الرسائل

1

الهجرة و واللاجئين / رد: أمـــريـكـا مـــتفـيـدك

« في: 16:00 20/12/2010  »

عاشت أيدك أخوية ريفولفر على موضوعك الواقعي أبدعت عمي

بس تسمحلي همين اضيف نقطة

لتروح لأمريكا أذا يعجبك تسمع هوايه حجي وتحب تسأل وتستفسر زايد كلش مو بالمعقول أو تسوي نفس حكيم زمانك لو تريد تأمن لعى روحتك لأمريكا وتكول أروح على شي مصوكر ميفيدك ماكو شي مصوكر الي مكتوبلك راح تشوفه فأذا تخاف تروح الا ورا متسمع لو تريد شي مؤكد ومصوكر أنه أمريكا شي بالجيب لتروح وأكعد وين ما انت موجود حتى ترتاج وتريح

حتى متندم مثل ما غيرك ندموا

اسف عالمداخلة
مع السلامة

2

الهجرة و واللاجئين / الحمد لله نجحت عملية أمي مشكورين الكل على دعواتهم

« في: 00:38 05/10/2009  »

السلام عليكم
شلونكم أخوانا واخواتنا الاعزاء
الحمد لله سوت الوالدة العملية ونجحت بفضل الله ورحمته علينه وطلعت من المستشفى وبارك الله بيكم وبكل الي دعالنه وجزاكم الله الف خير والله ينطيكم ولكل الناس الصحة والعافية
طبعا مال امريكا راحت عليه والحمد لله على كلشي ومزعلان لأن فرحت شفاء امي تسوى الدنيا كلها مقبلوا يأجلوها وطلعوا حجه انه امي مو ويايه بالملف لذلك ماكو تأجيل ورجع ملفي للأمم خابرت الأمم كتلهم راح يطلعلي توطين اكو لو خلص كالوا لا رجع ملفك للتوطين وانتظر شكد الله اعلم يله شنسوي قابل راح نموت كلمن ياخذ قسمته والحمد لله
بس اريد واحد من الأخوة او الأخوات الي صار كيسه مثلي يعني انطوه موعدين ومراح رفض الروحه لظرف او هو مراد طلعله توطين مرة الخ وشكد الفترة على مطلعتله لو دينتظر وشكد فترة انتظاره حتى الواحد يعرف شيسوي يرتب اموره والكم مني كل الشكر وممنون للكل

3

الهجرة و واللاجئين / طلب صغير من اخوتي واخواتي بالمنتدى ومساعدة صغيرة من أخوكم لجماعة أريزونا

« في: 16:42 14/09/2009  »

السلام عليكم اخوتي واخواتي
شلونكم ان شاء الله الكل بخير وبصحة وعافية مشتاقلكم بس اعذروني ملتهي وانتوا تعرفون ظروفي والله المستعان
طلب صغير خابروني الiomطبعا حجي هوايه مااريد ادوخكم بس حسب حجيهم انه شغلة التأجيل صعبة وأحتمال يرجع ملفي للأمم على الدراسة مالتهم وتقديرهم وكلي حجايه معجبتني كلي انه بعد متسافر فسألته شنو بعد ماأسافر لأمريكا لو أي دولة الخ كلي مااعرف لغير دولة بس لأمريكا بعد ماكو وكلي خابر على الأمم وأفتهم على غير دولة اذا طلعلك توطين المهم خابرت على الأمم كلي أذا رجع ملفك بعد متسافر لأن يعتبر رفض منك فلو تبقى بالأردن لو ترجع للعراق هالمرة صطرني كتله صدك تحجي كلي اي طبعا المهم رجعت خابرت مرة الخ طلع غير واحد فكتله أريد أفتهم شنو أذا رجع ملفي من الiom بعد مااسافر وحجيتله نفس الحجي مال صاحبه كلي اي صعبة وظلمها عليه وطبعا سالني كلي هاي أول مرة تتوطن كتله اي بعدين كلي حتى أذا أحنه نوطنك مرة الخ وهاي أحتمالها ضئيل جدا بس اذا صارت الiom من يروح ملفك مرة الخ لغير دولة مراح يوطنوك يرجعون ملفك النه لأن يكولون هذا طلعتله امريكا وقابل محلف وواقفوله ومراح كتله ويه كل ظروفي الي قدمتها كلي اي اذا ماأجلوك تعتبر رفض صارت واحد يرفع واحد يكبس مدااعرف شنو الفلم حجيهم صدك جذب فاذا احد عنده معلومات على هيجي حالة او صارت وياه يفيدني والله يجزيه خير لأن هذوله مراح اخذ منهم لا حق ولا باطل والتفكير راح يموتني والف شكر الكم وأعذروني طولت عليكم
اخوتي الي طلعلهم ولاية أريزونا مبروك عليكم والله يوفقكم وعندي اقاربي طلعتله ولاية أريزونا توسن فجنت وياه اندور ونسأل على الولاية وصارت خوش معلومات عدنه وجاب هو من الiomمن اخذ الدورة كتاب خاص على ولاية أريزونا وقوانينها خاص بالاجئين اذا ترحون دورة بلكي تشوفوه اهناك بالمكتبة طبعا اني قريته وساعدته بيه يخبل كلشي بيه على الحياة بأريزونا وبمقاطعاتها من الأبرة للخيط بس ادوره الكم واذا لكيته اسحبه سكنر وانزل جزء جزء منه وتدللون بس قريبي راح قبل 4اشهر بس معده مااتصل بيه واطمنكم مرجع يعني اكو شي زين اهناك لأن هو كال اذا مو زينه ارجع او يجوز حول لغير ولاية مااعرف العلم عند الله المهم هذا جدول من الي جمعنه لكيته بيه كل المنظمات الأنسانية بمقاطعات أريزونا وعناوينهم راح ارفقه الكم ان شاء الله يفيدكم ومنقصر وياكم وأدعولنه بالخير
سلامي للجميع

4

الهجرة و واللاجئين / شكر بسيط بكلام بسيط لأخوتي وخواتي بالمنتدى الحلو والرائع

« في: 02:08 10/09/2009  »

السلام عليكم
شلونكم أخوتي وخواتي الغالين بالمنتدى اهل المعدن الأصيل معدنا احنه العراقيين الشرفاء الي نشرف كل الدنيا وين مرحنه
شلونكم اشتقيتلكم طبعا ولو بعدني بمبوني بالمنتدى بس الواحد من يشوف هيجي ناس طيبين وأصيلين اكيد غصبن ماعليه يشتاقلهم
طبعا أمي العزيزة تسلم عالكل فردا"فردا"وتشكركم على مشاعركم الحلوة ودعواتكم الصادقة وكلامك العسل الحلو مثلكم ودعت للكل بالخير والصحة والستر والموافقية
طبعا قدمت أوراقي للiomلأن الunكالت احنه منكدر انساعدك لأن الأمر والنهي هسه يم الiomولو تعاطفوا ويايه وهمين سمعوني شوية حجي يغث بس بأدب أنه هاي فرصتك واحسن مكاعد اهنا واذا رجع ملفك النه حتى لو نوطنك مرة الخ الiomيرفضوك بس يشوفون انه انت مرحت على امريكا لأن أنت امقابل وموافقين عليك ومنطيك فيزا وموعد سفر كتلهم اعرف هذا الشي كلش زين بس هاي ظروفنه وهذا حكم الله ونعمه بالله قدمت أوراقي للiomوكالوا انت وحظك راح يدروسها لو يوافقون ويأجلولك السفر لو يرجع ملفك للun وبموعد سفرك نبلغ يوم16/9بس كالوا صعبه يوافقون عالتأجيل يجوز لأن أني غلطت من خبصتي بشغلة امي بالموعد الأول ألي أجلته مقدمت أوراق أمي لأن حقيقة فكرت بيها بس خفت متدخل أمي لهنا فمهتميت للموضوع او نسيته الصدك هم اهمال ونسيان وهاي غلطة همين أنبه اخوتي وخواتي اهنا انه الي يريد يأجل او ميروح للموعد الأول يقدم سبب على رفض الموعد الأول سبب مقنع مو حجي بالتليفون مثل مصار ويايه يقدم وثائق ويقابل لأن الشغلة مو سهلة والحمد لله على كلشي
طبعا اشكركم اشكركم اشككركم لو شكد مكتبت هاي الكلمة لكل أخوتي وخواتي الي دعولي ودعوا للوالدة العزيزة ونصحوني وحاولوا يقدمون المساعدة الي وخجلوني بالكلام او بالنصيحة الطيبة ولو عندي وكت أشكر واحد واحد لأن تستاهلون تنحطون عالراس ياشرفاء يااصيلين الله يبارك بيكم ويحرسكم ويبعد عليكم كل الأمراض ويدوم عليكم الصحة والعافية ومراح أوفيكم لو شكد حجيت ماكفيت ولا وفيت بحقكم
طولت عليكم  بس لازم اشكر الأخ بيرج الأداري المتألق بجيتني على ردك الجميلللللل وجنت محتاجها لأن أني من النوع الي ميبجي بسهولة بارك الله بيك كفيت ووفيت
اخويه أبو خالد متقصر والله انت نشمي والله يبارك بيك وبأختنه زوجتك الطيبة وان شاء الله بميزان حسناتكم كل الخير الي دسووه واني بعمان أتمنى اكون بسوريا حتى بس اتعرف عليك ياطيب
 وممنون الكم وتقبلوا ردي
الله يخليلكم أمهاتكم وابائكم ويرحم كلمن فقد واحد منهم او اثنينهم  ويرزقهم الجنة ويجمعكم بيهم بالأخرة

5

الهجرة و واللاجئين / يابه يمكن راح تروح علينه مال امريكا ادعولنه الله يعوضنه ويوفقنه

« في: 02:22 07/09/2009  »

السلام عليكم شلونكم عيوني شخباركم
طبعا المنتدى شكله خير لأن أني البارحة اشتركت يمكم وكتلكم على امريكا طلعتلي وأجلت السفرة
أليوم الظهر من جنت داسوي الموضوع الجديد مالتي لمنتداكم الي اخذت عليه تكت ومخالفة كلامية ومشكورين اخوتنه المشرفين والاعضاء على رحابة صدرهم وتحملوني وتعليقاتهم جانت حلوة كلش وتونست بيها
مااطولها عليكم دكوا عليه الiomواني اعرف رقمه كلت ربي سترك وراح تعرفون شنو السبب طبعا والصبح كتلها لزوجتي حاس انه اليوم راح يخابروني لو همه لو الأمم
كلي تعال باجر أخذ خط الرحلة مالتك سفرك يوم 16/9طبعا بوري ويمكن تسالون هذا ليش يكول بوري اني وزوجتي كاتلين روحنه على الروحه بس اني كتلكم بداية دخولي للمنتدى انه اجلتها لسفرتي لأسباب شخصية وخاصة وقاهرة راح انطيكم السبب الي كاسر ظهري ومراح يخليني اروح
هو أنه أمي مريضة قلب وعلى مدخلتها لعمان وحجزتلها على عملية انشلع قلبي والمصيبة عمليتها يوم20/9شفتوا القدر سبحان الله طبعا اني الوحيد لأهلي والجبير (والجبير الله) وعندي بس خوات وبعدهم بعمر المراهقة وعايشين بسوريا والدي متوفي الله يرحمه ويرحم الكل فماعدهم غير الله ورحمته ونعم بالله واخوهم  والمصيبة حاولت ادخل كرايبي لهنا مضبطت وماعندي احد اهنا لو بسوريا لو بالعراق ودخلتهم صعبة لهنا وخالتي عايشه بلندن كالت اني اجي وياه وحتى تساعدني وكلت اخاف يكولولي عالسفر اامن انه خالتي موجوده ولو هي معاقه تمشي على العكازة هالمرة أضحكوا وكعت بيت صديقتها وأنكسرت رجلها وصارت هسه مقعدة عالسريروبالمستشفى وديداروها
وحاولت أنه اأجل السفر من ذيج المرة مقبول وتعاركت وياهم لأن يكولون هذا مو سبب قهري لأبو الكيس حتى ميسافر المهم الله يعوضنه لأن مينطيني قلبي اعوف أمي وعملية خطرة وأسافر مو هالدرجة والله صعبة أني كلت بلكي يأجلوني فد جم شهر ماكو شهر ونص وخابروا
طبعا اني وزوجتي مقهورين كلش بس شنسوي الله كريم والحمد لله وأدعولنه الله يشفي أمي والله يبعد المرض على الكل ويعوضنه بدولة الخ بس بسرعة مو ينام ملفنه بالأمم
طولتها عليكم وأسف اخاف عكرت مزاجكم بمشكلتي بس اتحملوني
أخوكم عراقي أني أبو الغيرة-الأردن

6

دردشة منتدى الهجرة واللاجئين / رد: أول مشاركة ألي سميتها فيتامينات أو مغذيات للاجئين المتشائمين أن شاء الله تعجبكم

« في: 14:57 06/09/2009  »

هلا بيكم
يابه اعذرونه ترى بعدنه جدد بس اسفين والله يبعدنه على الحبس والأنفرادي خلونه على التكت احسن
اسف مرة الخ بس عبروها هالمرة وفهمونه شنو الفلم من الواحد يشارك وين لين
بعدين لتصير نجف بدل الهدف
 خلوني اقرا القوانيين مرة الخ واذا مفتهمت ارجعلكم مرة اسأل
مشكورين

7

دردشة منتدى الهجرة واللاجئين / أول مشاركة ألي سميتها فيتامينات أو مغذيات للاجئين المتشائمين أن شاء الله تعجبكم

« في: 14:07 06/09/2009  »

السلام عليكم حبايبنه الحلوين
شخباركم هاي أول مشاركة طبعا اني أحب أكون متفائل بالحياة أو عندي أمل ولو شفت بلاوي حالي حال معظم العراقيين بس ألحمد لله لحد الأن أحنه أحسن من غيرنه والله يفرجها على الكل فعندي جم مقولات أسميها فيتامينات أو مغذيات اخذها بين فترة وفترة من أكون مسودن أو مطفي أو صاعده الكأبة حتى شوية أصحصح فحبيت أشارككم بيها كل يوم ننطيكم حبايه الفيتامين وبلكي تفيدكم
ولكم مني مرة الخ تريلة شكر على ترحيبكم بيه

لاتدع اليأس يأخذ مجرآه بحياتك
ويكون عقبة لطموحاتك ويسلب كل أمالك
صارعه وأنزعه من رأسك...ولاتدع له أثر بقلبك...وآكمل مسيرة حياتك
فاليأس...لا يمتلك ولا يدوم الا مع الضعفاء.....

8

الهجرة و واللاجئين / رد: الكارت الازرق الى السويد انطونياة قبل يومين ؟؟ اسئلة اريد الاجوبة عليها جزاكم الله خير

« في: 13:49 06/09/2009  »

السلام عليكم
حبيبي الكارت الأزرق اني ماخذه من قبل شهر وشويه بالأردن ومثل مكال اخوية السابق أنه أعتراف من الحكومة الأردنية انه انت لاجىء وأذا سويت مشكلة متترحل للعراق وتكدر تروح للعقبة وللبحر يعني تكون مأمن محد يحجي وياك أذا انت طبعا محترم نفسك والقانون الموجود بالبلد بس اني انطيك تجربة اقاربي أنه قبل ميطلعلهم الكارت جانوا مقدمين على استراليا 3مرات وبوجود كفيل أهناك أسترالي ومقبلوهم من طلعلهم الكارت كالولهم قدموا هسه مرة الخ وضعكم صار أحسن انه انتوا هسه يله انحسبتوا لاجئين فيجوز بيها شويه دفعه لمعاملات التوطين والله أعلم
وتقبل مروري اخوية الكريم

9

دردشة منتدى الهجرة واللاجئين / رد: عضو جديد تقبلوني لو أفلت

« في: 13:38 06/09/2009  »

هلا بيكم والله وغلا
ممنون أخوتي وأخواتي على الترحيب الحلو  المنتدى منور بأهله وماقصرتوا وان شاء الله اكون عند حسن ظنكم
بس اخويه ماجلان والalwismyمنين طلعتولي بهالدرب يمكن شايفيك لو نعرفك أتشرف بيكم أخوتي ونتمنى نشوفكم ان شاء الله بس شكلكم شقاوات المنتدى لو مشتغلين قبل بالأمن 
واخوتي البقية لا احجي على أمريكا ولا على أي دولة ثاني شي اخويه همر دأمريكا يامعوده اكو أحد يكدر يحجي عليها  وحبيبي ابو سارة مندوس زايد بمشاركاتنه بس عالناعم والفيزا محصليها بس نريد سيارات راح انزلك شوية بلي ستيشن3 اخوكم مدمن على البلي
تحياتي وحبي للجميع
اخوكم الصغيرون عراقي أني أبو الغيرة-الأردن

10

دردشة منتدى الهجرة واللاجئين / عضو جديد تقبلوني لو أفلت

« في: 01:49 06/09/2009  »

السلام عليكم اخوان اخوات
شلونكم أموركم طبعا اشتركت بهالمنتدى بعد السمعة الحلوة الي سمعتها عليه ان شاء الله تكون مثل ماسمعت فكلت خلي اشترك واشوف صح الكلام على  مبدأ الي يشوف مو مثل الي يسمع فتقبلوني عضو جديد واني واحد من الي طلعلهم لجوء لأمريكا ورا محددولي الطيارة أجلتها لأسباب قاهرة وشخصية وخاصة مااكدر احجي على كلها بس يجوز اطرح بعض منها بالأيام الجايه هذا تعريف بسيط  عني وأنتظروني بالمشاركات الجيدة والزينة وان شاء الله منقصر وياكم بس شخبار المنتدى الناس اهنا أريحيه لو عقد لو نص ونص لو مشكل حتى الواحد يعرف شلون يتصرف ويكدر يحجي بصراحة وبديمقراطية لو تصير مشاكل لأن قريت جم موضوع وجان اكو جم مناوشات عالناعم طبعا الحجي الي اني احجيه يكون بصورة صحيحه وماكو لا غلط ولا تجاوز على أي احد فأنطونه فكرة على المنتدى وسوالفه حتى الواحد يتوكل على الله وبلكي نصير اعضاء مميزين وتنطونه هدية فد سيارة مرسيدس أخر موديل لأن اني اموت على المرسيدس قرش ونص على كولت الأردنيين سلامي للكل
اخوكم الصغير الجديد عراقي أني أبو الغيرة-الأردن