7
مرحبا
عضو جديد واول مشاركه وحبيت ازودكم بآخر الاخبار عن IOM مصر
طبعا اني مقدم من شهر 12/2008 بس اتعرقلت شغلة تآكيد الشغل واتآخرت، على العموم ماطول عليكم اتصلوا بيه قبل اسبوعين وكلولي عندك مقابله الي هيه الاولى بس محددولي موعد كلولي نتصل بيك مره ثانيه لان كانوا دينتقلون لموقعهم الجديد (المعادي) ، طبعا وره اسبوع محد اتصل بيه فه اني اتصلت بيهم ولحيّت عليهم لان اني متآخر وكلولي احنه حنتصل بيك وانحددلك الموعد
في يوم 1/ 9 اتصل بي شخص من المنظمه وطلب حضوري في اليوم التالي لجراء المقابله الساعه 8 صباحا، ورحت ثاني يوم للموقع الجديد واعقد اني اول واحد يقابل ، طبعا المكان عباره عن بيت (فيلا) لساعهم ديرتبون لان المكان هوسه وهايسه، المكاتب والكراسي كله بره بالكراج، وبعدين داخل مبنى المنظمه كله كراتين مال اوراق يعني مختصر مفيد بعدهم ممترهدنين.
كعدت بمكان مال انتظار وهو عباره عن غرفه صغيره من البناء الجاهز منفصل عن المبنى طبعا مجان اي احد موجود بس اني. انتضرت حوالي ربع ساعه بعدين جتني وحده وكلتلي اتفضل جوه، دخلت للمكتب والحمد لله خلصولي المقابلتين بمقابله وحده (طبك).
طبعا بعد انتهاء المقابلتين سآلته عن موعد المحلفين وكلتلي انه هل شهر(9) اكو جدول محلفين بس غير معلوم هل اني رح اكون في الجدول ام لا
على العموم المقابلتين جانت سهله وخفيه الحمد لله طولت حوال ساعتين فقط.
انشاء الله اتكون سريعه وسهله لكل الي ممقابلين .
شكرا
عرض المشاركات
