الرسائل

1

الهجرة و واللاجئين / رد: أخواني المترجمين العمالقة

« في: 12:33 10/10/2009  »

السلام عليكم ...
شلونكم زملائي المترجمين , بس حبيت ابينلك انه تره بالنسبه الي ينتضر تنسيبه على معسكر من المعسكرات للعمل كمترجم شغلته تعبانه لان هسه اني على سبيل المثال اعمل مترجم بمعسكر من المعسكرات ابو الجي ال اس اجانه الشهر الفات  وبلغنه انه قبل شهر الـ 12 يعني بعد شهرين (حته ماادوخك) حتبدي تصفيه للوظائف وكال النه واني جنت موجود كال القوات بالعراق دتتقلص ودتنسحب من العراق بشكل كبير ودتنتقل للافغانستان ولهذا راح نسوي تصفيه بكل المعسكرات وكل المترجمين العاملين في العراق مع القوات الامريكيه قبل حلول شهر الـ 12 ولما سألناه على طريقة التصفيه كال انتو حوالي 60 مترجم بهذا المعسكر راح نبطل منكم 50 ونبقي بس 10 ولما سألناه عن طريقة التصفيه كال المعسكر يختار احسن 10 منكم ولهذا الشي اكلك احنه قدماء يعني بينه جماعه يشتغلون من سنة 2004 وهيجي راح يسوون بينه فمااعرف شنو راح يكون الحال وياكم , ولهذا الشي اكلك اتوكل على الله ودورلك غير شغله ولتفكر بيهه وانتضر ايجوز انت بيوم من الايام وانته ناسي ولا على بالك ايخابروك ايكولولك محتاجيك والارزاق على الله وشكراً

2

الهجرة و واللاجئين / رد: مهم جدا من تكساس

« في: 12:21 10/10/2009  »

السلام عيكم ....
اخوان بس حبيت اوضحلكم شي فيما يخص الشقه والاثاث بالنسبه اليه اني معاملتي هي هجره مو لجؤ والي صار انه جماعة البنفت اتصلو بالكفيل مالتي وطلبو منه يلكالي شقه وهمه الي يدفعون الايجار فلكالي بالبدايه شقه طابق ارضي بنفس العماره الي ساكن بيهه بـ 800 دولار بالشهر ومفروشه بس اني اعترضت وكلتله هذا مبلغ هوايه وبالفعل لكالي شقه بعد فتره بـ 500 دولار بالشهر غرفتين ومفروشه واقصد بالفرش يعني الاثاث الرئيسيه وراح تكولون شنو سبب رفضي للايجار ابو الثمنميه وخصوصاً انو المنظمه هي الي راح تدفعلي الايجار والجواب هو انو كل هايه ديون عليك لازم اتسددهه بعدين والسبب الثاني لان المنظمه حتساعدني بدفع ايجار مال خلي نكول اربع اشهر ليكدام وانت بعدين اتكمل الباقي يعني انت راح توقع عقد ويه صاحب العماره ومن ضمن لشروط انه لازم تبقه شاغل الشقه وتستمر بدفع الايجار للمده المحدده للعقد , والمعروف انو عقد الايجار هو 8 اشهر يعني انت راح تدفع ايجار الشقه للاربعة الاشهر الاخيره وبعد هذا تكدر اتغير مكان السكن بعد انتهاء مدة العقد وهذا بأختصار دور الكفيل ودور المنظمه فيما ايخص السكن

3

الهجرة و واللاجئين / رد: متى سوف استلم جوازي من السفارة ( عايش على نار )

« في: 18:52 21/09/2009  »

السلام عليكم
اخويه بالنسبه اليه اني طولو 5 ايام وره المقابله ودزتلي السفاره ايميلي انو اروح استلم الجواز مالتي من الدي اج ال بعد خمس ايام من موعد استلام الرساله وبالنسبه الى صديقي طولو عليه 12 يوم بعد المقابله يلا دزوله رساله واذا طولت انت اكثر من 12 يوم فدزلهم رساله للسفاره استفسر عن سبب التأخير وهمه هسه يجاوبوك وراهه بيوم وشكراً

4

الهجرة و واللاجئين / ارجو المساعده

« في: 01:00 09/09/2009  »

اخوان اني اخوكم من العراق وانا الحمد لله استلمت الرد من السفاره اليوم انهم قامو بمنحي الفيزة وانو يجب ان اسافر خلال 3 اشهر من موعد اصدار الفيزه واني راح انتقل للعيش بولاية جورجيا انشاء الله واني اريد من عدكم بس اتكتبولي انطباعاتكم عن هايه الولايه وكتابة ماتقدرون عليه من معلومات كمشاركه للرد على سؤالي واقصد يعني رأيكم بهايه الولايه من كل جهه يعني من ناحية الطقس عدهم والعمل وكذلك الناس هناك وصدق الي سمعته من بعض الاصدقاء انو اكثر الناس في جورجيا هم من السود وشكراً
اخوكم فوكس ...