة  او تجربة خاصة او لاحد معارفة خاصة اذكر بالخصوص ابو عبداللة عكعك سرى ماجلان ابو الفوارس و  اكو اهواية اخوان و خوات  ما تحضرني اسمائهم  و انجي  هم اذا عندج معلومات اخرى و اشكرك مقدما

اخي اني اخاف احجي واطلع مو خوش ادمي

عموما النصيحه الي اجتك من انجي مو صحيحه لان لو هذا الحال موجود وبهاي السهوله كان العراقيين الي بامريكا مو هذا حالهم
اخي الاعمال الحره
1. يحتاجلها موافقات البلديه من المدينه الي ساكن بيهه
2. لازم واهم شي يكون عندك ترخيص بالعمل الي راح تقوم بيه (( يعني لايسنس امريكي او شهاده خبره بالعمل وتكون معترف بيهه امريكيا وهاي ماموجوده ))
3. لازم راس المال يكون موجود بامريكا وهو مبلغ مو بسيط لان اي عمل حر يحتاج راس مال والخبره غير كافيه وانت اذا راح تحصل موافقه من الحكومه مراح يسالوك السؤال المنطقي جدا وهو (( منينلك هاي الفلوس وانت لاجئ وتاخذ من الحكومه مساعدات وراح تدخل بايراد ومصرف ويا الحكومه الفدراليه ))
4. ضرايب العمل الحر مو سهله ولا قليله
5. اي عمل حر راح يكون مخاطره لان انت خبرتك بامريكا قليله جدا مقارنه باصحاب المهن الموجودين (( المنافسه راح تكون صعبه جدا))
6. اي عمل راح يحتاج عمال (( متكلي اذا انت ستوك مشتغل منين راح اتجيب عمال وتنطيهم راتب وانت ستوك مبلش ؟؟ لا وفوكاها لازم تنطيهم راتب وعلى اقل تقدير الاجر الادنى


يتبع.........

اخي كلام بغداد يو اس صحيح
6 اشهر من تاريخ دخولك لامريكا وبعدها تستمر الى حين سداد الدين
الي اريد اوضحه وهيه نقطه مهمه جدا
هذا قرض حكومي عن طريق كنائس اهليه (( المساله شرحهه يطول فاخذه مثل ما هيه ))
قرض حكومي
تسديد القرض راح يكون اقساط
التسديد راح يكون بدايه بناء الكردت الخاص للفرد
التاخير بالسداد راح يأثر سلبا بالكردت
اهم شي يكون الدفع بالقيمه المطلوبه او اكثر بقليل ((يعني  اذا رادو 20 لا تنطي 15 انطي 25 ))
اذا تنطي اقل راح يكون الكردت ضعيف واذا زياده راح تبني نقاط اسرع واقوى

عموما للموضوع تفاصيل اخرى

والله يا اخي الله يسمع منك
اني اعرف العنصريه ما موجوده بين الامريكان
لكن شفتها ويا غير الامريكان من دول العالم الثالث
وعلى كولت المثل
مجدي وعليجته قديفه

شكا جزيلا لولا
والله يعني على تقديم المعروف

تعال لتكساس حلوه ورخيصه و مناسبه للعراقيين

صار بس انطيني الاسم مالك على الفيس بوك

هاي شنو ابو عبودي ,,,

شو صاير سباق بيني وبينك عالمشاركات

هههههههههه

ههههههههه
هاي هيه علاوي

عذرا للاخطاء الاملائيه بس جوعان
اروح اتغده وارجع اصلحلكياها

-- هل يؤثر على سفرته بشكل أو بأخر خصوصا ان الموضوع سيتم وهو قد أكمل كل المقابلات والاجراءات أي بمعنى اخر محد راح يعرف بالموضوع أقصد ( iom ) .. ؟؟

اذا ما حجا ويا هم عن الزواج ابد ما ياثر عليه ولا باي شي

2 -- ما هو موقفه بالمستقبل وهو بأمريكا اذا راد هو أو هي ( الزوجة الثانية ) أن تلحق به ؟؟
 علما بأنها يمكنها الحصول على الفيزة لامريكا في أي وقت بشكل عادي كما قلت لانها من جنسية عربية سهل عليهم دخول أمريكا او اوربا بشكل رسمي وطبيعي ( للسياحة أو الدراسة ... ألخ ) ..

اذا عدها فيزا ممكن تدخل (( ماكو مشكله)) بس المشكله متكدر هيه (( الزجه الثانيه )) ان تقدم معامله لم شمل او حتى طلب فيزا باسم زوجهه . وراح اشرحلك السبب بالسؤال الثالث

3 -- كيف سيكون موقفهم القانوني بأمريكا ؟وهل من الممكن أن يعيشون عادي ومحد يعرف أنهم متزوجين رسمي ؟؟؟
الموقف القانوني صعب جدا لان امريكا ما تسمح بتعدد الزوجات وان كطان الفرد حر باختيار الدين الي يسمح بالتعدديه
وراح تترتب عليه عواقب قانونيه (( غرامات وطلاق لاحد الزوجات وسجن للزوجد يتراوح بين 3 الى 12 سنه وحسب الولايه ))
ممكن يخفون الامر طبعا ومحد يعرف بانه متزوجين
بس اذا الزوجه الثانيه باقل مشكله وكالت فهاي النهايه لصاحبك والله يجفينا الشر اجمعين


تحياتي الك  
هيه وحده وشلعان كلب متكلي صاحبك شله بدوخه الراس

سوري ريفولفر جاوبنا اني وياك سوا

حبي كتبتلك بالموضوع مال الكوم روح راجع الجواب وكلي شتعتاز

ممكن باليد وتتوقع
وممكن بالفوتو شوب وتنطبع وتتوقع
وبالحالتين تسوي سكان ودزهه

عاشت ايدك علاوي
والله كريم
تحياتي للجميع

حياك الله عكعك

حيدوري الورد شفته للولد اشلون كام يضرب اخماس باسداس
اخي اني من ما اعرف فد شي بالتاكيد ما اكوله افضل من ما احجي خطا لان احتمال ياثر سلبا على المقابل


تحياتي الك ولماكنتوشه

سؤال جدا منطقي
اني لو بداله اسوي نفس الشي الي انت دتكول عليه
بس تبقه نقطه وحده
مراح يسالوا اشلون وصلت اوربا بدون فيزا او حتى مع الفيزا ؟
لان الدول الاوربيه بيهه دول مانحه للجوء عن طريق الاي او ام ومن حقه ان يطلب اللجوء بيها
متاكد 100 بالميه من انكلترا بس ما عندي علم باقي الدول

ادري ما جاوبتك لان صدك السؤال صعب

اخي اما تقدم معاملتك عن طريق الامم المتحده او عن طريق منضمه الهجره الدوليه والخطوات مال التقديم موجوده باهم مواضيع المنتدى
مال اخونا عكعك التطوى
اعتقد حاجيهه بالتفصيل

يعني ما ادري شاكلك
والله راسي راح ينفجر
اختي ماكنتوشه الترجمه مالتج خطا لان الكوكل ما يترجم صحيح

اخي ابو غيث بارك الله بيك
خلي بالك هذا البرنامج خاص بولايه ايوا

الاخ دنفر
1. انت لازم اتقدم لزوجتك على كوم ابروفل لان راح يخلون معاملتك بالانتضار في حاله ضفت الزوجه
2. الاهل ممكن تقدملهم من هسه وبدون اي شي بس اثبات انك تشتغل ويا الامريكان وتصير انت ابو المعامله
3. من تطلعلك الكوم ابروفل حول معامله الاهل الى اسم من اسمائهم بدل اسمك كمقدم للطلب

تحياتي

السلام عليكم ابو دينا
احنا على اتفاقنا واذا صار شي او استجد شي خابرني
تحياتي

شلون اكدر اسوي مساله التاكس ريفند واني مسوي W2 مو 9
وطبعا هاي راح اتحلي مشكله وقت طويل
بلكي اذا تعرف

ابو عبد الله التكساسي

اخويه العزيز سمعت فقره من اللي حضرتك كاتبه


سمي واكل

ليش اكو هيج جماعه اتسوي

هههههههههههههههه شر البليه مايضحك
قويه سمي واكل ....

شكرا 

صدكني هاي سهله يم الاشياء الي تسمعهه والي يسووهه بعض العراقيين والمسلمين اهنا
والله كريم
اشكر الجميع لمروركم بالموضوع

بالمناسبه اخوان اريد اكول لجماعه تكساس اكو تلفون اسمه اشورنس بيه 250 دقيقه وتلفون بلاش للي عدهم مساعات الوول فير ورا ال 250 دقيقه اتصي كل دقيقه اتصال واستلام ب 10 سنت
ومثل ما كال فني بلاش

 اخي اني مترجم واشتغل بشهادتي
كلامك مو قياس

ممنون اخت سرى عالموضوع وبارك الله بيج وحتى الاخوة الجدد يصير عدهم علم بهالموضوع..
بس هالسنة مو اكيدة العيد راح يصادف الجمعة..
يجوز السبت لان مفتي البيت الابيض كال لم تثبت رؤية النجمة بعد فيجوز العيد يروح للاحد هم مو السبت   


بغدادي

كلي بغدادي
يا نجمه منهن الشماليه لو الجنوبيه
هههههههههههه

فيني
هاي الشركه الي اني متعامل وياهم وشف شنو اسعارهم بولايتك

http://www.affirmativeinsurance.com/Contact.aspx

زوزك
هسه الحجي صار تمام
عاشت ايدك

اذا تريد كفيل بتكساس اتصل بيه عالخاص ونسولف

النصائح
1 حاول لا تاخذ شي مستعمل اذا كان فراش مصنوع من قطن لان الامراض اهنا غريبه عجيبه (( الجلد مو مشكله لان يتنضف
2 حاول جهد الامكان تبني كردت زين لان راح يخلي حياتك اسهل
3 حاول جهد الامكان تاخذ شهاده او على الاقل لايسنس والا راح تبقى طول عمرك فقير وتشتغل بالمنيمم ويج

التحذيرات
1 دير بالك من الطرق الملتويه بتحصيل اي شي حتى لو كانت مساعدات لان تبين عدهم اذا مو اليوم باجر
2 علطول احذر من مساله انك ممكن تفقد عملك باي لحضه وهاي امريكا و هذا الشي محد راح يساعدك بيه لازم يكون عندك ايجار مال 6 اشهر جوه ايدك
3 ابد لا تخلي الامور تطلع عن سيطرتك سواء بالبيت او بالعمل او بالتعامل مع الاخير
4 اهم شي طول خلك بكلشي لان سوالف الامريكان يرادلهه كلب ما مدشن  

pin the thread please

اخي ما اعرف ليش محد كالك بانه الماطو اهنا اغلى من السيارات المستعمله
يعني الماطور الزين يوصل سعره اذا كان مستعمل على الاقل 5000 دولار وهذا دا احجي على الحجم المتوسط
والسياره المستعمله ممكن تتحصل ب 2000
وقيس انت

هايه معلومه جديده وما قاريهه بالمنتدى نهائيا
عاشت ايدك

اخي صاحب الموضوع
كلامك بيه شويه اخطاء عن التامين
لان المبالغ الي دتكول عليهه خياليه
والشركات الي انت ذاكرهه هي الشركات الجبيره الي تامينها يكون من النوع الغالي
هذا الحجي بهيوستن ما يمشي
واذا تريد ممكن تدزلي ايميلك ادزلك اسم شركه التامين مالتي اتسوي يمهم اذا عمرك اثر من 45 سنه لايبلتي 38 دولار فقط ويمشي ومثل الورد
والفول كفرج يكون تقريبا 70 بالشهر وهم مثل الورد

تحياتي

عمي هذا الكيبل ما تلكي بالاسواق بس على اليباي او الامازون

عمي الموضوع مكرر يمكن الف مره ويمكن تلكيه بالارشيف لو تدور نفس الموضوع

الحمدلله الذي لاينسى عبده ولا يتركه في حيره ما ان يغلق بوجه العبد بابا الا وفتح الله له ابواب


تمنياتي لك اخي ابو عبيد بلموفقيه والسلامه

شكرا عيوني وبارك الله بالكلمات الطيبه

مشكور على الجهور الرائعه من قبلك ان شاء الله يستفاد الجميع

شكرا اخي غيث واتمنالك الموفقيه ايظا

عمي ابو عبدالله مشكور على كلامك و نصايحك القيمة بس اني عندي شكم نقطة وكفت عدهه ببداية كلامك. انت تكول بانك بامريكا تعلمت ان تكون مثال للاخلاص بالعمل. زين شنو ما كنت تعرف هذا الشي من كنت بالعراق؟ زين انت وصلت لامريكا يله عرفت بان الرزق من الله مو من البشر؟

و شغلة اللغة فاكيد هي مهمة بس احنه مو نتعلمهه حتى نأمن شر الامريكان بس نتعلمهه حتى نعيش و نشتغل و منكدر نكون نفسنه بامريكا بدون لغة انكليزية. فهذا هو سبب تعلم اللغة مو مثل متكول حتى نأمن شر القوم. عمي اني بالعراق كنت احجي كل اللهجات العراقية من الشمال للجنوب و من الشرق للغرب و ما أمنت منهم و همه المفروض اهلي و ناسي و الدليل هاي اني كدامك طلعت من العراق بليلة سودة و جيت لامريكا و من وصلت هنا يله عرفت شنو معنى الانسان.

عمي لا تزعل من كلامي ترى هذا نقد بناء و الله يوفقك و يرزقك و ينطيك على كد نيتك

عيوني ابو الشباب نقدك وصل وكلامك معقول ولكن اقرا الكلام وركز بيه
اولا اني جنت اعرف الرزق على الله بكلشي وبكل مكان ولكن من باب (( فذكر عسى الذكرى تنفع المومنين)) وكلامي كان للي متردد من الجيه لامريكا خاف ما يحصل شغل

بالنسبه للغه فهذا مو كلامي
هذا حديث مروي عن رسول الله صلى الله عليه واله وسلم (( وايضا خليته من باب التذكير بانه اللغه مهمه جدا ))
واني لا ازعل من نقدك ولا شي بس اعتقد انه ما وصلتك الفكره كامله
(( انت تكول تعرف كل لهجات العراق )) كلامي جان بيه نوع من (( الحسجه)) اذا تعرف شنو معناها فالمفروض انه لكفتهه للسالفه من اول سطر تحياتي الك وبالموفقيه

السلام عليكم

شكرا جزيلا للاخ ابو عبد الله على هذه الملاحظات الحلوة والمفيدة وبصراحة اني هواية معجب بكتابات الاخ ابو عبد الله ومبروك على اكمالك سنة في امريكا ومبروك على تغير الصورة ولو هذيج الصورة جانت هواية اضحكني وكانت واقعية بس ايبين انت فعلا اتريد تنسى كل مئسات العراق وعلى كولتك لازم انذبهن بالزبالة

بس الاخوان سالوك عن نوع السيارة الافضل للشراء ومجاوبتهم ياريت اتحدد نوع السيارة وحجم المحرك والموديل والكلفة واشكد نكتب بالعقد   مع تحياتي

اخي السياره كلمن وقناعته
حاول تاخذ ساره كلين تايتل 4 سلندر وشويه جبيره اذا عند عائله
اعتقد الكامري يحبوهه العراقيين ولو اني ما مقتنع بيهه لان تصليحهه عالي
بس اني عندي جمسي 6 سلندر وماشيه والحمد لله

اخي ابو حسين

حبا وكرامه
اتفضل سوي الي تريده
تحياتي

شكرا لك اخي ابو عبدالله التكساسي
سؤالي عندك معلومات اذا كان الشخص متعرض لحادث بسبب اعمال العنف بعد2003 ويحتاج عمليات وعلاج طبيعي تتكفل بيها المنظمة ام لا؟
تحياتي إلك

نعم اخي العلاج تتكفل بيه الهيومن سيرفسس وبعض الحالات تتكفل بيه السوشل سيكيورتي ادمنستريشن اوفس
مو المنظمه

الي يهمك بالموضوع انه على المدكيت اكو علاج و بدون حدود

حبيبي ابو عبدالله التكساسي فد استفسار اني كنت مترجم ويه الامريكان وبنفس الوقت ميكانيكي لان اني اصلا فيتر وصلحتلهم مولدات عجزوا يصلحوهه مهندسيهم فشنو نوع العمل الي اكدر الكاه بتكساس مثل اكو شغل زين للفيتر وتحياتي للجميع

اخي الرزق على الله تعال واله كريم ربك ما يكطع

http://www.ankawa.com/forum/index.php/topic,361332.0.html

 اخي اضغط الرابط واقرا الموضوع بالتفاصيل

تحياتي

اختي صح اني مموجود بامريكا بس اختصاصي ستلايت واحب ان اوضح التالي ومثل ماكال الاخ ابو عبدالله اولا مسالة الفولتيه والي تاخذ 110 واحنى الي عدنا بالعراق كلهن 220 وتنزل الى 150 ويصير تقطيع بالصورة اما بالنسبة للاقمار تفضلي هذا الرابط للمعرفه اكثر  http://www.lyngsat.com/america.html    وهذا ايضا  http://www.lyngsat.com/atlantic.html 

واي شي بخصوص الستلايت اني حاضر

عاشت ايدك شرحت الي ما اكدر اشرحه لان مو اختصاصي

اني صارلي وية التي موبيل 11 شهر ولحد الان لا قصروا بالخدمة ولا باكوا مني دولار واحد وحتى خدمة الانترنت مفعلهة وادفع 10 دولارات اضافية لهالخدمة بالشهر وهذا للتوضيح للي يقرا الموضوع عن تجربتي ..

حبييب بغدادي
خلي بالك انت تحجي انكليزي مضبوط ومراح يكدرون يفوتوك بدروب الهدن فيس
اني قصدي عالجماعه الي ميحجون انكليزي
والله يبوكوهم لو مدري شيسوون
لان بشغلي واني مسولفلك عن شغلي شنو
يوميه اقل شي 4 الى 5 مكالمات عن عراقيين وعرب ويا تي موبل القوائم مالتهم عابره 300 دولار بشهر واحد وهم على الفلكس بي الي انت تحجي عنه
اشلون متدري
من تجي تحجي ويا الشركه يكومون يطلعولهم سوالف بالعقد اتشيب شعر الراس

حبي الميعرف انكليزي مضبزوط ينباك ويا تي موبل اذا مو اليوم باجر وروح شوف العقد مالهم ابو سنتين على الانترنيت وشوف التفاصيل
والله هجمان بيوت للي ميعرف اشديقرا

تحياتي
ومو انت الي مقصود بالكلامم
تحياتي القلبيه وخليك على اتصال حبييب

اعزائي؛
 
مؤسسة المركز الثقافي العراقي الامريكي في مدينة هيوستن تحاول جاهدة الوصل الى كل ابناء الجالية العراقية وبطرق مختلفة. و من خلالها نحاول ان نتواصل مع كل ابناء الجالية العراقية. متمنين ان لا ننسى احدً. هناك العديد من العراقيين قد وصلوا الى مدينة هيوستن والى ولاية تكساس خلال السنوات الاخيرة لكن ليس لدينا اتصال بهم
 
لذلك نحتاج لتوسيع شبكة الاتصال الحالية التي لدينا عبر الرسائل الالكترونية. وكبادرة للتواصل معكم، أرغب بدعوتكم لنشر هذه الرسالة بين أصدقائكم في مدينة هيوستن والمدن المجاورة راجياً ان تطلبوا منهم أن يرسلوا لي معلومات الاتصال بهم. أود أن أسال تعاطفكم بأن يرسل كل منكم لي معلومات اتصاله ايضا. أذ كما تلاحظون أما أنه لدينا الاسم وعنوان البريد الالكتروني فقط او في اغلب الاحيان عنوان البريد الالكتروني فقط وليس لدي الاسماء حتى
 
لذلك ارجو منكم ان ترسلوا الاسم الكامل ، وعنوان البريد الالكتروني، واذا رغبتكم رقم الهاتف، وماهو الاختصاص في مجال العمل. اذا رغبتم بارسال اي معلومات تعريفية اضافية فانه محل ترحيب
 
كما قد لاحظتم ان مؤسسة المركز الثقافي العراقي الامريكي في مدينة هيوستن يقوم ببعض الفعاليات بين فترة واخرى ونحتاج ان نقوم بايصال المعلومة الى الجميع بدون استثناء ولكل ابناء الجالية. كما انه لدينا العديد من البرامج التي نهدف الى القيام بها. وكلها في خدمة الجالية العراقية في هيوستن.
 
لطيف اهتمامكم بهذه الرسالة محل التقدير.
الرجاء تقبل عالي التقدير والاحترام
 
 
احترامي؛
فرقد العامري
 
 farqed71@hotmail.com

رفع للفائدة

اليوم شفتهه وجاوبتك عليهه اخ زيد

اذا تريد تعيش هيوستن احسن
اذا تدور مضاهر وناس بيض ومن هاي السوالف
سان انتونيو احسن

[هاي شبيكم عموكلكم مأجرين بخمسين مدري شكد بالشهر!!!!مو هاي اكو بكل الولايات تلفونات الجهاز ينطوكياه ببلاش و وياه 200-250 دقيقة بلاش كل شهر و احدهه ينطي 69 دقيقة دولي بالشهر ورسائل بعدد الدقايق المجانية بس اذا تعبرهه لازم تعبي كارتات سعر الدقايق بيهه 15-20 سنت للدقيقةبس كون انت تثبت انه انت low incomeوهاي بان يكون عندك فود ستامبس او ميدك ايد او اي شيوهذا الموبايل تشيله للemergencies وتفتح حساب بسكايب ب3 دولارات بالشهر تخابر بدون حدود على كل تلفونات امريكا الشمالية وهذا طبعا اخوية ايهم الله يحفظة علمني عليه لان اني كمش شمعرفني هههههههه وهذا تخلونه للمكالمات الطويلة ام العشر ساعات واللي هيه اصلا ما تسويهه من الشارع وانما من ترجع للبيت وبراحتك من الحاسبة للموبايلات او الارضية مالة الناسوانتو بكيفكم بعدالفايخ شنسويله؟]

هاي شبيكم عمو
كلكم مأجرين بخمسين مدري شكد بالشهر!!!!
مو هاي اكو بكل الولايات تلفونات الجهاز ينطوكياه ببلاش و وياه 200-250 دقيقة بلاش كل شهر و احدهه ينطي 69 دقيقة دولي بالشهر ورسائل بعدد الدقايق المجانية بس اذا تعبرهه لازم تعبي كارتات سعر الدقايق بيهه 15-20 سنت للدقيقة
بس كون انت تثبت انه انت low income
وهاي بان يكون عندك فود ستامبس او ميدك ايد او اي شي

وهذا الموبايل تشيله للemergencies وتفتح حساب بسكايب ب3 دولارات بالشهر تخابر بدون حدود على كل تلفونات امريكا الشمالية وهذا طبعا اخوية ايهم الله يحفظة علمني عليه لان اني كمش شمعرفني هههههههه وهذا تخلونه للمكالمات الطويلة ام العشر ساعات واللي هيه اصلا ما تسويهه من الشارع وانما من ترجع للبيت وبراحتك من الحاسبة للموبايلات او الارضية مالة الناس

وانتو بكيفكم بعد
الفايخ شنسويله؟

والله عمو فيني الي يخليله تلفون مفتوح الدقايق ب 34 دولار ليل ونهار وكلشي وكلاشي
مو فايخ
بس اكول انت الله يسلمك تريد تقتصد وراح تطلع عليك البطانه اغلى من الوجهه وهسه تشوف


عمي ابو الموضوع
شركه كركت هسه تغطي 50 ولايه
رخيصه ولا عقد ولا دوخه راس وفاتورتك بالشهر 40 دولار ويا الضريبه واذا تريد تشيل المسجات ف 35 ويا الضريبه احسن واهون من باقي الشركات

نصيحه لوجه الله
دير بالك من تي موبل لان حراميييييييه

والملزمه موجوده بعين كاوه من مواضيع بلاك واتر .
دوره بالملفات القديمه

اخي اني بهيوستن
واكدلك اشد الناس حرصا على الاطفال هم المدارس الابتدائيه
لكن التصرفات الفرديه بالمدارس الاعداديه المدرسه غير مسؤله عنها
وبالصراحه
اذا ولد وبنيه بالاعداديه عدهم علاقه غير صحيحه خارج المدرسه
فالمدرسه ما تتدخل بهيج موضوع
واكو حل لهاي المسائل وهي المدارس الخاصه
ممكن تكون مكلفه في بعض الولايات لكن هي الحل الوحيد

كل ولايه والها قوانين خاصه بخصوص الاجازه الدوليه

معظم الولايات غير مسموح استخدامها بدل الاجازه المحليه
متاكد اني من تكساس 100% انه غير مسموحه بيهه

يعني اشلون تريدين احلفلج من تجيبين رسيفر وصحن من ايدج للزبل لالن الموقع مال الاقمار العربيه غير موجود بامريكا ولو اي واحد يكولج يصير فاحتمالين طلو جذاب
لو ميفتهم وبالحالتين انت خسرانه
هسه الصحن ايصير او ميصير هو اهنا بعشرين دولاروالرسيفر راح يضل طابوكه لان ما يسحب كلشي

وانت بكيفج

اخوان تره الشعب الكردي شي والنضام الكردي الحاكم شي ثاني
ولحد فد يوم يتوهم بانه الاكراد مرتاحين
عمي نضام الحكم الكردي اشد من نضام صدام بالاعتقالات والاغتيالات
والله يعينهم الف مره

اغاتي زيوس الورده ما ادري انت وصلت لامريكا لا؟؟ اشو لا حس ولا خبر !!

وايدك العايشه اخويه مضروب ليزر

عيوني كريسو اللهم يجعلها صدقه لوجه الله تعالي

وبارك الله بيج اختي ام مشمش واشكرج جزيل الشكر

عيوني حيدور ان شاء الله الاقامه الطيبه وفتح من الله قريب اغاتي
والله يجعلها فاتحه الخير عليك ممنون منك اخي

الف شكر ابو جيهان وخلي نسويلنا سفره عن قريب لان الصيف خلص والجو كلش حلو هالايام والجهال حقهم علينه

تعبان وما اعرف , شكرا على المشاعر الطيبه و البلد الي خسرناه حرامات ان شاء الله تعالى يجي يوم ويتصلح

اغاتي الفاضل ابو علا الف شكر على كلماتك الحلوه وبارك الله بيك واشكر لطفك

دكتور اعتقد كلام الاخ علي مضبوط لان انت من تقابل مو معناها راح ينطوك موعد سفر مباشره
اتبع نصيحته لاخونا ابو حسين وصدكني اقل شي يرادلك 6 اشهر على موعد السفر وانبه انه الفيزا مالتك وحدهه بيه 3 اشهر من تاريخ الاصدار

تحياتي وبالموفقيه

السلام عليكم مرحبا اخوية ابو عبد الله اني محتاج منك اتوضحلي كيف استطيع ان اسحب معي امي واخي الى امريكا علما اني حاصل على فيزا وحاليا منتظر موعد سفر واني من جماعة ال SIV لاني اعرف انه بامكان جماعة ال SIV ان يسحبوا معهم اهلهم فا ارجو من جنابك ان توضحلي ذلك لانك قبلي قمت باجراء مثل هذه المعاملة حسب ما سمعت من اختي سرى ولك جزيل الشكر

اخوك امير البابلي

اخي قدملهم على معامله مال
IOM
ومشيها روتيني وهيه تجيك التعليمات

عمي
هاي مساله امريكا مساله امبرياليه توسعيه صهيونيه
والامبرياليه من الامبره
والتوسعيه من التوسع
بس شنو رباط السالفه ؟؟ ما ادري

جورجيا
داليا الورده
ميثم
سرى
ستاننغ
مشلوع كلبي

زيد
د. امين
ايهم

الف شكر اخواني واخواتي لمروركم بالموضوع
وعسى الله ان يفتحها بوجه الجميع انه سميع مجيب

اخ ضياء شكرا لمرورك

اخونا Fddd
هذا الشيخ الي يمكم تعبااااااااااااان , يعني الله سبحانه بصريح العباره يحرو بتاتا اكل اللحم الغير مذبوح على الطريقه الاسلاميه (( للمسلمين)) راجع سوره الانعام وشف ذكر ((الميته)) وكل ما ذبح بغير تذكيه يعتبر بالاسلام ميته
هذ ا الشيخ لو يمنا جان سحلو المسلمين الي هنا
عيوني هذا الشيخ - شيخ محشي - مو شيخ جامع هههههههههههه

تحياتي وتقبل نصيحتي واشكر مرورك

من يومك وسبعتيامك ملك ابو عبود الورد, تسلم وعاشت ايديك والله يوفقك ويسلمك

كُل عام وانت بألف خير وسلامتك وسلامة الاهل ان شاء الله والصحة والعافية .


اخوك ريفولفر

وانت بخير ويعوده عليك وعلى اهل بيتك بالخير والبركه
والله عمي ريفو مشتاقين حيل كلش جدا ياورد الورد

انجي ... اخونا ابو شموس ... صقر الجزيره

الف شكر لمروركم

السلام عليكم

أغاتي الودود .. أبو عبدالله التكساسي

تحياتي .. وكل عام وأنتم والعائلة الكريمة بخير وسعادة وأمان
واللهم يعيده عليكم وأنتم حجاج بيت الله .. آمين
لن أعلق على ما ورد بــ موضوعك .. سوى

خير الناس .. من نفع الناس

بوركت أبو عبودي الورد .. وقبلاتنا للتكساسي الصغير (( عبودي ))
مع تقديري

أخوكم .. أبـــو دجــــلة

**

استاذنا الفاضل وعمي العزيز ابو دجله الغالي

نورتنا بردك

حبيبي ابو عبد الله
اولا ايامك سعيدة و كل عام و انت بخير يا طيب
 الحمد لله على التوفيق ربي يزيدك ...

اشكرك على النصائح الي راح تبقى راسخة بالذهن ان شاء الله
بس نقطة اني ما عرفت شنو هاي السيارة السالفج هل تقصد السيارات المصدومة و مصلحة ؟
و على سالفة السيارات احد الاصدقاء نصحني بدوج كلبر  اذا وصلت الى امريكا ان شاء الله
فشنو رأيك ؟

اسف طلعت يمكن رونك سايد بالموضوع اسف يا ورد

اي هيه نفس السيارات الي دا احجي عنها
بس انت اوصل امريكا والسياره شغلتهه سهله

اخي العزيز ابو عبدالله الورده ، اولا عيدك مبارك ، يعيده الله عليك وعلى العائله الكريمه بالنجاح المستمر والتوفيق الدائم.
 حجيك كله حكمه، وتمسكك برب العالمين هو الذي سيسهل لك كل شئ في حياتك ويهديكم جميعا لكل ما فيه الخير والصلاح والنجاح ، الف مبروك عليك اخي حياتك الجديدة وجزيل الشكر والامتنان على نصائحك السديده وافتخر بك اخ عزيز في ارضك الجديده وهي كلها ارض الله الواسعه .

وكل عام وانت بخير اغاتي وبيك خير وممنون على الاطراء

اسد بابل انت بهيوستن وما كتلي؟ اني عتبان عليك. عالعموم الحمد لله عالسلامة
دزلي رقمك عالخاص حتى اخابرك اسلم عليك وشتحتاج اني خادم للطيبين

ابو الفوارس حببيب الولد طلع جواريني بنفس المجمع وتم اتخاذ اللازم
هع هع

مشتاااااااااااااااقين

الحياه بالمريكا يرادلها صبر وشده يالله تفرج عليكم ولا تكولون ماكو لان احنا بالعراق ما بنينا نفسنا بيوم وليله

استغلوا كل مهنه تعرفوهه وسووا رزمي لكل شغله تعرفوهه وكولوا احنا احسن الناس بالشغل
حاولوا اتسوون شبكه علاقات اجتماعيه بينكم وبين الناس الي داير مدايركم لان كلشي اهنا يحتاجله واحد يعلمكم على دروب البلد والا مراح تصيرون ابد

ابتعدوا كل البعد عن الطرق الملتويه باستعمال الانظمه الموجوده لان انتوا وقعتوا على اتباع القوانين وهاي من العهود الملزمين بيهه انتوا امام الله

اخوان لا تنسوون تسوون عقد مع شركه كهرباء واول ما توصلون لان هاي بيهه فائده وراح تعرفون ليش بالمستقبل

حاولوا تبتعدون عن شركه تي موبل للاتصالات لان (( حراميه من الدرجه الاولى)) ولحد يحجيلي عن سالفته هسه بس انتضر وشوف
تره تي موبل عدهم طرق غريبه لسرقه اموال الي ميحجون انكليزي (( ويبوكوك يبوكوك اذا مو اليوم باجر واذا مو باجر عكب باجر ))

اذا اشتريتوا اثاث وانتوا شساكنين بالولايات الجنوبيه حاولوا لا تشترون فراش ولا قنفات ولا اي كراسي (( مغلفه بالقماش)) مستعمله
لان هاي اتصير مرتع للحشرات - اخذوا جديد لان حتى لو اغلى بس ارحملكم من الطبييب

اسالوا الي قبلكم عن المصارف الامريكيه وتعلموا منوا احسن مصرف وشلون تفتحون حساب وشلون الحساب بيه اجور وتبعات مثل السحب فوق الرصيد ومن هاي الاشياء

علطول من تريد تغير مكانك واذا انت ساكن بمجمع حاول تاخذ برائه ذمه منهم قبل لا تشيل لان هاي تفيدك بالسكن الجديد


اخواني اتمنى ان مكا اكون طولت عليكم وصدكوني هاي باختصار شديد عن الاشياء الي لازم تسووهه علمود تمشون على الطريق الصحيح
والله يوفقكم اجمعين ويسهل اموركم ويفتحها بوجوهكم ويستر عليكم ويرزقكم احسن الرزق ويأمنكم  ويجعلمن من عباده الصالحين

وكل عام وانتوا بالف الف خير
وايامكم سعيده وعيد المبارك عليكم

ولا تنسونا بصالح دعائكم

اخوكم من هيوستن العظمى
ابو عبد الله التكساسي

الحمد لله الذي لا يحمد على شي سواه
الحمد لله الذي رحمني بالخروج من العراق الى بلدي الثاني
الحمد لله الذي جعلني مطمئنا في قلبي وفي عقلي
الحمد لله على وجودي في الولايات المتحده (( سنه واسبوعين تقريبا))

تحقق الحلم
وصلت امريكا غريبا العام الماضي في الاول من سبتمبر
واليوم هو 12 سبتمبر 2010


زين خلال هاي السنه شنو الي صار .
تعلمت ان اكون مثالا للاخلاص بالعمل والاجتهاد به لاعطي احسن الصفات عن المسلمين العراقيين في الولايات المتحده
تعلمت بان النظام يمشي على الكل ولا فرق بين امريكي اصلي ولا مهاجر ان كنت تعلم ما تصنع
تعلمت ان الله الرزاق وليس البشر ولم اضن بالله ولو طرفه عين باني ساحصل على عمل في اول يوم لانقطاع المساعدات في الاشهر الثلاثه الاولي
تعلمت بان خير الزوجات هي المدبره الميسره والتي تكون في الغربه (( حزام ضهر مو سجينه خاصه)) والحمد لله على ما اعطاني ربي
تعلمت ان الرزق من الله والتدبير من العبد (( تريد تعيش كريم الله ينطيك تريد تصير ذليل الله ينطيك ما تريد))
تعلمت بان الاشياء الرخيصه ليست بالضروره افضل شي لذوي الدخل المحدود
تعلمت بانك اذا اردت ان تامن شر قوم (( فتعلم لغتهم))

الحمد لله اخواني اخواتي على اول سنه قضت في الولايات المتحده ورائيت بان الانسان انما يقوم بتدريب نفسه بنفسه على اي تقاليد وعلى اي اعراف يريد بان يقوم باخذ الجيد ويترك السيء منها وراء ضهره

هسه بالجلفي
عيوني - احنا الحمد لله الله سبحانه انطانا فرصه ان نخلص مما جرى بالعراق الذي خرب على ايدي الحكام وجابنا لامريكا بعد ان كانت اشبه بالحلم - اوصيكم وصيه اخواني الي اجيتوا بالجديد
احسن شي تسويه هو ان تشوفلك ابن حلال يساعدك بالتعلم على امريكا ويصير صاحبك ولا تكول سمسم اذا ما تلهم وتديرون بالكو من اي شخص يضل يجر بيك يمنه ويسره وهو لا فهم ولا علم بس نفخه عالفاضي لان جماعتنا بعدهم عايشين على هايالنفخه الجذابه مال العراق (( اني واني واني )) وكلشي ماكو بس هببياض
شوفولكم منطقه زينه ويمهه مدارس علمود ولدكم ما ينخرطون بصداقات السوء خصوصا لابو المراهقين لان هذا شغلته انه يقوم بحمايه اولاده وبناته من اصحاب السوء وصدكوني اخوان لا تحسبوها كلشي بالفلوس احسبوها مستقبل وحاولوا تباوعون ليكدام ولا تخلون نضرتكم ضيقه بتحديد الامور لان اصحاب العوائل مسؤلين عن عوائلهم

امريكا اخوان حلوه وجبيره وواسعه فاذا الله ما وفقكم بمكان لا تنتضر شي ولا تخاف من التغيير اتحول لغير مدينه واتوكل على الله
واذا ما توفقت اتحول لغير ولايه ولا تضل تندب وتعوي وبس تبجي على حضك الاكشر ولكل معضله اكو حل ولا تخلون الاعذار الواهيه تخليكم راضين بالي اهو اقل من حقك
بالنسبه للمسلمين
اخوان لا تاكلون لحم حرام على ابو (( سمي واكل)9 تره ماكو هيج بكه وكل مكان تلكي بي لحم حلال ومذبوح على الطريقه الاسلاميه )) وتره خلي بالكم هو دين مو طين ومثل ما باقي الاديان يفتخرون ويحافضون على دينهم انتم لازم تحافضون على دينكم وتخلون الله كدام عيونكم ولا توكلون اطفالكم حرام من باب (( قابل شاسوي ؟؟))
اخوني لا تشترون سياره عتيكه ابد وتضلون تصلحون بيهه وترجعون لي ورا (( اخذوا احسن سياره وحسب ميزانيتكم وحسب حجم العائله مالتكم ولا تستثقل من المبلغ (( على اقل تقدير حاول تقيس اسعار السيارات بغداد)) مو ولا تاخذون بس كامري لان الكامريات تصليحهه كلش غالي ولا تاخذون سالفج لان ما تنباع ولا تاخذون سياره ما بيهه تبريد ولا تاخذون سياره شلون ما جان لاوالف لا
جيكوهه يم الميكانيكي الف مره وادفع 40 دولار فحص ولا تدفع 5000 دولار بلايا فحص على ابو اني ماخذ السياره من امريكي  تره تنغشون لو تحطون روحكم بالسياره فانتبهوا لهاي السالفه

اخوان لا تسكن بمجمع بيه عراقيين هوايه لان سوالف العراقيين المريضه مال النفاق والدجل والغيبه والنميمه قائمه للاسف الشديد وعيشلك ويا 2 او 3 عوائل عراقيين خوش اوادم وحاول لا تكثر من جياتك لان حبييب الي كثر الجيات ملوه

من توصلون مطار امريكا ذبوا كل المشاكل الاجتماعيه التعبانه الي جايبيها من العراق بالزباله وادخلوا الى حياه جديده وكولوا (( يا الله يسير لي امري )) والله والله والله تنفتح والله ييسرها الك واسرع مما تتصور
انصحكم و النصيحه مو استقلال من شخصكم الكريم باتباع الانضمه والقوانين وعلموا اطفالكم الصح ولا تعلموهم الكذب ولا تعلموهم الي احنا تعلمناه وره 91 وانت تعرفون قصدي (( اطفالكم امانه بركبتكم))
*السفرات تخلص والونسه تخلص والفيكات تخلص وما يبقى بحياتك غير الواقع الي راح تنصدم بيه شر صدمه اذا ما تعرف اتدبر امورك وامور اهلك بصوره صحيحه


                                                                                                                                          يتــــبع

عيوني اكو روضه وهيد ستارت على الهيل كرافت بصف منضمه الالاينس
واكو روضه مجانيه حكوميه تقبل 4 سنوات فما فوق صايره بين
بيج نت و بلير على شارع اسمه
كوربريت
بص سام هيوستن تول واي

حبيب
اكو مكان اسمه فلي ماركت بشارع اسمه الهيل كرافت
اذا تكلي وين ساكن اكلك اشلون تندله
صاير قبل القدس اذا تجي من 59 ساوث وتطلع وست على هيل كرافت
راح ايصير السوك على ايدك اليمنه
او
اذا تريد دزلي تلفونك على الخاص واني اخابرك اليوم وادليك

CANCELLED WITHOUT PREJUDICE
معناها بالترجمه
الرفض بدون مبرر لذكر الاسباب (( لعدم وجود الالزام لذلك)) انتهى
اخي ستاننك
الترجمه الحرفيه لا تنفع مع الحالات الخاصه بالهجره لانها تعتبر من التراجم القانونيه

أخي العزيز أبو عبد الله التكساسي
العبارة تكتب على الفيزا
CANCELLED WITHOUT PREJUDICE
يعني الفيزا اصلا صدرت وموافق عليها
لكن خلال فترة الاصدار وفترة التسليم قد يكون هناك خلل من قبل الشخص المُصدّر له الفيزا
أو خلل من قبل السفارة التي اصدرت الفيزا
وفي كلتا الحالتين تكتب العبارة اعلاه CANCELLED WITHOUT PREJUDICE
ومعنهاها (الغيت) وليس (الرفض)
تبقى يريدون يبلغون الشخص بسبب الالغاء او لا فهذا شي يتبع للسفارة ولو السفارة اصلا ذاكرين في حالة الالغاء او الرفض ممجبورين ينطون سبب
يعني قصدي هاي العبارة حتى لو اسمك خطأ بالفيزا هم يكتبوها ويطلعولك فيزا جديدة

بارحتك عيوني واصلا اني زايده مني اصلا اصلحلك
انت صح واني خطا وحقك عليه
وبارك الله بيك
طلب زغيرووني

بس انتبه لجواب زين وافتهمني اشكلت بلايا زحمه عليك

اشكرك ورحم الله والديك اخويه ابو عبد الله

زين بالنسبه لموضوع قيد 57 :
هل يوجه الى جهه معينه ؟ مو شرط بس انتي الافضل تخليهم يعنونوه للترجمه بشارع الرشيد ومناك نقيب عمار هو يتكفل بالباقي
هل يحتاجون صور؟ قيد الترجمه يحتاج صور نعم
هل يجب انو تروح العائله كلهه؟ كلمن عنده جنسيه لازم تطلعوله قيد حتى الاطفال
هل يكفي انو بس اترجمه لو لازم يصدق مدري منين؟ مثل ما كتلج مساله التصديق من وزاره الخارجيه زايد خير حتى تكون الوثيقه كامله

زين وموضوع عدم المحكوميه ..اني هم لازم اسوي واحد لو بس زوجي ؟
هل هوه ضروري لو اسوي تعهد خطي ويمشي الحال؟ لا يابه لا
لازم تسوين واحد ويتصدق من الداخليه يم حديقه بيت طبره بالملجا يم المحاربين القدامى  وبعدين تتصدق من الخارجيه واي واحد فوك ال 18 يسوي وحده

واشكرك مرة لخ ؟  ليش هذا الشكر
بخدمتج وتدللين

اخويه ابو عبدالله التكساسي
اشكرك جدا لردك ..

بالنسبه لمسألة زوجي ...فهو خدم عسكريه يوم 1/10/2001 وكملهه يوم 1/3/2003 ,سلم دفتر الخدمه مالته واجه للبيت وسوو حفله وهلاهل ..وره 20 يوم صارت الحرب ...

هسه هوه كلشي ماعنده يثبت انو خدم عسكريه
هيجي حالة شنو يكتب ؟؟ خدم لو لا؟ اذا يكول اي فلازم يكون عنده شي يثبت , واذا كال لا ترهم؟
سؤال اخر, بالنسبه للتواقيع بكل فورم يعني كل شخص يملي يوقع باسمه ...زين الطفل اشون منو يوقعله واسم منو ينكتب؟
سؤال اخر , صورة القيد مال الولاده , المنو يوجه او يعنون؟ وهم لازم يصدق من الخارجيه؟
 
وبعد هوايه اسئله بس وحده وره الخ حته ماادوخ اكثر لان هسه راسي صاير طبل

واني اشكر كل من راح يفيدني بمعلوماته

مع الشكر

يكتب خادم عسكريه و يكتب بالفورمات كل الوحدات الي داوم بيهه وبعدين ويا الابلكيشن الاصلي
يفتحله فد وورد دكمنت ويشرح بيهه قضيه الدفتر وكان الله يحب المحسنين لان انتوا مو اول ناس صار عدهم هايه الحاله

الطفل يوقع مكانه الاب ويكتب يم اسمه Custodian وبعدين الاسم

 توجه لغرض الترجمه وهم الدائره مال النفوس تعرف اشتكتب بيهه  واحسن  تتصدق من الخارجيه وهايه اسهل مرحله بيهه

- مسألة للفورم 230 الجزء الاول والثاني ,اكو هوايه حقول اتحير من ضمنهه (اسماء المدارس) مثل ماتعرفون بالعراق دائما تتغير (مثلاً على عهدي كانت اسمهه ابتدائية القائد الضروره وهسه اسمهه ابتدائية الزاهراء ) بهيجي حالة شأكتب يا اسم ...

تكتبين اسم المدرسه مثل ما نت تخرجتي منها

- بالنسبه للوظيفه الحالية , اذا اني بطلت هسه وكاعده بالبيت شنو اكتب N/A
 تكتبين Unemployed

- بالنسبه لموضوع الخدمه العسكريه, زوجي خادم عسكريه وكملهه واخر شي قدم دفتر الخدمه وكل الاشياء العنده مال الخدمه علمود معاملة التسريح ووراهه بشهر صار السقوط .وهسه كلشي مايملك يدل على انو هوه خدم عسكريه. بهيجي حالة اشون .؟

lالصراحه ما افتهمت هذا السؤال

ممكن توضحيلي اكثر ؟ شتريدين من العسكرؤيه مال زوجك

حيييييييييييييييل
هذا الموضوع اشكد صارلهههههههههههه
هههههههههه
هسه العراقيين بالمجمعات الامريكيه عدهم بكل مجمع حلاق تقريبا وخوصا يمنا بهيوستن
و الحلوه اندليت حلاق تايلندي يمنا بفوندرن يزينك بس 4 دولارات
يعني نفس حلاليق بغداد


نعيما اغاتي

CANCELLED WITHOUT PREJUDICE
معناها بالترجمه
الرفض بدون مبرر لذكر الاسباب (( لعدم وجود الالزام لذلك)) انتهى
اخي ستاننك
الترجمه الحرفيه لا تنفع مع الحالات الخاصه بالهجره لانها تعتبر من التراجم القانونيه

اخي بهايه الحاله لا تفكر بفلوس الرجعه فقط\
فكر بقرض السفر الي راح توصل بيه لامريكا لان هذا دين عليك من الحكومه الامريكيه وهذا اهم من اي شي ثاني

يعني صعبه جدا اذ ما تسدد هذا الدين
وبعدين اكو منضمات انسانيه ممكن تساعدك بهاي القضيه ولكن بالرجعه فقط ويبقى دين او (( قرض السفر )) قائم بذمتك والي اذا رجعت للعراق وما سددته مراح تكدر تدخل امريكا مره ثانيه ابد

الحمد لله رب العالمين

APO/ AE

يعني الولد ساللكم سؤال
معقوله محد يعرف ينطيه جواب مباشر ؟؟؟؟؟؟؟؟؟

حبييب لا تسالهم عن السبب ولكن راسلهم سوي كنفرميشن للموعد الجديد و كلهم لازم  تاكدولياه باتاجمنت لتر

تحياتي

اخوان الي رفعوا الموضوع
انتوا شفتوا هذا الموضوع مكتوب بيا تاريخ لو لا
مونكوس صارله سنه ونص بتكساس
وهذا الموضوع حيييييييييل عتيك

والله يا اخوان هاي جانت ايام حلوه
من جنا انزل موضوع بي خير نلكي وياه تفاعل
مو هسه
اقوى موضوع هو
مبروك السفر
الله يرحم ذيج الايام

اخي صاحب الموضوع
اني احييك على هدفك انبيل والفكره الانبل
ولكن للاسف الي ما كدر يحققه امير المومنين علي ابن اب طالب  عليه السلام في حياته
والي ما كدر يسوي اي دين نزل بالعراق
والي ما كدر اي حاكم عراقي ان يدنوا منه ولوا بشيء بسيط
ما اعتقد
سطور بالمنتدى راح تكدر اتحققه
جمع العراقيين على التاخي شي مستحيل \
وهناك امثله كثيره جدا حصلتلي بالمهجر بس ما الها مجال اهنا حاليا

فني
انت تحجي صدك لو تتشاقه
شنو وين كاعد انت قابل بلاس فيكاس وتروح للبريد الامريكي يكلك ميخالف
عمي دبطل هاي السوالف لا على كولت عكعك يجلبون بيك وتعال جيب الي يطلعك مناك

يرفع الموضوع لاهميته

بالمناسبه
هذا الموضوع عينه متكرر اكثر من 10 مرات
وهو عن المواضيع المكرره والرتابه في المنتدى

السلام عليكم ...

انا  اشكركم جدا على المرور و الردود و امبين عليكم ناس طيبين.

الاخ ( احمد صلاح الدين ) ... كلامك صحيح و مضبوط ... لكن مو بهالسهوله تطلع لغير بلد حتى تاخذ جنسيته الجديده ... المشكله مو مشكلة الجنسيه .. المشكلة مشكلة العمل ... تره هيه المشكله الرئيسيه ... يعني اذا تحصل عمل ... شكد متريد الواحد يبقه .. لان الهدف مضمون.


الاخت ( المسافره ) ... كلامج ايظا صحيح ... بس شلون يعني انروح بس ناكل و انام .... الانسان اذا ما عنده عمل ايناسبه ... ميكدر يستمر.  و شكرا الج.



الاخ  ( ابو ساره ) ... الوالد طبعا بعده بالعراق ... مو اني ذكرت انه متردد من السفر الى امريكا ... و انتهت الفيزا و هو ما سافر ... بقه بالعراق ... و هو اكيد ايريد يطلع لكن احتمالية عدم الحصول على عمل متردد منها .... لذا اني اريد فد توضيح لكيفيه الحصول على عمل هناك ... هل توجد استراتيجيه معينه في امريكا للمهاجرين العراقيين للحصول على عمل ... علما ان والدي شخص مثقف و يعرف ثلاث لغات و دارس و فاهم و عنده شهاده.

استفساري الاخر ... هل ممكن ان يجدد تلك التاشيره ( SIV  ) التي حصل عليها مسبقا في حال قرر السفر الى امريكا ... علما انها انتهت منذ منتصف عام 2008.

و ربي يحفظكم على التواصل ويانا .... متقصرون.

اخوكم:
 المهندس العراقي

اخي الفيزا ما تجدد ابد
لازم يقدم المعامله من البدايه وهو وحضه لو يقبلون بيه لو لا
والاحتمال الثاني ارجح لان هو رفض السفر على برنامج الهجره الخاصه والي مبدئيا ينص على انه المتقدم لازم يكون مهدد بالعراق مو تطلعله فيزا وميروح
والله اعلم بالغيب

بالتوفيق  اخي

الف الف مبروك اخي هيثم الكفائي وويارب سفر سعيد وسهل و يجعلها عليك بلد الخير ويفتحها بوجهك انت والطيبين
انت تعرف انه اني ما اشارك هوايه بمواضيع التبريكات بس انت صدك تستاهل لان مناضل من العتك
تحياتي الك ولكل كفائي
وسلاما بكل خطوه من جنوب العراق الي دلاص تكساس
مو تنسى تخابرني من توصل 

اني جاوبت الموضوع قبل من جنت بالعراق
وهسه راح اجاوب
1. نضام الطرق الي بهيوستن ايخبل الواحد وكلش احب السياقه على الطرق السريعه
اخوان فد شي خرافي والله

2. احب السيارات مالتهم اموت على دين السيارات الامريكيه الي برخص التراب مقارنة باسعار العراق

3. الانسان محترم ومحد اله علاقه بالثاني بس بالشده الكل توكف وياك حتى لو غريب (( وهاي بيهه قصه ويايه شخصيا بس مو مكانهه هسه لان طويله ))


4.مهما كان دخلك الشهري تكدر اتعيش بيه وانت بكيفك اذا تريد اتعيش فخفخه او تريد الستر والامان المالي لعائلتك وهذا شي خاص بيك

5. تجيك الفرصه وانت متدري بيهه وتكلبلك الحاله 180 درجه

6. ابنك بالمدرسه (( محصن)) بكل انواع التحصينات المعنويه والتعليميه مو مثل العراق

7. اشياء هوايه حلوه بس ما لها مجال هسه

اكثر شي اكرهه بامريكا هو البيروقراطيه المبطنه مال الموضفين الحكوميين ونفس الخريط مال موضفين العراق بالضبط
وكل المعاملات شلعن كلب وروح تعال باجر بس الفرق ماكو احد يكلك ورقلي امشيلك المعامله (( لان يخافون من القانون)) بالمناسبه معضم الموضفين من اصول غير امريكيه يمنه بهيوستن

كل الهلا ب هيوستن اخ اس اي في

ما اكول غير اضل متالق   
 تحياتي ابو عبدالله

اغاتي اسد بابل
الله يبارك بيك

http://www.ankawa.com/forum/index.php/topic,361332.0.html

سرى ولو اضوجج بهاي الحجايه
اشو اني عندي صفطه من هذني التوصيات وكلهن مشمورات بالكنتور وما بيهن كل فايده

ابو عبد اللة انا عايش برفرين .....هههههههه شلون صدفة

دزلي رقمك عالخاص هسه اخابرك عندي بريك 10 دقايق

اسف اخي العزيز بالتاخر بالرد واعتقد استاذنا الفاضل ابو دجله اجابك الاجابه الوافيه والشافيه

تكساس بشكل عام جوها قريب على العراق يعني حار بالصيف وبارد بالشتاء
الكهرباء نوعا ما غاليه بس مو مقارنه ببقيه الولايات لان راح اتكون من ارخص الولايات بعد مشيكان
المدينه الي تسال عنها هي بشمال تكساس وهيه مدينه نوعا ما صحراويه المناخ مثا بغداد بالضبط ((بس قبل الحرب ))
المساعدات بيهه مثل بقيه مدن تكساس

تحياتي وبالموفقيه

تعيش ابو عبودي الورد

وانت العايش ابو شموس 

مشكور أخويه أبو عبد الله على هاي المعلومه وأنشا الله ما يحتاجه أي عراقي.

اغاتي صقر بالخدمه

ابو عبدالله هاي وينك
عاشت ايدك على الموضوع

وانت العايش صفاء اني موجود وانت ماكو

ابو عبد اللة انت منو ؟؟؟ انا بهيوستن ...وماعرفك معقولة ؟؟؟

عمي هيثم اكيد تعرفني

واني حاليا ساكن بالساوث ويست (( مجمعنا اسمه رفرين))

بس انت وين ابغداد لو بهيوستن

هييييييييييييييثم

هالله هالله والله عمي ابو عبدالله ابداعاتكم ما تنلحك.... الله يجزبك الخير

ويجازيك بالخير عمي ابو الفوارس وبارك الله بيك
انت اكيد تعرف اني منين جبت هاي الارقام !!
((من الشغل))

تحياتي يالغالي

شكرا غسان على مرورك ومواضيعكم هي الاجمل

تحياتي ابو الحسن

الف هلا بعمي ابو الحسن
الف شكر يالغالي
واعذرني اذا اكو رساله ما مجاوبك عليهه
مو بايدي
كبرت ونضري بدى يضعف

شكرا اختكم سرى على المرور

السلام عليكم
اخواني واخواتي هاي مجموعه ارقام لكنائس ومؤسسات للمساعدات الماليه الطارئه في حاله انه اي شخص بطل من الشغل وما عنده يدفع ايجار
الصراحه ما عندي اي تفاصيل غير اسماءهم وارقام التلفونات
وان شاء الله ما تحتاجوهن وما تمرون بضيم وضيق
تحياتي للجميع بالموفقيه

West Houston assistance Ministries  7139779942
My brother's care 2814989933
Harrison County Social Services   7136967900
Wesley Community center 7132238131
Willa Avenue Baptist Church 7137477101
catholic charities 8666495861
طبعا المؤسسات خاصه بمدينه هيوستن فقط    والرقم الاخير هو لكنيسه وليس منضمه الكاثوليك جارتي المعروفه
واخيرا
اذا احتاجيتوا لاي معلومه عن اي شي باي مجال
خلوا ابالكم رقم التلفون الي هو 211
وهذا مفتاح المعلومات عن اي شي تريده

شكرا وموفقين

واني اتفقف ويا الولد لان نيويورك هجمان بيوت من الغلا الي بيهه
اتوكل على الله واذا ما عجبتك دلاس تعالي لهيوستن
وصدكني
احسن مكان تبدي بي حياتك انت كمهاجر عراقي هو تكساس
تحياتي وبالموفقيه

الى كل الاخوه والاخوات في عين كاوه والي اعترضوا على موضوع المراسله
اخوان خلوا ابالكم الاشياء الاتيه
1 انه الامريكان مو اغبياء علمود يتهمون شخص بسيئات غيره واذا واحد غلك فالشر مراح يعم على الباقين (( مو مثل حكوماتنا الموقره))
2 لازم تحجون ولازم تكولون لان هذولي مرات يستجيبون لهيج حالات والا وين راحت حريه الراي
3 وحتى لو هم مسوين فضل علينه خلوا ابالكم الموضفين مالتهم مو هم الي مسوين فضل وانما الكونغرس الامريكي والموضفين ديستلمون كومه فلوس حتى يقومون بشغلهم مو مبلوشي
فالفضل لله وحده وبعدين اكلكم شنو هاي مو قوانين دوليه لو بس امر يكا شرعة قانون اللجوء ؟؟ اخوان هاي قضيه اكبر من امريكا ولا تتوهمون بانه هم الي مسوين فضل علينا بهذا الشي
اشويه راجعوا القوانين الدوليه
4 الاهم في هذا الموضوع هو مضمون الكيس
اعتقد انتوا ما افتهمتوال فكره صفاء
هو ديحجي على حالات صارلهه سنتين اقل او اكثر وهاي بحاله تهديد وضغط فالمفروض لو يجي قبول وتسريع للمعامله لو يكلولنا ماكو سفر حتى الواحد ايشوف دربه
يعني الي مقدم صارله 5 اشهر مثل الي صارله سنتين وماخله شي ما عاده مرتين مثل الفحص الطبي والبصمات وغيرها
؟؟؟؟؟؟؟؟؟؟؟؟؟؟؟؟؟؟؟؟؟؟؟

اخوان لا تسكتون عن حقكم وكملوا المشوار وهذا شي اختياري مثل ما كال ابو الصوف

تحياتي للجميع

صفاء اني وياك ودزينت الايميل مال الكيس مال اهلي

شنو اهميه هذا الموضوع للمنتدى ؟؟