الرسائل

1

الهجرة و واللاجئين / رد: هل صحيح الى سمعتة عن ولاية ,,,,,

« في: 16:00 17/10/2009  »

ونريد امريكا تسويلنه معمل للكليجه ام التمر حتى بليلة العيد ما انتعب النسوان خطيه ... 

2

الهجرة و واللاجئين / رد: بوري ابو الانجين ونص من كفيلي المحترم ... هل من مغيث؟؟؟

« في: 08:28 17/10/2009  »

يبووووووووووو ه .... هاي وين جانتلي ... فدوه احبيب اشو اني حيل كمت اخاف ... اخي علاوي دزيتلك عالخاص استفسار فدوه جاوبني .... والف شكر

3

الهجرة و واللاجئين / رد: بوري ابو الانجين ونص من كفيلي المحترم ... هل من مغيث؟؟؟

« في: 07:38 17/10/2009  »

اخي العزيز جوزيف العراقي ... تروح وتوصل بسلامه والله يبعد عنك كل مكروه والله يبارم بيك ... شتسوي ما كو شي يجي بالسهل والحياة تجارب نتعلم منها ... ولا تكول سمسم الا تلهم مثل ما يكولون ... والحمد لله على كل حال ...


اخي الغالي حسام الجبوري ... اني ممنمون منك يا طيب وبارك الله بيك .. اني خليته على الله وعفتهه للنصيب وانشاء الله يخلوني بولايه زينه والف شكراً لعرضك الطيب يا اصيل ... وفعلاً فرجينيا من اجمل الولايات.


اخي العزيز Volca ... رحمة الله على والديك احبيب ... اني جداً شاكر الك ولعرضك الطيب الله يخليك ويحفظك انشاءالله ... 

اخي العزيز رافد ... على كولتك اتصير ... بس حرامات والله ... لان الرجل اذا وعد صدق ... اشيبقى منه اذا خالف بوعده ...؟ الله كريم تفرج واشكر مرورك الطيب..

علاوي يا ورده ... اني حيل ممنون منك والله يخليك ويحفظك ذخر ضامك للشده احبيب ... واني فعلاً حاط في بالي اسوي مثل ما اتفضلت بس من تحمى الطاوه اكثر ... 

اخي العزيز نهاد ... شتسوي يله الله كريم ... الناس معادن ( يتبربر بالبروره على كولة سعيد صالح  ) ...اني استفاديت من هذه التجربه انهو اعتمد على نفسي وهاي المشكله انطتني دافع انهو اسوي شي وحدي ..


اخواني الاعزاء في هذا المنتدى الاصيل ... اني البارحه قررت ابعث رساله للمنظمه وكلتلهم انتو اتكفلو بموضوعي وانتو اختارولي الولايه  ... وخليتهه ورا النصيب لان اني ما اكد انتظر اكثر وفيزتي بعد الهه ما يقارب الــ 40 يوم ومدري ايصير ما يصير ... يجوز ينسد مطار بغداد ... يجوز يبدلون المطار بمطار ثاني فئة غير حرف كلشي يصير بهاالبلد  ... كذلك اني كنت مليت من وظعيتي وبس اريد اطلع لان ظروفي السكنيه ابد مو حلوه ...

احب انصح كل الاخوان انهو يتأكدون من الكفيل بصوره جيده ... ولا تنطي العنوان بالمقابله اذا ما مالي ايدك منه بنسبة 200% .... لان راح اتضيع وقت حرامات عالخالي بلاش وترجع تنتظر من جديد ... اني حددت مده اذا اتجاوزتهه المنظمه اطلع على حسابي والله كريم ...

بارك الله بيكم ... ومن هنا احب اشكر الاخ العزبز ( Haitham40 ) على مبادرته الحلوه واكله الله يكثر من امثالك ... والله يخليك على اخلاقك الحلوه .... الحقيقه ما قصر وياي برسالته عالخاص ...

كذلك شكري واعتزازي الى الاخ ابو عبدالله التكساسي ...

انشاء الله الكل اتسافر بدون مشاكل او بواري ... اني انضريت بوري بس يله متعلم من ايام الجامعه كنت يوميه انضرب بوري من الصبح وبكل روح معنويه عاليه    بس غير اتوووووب !!!!!!!!!

شكري لكم جميعاً

ابنكم

4

الهجرة و واللاجئين / رد: بوري ابو الانجين ونص من كفيلي المحترم ... هل من مغيث؟؟؟

« في: 14:55 16/10/2009  »

اخوي عاشق الصمت .. لا الحمد لله انا كفيلي عراقي واصيل وابد ما قصر وابو الغيره هو... بس هو يمكن اشويه مشغول وتعرف الحياة تلاهي .... واني اشكر كل اعضاء المنتدى لان حصلت اكثر من 500 عنوان...وبصراحه حاير المن اختار ... ما قصرتوا وبارك الله بيكم ... راح اكتبلهم ما عندي احد وهم يختارولي احسن ... الله كريم ..


اخوكم ابن عنكاوه

5

الهجرة و واللاجئين / رد: بوري ابو الانجين ونص من كفيلي المحترم ... هل من مغيث؟؟؟

« في: 10:18 16/10/2009  »

الف شكر اخي العزيز القرش ... والنعم منك وبارك الله بيك على روحك الطيبه ... اني ردت تكساس لو نورثكارولينا لان اني ما احب الجو البارد والصقيع بالاضافه لانهو اسمعت بأن فرص العمل بتكساس جيده رغم الازمه الاقتصاديه ... احب اسئلك على ولايتك شيكاغو ... شلون الجو بيهه ... وفرص العمل ... والمنظمات الانشانيه هناك والمساعدات ... واذا تكدر تساعدني اكون جداً ممنون الك ...

مسكور اخي سيزر ... ايه والله كفيلي طلع مو خوش ... هسه اني كلشي ما رايد غير بس مكان اشويه جيد لا يروحون يشمروني بالاسكا لو مدري وين ..


والف شكر للي قروا موضوعي ما شاء الله عبرو الخمسين ...

6

الهجرة و واللاجئين / بوري ابو الانجين ونص من كفيلي المحترم ... هل من مغيث؟؟؟

« في: 06:51 16/10/2009  »

أخواني واهلي من اعضاء هذا المنتدى الطيب ... تحيه حب واعتزاز بكم جميعاً ...

غدر الغادرون ... والله اكبر.... حيث قام المجرم ( كفيلي المعنوي) بالتهرب من المنظمه التي تحاول الاتصال به وعبثاً تحاول لتأكيد معرفته بي لاجل توطيني في مدينته فقط وهي لوس انجلس ... عود هو صديق عمي اللح وعمي وصاه عليه وكله لعمي بعيوني اظمه ... عوفهه عليه ومالك علاقه ... تالي المنظمه البارحه دزولي رساله يكلولي ما يستجيب الهم ويتجاهلهم ... (حلو ).... واني حالي صار حال الطرشي التايخ من الخل ...
اخواني الاعزاء ... اني طلب مساعدتكم واني بشارب الطيبين... اللي يحب يساعدني يبعثلي عنوانه عالخاص او على الايميل الاتي لاحقاً ياريت من تكساس لو نورث كارولينا لو كالفورنيا لان احب هذني الولايات... اني دزيت رساله عالخاص الى احد الاعضاء الطيبين بس ما متاكد انهو وصلت ... لذلك اعرض مشكلتي عالعام ... وفيزتي بعد الهه 40 يوم عالصلاحيه ولحد الان الــIOM ما مسويه كلشي .... ومن الخوف بطني كامت تمشي ....  
اللي يحب يساعدني لو عالخاص لو على ايميلي اللي جوه ... وبارك الله بيكم .. واعذروني اذا اكو اخطاء لان البوري حيل ثاولني ...
اخوكم ابن عنكاوه
ali2004usa@yahoo.com

7

الهجرة و واللاجئين / رد: سؤال بخصوص ترجمة وتصديق صورة قيد1957 .. وين فطاحل ألـ SIV

« في: 14:29 26/09/2009  »

أخواني الاعزاء :
Maitham70
black water
كركوكي
المهندس حمودي
silver_d
و ماجلان

الف شكر قليله بحقكم اخوتي انتو ... الف رحمه على والديكم ... اني وصديقي تره ماندري بس اسمع بسالفة النقيب عمار كلت هذا نقيب عمار يخرع والله و هو اللي يطلع الناس لامريكا وماكو غيره وهذا الا يشوف العائله واحد واحد يله يترجم ... يعني كلكو انتو طلعتوا وما احتاجيتوا هاي السالفه ...
اني اشكر ردودكم كلكم وخصوصاً كلكم برأي واحد معناته انتو صح ميه ميه واني راح ابلغ صديقي يسوي مثل ما كلتولي ..

اخوكم ابن عنكاوا

8

الهجرة و واللاجئين / سؤال بخصوص ترجمة وتصديق صورة قيد1957 .. وين فطاحل ألـ SIV

« في: 15:24 25/09/2009  »

ألسلام عليكم اخواني فطاحل الــsiv .. احبائي انا لدي سؤال عن حالة تعود لأحد اصدقائي من ابناء المحافظات البعيده جداً ... يرغب في ترجمة صورة قيد 1957 له ولعائلته في بغداد / السنك -دائرة الاحوال امدنيه الاساسيه ... صديقي يسئل عن امكانية الحصول على تلك الوثيقه المترجمه من بغداد دون ان يلجأ الى مرافقة زوجته واولاده معه الى بغداد ... كبف يتم ذلك؟ وهل هناك تسهيل امر من تلك الدائره المعنيه ؟... هل عليه جلب كفاله خاصه من زوجته له لينوب عنها؟ ... ام ان الشغله مقفوله... يعني الا يجون ويشلعون قلبه...


والف شكراً لاجاباتكم المفيده والناصحه لصديقي بعون الله ...

ابنكم ابن عنكاوا

9

الهجرة و واللاجئين / سؤال يخص مرحلة ما بعد الفيزا ... لكي يطمان قلبي

« في: 08:24 21/09/2009  »

اخواني الاعزاء ... قرأت بأحد مواقع الــ SIV بأنه لكي تضمن الحصول على المساعدات وترتيبات السفر المجانيه لازم ترسل نسخه من الفيزا ضمن فتره محدده لا تتعدى اول عشرة ايام بعد استلام الفيزا باليد لكي نضمن انتهاء اجراءات المساعدات وترتيب السفر قبل انتهاء مدة صلاحية السفر ...

زين اني استلمت الفيزا مالتي من فندق فلسطين بعد يوم المقابله بــ 12 يوم ولكيت تاريخ اصدار فيزتي يوم 08 سبتمبر 2009 بينما اني استلمتها يوم 20 سبتمبر 2009 ... زين شلون معناهه فات 12 يوم ... سؤالي خو ماكو تأثير ... لان عبرت العشر ايام ... ؟


شكرأ لجميع اخواني اللي راح يجاوبون وخصوصاً الغالي ماجلان الورده ...

ابنكم ابن عنكاوا

10

الهجرة و واللاجئين / رد: تم الان تبديل الجوازات من فئة G الى فئة A

« في: 10:13 15/09/2009  »

يوميه حرف ... المفروض يسموهه مديريه ابو الحروف مال برنامج المناهل ( اقوى من الشده .. احد من السين ... اهدأ من السكون) ..

والله عيب عليهم صرنه مضحكه بين الدول ... صدك لو كالوا ... ان لم تستحي فأصنع ما شئت !!


واجاوب اخونا سيزر  واكله بدنه وبدنه وبدنه هيهيهيهيهيهيهيهيهيهيهيهييييييييييييي  

11

مواضيع الحياة العامة في بلاد المهجر (امريكا) / رد: طالب عراقي لوتي بسوالف الدراسه بامريكا ,,,,,, بخدمتكم

« في: 12:12 14/09/2009  »

أخي العزيز Tim
شكراً جزيلاً للمبادره الاكثر من رائعه ... لدي سؤال بدون زحمه :

انا معي بكلوريوس هندسه ميكانيكيه ... ارغب منك ان امكن ايجاز الخطوات الازمه لي لكي اقوم بمعادلة شهادتي في امريكا ... علماً اني لازلت في بلدي العراق وبدون تعيين بفضل الحكومه قدس الله سرهها .

اخوك ابن عنكاوه

12

الهجرة و واللاجئين / رد: استلمت الفيزا ... سؤال عن الخطوه التاليه ... وممنون الكم

« في: 13:14 12/09/2009  »

على راسي كلكم يا طيبين ... اشكرك خويه ابو عبد الله التكساسي والنعم والله منك ومن البو تكساس   ... انشالله ما تقصر واريدك اخ عزيز انشالله ..

وتحياتي الك اخي ذاكر ابو فابيان وشكراً والله يبارك بيك ... وشكلااً لمرورك الكريم

اخوان ما قصرتوا وعاش هذا المنتدى الماكو منه


اخوكم الصغيير ابن عنكاوه

13

الهجرة و واللاجئين / رد: استلمت الفيزا ... سؤال عن الخطوه التاليه ... وممنون الكم

« في: 06:18 12/09/2009  »

الف رحمه على اهلك الطيبين اخي ماجلان على جوابك ... الله يوفقك ويوفق هيج قلوب نظيفه تحب مساعدة كل الناس وما تبخل بأي معلومه ... بس صدكني اخي ماجلان احس من حقي ادوخ لان ما امصدك استلمت فيزا لاقوى وافضل دوله بالعالم بعد ما شبعنه احنه العراقيين ذل وضيم وقهر طيلة 20 سنه بالمطارات والحدود وما نعرف ليش .. بس لانهو اني عراقي ... وما اعرف اشبيه العراقي .. شنو فرقه عن الاردني لو المصري ما اعرف  وفجأه امريكا تنطيني فيزا شيصير بحالي ... ؟


مع خالص شكري وتقديري الك

اخوك ابن عنكاوه

14

الهجرة و واللاجئين / رد: استلمت الفيزا ... سؤال عن الخطوه التاليه ... وممنون الكم

« في: 14:10 11/09/2009  »

شكراً اخي Shadowman  وفعلاً انتو اهلي وناسي واني فرحان بشعورك الطيب ... وانشاء الله  الكل تتوفق بالحصول على الفيزا.

وشكرً لتعقيبك اخي ستورم ..

اخي العزيز ماجلان ... شكراً والله يبارك فيك ورحمه الله والديك على هذا الجواب اللي طمني ... واسمحلي اسئلك سؤال تعقيباً على كلامك الطيب ...

هل ممكن ان تطول البروسس مال معاملتي في دهاليز الــIOM والكل يعرفون اشطد يأخرون المعاملات ... بمعنى هل هناك خوف من ان تطول الاجراءات اكثر من 90 يوف حينها تكون الفيزا اكسباير؟؟

وسؤال اخر انهو من راح يسئلوني على وجهتي تحديداً نحو امريكا .. هل اعطيهم ولاية الكفيل المعنوي قبل ان اتاكد من انها اصبحت ولايتي التي سأذهب اليها ام ستكون ولايتي مححده قبل سؤالهم ...

اعذرني اخي ماجلان لان ثقلت عليك بس تره اني اخوك مخبوص شويه واريد اعرف راسي من رجليه وعلى قول المثل اسئل مجرب ولا تسئل حكيم ...

والف كلمة شكر لك اخي ماجلان والله يوفقك ويسترههه عليك ...


ابن عنكاوه

15

الهجرة و واللاجئين / استلمت الفيزا ... سؤال عن الخطوه التاليه ... وممنون الكم

« في: 09:41 11/09/2009  »

السلام عليكم اخواني اعضاء هذا المنتدى المميز ... ارجوا منكم قبول عضويتي الجديده معكم ...
تحيه طيبه اهديها الى كل الاعضاء القدامى ممن افادوا الجميع بالكم الهائل من المعلومات والنصائح التي لا تخلو من فائده تخص موضوع الهجره والسفر ..

ارجو ان تسمحوا لي بهذا اسؤال راجياً منكم الجواب الشافي .
انا بالعراق ومقدم siv  لامريكا وحدي  ... البارحه  استلمت الفيزا من فندق فلسطين ( مع تمنياتي بأستلامها لكل شخص بعده بالانتظار)  وصلاحيتهه مثل ما تعرفوم فقط 3 شهور ... سؤالي هو :

1. ما الخطوه التاليه ... ماذا افعل هل اتصل بالمنظمات الانسانيه في امريكا ام انتظر ايميل من جهه معينه ومن تكون هذه الجهه ؟ ... لان ما اعرف شسوي بعد استلام الفيزا وشويه دخت وصارت بيه مثل الرهبه .
2. اذا اردت الحجز والسفر على نفقتي الخاصه لكي اتخلص من ديون للحكومه الامريكيه .. هل سوف يؤدي ذلك الى الغاء المساعدات الخاصه التي تقدمها المنظمات هناك .. وهل هناك من يستلمني بالمطار من تلك المنظمات ..
 عذراً للاطاله وعس ى الاجوبه تعود بالنفع للكل ..

اخوكم ابن عنكاوه