عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - ملك الغربة

صفحات: [1]
1
مواضيع الحياة العامة في بلاد المهجر (امريكا) / رد: خطوة بخطوة ممكن نعرف شلون نعادل شهادة الهندسة
« في: 17:14 21/06/2010  »
اخي الحبيب
بالنسبة للمعادلة مو مشكلة ولا يظل بالك لانه من تجي ممكن تعادل وما تاخذ وقت، وممكن الجامعة نفسها اذا تريد تكمل هية الي تسويلك معادلة مباشرة (حسب الجامعة).
اما موضوع الشهادة الامريكية اي شي منهم (اقصد امريكي) ممتاز لان ميعترفون بس بشهاداتهم
اخوك المحب ملك الغربة

2
الهجرة و واللاجئين / رد: مشروع (مسلسل الحياة في امريكا)
« في: 02:43 06/06/2010  »
اخي الحبيب (اسامة الهاشمي) تماما هو هذا هدفي للناس الي راح يجون والناس الي هنا في امريكا.
 بس انشالله الكه الوقت لان اريد الموضوع والحلقات تكون سهلة ومفيدة المعلومات
اخوك المحب ملك الغربة

3
الهجرة و واللاجئين / رد: مشروع (مسلسل الحياة في امريكا)
« في: 02:21 06/06/2010  »
 alazawi أخي الغالي بس ادعيلي الله يمكني لخدمت العراقيين الطيبين وشكرا لمرورك الطيب
اخوك ملك الغربة

4
الهجرة و واللاجئين / رد: موضوع مهم لكل اعضاء المنتدى خارج وداخل امريكا
« في: 02:19 06/06/2010  »
أبو زيوني حبي اشكرك هواية وانشالله التوفيق للجميع ايها الطيب

ام مشمش اختي الغالية اني بخدمتكم وانشالله راح انزل موضوع جديد مهم للجميع

اخوكم المحب ملك الغربة

5
الهجرة و واللاجئين / مشروع (مسلسل الحياة في امريكا)
« في: 01:45 06/06/2010  »
السلام عليكم أحبتي وأصدقائي وأخواني وعائلتي الكبيرة
في البدأ سميت الموضوع مسلسل الحياة في أمريكا لكونه سوف يكون على شكل أجزاء اي حلقات متسلسلة .
ثانيا احبتي دا افكر، حقيقة الامر بدأت بدراسة وتنفيذ مشروع ضخم جدا أعتقد مراح اني اكدر عليه وحدي بس انشالله اخواني الاعضاء مراح يقصرون وياية ، راح اكتب شنو صار وياية اني من تجارب حقيقية ملموسة ليست مسموعة فقط في كل المجالات مع الاستفادة من المعلمومات الصحيحة المظبوطة في مجال معين وراح تصير كل حلقة عن موضوع معين مثال ذلك :
1-   الدراسة في امريكا:
راح اذكر بيها الشهادات المطلوبة والتصديقات المطلوبة كيفية المعادلة بالتفصيل (أقصد حته الواحد وين يروح مو بس انطيه موقع على الانترنت) شلون يرسل الوثائق الفترة الزمنية لرجوع المعادلة الامتحانات المطلوبة منك لاكمال الدراسات العليا (مثلا امتحان GRE  شنو المعاهد التي تساعدك او الدورات المناسبة التي تساعدك على اجتياز هذا الامتحان وكذلك الكتب المظبوطة وكذلك ال TOEFL  وأمور كثيرة احاول اعطي القارئ طريقة عملية للشغلة الي يريدها ، لانه اني من كنت اقره المواضيع صحيح استفاد بس كنت اتمنى الشخص الفلاني الي كان يكتب الموضوع ينطيني مو بس مواقع على الانترنت .

2-   طريقة البحث عن العمل خطوة خطوة:
3-   تقوية وتطوير لغتك (اللغة الانكليزية):
وغيرها من المواضيع التي أعتقد انه تكون مهمة جدا للاعضاء والناس كلهم،
اخواني ادعولي حته الكه الوقت لان دا ادرس وعندي هواي امور بس انشالله ابدي بالحلقة الاولى بأقرب وقت بأذن الله ودعاء الطيبين

أخوكم المحب ملك الغربة

6
الهجرة و واللاجئين / رد: عربانة الطفل عمر اقل من سنة
« في: 00:25 06/06/2010  »
اخي الحبيب اذا كان عندك اطفال اثنين كل واحد عربانة
بس العربانات تؤخذ منك عند باب الطيارة ومن تنزل تشاهد العربانة امامك
وهكذا تستمر الى ان توصل بالسلامة
كلام الاخ غسان الاشقر مظبوط مية بالمية
اخوك المحب ملك الغربة


7
الهجرة و واللاجئين / رد: موضوع مهم لكل اعضاء المنتدى خارج وداخل امريكا
« في: 22:50 04/06/2010  »
امير البابلي  حبيبي اني اشكرك جدا وممنون لقراءة الموضوع الله يحفظكم جميعا من كل شر
ويسهل اموركم ومن تقدم الى تقدم


ديفيد بغداد  اخي وصديقي العزيز ممنون منك جدا  للمرور بالموضوع وانشالله استفاديت منه بس هناك تعقيب
صغير على الي كلته (اني اكول من الضروري ان نسمع تجارب الاخرين ونستفاد منها سواء التجارب السلبية والايجابية ونحلل هذه التجارب من اجل ان نخرج بمضمون مفيد النا)

شـهــرزاد  اختي العزيزة اني اسف انتي أمرأة ومنورة المنتدى


azal  اختي العزيزة انشالله اني حاضر لاي اسؤال بيه فائدة الكم وممنون منج لقراءة الموضوع



اخوكم المحب ملك الغربة

8
الهجرة و واللاجئين / رد: موضوع مهم لكل اعضاء المنتدى خارج وداخل امريكا
« في: 17:08 02/06/2010  »
ضوء الشمس ممنون للمرور بالموضوع وشكرا للرد الجميل

بس اذا تسمحلي برد صغير اني مكلت منرد بالاشياء السلبية ولكن يجب ان لا تكون هذه الردود السلبية نابعة عن انفعالات أنية لانه ربما تتغير بعد حين يجب ان تكون كل الامور نابعة عن تجارب حقيقية
كما ان التجربة نفسها تتغير من شخص الى اخر

أما مسألة الدراسة فأنا الان دا أقرأ حته انشالله أبدي بالمخطط الي واضعة لنفسي
واني حاضر لأي تعاون معك ومنون منك مرة ثانية ايها الحبيب


أخوكم المحب ملك الغربة

9
الهجرة و واللاجئين / رد: موضوع مهم لكل اعضاء المنتدى خارج وداخل امريكا
« في: 16:57 02/06/2010  »
✿AnGie✿ شكرا وممنون للرد الجميل والحلو وهذا شي جدا قليل بالنسبة للاشياء الي انتي تقدميها للناس من خدمات اني اشكرج فعلا

اخوكم المحب ملك الغربة

10
الهجرة و واللاجئين / رد: موضوع مهم لكل اعضاء المنتدى خارج وداخل امريكا
« في: 03:45 02/06/2010  »
silver_d تسلم اخي العزيز ودمت للمنتدى
اخي الهدف هو خدمة الناس والاعضاء الكرام وتوضيح بعض الصور الغائبة عن اذهانهم
اخوك ملك الغربة

11
الهجرة و واللاجئين / رد: موضوع مهم لكل اعضاء المنتدى خارج وداخل امريكا
« في: 01:44 02/06/2010  »
نورالعيون كل الكلام هو لخدمتكم وخدمة المنتدى شكرا للشعور الجميل هذا من ذوقج العالي

Miss Violet شكرا اختي العزيزة قرائتج للموضوع والاستفاده منه هو غايتي الاولى لكي يستفاد الجميع
دمتم لي ودامت المحبة داخل المنتدى الرائع

اخوكم المحب ملك الغربة

12
الهجرة و واللاجئين / رد: موضوع مهم لكل اعضاء المنتدى خارج وداخل امريكا
« في: 23:07 01/06/2010  »
vincenzo ايها المبدع مواضيعك وأرائك كانت الها فائدة كبيرة بالنسبة الي
ما اعرف اذا انت هسة بأمريكا لو بعدك مسافرت شنو اخبار طموحك للدراسات
اذا تحب نتعاون انا حاضر

انا متابع كل الاعضاء وكل مواضيعهم

اخوك المحب ملك الغربة

13
الهجرة و واللاجئين / رد: موضوع مهم لكل اعضاء المنتدى خارج وداخل امريكا
« في: 22:19 01/06/2010  »
اخي الغالي مغترب شكرا لك من الاعماق
ارجوا من الله ان يحفظكم جميعا

انا حاضر لاي سؤال
اخوكم  المخلص ملك الغربة

14
الهجرة و واللاجئين / رد: موضوع مهم لكل اعضاء المنتدى خارج وداخل امريكا
« في: 22:14 01/06/2010  »
الاخ الغالي زيونة الله يبارك بيك انا حاضر لاي شي ،
جورجيا عزيزي انا بخدمة المنتدى وأعضاء المنتدى


أخوكم المحب ملك الغربة

15
الهجرة و واللاجئين / رد: موضوع مهم لكل اعضاء المنتدى خارج وداخل امريكا
« في: 12:05 01/06/2010  »
اخي العزيز شـهــرزاد
شكرا للرد الجميل وانا ايها الحبيب حاضر لاي معلومة قد تفيدك وتفيد الاخوة الاعضاء

16
الهجرة و واللاجئين / موضوع مهم لكل اعضاء المنتدى خارج وداخل امريكا
« في: 11:46 01/06/2010  »
بسم الله الرحمن الرحيم
تحية طيبة .... مفعمة بأريج الورد والياسمين
في البدأ احب ان انوه انه كم ترددت قبل ان اكتب هذا الموضوع لعدة اسباب (احتفظ بها لنفسي) ولكن حبي لهذا المنتدى الذي اتابعه مثل المدمن لكل المعلومات التي يقدمها أخواني الابطال الله يحفظهم جميعا ، اردت ان ارد الجميل.
اخواني وأحبائي أعضاء المنتدى طبعا انا من اعضاء المنتدى ، انتميت الى المنتدى صارلي فترة مو قليلة يوميا اتابع المنتدى وأقرأ كل المواضيع وأشاهد الردود والعركات في بعض الاحيان هذا الكلام اني كنت خارج امريكا (بعدني مسافرت) طبعا قريت عن أراء الاعضاء عن امريكا والردود الايجابية والسلبية ، بس كنت بس اقره بدون حته ما ارد لان اعرف ردي مراح لا يقدم ولا يأخر خصوصا اني كنت خارج امريكا (وبيني وبينكم انا عندي اعتقاد اذا ما اجرب الامور بأيدي ما اصدك مع احترامي للجميع وحبي لهم) قريت عن الدراسة ، قريت عن الامور التي تحتاجها في امريكا ، وقريت وقريت ..... كلشي تقريبا عبالك عندي امتحان بكل موضوع ينكتب ، أقره وأخزن في عقلي ، سافرت الى امريكا وشفت الامور على حقيقتها بالعراقي (حار بحار) ، المهم أخواني الي اريد أوصله الكم اريد اكوله بالنقاط التالية:
1-   خلي عندك طموح الك (نعم الك) وطموح الى اطفالك وبيتك.
2-   الحياة صعبة بس مو صعبة بالشكل المرعب انما اي انسان يكدر يكافح ويبني نفسه عادي مثل اي دولة غير امريكا.
3-   لا تضوج ولا تيأس ولا تنطي رأي سواء سلبي او ايجابي لان هذا هو رأيك انت وحالتك انت يمكن الحالة نفسها والظروف نفسها بس تختلف من واحد الى اخر بين قوسين لا تأثر برأيك على الاخرين لان يمكن انت نفسك ورة فترة تتغير انطباعاتك وافكارك.
4-   احبتي الزين زين وين ميروح سواء بأمريكا او بغيرها الفساد موجود والايمان موجود .
5-   حاول تحسن من لغتك اقصد اللغة الانكليزية راح تفيدك ( اللغة مو بيوم وليلة تصير لبلبان) يراد صبر وبالعمل راح تتطور.
6-   أسأل عن اي شي وتعلم كل شي حته لو تافه لان راح تستفاد منه لاحقا بيوم من الايام ولا تبخل بمعلومة عن اي شخص لان لابد بيوم من الايام تحتاج انسان يفيدك (قدم الخير تشوف الخير كدامك).
7-   أحبتي انا حاضر لأي معلومة (معلومة مفيدة) مو رأي مثلا شنو رأيك امريكا تسوة لو لا، أسف مراح انطي رأي فقط انطي معلومات.
احبكم جميعا من أعماق قلبي وأشكر المنتدى وكل اعضاءه واحد واحد لان كثير كثير استفاديت من المواضيع الايجابية والسلبية.
أخوكم المخلص ملك الغربة

17
الهجرة و واللاجئين / رد: رقم مصر مهم جدا
« في: 10:37 21/10/2009  »


الاخت العزيزة
الارقام الي عندي والي من خلالها اتصلت اليوم وحصلت بس لازم الصبح بين
9-10 الصبح
0020223582054
0020223595060

وانا حصلت من الرقم الاول
ملاحظة اخاف اتحصلين ومحد يرفع التلفون عيدي الاتصال مرة ثانية

اخوكم ملك الغربة

18
الهجرة و واللاجئين / الى كل أعضاء منتدى عينكاوا مهم جدا
« في: 21:23 20/10/2009  »
بسم الله الرحمن الرحيم

تحية طيبة معطرة بالورود والياسمين الى كل اصدقائي في المنتدى وخارج المنتدى
بدون استثناء الي مع الذهاب الى امريكا والى الضد من الذهاب اليها .
اخواني الاعزاء بالبداية انا من اعضاء المنتدى ليس القديمين ولكن صارلي فترة مو قليلة في المنتدى تقريبا يوميا اتصفح المنتدى والمواضيع وقريت كثيرا وجربت وشفت وسألت كثيرا وكنت مرات أرد على بعض المشاركات اذا حسيت انه مشاركتي مفيدة لانه ليس بالضرورة كثرة المشاركات وانما الفائدة من الرد افضل ولاحظت هناك اتجاه مع الذهاب الى امريكا وهناك اتجاه معاكس له. ولاحظت عندما يكتب احدهم عن تجربته سواء كانت سلبية او ايجابية ايضا هناك من يؤيد ومن يعارض . المهم من خلال هذا المنتدى الجميل والاراء المختلفة (والله العظيم الاختلاف جميل ولكن يجب ان يستفاد منه ) وجمع المعلومات ممكن الواحد يكون لديه تصور كبير جدا عن الحياة داخل امريكا ليس بالضرورة 100% ولكن نسبة لابأس بها. وهذا الي صار عندي. احبائي لا يتصور البعض والجميع انه انا مع اي اتجاه ولكن انا مع الطموح والعمل والعلم والتطور والبحث عنه في كل مكان وهذا كان هدفي منذ الصغر ولحد الان لانه الحياة بدون علم وعمل لا اعتقد يكون لها معنى واعتقد الجميع يأيدني في هذا . احبائي جميعا الهجرة ليست سهلة والغربة تحتاج الى رجال وتحتاج الى طموح والاهم تحتاج الى تخطيط منطقي وصبر  كبير لتحقيق ذلك. انا وهذه من خلال الخبرة التي كلمتكم عنها لاحظت انه الكل سواء الذين سافروا او الذين بانتظار السفر  متوترون لخوفهم من المجهول ولسماعهم عدة اراء عن الحياة في امريكا فتراهم بمجرد انه يقرأون مقال يصف الحياة في امريكا جميلة يرتاحون وعند قرائتهم مقال يصف الحياة في امريكا جحيم ينزعجون. الي اريد ان اوصلة الكم جميعا انه بالاضافة الى انه الحياة في امريكا تحتاج الى عمل واصرار ولكن ايضا وهو الاهم لا ننسى مسألة التوفيق من الله. والله العظيم اعرف ناس راحوا الى السويد بعد اكوا احسن منها باللجوء؟ والله منجحوا واعرف ناس راحوا الى امريكا (احنة مو نكول امريكا شوي صعبة بالمساعدات) والله توفقوا جدا والحمد لله . اعتقد انه صارت الصورة الي اريد أكولها واضحة انه لا نستعجل بالرد واعطاء الاراء سواء ايجابية او سلبية الا بعد فترة طويلة ليس 5 اشهر او 10 اشهر او سنة او سنتين الاستقرار النفسي والمعنوي والمادي يحتاج فترة طويلة.اسف للاطالة سوف احاول تكملة هذا المقال واتكلم عن تجربتي الطويلة مع الغربة ومع التوطين وكل شيئ بالتافصيل الممل. سلامي مرة اخرى الى الجمع بدون استثناء.
ودمتم لي احباء واخوان. نحن جميعا اخوان والله العراقيين ماكو مثلهم وماكو بطيبتهم.
اخوكم الي يحبكم ملك الغربة.

19
الهجرة و واللاجئين / رد: سنه في امريكا..ما الذي خسرته..ما الذي كسبته..القسم الاول
« في: 21:19 18/09/2009  »
سلاما اليك ياعراق وسلاما اليك ايها الاخ العزيز
عاشت ايدك على الكلام والاسلوب الجميل جدا 
نحن بانتظار المزيد

20
دردشة منتدى الهجرة واللاجئين / رد: اخواني احبائي اعضاء ومشرفي منتدانا الحبيب عين كاوه حبيت ابشركم بموعد السفر ويوم ان شاء الله للجم
« في: 21:59 16/09/2009  »
الاخ الخالدي الاصيل وانت فعلا عراقي اصيل من الدعاء الجميل الي كاتبه الله يوفقك
ويسهل امورك وينطيك الصحة والعافية انت واهلك
اخوك ملك الغربة

21
الهجرة و واللاجئين / رد: يا اخوان محتاج مساعدتكم وين اهل الغيرة
« في: 16:33 14/09/2009  »
اخ سالم انت ليش خايف اكيد انت قبل لتسافر راح يخبروك مكان الولاية او ممكن انت تطلب منهم تحديد الولاية
وهذا شي عادي ، اخ سالم الوردة سهل الامور هية تسهل لا تربك حالك خصوصا بهاي الفترة
الله يوفقك انشالله ويسهل امورك
اخوك ملك الغربة

22
الهجرة و واللاجئين / رد: عضو جديد في منتداكم المحترم
« في: 15:37 11/09/2009  »
الف الف الف الف هلة ومرحبا

23
الهجرة و واللاجئين / رد: اني الاخوان كلش خوفوني ممكن احد اطمني
« في: 15:35 11/09/2009  »
اخي سالم .... طبعا اولا اتفق كليا مع الاخوان (المهندس سيوفي ، والاخت ريم) بس اخي العزيز سالم
القرار بالنهاية هو قرارك وراح تسمع عن امريكا الزين وتسمع الشين وراح تسمع كثير بس الله انطانة العقل
فكر وانت قرر مو غيرك واعتقد احنة بهذا المنتدى الجميل الاخوان مخلوا شي الحمد لله ما ذكروا . اخي سالم اجيبلك شغلة بلكي تفيدك انا اسمعت وابحثت كل شي عن امريكا بس من قررت انا قررت بدون اي ضغط .وقررت انه لازم وبتوفبق من الله اشق طريقي وين مجان. المهم اخي اعتبرها سفرة وشوف نفسك واذا
متوفقت لا سمح الله وكلشي وارد خلي في حسابك عود ارجع والله ارحم الراحمين
واي شي اخوية العزيز احنا يمك...
اخوك ملك الغربة

24
الهجرة و واللاجئين / رد: بشرى ساره للاخوان الذين ينتظرون موعد سفر في مصر
« في: 15:22 11/09/2009  »
اخوان السلام عليكم ......
شنو جماعة سوريا نايمة عليهم الطابوكة يظلون نايمين مثل اهل الكهف ههههههه
المهم تمنايتي للجميع ان تنفتح عليهم واحنة بشهر الخير
اخوكم المحب ملك الغربة

25
الهجرة و واللاجئين / رد: موعد سفر اخوكم ابو جيهان واخر الاخبار من عمان
« في: 17:09 07/09/2009  »
اخي العزيز ابو جيهان الف الف الف مبروك .......
اخوك ملك الغربة

26
الهجرة و واللاجئين / رد: سؤال الى جماعة سوريا والجميع بخصوص مخابرة مصر ؟؟؟
« في: 13:10 06/09/2009  »
الاخ/الاخت lisaa طبعا حالتي بالضبط مثل حالتك قابلت 3/2/2009 وحصلت الموافقة 4/4/2009 ولحد هسة ماكو شي، لايظل بالك عادي المهم ممكن اتخابر مصر عادي وتسأل ما كو مشكلة بس ترة مرة يردون ومرة ميردون حسب مثلا اليوم خابرت محد مرد علية وانشالله باجر ايضا احاول والله كريم.

27
الهجرة و واللاجئين / رد: اخبار جديده عن IOM مصر
« في: 12:50 06/09/2009  »
الاخ الحبيب مبقى شي ممكن اتزودنا (بارقام الIOM في مصر) الجديدة كلها وشكرا الك

28
الهجرة و واللاجئين / رد: من لديه معلومات
« في: 20:44 04/09/2009  »
 الاخ مشوار اني سمعت موجود ويبقى الى بعد العيد

والفترة بين المقابلة الثانية والوفد متجاوز الشهر انشالله اذا مو اقل حسب... الحظ
اخوك ملك الغربة

29
الهجرة و واللاجئين / رد: IOM عمان ومصر
« في: 20:13 04/09/2009  »


الاخ العزيز كمال الشاطئ والاخ الاريج اشكركم هواي

اخوكم ملك الغربة

30
الهجرة و واللاجئين / IOM عمان ومصر
« في: 20:04 03/09/2009  »
بسم الله الرحمن الرحيم
تحية طيبة

اخواني واصدقائي في المنتدى ارجوا تزويدي بارقام تلفونات IOM مصر وعمان(الاردن) ، اخر تلفونات مع المفاتيح
كل دولة ، الارقام بالتفصيل ، والموقع الالكتروني اذا موجود.


احبكم جدا
اخوكم ملك الغربة

31
الهجرة و واللاجئين / رد: تحديد موعد سفر يوم 31 -8
« في: 10:25 25/08/2009  »
اخي العزيز عاشق الصمت مثل مدا يكولون كل تأخيره بيها خيرة
انشالله تسافر ويصير هذا كلام من الماضي بالتوفيق
اخوك ملك الغربة

32
الهجرة و واللاجئين / رد: شبااااب ارجوكم ساعدوني
« في: 10:21 25/08/2009  »
اخي مهيمن مفتهمت انتة اتريد اتقدم IOM  لو SIV  رجاء وضح حالتك
اخوك ملك الغربة

33
الهجرة و واللاجئين / رد: موقف رائع من الاخ زيد ( نازكول ) وانا في حيرة من امري
« في: 10:19 25/08/2009  »
اخي الحبيب بالتوفيق وهاي مو جديدة على العراقيين لان احنا وهذا مو بس حجي بينا كثير شهامة ونخوة
المهم اخي العزيز انصحك تخابر الاخوان هناك وتشوف منو احسن الك وبالحالتين مراح تخسر شي  انشالله
الله يوفق الجميع وأحنا بهذا الشهر الكريم
اخوك ملك الغربة

34
الهجرة و واللاجئين / رد: اشوكت نخلصصصصصصصصصصصصصصصصصصصصصصصصصصصصص
« في: 10:00 25/08/2009  »
اخي العزيز

طالما انتوا كل واحد في ملف اذن لا يوجد ربط بين الاثنين حتى ولو انتوا قابلتوا بنفس التواريخ
يمكن تطلعلك مباشرة انشالله ويمكن تتأخر عليك لا سمح الله فأنت هيء نفسك لكل شئ
وبالنهاية هية تجي انشالله الموافقة.

اخوك ملك الغربة

35
الهجرة و واللاجئين / رد: جميع الاخوان الذين ينتظرون الموافقة الامنية في سوريا الرجــاء الدخول......
« في: 09:47 25/08/2009  »
مرحبا شباب احب انضم الى هاي الجمعة الحلوة وانا ايضا في سوريا
تحية طيبة ...... أخواني الاعزاء
اني الحمد لله قابلت الوفد الامريكي بتاريخ 4\2\2009 وسويت فحص بتاريخ 11\2\2009 والحمد لله
وبعدين بتاريخ 4\4\2009 طلعت الموافقة والحمد لله. ولكن الغريب انه قالوا لي فقط بقي اجراءات روتينية ولكن لحد الان
لمن يتصلوا بي . علما انه هناك عوائل انقبلوا وياي بنفس الفترة وسافروا؟  الشغلة الجديدة انه اليوم اتصلوا بية وكالوا انريد نحجي وية زوجتك كتلهم تفضلوا ؟ سألوها انتي متزوجة قبل ؟ كالتلهم لا كالوها لعد شسم زوجك الثلاثي وشكد مواليده وشكد مواليدك يقصدون زوجتي؟ بعد مانطتهم التفاصيل كالوا شكرا وراحوا؟
المهم احبائي شو دا اشوف هذه الايام اكو حركة اكول بلكي بشائر رمضان بدأت علينا
ادعوا الله كريم
اخوكم ملك الغربة

36
الهجرة و واللاجئين / رد: السفر راس الشهر منو رايح ويايه لامريكا ؟؟؟؟؟؟
« في: 09:37 25/08/2009  »
اخي العزيز بالسلامة والتوفيق وانشالله تنفتح عليك من اوسع ابوابها
اخي العزيز حبيت بس اكلك لا ترتبك هاي الفترة ولاتنخبص وحاول لاتنسى شي كل الاوراق الثبوتية الجنط الامر كلها رتبها على كيفك وحاول تجاهد نفسك لان اصعب فترة هية الاشهر الاولى
واحنا حاضرين لاي استشارة او مساعدة. ومرة ثانية بالتوفيق

اخوك ملك الغربة

37
مواضيع الحياة العامة في بلاد المهجر (امريكا) / رد: طريقة البحث عن عنوان والوصول اليه في امريكا
« في: 09:23 25/08/2009  »
تسلم ايدك اخي غسان والحلو بالموضوع الشرح مدعوم بالصور اثناء الشرح ربي يوفقك

اخوك ملك الغربة

38
الهجرة و واللاجئين / عضو جديد وشكر لهذا العمل الراقي وسؤال مهم
« في: 11:08 24/08/2009  »
بسم الله الرحمن الرحيم

الاخوة اعضاء المنتدى الكرام ...... شكرا لهذا العمل الجميل والراقي... ارجوا قبولي اخ وصديق وانا حاضر لاي استفسار بخصوص المقابلات وطبيعتها وتفاصيلها...


تحية طيبة ...... أخواني الاعزاء
اني الحمد لله قابلت الوفد الامريكي بتاريخ 4\2\2009 وسويت فحص بتاريخ 11\2\2009 والحمد لله
وبعدين بتاريخ 4\4\2009 طلعت الموافقة والحمد لله. ولكن الغريب انه قالوا لي فقط بقي اجراءات روتينية ولكن لحد الان
لمن يتصلوا بي . اخواني الا تعتقدون انه طولت كثير لو عادي ؟ علما انه هناك عوائل انقبلوا وياي بنفس الفترة وسافروا؟ اخواني ارجوا الي مر او عندة معلومات على هاي الحالة مساعدتي ولكم جزيل الشكر. الشغلة الجديدة انه اليوم اتصلوا بية وكالوا انريد نحجي وية زوجتك كتلهم تفضلوا ؟ سألوها انتي متزوجة قبل ؟ كالتلهم لا كالوها لعد شسم زوجك الثلاثي وشكد مواليده وشكد مواليدك يقصدون زوجتي؟ بعد مانطتهم التفاصيل كالوا شكرا وراحوا؟ شنو هاي الشغلة
اخوكم ملك الغربة

صفحات: [1]