هذا الكلام غير صحيح 100% واني صارلي عايش هنا في كندا اونتاريو سنه ونصف

اخويه هو قابل بس للعراقيين عمي عدد العراقيين لاشي مقابل افغان وباكستانين وهويه شعوب ومثل هيج قرار خلي بالك مو مثل دولنا اكو ناس هنا تفكر وتخطط مو الشغله جرت قلم وخلي الناس تضرب راسه بالحايط

ورجاء مثل هيج اخبار غير دقيقه لاتنقل افضل منع من دعايات ليس لها داعي

اخونا ابو احمد الف الف الحمد لله على سلامه فريد ويارب يرجع دمه عال العال انشاء الله وعليك بالكبد وكله كبده هوايه وعصير برتقال


ربنا يرجعا الى البيت سالم ويحفظه من كل شر وتشوفه عريس بعون الله


اخوك من مسساكا اريد وطن

اخونا  man4848

اخونا بالنسبه للاجازه جي 2 او جي

هنا في اونتاريو عدنه النظام كلاتي
جي 1  هو امتحان نظري وفحص نظر وهذه الرخصه ممكن تسوق مع شخص لازم عنده اجازه جي ومدتها خمس سنوات ويكون جالس يمك وطبعن لازم متطلع على هاي وي وبيها تفاصيل بعدها مرور سنه او 8 اشهر اذا تاخذ دوره في مدرسه اللك حق تقدم على ال جي 2 وهو امتحان العملي ( الهدف هنا من جي 1 لكي الك الحق تسوق مع مدرب )

طبعن اذا عندك رخصه اجنبيه عراقيه او اي رخصه نافذه يحق اللك تدخل مباشر على جي او جي 2 بدون انتظار واهم شي بالنسبه للرخص الاخرى الاجنبيه تترجم في كندا ويكون الاسم بيها مطابق الى نفس اسمك في اوراق الكنديه

بعدها تسوي امتحان نضري وتاخذ رخصه جي 2 وهنا تكدر تسوق وتشتري سياره وبعدها بسنه تسوي امتحان مثل الجي 2 بس مع تطلع على الهاي وي ويصير عندك جي وهاي القصه كلها

اخويه تكولي شنو هاي التطواله الهدف منها وهذا كل الكنديين يكولو هو عمليه سحب فلوس من الناس لاغير والااكثر
وبالمناسبه هنا عدهم السياقه منظمه ومرتبه جدا والكل يتبع النظام وخوبين السرعه فشي يشك البطن شارع عرض اربع سيارات اقصه سرعه تمشي 60-70 خوبين الهاي وي تمشي اكثر شي 120 وبالمناسبه غرامه تجاوز السرعه على الهاي وي هجمان بيوت رسمي يعني على الهاي وي اذا ماشي 150 غرامتها 10000 اي عشر الف دولار ومو بس هيج تزيد عليك النقاط وتامينك يطفر من 200 دولار شهري الى الف دولار شهري ولمده 2 سنه وصدكوني مو مبالغه اعرف شخص صديق انلزم على الهاي وي ماشي هيج باع السياره ورجع على المواصلات لانها بعد ميكدر ال بعد 2 سنه يمن تروح النقاط

عمي عدهم نظام بس الجميل مطبق على الكل وهذا هو الخلاهم من العالم ال 3 اسف الحظاري والمتطور

اريد وطن من اراضي مسساكا

ابو احمد شلونك

اخويه للعلم بالنسبه للتامين عدنا في اونتاريو هجمان بيوت يعني فوك ال 20 شركه مخابر ومتحصل على سعر اقل شي وافضل شي هو 200 دولار طبعن لازم عندك جي مو جي 2

يعني سعر التامين عدنا يبلش من 250 وانته صاعد وممكن يوصل الى 300 دولار شهري هذا بس تامين ولهذا السبب كل ماريد افكر شراء سياره اسال على التامين انسه الموضوع كله وبالمناسبه السعر هنا ومن خبره واحد عنده درايه بهذا الموضوع

السيارات القليله في الشارع تامينها اقل ليش لانه مسجله عد شركات التامين اقل حوادث تعمل يعني مثل دوج كرفان موجود 100 سياره بالشارع 40 سياره من هاي مسويه حوادث يعني هاي السياره هوايه حوادث نجي على سياره اخرى اي نوع ممتوفره هوايه يعني 50 سياره منها 5 سيارت مسويه حوادث يعني اقل خطوره يعتبروها وعللى هذا المنوال يعني سياره 4x4
اقل تامين لانها تعتبر امن وطبعن الفرق مو هوايه فد 40 الى 50 دولار يعني هنا قبل متشتريها السياره لازم تلزم التلفون وتخابر شركات التامين وتطيهم العنوان وتفاصيل السياره وبعدين تشتري

يعني دوخه راس وتحط بالك ب 400 الى 600 بالشهر مصرف السياره اقل شي تامين وبانزين

اخوكم اريد وطن

اختنه ام مهند

اضافه الى كلام اخوانا هي ترى امريكا او كندا او اوربا مو جنه ورايحين تعيشون بيها مثل مكال اخونا ابو غيث الي جاي يعيش على الماعدات لايجي احسن

طبعن اني صارلي واصل تقريبا 6 اشهر بكندا واتصور كلها نفس الشي

يعني اذا تعيش على مساعدات كم سنه يعني فد سنتين وخلالها انته تدرس تسوي خبره بمجال عملك تتعلم للغه وبشكل مكثف فهذا شي عادي ومو غلط بس الغلط تبقى تعيش على المساعدات طول العمر

عمي مختصر مفيد الي يريد مستقبل وركز على المستقبل مو الحاضر يعني بعد 5 سنوات اي تسوى واكيد بيها هوايه تعب

يعني اختي ام مهند كلامج تسوى وهذا الصبر الطويل والخ من الكلام حطي بالج وثقي اول فترى جدا جدا صعبه وانتي بيدج طبعن مع تعاون افراد العائله الكل على ان يجعلون الوضع جيد بس الي يوصل وعباله كلها لعب ونسه وفر وكاعد بيته والحكومه تصرف علي ماكو هيج حجي خلي الواحد مكانه افضل الى ولعائلته
اكيد واكول اختي اول فتره صعبه وبيها تحديات كثيره بس والله ياخوان وبالاخص العراقيين مرو بهوايه مصاعب وتحديات واجتازوها يعني مو صعبه علينه والله بس الو احد يكول يالله والله يعينه مع السعي الله كريم واختي انتي عندج عائله حسب مفتهمت يعني اكيد امريكا افضل الهم هو بالعراق او دول الجوار شنو مستقبلهم

اريد وطن - مشكوك حلكي من الغربه بس حقاوم ونريد دعائكم ويانه

الف الحمد لله على سلامتك اخونا ابو عبدالله كاندي مان ويارب تستقر وترتاح  واهلا بيك في كندا وتعيش كندا



اريد وطن

اخونا ماون الف الحمد لله على سلامتك عمي ان شاء الله نسمع اخبار يوم الي اشتريت بيت وتتحول عليه ويارب الى جميع اخوانا الطيبين

عمي اني متشوق اسمع تفاصيل رحله واكيد بيها اخونا المضياف ابو احمد الورده وفعلن يستحق يكون سفيرنا في كندا وبحق اقولها لو سفارتنا تسوي مثل ميسوي اخونا الفريدو وكثير من اخوانا صدق جنه كنه بخير بس نكول يارب يكثر من امثال اخونا ابو احمد ويحفضله اولاده يارب


اخوكم اريد وطن

اخونه دحدوحه بعد التحيه

كلام اخونا الفريدو  صحيح بس احب اصلحت بعض المعلومات

هو هذا البرنامج لازم تسوي  كارت سن نمبر  واخي هذا البرنامج مابي اي نصب او سرقه برنامج قديم لدعم  الاهل اكمال دراسه الاولاد ولكي لايتحمل الاولاد تكاليف قرض والخ من هذا الكلام

بس اخويه هو انته تضع مبلغ من المال والحكومه تضع نهايه كل عام 25 % من قيمه كل فلس تحطه شهريا وليس 100 % والشي الاخر همه المخطط مالتهم هذا الجايلد بنفت هو انته تحطه كله وتوفره للطفل للتعليم

بس اخويه انته هسه حاليا تاخذ راتب مساعدات يعني شكد تكدر تجمعله فلواحد افضل يخليها بعد ميرتب وضعه ويشتغل وان شاء بهذيج الساعه حط البنفت كله اله وجمعلياه

والشغله المهمه عند عمر 33 سنه للطفل فقط الك تسحب المبلغ بس فقط فلوس الي انته جنت تحطه له وليس فلوس الحكومه هاي هذا الطفل ميريد يدرس وشي ثاني وجدا مهم هذا المبلغ يعني لو ابنك راد يكمله دراسته في امريكا او انكلترا او اي مكان بالعالم هم يكر وعادي يحولوله المبلغ يعني بعد عشرين سنه وشاف قبول في اي مكان في العالم الدوله ملزمه تحويل المبلغ الى اي مكان تريد وهذا شي مهم جدا

بس هذا لايوثر اذا كنت تاخذ وليفير او تشتغل لكل شخص مقيم في كندا بشكل لاندك يحق له هذا الامر


اخوكم اريد وطن

الله ينطقم من القتله وبالمناسبه القتله مو هم الذين قتلو الناس ولاكن هم الحكومه والكل حاليا في الحكومه وبصراحه اذا عدهم ضرت شرف او ناقوس واني اشك هم شرفاء لازم اول اثنين علاوي ومالكي يخرجون من العراق ويعتذرون من الشعب العراقي لانهم هم السبب ولاحد يكلي الاميركان وايران لو سوريا لو دول الجوار بس من اخر وساعد تشكيل الحكومه هو السبب ومع الف سبب النتيجه هذه المضابح بل الشعب من اسلام ومسيحين بس والله اكول للحكومه والي يفكر بالحكومه ترى لو دامت لغيركم جان موصلتكم والتاريخ والناس والعالم كله حيلومكم على الكاعد تسوو بالشعب والشريف بيهم لازم ويجب عليه يستقيل وينسحب اشرفله واحسله واني متاكد كلها مصلحته تعبي جيوبها من دم هذا الشعب والله على كل ظالم


اريد وطن

اخويه يوفنتوس

حول وندزر هي من ضمن مقاطعه اونتاريو وهي مثل مكلت على حدود ويا دترويت الامريكيه يفصلها بينهم جسر بس وحسب علمي هي مدينه قديمه جدا غير حديثه وعدد سكانها قليل بس ماعرف شكد والعمل بيها وهذه المعلومه قديمه كان عندي صديق قبل 10 سنوات ساكن بيها العمل بيها اكبر مصنع تجميع السيارات الي هي جي ام سي تجميع وهو اكثر السكان يعملون بي بس اخويه هاي المعلومات قديمه الاجارات بيها رخيصه اكيد ارخص من مسساكا و تورنتو واي معلومه تصير عندي اضيفها مستقبلا

اريد وطن

اولا انا لله وانا اليه راجعون

اخونا اليصار بالكنيسه وحياتك  هذا مو جريمه تخص المسيححين بالعراق والذكي يروح يرجع للرجل ويا بناته الاثنين الشهود داخل الكنيسه ومع الف اسف شلون قتلو طفل عمره 3 سنوات بين احظان والده وامام عماته وبعدها قتل ابوه ارجعو للفلم وسمعو كلش زين واحد عراقي ومع الاسف نقول عن هذا المجرم السافل عراقي والبقيه عرب سوري ومدري وين

اسال الاخوان جميعا هذه الجريمه الصارات في العراق بالكنيسه يعني بيت دين لو صارت باي دوله عربيه ومن اي عربي كان واويلي لو جان عراقي مو جان انكلبه الدنيا والاخبار وكل صحف العالم تحجي بيها بس لانها صارت بالعراق عادي مو هذا الشعب خرفان ومحد ميهتم بي

اخواني اني مسلم وعراقي والي كاعد يصير بالعراق تره مصيبه

ونداء الى كل الاخوان في المنتدى  والى الى الاداره لازم العالم كله نخلي شكاعد يصير بالعراق واني بدوري ان شاء الله الاثنيين القادم وانا في كندا احاول بالمدرسه اشغل واسوي لافتات لكي الكل في المدرسه يعرفون شيصير بالعراق يعني لازم الكل يحجي وخاصت الاسلام لانه القتل بالعراق ترى طاله الكل مسيحي ومسلم و اي ديانه والمشكله من دول العربيه والعالم ساكت

اريد وطن - وابلغ الاداره عدم غلق مثل هيج مواضيع

احواني واخواتي القائمين على هذا التوبيك الرائع اتمنى منكم اجابتي على هذا السؤال الحمد لله تم قبولنا ببرنامج هجرة الكفاات الى كندا زوجي حاصل على ماستر هندسة معماري اما انا فقد اكملت سنة واحدة كلية علوم بايولجي وتزوجت وسافرنا الى بلد خليجي منذ 13 سنةسؤالي هو اننا سنعمل لاندنك الصيف القادم ان شاء الله وانا ليس لدي اي وثيقة دراسية (الثانوية )لانها لم تكن مهمة بالنسبة لي بالفترة السابقة فلو سمحتم اخواني المقيمين الان بكندا كيف سيتم التعامل مع حالتي هل اعيد الثانوية كاملة 4 سنوات ام اعطى كورسات (غير اللغة) مؤهلة لدخول الجامعة ام اعيد سنة دراسية لانني متشوقة جدا لاكمال دراستي بليز يرجى الافادة وجزاكم الله خيرا

اختي بالنسبه الج هو  بعد وصولج الى كندا

يوجد مراكز الى مثل في مسساكا اي اس ال والحجي هذا للي فوق عمر 21 سنه يسون اللج امتحان تحديد مستوى طبعن قبل الامتحان لازم يعرفون تريدين تدرسين في جامعه او معهد وشنو مجال دراستج مثل نكول تريدين تدرسين فد شي مجال طبي تمريض او هاي الشغلات وكليه طبعن يسون الج امتحان بالرياضيات والبيولوجي وكيمياء بعدها تدرسين كورس تقريبا 4 اشهر وتوين امتحان لازم تجيبين علامات او سكورات 12 في كلهم من شكد هو يسمو 12 خاص للكليه واكو 12 سكور بس خاص للجامعات وشيه اصعب بس حطي بالج هذا كله متوسي لازم يكون عندج انكليزي علامه 6 قراءه وكتابه واستماع ومحادثه واذا لا تدرسين انكليزي وبعدها تدخلين على هاي سكول يعني بالمختصر جبتب او مجبتي الشهادات الثانويه مالهم علاقه واختي نصيحه اذا عندج وقت حاليا وتولين الصيف الجاي قادمه من هسه عليج تدخلين معهد للغه اضافه تفرجي افلام املريكيه واخبار اجنبيه امريكيه هوايه هوايه شكد متكدرين افضل

اريد وطن

اخونا الفريدو جاوبك

بس اي اعياد ترى الاعياد مطوله يعني تقريبا ب 15-12 تبدي العطل

واخويه الاكنيسه مثل مكللك الفريدو مالها علاقه انته مسلم مسيحي بغض النظر عن الديانه بس مو كل الكنائس تقبل بالنسبه للمساعدات اول سنه ماكو والي يطوكيا هو من راتبك

بس راتب للطفل هذا ماله علاقه هذا يعطى من الحكومه لكل طفل لغايه عمره 18 سنه وهو لكل طفل اهله مسوين لاندك يعني داخلين هجره لجوء كفاله اي طريقه ملهم داعي وذا المبلغ اساسن وجد هو للتعليم الطفل في المستقبل في الجامعه بس هو بعض الحالات والتي هي مثلنا بعدنا ماعدنا عمل نستخدم هذا المبلغ للمعيشه
اريد وطن

اخت مهاجره باذن الله

موضوعج شيق ومهم بس اريد اخليج بالصوره انا وصلت كندا قبل 8 اشهر من عمان للجوء وطبعن عني اسباب تجعلني كلاجاء فعلن وبالمناسبه اني كنت مقدم هجره  وهي اسنده قضيتي وعجله بامر السفر اولا اختي ليس من العيب  احد يعولنا وهذا عتاب عليج من كلامج شوكت تعلمنه احد يساعدنه والخ من الكلام

اختي بس اكلج وان شاء الله تجين وتشوفين انتي من يوم التعادلين لغايه متجدين عمل في مجال عملج او قريب منه يرادلج فد كم سنه يعني اقل شي يراد سنتين زين هاي السنتين متريدين تاجرين تاكلين تشربين فخلي بالج هاي الفلوس الكتبتيها اثناء معامله الهجره متكفيج فقط لغايه سته اشهر واختي همه حاسبيه ويعرفون شيطلبون

اختي قبل ايام صار نقاش مع احد الاشخاص وهو مسؤول كندي حول موضوع الهجره وتعرفين كندا بلد يستقبل مهاجرين سنويا بحدود 300  الف مهاجر وكلهم كفاءات عاليه سوال هذا الشخص انتو طالبين شهادات عاليه وتخصصات نادره وانتم بالمناسبه تطلبون اثناء ذالك هل شهاده هذا الشخص مقبوله في كندا السوال هل عند مقابله الشخص تبلغو بانهو يجب تبدي المعادله وممكن تبدي من الصفر والعمل ليس بالسهل في كندا اكثر العمل يطلب خبرات كنديه ويجب تكتب في الريسومي ( الي هي سي في الخبره الكنديه وكم من الساعات يجب تعمل متطوع وهذا اي مهاجر او شخص تعتبر علي مثل ضريبه يدفعها ... الخ

اختي اني ماريد احبط معنويات مثل العمل كان في اليمن او الاردن او اي من الدول العربيه كان مو سهل اكيد بس ترى هنا يراد بدايه فعلن من الصفر

واني اكلج اختي صارلي تقريبا 6 اشهر اقدم على اعمال مختلفه مكاعد اجد عمل والله حتى في كاز ستيشن كتله للمدير مستعد اعمل عندج شهر بدون راتب وبعدها اطيني راتب هم مقبلو

الكلام  هنى اني انصح كل شخص قادم اذا يكدر ياتي على اليوان يعني كلجوء افضل طبعن ويقدم هجره اذا الوضع مسموح وبعد وصوله ميريد مساعده من الحكومه اصلن يكيفون ويحترموك اكثر وبعدين رتب امورك اختي حسبي بالج وطبعن كاعد احجي على اونتارو من ضمنها تولرنتو او مسساغا يرادلج بالسنه اقل شي فد 15 الف دولار من اجار واكل وشرب

واذا وجتي عمل اول فتره فهذا يعتمد اكيد التوفيق من رب العالمين بس الشي المهم واليساعد هو العلاقات النتورك هنا جدا مهمه وكذالك اللغه جدا مهمه وكذالك الخبرات العندج السابقه تفيد طبعن باي مجال

اختي كندا بلوعت فلوس بمعنى الكلمه وغاليه هو اكيد بيها مقابل من خدمات ونظافه ورعايه صحيه وشعورج انتي انسانه الج قيمه

اختي واخواني ارجع واكول اليريد يجي الى كندا ترى مو عباله جاي الى جنه والراحه ابدا ترى دولنا هي بيها اكل ومرعه وقلة صنعه هنا المستقبل جدا جميل ويبشر بالخير بس البدايه صعبه جدا جدا ومثال اختنى الكالت طبيب وعمل بواب  ابسط  مثال يعني زين لكه بواب هنا البواب مو سهل هذا اكيد عنده لغه ولباقه وممكن بعض امور الصيانه  ويتقن الكمبيوتر جدا يمن خلو هيج
البايه صعبه ممكن تعمل اي شي وليس بالسهوله تحصله وممكن تعمل 8 ساعات باليوم وبعده تروح تدرس تعادل وهذا كل لازم بنفس الوقت يعني بعد العمل مباشر تروح للجامعه وهلم جرى ممكن يحصل هذا المر بسنه سنتين حسب طموحك والي تريد تصيرله


اني حاضر الى اي سوال وبالخدمه الى رواد عنكاوه الطيبين

اخوكم اريد وطن ( العنده شغل رحمه لوالديه يدليني وشكرا )

انا لله وانا اليه راجعون


اقول لاعضاء الحكومه اذا بقت حكومه هذا التريدو ترجعون البلد لنقطة الصفر وفعلن حتخلون الشعب يندم على  انتخابكم


نقول الله يعين ويصبر اهلنا في العراق ويفرجه ربنا على هذا الشعب الذي لاحول ولاقوه بيده والارهاب الحكومي بعدم تشكيل حكومه هو سبب هذه الانفجارات ولو شرفاء وهذا بعيد عنهم الافضل لهم غدا يتركون البلد ويولون بدون رجعه لانعه همه مصدر الارهاب في البلد والله ينتقم من كل من يئذي هذا الشعب المضلوم من مسيحيين وسنه وشيعه وعرب وكرد ويسارب افرجها على عراقنا واهلنا


اخوكم اريد وطن

ابو احمد  معروف علي بالمواضيع المفيده بس اني زعلان علي لانه ميطينه البرنسيسه

واكلك ابو احمد بعد عدنه متجي دير بالك بس توصل اكو علاسه وهلاسه وملاسه والباقي عندك

اخوان حول تورنتو والي هي مقاطعه اونتاريو وين متريد تروح مسساغا تورنتو اوكفل هاملتون واكو هوايه مدن نفس الشي

طبعن هنا الوضع جدا زباله حسب كلام الاخوان من ابواحمد والياقين طبعن من ناحيه الراتب هو تقريبا نفسه بس اليختلف الهديه مثل الى زوج وزوجه وطفل المبلغ تقريبا 1000 دولار هذا هديه من الحكومه الكنديه بس اخوان مثل مكال احد الاخوه العراققين من العين ميحجون بس العرفته اكو عوائل اطوهم شويه اكثر طبعن السكن اول فتره في ملجئ اسمه كوستي وهو كلش كلش تعبان يعني موبوء بالمراض والحشرات والقديم كاعدين يشتغلون بي
اخوان البدايه في اونتاريو جدا مو زينه وللعلم المشكله بيها ضغط عرب هوايه وهذا هو السبب

بالنسبه راتب الاطفال مالت 100 دولار للطفل اقل من سته سنوات والراتب بحدود 350 يستمر لغايه عمر 18 سنه اتصور هذا تقريبا بكل الولايات

اني لو هسه اعادو ترحيلي ممكن افكر بكالكري او  كيوبك او فان كوفر بصراحه بس اكيد كل وحده بيها مساو ومحاسن

طبعن بالنسبه الي وهذا الراي شخصي وبصراحه اني حاليا شويه محبط فالححجي ممكن بي احد يختلف وياي هو اونتاريو اذا تريد تجيها افضل شي هيه مسساغا والسبب بيها عرب بكثره غير ميزه مابيها

بالنسبه الى كوستس بعد متطلع وطبعن ايجاد الشقه مسوليتك طبعن بعد ميطوك فلوس الهديه والراتب لازم تاجر شقه وباي طريقه لانه اذا همه يجيبولك شقه فتكون عمارات مالت مخدرات ووسخه وقديمه واكو اختنى وطني كندا هسه خطيه بالشانه بهاي المشكله
طبعن بعد متاجر يجيبولك اثاث جديده بالباكيت بس قنفات واسره وطاولات وميز طعام يعني ادوات مطبخ زهاي الشغلات انته تشتريها من الهديه

اخوان نصيحه الي بعده مجاي واذا خيروك يروح الى كيوبك مشكلتها انجليزي او كالكري ويكفي والله يشهد بيها ابو احمد والله يعلم مافي القلب نحوه ( بس مشكلت البرنسيسه مناسيها )
او فان كوفر

طبعن بالاخير اكول هو بس توصل الى كندا واي مكان لازم ويجب لاتحبط ولاتيائس مشكله كندا الكبيره هو لازم كلشي تبدي من الصفر من ناحيه الشهاده وكل شي يعني ممكن توقع تعيد تدرس الثانويه من جديد بس لازم متهبط يعني من الصفر اكيد اخوان وهذا الحجي كل كندا واذا تريد تعادل يرادلك انكليزي اخو خيته وتوفل .....الخ

اخوان من واحد حاليا محبط هم اكلكم تعالو  واني الله يعلم ويشهد عندي ثقه المستقبل في هذا البلد ممتاز واذا مو النا فالى اولادنا يكون مسقبل ممتاز الهم ونكول يارب واسعه والله معى اليسعه ونسئالكم الدعاء ياخوان


اخوكم اريد وطن

اخويه اني قبل تقريبا 7 اشهر اجيت من عمان وسافرت على اليوان

عند الخروج من المطار بصراحه اني مخطط مستقبل ممكن ارجع الى عمان والغرامات الي عليه فد شي بسيط جدا فكلت خلي ادفع بالمطار احسن كتله للضابط بالمطار عليه حسب علمي كم يوم تجاوز ممكن شهر او اقل شويه فجاوبني وبضحك شنو عندك فلوس ومتريدها اطينياها واني جاوبته بجديه كتله خويه اني اريد ارجع مستقبلا ممكن بعد شهر او اكثر شويه واخاف ممنوع ادخل جاوبني الرجل كلي انته طالع عن طريق اليوان مو كفاله او هجره يعني اسمك وافراد عائلتك وطبعن الباقين المعنى ممنوع ندفع اي غرامات وكلي شوكت كتريد تجي اهلا وسهلا لانه اسمكم في الكمبيوتر موجود خروج بكفاله الامم الممتحده زمعترف بكم عاليمل انتو كنتم لاجئون في الاردن وتحت غطاء قانوني

بصراحه لحيت علي وكتله اخاف اجي مستقبلا ويمنعوني من الدخول فكلي الرجل اخويه اكللك واني احجي بشكل رسمي معك ممنوع ناخذ منك اي غرامه وعلى كل حال صاح موضف اليوان اليطانه البطاقات وسئاله كله للاخ ممكن ناخذ غرامه منهم كله اذا اسمه بالقائمه لاممنوع
وطبعن اكداي ماكو اي ختم على جوازك يقول يمنع من الدخول بسس وجود غرامات والختم يسمح له بالمغادره وكلام  وبيها حجي يوان

هذا اخويه اليصار وبعد ماعرف وبصراحه قبل فتره خابرت السفاره في اوتاو عدنه كدلهم اريد اسافر احتاج فيزه كلوليس لا تاخذها بالمطار وحول الغرامات كلتلي التعليمات العراقي خارج العراق وعنده اقامه مسموح من الدخول وكلتلي اخويه اطمن حاليا العلاقات والترحيب بيكم احسن من الاردني انتو صرتو اهل البلد
فخويه اطمن واذا محتار روح الى الاجانب والحدود واسءال وشوف

اختي اسود شلونج  ان شاء الله بالف خير شلون صحتج اذكر جانت صحتج شويه تعبانه حسب ماذكر قبل سفري


اختي اني صارلي في تورنتو مسساكا واصل تقريبا سبعه اشهر اختي كلامج كله صح مو يعني الوصول يعني الراحه اكيد بعدها اكو تعب وتفكير بالمستقبل

اختي اني حاليا ادرس بالنك اللغه وبنفس الوقت مساء وعلى حسابي الخاص ادرس بال اي اس ال لتقويه اللغه بشكل اضافي اختي اريد نصيحتج مثل مسائلج اخونا الفريدو شلون وضع الوليفير بصراحه هنا عدنا صعوبه بالتحويل خاصه اذا العمر اقل من اربعين سنه ولغتك فوق الصف الخامس زين الواحد اذا محولو شيسوي والشغل وينه يعني كاعد اسائل اذا تريد شغل مصانع وشغل يهد الحيل تحميل وتنزيل ومتعب زين الواحد شلون يكدر بعد يدرس ويكمل انا محتار جدا وبحالت كئابه لاتوصف من الخوف من الايام القادمه باقيلي 4-5 اشهر وبعدها شلون يعني اذا الوليفير مقبلنا مين ادفع الاجار والواحد ماعنده فلوس تكول يصرف منها

اختي سؤالي في ادمنتون يحولون بسهوله الى الولفير يعني اذا هنا محولوني الواحد ممكن يجي يمكم وشنو مجال العمل اليمكم
وعندج خبره شلون المعادله اني شهاتي مختبرات طبيه من عمان متخرج شنو التكدرين تنصحيني بيه اسويه

اعرف كاعد اضايقج بسئلتي بس تحمليني ماكو احد هنا يمي يشاركني بهذا الهم  اخ ياعراق سويبت بينى والله ذليتنلى ياعراق واليكلي العراق معلي خلي يحتفض برائيه لنفسه افضل


اريد وطن

اللهم صلي على محمد وال بيت محمد

حصوه بعين اللي ميصلي على النبي عند روئيه صوره هاجر


ويارب ويارب تنزل صور عرسها على المنتدى  ونكول يارب بقدومها يقدم الخير على اهلها وعراقنا واهل العراق كافه ويارب نشوف الجيل القادم جيل رفعه راس متحدين محبيين لبعضهم ويجعل هاجر عروس كندا والعراق ويحفظها من كل شر


عمي اني جايلك مشايه الى كالكري عندي عمار وهو تقريبا كندي جاين مشايه على هاجر واذا تكول لا محجوزه تره تصير مشاكل بين اهل تورنتو وكالكري اعلنها حرب يعني نقطع المي عليكم ونسويها حرب على هاجر ترى بعدين تصير هجره من كالكري الى تورنتو ومشاكل وبعدين نفتح باب هجره الى العراق وتعرف مقابلات وفحص طبي وانتظار بس الناس تريد توصل للعراق

فعمي بدون هاي المشاكل وبهذله العالم اطينا هاجر احسن وابني هسه يدس مسج الى هاجر يمسجلها فرجاء لاتتدخل

اخوك اريد وطن ابو عمار من كندا

الف الف مليون مبروك اخونا الفريدو وتتربه بعزك ويجعل قدومها قدوم الخير كله للك ولافراد العائله

الف الف حمد لله على سلامه


اخوك اريد وطن

اختي وطني كندا بعد التحيه

اختي من هملتون تروحين الى منطقه او تجمع go bus   اسمه الكو بص ماعرف شكد رقمه ممكن يكون رقمه 44 ممتاكد اختي تكطعين بطاقه وتكليله الى سكوير ون الي هو يعتبر مركز مسساغا وهناك تنزلين  يمن ينزلج الباص مقابيل منطقه باصات الكو باص  تروحين الى الباصات الي هيه ابيض وبرتقالي وتاخذين باص رقم 19 اس يعني ساوث  وهذا يمشي بشارع هورنتاريو الي انتي رايدته بس اختي هذا شارع طويل جدا وين تريدين تروحين بالضبط

اختي بالنسبه للشقق لازم انتي دورين على عماره عماره واكو احد وياج لغته زينه يكدر يتفاهم  وحسبي بالج يراد مشي وشويه تعب مو سهله  بس اكيد اليدور يلاكي

وتكدرين تجين عبر القطار بس الافضل الباص لانه القطار اسرع ونفس السعر بس المشكله تستخدمين باص وقطار ولازم تعرفين اسماء المناطق بصراحه اختي كل متمشين خطوه اسئلي هنا الناس جدا متعاونه ودلي خاصه يعرفون انتي جديده بالبلد

بالنسبه سعر الكو باص من هملتون الى مسساغا سبعه دولار ونصف  والمواصلات داخل مسساغا الباص 3 دولارات اذا كاش طبعن حسبي بالج خلي بيدج خرده يعني دولارات ابو الواحد او الدولارين تحتاجيه بالباص الداخلي لانه معليهم تحطين بالحصاله والسائق يطيج ورقه اسمها ترانزفير هذا الحجي للباصات الداخليه بس في مسساغا واكيد عدكم نفس الشي

اريد وطن

اخي حفيد كلكامش

لااقول فقط لاحول ولا قوه الله بالله العلي العظيم يصبرك ربنا

اخي انا من الحاقديين الى كل بعثي بس ليس لي انا او اي شخص بالقتل لايجوز قتل الناس في الشارع  على اساس بعثي مع الاسف من يعمل هذه الاعمال ليس بانسان صدقني من جرع الظلم واالالم لايستطيع ان يضلم الناس بس شكللك حسبنى الله ونعم الوكيل وربنى يرحمه ويستر على اطفاله وزوجته ودير بالك عليهم هذا اختبار من رب العالمين والله يصبركم

اخويه انته لم تحدد ماذا تريد من سرد القصه
اخي اذا كنت في العراق يجب عليك مغادره البلد والذهاب الى عمان - سوريا  من هناك تروح الى يوان وتاخذ موعد وتسويه مقابله لكي يجدون لكم بلد تغادرون له طبعن هذا يحتاج وقت من 1 سنه وممكن اكثر وممكن اقل بس هو الافضل التقديم من عمان افضل

اخويه حاول توضح انته شنو المحتاجه لكي الاخوان يكدرون يساعدوك مع التحيه

اريد وطن - كندا

أشكرك أخوية أريد وطن والله يبارك فيك يا طيب وأحب أطمئنك لم نسافر الى العراق العظيم ولا مرة وأعتقد هاي خوش فقرة الي حضرتك نبهتني عليها وبالنسبة للفورمات مو مشكلة نستشيركم أذا توقفنا عند فقرة معينة وانتوا ما تقصرون وياية ورحمه الله والديك أخوية العزيز  . تقبل تحياتي

اخويه العزيز احنى بالخدمه واي شي اني حاضر وبالخدمه بس خويه عليك بالصبر وثم الصبر نحن العراقيين هذا مصيرنا يعني حط بالك كندا يراد بيها الصبر من التقديم لغايه يوم وصوللك وحتى في حياتك هنا بعض الاجراءات بحاجه الى انتظار وصبر تكول يدربونا على الصبر من البدايه وربنا يوفقق وتحقيق الاماني

ابن المنتدى اريد وطن

اخويه مازن الف الف مبروك اعرف هذه الايام مزعجه لغايه السفر بس الف الحمد لله عرفت موعد سفرك وان شاء الله توصل بالف سلامه وبخير وتبدي حياه جديده
بس خوي خلب بالك  انته يوم التركب الطياره من عمان وتسافر تكون مقدم على حياه جديده ومستقبل جديد اهم شي دائما خلي لنفسك امل ومن ساعه وصولك بس تهبط معنوياتك تضوج او اي تفكير سلبي لاسامح الله تذكر ايام السابقه والانتظار وخويه شتحتاج اني حاضر

اخويه مؤيد العبيدي الف الف مبروك وخويه خلب بالك اذا الله قاسمها اللك كندا توصل توصل وخويه نصيحه من اخ الى اخوه كندا يرادلها صبر وصبر وبعد صبر بس بس تقابل ويطوك تعبئه الفورمات والاصح بس يتحول ملفك الى كندا السفاره يعني قبلو ملفك يعني نكول قبلوك 70% والباقي يبقى على المقابله واذا اخطاء تعبئه الفورمات او تكون مسافر للعراق هنا ممكن ياخر او يرفض الملف وخاصه وحط جواها خط احمر سفرك للعراق 100% يلغون الملف وكان شخص معي في كوستي من مصر الرجال هو وزوجته فيزولهم ووالده كانت رايحه للعراق قبل شهر من المقابله رفضو يفيزولها ورفضو ملفها

فخويه هيه شغلت كندا يراد صبر وصبر مو طبيعي وخويه حاول من هسه اذا عندك امكانيه او وقت ادخل دورات للغه انكليزيه ودورات تعلم كمبيوتر والله اخويه بصراحه اني ندمان جدا اخون نصحوني قبل اتلسفر ادخل دورات ومسمعت كلام واني هسه ندمان جدا ليش
اذا عنك اساس للغه مع ممارسه شويه بالدورات يصير عنك ريفرش شويه وعند الوصول هنا تكون شويه اسهل عليك


ونصيحه الى الاخوان اللي خلي نكول باقيلهم وقت هوايه وعدهم شهادات خلي ياخذون توفل ويجهزون نفسهم عليه من هسه احسن صحيح بكندا الدورات رخيصه ممكن ب 30 دولار شهرين ونصف بس وراك  مواصلات وروح وتعال وتعب وعدها الواحد الاحباطات التصير البي كل هذا وكت ينحسب عليك والحياه هنا بكندا سريعه سريعه جدا مو مثل دولنا العربيه يعني هنا كلها تركض والله يشهد عليه الي ماعنده شغل بكندا هو تلكا ماعنده وقت ومشغول

لان الحياه هنا تختلف من فواتير وتلاحق العروض ولازم تركض وياهم لكي تدخل في دوره حياتهم وتتئقلم على طريقه حياتهم اكيد الشغلات الزينه

اعرف طولت عليكم بس اخوان نصيحتي العنده وكت وامكانيه ماليه خلي من هسه يدخل دورات يدخل على الانترنت ويتعلم انكليزي يستمع او يشاهد افلام ممترجمه ويتعلم على اللهجه واني بلغت


اخوكم اريد وطن -- تحياتي وسلامي الى جميع رفاق عنكاوه وبالاخص جماعه كنكا

اخونا التورنتي الجديد المحترم اولا اهل وسهلا بيك في المنتدى واعتبر نفسك في بيتك

اخونا بارك الله بيك على معلومات مصر  هوايه ناس محتاجه هذه المعلومات

اخويه بس حاب افيدك اول اني من سكان مسساغا تبعد عن تورنتو نصف ساعه  واني صارلي قادم 6 اشهر من عمان بس حبيت اطيك هذه المعلومه حول الهواتف الموبايل والانترنت

اكو شركه اسمها وند wind  وكذاللك موبايل سيتي mobil cyte  وكذاللك اكو شركه جديده اسمها جات chait

اخويه بالنسبه للشركه الاولى والثانيه هذوله بدون عقد بس المشكله لازم تشتري الهاتف منهم طبعن خدمتهم الممتازه هو تكدر تحجي وتستلم بدون لمت معين مثل باقي الشركات يعني اونلمتت وبالشهر تكلفك ويا التاكس 40 دولار بس هذا بس تحجي ويا gta يعني كريت اونتاريو طول الشهر واذا تريد كل كندا مع امريكا بس تدفع 55 دولار بالشهر وهسه حاليا شركت وند مسويا عرض للطلاب بس 25 دولار بالشهر ولمدت سنه بعد سنه ترجع الى اسعار اعلاه واخويه انته طالب ماطول تدرس بلنك يعني بس اخذ ورقت التقيم وبس

بالنسبه الى الانترنت شركتين حاليا مسوين عرض ممتاز هو بالشهر حدود 28 دولار مع التاكس وان لمتدد ولمدت سنه بس تشتري شريحه منهم سهرها 150 دولار واخويه ماكو بكل كندا هيج عرض ترى وبالمناسبه شركت جات الاخيره

تكدر بس تاخذ منهم شريحه ب 10 دولار وعلى تلفونك وممتازه وهي هاي الشركه تابعه الى روجر وتغطيتها ممتازه
اخويه دير بالك تسوي عقد مع روجر او فايدو او اي شركه خلوي السبب
السنه القادمه بنهايه 2010 شركه روجر ينتهي عقدها الاحتكاري وكان لمده 50 سنه السابقه وحتدخل الى كندا شركات جديده والاتصالات عدهم حصير رخيصه

طبعن الاخوان المواصلين الى كندا ويقرون هذا الحجي هسه يكولون شنو هاي اسعار التلفونات يكلك 40 بالشهر ويكول رخيصه

نعم في كندا للعلم الاتصالات اذا احد رن عليك ويحجي وياك انته تدفع وال المتصل يدفع  يعني اذا هنا تلزم التلفون وتحجي بدون حساب وانته مع الشركات هذول ممكن تدفع بالشهر فد 1000 او 2000 وهذا عادي جدا طبعن ماكو احد يحجي هوايه بس حاليا هذه الشركات الكلت عليها عادي احجي شد متريد

اخويه شتحتاج اني حاضر واحسلك دخلت للمدرسه لان المدرسه الغه بصراحه هيه مو بس لغه تفيد هوايه معلومات بالحيات اليوميه مثل اخبار الهواتف الاجارات وكثير من امور الحيات اليوميه

اخوك اريد وطن من مسساغا

اخونا ابو على اهلا وسهلا بيك يمنه بكندا بس عمي دربالك ترى الحديقه عدنا حلو صحيح بس الجو بارد عمي شجابك الناس تجي ايام الصيف مو هسه وكت البرد يعني اليوم عدنا الجو جماعه مسسياغا - اوناريو الجو باليل 4-5 درجه مئويه وبعده يكولك الجو صيف

عمي ابو علي بس رحمه على والديك وياك الصوبه ومنقله وبطانيه وتعال نسهر بالحديقه والله كريم


اخوكم اريد وطن من كندا

والله اختي سوريا ماعرف اجراءتها

بس اختي خلي باتلج وكلش مهم في المقابله لاترتبكين وجاوبي على كد السوءال وابد ابد ابد لاتستفزي يعني اذا يعيدون السوؤال 10 مرات عادي جاوبي وبدون اي ضجر او ازعاج ولاترتبكي او تبيني نفسج خايفه او مرتبكه

بالمناسبه انتي وجاوبين شوفي بعين المقابل مع ابتسامه بسيطه واخذي المقابله بسهوله

طبعن القصه مالتج الحجيتيها في اليوان اتعيديها نفسها بدون خربطه او ارباك

اختي اتمنى اعرف اجراءات في سوريا وافيدج بيها وان شاء الله خلال يومين او ثلاثه اعرف ناس بالمدرسه استفسر منهم وارجع ابلغجك

اريد وطن

اختي عراقيه في الغربه بعد التحيه

الرجاء توضيح بشكل صحيح هل اتصلو بيج اليوان لتحديد موعد مقابله او استلام فورمات او كلولج مقابله لاستلامات فورمات وتعبئتها

على كل حال اختي انا حاليا في كندا وسوف احاول اكتبلج اليصار ويايه وانا سافرت من عمان

اختي بعد اتصال من قبل اليوان يبلغوج للاستلام فورمات خاصه بالسفاره الكنديه للتعبائه خلال اسبوع ويتم ارجاعئها الهم يحددون هم اليوم للترجيع  طبعن مع صور شخصيه ونسخ من الجناسي والاحوال المدنيه وهذا اختي يعني كندا مبدئيا قبلت ملفج وهو قيد الدراسه وطبعن بعد المقابله هو الرد النهائي

اختي حطي بالج كندا بحالت قبلت ملف من النادر ترفض الى باسباب منها خربطه بالمقابله تعبئه الفورمات بشكل كلش مخربط او من يوم قبول الملف انتي مسافره للعراق واكو حالات اعرفها مسافره للعراق لغو ملفهم


كذالك ليس لديهم مانع ماعندج احد بكندا يعني كفيل بس اذا عندج اخ اخت هذا ممكن يسرع بتحديد الولايه والسفر بس لايعني يرفض هوايه ناس ماعدهم اي احد وقبلوهم


على كل حال الفورمات التعبه جدا سهله معلومات شخصيه اسم وعمر بس المزعج بيها هو كتابه تسلسل اليصار معك من  اليوم لغايه عمرك 18 سنه فتره فتره بالتفصيل وطبعن واحد بعد تعبئه الفورمات وبحالت النسخه النهائيه يصور الفورمات الاصليه لكي بعدها اكو مقابله تصير ممكن من 2-6 اشهر واكيد واحد يكون ناسي بعض المعلومات وبالمناسبه جماعه اليوان يكلولج على التصوير للتذكر ماكتبتي

وبعدها من 2-6 اشهر وهنا الوقت محد يكدر يحدده يتصلون اليوان يكلولج موعد المقابله وهذا هم جدا مهم اكتب التفاصيل لاحقا

اختي حدديلي هل عبيتي الفورمات
انتي حاليا باي دوله مقدمه
اريد بعض التفاصيل لكي افيدج اكثر

اختي رجعي بالارشيف مواضيع مثل الفريدو مواضيع كل مايخص كندا او اكو مواضيع اخونه اسمه عبسي او كندا هذول هوايه نزلو مواضيع مفصله وبيها هوايه تفاصيل تفيدج

لكي التحيه واي شي تحتاجين حاضرين
اريد وطن من كندا

اختي العزيزه للعلم وتاكيد على كلام الاخوان هذول محتالين واحب ابلغج واكدلج ماكو غير اليوان او اي ام

انا من عمان قدمت وحاليا والف الحمد لله في كندا حاليا بس اكلج اقلبي الموضوع لصالحج شلون

طبعن هذا الكلام عام 2008 في شهر 11 او 10  ماتذكر قدمت على اليوان في عمان وكان وضعي جدا صعب ماعندي اقامه وجنت احاول باي طريقه اخرج ماطول الموضوع عليج كل سته اشهر نجدد لازم بصراحه 6 اشهر تعمي الي كل شهر 45 دينار اردني غرامه ضربي الرقم في 3 يعني 180 بالشهر تقريبا وسته اشهر يعني هجمان بيوت عدا الاجار واكل وشرب ...الخ

طبعن الف الف الحمد كان كابوس وتعدا القصد جنت احاول اطلع وفي الاخير وصلت الى ناس كالولي احنه نسرع الموضوع في اليوان بس تطينه رقم بس قبلها مبلغ من الفلوس وماريد ادخل بالتفاصيل يعني اكو عدهم ناس بداخل اليوان ومن هل الافلام
كان عندي الرقم هاتف والقاء يتم في كافتريه بس شلون قلبت الموضوع الى صالحي بصراحه في الفتره القادمه للتجديد في يوان عمان وايامها جانت مزدحمه جدا ونروح من الصبح لاوم وبارده المهم بصراحه كلش ضجت واستفزيت وعند المقابله يابه شوكت تسفرونا وهذا الحجي وتعرفين اجابت الموضف يوجد نظام ودور وووو واني بدون قصد وتفكير طبعن قبل مادخل اشوف بروشورات على الحائط وتاكيد من عمليات النصب وناس تاخذ فلوس للتسريع ومن هاي الافلام وبصراحه مثل مكتلج بدون وعي مع نقاش الموضف وجنت تقريبا بادي اريد امشي بهاي العمليه وبصراحه جنت بعدني مدافع شي وميرفون اسمي او رقمي الجماعه الحاجي وياهم لكي اطيهم فلوس كتله الى موضف اليوان اكيد انتوا هذا الكاتبي البروشورات مالت الناس الي يسون النصب على امثالنه وكاحت انته تحجي انتظر دور واجراءات فكتله اكو ناس طلبو مني فلوس يسرعون بالمعامله وبصراحه اني غركان وحيوصل الامر بي انام بالشارع وانته كاعد دكلي اصبر اني احسن شي حشوف اي طريقه قانونيه غير قانويه بس اريد اسوي حل الى نفسي فكلي يعني شنو تهريب كتله اي طريقه واكو طريقه ناس تكول تاخذ فلوس وتسرع بمعاملتي في اليوان طبعن صفن عليه وطلع من الغرفه وتاخر عليه فد نصف ساعه بصراحه اني كلت الاصت عليه وممكن هسه يتصلون بالمخابرات شرطه يسفروني بس كل بين نفسي اليصير يصير والله رجع الموضف ومع وحده وكلي ممكن تعيد الحجيته
ثم كلي ممكن تهدي نفسك وتشرحنه ملخص الموضوع اطيتهم وصف الشخص القابلته وهاتفه وبصراحه شويه بهرت الموضوع عليهم وبعدها كالولي انتضر مكالمه من عدنا وترجوني بدون مادفع اي فلس وهذول نصابين مهما كالولك حتى كلي لو يراوك باج مالتنه لاتصدقهم لانه نحن هنا جميعا موظفين اليوان في جميع العالم ليس لدينا اي دور بالموافقه او الرفض يوجد ناس خاصين ولايستطيع كان من يكون يصل الهم وهم ناس اصحاب رواتب جدا عاليه ومراقبيين ومحد يكدر يرشيهم او يوثر عليهم واي منضمه او شخص يدعي يستطيع التاثير عليهم كذاب كذاب  فختي ملخص الموضوع اني بصراحه بعدها بشهرين فعلن تحول ملفي وبصراحه بعدها اتصلت بالرقم الطيته لجماعه اليوان طلع مغلق وبصراحه اني خفت اسال اليوان على الموضوع والناس هم مسئالوني علي وراها سافرت واني حاليا بكندا

اختي الملخص مهما يعرض عليج واحد يكلج ادر اسوي وافعل ترى اكثرها نصب وبالاخص مايخص اليوان واختي في حال سفرج عن طريق اليوان هو افضل واسلكم طريق يعني هو الطريق الصح وبس
واذا وصلتي الى اي دوله منو يضمن الج يوافقون عليج كلاجىء ممكن بعد سنه من وصولج يرفض الموضوع ويسفروج وهوايه صارت وياهم في السويد والدنمارك ناس وصلت تهريب وبعده بسنه سفروهم ولم يقبلون لجوهم هذ الحجي جان قبل اي اعداد قليله عمي هذا هسه العالم كله يطلب لجوء باسم العراقي هو جنسيته عربيه اخرى ويدعون هم عراقيين علمود اللجوء

نصيحه لاتفكري بذول النصابين وحافضي على نفسج وفلوسج والله يفرجها عليج يارب وتصلين الى بر الامان

اخونا الفريدو ومازن

لا لاتخافون موضوع غرق السفينه مو واحد عراقي الحمد لله تاكد هذا اليوم بس ابو احمد يكولون اكو واحد بعمان اسمه جان سابقا اربد اتصور عنده الحقيقه فدربالك عمي وسمعت يريدون خلال الايام الجايه يسافر ويحجزون الطياره علمود يحل هذا اللغز

اخويه ىابو احمد يابرد عمي هذا عندك بس اكولك الجمعه عدنا ب تورنتو  ومسساغا جانت درجه الحراره 30 يعني يبو خطيه مصاليخ يمشون من الحر والواحد بيده بطل المي ويمشي من الحر طبعا بالنسبه النا تعرف هذا فشي عادي منموع بس المفارقه اليوم  السبت من الصبح درجه الحراره مابين 15 صباحا مساء 9 درجه مئويه طبعن شوف الفرق

يعني امس قميص صيفي واليوم لابسين قمصله طبعن امس رغم درجه الحراره عاليه بس الرياح شديده جدا وفي هاملتون الاشجار تكسره وبعضها كام من الجذر من سرعه الرياح العاليه

وابو احمد تريد ادزلك كستانه عنده هنا هوايه بس رحمه على والديك دزلي الصوبه كلها مو بس الفتيله خويه داز داز
بالمناسبه اليوم سئالت على باص يسمو كو باص الى كالكري من تورنتو  ياخذ وقت يومين مع استراحات متقطعه ليست طويله والتكلفه حدود 450 دولار طبعن ون وي
والى فان كوفر القطار من تورنتو الى فان كوفر  وبدون توقف مده 3 ايام طبعن قطار سريع يتوقف مره وحده ماعرف اسم المنطقه وهاي التوقف للتزود وقود ومواد غذائيه والتكلفه خويه حدود 600-800 طبعن اذا تحجز فورا بس اذا قبل اسبوع اون لاين نصف السعر وبالطياره من تورنتو الى فان كوفر 7 ساعات طيران وشوف خويه المسافات علمود نعرف شلون اختلاف بالحراره بين مقاطعه واخرى

اريد وطن -

اخونا مازن لاتخاف ولا تحط بالك

قابل من شنو تخاف بي تهديد وانفجارات وقتل خويه هنا اخبارهم وتوختهم  الجو  واخبار الجو  والعمل وشكد يدفعون وشوف البطر هسى
صارلهم يوميين بالجرايد والاخبار دايخين ويتناقشون على خبر تيتانك ( باخره تيتانك الغرقت ) شنو سبب الغرق واكتشفوا او احدهم طلق سر الغرق شوف شلون دايخينن

والاخبار الثانيه الدوخ قبل يوميين لكو بالشارع دم واعظام  ومنظر مقزز  طبعن مطوق المكان وسيارات شرطه ومحققين يريدون يعرفون هاي البزونه شلونه ظربتها السياره ها عبالك ادمي ظاربته سياره لاخويه  هاي البزونه

خويه بس بشرفك مثل مكتلك وتذكر كلامي اول فتره تصل بيها حاول لاتكئب نفسك واخذ اي شي بيجابيه واي شي يصير وياك خط عادي اعتبره تجربه جديده وخلي بالك ترى احنى موجودين اي شي تريد تساءال اني حاضر  ولاتتردد

واتوقع سفرك 100% بالميه بي 20-10 -2010 وكول يارب

اريد وطن وعمي احلى وطن لاتزعل

كندا كندا كندا وبس


اخوكم اريد وطن من كندا يحيكم وتم التصويت

انا لله وانا اليه راجعون

الرجاء قرائه سوره الفاتحه على روح المرحومه

وندعوا  ان يجعل الله اخر مثواها الجنه امين رب العالمين

اخوان وصاحب الموضوع

هذا الامر ليس بالجديد وصار تقريبا منذ 1 سنه واكثر واني شخصيا مسوي دعوات الى اقرباء وجنت اسوي هاي الكفاله وبعد صدور الموافقه وفي وزاره الداخليه اكتب تعهد ب 5000 دينار اردني وهي تساوي 7000 دولار في حال عدم خروج خلال الفتره المقدره او عدم تجديد الاقامه الموئقته ووجد غرامات على الكفيل دفع الغرامه وهي طبعن مرهونه باي شخص عنده اقامه دائميه

يعني هذا الخبر غير صحيح والرجاء الغاء هذا الخبر لانه غير صحيح وبصراحه علاقنا ويا عمان حاليا افضل من اي وقت

يعني لليريد غلي يرجع قبل سنتين ويذكر شلون جانت معاملتهم كحكومه وشوفو اليومخ شلون تسهيلات بكثير من الامور

اخوكم اريد وطن - من كندا يناديكم

اخويه مثل مكلتلك سرى وضح اكثر اخويه

وتكدر تدخل على حسابك من اي مكان بالعالم  اون لاين وتسوي تحويل من حسابك الى الفيزه واكيد عندك رقم سري وتدخل بي على حسابك الدبت وتسوي تحويل من حساب الى حساب

اريد وطن

اخونا الكريم اني مثلك صارلي تقريبا 5-6 اشهر في مسساغا

اخويه سؤال شنو اليخله المسؤل يكلك هذا الحجي يتحججون وهل هو عربي لو مين وهل انته او الزوجه تضرب الطفل اخويه انته تكول المسؤل عنكم يعني من جماعه كوستي المستشار  هذا اكيد كلامه مسؤول وحاب ينصحك بس اذا لا وضح شنو دور هذا الشخص

واخويه حاول تسال الجماعات اليحولك القدماء واكو مراكز عربيه للنيوكمر الي هيه نيوكمر اسسمنت اكيد بيها عرب عراقيين او مصريين او لبنانيين حاول تسئلهم عن وضعك واذا تكدر الجماعات اليحولك في الكنيسه او الجامع ( مسجد) طبعن من ناس العراققين وشوف شنو رايهم طبعن اشرح شرح مفصل لكي يفيدوك اكثر

اخويه اني عندي طفل عمره 3 سنوات اول موصلت ودخلته مثل ميكولون روضه تحضيريه للاطفال يوميه ساعتيين اني او امه نكون ويا ابني ضرب طفل يعني شويه دفعه ويمن يلعب ياخذ العب منهم طبعن اكو وحده عراقييه مساعده للمدرسه الاصليه طبعن تعال شوف دوخت راسي المعلمه الاساسيه ودي ابنك للطبيب وشوف سبب ابنك ليش يضرب وسوتلي قصه ماطولها عليك لبسته وموديته للمدرسه بعدها بس مع الاسف الكشفته هو المدرسه العراقيه ومع الاسف الي هيه مساعده المدرس الاصلي  حركتنه عند المدرسه الاصليه على اساس هذول من نفس بلدي وميعرفون يتعاملون مع الاطفال طبعن هذا الحجي عرفته بعد شهر من هذا الامر وبالصدفه يطول الكلام عليه

اخويه بيهم ناس هنا يكبرون الشغلات وبيهم عادي يتعاملون بلطف مع الاطفال وبخبره فخويه حاول تشرح بالتفصيل للجماعات اليحولك مشان يفيدوك اكثر اذا الموضوع جدي او  شنو الفلم 

ومثل مكالو الاخوان اخذ الطفل ليس بالسهوله بس اذا عمره 7-8 سنوات ويكلهم اهلي يضربوني او باب يضربني ومن هيج شغلات فدربالك بس اذا علاجات من هايبر اكتفتي فهذا امر عادي ولاتخاف

اخوك اريد وطن والله يعينك ويعينه على تربيه اطفالنا في هذا المجتمع

اخويه حسب علمي لازم تسوي فيزه الى كندا وبعدها تكدر تروح بس اذا عندك جواز كندي اكيد هم تكدر تروح وبدون فيزه وتكدر تعيش بمريكا وتعمل وتدفه حته تاكس وشي عادي


اخوكم اريد وطن

اخونا دوري

اني اتفق وياك 100% احنى العراقيين بس ننتقد وخابصين نفسنه بلد الحضارات بس والله والله ومع الاسف اكتشف يوم بعد يوم نحن شعب جاهل متخلف لايحب النظام  والواحد يخجل يكول عراقي اني

ليش تعتب على حكومه والبنك فعلن الناس المفروض هيه ترتب نفسها والله ياخي عشت بالاردن 18 سنه وجنت اشوف وكفتهم سرى على السرفيز وهو نكول علي شعب بدو وفلح وبس نضحك عليهم عمي هيه كوه شعبنه شعب جاهل بمعنى الكلمه


اسفي على العراق  اخ اخ

اريد وطن

اخويه سمير شلونك ان شاء الله تكون بالف خير

اني عند قراة اسمك فرحت اخويه احنى تحاجينه بعمان اذا تذكرني اخويه انته كلت كلمه يوم اجاك رفض من كندا كلت ممكن هذا بي خير الي خلي اسس وارتب وضعي بعمان تذكر

حبيبي واخي انا حاليا في كندا واتمنى ومن كل قلبي اسمع خبرك وتكون سافرت وصدقني اذا الله كاتبه الك وبيها خير متتاخر عنك وكل تاخير بيها خير ادري الانتظار والتفكير صعب وادعولك ربنا يفرجها عليك

اخي نصيحه من اخوك لاتفكر ولاتعب نفسك مارس حياتك بشكل طبيعي وانسه امر اليوان بس ابقه تابع اكيد بس لاتطي اهميه او اعتماد للامر ترى تتئذه من التفكير والقلقل واذا جانت مقسومه الك ربنا يسرها ومشوف نفس الى تسافر وتصير ذكريات

اني حاليا بكندا ودايخ بامور غير الجنه نفكر بي من انتظار وشكالت يوان والخ فخويه ركز بحياتك وايامك العايشه في عمان واني مع الاسف ماملك الك بس الدعاء واذكر صوتك وكلامك من حركت قلبق من الرفض والتاخير بس شنو البيدنا النسوي توكل على الله وربنا مينساك

واخويه هذول الناس التحجي عنهم مثل السافر ومسلم عليك تعال هنا وشوف النماذج من هيج اشكال والله تشيب الراس ماريد اقهرك وازسد همومك الواحد بيهم هنا من العراقين والله اذا تسال الطريق منه شلونه كمثال يسدها بوجك ولا ويمعود وتعال اسمع كندا متسوا وشورطنا واجينا الخ من الكلام والواحد بيهم عبالك جانت اليوان دازه عليهم وماعدهم اي تعاون او تكاتف يعني اليعرف معلومه منهم يخبيها عليك عبالك مادري شنو ا الصاير
فخويه هاي الدنيا تشوف بيه انواع واشكال من الناس عادي لاتهتم ولاتضوج نفسك

اذا اي شي تحتاجه واني اكدر علي ان شاء الله ماقصر وياك وادعيالك بهذا الشهر الفضيل الله يفرجه عليك ويسر امرك

اخوك اريد وطن - صارلي 6 اشهر في كندا وسلامي الى افراد العائله واتمنى الفرج القريب لمحنتك يارب

اخويه انديانا 

رحمه على والديك وبارك الله بيك وخويه لاتخاف اليريد يسب عليك ترج المسبه عليه

واني اشاركك بنفس الفكره يعني ليش ربعنى ميدلون واكلك ليش مع الف اسف العراقيين معدهم اي تكاتف وموقليل بلدنا الصار بيه والله ياخي اني هسه بكندا وصلت قناعه ابعد ابعد ابعد عن شي اسمه عراقي اذا تريد تتوفق وتمشي صح ابعد عن العراقي واليزعل يزعل والله ياخويه اني صارلي 5 اشهر بكندا واكول العراقيين اهلي وناسي بس طلعو العكس ياخي اذا الواحد منهم عنده معلومه ياخذ اليمه ويروح على جه ويتشاورون واذا صار مصار ودخلت غصبن عنهم على الخط يحلفك لاتكل لهذا يمعود خلي بس احنه نستفاد ترى بس هذول يجون يخلربون علينا

يعني كنه الحكومات مثل الكنديه لو امريكيه كاعده تسوي هاي الشغلات هسه وجديده عمي من سنيين  عدهم ولفير لو فود بنك او فود ستامب والخ من مساعدات اادخل القليل بس مع الف اسف جماعتنه العراقيين ماعدهم اي تكاتف والله اخي قبل فتره صار وياي موقف فعلن مخجل

واحد من اخوانا العراققين واصل جديد وميعرف موضوع  شي اسمه التاكس واحنى جماعه اليوان لانه دخلنا قليل فلحكومه تسويلنا دفعات كل اربع اشهر تدفع حسب عدد الاسره فاخونا العراقي يسال واني جنت واكف على صفحه وهو واكف مع عراقيين ويسال ومحد يجاوب وهذا اليكول ماعرف والاخر يكله يمعود كلاوات وهو خطيه يكد عليهم واني دخلت على الخط وشرحتله وكتله سويت وشلون تبهذل يمن سويتها لانه محد مدلاني واطيته تلفوني وكتله اوديك على شخص يساعدك وراح واتشكر مني وابتعد من عدنه شو واحد من الجانو الواكفين لزمني ورزلني انته متستحي وهاي سويت اكل شبيك يكلي شنو دلي شنو شرحتله كلشي خلي خلي يولي خلي يتعب شلون احنه تعبنه ليش تشرحله وتحجيله على الجاهز والله ياخونا وبدعون شعور  سبيت عليه علمان اكبر مني عمرا وكتله امثلاك صدق حثاله وحقير وصارت مشكله -------

اخويه احط ايدي بيدك شتعرف حاول تساعد اليمك ولكل شريف اكله صدكوني الله ميناها اللك وتردلك بصحتك واطفالك وربنا يفتح ابواب انته متعرف بيها يعني الحثالات مثل هيج ناس ولايريدون يساعدون معلينه بيهم

اريد وطن في كندا وكاعد اشوف الضيم من العراققين والعرب مع الاسف طبعن مو الكل 

اختي كندا

شلونج ان شاء الله تكوني بخير  شلونج ويا كندا ويا جوها الحار هاي الايام  في مسساغا عدنه هاي الايام الجو جدا حار


اخوج اريد وطن

اخت صاحبه الموضوع اتصور هذا الموقع يخص دائره الهجره الكنديه

بس الافضل يتم التحويل عن طريق يوان افضل اذا كان طالب الجوء انساني ولديه اسباب تقريبا مقنعى افضل شي على يوان لافلوس ولا محامي وترى هاي بعدين ال 4 الف مو قليله والحياه في كندا غاليه
يعني اذا الشخص الاليقدم عليها وعند الوصول الى كندا مثل وضع اليوان اكو راتب وتقسيط الطياره اوكي ممتاز مو مشكله ال 4 الف دولار بس اذا لا خلي اليقدم عليها يحب اول سنه اذا شخص وحده تقريبا فد 14 الف دولار يرادله من ايجار واكل وشرب

وختي اليكاتبه يريدون المتميزين عمي هوه يا متميزين ايو واحد يوصل وشماعنده من شهادات كلها خرطي بالنسبه الهم لازم تدرس من جديد واكو هوايه اطباء اعرفهم امتحنو ودرسو من جديد واكو هوايه ناس غيروه اتجاه عملهم واختصاصهم بسبب هنا في كندا لازم كلشي تبدي من الصفر
طبعن لاتهبط معنوياتكم بس تبدي من الصفر وتكمل الحياه تختلف وجميله بس عيب كندا لازم كلشي ترجع من الصفر  من دراسه وحيات وقوانين وانظمه يعني اول 3 سنوات ترجع للدراسه والقرايه اذا تريد حياة كريمه ومريحه في كندا غير ذالك تبقه عامل في المصانع طول العمر او بسوبرماركت وهيج تلعن كندا واليوم الوصلت بيها

فياخوان نصيحه من اخوكم الناوي يقدم للجوء او هجره يحسب حساب دراسه من جديد بس النتيجه في المستقبل ممتازه

اخوكم اريد وطن صارلي تقريبا 6 اشهر في كندا مسساغا عن طريق يوان من عمان واي سؤال اني حاضر

اخويه الكريم بما انته مهدد ولاسامح الله اي وقت ينفظ التهديد

اخويه اتوجه الى الاردن او سوريا واحسب حالك للاستقرار وهذا امر طبيعي روح قدم على يوان في عمان في دير غبار اسم المنطقه اي تكسي يدليك عليها بس بسوريا ومصر مااعرف المكان

وطبعن اخذ الكتاب وياك ومستمسكات تثبت وضيفتك وكتاب التهديد وخويه يوان ان اذا اقتنعم بقضيتك وكان من حسن حضك موظف شريف وابن ناس ممكن التقديم والسفر يكون 3 -4 اشهر واذا لا احسب تقريبا يرادلك فد 1سنه الى سنه ونصف ممكن السفر وكل من رب العالمين بس تحسب بالك عدم ذهابك الى العراق وخاصه بعد تحويل اوراقك الى السفاره الكنديه او استراليا

وربنا يحفظك من كل شر وعمي دير بالك على نفسك

اخوك اريد وطن من كندا صارلي 5 اشهر عن طريق عمان يوان

اخويه رحمه لوالديك شنو تارك عقد بالف دولار بالشهر

اخويه اني حاليا في كندا صارلي واصل تقريبا 6 اشهر و صارلي تقريبا 3 اشهر كل يوم يمر اسب على اليوم الاجيت بي الى كندا وكئابه عاليه وعراك مع اهل البت وتشنج وكل ما ادور واحاول ارتب وضعي اشوف الامر صعب صعب يعني والله وحق شهر هذا الشهر الفضيل عيني تدمع من التعب والقلق من الجاي بس بس بس

اخويه من كلام كل اخوان السابقين والجاوبوك العراق بيه امل واذا اي شوكت خويه برى تتعب سنه خمسه بس بعدين بيها راحه ونتيجه للزرع الزرعته وممكن اكو امل تتطور وصح ممكن تدرس هندسه من الصفر وممكن تدرس السادس من الجديد ممكن تشتغل منظف بس الجواب المستقبل بي ضوء امل بينمى العراق بلدنا مع الاسف هاي احنى 7 سنوات شنو التقدم  الوصلنا بي

يعني اكو مدرسه انبنت اكو مستشفيات او اكو اكو ماتصور عمي نصيحه وهو موضوع ميراد تفكير وكاعد اكلك من واحد هسه كئابه كابه عنده وانعل الساعه الجيت بيها بس انصحك وكلك توكل وسافر واذا محتار سويت صلاه استخاره او استخار بالقران والله يقدم البي الخير

اخوك اريد وطن من كندا

اخونا صاحب الموضوع

الاخوان مقصرو وياك واطوك كلش زين معلومات طبعن هذه الشركه البحار السبعه افضل وانته قبل متشحن تتصل بالشرقييون والبحار السبعه وافضل البحار السبعه وبيها الولد اتصور من بين الزبيدي وكلش متعاون واخويه بالنسبه للوزن هو الحد الادنى وهذا نظام عالمي


اخويه بس عندي نصيحه وبصراحه اني وكعد بيها وحاول اكلك غلطي

اني حاليا في كندا صارلي 5 -6 اشهر واجيت من عمان وشحنت بدت الشغله خلي 50 كيلو وشويه شويه تقريبا 200 كيلو ماطولها عليك صرفت تقريبا 1200 دولار لغايه موصلت الى كندا وطلعو عيني لغايه مستلمتها وصدقني بعد الاستقرار والسكن ومعرفتي باسعار المواد والحاجيات في كندا صدقني تندمت هوايه واتمنى ترجع الايام وفعلن اسمع نصيحه القبلي وماشحن شي وخيه حتى الكتب انته تعرف الكتب تطور  ويوجد طبعات حديثه

اخويه انته اذا مصر تشحن اهم شي خويه خلي الاتفاق واصل للبيت يعني في داخل امريكا مثل تطيهم عنوان صديق في امريكا وتكتب عليها دور تو دور 

وربنا يوفقك وتسافر وتوصل بالف سلامه

الى اخوان الكرام للتوضيح

سعر الذهب عالمي اي مكان بالعالم يعني بالعراق وامريكا وين متروح هو سعر واحد بس للعلم الدارج في الغرب امريكا وكندا هو عيار 18 وليس عيار 21  فعند الذهاب محل الذهب هو يشتري بسعر عيار 18 وطبعن الموضوع له علاقه بالعرض والطلب يعني في دولانا العربيه كلها يوجد زواج ودبل وهذا الحجي يعني طلب هوايه فشوف السعر صاعد نازل مع البورصه

بينما في امريكا وكندا لايوجد اي طلب على الذهب واذا احد يريد يشتري ذهب يشتري عياره 18 ومن النادر احد يلبس ذهب لكثير من الاسباب  منها ماعدهم فكره الذهب زينه وخزينه

وطبعن  المحلات العربيه بالاخص يمن تريد تبليع الذهب ياخذه بسعر عيار 18 وممكن يقلل شويه بالسعر وطبعن الصياغه يلغيها


والاخ سائل السؤال شكد متريدون تلبون ذهب عادي محد ماله علاقه وفي المطار الاجهزه  لاتبحث على الذهب وانمى معادن معينه وتي ان تي وشغلات اسلحه


اخوكم اريد وطن من بلدي كندا

 اخونا gareed

موضوع الايجار والسكن افضل شي عن طريق دلال وتكدر تشوفه بالصحف العربيه وان شاء الله خلال هاي اليومين اجمع هواتف الدلالين واسمائهم وارسلها الك بس اني العندي في مسساغا فقط

بس انته قبل سفرك حاول تدخل على موقع فيو ات او كي اي كي اي جي واكتب تورنتو ودور على شقق وشوف شوكت متوفره

اخويه انته اذا قادم جديد اذا عندك قريب في تورنتو وصي يبحثلك عن شقه ويكون كفيلك المشكله في كندا القادم الجديد وماعنده عمل شويه صعبه التاجير بس الدلالين يشوفون الحل وتكدر مثل تطي عشر شكات مقدم  طبعن الشروط في الاجار وبشكل قانوني تدفه اول شهر واخر شهر  اخونا  موضوع الاجار لايكون صدمه الك في بدايه صعبه بس شي عادي انته اي بلد تدخله جديد يكون صعب

انته اول وصولك لازم تراجع مركز القادميين الجدد وين انته تنزل لازم اكو واحد قريب يمك هذا يساعدك تجهيز جميع اوراقك من تامين الصحي سوشيل نمبر واي سوئال تحتاجه طبعن واجبهم بالتوجيه وبس يدلوك يوجهون يطلعولك عناوين ممكن يساعدون على طريقه ايجاد السكن


اي شي تحتاج او سوال اني حاضر
اريد وطن صارلي مكمل 6 اشهر

اخونا العزيز

اني كنت والف الحمد لله من سكان عمان لمده 20 سنه عشرون عام  بالمناسبه اني حاليا بكندا واليوم نسمع خبر سفرك وخروجك من الدول العربيه

اخويه بالنسبه للسكن افضل شي انته تدور بنفسك ومثل منصحوك اخوان طبعن المناطق صويلح و ماركه و جاردنز او الاشرفيه او جبل الحسين المدينه الرياضيه و ضاحيه الرشيد
اخويه تروح تتمشى بالمنطقه وعلى الاسواق تشوف اعلانات وكذالك اعلانات على الشقق وطبعن حاول تسال الحراس وتواعدهم تطيهم اكراميه حاله لكولك شقه تعجبك
واخويه نصيحه دير بالك دير بالك من الدلالين ترى نصابيين وحراميه بشكل قانوني

اخويه بالنسبه للمصرف ترى عمان مو غاليه وتداعتك اني هسى بكندا اترحم على مصرف عمان طبعن اكيد اكو فرق بالدخل

واخويه لاتنقهر اذا شويه بالاول يقفصون عليك الاردنيه عادي هذا بطبعهم وصارت بكل دول العالم العربي بس بالغرب ماكو هيج قفاصه على الغريب والسائح عكس دولنا العربيه

اتمنى قريبا نلااك مسافر وتخلص من العالم العربي كله كول امين بحق هذا الشهر

اريد وطن

اخويه بالنسبه للتكسيات بعمان اول متطلع انتبه على العداد اذا ممشغله كله نزلني او اتفق مسبقا وافضل شي تكسي المميز الرصاصي
وخلي بالك من الجاردنز الى مكه مول ميجاوز دينار ونصف ومن ماركه الى الجاردنز تقريبا دينارين طبعن العداد هو افضل شي
ويوجد سرفيس وهذا ممتاز ورخيص اذا كنت طالع وحدك مو العائله كلها يصير التكسي ارخص
اخويه الخضروات والدجاج والمسواك مو غالي طبعن اشتري من السيفوي سي تاون مو الاسواق يم السكن مثل الجاردنز او المناطق الغاليه تكون هذه المحلات السوبرماركت غاليه شويه يعني بالنسبه للخضروات والدجاج والامور التموينيه تكون شويه غاليه

بالنسبه المدارس والله ماعندي علم بيها مجان عندي اطفال بالمدارس بس اليعرفه الحكوميه موجوده هوايه وافضل منطقه هي المدينه الرياضيه

الف مبروك اخونا ان شاء رحله سهله وسعيده

اخونا العزيز

الرجاء توضيح اكثر في سئوالك يعني انته الى اي مقاطعه متوجه سوالك عن كندا كلها ماكو احد يكدر يجيبك عن كل كندا

والعمل الرجاء توضيح اكثر في اي مجال واي اختصاص خلي سؤالك اكثر وضوح مو بشكل عام طبعن العمل اذا تريد اي عمل وين متروح موجود  والرزق على الله بس العلم يجب اجاده اللغه الانكليزيه بطلاقه او خلي نكول مبدائيا لغتك مقبوله

اريد وطن

اختنى العزيزه

انا من سكان مسساغا صارلي واصل تقريبا 5 اشهر عن طريق اليوان من عمان

اختي مسساغا جميله وبيها جاليه عربيه كبيره وهي حديثه سكانها تقريبا 750 الف نسمه تبعد عن تورنتو تقريبا نصف ساعه على طريق الهاي واي

بس اختي مسساغا غاليه شويه يعني سكن شقه غرفتيين نوم من  1000 الى 1600 حسب قر بها وبعده عن سنتر المدينه وحداثت البناء طبعن وقت وصولج ممتاز موسم ازمه السكن تخلص في هذه الفتره بس السعر ثابت ممكن تلقين اقل شويه او اكثر بس اختي اني قبل شهر يين تقريبا شبه دلال صرت اي جماعه توصل الى كوستي ومعارف من المنتدى بحثت على هوايه شقق مع اصدقاء وكان من التجربه هاي الاسعار

اختي بالنسبه عمل زوجك ممتاز بس يراد ترخيص ودورات وساعه العمل حسب علمي ومن السمع تقريبا 20-30 دولار بالساعه

اختي البدايه في كندا بشكل عام صعبه مو سهله يعني اول سنه سنتين يراد تحمل وصبر وتنازل على هوايه امور مثل عمل اقل اجور ودراسه وقبول اي عمل يعرض بس الواحد يجلب بس ان شاء الله المستقبل زاهر وجيد يعني تعب اول 2-3 سنوات الاولى وبعدها الوضع ممتاز

اختي اهم شي اللغه يجب اجادتها بشكل جيد طبعن اكو هنا مراكز بعضها مجاني لتعلم اللغه

اختي هملتون رخيصه من ناحيه السكن طبعن المواصلات الباص 3دولار او 2.5 تشتري مجموعه بطاقات التامين على السياره في مسساغا غالي جدا بينمى في هماتون ارخص يعني مسساغا تقريبا 220 دولار بالشهر اما هملتون تصل الى 160 دولار بالشهر طبعن التامين اجباري

اختي اي شي يجي بالج من سوال او اي مساعده اني حاضر واي استفسار اني حاضر


اخوكم اريد وطن

عفي عليك اخونا غسان
ابن المنتدى البار والي يساعد بارك الله بيك اخونا

اريد وطن

اخويه  حامد شاكر  موضوعك جميل وياريت يطبق بس اني اتفق اتفاق 100% مع اخونا مهند هادي


وبصراحه اخويه صارلي 4 اشهر في كندا - مسساغا ويوجد بعض اخوان العراققين معنى في المدرسه وبديت اخذ قرار نهائي عدم الاختلاط بهيم

ياخي تكلي لاتخلي كمواحد يثرون بيك لاخويه مو كم واحد بعدهم مثل ماهمه العراقيين وبصراحه المسيحي يستهزء من المسلم على اساس همه هنا اكثريه والسني ينتقد الشيعي والعكس واخذ من هاي التفاهات الضيعتنى والكرهتني بالعراق

عمي المدرس مالتي امريكي كندي صارله عايش في كندا 20 سنه يكلي ياخي العرب انتو ممتوحدين وبالاخص العراقيين شويه الفلسطيينين والمصريين البنانيين يد على ايد

عمي هو ضاع بلدنا غير من ايدنا وايد هذا الحجي واخويه لاتكلي البعض والقليل لا نسبه كبيره عمي ناس والله رحت الى كوستي في تورنتو اساعدهم وواجهم شلون ياجرون وصلتلي احجايه من ناس يكللك هذا صاير شاطر براسنه ويريد يبين نفسه شاطر وهمه بس يوصل باب الشارع يخاف يوصل وبعدين بس تساعده يكوم يستهزء بيك وسؤال ميسئل عليك بس يخلص مصلحته ويايك عمي بصراحه سويت قرار بنفسي اصاحب الاجنبي والكندي والبكستاني والصيني وابعد من العراقيي احسن واريح للراس


اريد وطن - مسساغا كندا بعد مرور 5 اشهر في ارض الوطن الجديد 

اخويه مضلوم زين خلال هاي السنه مسويه اي اتصال وكفيلك اليهم كفاله خماسيه متصلو باحد من داخل كندا لانه اليعرف كفاله خماسيه تصير من الداخل يعني لازم جماعتك يتصلون من الداخل ويشوفون شنو القصه ممكن اكو شغله بصيطه ومنسيه وخويه لح على جماعتك خلي يشوفون حل

اريد وطن سابقا

ابو احمد بشرنا شلون الدراسه زين الكوبيه شنو اخبارها وكلي شو متبين بالمنتدى لازم كاعد تدرس من ورانا

عمي ادرس ترى المصيبه بعد سنتيين جهالنا يضحكون علينه ويصلحونه  بالحجي فعمي مو تكول اني كتلك خلي نكعد ندرس احسن شنو سفرات ونسه وضحك عمي ادرس

بالمناسبه هذه السفرات تعتبر جانب تعليمي وليس فقط تسليه في السفر ممكن تتعلم بعض المفردات وهي عمليه مدروسه يتم الرحله مع صفوف اخرى مستوى اعلى او اقل ويحدث اختلاط

التعليم هنا بي تخطيط وعلم

سلامي ابو احمد الى جميع افراد العائله اخوك اريد وطن سابقا وحاليا وطني كندا

الف مبروك اخونا ويارب يكون بهذا السفر الخير والفرج والرزق والاستقرار وراحه البال



اخوك اريد وطن من كندا

اخويه صاحب الموضوع  انته غلطان لانه موضوع مطروح سابقا ودخلت اريد اعرف شنو القصه

على كل حال اني متاكد هذا الموقع مخلي شيي ومحجه عليه


اني سافرت من عمان الى كندا وبشهر 3-2010 سعر البطاقه للكبار كانت 1050 دولار والصغير عمر ابني 3 سنوات ونصف حسبوله 780 دولار طبعن مقعد وحده

واخونه صاحب الموضوع اريد اسوي تحدي وياك فكر بالك هو اكو شي مغطى هذا الموقع والله عمي كلشي نحجه واني بصراحه هوايه معلومات استفاديت من هذا البيت العراقي الكبير


اخوكم اريد وطن وعمي صاحب الموضوع ترى اتشاقه وياك لاتحدي ولا هم يحزنزن وبارك الله بيك على موضوعك


اريد  وطن من الوطن الجديد كندا مسساغا

اخويه توكل على الله وان شاء الله ايام وتكتب انته في امريكا وخويه ثق الله الكاتبه اللك يصير يصير

وشنو متحلفيلك يوم السفر شنو تايهه عمي المطار كله شرطه ومخابرات وتوكل على الله واليهدد هذا واحد فارغ لو بيده شي جان سواه وخلص بدون تهديد ولا حجي

عمي بشرفك طمنه عليك وتوصل بالف سلامه وتمتع بالرحله والسفر والله فوكك يحميح


اريد وطن

اخت انفال هذا الموقع نزلو الجماعه بنفس المنتدى قبل 8 اشهر

وبصراحه اني من عمان قبل ثمان اشهر سويت اشتراك ومباشر علي وهو موقع يفيد ومهم جدا ونصيحه الي يريد يبدي من الصفر يبلش بي

اني حاليا في كندا وبصراحه مدرسه اللغه شايفه اهم من المدرسه وجدا جدا مفيد نصيحه للجماعه على انتضار يبدون بي من هسه كلش مفيد وشامل \

اريد وطن

اخت دودو الف حمد لله على سلامتج بشرينا شلون شفتي كندا اتصور انتي بتورنتو وشتحتاجين اني حاضر

اني ساكن في مسساغا

اخوج اريد وطن

اخويه قواعد الكفيل هو يعتبر معنوي

يعني بحاله قبول الملف لايوثر الكفيل يعتبر معنوي للتوجيه فقط ليس اكثر واعرف هوايه ناس ماعدهم كفيل عادي قبلوهم المهم تكون موضوعك مقبول وانساني بالنسبه للكنديين


وكول يارب

اريد وطن

اخويه مللك الحيره

اني اتفق وياك مليون بالميه بس عندي ملاحظه وهي الى جميع اخوانا وبالاخص الجايين الى كندا تورنتو

اخويه احنى طلعنه من ظلم البلدان العربيه النا واولها في بلدنا لكي نلتقي بالحريه وحياة مابيها ظلم ولكل شخص ياخذ حقه اني شخصيا والف الحمد لله شاكر رب العالمين على كل حال واعتبرها نعمه من رب كريم

بس اخويه اني مثلك قبل ماجي الى كندا جنت اكول لو يحطوني بخيمه بكندا اقبل بس المشكله هنا في كندا مايخص الاجئين من كل العالم ايران افغانستان وباكستان يمن نقارن نفسنه نشوف اكو ضلم شلون وبالمناسبه الظلم هم من اخوك عراقي مثل في كوستي شخص يعمل هناك اني شخصيا كان هو غير مسئول مباشر عليه بس الشفته من معاملته مع العراقيين بطريقه غير مؤدبه ويعيط وشيسئلو يهين بالناس الخ

واظافه الى ذالك اكو جماعات وصلو مثل اول متوصل يطون بطانيات ولحف وشراشف وهذا هديه من الحكومه الكنديه ومع الاسف بعض الموضفين طبعن مو الكل وهم عراقققققققققققققققققققيييين يوقعون بدل الشخص ويسرقوها الهم طبعن هذول ناس قدماء من 10-20 سنه وصارت حالات مقابيلي ويعيطيون ويتعاركون مع الناس وياكدون هذا مو توقيعنه طبعن بعض الحالات راحت عليهم والبعض رجعوهه الهم ك فلوس

المشكله يهضم حقك ويسرقك هو ابن جلدتنا وواحد منى وحاطي الحكومه ليساعنا بس هو العكس

اخويه اكو في الرواتب فروقات من عائله الى اخرى واني شخصيا يوجد نفس عدد عائلتي اخذو مبلغ اكثر من ناحيه الهديه عند السؤوال بشكل ودي طبعن مع اجانب كنديين غير عرب جاوبتني بكل اريحيه نعم نعلم والسبب نحن نرى عند المقابله وفي الدورات في عمان ماهي شهداتكم تكلمكم اللغه الانكليزيه بحيث نرى العائله لاتوجد موئهلات قويه ولغه تعبان نزيد المبلغ واني اشوف هذا عادي يعني هديه ونشرط عليهم

عمي والله رحمه على الكنديين والله صادقيين واحسن شعوب العالم هو اكو بلد يدفعلك اجار وتامين صحي لاوالله بلدنا مسواها ويانا

من مشاهدتي الى بعض الاخوان القادميين الجدد اني والف الحمد لله كنت اروح الى كوستي واشاهد اي شخص يحتاج مساعد واحاول انصحهم بالاخطاء اني وقعت بيها من ناحيه اجار البت او كيف تركب المترو
يبدون الجماعه يضوجون وهاي شنو جايين يضلونا وعمي نرجع الى سوريا احسن هاذا شنو الذل والى اخره من الكلام هو اني اسال شنو الكنديين يتوسلون بينا عللمود نجي لو مو احنى صار اكثر من سنه وسنتين ننتظر

نصيحه الى كل المسافرينن الجدد من اخ الكم كل متمر مرحله في كندا او امريكا اتذكر ايام الانتظار وشلون جان وضعنى في البلاد العربيه واكيد القادم حيكون احسن بس يراد صبر والتعود على النظام الجديد واذا مريت بجماعه نقول عنهم غير اوفياء او حاقديين لاتخليهم يؤثرون ويحبطون معنوياتكم لانه صدقوني الشعب الكندي شعب متعاون وصادق ويحب التعاون وبسيط
وحاول يكون افكاركم ايجابيه حول المستقبل
وبعتقادي للقادميين الجدد بسبب تعب السفر اكيد قبل السفر الواحد يكون متشنج من انتظار طويل وسفر ومراحل ال يوان خلي يفكر بشكل ايجابي وبحالت مرت بي امور سيئه يفكر انها مرحله وسوف تعدي


اخويه مللك الحيره اتمنى اللك السفر القريب جدا ونسمع اخبارك وعمي والله دائما افكارك على الجرح

اخوكم وابن هذا البيت الكبير ( عنكاو ) صاحب فضل علي بهواي شغلات

اريد وطن من كندا مسساغا بعد مرور اربع اشهر

الف مبروك اخونا ويارب يوم التكتب مللك الحيره في ارض الوطن الجديد يارب


اريد وطن من كندا

اخونا الكاظمي

ترى عيب شنو كوبيه وتسوي براشيم شنو هاي مو عيب ممكن رقم معاملتك احولك يمي الى تورنتو مسساغا عمي تعال يمي وخلي الرجال يقرا احسن

اني بحاجه الى كوبيا والبراشيم هذا ابو احمد لاتخاف علي يوميه باليل يدرس ودربالك كاعد يدرس من ورانى اليل كله لازم عنكاوه وعندك الحساب

سلامي الى ابو احمد خويه لاتسمع كلام اخونى ادرس ومعليك واخذ الصبح لفات والقلم ولاتنسى المساحه

اخوان اني هسى مسوي عمليه ( ناسور ) بس اطيب انزل موضوع على المدرسه مع التفصيل بس بدون كوبيه ورفعه علم ونشيد ويحيه القائد بس يوم الخميس اكو طلقات تحيه العلم مو هيج ابو احمد لو غير عدكم

ابو قمر الله يحفضلك كمر وتربيها احسن تربيه وتفرح بيها بتجاه محمد وال بيت محمد

صدقني كل ماقراء مواضيعك تفر الدمعه من عيني لانك تصف بطريقه موثره وواقعيه

يارب الله يمكنه نربي اولادنا التربيه الصحيحه بالاضافه الى تعليمات وتوجيهات الغرب المفيده من قوه شخصيه ومساعده الغير وكل شي المفيد الذي ميخالف تقاليدنا وعاداتنا


اخوك اريد وطن من كندا

اخونا الفريدو اول شي واهم شلونك وان شاء الله بخير

عمي شنو بعد مشاب رجعنى للكتاب بس بشرني تاخذ لفات وياك والعصير  ولاتنسى القلم والدفتر واذا تريد احل الواجب وياك اني حاضر  صدك تريد مدرس خصوصي هذا تلفونه 0000000012


ترى كاعد اشاقه وياك والمدارس هنى جدا جميله وتفيد للحيات اليوميه بس اذا حاب تقويه لغه اكثر مع قواعد ودراسه لغه لاكمال دراسات واخذ توفل افضل شي ال اي اس ال

اخوك اريد وطن

اخونا العزيز

اني في كندا منذ 4 اشهر على اليوان من عمان ومسامع بعد المقابله وفوكاها الدوره صارلك سنه تقريبا وسكته

اخويه انته تكول كفاله اذا كفاله خماسيه خلي الكفيل يتصل ويعرف سبب التاخير او كفاله كنيسيه نفس الشي لانه حسب علمي متتاخر هذا الوقت الطويل
على كل حال اني احاول في المدرسه اكو هو ايه اخوان عراقيين على الكفالات استفسر منهم الواحد شلون يستفسر بس اخويه وضح شنو نوع الكفاله لكي اعرف استفسر

اخوك اريد وطن ويارب الفرج القريب وتوصل وتصير سوالف

اخونا العزيز مثل مكالوللك الاخوان ماكو فتره قياسيه وحدده

اني شخصيا من عمان تقريبا سنه وثماني اشهر وحاليا في كندا منذ 4 اشهر مع اليوان تقريبا 8 اشهر ومعى المنديه بالضبط من شهر 2-2009 وسافرت بشهر 3-2010 وتاكيد على كلام الاخوان اطيك مثال

يوجد حاليا اشخاص موجودين معي في كندا وتعرفت عليهم باليوان واحد قدم اوراقه للسفاره الكنديه او تحول للسفاره بشهر 2-2009 وبشهر 5 او 6 سافر الى كندا من نفس السنه واني سافرت بشهر 3 من 2010

واكو واحد قدم اوراقه على الكنديه بشهر 11-2008 وقابل معي وسافر الى كندا بشهر 5 -2010 يعني ماكو قياس

وانته عندك مرحلتين مرحله يوان ومرحله السفاره المتحول الها بس خويه للعلم هذه السنه كندا تريد عدد كبير من العراقين من اليوان وهذا الخبر اكيد من شخص مسؤؤال في كندا هو يعطي الكوتا الى اليوان عن الاعداد

اريد وطن - 4 اشهر في كندا

اخونا بدون اسم مشكور على المعلومه


للعلم هذه في الدول العربيه غير موجوده انا قبل 8 اشهر سمعت بيها وكنت بعمان حينها وسئلت مدير احد فرع بنك الاسكان وبنك الاردن واحد منهم استهزء بي وكلي باي فلم شايفها وبستهزاء واني جاوبت استهزاء اكثر صحيح مو دولنا بعد حمير يديرون البنووك وبداعتك هيج جاوبته

وانا حاليا في كندا حبيت اسال نفس السؤال هل صحيح بحالت ادخال الرقم بالعكس يتم ارسال انذار الشخص بخطر كلتلي وطبعن مع ابتسامه واهتمام واحترام للمقابل
اذا تعرضت الى هكذا موقف اسحب اي مبلغ تريد وبدون اي مقاومه واذا راد هويتك atm اطيها وكون مطمن وبدون اي مقاومه
ومهما كان المبلغ الطيته تحت تهديد سلاح او حمايه سلامتك البنك يرجعلك المبلغ وهذا الكلام في كندا مسساكا في بنك td
وكذالك يوجد كامرات على كل جهاز ترقب وهذا واجب الشرطه تتابع اللص مو واجبك وتاكد اي مبلغ يرجعلك

اخوان شفتو الفرق جواب البنوك في الدول العربيه والغربيه

ومشكور اخونا على هاي المعلومه للتعميم وللفائده الجميع

ولزياده المعلومات بحال سرقت بطاقه الفيزا وليس دبت كارت وتم سحب وشراء بالفيز من سارق اي مبلغ يصرف البنك او شركه فيزه مسواله عنه وليس انت بشرط فور ضياعها او سرقتها تبلغ وبحال عدم التبليغ يتم اعطاء 72 ساعه ويرجع المبلغ الك

عمي عدم الانسان هنى مصدق وبدون اي حلفان ومحترم يعني اذا تحجي ويا موضف رسمي وتحلفله او تكله اي سوير يعتذر منك ويكلك كلامك موثوق ورجاء انته ليس متهم او مطلوب منك الحلفان يعني بشرفي ومقدساتي وراس ابو الحار -------
ماكو هيج شي هنا
اخوكم اريد وطن كندا بعد مرور 4 اشهر في كندا الوطن الجديد

اخويه العزيز

سعر التذاكر اني من عمان وبشهر 3 طلعت على خطوط لوفتهانزا للشخص تقريبا 1000 دولار وعندي طفل عمره 3سنوات حسبو التذكره 700 دولار

وبالنسبه للفحص الطبي حدود 150 دولار اخويه عند الموافقه النهائيه همه السفاره يسئلوك هل تريد ندفع البطاقه والفحوص كقرض وبعدين تقسط لمده 3 سنوات من تاريخ وصولك بدون فائده وبعد 3 سنوات تصير فائده تقريبا عليه 2.5 بالميه بس حد اعلى لازم تدفع خلال 6 سنوات اكثر حد

وعمي اي شي تحتاج اسال بس ادعي يخابروك وتخلص من الانتضار
اريد وطن

اخونا انشتاين الكندي الفانكوفري

الف الف الحمد لله على سلامتك وسلامت الاهل اتمنى للك التوفيق والنجاح والرزق

ويارب تكون بدايه خير وفرح وراحه



اخوك اريد وطن ( مع تحياتي واحترامي الى العائله الكريمه )

عمي الف الف مبروك اذا وقعو على القرض واطوهم اوراق الفحص يحطون بطيخ صيفي وشتوي ويتوكلون على الله ويعدون 6 اشهر ونزفهم بكندا يعني بشهر 12 اول بدايه سنه القادمه بسافرون ان شاء الله عمي مثل مكلك اخونا الفريدو ارجع للمواضيع السابقه وشوف الحجي


وكلهم الف الف مبروك مقدمنا عد اشهر بسيطه ويسافرون


اريد وطن منذا 3 اشهر في كندا بعد خروجي من عمان الف الف حمد لله

اخويه العزيز

من تجربه اني سويتها وحاليا انا في كندا من 4 اشهر

اول شي قدم يوان وطبعن يراد وكت اقل شي سنه لكل سته اشهر تجديد واجراءات طويله هذا خط امشب بي عادي طبعن بوكتنا جان اكو ضغط في عمان على اليوان حاليا اتصور اقل
لان الاكثريه تحولو على السفارات امريكيه كنديه استراليا المانيا

وقدم على هجره طبعن لازم تكون عندك نقاط فوق 68 بس بصراحه اني شخصيا قدمت ملف الهجره باسم زوجتي ومعامله اليوان باسمي بس اليعرفته ممكن تقديم نفس الاسم شلون

انته امشي يوان وبعدها ب 4 اشهر امشي على هجره طبعن اذا معاملت اليوان اجت اول يعني حولوك الى السفاره الكنديه يوجد فقره في الاوراق اليوان تخص السفاره اذا كان عندك زياره او معامله سابقه الى كندا بهاي الحاله ت\كر رقم الملف مالت الهجره وبهاي الحاله الكنديه تسرع احد الملفين والاكيد هو اليوان لانه يعتبر حاله اظطراريه ومهمه

اخويه واذا تم سؤالك من اليوان ليش قدمت وهذا الهجره تكلهم شفت ماكو اي تحرك بلمفي واني اريد احاول بكل الطرق القانونيه لكي اجد وطن موقت وطبعن هذا مستبعد احد يسال


واي شي تحتاج اني حاضر اخوك اريد وطن من كندا

اخي السائل

افضل طريقه تسال محامي واذا انته موجود في مونتريال شوف الجرايد العربيه بيها محامين مختصين بهيج امور

اخويه انتي اعرف ناس دخلو الى كندا فيزه زياره ورادو يحولون لجوء مثل متفضلت مع اكثر من محامي كان الجواب ممكن نحاول وطبعن بفلوس من 5-10 الف دولار بس احتمال القبول ظعيف جدا بسبب دخولهم فيزه سياحه وتعرف شكت جابو اثباتات وارقام حساب واملاك للسفاره في عمان لكي يطون فيزه فمن الصعب تغير الوضع الى لجوء
طبعن تتحول من فيزتك الى لاندنك يعني الك حقوق من الحكومه من ميساعدات وترتيبات كثيره من الصعب تغير صفتك الى لاجء
النصيحه تشوف اكثر من محامي وتاخذ رائيهم بس دربالك بيهم نصابين وبشكل قانوني يعني يحلبون فلوس بس لازم تحاول بيها نوع من الكرنتي يعني والله اتفعلك مثل هسى الف  وبس احصل على اقامه دائميا ادفع مبلغ الكبير اذا شفت هيج محامي توكل

يعني خويه ديربالك مو كل الكلام صحيح حاول تستفسر اكثر من واحد وشوف والله يوفق اذا بيها خير وكاتبلكيها الله تصير واذا مابيها خير ان شاء الله ربنا يبعدك عنها

اخويه ونصيحه اخرى روح من عمان قدم على اليوان في حال عدم استطاعتك هنا تدبيرها والحصول عليها مناك اضبط بس يراد وقت

اريد وطن

اخونا اني كان سفري من عمان ترانزيت مطار فرانكفورت ثم كندا تورنتو والعربانه الي معي مثل بالصوره بس شويه اكبر وعادي في الترانزيت يطوكياها ومشوفها مع الجنط بس خلي بالك عند التوزين يحطون ليبل عليه بس مسلمها الهم فقط عند الصعود للطائره في باب الطياره وعادي انونيها عند نزول في الترتنزيت وعند مطار تورنتو استلمتها كذالك في باب الطائره بس دائما كلهم اريدها عند خروج من الطياره وخويه هذا حجي يخص كندا ام غير خطوط ماعرف


اريد وطن منذ 3 تشهر في كندا

اختي كندا الاصيله وام النصائح الجميله والمفيده


اختي الشغل موجود بس يراد تعب والطياره الترجع اني ماريدها بس حبيت انصح اخواني واكد كلامج الكتبتي على الخاص

اول ايام وصول الى كوستي شويه صعبه ومزعجه والواحد يخلي باله اقصى شي اسبوع يخلص ويطلع

واي بدايه هيه صعبه بس ان شاء الله مستقبلها جيد


اختنى كندا خليج دائما موجوده ترى بدونج المنتدى بعد مادخل

بالمناسبه منو عنده خبر على اخونا عبسي ضال بالي عليه الي عنده اتصال بيه يطمنه


اخوكم اريد وطن

اخت كندا شو خط احمر شنو القصه وشغل ماكو هاي شنو جبتونا ورطونا عمي اني ارجع احسن


بس كولو يارب والله يفرجها عمي الشغل موجود بس هيه هاي مشكلت كندا البدايه صعبه جدا

بس اخوان يراد صبر وعزيمه وجهد يعني التحمل اجراءات اليوان وبعدين سفاره الصبر لازم يحسب حسابه كندا يراد تبدي كلشي من الصفر بس مستقبلها جيد بعون الله اني التقي بالجماعات الي اجبو قبلنا ب 10-5 سنوات والتعبو على نفسهم من للغه ودراسه شوفوهم هسه شلون صارو مرتاحين


ونصيحه اخويه الى كل القادمين ترى كندا مو جنه وحياة رغيده لا يراد تعب وصبر وجهد بس بيها مستقبل للاولاد والمشتهد مستقبل ممتاز والي يريد يعتمد على الكعده ميطور ويبقه مثل ماهو


اخوكم اريد وطن يدور على شغل اخ اخ اخ

مشكوره اختنى العزيزه كندا دائمنا المنتدى منور بيج


الف الف مبروك حبيبي واخ عزيز انشتاين عمي بعد غير اسمك وسمي نفسك انشتاين كندا ويارب تكون مرتاح وبالف خير


جماعه كندا اي شي تحتاجو اني حاضر للمساعده بالاخص الى تورنتو اي استفسار اني حاضر

وطني كندى

اخونا عمر توصل بالف سلامه

هاي اسماء وهواتف بعض الدلالين في مسكاكا وطبعن من الصحف العربيه ( طبعن بيهم عراقيين وعرب )



انيسه الموصلي  9000 812 905

ياسر الضايف  9006 602 416

حسين  8457 409  416

محمود  8177 856 416

عمرو   9780 732 416


بشار بديع 8474 567  416

داني رستم   0630 259  289

-------------------------------------------

اذا تريد بعد اني حاضر ابحث لك في الصحف العربيه وبالنسبه الى سؤال مراكز الصحيه هي متوفره بكل مكان وتسمى وك كلنك او فاملي دوكتور ممكن طلب من الدلال على هذه الاوصاف


واخي حسب علمي هذول يفيدون العوائل الكبيره يعني 4-5 انفار وصاعد لانه هذول يجرون من كوندومينيوم يعني اصحاب الشقق ملاكه وهاي اسعار من 1300 وطالع بالنسبه الي كنت اريد بحدود ال 1000 اعلى شيء فكان البحث عن طريقي وطبعن متعب ابحث من عماره الى عماره


اخي للعلم هنا الشقق تقسم كالتالي

appartment عادتا تكون هاي العماره الى شركات عندهم اكثر من عماره ويضعون سوبر تندنت للاداره
وهاي تكون مافيها مسبح وخدمات والدراي الكلين مشترك في اول طابق وطبعن كل غسله مع تنشيف حدود 4 دولار


كوندمينيوم: وهي شقه يملكها افراد وطبعن بيها الغساله في اوالنشافه في الشقه مع مسبح وجم وتكون نوع ما جيده وتختلف من منطقه الى اخرى بس في مسساك اغلى شي قريب على منطقه سكوير ون تعتبر قلب العاصمه
اخوك اريد وطن

مشكور اختنى العزيزه

اظم صوتي وايد الفكره لفصل مواضيع قبل السفر وبعد السفر



اريد وطن

الى اختنا كندا والجميع حول كوستي في تورنتو

قبل 20 يوم اجو جماعه من عمان وشفت الكوستي الجديد اول هذا مكان موءقت لغايع عمل تجديدات للقديم والحالي الميزه الوحيه بي حمامات بكل غرفه بس من ناحيه تعبان مثل الاول تعبان وكئيب بس مثل مكلت نظيفه واتصور اخونا عبسي قبل اشهر كاله واعيده عيبه لايليق ببلد مثل كندا بس الصراحه نظيف واكله جيد بس المشكله احنى العراقيين نتبطر طبعت احجي على نفسي كذالك مثل نسائنا بعضهم ممتعودين على هيج مكان وقت الفطور بموعد وتغسل صينيتك بنفسك والمشكله وياك ناس من كل بقاع العالم باكستانيين فيتنام وانواع واشكال

واخون هوه مكان موءقت واختنه كندا مشكورا سبقتنه وكالت الواحد يراد صبر وتحمل بس يقضي اوراق يطلع فورا


واخوان اي احد يجي الى تورنتو اذا يريد معلومات على السكن اني حاضر عندي صارت خبره بصيطه هل جم يوم السابقات افترت ويا جماعه جاين وهوايه اكو طرق من دلالين عراقيين طبعن مدفعون اي فلس الهم يفروكم بسياراتهم على جم شقه وياخذ الدلال  اجوره من صاحب الشقه هذا القانون هنا طبعن اسعار الشققق او البيوت في هملتون اوكفل رخيصه اما تورنتو مسساكا اغله شويه



اخوكم اريد وطن  من كندا - مسسكاكا صارلي شهرين وعشرين يوم

الف مبروك اختي دودو  ويارب السفر القريب  ان شاء الله سفرج بشهر السادس بس انتي وين جايه اي ولايه


واختي بالنسبه للجنط محد ميسئال على الحجم المهم الوزن وبالنسبه للوزن اختي انسحج نصيحه واكو جماعه نصحتهم بيها وسوها ومشو عادي  طبعن هذا الحجي بالدوره لاتكولي الى عبير وسليميلي عليها كليلها جماعه مقابله بشهر الثاني ال 3 عوائل ناسين يدسون اسمنا الى سفاره ابو الطفل الصغير

واختي الكريمه تعليمات الدوره اسمعيها بس مو كلها طبقيها يعني مثل وشغله جدا مهمه يحجون عليها بالدوره نسوي الترجمه الاوراق من رخص قياده او هويات وتصديق من السفاره الكنديه بعمان كله خريط
اني كلفتني ترجمه عقد زواج واوراق كومه كلفت 200 دينار اردني بس اجيت الكندا تحديدا تورنتو - مسكاكا  لا لا لا يعني ميعترفون باي ترجمه خارج كندا وميثقون بيها وهذا الحجي صار معي عندا اخذ رخصه قياده ومصدقه من الخارجيه الاردنيه والسفاره الكنديه بعمان في دائره الترخيص بكندا ابلغونب اترجم في كندا واعيد ارسالها الى السفاره للتصديق عليها


بالنسبه للجنط والوزن اخذي جنط معقول الحجم وعبي بيها يوم السفر عند وصولج للمطار ابلغي الحمالين بس تعبروه الي ونخلص اكرمكم اكراميه زينه يعني ورقي وحياتج اختي اني اقل وزن عندي جان 24 - 28 وعبر كلشي بس معرفت بالفلم ال بعد تعب شديد وفتحو الجنط وفرغ من الجنط الخ وبالاغير اجا علي حمال ابن حلال كلي لاتفتح ولاتعب نفسك بس اكرمني واني اخلصها طبعن ابو الطيران لفتتهانزه طلب مني على الوزن 900 دولار وبعدين نزل الى 400 واني رفضت وكتله ارجع جنطه بعد التعب اجا  حمال وكلي مثل ماكلت ومشت


واكو  جماعه سافرو بالرابع  وكتلهم على هاي الطريقه وكلشي مشا عادي بدون التعب



اخوج اريد وطن من كندا مسكاكا

اخوي عمار  لاتقلق ان شاء الله سفرك قريب ولاتهتم كلها ايام وتسافر بعون الله

ترى اني صار وياي نفس الشيء عادي يعني لاتخاف هذا التاخير اني صار وياي وبعدها 5-6 عدو تحديد موعد السفر  خليك ريلاكس ولا تهمتم كلها ايام وتوصل وتصير ذكريات وسولف وتدخل تفكير بشغلات ثانيه شلون  تعادل  وشلون تسوي  رخصه قياده  لاتقلق كلها ايم ونستقبلك ونزفك بالاهلاهل



اخوك اريد وطن سابقا

اخونا الفريدو  شلونك  انشاء الله بخير

طبعن  كاعد اقرء مواضيعك المفيده وابشرك امس  وصلو الى تورنتو  تقريبا 6 عوائل من  عمان واحد الجماعات الواصلين بلغوني كوستي الي هو مظيف مالت تورنتو مغلق حاليا لعمل تجديدات وصيانه وارسلوهم الى مكان اخر بس ماعرف وضعه هل  ممثل القديم او اسؤء ماعرف

بس اليبشر بخير  حيجددون المكان


اني اسف كماعد اتابع مع متدى بسبب الوضع النفسي جدا تعبان وبصراحه ماعرف ليش  ممكن التفكير بالمستقبل بعد انتهاء  هاي السنه شنسوي وشلون الواحد يدبر اموره محتار


المشكله العراقيين معنى بالمدرسه مع الاسف غير متعاونيين جدا على كل حال بس شويه نفسيتي تتحسن ارجع للمنتدى وان شاء الله بنشاط 

بس خويه خلي دائما نسمع اخبارك ومواضيعك الجميله وبشرفك بوسه  للورود العندك والله يحفظهم من كل مكروه


اخوك اخوك وابن المنتدى  اريد وطن

الى جميع الاخوان اسف على الانقطاع بس اسف نت ماعندي نت حاليا خلال الايام اركب نت واكون وياكم مباشر

نقل مباشر

اخي اربد صحيح اني هذا الكاتبه اي استفسار اني حاضر

اختي فاليسيتا اهل وسهلا بيج وتسافرين بالف سلامه الجو ربيعي وطبعن متقلب الاسبوع الماضي كان جدا بارد وماطر وصلت ناقص 2او 3 بس من بدايه هذا الاسبوع تقريبا 18-17 درجه الحراره متقلب جدا ممكن نفس اليوم الفصول الاربعه
بالنسبه للشحن من سوريا ماعندي فكره بس تاكدي من شركات الطيران الامارتيه او الامانيه عن الكاركو اني سفري من عمان وكان متوفر شحن كاركو واكيد اكو بسوريا
اي شيء تحتاجين اني حاضر بس صبرو علي بس اركب النت

اخونا العزيز بعد التحيه وتسافر بالف سلامه ان شاء الله

اني سافرت من عمان الى كندا قبل  شهر واسبوع بالظبط بالنسبه القياسات الجنط ماكو اي قياس المهم الوزن وعدد الجنط لكل شخص

يعني خويه اني اخذت جنط كبيره جدا قياس اتذكر 168*26*145 تقريبا وكبيره جدا وحطيت وزن اقل وحده بالمطار اكتشفته اقل وحده عندي 24 ووصلت بعض الجنط 28  وطبعن سافرت وصلت وكلشي عادي بس بس بس

اخ من بس طبعن الوزن الزايد جان مو مقصود اني اوزن واسوي وتعبتني الشغله حته قبل السفر رحت الى دوار السابع مالت المطار ووزنت اكبر جنطه وزنن حسب ميزاني وكانت 27 ورحت للبيت وقللت بس الخط من ميزاني المستخدمه

اخويه اني احجي على الطيران على شركت لوفتهانزه بالاخص
يتساهلون بالحدود المعقوله يعني 24 ونصف يعبرها وعادي بس الجنط الكبيره تجلب النظر حتى لو حاط بيها وزن قليل حيفكر هاي اكثر وزن  واخويه بالنسبه الي سواني كبش فداء او مثل ميكولون خوف الناس بيه شلون وصلت للوزن كلي وزنك عالي اني جان عندي 6 جنط كلي لو وحده او اثنيين اكثر من 23 عادي بس طلعت كلها اعللى من 23 كيلو كلي ادفع فرق وزن هو السعر 900 دولار واني اسويها الك 450 دولار كتله ماعندي كلي فرغ من الجنط وحط الزياده بيدك طبعن هنا الشلعان القلب تعال افتح الجنط وشيل وحط وتعب فعلن تعبت جدا جدا طبعن خلي بالك حط فد جنطه صغيره بطن احد الجنط الكبيره احتياطن لكي تفرغ بيها اا حاب تشلع قليك

اخويه ماطولها عليك بالخير شلت من الجنط وحتى جنطه كبيره جاي ماخذها ويايه لانه عركت وتعبت وكلت ارويها اجى علي حمال من العمال وكلي علكيفك انتظر شويه شيل منهاي الجنطه شويه وسوي وساعدني بس اكيد كلي اريد اكراميه منك زينه كتله بطن عيني بس مشيني وساعدني بالخير بدون توزين حطه على الوزن ومشاها وبعدين قبل منصعد للطياره اخذو كل الجنط حتى الهاند باك كلي تريد تستلمها اخر محطه بكيفك متنزل وياك بالترانزيت
يعني الفلم راد يورجيني العين الحمره والناس تحجي شلون بهذلني بس عادي وحياتك اول موصلت بتورنتو كندا واستلمت الجنط بالمطار وزنتها وكان كالتالي

1- 24.4
2-25*4
3- 28.6
من اصل 6 جنط بس لو اعيد السفره مره ثانيه اكلك وانصحك لاتتعب نفسك بهاي الشغلات لانه وراك تعب وسفر تقريبا 24 ساعه وعند الوصول تحتاج الى راحه مو تعبان مثلي بلاعيمي وتمرضت على شغلات كان الواحد يكدر يتعداها

اخوك اريد وطن - كندا تورنتو ويتمنى سفره سهله وسريعه ومريحه الى الجميع

اخواني شاكر مشاركتكم

اخواني الكاضمي اربد احمد الغريب والجميع اتمنى قريبا جدا يكون سفركم ةتخلصون من الانتظار وهاي السوالف المزعجه من قلق وانتظار وخلصت وهانت وتصير سوالف

اي شي تحتاجون اني موجود اي شخص عنده استفسار اني حاظر


اريد وطن

الى جميع اهلي واخواني الاعزاء

شاكر كل شخص رد علي ومانسه فضل هذا الموقع عليه ايام الصبر والانتظار المقلقه ويارب يفرج على جميع السفر القريب لكل المنتظرين

اخواني عذروني لعدم تواصلي المباشر معكم بسبب لايوجد عندي نت بس اني حاليا مشطل ويا جيران محاطين باسورد يعني الله يستر اي وقت يفصل بس مرتب على نت وبعد 15 يوم يركب عندي ان شاء الله التاخير بسبب عطلت ايستر واني جديد كل واحد جديد يراد فتره يتاكدون من الكردت مالته وبعدين يمن يجه سرايه

اخواني واهلي طبعن اليوم اجاني هاتف من اخونا العزيز عبسي وهو حسب متعرفون شلون شخص متعاون اتصل بيه وسئلني عن اي شي محتاج يعني والله اخواني مثل هيج ناس فعلن تحس الدنيه بخير طبعن من تعاونه وتوجيها ويحلفني اي شي اريد اتصل بيه وحجينه تقريبا نصف ساعه وفعلن خجلني من توجيهاته وتعاونه يارب يوفقه ويوفق جميع الاخوان الي امثاله فعلن الكلمه الحسنه صدقه هاي اخلاق اهلنه العراقيين

اخوان حول سئوال على اسعار الاجارات طبعن كل منطقه تختلف عن غيرها  يعني مثل في مسكاكا
الاجارات تختلف اكو شقق اسمها aprtment وبيها الغساله مشتركه هاي اسعارها من 850 الى 1100 وتكون شامله جميع الخدمات من ماء وكهرباء وتدفئ بس وحسب عدد الغرف ونضافه العماره وقدمها الغرف من 1-2 غرفه قليل تلاكي ثلاث غرف

اكو شي ثاني يسمو كوندمينيوم وهاي شويه اغله طبعن بيها مسبح والغساله بالشقه اسعارها تبدي من 1300-1900 حسب بعدها وقربها عن مركز مسكاكا الي هو يسمو سكوير ون طبعن هاي المنطقه بيها تجمع الباصات وبيها مول كبير جدا جدا وسوق وال مارت وسيرز هذا العرفته اني هسه نرجع للشقق هاي الشقق حديثه العمارات وبيها بالمدخل سكيورتي يعني مرتبه طبعن السعر شامل الخدمات عدد الغرف من 1-2 وكذالك قليل تلاكي 3 غرف

وبعدها يجي بيت منفصل السعر يبدي من 1500وطالع ممكن الى 1900او 2100 طبعن الخدمات عليك تتراوح من 200الى 400 حسب استخدامك للكرباء والتدفئه طبعن الصاريف بالشتاء اكثر بسبب الكرباء معضمها على الكهرباء

اخواني هاي المعلومات علاه من خبرتي البسيطه والسمعه من الناس او البقالات العربيه حولي طبعن كل متبعد عن مركز مسكاكا تقل الاسعار

اخوان حول مسكاكا الجميل بيها عرب هوايه واسوق ومحلات اكل حلال هوايه وناس عرب هوايه يعني مصري ولبناني وفلسطيني يعني ممكن تمشي بالشارع تسمع كلام العربي ومسكاكا من المناطق الغاليه

اخوان اكو عائلتين وصلو بعدي من مصر في كوستي الجماعه راحو الى مدينه اسمها هاملتون واجرو بيت الواحد ثلاث غرف نوم مع مطبخ وصاله ب 950 دولار بدون خدمات تلحكه تقريبا 200الى 300 دولار خدمات كهرباء وماء وتدفئه  يعني شلون فرق

اني مثل اجرت ب تقريبا 1100 دولار عدد 2 غرفه في مسكاكا بس هملتون بيت منفصل يكلفك نفس الشيء

هسه تكولون شجبرك وهيج اجرت عندي اقرباء في مسكاكا هذا الخلاني اجر هنا طبعن المشكله عقد سنوي بعد ماكو مفر ومثل ميكولون هي اول سنه بالاخساير الواحد يتعلم شويه شويه واكيد من كيسك

اخوان بالنسبه الى النقل هنى جدا مرتب سعر الباص في تورنتو او مسكاكا الى كبير 3 دولار والاطفال فوق عمر 8 سنوات 2دولار ونصف بس اخوان ال 3 دولارات اذا تدفع كاش الى الباص افضل طريقه مثل اول متوصل تشتري 10 بطاقات بي 24 دولار مال بالغين يعني تطلع عليك  2دولار و4 سنت  وطبعن اكو بطاقه بي 109 دولار شهريه شكد متريد تركب بنفس البطاقه

يعني مختصر مفيد حسب حاجتك اذا تستخدم هوايه الباصات تحتاج شهريه بس الواحد اول ميوصل يشتري ام العشر بطاقات وتطلع ارخص

طبعن البطاقه يمن تركب الباص تحطها مكينه خاصه يم السايق والسايق يطيق ورقه يسموها ترانسفير هاي تستفاد منها اذا تريد تركب باص اخر او السب وي يعني قطار جوه الكاع وهذا الترانسفسر صالح الى رحله وحده وبي وقت تقريبا ساعتين
طبعن اذا تركب من تورنتو الى مسكاكا تشتري في تورنتو بطاقه وتحتاج في مسكاكا بطاقه اخرى لانه تعتبر مدينه خارج نطاق شركت النقل مالت مسكاكا

يعني اخوان من تورنتو الى مسكاكا تحتاج دولارين و4 سنت وفي مسكاكا نفس الشيء يعني شكت تقريبا 5 دولارات للشخص الكبير الواحد وتاخذ وكت تقريبا ساعه ونصف طبعن اذا ترجع الى تورنتو نفس الشئء 5 دولارات وهم ساعه ونصف

بس الجميل قبل كم يوم احد الاخوان اصحاب السوبرماركت نصحني بالافضل
اكو قطار تكلفه النقله اتجاه الواحد 5 دولار وبس وقت 25 دقيقه بس هاي الحجي من تورنتو الى مسكاكا

طبعن احجيلكم على تعاون الناس هنى وشلون عدهم مساعدت الغريب
بعد وصولي الى تورنتو في كوستي ب خمسه ايام ردت اذهب الى مسكاكا اشوف الشقه ناس اقرباء ودوني بالسياره على اساس ارجع بالمواصلات من مسكاكا الى تورنتو وبيدي خارطه النقل ( ملاحظه مثل في تورنتو تطلب من مكان يسمو ظيع واحنه نلكاك بيه خارطه للباصات والسبوي مجاني يطوها وكذالك مسكاكا وكل النقل في كندا مجاني يطوها في محطه القطارات والباصات )
المهم اخوكم لازم الخارطه ويكلها الى ام اريد وطن معليج اني اندل وبال سب وي كاعد احجيلها شلون ننزل بهاي المطه وبعدين ناخذ الباص اسمه ستريت كار واشرح وفارد عضلاتي وزوجتي تكلي خلي نسئال خاف اكو خلط واني لا شنو نسال مو عيب والله كلت خلي اسئل احسن من ملحت المره وسائله وحده مره كبيره كنديه يعني اخوكم مسيطر وكاعد هيج بس للتاكيد واخوكم صار وجي الوان انته وين تروح شسم الشارع رقمه العنوان كتلها كولج ستريت كلدلي وليدي هذا الشارع طولها تقريبا 20 كيلو وين تريد تنزل تلعثمت وانشك حلكي وصار وجي الوان كلت هاي هيه ضعنه بكندا والله ياخوان الكلام الجدي هنا تكول اني واحد من اهلها طبعن اكلها اريد اروح الى كوستي وكوستي في تورنتو وبهذا الشارع يمكن اكو فد 10 مكاتب الهم بس المهم اسم التقاطع اريد اذكر منا منا ماكو والله ياخوان نزلت وياي الى اول محطه زكف بيها المترو وحجت مع زوجها تسئله كالت ممكن يعرف بس المهم جدا تحطون كارت كوستي بجيبكم وبيه تلفون كوستي واتصلت المره العجوز بكوستي واندلت مكانه بالضبط وكالت موبعيد منا تاخذ باصين وتوصل والله خجلتني دفعت التلون من جيبها وتريد توصلني اني وعائلتي الى كوستي بنفسها واكلها خلص ندليت شكر وكفت الباص وكلتله للسايق هذول جدد في كندا نزلهم المحطه الفلانيه واشرلهم وين يصعدون وشلون يوصلون واكدت علي والله خطيه تتوسل بيه وتريد تجي وياي وتوصلني والله ياخوان معرفت شلون اشكرها طبعن عدهم في كندا تعاون للغريب والله 20 سنه بعمان مشفت مثله بالاخص للغريب طبعن مو بس عمان والله كل الدول العربيه مابيها مثل هنى تعاون مع الغريب وتوجيها ومساعته اخوان الجميل في كندا الكل يكلك احنى مثلك اجينه غربه وتعلمنى شويه شويه لانها بلد المهاجرين والاجئين بشتى الانواع ومن مختلف انحاء العالم


اخوان في العدد القادم اكتب تفاصيل الراتب وتقريبا للشخص الواحد هو 700 دولار تقريبا شويه اقل او اكثر الى العدد القادم بعد التحيه

اخوكم اريد وطن - من كندا مسكاكا

واكو شي هو البيت

بسم الله الرحمن الرحيم

اول اهنئه الاخوان على عيد ايستر ونحن حاليا في كندا عطله من يوم الجمعه الى الاثنين

اخوان مشاعر مختلطه من قلق وفرح وسعاده وخوف من القادم بس والف الف الف الحمد لله تستحق التعب والصبر والمعانات انتظار ومعاملات ومقابلات في اليوان والسفاره الكنديه وصبر وتحمل وكل هذا تستحق الانتظار

اخوان قبل اقل من شهر كتبت عن الصعوبه وبالاخص جماعه الي حتروح الى تورنتو وبالاخص تنزل في كوستي

اخوان المكان بالضبط شلون نكول فندق قديم في البتاوين في بغداد بس طبعن نظيف والاكل بي كذالك نظيف ومثل مكالها اخونا عبسي سابقا واختنى كندا ونصائحهم جدا مهمه الواحد يحاول يتحمل الاسبوع الاول ويسوي الاجراءات ويطلع فورا المهم انا كعدت في كوستي 12 يوم بس والحمد لله اجرت شقه في مسكاكا

وكان بيها مشكله طبعن تستغربون المشكله في التدفئه ظعيفه جدا علم المجمع كبير جدا بس يوجد مشكله في السستم العماره وادارات العماره ابلغوني شراء دفايات صوبات كهربائيه اذا تشعر بالبرد وعلى كل حال هسه الجو طيب وجاي الصيف

المهم بعد ابلاغ كوستي انه وجدت مكان يطوك ورقه توديها الى مكان الاجرات بيه ويعبون العنوان وتاريخ تسليمك السكن ( طبعن هنى هم صارت عندي مشكله ادارت العماره كاتبين العنوان خطء وهو خط بحرف واحد من r بدل i كاتبيها مزج بس ربنا لطيف اخر يوم انتبهت عليها يعني جماعه كوستي من الضغط العليهم مرات مينتبهون والف الحمد لله لحكت على اخر لحظه
طبعن العنوان مهم لانه من مسؤوليه كوستي ابلاغ دائرت cic ,tax benift .والحه على عنوانك الجديد واهم شي جماعه سي اي سي لانه مشان يدزون الاراتب اذا اي خلط ممكن يتاخر الراتب عليك فد شهر او شهرين
المهم اخوان اي ورقه الواحد يجيك وراهم صح شغلات بسيطه بس ممكن تتعب بعدبن المهم يتحدد يوم مغادرتك بالورقه الجيبها الى كوستي وبهذا اليوم على كوستي يرسل الك تكسيات تحمل اغراضك من كوستي الى منزلك الجديد وطبعن يطوك ورقه بيها تفاصيل الاثاث التي سوف تستلمها في سكنك بعد ساعتين الى ثلاثه من وصولك الى بيتك الجديد

والله اخوان خلفله على الحكومه الكنديه وبارك الله بيها يدزون اثاث جديده بالنيلون واليكولكم غير شي جذاب بعينه وميريد يحجي الصحيح وبصراحه شفتها بكوستي اكو ناس طلعون قبلنا بجم يوم اسئله على تفاصيل الاثاث سواها ضلمه عليه

المهم ترسل اثاث سرير مع قاعده قنفه عدد 3 كراسي وقنفه مفرده وميز طعام وثلاث تيبلامات 2 صغيره واحد ارضي وطاولات عدد 2 مثل ميكولون الاردنيين طربيزات وميز تواليت مع 6 جرارات وطبعن الاثاث على عدد اراد الاسره وطبعن نسيت اكول في كوستي اول يوم يطون لكل شخص لحاف وجراجف عدد 3 وخاوليات عدد 4 كبيره وصغيره وكله جديده بالنايلون هاي تاخذها الك وياك

بس الملاحظه الاثاث او المخدات او جميع الذكرته اعلاه ليست من النوع الفاخر والراقي بس تمشي الحال يعني القنفع العندي بدت تطلع صوت من زنبركاتها بس مقابيها هم وفرو هذا الشي والف الف بارك الله بيهم وبالحكومه الكنديه يعني تقريبا نكول ساندوك فد تقريبا من 1000 الى 2500 دولار اقل تقدير لانه الاثاث في كندا غاليه جدا والاصح في تورنتو مادري في المقاطعات الاخره شلون السعار

اخوان بعد السكن والاستقرار رحت اسوي امتحان اللغه طبعن جماعه كوستي يطوك ورقه على العنوان القريب على سكنك لكي تذهب اليها لاخذ موعد

اخوان بعد سكنك تقريبا 2-3 اسبوع وهذا الي صار وياي يتصلون بيك جماعه كوستي غير الاتقينه بيهم جماعه مستشاره لمده سنه وتاتي الى سكنك وطبعن اذا تحتاج مترجم تجلبه وياها وتكعد معاك في بيتك وتشوف اذا عندك اي مشكله او سؤوال او اي شيء تكدر تساعدك بي بس وضيفتهم التوجيه بس واعطائك العناوين الصيحه لكل شغله تريده وهاي شغله كلش مهمه لانه هواي شغلات حتى لوعنك اقرباء او اهل ميندلون مثلهم

اخواني واهلي جميعا لايخفى عليكم اني اول وصولي بعد يومين فكرت جديا بالرجوع الى عمان بسبب كوستي والضغط والتعب من السفر بس اليوم بعد شهر اكول عندي كندا هي بلدي وموطني وتسوه كل الدول العربيه والله والله عمي تعاون واحترام وابتسامه وتاثيث من عند الدوله ويخابروك يطنون عليك وتامين صحي ومساعده من الناس الي متعرفهم بس يعرفون انته قادم جديد بعد اكو احسن من هيج وطن

طبعن المصاعب مثل جنت اريد تلفون اسوي خط موبايل طبعن هنا غاليه جدا يعني تلفون موبايل يكلفك تقريبا 40 الى 60 دولار شهريا ومو ايوكت تكدر تحجي بيه اوقات معينه
الشركات الموجوده واغلاهم روجر بعدها شركه فايدو هذول الشركات العملاقه طبعن فايدو من الشركات الرخيصه والزين مابها عقد بس اخوكم اريد وطن دحبس وسالت منا منى وليش اكول هنا الناس متعاونه وتحب تساعد
افتريت على الشركات وبالصدفه كاعد احجي ويا موظفه من شركت روجر وكتلها حبي اختي تاج راسي اني جاي لاجى وماعندي فلس واريد ارخص عرض كلتلي شوف اخويه انته خطيه مسكين بس لتكول اني كتلك لانه يطردوني من الشركه اكو شركه جديده اسمه ويند مال موبايلات رخيصه جدا وعدهم عروض تكسر ماكو احد مسوي مثلهم وبدون عقد بس لازم تشتري هاتف منهم واكو تلفونات من 100 الى 500 دولار اشتري واحد رخيص ويفيدك طبعن اطتني عنوانهم واخوكم طير عليهم وسويت خط

اخوان الهاتف في كندا جدا جدا جدا مهم وجماعه سي اي سي يطوك مهله شهر لازم ترسل الهم رقم تلفونك
طبعن الشركه الاشتركت بيها اسمها ويند تحجي وتستلم مكالمات باي وقت وتحجي شكد متريد ب 40 دولار شهريا بس وهذا شي خيالي بس طبعن مو كل كندا بس كريتر تورنتو يعني بس اوتاوا وباقي المقاطعات لازم بطاقات
طبعن باقي الشركات عروضهم مثل من 7 مساء الى 7 صباحا تتكلم مجاني وباقي الوقت اذا احد حجه وياك تتسجل عليك فلوس واذا حجيت ويا احد يتجل عليك وانته اقل شي تدفع 40 دولار طبعن اذا احد حجه وياك خارج وقت الفري تاكل هوه
ادري دوختكم بالتلفون بس عادي كل فتره اكو عروض ومنافسه بين الشركات وهذا شي جميل اكو منافسه بس الواحد يسئل ويندل الطريق

ادري دوختكم الموضوع الاخر احجي على النقل بالباصات وجمال الدقه بيها

اخوكم اريد وطن - وطني كندا صارلي شهر في كندا - مسكاكا اونتاريو

الف الف مبروك اخونا انشتاين وقريبن نسمع اخبارك ووصولك الى كندا

ان شاء في موعد وصولك الراحه والاستقرار واتمنى للك واهلك سفر موفق ومريح بعد عناء الانتضار الطويل


اخوك اريد وطن / حاليا في كندا تورنتو صارلي شهر والف الحمد لله

اخوي انشتاين العراقي

رجاء سلملي على عبير وكلها الكلج على موقع عنكاوا واطاج العنوان وتعرف اني بكندا صارلي 11 يوم وصلت الى تورنتو

خويه اني ترجمت لقاحات وعقد الزواج وكومت اوراق جنب السفاره الكنديه الورقه بخمس دنانيير اردني بس السفاره الكنديه على الختم الواحد ياخون 33 دينار بالسفاره

اخويه هم كلتلنا عبير بالمطار يريدوها منك والخ وماكو احد طلبها منعنا ولاسءل عليها ابدا اصل الجواز العراقي في كندا ميعترفون بيه بس يشوفون الفيزه وياخون الاسم منها وبس واكو ورقت لاندنك هي المهمه وبس
يعني الجواز ممعترف بيه يعني يفيدك بس اول ايام لتقديم الى رقم الضمان والصحي والاقامه الدائمه وبعدها ليس لهو اي اهميه

للعلم اخويه عبير بنتد جدا حبابه والديره لوسي كذاللك بس واجبهم المبالغه بعض الشيء
يعني دخان اخذت وياي 18 كروز هذا الحجي بيناتنه لاتكول الى احد او تدكول بالدوره لاحد يفتش ولا احد يفتح جنطتك موجودات بنات 2 عراقيات باالمطار يستقبلوك ويكلون اجراءات ويحطوه على العربانه وتمشون سره واحد وره الاخر وتطلعون ويجيبون تكسي واني بقت جنطيت باالمطار اتاخرت مطلعت من المانيا وجان بيها 6 كروسات دخان يعني الدسم كله بيها واخوك باك هوه كلت اذا لزموها اكل تبن وسئلني بالمطار ابو لوفتهانزه بيها قفل كتله اي كلي اذا رادو الكمارك يفتشوها شلون كتله يكسورن القفل واخويه وحياتك لاحد فاتحه ولا لاعب بيها

يعني الدوره بيها مبالغه اكثر من الازم بس للترجمه بصراحه اني سويتها كلها وصرفت بحدود 200 دينار وللمانه انته واصل جديد الى كندا يعني متندل وين ترجم والمواصلات هنا غاتليه جدا فحاول الشغلات المهمه مثل شهادات والقاح عقد زوج ترجمها
وبالمناسبه اذا عندك رخصه قياده عراقيه روح للسفاره واخذ كتاب تايد بانها نافذه وترجمها وجيبها لانها تمشي هنا
وحاليا السفاره بعمان تطي هيج كتاب

اخونا ريفولفر مشتاقين والف الحمد لله على رجوعك النه سالم

اخويه اهم شي دير بالك على نفسك وجمع جم فلس وان شاء الله يحفضك وسافر وتخلص ونتمنى دائما نسمع عنك اخبار زينه

اخوك اريد وطن بعد غد اذا الله شاء السفر الى كندا بعد تاجيل من الاسبوع الماضي

اختي كندا الف حمد لله على سلامتج ويارب اني ولا انتي يمعوده ان شاء الله اليكرهوج واني متاكد ماكو احد يكرهج

اختي اني عرفت الطير كلي انتي متكدرين تجين الى المطار بسبب موعد الطبيب واني على هذا الاساس اجلت السفر الى 1-3-2010  يعني اذا الله شاء نسافر يوم 28 ونوصل ب 1-3 طبعن هذا الموعد امس انطونيا جماعه اي او ام وبسبب اضراب طيارين لوفتهانز والف الف الحمد لله كل تاخير بيها خير يعني يوم 1-3 لازم اشوفج بالمزيقه والطبل والجكليت والاهلال تلرى اذا مطلعين ارجع بنفس الطياره واني كتلج

واختي مره اخرى اكلج الف الحمد لله على سلامتج ومشوفين اي شر يارب

اخوج اريد وطن - وسفره معصمص مادري اشوفه لكندا لو لا والله والله انشلع كلبي اخ اخ ياعراق شسويت بينا

اخي صاحب الموضوع المحترم

لاتقلق من هذا الموضوع اني كان المفروض سفري يوم 24-2-2010 من عمان الى مطار فرانكفورت ثم الى تورنتو كندا على الخطوط لوفتهانزا الامانيه

للعلم يوجد اتفاقيه بين اي او ام مع الوفتهانزا لتسفير الاجيئن يعني المثلنا واخويه يوجد اضراب من الاحد الفات والمفترض لغايه اليوم بس اداره لوفتهانزه تفاوضات مع الطيارين واول امس رجعو يطيرون واخويه هو الاضارب المفروض 5 ايام بس صار يوم واحد بس وللعلم هو عدد الرحلات الي تاجلت هي 1400 رحله يعني لمده يوم واحد بس والاضراب هو بسبب تخوف الطيارين من طردهم من العمل ويريدون زياده بالرواتب وللعلم الاضراب تم تعليقه لغايه يوم 8-3-2010 وبعدها اذا لم يحصلون على مطالبهم يرجع الاضراب بس حسب اخبار واني جدا متابع للموضوع وبصراحه انضريه من عدم السفر وتاجيل سفرنا الى السبوع القادم تم التوصل الى حل وانته الامر والتاخير هذا اتصور ميتكرر لانه جماعه اليوان بعمان كالت حاليه اي او ام تتفاوض مع شركات اخرى تحسب اذا مستقبل نعاد الموضوع واخويه على كولت الموضفه همه نضرون ميصدكون يسفرون ناس ويخلصون تجي مشاكل بالطيران فاخواني الموضوع كان تاخيره وضرره على جماعه اليسفرهم خلال هذا الاسبوع بس ولاتقلقون

اخوكم اريد وطن - وتم تغير موعد الفر قبل يوميين من السفر بسسب الاضراب

ياهلي واخواني

الف الف شكر على مشاعركم الجميله ومسانتكم والف الف الحمد لله الواحد عنده مثل هيجي ناس اخوه وخوات واهل فعلن يارب يسر سفر الممسافر ويحجون وياه والنتظرين وييسر اجراءات الجميع

اخويه اربد الف شكر على كلماتك الجميله وهذا مو غير على امثالك ويارب يسهل امرك وتسافر وتخلص من معانات الانتظار

اخوكم اريد وطن

اخوان بعد التحيه

والف الحمد لله تم اتصال اليوم من اي او ام لابلاغنا تاجيل الرحله وذالك بسسب اضراب 4000 طيار من طيارين لوفتهانزا

وابلغونا غدا الذهاب الى اي او ام لمعرفه تاريخ السفر الجديد متوقع ب 1-3-2010

عادي حظي واعرفه والف الحمد لله يكولون كل تاخير بيها خير يالله والله اخاف نكلب كندا ونسويها فكر مو  ألف اخ

اخوكم اريد وطن ومو وطني كندا عمي خلي نفك ياخه عنهم خطيه

اختي الاصيله كندا

باقي الي 4 ايام واكون في تورنتو السفر من عمان مع ترانزيت 7 ساعات في المانيا وبعده نوصل الى ارض الوطن الجديد

طبعن اذا تحبين طلعين مزيقه وجكليت وهلاهل بالمطار اني ماعندي مانع بس المشكله اخاف يلزموني ويرجعوني وانتي وياي ويرجعونه لاهلنا اني كتلش وحذرتج ترى مو تكولين


اخوج وطني كندا

والله كفو الفريدو واصيل والله انته فخر للعراق والعراقيين انته واخونا عبسي من مساعتك وتوجيهاتك الله وبحق محمد والله محمد ينور طريقك ويفتح ابو الرزق امامك يارب

اني تفاصيل

ب شهر 11 او 12 -2008  تم مقابله باليوان للتحويل الملف الى كندا

بشهر 2-2009 اتصال استلام الفورمات وتعبئتها

ب 2-9-2009 مقابله بشميساني السفاره الكنديه مع اعطاء فايل نمبر والفحوصات الطبيه و توقيع القرض

5-9-2009 عملت الفحص الطبي

6--1-2010 اتصال من سوريا وطلب رقم الكفيل وبعده ب 2 ساعه اتصلو بكندا الكفيل

10-1-2010 طلبو تسليم الجوازات الى iom

13-1-2010 تم تسليم الجوازات

الدوره كانت ب 2-3-4 -2-2010
ويوم 4-2-2010 اخر يوم الدوره اتصلو ال iom اثناء الدوره وكالو 7-2-2010 تعال استلم موعد السفر

يوم المشهود ويارب يتم على خير يوم 23-24 -2010 السفر من عمان الى فرانكفورت الساعه 3 فجر عمان وبعد انتضار ترانزيت في مطار فرانكفورت 7 ساعات بعدها طيران الى تورنتو والوصل الى مجهول بس خير انشاء الله والوصل بتوقيت تورنتو 4.30 في مطار تورنتو وتبدء رحله تاسيس مستقبل وامل جديد وحيات بدون قلق وخوف وامان ويارب تكون للكل ويسر امر الجميع

اخوكم وابن المنتدى اريد وطن سابقا وحاليا وطني كندا

اخويه ابن الرافدين

اخويه اصبر ومابقه ال القليل ويارب ايام القادمه خير ويصير الاتصال بس خويه ممكن بعد سفرنا لتجهيز الموضفين والاماكن الكم لانه اليوم سافرت مجموعه وان شاء الله اني وياي 5-6 كيسات سفرنا يوم 24-2-2010 يعني نطلع للمطار يوم 23 مساء ويارب يكون سفرك انته واخونا انشتاين ورانه مباشر


اخوك اريد وطن - تورنتو كندا

اخويه انشتاين

اسف على التاخير على بس عندي مشكله بالنت والله الاسبوع الماضي جنت ملتهي بالتصفيه وترتيب الجنط
ويارب الايام القادمه نسمع خبر اتصال السفاره الكنديه بسوريا ويبلغوك تسليم الجوازات وانته صبرت وتحملت ربنا يفرجها عليك قريبا وكول يارب

اخوك اريد وطن

اخويه انشتاين

الف الف الحمد لله انته صبرت هوايه وفعلن متاخر بس شنو البيدك متدري كل تاخير بيه خير والف حمد لله يعني الملف تحرك وكول يارب بلكت الله مثل مكال اخونه الفريدو وشهر اربعه يكون سفرك وبشهر القادم تبدي بالدوره والاجراءات

يارب يارب وكول يارب والله يسرهه وتكون سهله

اخوك اريد وطن

اقدم شكري للجميع

اختي yara مشكوره الف شكر

lenatelcom الف شكر للمساهمه

كندا   اختي كندا منوره بيج

مياده  اختي كندا الف شكر وان شاء الله اول وصولي ارسلج على الخاص اخذ تلفون اخوج واتشرف بمعرفته

الحمل شاكر مساهمتك والتهنئه

الفريدو    عمي والله ماعرف اشلون اشكرك واخ عزيز ويارب يفتحه بوجهك دائما

ظاع الوطن

okok 755
بغدادي
احمد الغريب  اكيد ابقى بالمراسله وياكم انتو اهلى وناسي


migrant

عمار الاعرجي يارب قريبا جدا جدا نلتقي في كندا في ارض الوطن الجديد ويقرب سفرك

prophi
violin
eboo

شكر وتقدير الى جميع الاخوان المشاركين وغير مشاركين

وخاص الى اختنى انجل anjel ملاك المنتدى الرائعه


اخوكم اريد وطن

الى جميع اهلي واحبتي شاكر تفاعلكم ومشاركتي فرحتي ويارب يفرح قلوب الجميع

اختي عراقيه وافتخر 4 الف شكر

حبيبي انشتاين يارب هاي الايام يتصلون بيك وتصير فرحتي فرحتين

احمد عباس الف شكر

ابن بلاد الرافدين ويارب انته سفرك يكون قريب جدا

عبسي عمي مشكور على الانترنت بس كلي الجو شلون تريدني اكعد واجمد بس تكفه حجيب وياي صوبه

                                                        بسم الله الرحمن الرحيم

اخواني واهلى

اقدم شكري وتقديري واحترامي الى اداره المنتدى الاعزاء
اقدم اجترامي وامتناني الى جميع الاعضاء في المنتدى في البيت العراقي المصغر وابشركم بحبر تحديد موعد سفري بعد عناء وصبر مع اليوان والسفاره الكنديه في سوريا من مقابلات وانتظار يشيب الراس والف الحمد لله وصلت اليوم الى استلام وتحديد موعد السفر من عمان الى فرانكفورت وانتظار 7 ساعات ومن ثم نطير الى تورنتو يوم 24-2-2010

اخوان اليوم كان العدد 7-8 كيسات 5 كيسات نحن الى تورنتو وكيس واحد الى فانكوفر طبعن من فرانكفورت مباشر الى فانكوفر وكيس واحد الى كالكري عند اخونه الفريدو

طبعن والكل يعرف التواجد في المطار الملكيه يوم الثلاثاء 23-2 الساعه 10.30 والسفر الساعه 2.50 من عمان الى فرانكفورت تصل الساعه 6.30 صباحا الى المانيا وبعد 7 ساعات الساعه 1.30 مساء الطيران الى تورنتو ونصل المتوقع 4.25 عصر بتوقيت كندا الى  تورنتو

وان شاء الله عند الوصول وتوفر نت ابلغكم عن تفاصيل الرحله ومابعده اي مستجدات

اخواني واهلى الاعزاء للمافرين وال منتظرين اقدم شكري للجميع من اي معلومه ومشاركه بكلمه والنصيحه والتوجيه في هذا البيت العراقي المصغر وكان اقل شي يقدم الي من دعاء وهذا ليس بالقليل اتمنى من العزيز القدير يكون اخونا الغالي انشتاين و ابن الرافدين واختنى العزيزه دودي وعمار واربد يقرب ويسهل امرهم في السفر ونجتمع جميعنا في كندا لبدايه حياه كفاح وتاسيس صحيح في كندا وادعو الرب الكريم ان يفرجها على بلدنا واهلنا في العراق وفي جميع اهلنا خارج العراق ودائما نكون يد واحده والكل يكول اني عراقي وبس


اخوكم وابنكم
اريد وطن
اقدم رجاء من هيه الداره تغير اسمي الى وطني كندا لكي انسا ما مر بي من انتظار وقلق ونسيان المرحله السابقه كامل 

اخوان الكارت الازرق للتوضيح وهذا ماخبوروني بي ال iom امس

طبعن انا في الاردن ومسافر الى كندا
1- ال يوان لاتدفع عنك الغرامات تبقه انته تدفعها بس شنو يوم السفر ال يوان تخاطب الداخليه الاردنيه والاردنيه بدورها تصدر بكتاب مذكور اسماء جميع المسافرين بهذ اليوم عدم ختم ابعاد لهم او مسموح مغادره الاردن بدون دفع على ان هذا المبلغ يبقى بضمت المسافر اذا حب مستقبلا الرجوع للاردن طبعن يحضر ويا اقامه الدوله الذاهب الها بس ميدخل اذا مدفعه

يعني مثل عمليه عمل المبلغ دين على المسافر والسماح له بالسفر بدون دفع وشرط عدم ابعاد لانه الابعاد لايسمح لك دخول الاردن لمده 5 سنوات وبعد الخمسه هم لازم تدفع
وذه هي تهيلات بدء العمل بها بتوجيات جلاله الملم عبد الله بدايه عام 2009
طبعن الخوان هسه يكولون وينتدقدون وين التسهيلات
لبعض الاخوان واني منهم اعتبره تسهيلات ممتازه لانه جانت كلش صعبه خلفله عليهم احسن من السابق

اخوك اريد وطن باقي ايام للسفر لكندا اذا الله شاء

اخويه ابن الرافدين العزيز

اسف جدا بعد تسليم الجواز احسب 5 الى 7 اسابيع وليس اشهر يمعود هسه اصلحه همزين نبهتني

وابشركم اخوان وهذا الخبر تازه

اليم بلغوني في الدوره على موعد السفر وانشاء الله الاحد القادم يطونيا ممكن بين 20-26 من هذ الشهر
بس الخبر الفرحني اكثر هو كالو اعتبارا من الاسبوع القادم يبدون السفاره السوريه يحجون وياكم المنتظرين لانه احنه كمجوعه طقريبا 20 كيس خلصنه وحجزولنا هجي السفاره الكنديه بسوريا حتبدي بلمعاملات الباقيه ويارب يكون ابن الرافدين وانشتاين ودودي وجميع المنتظرين منهم وتبشرونا


اخوكم اريد وطن

اخويه انشتاين

قصدي التاخير بالاتصال بيكم مثل وضعك السبب هم ينتضرون سفاره سوريا كندا مثل حالتك فان كوفر يطون الاوكي الى سوريا يكولون احنه جاهزين استلام مثل العدد 10 اشخاص وعدهم فلوس تكفي للوجبه القادمه
بس احنه كلنا محسوبين من ميزانيه 2010 وطبعن بعد بدايتها تنتهي بشهر 10

بس خويه تاخيرنا احنى اني مثل او انتم  من ىاحد الاسباب مثل رسبشن هاوس هسه يكون فل طبعن مو بس من الاردن ومصر ولبنان او سوريا لا مثل حاليا جماعه هايتي وباقي دول العالم لانه سنويه تستقبل كندا 300000 الف لاجىء ومهاجر من العالم وعلى كولت الكنديه التطينه المعلومات انتو العراقيين متتمثلون ممكن 2-3% من العدد الكامل
وشي ثاني يكون عدهم قله بالموظفيين المتوطعين لانه بالنسبه النا جماعه كفاله الحكومه GSR  لازم همه يودونا نسوي الهويات PRS+بطاقه التامين الصحي و سوشيل نمبر وتوجيه للغه والمتحانات وحتى مطار كنده لازم مترجم باللغه العربيه يكون وياك الى موضف CIC وكذالك توجيه كيف الاجار ويعتبر مكانه فرغ واكو مجال يصير ناس ثانيين يجون يمن نسكن بسكن منفصل
بس انتو باقي المقاطعات ينزلوكم بفندق درجه اول لمده 7 ايام وبعدها يطوكم خيار مابين 2-4 شقق ياخذوكم لكي ترون الافضل لكم من ناحيه الايجار والمساحه لكي تستاجر لانه بصراحه الفنادق مكلفه عليهم وطبعن ميتركوك لغايه متسكن وترتاح

اخوان حول تغير المقاطعه بس جماعه GRS احنى جماعه يوان لايوجز تغير المقاطعه خلال السنه الاولى والسبب يتم تحديد الراتب من المقاطعه ومن الصعب جدا جدا تغير راتبك على مقاطعه اخرى وهذه الحاله وبحالات نادره واسباب قهريه يكولون تاخذ 4 اشهر اقل شي وطبعن هذا كلام مسؤولي الدوره وعلى ذمتهم

اخوان في حال السنه القادمه مثل غيلرت المقاطعه ماكو مشكله بس اكو نقاط لازم تسويها وهي مثل اجازه السياقه متحتاج امتحان من الصفر بس تغير الكرت وياخ تقريبا شهر واحد وكل مقاطعه تختلف الفتره
طبعن يحق السياقه بالاجازه مالت مقاطعتك الاصليه لمده بس 3 اسابيع ولازم بعدها تغيرها
كذالك تغير رقم التامين الصحي لانه لكل مقاطعه شروط تختلف بس رقم السوشيل يبقه نفسه وكذالك تغير رقم الضمان بصراحه تبدي من جديد واليغير يكون عنده عمل ودخل محرز مشان يغير يعني الي يريد يركض وره رزقته



طبعن معلومه مهمه وجديده
حول كارت الاقامه من بدايه 2010 يعني النا صار شكله جديد بيه صورتين بس ميزته وكالت احنو منلحك عليه ممكن الشهر الجاي يلحكون وهي تكون بيه بطاقه ممغنطه ويمن تريد تسافر لازم تمرره على جهاز بالمطار وهاي هم سووها من وره جماعتنه العرب اكو هواي ناس مثل تصل كندا هجره او لجو وبعدين يسافرون وميبلغون السلطات علمود يحسبون الايام لانه بعد مروو تواجدك بكندا 1060 يوم بالظبط يعني 3 سنوات اللك حق تقديم على الجنسيه بس هاي البطاقه صارت هي بعد تحسب يعني الي يريد يسوي كلاوات راحت عليه

اخوان موضوع اخر
بالنسبه للغه تكدر بنفس الوقت تاخذ لغتين انكليزي وفرنسي يعني اذا تستطيع همه يكيفون وهم على حسابهم بس الانتباه هذا الحجي اول سنه بس

والنا لقاء اخر وتكمله بس اتعشه ارجع اكمل تفضلوا ويانا بسمه الله

اريد وطن

اخواني الاعزاء اليوم الثاني من الدوره وقبلها اريد اجاوب عن اخواني انشتاين و ابن الرافدين

اخواني ماريد اهبط معنوياتكم بس ممكن بشهر الثاني بنهايته او ثالث يمن يحجون لاسباب منها

الجماعه الي ماعدهم كفيل من الدرجه الاولى ينتظرون اول ميزانيه والولايات يعني بصراحه انقهرت كلش لانه اكدت الى تورنتو بعد ماكو بس الي عدهم قريب درجه اولى يعني اخويه انشتاين ممكن غير تورنتو بسبب يكولون مضغوطه وميزانيتها متسمح وماعدهم علم على موعد الدوره القادم بس كالت بلغ جماعتك
بعد تسليم الجواز يحسبون 5 اشهر  اكيد تكون توضع الفيزه ومعدل 7 اسابيع حد اعلى يكون السفر من يوم تسليم الجوازات بس الاسبوع القادم كالت ممكن اكو دوره الي سلموا جوازات ب 20 و 27-1-2010
بس العدد بعد تكول منعرف

اخوان اليوم الشرح اليوم الثاني عن الدوره

اول واهم شي للعلم موضوع القرض - بالمناسبه الي اخوان مثل دفعو اجور الفحص الي هو اجور الاشعه كالو ممكن ارسال الفواتير بالفاكس الى سفاره كندا بسوريه مشان يلغوها عليكم من اجور القرض لانه انتو يمن وقعتو القلرض المفروض مدفعون شي وهذا يوثر على العنده 8-10 نفرات لانه ممكن يحطو عليك بكندا للتسديد ( اني محسوياها لانها ممستاهله كل الدفعت 26 دينار ممستاهله واخاف سوي مشكله)
بس قوانين التسديد هي من 1-3 سنوات ممكن التسديد وبشكل رسمي يحق لك بعد دخولك بعد مرور 3 اشهر يحق الك تدفع طبعن هاي الفتره من 1-3 سنوات بدون اي فوائد
 من 3-6 سنوات يعني بعد مرور ال ثلاث سنوات تبدي عليك فوائد تقريبا 1.025 وحسب القانون اقصى شي هي 6 سنوات ولازم يكون مسدد
هذا مايخص القرض طبعن اول يوم توصل يكعدون وياك موضف CIC ويوقعك على عقد بينك وبين راب والي هي المنظمه المسوله عليك اول سنه وهاي شغلت التوقيع جديده بس كذب العرب والتلاعب سووها

اخوان نحن اسم اللجوء مالتنه هو GSR كفرمينت سبونسر يعني براس الحكومه هي الرايده تساعنا وهاي عن طريق ال يوان
والحالات الاخرى الكفاله الخماسيه و الكنيسيه يسموهم PSR بيرسونل سبونسر طبعن ميحق الهم راتب ولا اي شي حته السكن بريسبشن الكفيل هو مسئول عليهم وترتيب الاوراق بعد الوصول الكفيل يساعدهم طبعن هذا الكلام اول سنه بس وبعدها غير

بالنسبه جماعه GSR  النا حق باستقبال برسيبشن هاوس طبعن تورنتو وسبقوني الاخوان هو كوستي بالنسبه باقي الولايادت بفنادق درجه اولى وبحد اقصى اسبوع وعلى المنظمه تلاقي الك سكن عدد 2-4 خيارات وانته تختار الاحسن والمناسب الك
نرجع نحجي على تورنتو طبعن مجر وصولنا الى ريبسشن هاوس نعتبر من مسوليت برنامج راب وبهذه الحاله اليوان وال IOM  انته دورها نهائي ويبقى رقم B هذا فقط تستخدمه لتسديد القرض واي شي اخر اعتبره للذكرى

اخوان يجي دور راب الي هي مجموعه منظمات منها توجيه شلون تدخل دوره لغه وشلون تبح عن عمل وهواي منظمات لكل منها دور
طبعن اول يوم يجلس ويانا موضف من CIC  وهذا لازم تكله اذا عدك شكت فلوس او اذا عدك املاك او سبائك ذهب او اي ممتلاكات وبالمناسبه اخوان وهذه مهمه جدا
نحن لمده السنه الاولى معفيين من الظريبه او اي رسوم يعني اذا تريد تشحن اي شي معفيه وهي يسوهو لااول دخول بس بس احنه لمده السنه الاولى يعني خلال السنه الولى اذا سافرت ورجعت ميدفعوك عليه اي ضريبه بس اخوان تكون الشغلات مستعمله مو جديده او هدوم عليها لايبل
يوطبعن اول وصولك لازم تبلغ وهذا بالمطار وتكول اني تارك ورايه بعض الشغلات مثلا بقيمه 10000 دولار كندي وبعدين ادخله وتكون البوليصه باسمك لكي تعفى من اي كمارك ورسوم

بالنسبه للراتب يحدد  حسب افراد الاسره وبيها تفاصيل ميعرفوه همه كالو بكندا يكلولكم عليها بس اطمنو تكفي اجار واكل ونقل وجزء بسيط جدا جدا  للترفيه

اخوان والله تعبت اراجع اوراقي واذكر بعد اذا اكو اشياء هو اكيد اكو هوايه شغلات والي عنده اي سوال اني حاضر

اريد وطن 

اول اخوان شاكر الجميع واتمنى للجميع المنتظرين السفر القريب


اليوم هو اليوم الاول في الدوره مكانها في الشميساني بعد فندق ماريوت عماره رقم 66 طابق الرابع طبعن اني شويه اتاخرت لانه مندليت ويمن حجيت ويا عبير ام الدوره وصفتلي بالتفصيل وكالت احنى بنتظارك طبعن تاخير 10 دقائق تقريبا
وصلت ودخلت وكنا  نحن جميعن 3 عوائل
عائله اب وام وثلاث  بنات اعمار 12-17 ومره كبيره مقعده بس الطيف المره الكبيره تتكلب بطلاقه الفرنسيه والانكليزيه

عائله اخرى رجل والزوجه وبنت كبيره فوق 18 سنه

وانا وزوجتي وطفلي عمره 3 سنوات

الملفت من المر نحن الثلاثه عملنا الفورمات والصراحه احدى العوائل ان متاكد 100 % عبينه الفورمات ب 2-2009 وقابلنا السفاره ب 9-2009 وسلمنى الجوازات يوم 13-1-2010
بس العائله الاخرى متى عبه الفورم ممتاكد بس قابل ويانا بشهر 9-2009 وسلم الجوازات ب 20-2010 يعني اسبوع بعدنا

اخواني الاعزاء المسؤلين علينا في الدوره متعاونيين الى ابعد حد والجميل والشي الي يرفع الراس
بدايه الكلام العربيه وهي الاخت عبير والله بت ناس وادميه وشابه طبعن فلسطينيه كنديه والاخرى مره كبيره كنديه من مونتريال وفي صبيه صغيره كنديه وكالت امها باكستانيه
الامر الجميل في الامر اول كلامهم يقولون لك انته مجرد دخولك كندا تنسى انته لاجئ وهذه هويه يوان والكارت الازرق اعتبرها تذكار انته تعتبر مواطن كندي بكل الاحوال عدا لايسمح لك حق الانتخاب والترشح فقط بعد حصولك على الجنسيه والثلاثه قالو نحن اكبر دليل امامكم يعني عبير تكول اني رحت بسنه 2000 الى كندا مع عائلتها مهاجره والكنديه المره الكبيره كذالك مهاجره وماكو اي فرق بيني وبينكم اعتبارن من اليوم

وبعدها اجى شرح على السفر والحقائب
طبعن لايوجد اي قياس للشنط قالو اهم شي التقيد بالوزن وهو 23 للشنطه عدد 2 لكل شخص والطفل كذالم فوق عمر 2 سنه عدا حقيبه الهاند باك غير مسموحه للطفل وهي قياس  20*40*55 وشرحوا عن الاشياء المسموحه وغير المسموحه وهي معروفه وقالو ممكن الاتصال بخطوط الالمانيه لفتهانزه ومعرفه تفاصيل الشنط

وبعده شغلو فديو يشرح على كندا ككل من هاليفكس الى فانكوفر طبعن تصوير من الجو للكل مع شرح على جميع المعالم من مياه وخضره وثلوج وجمال الطبيعه من جبال الخ

تخلل هذا الدوره وهو من ساعه 10 صباحا لغايه 3 ظهر طبعن مع بسكوت وشاي او قهوه خلال الصباح وبعدها وجبه غداء من لبناني سناك وجبه ممتازه ونظيفه ومشبعه طبعن

اخوان للعلم ومهم

كان يوم 18-19-20-1-2010 ل دوره وهذول سفرهم يوم 17-2-2010  وعددهم تقريبن من 30 -4- شخص وليس كيس طبعن همه كالولنا والمفترض نحن وياهم جان نكون بالدوره بس كالت الاخت عبير احنى اجت اسمائنا متاخره جماعه سوريا ناسين يدزون اسمائنا نحن العوائل ال 3

للعلم كذالك انا الان قبل دخولي وكتابتي للموضوع دخلت على موقع الكنديه وجيكت علما مس نفس هذا الوقت جيكت كان يطلع ان بروسس بس اليوم والف حمد لله صار ديزجن ميد يعني تغير هذا للعلم

اخوان اي شخص بحاجه لاي معلومه او استفسار اني حاضر ويارب يتصلون باخويه انشتاين وجميع المنتظرين بس بشرو خير اني باجر حسئال على الدوره الاخرى واكلهم على حالات الباقيه القابلو ويانا شنو وضعهم بلكت يكون عدهم جواب

اخوكم اليشكر فضلكم وتعاونكم ويارب يسر ويسهل السفر على الجميع
اريد وطن واني من اليوم وبشكل رسمي اسمس وطني كندا

نداء الى الاخوان الادارين الرجاء التعاون وتغير الاسم مع الشكر

مشكور اخونا عبسي هذا ماتكودنا عليه منك اخونا من مواضيع فعلن مهمه وتنبيهات جدا تفيد

بس اخويه عبسي ترى الغش وهذا اليسموه البزنس دولنا العربيه كلها طبقه واكو شي عادي اي دوله انته جديد بيها لازم تعرف كلاواتها وطرقهم بس اني متاكد شكد محكون  منفتح لازم يوكعوك بشغله

بس خويه عبسي بالنسبه لهاي شركات انترنت انته بعد مرور 5 اشهر شنو التكوله احسن عرض يعني ياهيه افضل شركه من ناحيه العروض والخدمه والسعر وكذالك بالنسبه للهاتف
انته تعرف الواحد اول ميوصل يريد ينزل تلفون اكو شركه معينه احسن روجر لو بيل اذا الواحد يريد معضم مكالماته 50% دولي و 50% محلي شلون
وبالنسبه هاي اوراق العقود الواحد شلون يقراها اذا انكليزيزته تعبانه اكو بيها بالغه عربيه لو شلون

مشكور اخونا عبسي وتبقى دائما تنورنا بمواضيعك

اخوك اريد وطن -

اخويه  خرافه

شاكر ردج ومساهمتج
الموضوع منريد ندخل بالتفاصيل وللعلم الابره هي 2-3 مو اكثر بس حجم الواحده 30  وعند عمليه الاعطاء تربط بجاز ضغط طبعن اليسويها طبيب من الطب الشرعي واني شايفها هنا بعمان في الجامعه الاردنيه واعندي اختصاص بالمختبرات الطبيه وبحكم عملي احب اخذ فكره على اي شي في المجال الطبي والابر واحده  تضرب من باليد الضراع للجز العلوي واالثانيه للجزء الاسفل يعني من البطن والاطراف السفليه بس اذكر سامع من طبيب من التشريح الشرعي ميصير اكثر من 3 وبصراحه ممتذكر

واكو معلومات للغسل اذا تحبي اذكرها اني حاضر على الخاص او العام واكو شروط للتكفين واكو صلاه بعد الدفن .... الخ

طبعن معلومات اعلاه تخص الاسلام بالنسبه الاخوان المسيحيين بصراحه ماعندي فكره
وبالنسبه للدفن ميصير الدفن في ارض مختصبه او مدافن لغير المسلمين وهناك كثير من الشروط والترتيبات
واي شي تحتاجه اني حاضر بالمناسبه اني مو شغلي دفان بس الغربه وبعد عن الوطن والاهل والاقرباء تجبرك تتعلم كل شيء والموت حق

اخوكم اريد وطن - عمان - انتظار اصدار بطاقات السفر والتوكل على الله والسفر الى كندا اذا الله خلانا طيبن وكاتبها النا

عمي لا لا ابد منحسدكم جماعه امريكا

بعد شتريدون هاي عمي مكرمه من السيد الريس عمي كولو اوباما موزين

خوان باجر وندا لجماعه امريكل وللكل مضاهرات ام بيت الريس ونهتف ونكول ها بوش ازمع زين كلنا نحب اوباما حسين

اخوكم اريد وطن / وطبعن ابدا مكاعد احسدكم اولي اذا طلع الخبر غير صحيح

اخويه ميثم العراقي

اني حبيت اصلح موضوع التحنيط من تجربه اكو هوايه ناس واطباء بس تكلهم تحنيط بسرعه لا وشسوي وحرام بس التحنيط هو مثل مذكرته ابره مواد حافظه

واخويه لايواريك شر ان شاء الله انته وللجميع


واعذروني من الاخطاء الاملائيه الكثيره

اخوك - اريد وطن انتظار اصدار بطاقات السفر والتوكل على الله من عمان - الى كندا تورنتو ويارب لجميع المنتظرين

اختنى العزيزه يارب يطي الصحه والعافيه والموت هو حق علينا

اختي سوف اشركلك بالتفصيل اذا شاء القدير وصار الوفات في عمان

اول واهم شي لازم المتوفيت عنده وصيه وين يدفن لو لا يعني موصي احد من اولاده او القريبين يما وبما انتي تكولي وضعه صعب المفروض يسال اكيد هذا الامر صعب

طبعن لاسامح الله وحدث الوفات في المنزل لازم تحجون ويا الاسعاف طبعن هنا تختلف مستشفى خاص او حكومي من ناحيه الاسعار
يعني لازم تجي اسعاف ويستلمون الجثمان لكي يصدرو شهاده وفاه وباقي الاجراءات المستشفى تسويها اذا بعمان ممكن الدفن بسحاب وهذا سهل وعادي مالهم علاقه عنده اقامه او لا  وعادتا المستشفى الخاص في حال حدوث الوفات همه فورا يحجون ويا مكتب يكون معتمد للسفاره العراقيه ويجي يكمل كل الاجراءات من ناحيه الغسل وهي بيها شروط خاصه طبعن بما انتي في دوله اسلاميه الكل يعرفها وبالمناسبه ماكو شي اسمه تحنيط العمليه عباره اذا الجثمان مثل في امريكا وبحاجه الى 5-10 ايام لكي يدفن العمل هو يزق الجثمان ابر ماده فورمالين 2-3 ابر الها حسابات طبيه حسب الطول والوزن ..... طبعن اذا الدفن داخل عمان يعني من الثلاجه الى مقبره سحاب ماكو حاجه يكملون اجراءات وياخذون الجواز ويكمل كل المعاملات ويصير الدفن
بحاله الوفاه بعمان واكو وصيه الدفن فب بغداد او كالنجف او اي مكان يوصيه عادتا يرشون على الجثمان ماده فورمالين وهي ماده حافضه لكي لايتفسخ او تطلع ريحه من المتوفي وممكن يرسل بسياره جمس الى العراق طبعن المكتب او المتعهد يسويها كامل طبعن اذا بالسياره تكلف تقريبا 300- دينار للمكتب والسياره حسب السوق من 400-600 دولار بس في حاله الطياره مكلف جدا وتاخذ معاملات يومين من ختم التابوت من قبل السفاره ويرسل الى الطب الشرعي لزق الابر وتاليف اتذكر بحدود 2000 دولار طياره بس و المكتب حدود 600 دينار
طبعن الاسعار تقريبي ممكن زياده نقصان حسب المكتب

اختي هاي المعلومات كامله اذا حدث الوفات بعمان اما امريكا ماعندي خبر عن الاسعار
بس بعمان متاكد 100% وعن كل الجراءات لانه اني عايش بعمان صارلي 18-19 سنه وحدثه حالات وفات كثيره من الدنمارك والدفن بعمان وفي عمان دافنيين بالكرك عند جعفر الطيار عليه السلام وطبعن هسه ممنون من المخابرات وهذا الكلام اني مسؤال عنه والهم اسباب مقنعه ظاهريا بس باطيا خليه خلي اسافر واكول اشاقه
في سحاب
اختي بحالا لاسامح الله حدث الوفات وانتي في عمان والكلام ليس مجامله ارسليلي على الخاص واطيج هاتفي واني حاضر ترى هاي بيها اجر عند رب العالمين واني حاضر بكلشي واتشوين هوايه اخوان عراقيين يوكفون وياج ويكملون الاجراءات مثل مكتلج بيها اجر عند الله بصراحه بدايه العام من 2010 يوم 2/1/2010 حدث وفات احد افراد من المقربيين وجنت واكف ومتاكد من الاجراءات
وارجع واكول بس ارسلي على الخاص واني حاضر طبعن بدون اي مقابل مادي بس لوجه الله تعاله واني اتصور نهايه الثاني سفري يعني موجود واذا رتي ترى اعوف اي شغل او دوره واجي مثل مكتلج بيها اجر عند رب العالمين كبير

اخوج اريد وطن 

الى اخواني جميعا

اعتذر من اخطاء  الاملائيه الكثيره واختي ريما العراقيه

الي شرحته اعلاه هو واكد مايجري من خطوات في عمان وحسب علمي ومن السامعه بعد تعبئه الفورمات تقريبا 50% موافقين على قضيتج وبعد المقابله اي توقيع القرض والفحص الطبي يكون هنا قبوللك نسبه ال 50% الاخرى يعني لم اسمع احد انرفض بعد المقابله وهذا محد يعرفه ممكن اكو ناس انرفضوا ومن حالتهم النفسيه بعد مكتبوا

وهذا هو وجود خطء من هوايه اخوان يعني مو كل الرايحين كندا يعرفون بالمنتدى ومشاركين او اصلن مسامعين بالمنتدى او ماعدهم واهس بيج شغلات
من الملاحظ بشهر 12/2009 من اخونا ابو الحظ و الفريدو عرفنه جان اكو 3 طيارات طلعت ولا واحد كتب اللهم اخونا الفريدو وطبعن مشكر اطقس وسئال وبلغنى وحسب علمي جانو اعداد هوايه يعني من 10-20 كيس

والملاحظ هواي مواضيع تخص امريكا اولا لكثره المسافرين الى امريكا واعدادهم هوايه بس كندا استراليا وباقي اوربا اعداد قليله مقارنه بجماعه امريكا

ان شاء الله اكتبلكم حول الدوره واي شخص عنده سوال اني حاضر واذا جان عندي علم على اخوانا الباقين هم ان شاء الله اسئل جماعه الدوره واشمشم اخبار بلكت عدهم فكره شوكت اكو دوره اخرى

اخوكم اريد وطن / سابقا وحاليا اريد اغير اسمي الى وطني كندا بلكت الاداره تتشرف ومشكوره تكدر تغير اسمي 

اخويه همام الف الف مبروك ويارب الوصول بالف سلامه وبيها الراحه والسعاده

اخوك اريد وطن - عمان من جماعه كندا ينتظر تحديد موعد السفر

اختي ريما العراقيه نكمل

بعدها ومرور 2-3 شهر وبصراحه ممذكر بس مو اكثر يتصلون ال يو ان بكم ويقولون تم قبولك على التوطين في كندا يعني الحكومه الكنديه مبدئين قابله وهنا اما اذا الكنديه مموافقين يعيدون ال يوان فتح ملف ورفعه الى دوله اخرى

عند القبول المبدئي يتصلون للذهاب استلام فورمات السفاره الكنديه للتعبئه وكان حينها بشهر 2/2009 وكنا عدد كبير تقريبا 20-30 كيس طبعن مو بس عراقيين بس الاغلب او الاكثر عراقيين وجانو 2-3 اثيوبي او اجانب ويشرحون لكم كيف تعبئى الفورم وخلال اسبوع يجب ارجاع الفورم لهم مع صور وفورمات عدد 5-6 صفحات واخونا عبسي نزلها ممكن الرجوع لمواضيعه والواحد يعرف شنو تفاصيلها طبعن يكدون جماعه اليوان على الجميع عمل نسخه قبل التسليم للحتفاظ بها لديكم لكي الشخص يتذكر ماذا كتب لانه بهاي الحاله همه اليوان يرسلوها الى سوريا وتاخذ فتره من 6-8 اشهر وممكن تتاخر سنه وابلغونا حال وصولها سنه ممكن ترجعون النا وتبلغونا
انا شخصيا بعد مرور 6 اشهر اتصلو بي اليوان وابلغوني لاستلام مو عد مقابله في سفاره الكنديه بعمان
طبعن جنه اتذكر عدد 20 كيس وهذول ال 20 وانا متذكر مو كلهم  عبو الفورمات وياي اكو ناس قبلي بشهر 11/2008 واكو ناس جانو عبو الفورمات ب 4/2009 على كل حال
وزعو المقابلات من يوم 31/8 /2009 لغايه 4/9/2009 تقريبا كل يوم 4-5 كيسات
المهم طلبو من عدنا جلب الجوازات الاصليه وتصوير مع اصل شهلده الجنسيه والاحوال وكذالك للرجال او نساء فوق 18 سنه عمل حسن سيره وسلوك من المخابرات الاردنيه طبعن اني تاخرت بعد المقابله وارسلناها الى سوريا ب dhl  وهاوي ناس هيج جنت عادي

يوم المقابله وهو اهم اجراء وبيه تحديد المصير

المقابله كلت تحديد المصير طبعن من كثير من الاخوان مشكورين مثل الفريدو وعبسي انا شخصيا استفاديت من خبراتهم بهذا الخصوص

عند المقابله وهي سهله جدا بس بيها شروط عدم العصبيه او الانزعاج من تكرار نفس السوال عليك اكثر من مره وعدم استفزازك باي شكل وتكون هادىء وغير مرتبك
المقابله 3 محاور اذا حال وجود نقص في الفورمات تعيد اسئلتها عليك وتكمل  معلوماتها هذا محور
المحور المهم قظيتك  الاساسيه  طبعن نفس مالت ال يوان بدون اي تغير
وبعدها  المحور المهم هل تستطيع حاليا العوده للعراق او لا وشنو السبب وهذا يعاد عليك يمكن اكثر من مره
وتجاوب بشكل عادي ولو تعيده عليج 10 مرات هو السبب نفس قضيتك وطبعن لا وهذا اكيد لعد انته ليش مقدم حمايه ولجوء

بهاي الحاله ممكن اكو  3 احتمالات
1- ممكن متقنع بالقضيه وتبلغ فورأ قضيتك مرفوضه وسوف اليوان يبلغوك اسباب الرفض وبصراحه احنى القابلنا بشهر 9 لم اسمع احد تم رفضه وهذه حالات نادره جدا يعني الواحد استفز عصب عليهم .... ممكن يرفضون

2- ممكن يقول لك الشخص المقابل يطلب منك اوراق اذا جانت ناقصه او عدها شك بشيء معين هنا مترفض تكول نحن نتصل بكم يعني مقابله اخرى  واني اعرف اخونا انشتاين صار هيج ويا يعني قابل مرتيين

3- الاحتمال الاخير وهو مهم  لاحظ باللغه الانكليزيه طبعن اكو مترجم وباللغه الانكليزيه يبلغك انا مقتنع بقضيتك والحكومه الكنديه مرحبه بك على اراضيها بس انتم خلصتم الجزء الكبي ممكن الرفض بحال اذا يوجد مانع امني عليك للدخول اراضي الكنديه طبعن الواح بينا بحياته مواصلها مين يجي عليك جنحه او جريمه بداخل كندا او الفحوصات الطبيه بيها مانع يعني اذا اكو امراض معديه
وبهذه الحال يسلموك اوارق الفحص الطبي وتوقيع على قرض يشمل تكت الطياره واجور الفحص واعرفت من اخونا عبسي اكو هديه واكو مبلغ من المال يطوكيا يمن توصل الاراضي الكنديه يعني مبلغ المنحه مو الهديه وبعدين تدفع بالاقساط يمن توصل

بهذه الحال انته اعتبر نفسك  مقبول 100% وفورا تروح تسوي الفحوصات يعني انته اتصل بالطبيب البلغوكم عنه لكي تاخذ موعد وتسوي الفحوصات وتنتضر

اخ اخ اخ من كلمت تنتظر هنا بالمقابله تكلك ممكن 2-3 شهر يكون السفر بس هذا حجي خط 100% والدليل اكو هواي ناس بعدهم ينتظرون ومحد حاجي ويا

اخوان نكمل سلسله ايام الطويله مع السفاره الصبر او سفاره السلاحف ( وهذا كل بسب اجراءاتهم طويلللللله وروتينيه جدا
ولاحظ جماعه اليوان من اول يوم كالوا تاخذ قت

اخوكم اريد وطن / مع الحلقه الثالثه وتتصور ليس الاخيره اذا الله خلانل عايش وتوفرت عندي الضروف والامكانيات من الاراضي الكنديه بعد مرور 3 اشهر اطي انطباعي وبعد 6 وبعد 1 سنه  وبعد 2 سنه

والله على ماقول شهيد وعندي شكر خاص وهذا دائما اكرره الى

اخونا الذي لم اتراسل معه يوما هو انجل العراق وكذالك حبيب عبسي وجيراني بكندا واخويه الفريدو  الذي لم يقصر يوما معي او مع اي احد بجواب واختنى اسود وكثيرين اسف اذا نسيت اسم احد

طبعن اختي وتاج راسي والتي اتمنى التقي بها في كندا العزيزه العراقيه الاصيله اختنى كندا صاحبه هذه الصفحه التي تعذرني واستسمحه بكتابه هذا الموضوه في صحيفتها

واخيرا وليس اخرى شكري الى ادراه المنتدى والى جميع من يشارك مثل اخونا انشتاين ويارب يبلغنى اليوم اتصلو بي واخونا الاسمر ودودي وعمار و اربد واخوان عذروني وبشر فكم لحد يزعل مني اذا نسيته اسمه والله هاي مشكلتي انسا هواي

اخوكم وابنكم / اريد وطن
الاسبوع القادم عندي دوره ثقافيه ب 2+3+4 شباط /2010 ولغايه اليوم لايوجد تحديد موعد سفر 

اختي ريما العراقيه

ليس لي علم باجراءات في سوريا وان شاء الله جماعه سوريا يفيدوج اكثر

بالنسبه اجراءات عمان الاردن   وهذا محدث معي

بدايه التقديم يكون عن طريق اليوان وطبعا كل 6 اشهر نعمل تجديد الى ورقه حمايه وهي لاتعني معترف بك دوليا لاجاء عماره عن ورقه ان ملفك تحت الدراسه

وبعدها عندما ياتي دورك وهنا تختلف الفتره حسب الظغط الذي عدهم او قضيتك تستحق الاستعجال او لا يتصلون بيك ال يوان ويبلغون ان تاتي انته وافراد الاسره لتجلس معى محامي ال يوان وهو او هي بدورهم يرتبون جميع مقابلاتك السابقه من اظافات او تعديل معلومه وتبديء انته اعاده سبب اللجوء من تعرض اضطهاد او تهديد الي هو سبب تقديمك الى اليوان وطبعن عند المقابله يبلغوكم ان هذه المقابله مراقبه صوت وصوره ويوجد كاهره في الغرفه وهذه للحفاظ على حقك من اي تغير يعمله الشخص المقابل

بعد هذه المقابله طبعن يسئلوك من عندك في الخارج انا شخصيا كان عندي اخت و اخ يحملون الجنسيه الكنديه وطلبت ذهابي الى كندا طبعن اصرت الى امريكا وبعدها قالت بس حط بالك كندا اجراءات طويله جدا ممكن تاخذ سنه او اقل او اكثر  ونحن نرفع قظيتك للمسئولين وبعدها نقرر بس عدم اجبارنا على دوله معينه نحن بالنسبه لليوان تقول اي دوله تقبل توطينك نرسلك لها
ملاحظه ومهمه اكو ناس اعرفهم ماعدهم من الدرجه الاولى في كندا فقط خال او صديق واكو ناس ماعدهم احد بكندا وقبلتهم كندا بس هذا موشرط هي قناعه ابو اليوان وين يحول ملفك وهذا رائي شخصي

اختي العزيزه اكمل في الصفحه الاخرى

اريد وطن

اخونا nussty

اخي اي شي تحتاج لاتدردت اسال

بس من تركيا اني شخصيا ماعرف المعلومات وهنا بعمان معامله الكنديه غير الاستراليا يعني بالنسبه الكنديه
اذا يريدون يرفضون قبل  اعطائك الفورمات يبلغون ال يو ان مثل مصار ويا اخونا سمير 66

وحسب علمي بعمان مثل مكللك اخونا انشتاين الاجراءات مال الكنديه طويل يعني من تعبئه الفورمات لغايه السفر ممكن تاخذ وياك قريب السنه ممكن اكثر او اقل شويه ولكل حاله الها وقت يختلف عن الاخر

بس الرفض بعمان يكون ممكن بالمقابله يبلغوك انته مرفوض وهاي حالات نادره اذا جان الواحد مخبص تخبيص غير شكل
وبس يطوك ورقه الفحص وتسوي توقيع على القرض تقريبا 100% قبلوك بس اذا كان عليك مشكله امنيه او مانع امني من دخولك كندا او الفحوصات تحمل امراض وحسب علمي الايدز  او امرض معديه خطيره
واخويه ترى محد يكدر ايكدلك من ناحيه الرفض والموافقه بشكل دقيق لانها كلها تخوينات ومحد يعرف شيدور براس الكنديين
يعني واكوللك وممكن تضحك عليه اني ان شاء الله الاسبوع القادم عندي دوره وممكن سفري يكون خلال 20 يوم وعندي احساس داخلي ممكن يتصلون ويرفضون او ياخرون سفري فد 6 اشهر وماكو اي احد يطيك اي سبب بس الواحد يتوكل على الله والكاتبه الله يصير خصبن على اي قوه

اخوك اريد وطن

مشكورين اخوان ويارب الفرج للكل واتمنى يوم اشوف الكل واصله الى بر الامان بعون الله

وشكر خاص الى

ا.ح.ت

migrant

اخويه اربد اتمنى تخلص وتسوي المقابله وبهاي السنه نستقبلك بكندا دربالاك مو توصل ومتكلي علمود اطلعلك للمطار واسويلك هوسه

اخوكم اريد وطن

اخويه احمد عباس عن اذن اخونا عبسي

خويه هيه شغله موقته اعتبرها معايشه نهروان بس اني متاكد الحمامات نضيفه وعمي بس تجي مو عيب كلي واني انظفها الحمامات عادي


اريد وطن

اخونا ممكن تحدد انته وين ومن اين مقدم عمان  سوريا مصر لانه لكل منطقه طريقه شكل

اخونا الاخ انشاين شرحلك كامل التفاصيل طبعن هاي من عمان

اريد وطن / انتظار تحديد موعد السفر ويارب يكون بشهر الثاني /2010

يارب ترجع سالمه وبالشفاء العاجل وترجه زهره تنور المنتدى

                       والرحمه والمغفره لشهداء هذه الانفجارات الدنيئه


      ويارب يحمي اهلنا واخوانا من كل شر ويلعن بالخزي والمذله والى مزبله التاريخ كل من يقوم ويشجع الانفجارات على بلدنا الغالي


لاحول ولا قوه الا بالله يارب الشفاء العاجل الى جميع الجرحى   والصبر الى اهل الشهداء


اريد وطن

اخويه ذاكر ابو فبيان
شنو القصه اليزعل يزعل عبالي جاي تتعارك وتخربها

خويه اني من جماعه كندا يعني مع الاسف ميفيدنا هذا الخط بس عمي انته عراقي اصيل والله والله اصيل شارب من اخلاق اهل الخير وابن خير

فعلن يزعل الي يزعل عمي متاكد ماطول اكو ناس مثلك تسوي الخير يعني الدنيه بخير وعمي وتاج راسي انته امر وكول ترى الطلي مال الحلفان عليه

والف الف تحيه من اخوك الصغير الى اخويه الكبير والي اتشرف وهو شرف ونخوه اهل بلدي افعل الخير وربنا مينساك اكيد تلكاها عند ربنا وربي يحفضك ويحفظ اولادي وعائلتك وانيال امريكا بيك والله

اخوك / اريد وطن - انتظار موعد السفر من عمان الى كندا

اخواني واهلي

اخويه العزيز  عبسي شاكر جهودك ويارب يكون لقائنا قريب جدا يعني اريد اعرف سر مكناسه كوستي

اخويه الحبيب الفريدو بارك الله بيك واني مثل مكلت حاخذ وياي دخان فد 5 -6 تكات والطفل اخذه وياي بس عارف يقلب القاعه على راسنه

اخويه احمد غريب اكيد انتو اهلي اول ناس ابلغهم موعد سفري

اختي دودي مشكور ويارب قريبا تخلصين ويسرع الايام وتكونين ويانه بكندا

اختي العزيزه كندا الف الف مليون شكر على تبريكج والله اختي الحلم يارب صار حقيقه بس بصراحه مصدق بس تنزل الطياره بتورنتو

واخويه ورفيق دربي العزيز انشتاين الكندي يارب نكون بطياره وحده  وتوكل على الله بلكت يحجون وياك على اقل نطلع بطياره وحده وقريبا تبلغنى ذهابك الى فان كوفر يعني زين عندي كرايب كاركري ( اخونا الفريدو ) وهاي انشتاين اخويه فان كوفر ر  يعني لهلي كلهم بكندا وين واي ولايه عندي اهل واخوان

يارب قريبا جدا نسمع اخبار باقي المنتظرين ويقرب موعد سفرهم جميعا

اخوكم / اريد وطن

الف شكر اخويه الاسمر ويارب قريب يكون سفرك ونلتقي بكندا

اخويه انشتاين حبيبي ان شاء الله الاسبوع القادم ادخل الدوره واشوف بس حسب علمي وتصوري احنى يوم سلمنى الجوازات جنى 6 كيسات وكلنا تورنتو واكيد احول استفسر على الدورات الورانه وبالاخص فانكوفر
يارب قريبا وتفرحنى بيك وبلكت الله هاي الايام تون فرحتي بيك ونسافر سوى شنو نسيت من اول يوم نكول رفيق الدرب وخلي املك بالله جبير وكول يارب


اخوكم اريد وطن

والله اخونا جنانو
ماعندي خبر اشكد الفتره اتمنى العنده علم بالامر يساعدك

وين اخوانا النشامه

اريد وطن

اخويه احمد عباس

شاكر اهتمامك ودخولك وتهنئتك
اخويه اولا في اليوان عند التقديم  وضح انته عندك ناس في كندا ممكن يساعدوك ويوجهوك ودائما خليك بكل مقابله نفس الكلام

اخويه اذا كالولك امريكا لانها هي دائما تاخذ اعداد اكثر كلهم بحجه وهي حقيقه لديك مبدء عدم ذهابك الى امريكا بسب غزو بلدنا وحاله الحرب وتركنا على ماهو عليها نحن الان نطلب مساعده وحمايه بعد مرور 6 سنوات طبعن اذا لحوا ويكلولك ماكو بس امريكا هذا مبيد خيار بعد بس انته اصر وحاول الى كندا
طبعن بكل المقابلات لازم واكيد نفس الكلام بدون اضافات او نقصان او خربطه
وخويه بس يحولوك الى كندا يعني اتعبي الفورم تقريبا كندا مقتنعه بقستك وضرفك بس بعدها تدقيق واجراءات
اخي كندا او اسراليا او غيرها تاخذ وقت بس يمن يقبلون القضيه مالتك تقريبا كول قبلوك وطبعا ماكو شي اكيد ماريد اهبط معنوياتك هيه شغله حظ ونصيب ويرادلها صبر 
 
اخوك اريد وطن

اخواني واهلي الطيبين

ابشركم اخواني اتصلو بيه اليوم ب 25/1/2010  وحده اسمها عبير وكالت اكو الكم دوره بي 2/2 ولمده 3 ايام في الشميساني في عماره طيران الخليج  وحظور العائله كامل عدا اطفال بس اني عندي طفل كالت مو مشكله تعال وبعدين انشوف

سئلت على موعد السفر لم يحدد بعد بس كالت احسب 5 اسابيع من تاريخ تسليمك الجواز الى اي او ام
يعني اتصور نهايه شهر 2  اذا شاء الله

اخوان والف حمد لاعرف كيف اشكركم جميعا وبدون ذكر اسماء اخاف انس احد بس الكل بارك الله بيهم من معلومات قيمه ومفيده جدا ويارب اتمنى للمسافرين حياه سعيده وخير والي ينتظرون يقرب عليهم فتره السفر

اخواني اذا اكو اي شخص عنده استفسار اني حاظر وان شاء الله انقل لكم احداث الدوره والمره الجايه بلكت الله يتحدد السفر ونخلص
بس اخوان اذا اكو احد وياي بالدوره يكلي لكي نعرف

اخوكم / اريد وطن

اخونا صاحب الموضوع المحترم

لاتزعل من ردي بس ترى والله هوايه تكرر  هذا الموضوع  خويه هسه همه الاميركان محتاجينه يعني هو الكاعد يقدم لجوء مخير غير من الظيم والقهر وكل الدول العربيه سادتها بوجهنا

عمي كلو واحد يعرف ظرفه وهو يقدر

اخوك / اريد وطن

صدك ضجت من المنتدى بسبب العراك بيين الاعظاء صحيح هسه ماكو بس شويه وشوف تولع فالافضل من الادراه تغلق الموضوع لكثره اعادته وبدون فايده

اخ اخ وجم اخ

ياحسافه ياعراق لم تظم شعبك يوم ولاتلومون الساسه ابدا والله الخط بينا احنى ياشعب العراق

هو منو جاب البعثيين لو الحكومه الحاليه لو عبد الكريم .......الخ مو الشعب العراقي

عرفت العراق من يوم الصحابه واستشهاد الحسين عليه السلام عباره عن بركه دم واللعنه مستمره عليه

بس اسفي ولدت واني عراقي هذا مصيري  اغنى بلد من كل شيء وشوف نتوسل بلجوء ونشوف بلد يلمنه ويحترمنه

اخ اخ اخ اسفي عليك ياعراق ابو العراك

اخوكم يتمنى وامنيتي اشوف العراققين ايد وحده وبدون مشاده وعرك على شنو ماعرف

اخوكم اريد وطن

اخونا الاسمر شكل لا اكيد  قدومك خير علينا ويا البشارات الخير

يعني شهر الثاني اول او نصف هذا توقعي ويارب وادعي وياي يكون اخونا انشتاين واباقين ويانا ونلتقي في كندا بفندق كوستي
كولوا يارب والله يفرجه

اخويه عمار انته صار وياك بشرنا يارب تكون ويانا وتخلص ونسافر بوكت واحد ترى الجماعه كعدين يشتغلون ويارب الكل تسافر قريبا
ويارب للاخت دودي وهاوي ناس بس اسف اذا نسيت ذكر اسم احد والله مفلوز وحالتي كريزه وتعبان بس يمن اشوفكم ارتاح يعني اسم اخباركم ويارب قريبا نلتقي جميعا
اخوكم اريد وطن - سابق ( حايا وطني كندا

اخونا الفريدو العزيز

حبيبي شويه شويه ليش معصب اعرف الله يساعدك على البرد وكل بدايه صعبه خويه فكر انته يمن اجيت العمان ودوله عربيه الم تلاقي صعوبات بس خويه بالصبر والدعاء كله يهون يمعود هذا الصبر مال مقابلات واليوان ..الخ مرت عليه وخلصته والف حمد لله فحبي لاتعصب ولاتزعل نفسك ويارب قريب تنزل سياره وترتب امورك ان شاء الله
وخويه الفريدو نصيحه من اخوك ترى الكنديين ميجون بالعين الحمره والصياح والعراك ترى بعديين يطنشوك وميديرون بال اللك حاول تهدي حالك واتوكل على الله

اخونا الاسمر اهلا وسهلا بيك ومراحب نورت المنتدى اسف شويه جنت مريض ومداخل على المنتدى والف مبروك على تسليمك الجوازات وان شاء الله السفر القريب


اخويه احمد الغريب يارب يقرب سفرك ويسر امرك

واخويه اربد بالنسبه للرفض لاتحطى بالك انته بمانه سويه فورمات يعني مبدئيا قبلو موضوعك ومقتنعين بيك بقه المقابله لازم ولاحظ لازم تحجي نفس حجي ال يوان ولاتزيد ولاتنقص وكذاللك ورقه الفورم تكون مصوره وقبل يوم من المقابله اقراها زين وسوس ورقه عدم محكوميه والجوازات والجناسي وروح توكل على الله وصدقني اني من فتره المقابلات تقريبا 5 ايام بحدود 20 كيس ولا واحد نرفض بس اكو ناس مطوهم ورقه فحص طبي وبعد شهر اتصلو بيهم وسلموهم ورقه الفحص يعني الكنديين رفظهم قليل بعد الفرومات
بس هذا لايمنع من الرفض لانه شنو القوانيين والنظام والمحتاجيه همه محد ميعرفه يعني على كولت اخونا انشتاين او الفريدو انته هسه وراك اقل شي فد 8 اشهر لاتفكر ولاتهتم للموضوع بس شيريدون منك من تجديد ورقه اليوان واذا اي اوراق سويها ولاتتاخر عليهم وانته مابقالك بس مقابله ويارب ورها الفحوصات وتسافر

اخوكم اريد وطن

احونا الفريدو للتصحيح اخاف قصدك 10 متر بس 10 سم قليل يعني ربع مسطره

عمي 10 سم 1م ملم هو الجو بارد بارد يعني لازم صوبه علاء الدين

اخويه ابن الرافدين

مثل مكللك اخونا الفريدو التسليم لل iom  مقابل مستشفى الجامعه عبر الشارع معروفه وسهله واذا عندك اشكال بيها بس يحجون وياك ارسلي على الخاص او تلفونك واني حاضر اوديك عليها بس همه خلي يحجون

واخويه الفريدو حبي شتريد اسميني سمي اريد وطن = وطني كندا = هو غير من فرغتنى كاعدين نطي امل لنفسنه


مر اسبوع على تسليمي الجواز وماكو اي شي لادوره ولاموعد سفر وحجيت وياهم يشمروني شهر ويكولون جماعه iom الجوازات بحاجه الى شهر تروح الى سوريا ويمن ترجع يعني السفر شكله على شهر 3 الله كريم شلون تصفه تصفه

يارب يحجون ويا اخوانا الباقيين بس اخونا ابن الرافديين مجاوبتني
كم كيس سلمو امس وهل عوائل واين وجهتهم وهل عدهم كفيل درجه اولى لو لا لكي اخوانا الباقين يعرفون

اريد وطن سابقا = حاليا وطني كندا

اخويه ابن

الى صاحب الموضوع

اسف اخبارك الموضوع موثر جدا بس عذري للتويه مكانه ليس في هذه الصفحه او القسم
هنا قسم اللهجره واللجوء يوجد صفحه اخرى للتحاور


اخوكي / اريد وطن - سابقا ( وطني كندا حاليا ) انتظار اتصال تحديد موعد الدوره و السفر

اخونه ابن الرافدين

وحبيبي انشتاين

توكل على الله على كولت الفريدو ماكو عدهم موعد انتو كولو يالله وبلكت الله يحجون وياكم بس الظاهر بدو حركه ويشتغلون بس اني منزمان مسميها سفاره السلاحف ( الكنديه سابقا ) من بطئهم واجرائتهم الطويله

يعني جماعه اي او ام امبارح حجيت وياهم اكلهم رجعه الجوازات من سوريا تضحك وتكولي خويه اقل شي احسب شهر  ماعرف هل كلامها صحيح لو  تجاوب من هيج لانه يوم التسليم الجوازات كالو احجو ويانا الاربعاء وانكلكم اذا الجوازات وصلت وعليها الفيزه لانه اكو ناس يريدون ياخذون  الجواز وعدهم بيها اجراءات فهم على هذا الاساس كالو احجو ويانا
والبارحه تكلي بعصبيه انتو من كلكم تحجون ويانا وهذا الكلام خط فوالله ماعرف منو حجيه صح هي الو الموضفين اليستلمو الجوازات

ياخوان المقدم الى كندا يتعلم الصبر احسن شي

اخوكم اريد وطن سابق  / وطني كندا

اختنى العزيزه

شاكر كلامج الجميل والطيف والف الف شكر  والله اني احطج واتشرف اتعرف على اخوج بكندا وبص توصلين الكندا انتي سبقتيني واكيد اعتبريني اخوج الثاني واذا ارض كندا مشيلج انشيلج على عيونه مو عراقيه وبتنه هذا يكفي

بس ادعيلنا يتصلون بينه لتحديد موعد الدوره التثقيفيه وموعد سفر   والله الواحد تعب من الانتظار صارلي 18 سنه بعمان بس دائما اكول الحمد لله

ويارب قريبا تاخذين الكرين كارت وتلتقين باخوج الله يساعدج 19 سنه مشايفته والله مو سهله اللع يلعن كان السبب الي خلانه بهيج ظروف

اخوج اريد وطن سابقا /  وطني كندا حاليا

الفففففففففففففففففففف الففففففففففففففففففففففف مبروك اختنى دودي ميشيل والف الف مبروك

والله الخبر مفرح واختي مثل مكلج اخونا انشتاين ترى الجواز مهم ويفيدج انتي حاولي من العراق اذا اكو معرفه او اهل يسولج الجواز وطعبن اصلي من ناس ثقه مو مزور او
عن طيق السفاره العراقيه بعمان يراد اقل شي 5 اشهر ولاتنسي جايه انتخابات والهوسه الله يستر
 اني اذا تذكرين مثل اخونه انشتاين سوينا الفحص والمقابله بشهر 9/2009 واني ب 13/1/2010 سلمت الجواز الى iom  وحسب جماعه يكولون اقل شي السفر بعد 15/2/2010 يعني بعد شهر

مبروك الف الف مبروك اختنى ويارب السفر القريب وتخلصين

اخوج وطني كندا  اريد وطن سابقا ) انتظار اتصال تحديد موعد الدوره واصادار بطاقات السفر

اخت كندا

مشكوره الجو يعني جميل وشاعري اكيد مو وطني كندا قربت جيته كولي يارب

اخويه انشتاين ها عيني غرت وسويتها انشتاين كندا  . تفائل بالخير وكول يارب وبلت الله يخابوك قريب قريب جدا وتفائل خير

واليوم اكو اخ اسمه بلاد الرافدين دزلي على الخاص يكول باجر الاربعاء اكو ناس هم كاعدين يسلمون الجوازات بس شنو التفاصيل بعدني ماعرف
اني امس حجيت ويا iom وكتلهم اكو موعد سفر ردت وحده ياعيني عليها اتصور واحد زعلان مو وحده
جاوبتني منو كلك تحجي ويانا والجوازات بحاجه الى شهر يمن تكتمل يعني اقل شي شهر يمن ترجع من سوريا حسب قولها يراد 2.5 يوم ترسل بريد سريع ومثلها يمن ترجع وبسوريا يرادلها فد اسبوع او اسبوعين يمن يكملون يعني منا الشهر يمن تخلص اجراءات وضع الفيزه
واني بصراحه اشوف جوابها مبالغ بي هواي تريد طفش الواحد بس
علما عند تسليم الجوازات همه ابلغونا نتصل بيهم الاربعاء القادم لمعرفه الجوازات وصلت او لا اكيد اني جنت مستعجل وحجيت الاثنين شسوي مستعجل والواحد بس يريد يخلص من الانتظار
يارب نسمع اخبار سفر هوايه ناس الى كندا في هاي الايام القادمه

اريد وطن سابقا - وطني كندا انتظار موعد الدوره وتحديد موعد سفر والله طلعت روحنى يارب تطلع روحه اليخلانه هيج يصير بينا كولو امين

في عمان الاردن هذه الاجراءات فيما يخص كندا
اريد وطن

اختي مياده

شو حجيج كل اسرار اكلج عيني منو كلج اوصل امريكا بعد حجيج عمي مو كتلج كاعد اشاقه واني اسف اسحب كلامي

بس اختي العزيزه هسه نحجي صدق . صدقتي والله النساء العراقيات تسواهم وتسوه  كل نساء العالم والله والله ماكو مثل المره العراقيه ( التحملته والشافت الام والاخت والعمه والخاله ...) العراقيه محد شافت مثله
يارب يخلينى نسوانه وخواتنه كلهن وفعن اختي صدقتي


اخوج وطني كندا - اريد وطن سابقا ( وبحياته ميدخل امريكا وبالاخص فينس واذذ اجيت اتخفه وماكول اعرف مياده ام الصور .

اختنى مياده روعه جدا وتيسلم ايدج على الصور الجميله

بس اكلج المناظر تره مو حلوه يعني صوره بسوك مريدي احله يعني مولات مريدي احلا

طبعن ليس مجامله الصور مو جميله بس المصور فنان وتسلم ايدج على هيج صور

وعندي سوال رحمه الوالديج هاي البنوته الازمه التلفون اريد تلفونه وعمرها وعنوانه خطيه شكلها تريد توصل رساله اخذو تلفوني بس مستحيه تربلاج ترى  زوجتي مو يمي مو توصلين الها خبر ترى بعدين اطلب لجوء للقمر وارح بيها يعني اعدام مع التنفيذ ترى اشاقه وياج يا بنوته يا تلفون عمي بدلت والله شكلج عضيعيني بهالصور وبعدين ماكو منظمه تكدر تلاكيلي اي بلد للجوء

مشكوره اختنى الغاليه ويارب يجعل ايامج امان واستقرار وسعاده ونشوف بلدنا العراق الجريج اجمل زهره باجمل بستان

اخوج اريد وطن - سابقا /  وطني كندا حاليا انتظار اجراءات السفر

اخويه فريدو الحبيب

مشكور مشكور  والله ادري صعب تنصحني وهذا دليل متريد طورطني بارك الله بيك شنسوي هذا الكلب النيجري خربها علينى مادري هسه وكته بس الحمد لله
اني امس اشتريت جنط مقاس 68*86*25  يعني غير اليكولو بالدوره والي سامعه وبصراحه التزم بالوزن حسب اليكولو 23 كيلو وناوي اجيب دخان 4 تكات بس واذا رادوها او يغرموني عليها اكلهم ذبوها بالزباله ويارب ناوي اترك الدخان لانه اتصور ماكدر على مصاريفه ويارب لكل مدخن يتركه من هذا البلاء

اخويه عبسي انته ابشر الصوبه والطليان وكل شي تريده اني حاضر ترى مو مجامله تعرف الوزن عندي صعب بس انته امر الواحد مثلك او مثل اخونا فريدو او كندا ميعرف شلون يجازيكم من فعل الخير

اخوكم اريد وطن سابقا وطني كندا حاليا

اخي احمد سلطان المفروض التحويل الى الكنديه عن طريق يوان بس مو iom  ال اي او ام وضيفتها بالنسبه الكنديه عمليه حجز فقط بطاقات سفر  والدوره مالها علاقه بالكنديه يعني  في حال iom  مشت معامله مالت امريكا واجاك رفض من قبل المحلف همه اوتوماتيكينه يردون الى يوان ويحولوك الى دوله اخرى

اخويه هسه هذا تكلهم هذا الحجي وترفض امريكا يعني يرجع الملف من اول الى يوان ومن ثم يرسلو الى الكنديه طبعن اذا اقتنع ابو يوان وعدهم مجال يودو الى الكنديه بس توافق موافقه مبديه الكنديه وتعبي فورمات يعني ابشر خيلر بس يراد وقت قريب السنه اتمنى اكون جاوبتك وفدتك

اخويه عمر  انته اي جواز تحمل اذا اس حاول من بغداد تصدرلك واحد عن طريق اقرباء وبفلوس افضل بالنسبه للسفاره الكنديه ماعندي علم بس اذكر في احدى صفحات المنتدى كان واحد مضيع جوازه وسولوا السفر على ورقه صليب الاحمر بس ممتتكد شنو تفاصيل الموضوع

اخواني الاعزاء في المنتدى الي يعرف يفيد اخوانا ليقصر

واخوان عمر و احمد سوي موضوع منفصل واسال بيه كل واحد مايخصه ووضح باالسوبجك سوال من جماعه كندا

اخوكم اريد وطن سابقا حاليا وطني كندا انتظار الدوره وتحديد موعد السفر والتوكل على الله الى كندا- تورنتو

اخونا اهلا وسهلا بيك في بيتك العراقي المصغر بيت عنكاوا

ان شاء الله يكون في مشاركتك استفاده للك ولاخوانك واخويه اي شي تحتاج كول واسئال والي يعرف حيجاوبك

اخوك اريد وطن سابقا ا-- ا وطني كندا انتظار الدوره واصادار بطاقات السفر

اخونا الف مبروك همام

الله يفرجه ويسهله عليك وعلى عائلتك عمي ماضيق ال تفرج وخلي دائما كلام بفمك يارب يالله وتوكل على الله

اتمنى اللك سفره سعيده ومريحه ولافراد اسرتك ويحفظكم من شر الطريق وبدايه انتهاء التعب وحياه جديده وسعيد والامان والاستقرار يارب الى همام ابن ام همام يحفظه الله وعائلته

اريد وطن - سابق
وطني كندا انتظار الفرج واتصال تحديد موعد دوره وبطاقات السفر والتوكل على الله

اخويه العزيز همام يارب يسهل عليك وتسافر

اني مثلك بعمان وبادي موضوع بيع اثاث

نصائح من اخوك

1- يوجد هوايه شرايه في جريده الوسيط بس عندما تحجي وياهم لاتدلهم ابيع البيت كله حاول مثل تبيع جزء جزء بس يعرف انته مسافر يغسلها ويكسر بظاعتك

خويه اليجي مثل بيعله غرفه نوم واذا سئال كله اريد اشتري واحده جديده او اشتريت بيت جديد وكاعد ابيع بعض الاغراض

بس دير بالك تعرض البت كله للبيع ويعرف انته مسافر واني كتلك

جبت وحده علاساس كالو تدفع زين وسوينا قائمه غراض تسوه تقريبا 4000 دينار واني سعرتها الها وطبعن عراقيه مع الاسف كتلها اخذيها ب 2500 دينار تدري شكد دفعت ؟؟؟؟ بس الف دينار وهي المترهايه وتكلي حبيت اساعدك لانوا اغراضك مو جديده علما استخدام 3 سنوات بس وكله جديد والاخت تريد اغرض بالكارتون يعني من المعرض

اخويه احسن شي عليك بالوسيط او الممتاز وبيع مثل قطعتين لواحد وهاكذا لاتعرض البيت كله للبيع مره وحده ترى يلعبون نفسك


اته مكدتلي وين مسافر ان شاء الله
اخوك وطني كندا ( اريد وطن سابقا) انتظار اتصال للدوره وتحديد موعد السفر  الى كندا

اخونا كاتب المقال الحترم  اكلك لاتزعل كل واحد واصله وتربيته

اخونا العزيز بغدادي اني اتفق وياك وكلامك صحيح 100% فعلن العراق شعبه هو هو وين ميروح ومن تاريخ بعيد

فعلن اني اعرف ناس فلسطيينين وشوف تكاتف بينهم صحيح عدهم مشاكل هوايه بس عدهم مثل اني واخوي على ابن عمي واني وابن عمي على الغريب
بس العراقيين العكس
اكيد مو كلهم بس نسبه ليست بالبسيطه واتمنى هاي التجارب تعلم اولادنا على التكاتف مع بعضنى يعني خلي نعلم اولادنا من هسى على الوحده ويكونون ايد وحده

اخوكم وطني كندا (اريد وطن سابقا ) انتظار الدوره وموعد السفر الى كندا من عمان يناديكم