عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - صوفيا

صفحات: [1]
1
الهجرة و واللاجئين / رد: مساعدة لليعايشين بمريكا اني استلمت الفيزا يوم 14 بهذا الشهر
« في: 22:08 24/02/2012  »
السلام عليكم
اخي العزيز
اولا الف الف مبروك على استلامك للفيزه وانشاء الله السفر القريب
ثانيا اخي انت من توصل هنا بعد انت انسان حرررررررررررر منو راح يسألك على شهادتك واذا مخلض اعداديه او لا هذا موضوع شخصي بحت وحتى اذا ردت تكمل دراسه هنا همينه محد راح يسألك وين شهادتك مال الاعداديه من العراق همه راح يعتمدون على كلامك من تقدم على دراسه جامعيه وكلامي هذا من خبره صارت ويايه اني هنا
اني خريجه كليه من بغداد ومجبت ويايه اي شهاده من العراق وحاليا دا ادرس كليه هنا بامريكا ومن قدمت محد طلب مني اجيب اي شهاده من العراق بس سألوني شنو مخلصه دراسه بالعراق وكتلهم وعلى هذا الاساس كملت اوراقي مال الكليه
فلتخاف ولتفكر بهاي الامور وانشاء الله تتيسر كل امورك والسفر القريب

اختك صوفيا

2
الهجرة و واللاجئين / رد: اشتياق و سؤال جدا جدا مهم اهم من اشتياقي لكم و عاجل و مهم فيزه الهجره و فيزا الزياره
« في: 20:13 24/02/2012  »
السلام عليكم
اخي العزيز
ردا على سؤالك هو نعم تكدر تقدم على فيزا زياره لامريكا لكن عليك بتوفير الشروط المطلوبه لفيزا الزياره وهي اولا مثل ما تفضل الاخ tamata اثبات للقسم القنصلي بالسفاره الامريكيه بانك ماعندك النيه للهجره وهاي من الممكن ان تصبح نقطه مو بصالح ملف الهجره مالتك وثانيا تقديم اثباتات بنيه عودتك بعد انتهاء مده فيزا الزياره واللي هيه سند ملكيه عقار بأسمك ببلدك اللي تنوي التقديم منه ثالثا اثبات على عمل ثابت الك بالبلد اللي تنوي التقديم منه يعني انه تكون موظف في مكان ما في بلدك لان هذا يعتبر اثبات على نية عودتك لبلدك
رابعا واخيرا طبعا هذا مو كلامي اني هذا جواب من محامي امريكي لان اني مريت بظروف مشابهه للتقديم لاحد افراد عائلتي بالعراق واني بنفس الوقت مقدمتله على فيزه هجره وكان جواب المحامي انه مينصحني بهذا الشي لان مو بصالح ملف الهجره مالت اخويه بالعراق لان حتى اذا وفر كافة الشروط فلازم وراها يرجع للعراق وراح تكون نقطه مو بصالحه للهجره مستقبلا وهو تعرف المسأله مو مسألة 140 دولار المسألة مابعد ذلك شراح تسوي اذا انت تريد تفكر على صعيد المستقبل الطويل مو مجرد 3 اشهر سياحه وبعدين ترجع لان وره ماتعيش هنا بامريكا راح تلكيها كلش صعبه ان تتأقلم مره ثانيه مع الحياة بالعراق او اي دوله عربيه اخرى
اتمنى اكون جاوبت على استفسارك

التوفيق من الرب
اختك صوفيا

3
الهجرة و واللاجئين / رد: سؤال لمن عرف ارجوكم
« في: 01:22 18/02/2012  »
اخي العزيز
بالنسبه للـ SIV فماعندهم اي لقاحات او حبوب قبل السفر بس الظرف الاصفر والاشعه لازم تاخذها وياك من تسافر
علما انه اللقاح الوحيد اللي كانوا يعطوه للـ SIV هو لقاح الفلونزا وكان اختياري مقابل فلوس مو مجاني وعلما ايضا انه الشخص البالغ من العمر اكثر من 18 سنه يعني ما راح يروح مدرسه بامريكا فميحتاج اي لقاحات هنا بداخل امريكا اما اذا عندك اطفال باعمار المدارس وبغض النظر عن اي لقاح اخذوه بحياتهم او قبل سفرهم فهو غير معترف بيه وراح المدارس تطالبك بسجل لقاحاتهم من الولايه اللي راح تسكن بيها بامريكا يعني لازم تاخذ اطفالك للطبيب وتنطيهم كل اللقاحات من جديد وحسب جدول الطبيب ينظمه الك يعني ما راح ياخذون كل اللقاحات بنفس اليوم وراح الطبيب ينطيك سجل باللقاحات معنون للمدرسه وهاي شغله كلش سهله اما للكبار فغير مطالبين بأي لقاحات هنا باعتبارهم عبروا مرحله اخذ اللقاحات
انشاء الله يسهل امرك وسفرك
واسفه اذا طولت عليك

اختك صوفيا

4
الهجرة و واللاجئين / رد: استفسار مهم حول الـ IOM
« في: 23:00 15/02/2012  »
مشكورين اخوتي الاعزاء وبارك بيكم والله ماقصرتوا بالاجابه
بقى عندي سؤال ثاني بخصوص الدوره التثقيفيه هل لازم همينه يسويها لو هاي بس للمقدمين بالدول المجاوره يعني مثلا سوريا وعمان ومصر؟
وانتو بخبرتكم ويه قضايا الـ IOM شكد تطول شغله التجييك الامني تقريبا؟
طبعا ادري اني لحيت هوايه بالاسئله  ;) ;) ;) ;)

اختكم صوفيا

5
الهجرة و واللاجئين / رد: استفسار مهم حول الـ IOM
« في: 22:43 15/02/2012  »
هههههههههههههههه
اشكرك اخويه كرك على التوضيح
ربي يبارك بيك

اختك صوفيا

6
الهجرة و واللاجئين / رد: استفسار مهم حول الـ IOM
« في: 22:27 15/02/2012  »
السلام عليكم اخي العزيز ابو مريومه
انشاء الله انت بخير
اي نعم اني بعدني بولايه واشنطن والحمد لله ولايه زينه ومرتاحه بيها والحمد لله والشكر
انت شنو اخبارك شصار من فيزتك
طبعا اسفه جدا على الانقطاع عن المنتدى لفتره لان تعرف الحياة هنا والمشاغل بس يبقى منتدى عين كاوه بيتنا
اشكرك وتسلم يلرب على الاجابه السريعه

اختك صوفيا

7
الهجرة و واللاجئين / استفسار مهم حول الـ IOM
« في: 20:37 15/02/2012  »
السلام عليكم اخواني بالمنتدى

اني اختكم صوفيا وعندي استفسار كلش مهم لان ماعندي خبره بقضايا الـ IOM بصراحه ومن اقره المواضيع المطروحه بمنتدى الهجره واللاجئين تزيد حيرتي
المهم اني جنت SIV وحاليا صارلي 3 سنوات بامريكا
قدمت على فيزه لاخويه اللي عايش بغداد عن طريق الـ IOM بشهر الثامن 2010 وكملت كل اوراقه المطلوبه للتقديم وره فتره نطوه الكيس نمبر وبنهايه سنه 2011 سوه المقابله الاولى وبعد 3 أيام سوه مقابله المحلفين والفحص الطبي وهسه على بدايه سنه ال 2012 شهر الواحد اجته ايميل تأجيل فاني راسلتهم وردوا لي ايميل كالوا حاليا قضيته بانتظار التجييك الامني
زين اني اقره بالمنتدى على الامنيه ونتيجه المحلفين واستلام الظرف بس ما دا افتهم اي شي عنها يعني شنو استلام الظرف وشنو يعني نتيجه المحلفين يعني هل اخويه همينه لازم يستلم الظرف ونتيجه المحلفين لو شنو
وشنو يعني اجته رساله تأجيل وهمه ايميلهم يكولون بيه بانتظار نتيجه التجييك الامني هل معنى هذا انه هو مرفوض لو شنو ؟
اشكد باعتقادكم اهل الخبره بهذا المجال يطول التأجيل؟
اني جدا اسفه طولت عليكم بسالفتي بس والله تعبت من الانتظار اشو اني بوكتي من قدمت على الـ SIV جانت غير اجرات ومتطول هوايه اشو هسه مغيريها ومطوليها
الله انشاء الله يفرجها على الجميع وكلكم تخلصون وتطلعون وتحققون امانيكم يارب امين

اختكم صوفيا

8
الهجرة و واللاجئين / رد: اخواني العراقيين ارجوكم ساعدوني
« في: 00:31 26/07/2010  »
اختي العزيزة
اني بولاية واشنطن وعندي اجازة سياقة بس قوانين المرور والاختبار يختلف من ولاية الى اخرى واسئلة الاختبار تختلف من كومبيوتر الى اخر يعني الاسئلة متتكرر
بس اكدر افيدج بشغلة وحده اكو بعض الناس ينزلون على الانترنيت بعض الاسئله يسموها فلاش كارد واني دورتلج عليها ولكيتلج هاي بعضها بس مع الاسف هيه بالانكليزي.
What is the proper order for traffic lights from top to bottom? ------ Red, yellow, green.
If a green arrow turns into a green light, you...: ------ May still turn but must yield to oncoming traffic.
A yellow light at an intersection means: ------ SLOW DOWN AND PREPARE TO STOP.
A flashing yellow light means that you should: ------ SLOW DOWN AND PROCEED WITH CARE.
YOU MUST STOP WHEN YOU SEE A: ------ FLASHING RED LIGHT.
A STEADY GREEN LIGHT AT AN INTERSECTION MEANS THAT YOU: ------ MAY DRIVE THROUGH THE INTERSECTION IF THE ROAD IS CLEAR.
A STEADY YELLOW LIGHT MEANS THAT A _____ LIGHT WILL SOON APPEAR. ------ STEADY RED
YOU MAY CONTINUE CAREFULLY THROUGH A YELLOW LIGHT IF: ------ YOU ARE WITHIN THE INTERSECTION.
IF A TRAFFIC LIGHT IS BROKEN OR NOT FUNCTIONING YOU SHOULD: ------ CONTINUE AS IF IT WERE A FOUR-WAY STOP SIGN.
WHEN MAKING A RIGHT TURN ON A GREEN LIGHT, YOU MUST: ------ YIELD TO PEDESTRIANS.
A FLASHING RED LIGHT AT A RAILROAD CROSSING MEANS: ------ STOP, DO NOT PROCEED UNTIL SIGNALS ARE COMPLETED.
WHEN YOU ARE APPROACHING AN INTERSECTION AND A YELLOW LIGHT APPEARS, YOU SHOULD: ------ SLOW DOWN AND PREPARE TO STOP.
This signal means: ------ SLOW DOWN AND PREPARE TO STOP.
A STEADY DOWNWARD GREEN ARROW OVER A TRAFFIC LANE MEANS YOU ------ MAY USE THE LANE.
LANE USE CONTROL SIGNALS _______. ------ SHOW THE SPECIFIC LANES OF A STREET OR HIGHWAY THAT SHOULD BE USED
WHICH SIGNAL MEANS YOU MAY USE THE LANE? ------ A STEADY GREEN DOWNWARD ARROW
YOU MAY DRIVE AROUND THE GATES AT A RAILROAD CROSSING: ------ NEVER.
THIS IS THE SHAPE AND COLOR OF A _____ SIGN. ------ YIELD
WHICH OF THESE SIGNS MEANS THE DRIVER SHOULD KEEP TO THE RIGHT? ------ 2
THIS SIGN MEANS: ------ DO NOT ENTER
This sign means: ------ No u-turn.
THIS SIGN MEANS THAT YOU MAY ------ DRIVE STRAIGHT AHEAD OR TURN LEFT.
IF YOU SEE THIS SIGN ABOVE YOUR LANE, YOU ------ MUST TURN LEFT.

THE ONLY 8-SIDED SIGN YOU WILL SEE ON A HIGHWAY IS A ___________ SIGN ------ STOP

WHICH SIGNS ARE SHAPED LIKE TRIANGLES? ------ YIELD

THE “DO NOT ENTER” SIGN IS USUALLY USED WITH A _________ SIGN. ------ WRONG WAY
THIS IS THE SHAPE AND COLOR OF A _________ SIGN. ------ DO NOT ENTER
THIS SIGN MEANS YOU MAY ------ DRIVE STRAIGHT AHEAD OR TURN RIGHT
THIS SIGN MEANS THAT YOU MAY ------ MAKE A LEFT OR A RIGHT TURN
THIS DIRECTIONAL SIGN IS LOCATED ------ ABOVE THE TRAFFIC LANE
THIS SIGN INDICATES NO: ------ U-TURN

IF YOU SEE THIS SIGN ABOVE YOUR LANE, YOU MAY EITHER ------ DRIVE  STRAIGHT OR TURN LEFT.
IF YOU SEE THIS SIGN ABOVE YOUR LANE, YOU MAY EITHER ------ DRIVE STRAIGHT OR TURN RIGHT
IF YOU SEE THIS SIGN ABOVE YOUR LANE, YOU MAY EITHER ------ TURN LEFT OR TURN RIGHT.
AT A STOP SIGN, IF YOU CANNOT GET A GOOD VIEW OF CROSS-
STREET TRAFFIC WHEN YOU STOP BEHIND THE WHITE STOP BAR PAINTED ON THE PAVEMENT, YOU
SHOULD: ------ PULL FORWARD SLOWLY, CHECK FOR TRAFFIC AND PEDESTRIANS, AND PROCEED WHEN CLEAR.
THIS SIGN MEANS ------ THE ROAD THAT YOU ARE ON INTERSECTS WITH A DIVIDED HIGHWAY.
FROM THE CENTER LANE, WHAT MANEUVERS CAN YOU PERFORM ------ MAKE LEFT TURNS.
THIS SIGN IS USED TO WARN DRIVERS ABOUT ------ ROAD CURVES  AHEAD.

THIS SIGN TELLS YOU THAT: ------ THERE ARE A SERIES OF CURVES AHEAD.
THIS ROAD SIGN INDICATES A ------ SHARP LEFT CURVE AHEAD.
THIS SIGN MEANS ------ SLIPPERY WHEN WET.

THIS SIGN INDICATES THAT ------ THERE IS A STEEP HILL AHEAD.
WHICH OF THESE SIGNS IS USED TO SHOW THE  END OF A DIVIDED HIGHWAY? ------ 1
THIS SIGN IS USED TO WARN DRIVERS ABOUT: ------ LANE ENDS, MERGE LEFT.

THIS SIGN SHOWS ONE TYPE OF ------ INTERSECTION.

A HIGHWAY WITH TWO-WAY TRAFFIC IS MARKED BY WHICH OF THESE SIGNS? ------ 3
THIS SIGN SHOWS ONE TYPE OF ------ INTERSECTION.

THIS SIGN MEANS ------ DIVIDED HIGHWAY BEGINS.
WHICH OF THESE SIGNS IS USED TO WARN DRIVERS OF A SERIES OF CURVES AHEAD? ------ 1
THE TYPE OF SIGN WITH THIS SHAPE IS A _________ SIGN ------ Warning.
WHICH OF THE FOLLOWING DESCRIBES A WARNING SIGN? ------ DIAMOND-SHAPED SIGNS THAT ARE COLORED YELLOW AND BLACK
WHICH OF THESE SIGNS MEANS THAT THE RIGHT LANE ENDS? ------ 4
THIS SIGN SHOWS ONE TYPE OF ------ INTERSECTION.
WHEN YOU SEE THIS SIGN, IT MEANS ------ THE ROAD IS CURVING SHARPLY TO THE LEFT.

WHEN YOU SEE THIS BLACK AND YELLOW SIGN, IT MEANS: ------ SLOW DOWN BECAUSE THE ROAD AHEAD CHANGES DIRECTION AT AN EXTREME ANGLE.
WHAT SHOULD YOU BE MOST CONCERNED ABOUT WHIN YOU SEE THIS SIGN? ------ LOSING CONTROL OF YOUR VEHICLE, IF YOU DRIFT ONTO THE
SHOULDER, BECAUSE OF A DROP OFF.
WHAT IS THE MEANING OF THIS SIGN? ------ THERE IS A TRAFFIC SIGNAL AHEAD.

THIS SIGN MEANS ------ FLAGGER AHEAD.
WORK AREA AND CONSTRUCTION ZONE SIGNS ARE ------ ORANGE AND BLACK.
THE PURPOSE OF ORANGE AND BLACK DIAMOND-SHAPED SIGNS IS ------ TO TELL YOU THAT THERE IS ROAD WORK AHEAD.
THIS SIGN MEANS THAT ------ WORKERS ARE ON OR VERY CLOSE TO THE ROAD IN THE WORK
ZONE AHEAD.

WHEN AN ARROW PANEL IN A WORK ZONE SHOWS EITHER OF THE FOLLOWING PATTERNS, IT MEANS: ------ DRIVE WITH CAUTION.

THE CENTER LANE IN THE ILLUSTRATION IS USED FOR: ------ LEFT TURNS ONLY.
YOU MAY PASS IF THE LINE DIVIDING TWO LANES IS A _________ LINE. ------ BROKEN WHITE
اتمنى الموفقية
                                   

9
الهجرة و واللاجئين / رد: ارجوا المساعدة من خبراء ال siv رجاءا
« في: 20:42 15/06/2010  »
اخوية العزيز محمد
مو المهم يم نادر او غيره المهم مثل ما كالت الاخت سرى انه تكون ترجمه قانونية يعني المكتب اللي ترجملكياها يختمها بختم المكتب الانكليزي اللي يأكد انه مكتب ترجمه قانونية هاي شغلة والشغلة الثانية هل انت متأكد انه الـ NVC استلموها لو لا يعني هل استلمت اوتوربلاي بعد ارسالك للوثائق لان من المحتمل انه حجم الملف المرسل كبير وبهذه الحالة ميكدرون يستلموه .
من الرب التوفيق
صوفيا

10
مواضيع الحياة العامة في بلاد المهجر (امريكا) / رد: السلبيات الي يتعرضلها اللاجئ والمهاجر الى الولايات المتحده
« في: 21:57 04/06/2010  »
اخي العزيز ابو عبد الله التكساسي
كل اخواني واخواتي اللي شاركوا بهذا الموضوع
اني اسكن ولاية واشنطن على برنامج الـ SIV واستلم مساعدات من الولفير يعني خالي خال اللاجئ واحنه عائلة بس المدكيد يغطي كافة تكاليف علاج الاسنلن من قلع السن والحشوة العادية وحشوة الجذر وتقويم الاسنان يعني جسر وتنظيف الاسنان بالاضافة الى عمليات جراحية اذا طبيب العائلة شخص انه تحتاج عملية لان تقريبا كملت كل اسنان اطفالي ( قلع وتنظيف وحشوة وحشوات جذر وهسه مرحلة الجسر وعدنه موعد عليها نفس الشي بالنسبة لابني لان عنده موعد عملية طهور واللي هيه طبعا بنج عام بالاضافة الى انه سويت اسنان يم طبيب اختصاص اطفال وهذا همينه بنج عام لان مثل متعرفون يعاملون الاطفال معاملة خاصة هنا .
بالنسبة لموضوع العمل وخاصة اصحاب الخبرة مثل الحلاقين او مصنعين الاسنان او النجارين وغيرهم من الحرفيين فنفس الولفير عندهم برنامج اسمه work first واللي يخلون اللاجئ بدورات تدريبية ويدفعون نص راتب ويزودوك بنهاية الدروة بشهادة خبرة تشاعدك للحصول على عمل ونفس الشي للكليات والجامعات حاليا اني ادرس criminal justice / correction officer بجامعة بيرس لمدة سنتين مدفوعة الثمن من قبل الولفير برنامج work first
بس ما اعرف اذا هو نفس القانون بالنسبة لبافي الولايات او لا.
اتمنى الموفقية للجميع
صوفيا

11
الهجرة و واللاجئين / رد: تسريع بمعاملات ال SIV في شهر ............
« في: 05:52 15/05/2010  »
الف شكر اخي العزيز
وانشاء الله تكون هاي الاخبار مظبوطة لان اني هم عندي صديق نايمه عليه الطابوكة بمرحلة الابروفل بالعراق
ارجو تزويدنا باي معلومات اضافية اذا حصلت بخصوص هذا الموضوع
اختك صوفيا

12
الهجرة و واللاجئين / رد: اخواني الاعزاء حصلت على عمل
« في: 05:48 15/05/2010  »
الف مبروك اخي العزيز وربي يوفقك
هيه بداية زينة وانشاء الله الجايات تكون افضل دائما اول عمل بامريكا ميكون مثل ماتريد وانشاء الله تحصل على فرصة عمل بمهنتك اللي ترغبها
اختك صوفيا

13
الهجرة و واللاجئين / رد: سوال نوع ما محرج بس يهمني
« في: 02:34 15/05/2010  »
اخي العزيز
الحالة الوحيدة اللي ممكن انه تنرفض بسببها هيه الامراض المعدية الجلدية وامراض الدم المعدية اما الامراض الاخرى فلا تؤثر على سير قضيتك من قبول او رفض ومثل ما تفضلوا الاخوان بالمنتدى ثلاثة ارباع الشعب الامريكي يلبسون نظارات طبية وانشاء تنقبل وتجي لامريكا وتحقق كل امانيك
ربي يوفقك
صوفيا

14
الهجرة و واللاجئين / رد: سؤال
« في: 02:17 15/05/2010  »
اختي العزيزة نور
قبل متسافرين لاي مكان خارج امريكا لازم تقدمين على re-entery usa يعني لازم تخاطبين الـ USCIS وتملن استمارة الـ I-131 وبهذه الاستمارة راح يزودوج بوثيقة سفر الى خارج ومن ثم الى داخل الولايات المتحدة وبالنسبة للجواز S لايزال ساري المفعول بسوريا
من الرب التوفيق
صوفيا

15
الهجرة و واللاجئين / رد: إستفسار عن الـ SIV لأهل المعرفة والخبرة
« في: 01:50 15/05/2010  »
اخوية العزيز بغدادي 76
عندي صديق كان مقدم على الـ SIV وواصل لمرحلة المقابلة وفعلا كمل مقابلته وقبل استلامه للفيزا اتزوج بنيه لبنانية وبدأ يقدم اوراقها ملحقا بقضيته وبعدين هو اخذ الفيزا وراها بشهر سوت هية مقابلتها واستلمت الفيزه وطاروا سوه
يعني تكدر هسه تكمل اوراقك لحد ما تتزوج وتقدملها لان اوراق زوجتك راح تكون معاملتها بالسفارة وما الها اي علاقة بالـ NVC لان هية مشتغلت ويه الامريكان هية مجرد ملحق بقضيتك وبهاي الحاله راح تكسب وقت بقضيتك احسن من التعطيل بدون سبب.
ربي يوفقك ومبروك مشروع الزواج
صوفيا

16
الهجرة و واللاجئين / رد: كيف تصبح مترجم قانوني في امريكا
« في: 04:45 13/05/2010  »
مقتبس من: (بغدادي) في 10:43 12/05/2010
مشكورة اخت صوفيا عالموضوع القيم وبارك الله بيج..عندي استفسار بسيط يخص المصطلحات الطبية وطبيعتها يعني حضرتج كلتي دزولج نسخة من المصطلحات ومنهج الامتحان فهل تقصدين بعثولج المنهج كامل اللي تدرسي قبل الامتحان لو درستي اونلاين؟ يا ريت توضحين هالفقرة وعاشت ايدج..بالنسبة لكاليفورنيا ما كدرت الكي اللنك الخاص بيهة..

بغدادي
السلام عليكم اخويه بغدادي
بالنسبة للمنهج همه يدزولك كتيب بيه كل المصطلحات والمادة الخاصة بالامتحان ومتحتاج تدرسها اون لاين لان همه يدزولك كل شي بالاضافة الى نموذج من الاسئلة اللي ممكن تمر عليك بالامتحان مع الاجوبة وطبعا تتضمن المصطلحات الطبية وغيرها.
بالنسبة لولاية كاليفورنيا البرنامج بيها يختلف شوية يعني اذا تريد تكون مترجم قانوني بالمحاكم او السجون او مراكز الشرطة فلازم تسوي امتحان بهذا الخصوص بس وهذا اللنك راح يفيدك
http://www.courtinfo.ca.gov/programs/courtinterpreters/
وراح احاول الكيلك اللنك الخاص بالعمل الطبي بولاية كاليفورنيا
ربي يوفقك
اختك صوفيا

17
مواضيع الحياة العامة في بلاد المهجر (امريكا) / رد: ماذا تعمل في اميــــــــــــــــــــــــــــركا ؟
« في: 04:17 13/05/2010  »
اخي ابو راشد
اني بولاية واشنطن مدينه سياتل زوجي حاليا متقاعد من الجيش الامريكي وراح يبدأ شغله الجديد قريبا
بالنسبة اللي اني اخذت شهادة كمترجمة قانونية بولاية واشنطن ودا انتظر الشركة تنسبني لمكان عمل اللي وبنفس الوقت دا ادرس criminal justice بجامعة بيرس وبنفس الوقت اني استلم مساعدات الولفير وصارلي ثلاثة شهور بامريكا.
اتمنى اكون فدتك بالاحصائية
ربي يوفقك
صوفيا

18
الهجرة و واللاجئين / رد: اخواني الاعزاء سئوال واريد اجابة مشكوريين مقدما
« في: 04:05 13/05/2010  »
اخوية العزيز
اذا خالتك تريد تسافر لمصر وترجع ورة فترة لامريكا فلازم تملي استمارة I-131 واللي هيه Travel Document وبهاي الحالة تكدر ترجع بعد ستة اشهر او سنه لامريكا اما اذا متريد ترجع لامريكا فمتحتاج ان تملي هاي الاستمارة بس لازم تحجز وتسافر
هذا اللنك راح يفيدك ويشرحلك التفاصيل بالكامل
http://www.uscis.gov/USCIS/New%20Structure/3rd%20Level%20(Left%20Nav%20Children)/Resources-3rd%20level/How%20Do%20I%20Guides/D4en.pdf

من الرب التوفيق
صوفيا

19
الهجرة و واللاجئين / رد: تعديل/ جمعية ما بعد المقابلة SIV
« في: 07:38 12/05/2010  »
اخوية العزيز
مواعيد اصدار الفيز تختلف من شخص الى اخر
المهم اني استلمت الفيزا بعد خمسة ايام من مقابلتي وسافرت بعد شهر من استلام الفيزا على برنامج المساعدات علما اني SIV واحنه عائلة مع اطفالي وعندي صديق استلم الفيزه بعد 82 يوم من مقابلته بالضبط فيعني ماكو مدة محددة
اتمنالك التوفيق
اختك صوفيا

20
الهجرة و واللاجئين / رد: شنو الحل
« في: 07:18 12/05/2010  »
اخويه العزيز
مثل ما تفضلت الاخت سرى انت من قدمت على الاسوشيل نمبر المفروض تكون استلمت وصل يثبت تقديمك وبنفس الوصل مدة الاستلام واللي هيه متتجاوز الاسبوعين بنفس الوقت هذا الوصل يفدك باي تقديم لان يثبت انه انت مقدم للحصول على الاسوشيل نمبر
النقطة الثانية ممكن تاخذ هذا الوصل وتروح لاي مكتب اسوشيل كارد قريب عليك وهمه يدققون وين المشكلة شنو سبب التأخير
من الرب التوفيق
صوفيا

21
الهجرة و واللاجئين / رد: سئوال وارجو الاجابة
« في: 07:07 12/05/2010  »
اخوية العزيز
بالنسبة لللاجئ من حقه ان يقدم للحصول على الكرين كارد بعد قضاء لمدة 365 يوم يعني سنه في الولايات المتحدة الامريكية وبالنسبة شكد تطول المدة فمثل ما تفضلت الاخت انجي كل معاملة الها ظروفها وماكو مدة معينة لاكمال المعاملة
واتمنى هذا النك يفيدك
http://www.uscis.gov/portal/site/uscis/menuitem.eb1d4c2a3e5b9ac89243c6a7543f6d1a/?vgnextoid=4886a6c515083210VgnVCM100000082ca60aRCRD&vgnextchannel=4886a6c515083210VgnVCM100000082ca60aRCRD

والتوفيق من الرب

اختك صوفيا

22
الهجرة و واللاجئين / كيف تصبح مترجم قانوني في امريكا
« في: 06:53 12/05/2010  »
السلام عليكم اخواني واخواتي بالمنتدى
اليوم حبيت اشارككم فد موضوع اعتقد انه مهم لاغلبية الاعضاء خصوصا الـ SIV لان اغلبهم كانوا مترجمين
موضوعي هو شلون تكون مترجم قانوني ومحترف بالولايات المتحدة الامريكية
الموضوع جدا بسيط ومينرادله شي هو عبارة عن امتحان لغة عربية وانكليزية الامتحان نوعين الاول للمصطلحات الطبية والتمريض والثاني بخصوص الشؤون المدنية
لازم نقوم بملئ استمارة طلب الامتحان على عنوان موجود على الاستمارة نفسها عن طريق البريد وبعد ايام راح يدزولكم رساله يحددون بيها يوم الامتحان ومنهج الامتحان يعني المصطلحات مع نموذج من الاسئله اللي راح تواجههوها بالامتحان
بعد اجراء الامتحان ينطونا النتيجة خلال مدة تقريبا اسبوع بالبريد مع تحديد موعد لاستلام الشهادة اللي تثبت انه انت مترجم قانوني ويحولون اوراقك الى احدى شركات التوظيف حتى توزكم على اماكن العمل مثلا المستشفيات او المحاكم او مراكز الشرطة او السجون اقصد الاماكن اللي يحتاجون بيها مترجمين لغة عربية
علما انه الامتحان جدا بسيط بالاضافة انه مدعوم من قبل منظمة الـ DHSH واللي ممكن ايضا ان نحصل شغل مع الولفير نفسها
هذا التقديم يكلف مبلغ 40 دولار فقط وترسل بصك على نفس العنوان مع الاستمارة
اخوان اني دا احجيلكم عن طريق تجربتي الشخصية
اني بولاية اشنطن سياتل وكملت هذا الامتحان واجتازيته والحمد لله والان دا انتظر اتصال من الشركة حتى يحددون مكان العمل وهذا الشي يعني بعد منحتاج ان نرسل سيرة ذاتيه للتقديم على العمل بالاضافة الى كون هذا العمل كترجمه بيه مساعدة هوايه لاهلنا واخوتنا العراقيين اللي ميكدرون يتحدثون اللغة الانكليزيه
هذا الرابط راح يوضحلكم كلشي http://www.dshs.wa.gov/ltc/ وحتى  تلكون بيه مواضيع الامتحان والكتاب الخاص باختصاص الامتحان
هذا الرابط التالي راح تلكون عليه الاستمارة اللي لازم تملونها وترسلوها بالبريد على نفس العنوان المذكور بالاستمارة http://www.dshs.wa.gov/pdf/ms/forms/05_218.pdf
اخواني بقى شي واحد احب انبهكم عليه هو انه هذا الموقع هو لولاية واشنطن فبالنسبة للولايات الاخرى لازم تغيرون بس اول حرفين من اسم الولاية كلما حسب ولاية
اتمنى ربي يوفقكم واتمنى اكون فدتكم بش بسيط
اختكم صوفيا

23
الهجرة و واللاجئين / رد: حصلت الكرين كارت اشلون اقدم على اي او ام لاهلي
« في: 09:16 10/05/2010  »
السلام عليكم
اخوية العزيز الطريقة اللي كتلك عليها تطول بحود الثلاثة شهور وتعتمد على ترجمة الاوراق واذا الجوازات جاهزة لو لازم اصدار جديد
وعندي صديق قدم لزوجته لان هو نفس حالتك تزوج بعد استلامه للكرين كارد وكانت اوراق زوجته كاملة وجوازها جاهز وهو ترجم كل اوراقها بالعراق وقدملها خلال وجوده بالعراق وشغلته طولت شهر ونص وسافروا اثنينهم على نفس الطيارة لامريكا.
اتمنى جاوبتك على السوال واني حاضرة لاي معلومه اكدر عليها
صوفيا

24
الهجرة و واللاجئين / رد: سؤال للي يكدر ايكلنا على اجابته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
« في: 01:57 08/05/2010  »
السلام عليكم
اخويه العزيز
اني مريت بنفس التجربه ونفس جدول الرحلات بس بشهر الثاني 2010 المهم اخويه العزيز المسافر اذا كان اس اي في او اي او ام فراح يحطوه بمنطقة الترانزيت بالمطار واللي ما ممكن تغادرها لاي سبب من الاسباب فقط للطيارة واللي هية عبارة عن مساحة حواي 200 متر بيها مقاعد ومطاعم وتواليتات ومكان للتدخين وبس ومامسموح للمسافر ان يغادرها لاي سبب. علما انه اني عندي اطفال وحاولت نفس المحاولة وكلولي ممنوع.
ارجو ان وصلتلك الفكرة.

25
الهجرة و واللاجئين / رد: حصلت الكرين كارت اشلون اقدم على اي او ام لاهلي
« في: 01:01 08/05/2010  »
السلام عليكم
اخويه العزيز اللي راح اكللك اياه حصلته عن طريق خبرة لان اني دامشي بنفس المعاملة لوالدتي واخويه
المطلوب منك ان ترسل عقد زواجك وجنسية زوجتك واخوك وجنسيتك بعد ترجمتها مع نسخة من فيزتك الى العنوان التالي baghdadinfocenter@iom.int وتطلب منهم ان يضيفون زوجتك واخوك على الكيس مالتك وتبلغهم ان انت عندك كرين كارد ورقم مدني .
وربي يوفقك لتحقيق الاماني
صوفيا

26
الهجرة و واللاجئين / شلون اسحب اهلي
« في: 03:42 28/04/2010  »
السلام عليكم اخواني واخواتي الرائعين في هذا المنتدى
بأختصار اني SIV وعندي كرين كارد وطبعا رقم مدني واريد اسحب الوالدة واحد من اخواني وما اعرف شلون
ارجو من اهل الخبرة مساعدتي.
اختكم صوفيا

27
الهجرة و واللاجئين / منو راح يطير ويايه يوم الثلاثاء القادم
« في: 22:02 28/02/2010  »
السلام عليكم اخواني بالمنتدى
الحمد لله والشكر اني راح اطير يوم 2\3\2010 يعني يوم الثلاثاء القادم SIV بس طيعا على برنامج المساعدات واتمنى لكل اعضاء المنتدى الرائع التوفيق وتحقيق الاماني والوصول الى هدفهم .
بقى عندي سؤال واحد .... منو راح يطير ويايه ؟ منو راح يسافر نفس الموعد ؟
اختكم صوفيا

28
الهجرة و واللاجئين / سؤالي عن مدة تحديد موعد السفر
« في: 12:23 12/02/2010  »
السلام عليكم اخواني واخواتي بمنتدى عين كاوة الرائع
اخوان عندي سؤال عن المدة لتحديد موعد السفر بالنسبة لجماعة الـ SIV لان اني الفيزة مالتي صدرت بتاريخ 3\1\2010 واستلمتها بتاريخ 9\1\2010 وبنفس الوقت اني مقدمه على البنفت وعندي IZ نمبر قبل اسبوع تقريبا احدى المنظمات بامريكا اتصلوا بالكفيل مالتي ودزوا عليه حتى يوقعلهم الاوراق وفعلا وقع الاوراق المطلوبه وطلبوا منه ان يبدأ يدورلي على سكن وبالفعل دورلي وبلغهم بالعنوان مال السكن وكللوله اخنه نبلغك على موعد الوصول لامريكا حتى ينتظرني بالمطار ولحد الان ماكو شي منهم يعني لحد الان متصلوا بيه ولا حددولي موعد سفر
عفيه اريد اعرف شكد المدة لتحديد موعد السفر علما انه احد اصدقائي استلم الفيزة مالته قبلي بيومين ودزلهم اوراقه لطلب البنفتس فبلي بيومين وحاليا حددوله موعد سفر
شكرا للمساعدة
صوفيا

29
الهجرة و واللاجئين / رد: حالات رفض معاملة الـSIV عند المقابلة الاخيرة
« في: 21:54 21/01/2010  »
السلام عليكم اخواني
بخصوص موضوع الرفض اني اعرف ولد شخصيا تم رفضه بعد اتمام مقابلته بالسفارة باربع اشهر انتظار وكان هو مطرود من عمله بسبب مشكلة كان هو السبب بيها .
تقبلوا مروري
اختكم صوفيا

30
الهجرة و واللاجئين / رد: شكد يطول الرابسنت الى ان يجاوب
« في: 12:43 22/11/2009  »
اخويه العزيز مازولا
فترة الانتظار هذه غير معلومة تعتمد على الولاية اللي انت رايحلها وعلى الزخم على هذه المنظمات التي تتعامل مع برنامج الهجرة واللاجئين وهيه هوايه منظمات فالمفروض الربسنت يلكون منظمة تقبل قضيتك بس اكو شغلة لازم تعرفها انه شكد مايتاخرون بالرد بس لازم يوفرولك سفر قبل انتهاء مدة الفيزا مالتك لان ماكو تجديد للفيزا المهم اخوية اكو ناس سافروا بعد استلامهم للفيزا بمدة قصيرة جدا واكو ناس سافروا قبل انتهاء مدة الفيزا بايام قليلة وانشاء الله يكون حظك حلو وتحصل على منظمة تقبل قضيتك بسرعة
بس اكلك فدشي انت تكدر تدزلهم ايميل وتذكرهم بموعد انتهاء الفيزا مالتك حتى يثبتون عندهم انه موضوعك مستعجل اذا مدة فيزتك رح تخلص قؤيبا
اختك صوفيا

31
الهجرة و واللاجئين / رد: Who is waiting interview??
« في: 12:33 22/11/2009  »
اخويه العزيز اولا اهلا وسهلا بيك بالمنتدى
ثانيا اني اوراقي مثلك بحر الظلمات من تاريخ 29 أكتوبر ولحد الان وكل اللي استلمته منهم انه اوراقي كامله بس تحتاج الى مراجعة ادارية وبعدني انتظر والله كريم بس اني طلبت من الكفيل مالتي بامريكا ان يتصل بيهم تلفونيا ويسالهم بالفعل اتصل بيهم قبل يومين وكالوله انه رح يحددولي موعد مقابلة خلال 6 او اربع اسابيع من تاريخ اكتمال اوراقي يعني من تاريخ 29 أكتوبر وانشاء الله خير فنصيحتي اللك ان تتصل بيهم هاتفيا وتسال عن قضيتك واذا امورك عدلة او كفيلك خوش ادمي فيكدر يجيبلك محامي خاص يموصوع الهجرة ياخذ على الساعة مبلغ 125 $ لاكمال معاملتك مع مركز الفيزا الوطني
واني بالخدمة لاي تفاصيل اضافية
اختك صوفيا

32
الهجرة و واللاجئين / رد: اجور الفحص والمقابلة لجماعة SIVرجاءا مساعدة
« في: 12:25 22/11/2009  »
اخويه العزيز ابو رامي
اذا انت من المتقدمين على برنامج الـ SIV فهنالك طريقتين للفحص الطبي الاولى وهي ان تسوي الفحص الطبي في مركز ابن البيطار هناك قسم خاص لفحص المقدمين على اللجوء وهذوله فحصهم مجاني واللي مقدمين على الهجرة فهذولة فحصهم يكلف 210 $ للبالغ وهو اكبر من 16 سنه و130 $ للقاصر وهم اصغر من 16 سنه وهذه لازم تسوي بيها صك من اي مصرف ويسوللك الفحص على ايام متعددة يعني ميخلص فحصك واستلامك للنتيجة بنفس اليوم
اما الطريقة الثانية وهي ان تسوي الفحص الطبي بمركز الشفاء الطبي في داخل المنطقة الخضراء مفقابل مجمع القادسية السكني فهذه الطريقة تكلفك مبلغ 175 $ نقدي يعني بدون صك يعني تاخذ فلوسك وياك وهناك يستلموها منك وينطوك وصل استلام ويكملون فحصك بنفس اليوم وينطوك النتيجة بيدك حتى تكون جاهزة عندك يوم المقابلة حتى تاخذها وياك ورح تلكي بالايميل اللي دزولك اياها تفاصيل الدخول للمنطقة الخضراء لغرض الفحص الطبي يعني همه يوفرولك اسكورت ياخذك ويجيبك واذا ما عندك ارقام التلفونات لغرض الاتصال لتحديد موعد فحص فتني اكدر ادزلك اياها من عيني .
اتمنالك التوفيق ويوم انشاء الله تاخذ الفيزا وتحقق امانيك وامنيات العائلة
اختك صوفيا

33
الهجرة و واللاجئين / رد: موضوع مهم اتمنه اتساعدوني بيه لان صراحه عاجر ن التفكير اتمنه اتساعدوني
« في: 11:19 21/11/2009  »
اخويه العزيز
مثل ما كالولك الاخوان اذا انت مكمل مدة عمل مع القوات الامريكية لمدة سنه فتككدر تكمل اوراقك من البيت
بالمناسبة عندي اختي عندها مدة عمل اكثر من سنه وتركت العمل وياهم وكملت اوراقها من البيت وهيه حاليا بكاليفورنيا واني ايضا عندي مدة عمل مايقارب الخمس سنوات وحاليا تركت العمل وياهم ودانتظر مقابلتي .
اتمنى اكون جاوبتك على سؤالك
اختك صوفيا

34
الهجرة و واللاجئين / رد: مساعدة مستعجلة لاخوكم روس ابن العراق
« في: 14:05 20/11/2009  »
اخويه العزيز روس
اكو منظمة اسمها لوثرن لان اني عندي اختي وعائلتها بكاليفورنيا وهاي المنظمة تدفع اللهم الايجار وراتب شهري 500 دولار لكل نفر بالاضافة الى الفود ستامب والمساعدات الاخرى بس اللي صار وياها انه هاي المنظمة دفعت ايجار اول شهر بمبلغ 550 دولار اول شهر من وصولهم وبعدين قدمتلهم على برنامج الولفير واللي همه حاليا يستلمون كل المساعدات منهم وانشاء الله ادزلك عنوان هذه المنظمة اليوم اذا تحب صديقك ممكن يتصل بيهم بس اتمنى مياخزون سفرك اذا غيرت المنظمة حاليا.
اختك صوفيا

35
الهجرة و واللاجئين / رد: صوره قيد 57 ارجو الاطلاع و المساعده
« في: 13:39 20/11/2009  »
اخوية العزيز
سوي مثل ما كلك اخونا ross بالتوفيق
اني سويت نفس الشي وترجمت صورة القيد بمكتب ترجمة نادر ودزيتها وقبلوها مركز الفيزا الوطني
ترجمها ودزها ولاتخاف .
اختك صوفيا

36
الهجرة و واللاجئين / رد: الى خبراء ال SIV
« في: 13:28 20/11/2009  »
اخوية العزيز
اي واحد يقدم على الـ COM رح يدزوله كيس نمبر يبدي بالحروف NVC والفائدة الوحيدة لهذا الرقم هو انه تكدر تستخدمه بايميلاتك الهم في حالة تأخر الحصول على الـ COM وبعد هذه المرحلة وحصولك على الكوموبروفل رح تبدي بمرحلة جديدة وهي ارسال اوراقك الى نبراسكا حسب التعليمات اللي رح يدزولك اياها بهذه المرحلة رح يدزولك رقم الاستلام واللي تكدر تستخدمه اونلاين لمتابعة اخر التطورات بخصوص قضيتك ولاي مرحلة وصلت وطبعا رح يبلغوك بريديا ايضا بحصولك على الموافقة لاستمرار قضيتك لمرحلة جديدة وهي مرحلة الـ NVC وهنا يالله رح تحصل على الكيس نمبر المهم واللي رح يبقى وياك لاخر دقيقة حتى بالمقابلة والفحص الطبي هذا الرقم يبدي بالحروف BGH .
اتمنالك التوفيق ولتخاف بس ابقى على متابعة وياهم ودزلهم التصحيحات اللي طلبوها منك .
اختك صوفيا

37
الهجرة و واللاجئين / سؤال عن بحر الظلمات
« في: 17:01 18/11/2009  »
السلام عليكم اخواني واخواتي بالمنتدى
الرجاء منو يكدر يكللي شكد تطول مدة بحر الظلمات اللي هيه المرحلة في الـ NVC لتحديد موعد المقابلة في السفارة الامريكية في بغداد لبرنامج الـ SIV علما انه احنه عائلة تطونة من خمس اشخاص .
اختكم صوفيا

38
الهجرة و واللاجئين / شكد تطول المدة لاستلام فيزا الـ SIV
« في: 16:29 14/11/2009  »
اخواني واخواني الاعزاء
اول شي احب اشكر كل الاعضاء المحترمين على اسلوبهم الرائع وتعاونهم لمنفعة الاخرين
اليوم عندي سؤال يخص احد الاخوان والاصدقاء طلب مني ان اعرض استفساره على اهل الخبرة منكم
الولد مقدم عاى برنامج الـ SIV وكمل المقابلة مالته بالسفارة الامريكية بالمنطقة الخضراء بتاريخ 1 اكتوبر واستلموا الجواز مالته ولحد اليوم ماكو لاحس ولاخبر منهم وهو باقي ينتظر بس ميعرف شكد تطول الشغلة لان عنده اصجقاء اخرين كملوا مقابلتهم وراه واستلموا الفيزا مالتهم هو هذا الولد اعزب بس خطيه كلش قلق ومحتار وميعرف شيسوي دزلهم عدة ايميلات والرد دائما يكون انتظر adminstrative proccesing فيريد يعرف يعني شكد تطول هذه الشغلة وينطوه فيزا لو ديلعبون باعصابه
اخوان اهل الخبرة اللي يكدر يساعد بجواب الرجاء ميتأخر
اسكركم اختكم صوفيا

39
الهجرة و واللاجئين / رد: رجاءا ما معنى هذا الايميل من ال siv
« في: 23:21 13/11/2009  »
اخوية العزيز winner
بالتأكيد رح يكونون عائلتي الحلوة والرائعة منتدى عين كاوة اول الناس اللي تعرف باخر التطورات وانت بالتحديد واتمنالك التوفيق يارب وانشاء الله تسمع اخبار حلوة عن قريب بخصوص مقابلتك وانت هم لازم تفرحني .
احتك صوفيا

40
الهجرة و واللاجئين / سؤال محيرني لجماعة الـ SIV ارجو المساعدة
« في: 14:19 13/11/2009  »
السلام عليكم اخواني واخواتي في هذا المنتدى الرائع
وصلتني قبل اسبوع ايميل من الـ NVC يمولون
Your case has been documentarily completed and is currently under review
for administrative processing
لهنا الموضوع اوكي ولازم انتظر منهم تحديد موعد مقابلة بالسفارة الامريكية بغداد هذا الايميل كان بتاريخ 4 \ 11 \2009 ولحد الان مستلمت منهم اي شي بعد علما انه اني مقدمة على برنامج المساعدات الخاص بالـ NVC
البارحة بالليل بتاريخ 12\11\2009 استلمت ايميل من Siv Resettlement Benefits طالبين مني معلومات اضافية على الاستمارة DS234 وايضا بخصوص عنوان الكفيل مالتي بامريكا المهم اني دزيتلهم المعلومات المطلوبة بس بصراحة يا اخوان اني كلش محتارة لان اني بعدني ما عندي موعد مقابلة فشلون جماعة المساعدات يدزون هيج ايميل .
ارجوكم اللي عنده جواب لسؤالي يجاوبني ويريحني من حيرتي , اني متاكدة دائما اني اللكي الجواب الشافي عن طريق هذا المنتدى الرائع .
ربي يوفقكم واشكركم على المساعدة
اختكم صوفيا

41
الهجرة و واللاجئين / رد: الى كل اولادي الاعزاء في هذا المنبر المقدس
« في: 13:07 13/11/2009  »
مية اهلا وسهلا بيج يا امنا الغالية ونشكرج جدا على الكلام الرائع اللي كتبتيلنياه
انشاء الله ربي يسمع دعائك ويحقق امانيك ونبقى اخوه واخوات وابناء وبنات للعراق والك
اتمنى ربي يحقق امنيات كل المشرفين والمساهمين والاعضاء في هذا المنتدى الرائع اللي اعتبره بيتي الثاني اللي يزيل همي من اجد جواب يريح قلبي من اخوة واخوات المنتدى اللي واحد ميعرف الثاني بس جمعنا مصير واحد من خلال عملنا .
ربي يحفظكم
اختكم صوفيا

42
الهجرة و واللاجئين / رد: رجاءا ما معنى هذا الايميل من ال siv
« في: 12:50 13/11/2009  »
السلام عليكم اخي العزيز winner اني نفس حالتك استلمت منهم نفس الايميل بالظبط واخترعت مثلك بالظبط و اعرف شنو القضية مالتهم المهم اني مقدمة على برنامج المساعدات مالتهم وبعد سته ايام من اسلامي لهذا الايميل الغريب اجتني رساله من جماعة الـ SIV يطلبون من عندي معلومات اضافية لاستمارة المساعدات DS234 فبصراحة اني استغربت لان اني بعدني ماعندي حتى موعد مقابلة فشلون يدزولي استفسار على المساعدات المهم اخوية العزيز دزيتلهم المعلومات المطلوبة مني وذكرتلهم تره اني بعدني ماعندي موعد مقابلة باليوم الثاني دزولي نفسهم جماعة الـ SIV ايميل ثاني يكولون شكرا احنا استلمنا المعلومات المطلوبة ونعرف انه انتي بعد ماعندج موعد مقابلة لان عندج نقص بمعلومات هذه الاستمارة
فاني اعتقد انه كان جماعة الـNVC ينتظرون رد من جماعة المساعدات على هذا الموضوع حتى ينطون موعد مقابلة وبعدني دا انتظر والله كريم .
اختك صوفيا

43
الهجرة و واللاجئين / سؤال لجماعة الـ SIV مهم
« في: 12:53 11/11/2009  »
السلام عليكم اخوان واخوات منتدى عين كاوة الرائع
عندي سؤال محيرني بالنسبة لموضوع الـ SIV
اني كملت كل اوراقي الناقصة للهجرو وحسب ما مطلوب من قبلهم وراها دزولي الـ NVC ايميل يكولون :
[left]Your case has been documentarily completed and is currently under review
for administrative processing. Unfortunately, we do not have a timeframe
for this procedure.  As soon as an interview appointment is scheduled
for you, you will be notified, via email.[/left]

المهم هذا الايميل استلمته قبل اسبوع واللي مد افتهمه شنو المقصود بـ under review for administrative processing

وشكد تطول هذه المسأله .
شكرا ياشباب على المساعدة
اختكم صوفيا

44
الهجرة و واللاجئين / سؤال لجماعة الـ SIV بخصوص تكتات الطيارة
« في: 17:10 31/10/2009  »
السلام عليكم ياجماعة
عندي سؤال كلش مهم بالنسبة لجماعة الـ SIV واللي مقدمين على برنامج المساعدات شلون ياخذون تكتات الطيارة , يعني همة لازم يحجزون الطيارة والمنظمة تدفع الاجور لو المنظمة تحجز وتدفع الاجور واذا همة يحجزون شلون نستلم التكتات ؟
شكرا جزيلا للمساعدة مقدما
اختكم صوفيا  

45
الهجرة و واللاجئين / استلم الفيزا اليوم
« في: 14:51 13/09/2009  »
ياجماعة الخير .. اخوية مقدم على SIV وكمل مقابلته واليوم استلم الفيزا وهو مقدم على برنامج المساعدات وهسة محتارين ميعرف شيسوي وشوكت يسافر لان يمكن لازم جماعة السفارة يتصلون ويحددون موعد السفر منو عنده معلومات بهذا الموضوع ويكدر يساعدنا بيها وشكرا جزيلا .

46
الهجرة و واللاجئين / رد: مامصدك وصلت امرييييييييييييييييييييكا ههههه
« في: 21:04 02/09/2009  »
الف الف مبروك اخوية ابو عبد الله الك ولعائلتك وانشاء الله ترتاح وره التعب اللي مريت بي
وانشاء الله متشوف تعب بعد .
اختك صوفيا

47
الهجرة و واللاجئين / رد: شنو سالفة ال SIV اكو شي ، اشو حيل سكتة
« في: 16:11 30/08/2009  »
اخواني الاعزاء .. كل اللي كاتبين بخصوص موضوع الـ كومو ابروفل او الجيف اوف مشن ..
اخواني اني صار عندي نفس الشي وبعد اربع اسابيع من تقديمي على الكومو ابروفل وعن طريق الصدفة فد عريف امريكي ابن حلال جان ديقرأ اوراقي وقال عندك خطأ باستمارة الـ DS157 وكان الخطأ كالاتي ورح اشرحلكم اياه وانشاء الله يساعدكم
بالاستمارة مال الـ DS157 اكو مربع لاسمك لازم تخلي بيه اسمك والمربع الثاني الاسم الاخير يعني اسم جدك والمربع الثالث لازم تكتب اسمك بالعربي المهم ماكو مكان لاسم ابوك فلازم تخلي بالمربع الثاني اسم ابوك واسم جدك سويه بعدين اكو ليجوة مربع يسأل عن اللقب هذا المربع لازم تخلي بيه مثل ما كاتبيلك بجوازك يعني اذا اكو لقب بجوازك اكتبه بس اذا ماكو لقب وكاتبيلك بالجواز اسم جدك بدل لقبك فلازم تخلي اسم جدك واذا متصلح هذه الاستمارة ماراح يجاوبوك ولا راح يعبروك ولا راح يكلولك اكو غلط بأوراقك واني وره ما صلحت الاستمارة ودزيت طلب جديد بعد التصحيح جاوبوني ودزولي الكومو ابروفل ورة اسبوع
واتمنى اللي صار ويايه يساعدكم ومن الله التوفيق وتكملون اوراقكم وتسافرون
اني هسه انتظر مقابلتي الشهر القادم
اختكم صوفيا

48
دردشة منتدى الهجرة واللاجئين / رد: الوداع وطني الحبييب الوداع
« في: 01:47 29/08/2009  »
تجمعنا الدنيا ونحن الغرباء وتفرقنا ونحن الاصدقاء
اخوية ابو عبد الله روح سافر والله يوفقك وانشاء الله تلكه كل الخير والرزق والتوفيق
العراقي شهم وشجاع ويكدر يبدي حياته بأي مكان
انشاء الله تنسى كل المر والعذاب اللي شفته بالعراق وخلي الحرامية يشبعون احنه ما النه مكان بنصهم
اتمنالك التوفيق ودعائي بوصولك بالسلامة يارب

49
الهجرة و واللاجئين / سؤال كلش مهم لجاعة الـ SIV
« في: 13:45 25/08/2009  »
شلونكم شباب...
اني مقدمة على الـ SIV من بغداد وعندي كيس نمبر وقبل شهر دزولي من الـ NVC طالبين جوازات اطفالي وانتو تعرفون الاجراءات الطويلة بالعراق حتى احصل على الجوازات المهم حصلت على الجوازات مال اطفالي واني اصلا عندي جواز ج بس اني هسة محتارة لان اكو جماعة كلولي لازم احصل على وثيقة من المحكمة بحضانة اطفالي لان اني منفصلة عن زوجي او تصير مشكلة واحتمال يرفضون قضيتي بدون وثيقة وصاية على اطفالي وثانيا اني قدمت على المساعدات هل لازم املي فورمات طلب مساعدات لاطفالي همينة لو بس اني .
عفية اخوان لاي يكدر يجاوبني على اسئلتي لان الوقت ديمر بسرعة .
اختكم صوفيا

50
الهجرة و واللاجئين / اشلون اضيف والدتي
« في: 16:51 24/08/2009  »
شكرا على الاجابة يا اخوان والله يوفقكم . اني عندي كفيل بواشنطن ستيت واريد اروح يمه بس تعرفون اجور الطيارة بالنسبة لعائلة تكون مكلفة ولهذا رح اقدم على المساعدات والله يسهله انشاء الله .
ومحتاجة بعد شي واحد منكم اخوان ... اللي يكدر منكم يجاوبني على كيفية اضافة والدتي او اذا اكدر ادز عليها مناك لان هيه مريضة وما اكدر اعوفها وحدها عفية اللي عنده جواب يساعدني.
اطلب دعائكم اللي ولكل عراقي ينتظر الفيزا مالته .
بالتوفيق للجميع

51
الهجرة و واللاجئين / استفسار حول مساعدات SIV
« في: 15:05 24/08/2009  »
اخواني الاعزاء منو يكدر ينصحني بخصوص طلب او عدم طلب مساعدات خدمات اعادة التوطين يعني اس اي في وهل اذا طلبتها رح يتأخر سفري لو لا . شكرا جزيلا

52
دردشة منتدى الهجرة واللاجئين / استفسار حول مساعدات اس اي في
« في: 01:56 24/08/2009  »
استفسار حول برنامج مساعدات ال اس اي في يعني اذا اخذ المساعدات هل لازم همه يحددون موعد سفري والى اي ولاية لو اكدر اسافر اي وقت ولاي ولاية اريد ويصير اكللهم اني عندي كفيل هناك لو لا   وهل يتار سفري بسبب طلبي للمساعدات وشكرا اخوان

صفحات: [1]