عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - انديانا

صفحات: [1]
1
الهجرة و واللاجئين / الولفر والاختلاف من ولايه الى اخرى
« في: 06:20 02/09/2010  »
اخواني واخواتي الاعزاء
السلام عليكم...........................................حبيت اليوم اوضحلكم فد معلومه ديتصل بيه كثير من الاصدقاء هنا في اميركا بعدة ولايات ودسيتفسرون عن الولفر وديكولولي انو ماكو برنامج الولفر في ولاياتهم يعني الاجيء من يخلص فترة السته او الثمانية اشهر ديكولوله المنظمه انو بعدها ماكو مساعدات اعتمد على نفسك انته ادبر امورك مديدلون الناس بلولفر او يكولولهم ماكو هيج شي اخواني الولفر هي مساعدات الحكومه وهدا الشي سستم واحد بكل الولايات ماكو انو اكو بولايه وبولايه اخرى ماكو بس الاختلاف بالتسميه مثلا عدنه بمشكن اسمه الولفر بس بولاية تكساس اسمه لاين ستار بنيويورك اسمه اس اس اي هنا الاختلاف فقط لكن المشكله كله بالمنظمات مع احترامي الهم ليش من تكمل فتره السته اشهر والاجيء مثلا ماتوفق وحصل شغل ليش ميرشدوه للولفر او ايا كان اسمه حسب الولايه وعتبي على اخوانه العراقيين القدماء مع شديد احترامي الهم ليش ميرشدون الاجيء العراقي الجديد على هدا الشي وخصوصا العراقيين الي يشتغلون في المؤسسات والمنظمات الانشانيه الموجوده في الولايات الامريكيه يعني محد دينطي من جيبه ولا راح يخسر شي ادا ارشد الاجيء على وجود المساعدات الحكوميه اني ادري راح انسب من البعض على هدا الموضوع بس يااخوان المساعده حلوه واحنه بغربه لازم نوكف واحد للاخ والكوم التعاونت مادلت الاجيء الجديد مثل التايه لازم اكو من يرشده اخوان اي واحد يفكر انو يصير بي هدا الشيء وكلنه اصحاب عوائل انتهت ال 6 او 8 اشهر مال المنظمه وماتوفق وماحصل شغل وين يروح منين ينطي اجار منين ياكل اكو غير ندليه على المساعدات الكوميه او الولفر او ايا كان اسمه حسب الولايه ولكم جزيل الشكر واعتدر للأطاله

2
الهجرة و واللاجئين / رد: الانتقال من ولايه الى اخرى
« في: 10:08 25/08/2010  »
السلام عليكم اخوان
سامحوني ادا تاخرت بالرد على الاسئله  بالنسبه للانتقال من ولايه الى اخرى ادا انته بعدك بالعراق او اي بلد عربي اخر وحددولك ولايه وموعد سفر تكدر انو تطلب منهم باميل تغيير الولايه بس هدا الامر راح يأخر سفرك فلي انصح بيه انو تسافر للولايه الي حددوه الك وبعدين تغير ادا كان عندك  صديق اواقارب يستقبلك بالنسبه الى تكاليف السفر من ولايه الى اخرى تكون عليك بالطائره او الباص المنظمه ماله علاقه بالمصاريف يعني تدفعهن من فلوس الولكم مني لتعتدمدون على المنظمه بهاي السالفه واني بموضوع سابق اشرحت كيف عافوني يوم كامل بالمحطه اني وزوجتي المعوقه واطفالي وخلوني ادبر اموري بوحدي واكرر اخوان لتغير الولايه او تنتقل ادا ماعندك احد بيه لان صعبه وماكو احد يكمل معاملاتكم الي ماعنده احد يستقبله احسن اله يظل بولايته لان المنظمه الي استقبلته هي تتكفل بكل اموره بالنسبه للاخ الي سأل انو مكمل 5 اشهر اخويه كمل الفتره مالتك ويه المنظمه وبعدين انتقل للولايه الجديده راح تتحول مباشرتا على الولفر اقصد مساعدات الحكومه بس اكرر اخوان لازم اكو من يستقبلكم لتجازفون وتنتقلون وماعدكم احد يكون دليل الكم واشكر الاخت انجي على الترحيب الجميل وكنت اتمنى انو التقي بيه واعرفه على عائلتي بس الصراحه مااندل هواي واني الان بمدينة وكسوم مجمع village اتمنى اتزورينا اخت انجي حتى نستفاد اني وعائلتي من خبرتك ممنون الج اختي الغاليه

3
الهجرة و واللاجئين / الانتقال من ولايه الى اخرى
« في: 10:59 21/08/2010  »
اخواني الاعزاء واخواتي السلام عليكم
اولا اعتدر عن تأخري بالرد على اسئلة الاخوان بخصوص مو ضوع الانتقال من ولايه الى اخرى والسبب لان لحد الان ماجريت نت واليوم استغليت فرصة وجودي في بيت احد الاصدقاء وعنده نت وفتحت ولكيت الاسئله مالت اخواني عن هدا الموضوع
مثل متعرفون اني ولايتي كانت تنسي مدينة ناشفيل وهيه الولايه الي ححدته الي المنظمه بقيت بيه اسبوع وانتقلت الى ولاية مشكن مدينة وكسوم نعم اخواني يصير تنتقل من ولايه الى اخرى عندبس المهم انو عدكم شخص كصديق او اقارب يستقبلك بالولايه الي تريد تنتقل اله لان هدا الشخص راح يقوم بعمل المنظمه بالولايه الي اتقلت منه لان انته راح تنتقل على مسؤليتك يعني ماكو منظمه تكملك اوراقك من تنتقل انته واقاربك او صديقك تكملون اوراقكم مثل ماصار ويايه يعني هو يوديك للولفر يسويلك بطاقة الفود والتامين الصحي ويوديك للسوشل ايضا ويوديك تسوون القاحات يعني يكون دليل الك كل امورك هو يكملهن الك بالنسبه لحقوقك قبل متنتقل تبلغ المنظمه المسؤله عنك انو انته تريد تنتقل الى الولايه الفلانيه ثاني شي اطالب المنظمه انو يعطوك مبلغ الولكم مني تستلمه قبل متسافر يعني الولكم تستلمه من الولايه الي استقبلتك اول مره وطالبهم بكتاب انو انته مامشتلم اي شي لا بطاقة فود ولاغير شيلان تحتاج هدا الكتاب من تنتقل للولايه الجديد اكرر مبلغ الفود تاخده من الولايه الي استقبلته اول مره واي شخص يريد ينتقل من ولايه الى اخرى عادي خصوصا ادا عنده احد يستقبله بالولايه الي يريد يروحله اهم شي عنده احد من اقاربه او اصدقائه يستقبله من ينتقل مو ينتقل وماعنده احديدكون اله دليل يوديه يجيبه واعدروني اخواني مره ثانيه على تأخري بلرد ياروع واحلى وانبل منتدى بالعالم     
اخوكم سلوان

4
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 06:18 21/07/2010  »
السلام عليكم اخواني الاعزاء والله والله والله مشتاقلكم بس الظروف الي مريت بيه هيه الي بعدتني عنكم شلونكم اخباركم كل الاخوان والاخوات والله مشتاقلكم منو سافر منو دينتظر الله يفرج عليكم كلكم  السفره كانت من بغداد لعمان بتنه ليله بعمان وطرنه الصبح لنيويورك والرحله كانت شاقه ومتعبه 13 ساعه وايضا بتنه ليله والصبح طرنه لولاية تنسي مدينة ناشفل  وطلعت ناشفل ناشفه من كل شي المهم استقبلتنه بالمطار موظفه من المنظمه واخدتنه للشقه ماكتلكم شنو المكان الي بيه الشقه المجمع صاير على تله تقريبا يعني الي يريد ايروح يتسوك لازم يشد محرك مال واوي لان ينكطع نفسه من الصعده والنزله وهاي من الامور الي خلتني اغير الولايه المهم وصلنه للشقه ليكينه ماثثه اثاث بسيط واغلبيته مستعمل بس نظيف ثاني يوم اجتنه سياره من النظمه اخدتنه للمنظمه يملونه استمارات اني عندي زوجتي معوقه بتر خلال الركبه الرجل اليمنى وعده تهطل بالصمام التاجي بالقلب من قابلوه وسائلتهم على برنامج ال ssiالخاص بالمعوقين كلوله ماكو هيج شي وان الكو في بالمليون واحد يحصله  فكلوله لو نشوفلج شغل مو احسن وكلوله يكون شغل شاق وبيه حركه زين رحمه لوالديكم بتر ساق وتهطل بالقلب يكدر يشتغل؟؟؟؟؟؟؟؟ المهم هم هاي عديناه النوب اسالهم على برنامج الولفر الحكومي يكولون ماكو هيج شي ايعني بالمختصر المفيد منظمه تعبانه جدا جدا  لهدا قررت اغير الولايه فصدفه اتصل بيه احد الاخوان والاصدقاء الي ربينه اني وياه سوا وهو في ولايه ديترويت مدينه وكسوم وكلي ليش متجي يمي اني الصراحه وافقت وحزمت امري فبلغت المنظمه الي بناشفل وحضرولي اوراقي وكتاب للمنظمه الي بديترويت مشكن مدينة وكسوم وكانت هاي الرحله الشاقه والاصعب لان من وصلونه لمجطة الباص على اساس اكو باص ب 4 العصر يروح لمشكن من وصلنه لكينه الباص مقبط والباص الي وراه ينطلق الساعه 4 الفجر فالموظفه مال المنظمه التعبانه كلتلي ماعندك خيار اخر غير تظل بالمحطه تنتطر الباص مال 4 الفجر مع العلم اني ويايه 4 اطفال وزوجه معوقه فكتله اني اتحمل هدوله شلون كلتلي اني لهنا وانتهى عملي وياك انته دبر امرك واخوكم اكله اكله من هاي التمام وبقينه ننتظر الباص الثاني من 4 العصر الى 4 الفجر وفوكاه 13 ساعه من تنسي الى مشكن بالباص وصلنه لمحطة مشكن ولكيت اخويه العزيز ابو حسن منتظرني واخدني لبيته وظليت يمه 10 ايام وهو الله يوفقه كملي كل معاملاتي والحمد لله هاي رحلتي الى اميركا بالتفصيل واعدروني لان اتاخرت عليكم بس صدكوني مو بيدي الظروف كانت صعبه جدا بس برحمت رب العالمين وجهود الطيبين اتجاوزناه والحمد لله  اخوكم سلوان

5
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 09:53 02/06/2010  »
السلام عليكم
والله مشتاااااااااااااااااااااااااااااقلكم هواي هواي هواي شلونكم اخباركم اخواني واخواتي مشتاقلكم
يارب تسهل اموركم وتسافرون وتتوفقون وترتاحون يارب هل الايام نسمع منكم بشائر الخير والفرحه
مع تحياتي ودعائي وحبي للجميع
اخوكم سلوان

6
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 13:27 25/05/2010  »
الف   الف   الف   الف   مبروووووووووووووووووووووووووووووووووووووووووووووووووووووووك هنار الورده والله خبر حلوووووو وتستاهلين كل الخير وان شاء الله موعد سفر عن قريب تستاهلين ياورده

7
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 11:27 24/05/2010  »
السلام عليكم
اخواني واخواتي والله يوميا  اني ادعيلكم وان شاء الله تسهل اموركم وتسافرون وترتاحون وتخلصون من هاي المعاناة كوسوفي حبي الله يفرجه عليك وعلى كل الاخوان بيتر وعقيل وTulip واخواتي هنار وليندا وردة بغداد والله بالي يمكم واحب اسمع بشائر الخير منكم ويارب يارب يارب بشائر قريبه ان شاء الله فرحتي هسه نصين النص الاول من حددولي موعد سفر والنص الثاني من اسمع  بشار الخير تهل عليكم ويحددولكم موعد سفر
تحياتي واعتزازي وحبيواحترامي لاخواني من جماعة شهر شباط
اخوكم سلوان

8
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 15:15 23/05/2010  »
السلام عليكم حبايبي
اخواني واخواتي الاعزاء هنار كوسوفي وردة بغداد عقيل ليندا لورنس العرب 2 واخويه العزيز بيتر وباقي الاخوان الاعزاء على قلبي والله ماناسيكم بس اليومين الي مضن كنت ملتهي دااصفي اموري وثاني شي يومين اني عندي عطله الجمعه والسبت والمشكله ماعندي نت بالبيت فقط بالشغل اعذروني اخواني اذا انشغلت عليكم انتم نعم الاخوان ماانسه وكفاتكم ويايه ومواساتكم ودعائكم الي واعتدر مره اخرى عن انشغالي عنكم مع تحياتي وتمنياتي للجميع بالموفقه والسفر عن قريب ان شاء الله

9
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 14:32 19/05/2010  »
ممنون حبيبي  sniper1980  شكرا حبيبي والله يوفقك
الاخت ليندا العزيزه الف الف مبروك وان شاء الله يوم الفرحه الكبيره

10
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 10:30 19/05/2010  »
حبيبي بيتر الف الف لاشنو الف مليون مليار ترليون مبرووووووووووووووووووووووووووووووووووووووووووووووووووووووووووووووووووووووووووووووووووووووووك تستاهل حبي والله فرحتلك اتمنالك السعاده والحياة الهنيئه ان شاء الله

11
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 10:26 19/05/2010  »
صباح الخيرات حبيبي واخويه العزيز بيتر الله يشهد على مافي قلبي من معزه وتقدير واحترام وحب الكم
حبيبي iraqiheart100  ممنون منك والله يسهل عليك وتسافر وهذا الرقم ودلل0096265625585  واني ممنون

12
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 08:50 19/05/2010  »
السلام عليكم
شكرا هنار شكرا وردة بغدادشكرا ليندا خوات عزيزات  وتسلمولي ياوردات شهر شباط
اما بالنسبه للاخوان اسود الرافدين الابطال كوسوفي ولو رنس العرب 2 وبيتر و Tulip ممنون منكم هواي هواي وماعرف شكول وشأكتب يعجز اللسان عن الشكر والامتنان والله يوفق الجميع وتسافرون وترتاحون وتحققون كل امانيكم

13
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 14:48 18/05/2010  »
شكرا حبي لورنس العرب2 ممنون منك حبي يوم تسافر وترتاح ياورده والله تمنيت كلنه نسافر بطياره وحده
والله يوفقك ياورده ممنون منك هواي هواي

14
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 13:44 18/05/2010  »
ممنون منك هنار الورده وردة شهر شباط مو بس اخوان والله اكثر من اخوان انتي وبيتر وكل الاخوان من جمعية شهر شباط وان شاء الله سفركم عن قريب والله يوفقكم وتسلمين ياورده يااختي العزيزه

15
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 10:55 18/05/2010  »
ممنون حبيبي بيتر يوم الك ان شاء الله  ولكل الاخوان الاعزاء

16
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 09:23 18/05/2010  »
السلام عليكم
البشرى البشرى البشرى
وان شاء الله تسهل وكلكم تسافرون
قبل نصف ساعه اتصلت بمكتب عمان قسم السفر وانطوني موعد سفر يوم 21-6 -2010
ويارب يوم الكم وتسافرون وتخلصون متصورون فرحتي شلونه الله يفرح كلوبكم
فرحتي والله قبل كل شي فرحان بالاخوان الي تعرفت بيهم من جماعة شهر شباط
ياورود يانعم الاخوان
بارك الله بيكم والله يوفقكم وهذا رقم قسم السفر00962797313794

17
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 07:15 18/05/2010  »
الف الف الف مبرووووووووووووك اخويه العزيز سنايبر وان شاء الله بالتوفيق واتمنالك حياة سعيده
وراحة البال والاستقرار والرزق يارب

18
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 15:29 17/05/2010  »
حبي لورنس العرب2 والله والله تحليلك صحيح مليون بالميه وهذا الي اني حبيت اوضحه للاخوان البارحه
ممنون حبي

19
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 08:30 17/05/2010  »
شكرا جزيلا اخواني على التهاني الجميله ويارب يسهل امركم وتسافرون وترتاحونالاخوان الاعزاء  وردة بغـداد
 لورنس العرب2 sniper1980 ممنون منك هواي ورب يوم سفركم ان شاء الله

20
الهجرة و واللاجئين / رد: ولايته تنسي
« في: 15:23 16/05/2010  »
ممنون لكل الاخوان والاخوات الي جاوبوني جواب اكثر من رائع  y.a.r.aو Irish Queen وiraqiheart100وبغداد بقلبي شكرا اخواني وبارك الله بيكم ياورود

21
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 14:30 16/05/2010  »
شكرا اخ  iraqiheart100  وشكرا اخت ليندا وربي يوم سفركم اما بالنسبه لسؤال اخويه العزيز كوسوفي والاخت هنار الورده اتوقع هذا فقط للمعاملات او القضايا الي واصله لعمان  يعني اخ كوسوفي اذا معاماتك واصله لعمان يجاوبوك اذا ماواصله يكولولكم اتصلو يبمكتب بغداد وهذا الي صار ويه الاخت هنارانو ماجاوبوه وكلوله اتصلي بمكتب بغداد يعني ماواصلتهم معاملته وان شاء الله توصل ويحددولكم موعد سفر وتفرحون وترتاحون وتخلصون من هاي المعاناة يارب
اخوكم سلوان

22
الهجرة و واللاجئين / رد: ولايته تنسي
« في: 13:13 16/05/2010  »
اخواني السلام عليكم اهل الخير والخبره والمروه يمعودين جواب ومننون منكم

23
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 13:11 16/05/2010  »
اخواني حبايبي وخاف يمن تتصلون يطلعلكم الرقم مشغول اتصلو من جديد لان اني يمكن اكثر من عشر مرات اتصل لو يطلعلي مشغول لو يكلي الرقم خارج نطاق الخدمه مالكم علاقه لحوا باالاتصال تحصلون ان شاء الله والله يسهل امركم

24
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 13:08 16/05/2010  »
احبائي اخواني كوسوفي وهنار وبيتر ممنون منكم وتدللون هذا الرقم
0096265625585
مشكورين اخواني على هاي الردود من تتصلون راح يرد عليكم الرداد الالي بالبدايه  انتظروا راح يكللكم للغه العربيه اضغط الرقم 1 فيجاوبكم الموظف المختص انطوه رقم القضيه وراح يسالكم على الاسم ايضا وبعده يجيك ويجاوبكم وتدللون

25
الهجرة و واللاجئين / ولايته تنسي
« في: 11:48 16/05/2010  »
السلام عليكم
اخواني الاعزاء ممكن معلومات عن ولايه تنسي من ناحيه البشر الجو الطبيعه العمل المنظمات واكون شاكر وممنون لكل اخ  في منتدى عنكاوه على الجواب  وربي يوفقكم ان شاء الله

26
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 11:44 16/05/2010  »
السلام عليكم
اخواني خواتي باركولي اليوم اتصلت على المنظمه وبلغتني الموظفه انو ملفي تحول على قسم السفر ومحدديلي ولاية تنسي  والحمد لله والشكر وياربي يسهل على كل اخواني وخواتي ويححدولكم موعد سفروترتاحون واشكر كل الاخوان في المنتدى واخص اخواني في جمعية شهر شباط الي مابخلو عليه برد او بمواساة او بدعاء والله يسهل عليكم وفرحتي متنوصف وان شاء الله انتو هم تفرحون بمواعيد سفركم وتتوفقون  والله اخواني والنعم منكم وبارك الله بيكم  يااعز وانبل واحلى اخوان في بيت عنكاو

27
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 09:22 16/05/2010  »
صباح الخير اخوان
احب أهنيء كل الاخوان والاخوات الي اتصلو بكفيلهم  والي حددولهم موعد سفر وربي يسهل امورهم ويسافرون ويرتاحون  وان شاء الله تفرج على باقي الاخوان الي دينتظرون وتفرج عليهم واني وياكم طبعا
ويحددولهم موعد سفر قريب ونسافر سويه حتى لو بستوته بسياره ابلم بأي شي بس خلي تفرج لان الحاله النفسيه صفر والانتظار صعب واطفالي هم جزعوني لان كل ماطب للبيت وكلولي بابه شوكت نروح لاميركا وماكو شي بدينه غير ننتظر الفرج من رب العالمين ونخلي عينه بعين الله ومن الله التوفيق

وتهنئه خاصه للاخ كوسوفي والله فرحتلك هواي هواي  واتمنالك الموفقيه 

28
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 11:01 13/05/2010  »
مبروك اخت وردة بغداد الف الف مبروك ويارب يوم السفر وتحقيق الاماني ان شاء الله

29
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 12:58 12/05/2010  »
يمعودين هسه يم الشباك على البنيد بالذيل المهم نركب الطياره ونسافر ونرتاح وان نشاء كل المنتظرين يركبووون الطياره ويرتاحووون ومن الله التوفيق

30
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 09:58 12/05/2010  »
الف الف مبروك اخ هيكسو ويارب يوم السفر وترتاح

31
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 08:41 12/05/2010  »
السلام عليكم
الاخ الغالي عقيل الف الحمد لله على سلامتك اهلك والله يحفظلك وليدك ويستر عليه الاخ لورنس  متشوف ضوجه انشان الله ايامك كله فرح وسرور والله يوفق الجميع ويسافرون ويرتاهون واني وياكم طبعا

32
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 13:20 11/05/2010  »
هلو اخت هنار والله ماعرف شنو الي اكوله بس الله  يصبر الجميع على هذا الوضع والله يكون بعونكم ويارب تفرج على جميع الاخوان وحددولهم موعد سفر ومن الله التوفيق

33
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 09:09 11/05/2010  »
صباح الخيرات حبي بيتر شلونك اخبارك والله الجماعه شادينه مغذي موطبيعي يمكن على التانكي مال مي الاساله شو نامت سالفتنه ورواحنه طكت والوضع من سئ الى اسوا يمكن شفت البارحه بالحله شصار يمنه 3 سيارات مفخخه وبغداد وبالبصره والله ماعرف شلون تاليه ويه منظمة الهجره والله مالنه واهس باي شي حياتنه مقيده وصعبه والجماعه نايمين ومن الله التوفيق

34
الهجرة و واللاجئين / رد: البشرى البشرى لجماعة شهر 2(شباط) بغداد iom
« في: 10:48 10/05/2010  »
مبروك علاوي وتستاهل كل الخير  وان شاء الله تسافر باقرب وقت وترتاح والله يوفقك ويرزقك ويفرجه على كل جماعة شهر شباط واني وياهم حبيبي الف الف الف مبروك وانتمنالك السعاده

35
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 10:44 10/05/2010  »
السلام عليكم
شو صنطه ماكو وين الاخوان ماكو بشاير خير جديده يمعودين اخبار حلووه ماكو

36
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 07:56 10/05/2010  »
علاوي  الف الف مبروك شنو الف مليون ترليون مبروك والله فرحتلك من كل قلبي ياورده يو م ا لسفر وترتاح ان شاء الله والله يبشرك بالخير ياورده

37
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 10:13 09/05/2010  »
السلام عليكم: ولو اليوم دوختكم ولحيت هواي  وادري بنفسي صرت غثيث
بس عندي استفسار ممكن احد من الاخوان يكلي الفرق بين هذني الايميلين لان قبل اسبوعين ارسلت ايميل االمنظمه وكان الرد كالاتي
Dear Sir

 

Thank you for your e-mail, kindly note that we didn’t yet finish your resettlement process.

Please be informed that IOM staff will contact you in the near future for updates.

 

Kind Regards

Baghdad Info Center
وقبل يومين دزيتلهم ايميل استفسر بيه عن قضيتي اجاني اليوم هذا الايميل
Dear Sir

 

Thank you for your e-mail, kindly note that we have checked your case and found that it's processing.

Please be informed that we didn’t finish yet your resettlement process.

 

IOM staff will contact you in the near future for updates.

 

Kind Regards
Baghdad Info Center
// AAN //
ممكن احد من الاخوان الي عدهم خبره يجاوبني شنو الفرق بين الايملين واكون ممنون الكم وربي يسهل امركم

38
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 09:39 09/05/2010  »
السلام عليكم
شوفوا الايميل الي اجاني هسه منهم  والله كتلوني بالمعالجه من 2008 لحد اليوم يعالجون بيه شنو بيف فلاونزه الطيور ماعرف والله دوخونه
Dear Sir

 

Thank you for your e-mail, kindly note that we have checked your case and found that it's processing.

Please be informed that we didn’t finish yet your resettlement process.

 

IOM staff will contact you in the near future for updates.

 

Kind Regards
Baghdad Info Center
// AAN //
سيدي العزيز

 

شكرا لكم على البريد الإلكتروني الخاص بك ، ويرجى ملاحظة أن لدينا محددا قضيتك وجدت أنه من المعالجة.

الرجاء تكون على علم بأننا لم يكمل حتى الآن عملية إعادة التوطين الخاص.

 

وسوف اتصل بك المنظمة الدولية للهجرة الموظفين في المستقبل القريب من وجود تحديثات.

 

النوع تحياتي
بغداد مركز المعلومات
راح اغني يمته الفرج ياربي

39
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 09:26 09/05/2010  »
حبيبي كوسوفي والله اني مرتاح ومتفائل بالنسبه الى شغلتك وان شاء الله تلكاهم مصححيه للخطأ ومتحس غير متصلين بيك ومحدديلك موعد سفر وترتاح ويهدى بالك لاتفكر فلها مدبر والله يوفقك

40
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 09:04 09/05/2010  »
حبي بيتر صباح الخير والله تدري اني مرات اسولف ويه نفسي اكول اذا الله قاسملي سفر اشتغل بالبدايه كمتطوع ويه النظمات من كثر ماصارتلنه خبره بامورهم هههههههههههههههههههههههه والله يوفق الجميع تحياتي حبي

41
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 08:33 09/05/2010  »
حبيبي كوسوفي الورده اني مااريد اهبط معنوياتك بي الي ادري بيه ان ال iom في بغداد ميدخلون اي شخص الا اذا كان عنده موعد مقابله يعني همه محدديله موعد والله يسهل عليك وتسافر وتصير سوالف والتوفيق من الله

42
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 07:15 09/05/2010  »
صباح الخير على الحلووين الصابرين المنتظرين وان شاء الله تفرج عليهم وعلينه ونطير بطياره وحده
الف الف الف مبروك للاخوان الي اتصلو بكفلائم ويارب يتحدد موعد سفر قريب الهم ويبدون حياه جديده وسعيده وربي يوفقهم ويوفق الجميع ان شاء الله

43
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 14:42 06/05/2010  »
السلام عليكم
حبيبي بيتر الله يكون بعونك والحب والزواج قسمه ونصيب  وان شاء الله تكون قسمتك ونصيبك خير ورزق وحياة سعيده والله يااخي كلامك صحيح اني هم هواي امور موقفه ماكدر اسوي اي شي  نشاطاتي كله متوقفه مااكدر ارتبط باي شي ماعدا بيتي وعائلتي وشغلي ملتهي بيهم بس صدكوني اخوان شكد مااحاول انسى الموضوع او التهي عنه مااكدر ابقه تجيبني حسبات وتدوديني حسبات  وماله غير ابو خيمة الزركه ماله غير الله سبحانه عز وجل ومن الله التوفيق

44
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 12:26 06/05/2010  »
حبيبي  علاوي والله  والله موضوعك وردك كلش جميل وكلامك صحيح صابرين على كلشي  الكهرباء المي البانزين على كلشي بس ويه ال iom ميفيد الصبر  واني هم راح اتخبل  على واهسك حبي

45
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 11:54 06/05/2010  »
السلام عليكم
والله يااخواني مااله غير رب العالمين وان شاء الله ميضيع تعبنه ابلاش لان احنه شفنه المر من خلال المقابلات وروحه والجيه لبغداد وخطورت الطريق والانفجارات خو الجوازات ماكتلكم انشلع كلبي ياله سويتهن شفت النجوم بعز الظهر  ان شاء الله ميضيع تعبنه الله موجود والفرج بعونه تعالى قريب بس احنه العراقيين بطبيعتنه روحنه صغيره منتحمل الانتظار والله يوفق الجميع

46
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 10:41 06/05/2010  »
السلام عليكم ياااااااوووووورررررروووووود
والله خبر من الاخ baby face يسووووه ملاييين يمعودين راح تصير بيه كل الامراض المعديه والغير معديه من وره هاي السالفه الانتظار صعب وصرت مثل كوره مال معمل طابوك من كثر التدخين يمعود المتميز ماكو اخبار اسعف اخوتك بخبر عاجل ومفرح الله يوفقك ويوفق الجميع 
اخوكم سلوان

47
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 07:54 06/05/2010  »
صباح الخير حبااااااااااااايب
ياالله اكو امل خبر حلووو وان شاء الله قريبه السالفه بس اخاف اتخبل منا لحد ميحددولي موعد سفر وبمكان ماروح الى اميركا اروح لمستشفى الامراض العقليه ويستلمونه الجماعه هناك ابر وكهرباء والله يااخوان عمري كله بكفه وهاي السنتين الي ويه المنظمه بكفه ثانيه  والله يوفق الجميع

48
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 14:41 05/05/2010  »
السلام عليكم
شلونك اخت هنار ان شاء الله تكونين بخير ممنون على الردوان شاء الله اكو امل ولازم نتمسك بالامل بالنسبه لسؤالك نفس جواب الاخ لورنس العرب2 لان كان اكو موظف ويانه بالعمل زوجته وبنته في امريكا فسوى لم شمل وكان اسرع بالطلعه من ال iom وهسه هو في اميركا ومن الله التوفيق

49
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 12:59 05/05/2010  »
شلونك حبيبي لورنس العرب 2  ممنون منك ياورده وتلم على هذا الرد الجميل مثل ماكلت امر خارج عن حدود ارادتنا ماعدنه غير الصبر والانتظار والله كريم ان شاء الله تفرج ممنون منك اخويه العزيز وبارك الله بيك

50
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من موعد سفر أو تطورات؟
« في: 10:14 05/05/2010  »
صباح الخير اخوان
يمعودين ماكو شي جديد مو حته الصبر مل مني وينك يمعود المتميز العراقي ابو الاخبار الحلوووه يمعود فد خبر نصبر بيه انفسنه راح اغير اسم بنتي الصغيره من نرجس الى صابرين  ومن الله التوفيق

51
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 15:18 04/05/2010  »
حبيبي كوسوفي والله قلبي معك والله يوفقك ويسهل امرك وتسافر اما بالنسبه للاخوان الي ذكرتهم مو جديده على العراقيين هذوله ولد الملحه اسود الرافدين عراقيين اصلاء وميقصرون ابد والله يوفقهم ويسهل امرهم وامر كل جماعة شهر شباط بجاه محمد واله محمد

52
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 14:48 03/05/2010  »
يمعود المتميز العراقي اني تره من البلاد دايخ من وره الانتظار وانته دوختني بالزايد معلوماتك دقيقه وبيه حرفنه راح اغير اللقب مالتك من المتميز العراقي الى المحترف العراقي عمي والله والله والله  بطل  والاخبار الي تجيبه روعه ودقيقه بس ياريت توضحلي شلون جبت هاي المعلومات ولو شي تقريبي اذا تكدر وممنون منك حبي

53
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 14:38 03/05/2010  »
حبيبي المتميز العراقي شلونك ياورده لاوالله مادخت صحيح كل كلامك  بس لاانته حلاوي وماادري زين اني شي واحد حيرني شلون  عرفت اني قابلت المحلفه كلوديا ؟؟؟؟؟ واني ممنون منك حبي على الجواب الرائع   والطفل لي كلت عليه مو ولد هيه بنيه اصغر وحده باولادي  وهيه صدك تخبل مثل ماكلت وياريت واتمنه انو نتعرف بيك اكثر ياريت توضحلي واكون ممنون منك حبي والله يوفقك ويسهل امورك ياورده

54
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 07:43 03/05/2010  »
صباح الخير ياطيبين
احب اشكر الاخت هنارالورده والاخوان sniper1980 ولورنس العرب2 على الرد الجميل الي يرفع من المعنويات وعلى سؤال الاخ لورنس اني ويايه عائلتي متكونه من زوجتي معوقه واطفال 4 والله يااخوان يعجز اللسان عن شكركم وماعرف شكول والله وفيتوا وكفيتوا وبارك الله بيكم والله يسهل عليكم وتسافرون وترتاحون واني وياكم طبعا ممنون منكم هواي هواي

55
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 11:51 02/05/2010  »
 السلام عليكم

اخواني وخواتي الاعزاء وابطال شهر شباط الصابرين اسود الرافدين يمعودين ماكو رد على سؤالي يمعودين طمنوني شغلت الكفيل تأثر لو لا اني ماعندي كفيل خليته على الله وعليهم اني مقابل يوم 8-2-2010 ومكمل فحصين طبي واجاني رد المحلف يوم 7-4-2010 تاجيل واشاره على المربع الاول بس ماعندي كفيل تأثر على سير القضيه يعني تتاخر لو مااله علاقه الجواب اخواني وممنون منكم
 
 
 


 

56
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 07:43 02/05/2010  »
صباح الخير اخواني الحباء الاعزاء
مبروك والف مبروك لكل الاخوان الي اجت الامنيه واتصلو بالكفيل وربي يسهل امرهم ويسافرون ويرتاحون
اخواني جماعة شهر شباط الورود عندي سؤال الكفاله هم تأثر يعني اني ماعندي كفيل مخليه على الله وعليهم هم تأثر على سير القضيه او تاخيره واكون ممنون لكل ورده من حديقه شهر شباط على الجواب 


اخوكم سلوان

57
الهجرة و واللاجئين / رد: ردا على بعض الاعضاء
« في: 14:42 29/04/2010  »
السلام عليكم
قال رسول الله ص(خير الناس من نفع الناس)صدق رسول الله
ويكول المثل الشعبي(الشجره الي ماتفي على اهله احسلنه نكصه)
ولكن نبقى نكول ليش الانسان يعتمد على غيره ليش ميكون هو سيد نفسه ويشق طريقه بيده ويسعى ورب العالمين موجود مينسى عبده(مايكلف الله نفسا الا وسعها)
ودمتم بخير

58
الهجرة و واللاجئين / رد: الاصرار على احباط همم العراقيين الجدد
« في: 10:12 29/04/2010  »
السلام عليكم اخواني الاعزاء
كلام الاخ تايكر كلام جميل وواقعي جدا لان اني صار معي نفس الشي عندي صديق في امريكا مااريد اذكر اسم الولايه او اسم الشخص بس حبيت اوضح الي صار
اعطاني في بداية تقديمي على الهجره عنوانه وارقام هواتفه حتى يكون كفيلي ولكن الي صار انو هذا الصديق بعد مااخبرته انو اني قابلت المحلف ولكملت الفحص الطبي اخذ يصور امريكا انها بعبع وان الي يجي خسران ويعيش بذله ومهانه وانو يريد يرجع لان لعبت روحه من امريكا وانو ماكو شغل ولاعمل فاخوكم عرف السالفه  انو هاي طرده وان اكثر الاخوان الي في امريكا ميحجون الصحيح دكول الي يجي يمه راح يشاركه لو راح ينام براسه مما اضطرني ان الغي كفالته في المنظمه  وكتلهم انتوا اختارولي ولايه المهم انو احس بالامان واريد اعتمد على نفسي من البدايه فاضم صوتي الى الاخ تايكر وايده بكلامه لازم الاخوان الي بامريكا يرفعون من معنويات اخوانه الي على سفر ويشجعوهم والتوفيق من الله والرزق على الله وشكرا

59
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 09:19 29/04/2010  »
السلام عليكم
اخت هنار وردة شهر شباط اشكرك على الرد وان شاء الله تتحقق اماني كل اخواني الي دينتظرون موعد سفر والله يااختي الانتضار صعب واحنه العراقيين واحدنه مثل عباس المستعجل روحنه صغيره ومنتحمل بس نبقى نكول رب العالمين موجود وميقصر بس اسمعت اكو عزيمه عمي الببسيات عليه بس تفرج كولو ياالله 
ياسريع الرضا ياسريع الرضا ياسريع الرضا
اغفر لمن لايملك الا الدعاء
فأنك فعال لما تشاء
يامن اسمه دواء
وطاعته غنى
ارحم من رأس ماله الرجاء
وسلاحه البكاء
ياسابع النعم يادافع النقم يانور المستوحسين في الظلم ياعالما لايعلم صلي على محمد وال محمد وافعل بي ماانته اهله وصلى الله على سيدنا محمد والله وسلم تسليما كثيرا

60
الهجرة و واللاجئين / رد: بشرى لجماعه سوريا والعراق
« في: 09:05 29/04/2010  »
الله يبشرك بالخير ويسهل عليك يارب

61
الهجرة و واللاجئين / رد: تم تحديد لنا موعد سفر
« في: 13:51 28/04/2010  »
الف الف الف مبروووووك حبيبي نتمنالك الموفقيه انته في داخل العراق لو بالخارج وشوكت قابلت محلفين ياريت تكتبلنه ومبروك مره اخرى

62
الهجرة و واللاجئين / رد: بشرى سارة!!!!!
« في: 12:39 28/04/2010  »
خبر حلووو مشكووور دكتور والله يسمع منك خبر حلوو والله
بس الاخ عقيل شبيك يمعود كربك كلوب العالم بهاي قصيدتك
شنو انته عقيل السياب  ;D

63
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 11:08 28/04/2010  »
اخواني الغالين....السلام عليكم
قبل كم يوم ارسلت ايميل الى iom  وردوا عليه البارحه الظهر علما اني مقابل المحلف يوم 8-2-2010 واجاني رد المحلف هم تاجيل واشاره على المربع الاول يوم 7-4-2010  وكان الرد مالت البارحه كالاتي
Dear Sir

 

Thank you for your e-mail, kindly note that we didn’t yet finish your resettlement process.

Please be informed that IOM staff will contact you in the near future for updates.

 

Kind Regards

Baghdad Info Center
شكرا لكم على البريد الإلكتروني الخاص بك ، ويرجى ملاحظة أننا لم تنتهي بعد عملية إعادة التوطين الخاص.

يرجى أن يكون على علم المنظمة الدولية للهجرة الموظفين سوف اتصل بك في المستقبل القريب من وجود تحديثات.

 

النوع تحياتي

بغداد مركز المعلومات       ردت اعرف من الاخوان هذا الايميل مغذي لو حقيقه كلامهم مال المستقبل القريب

64
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 11:05 28/04/2010  »
السلام عليكم اخوان
الف الف مبروك للاخوان bello and sniper  وان شاء الله تكمل فرحتكم بموعد سفر قريب ان شاء الله ولكل جماعة شهر شباط بعونه تعالى

65
الهجرة و واللاجئين / رد: اليوم اجاني رفض واتحطمت حياتي
« في: 12:44 27/04/2010  »
اخويه العزيز خلي عينك بعين الله هو احسن من الكل والله يصبرك ويرزقك ويوفقك لخاطر اطفالك والله يفتحه بوجهك لان هاي مو نهاية العالم انته شاب وتكدر تكد وتعمل وتعوض الي فاتك مالك غير رب العالمين اتوجه لله بقلب صافي وشوف شلون راح يفتحه بوجهك وكول ياالله

66
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 08:53 27/04/2010  »
اخواني الغالين....السلام عليكم
قبل كم يوم ارسلت ايميل الى iom  وردوا عليه البارحه الظهر علما اني مقابل المحلف يوم 8-2-2010 واجاني رد المحلف هم تاجيل واشاره على المربع الاول يوم 7-4-2010  وكان الرد مالت البارحه كالاتي
Dear Sir

 

Thank you for your e-mail, kindly note that we didn’t yet finish your resettlement process.

Please be informed that IOM staff will contact you in the near future for updates.

 

Kind Regards

Baghdad Info Center
شكرا لكم على البريد الإلكتروني الخاص بك ، ويرجى ملاحظة أننا لم تنتهي بعد عملية إعادة التوطين الخاص.

يرجى أن يكون على علم المنظمة الدولية للهجرة الموظفين سوف اتصل بك في المستقبل القريب من وجود تحديثات.

 

النوع تحياتي

بغداد مركز المعلومات       

67
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 14:04 26/04/2010  »
حبيبي لورنس العرب 2 والله اخيك يوميه يضرب اسداس بخماس وحتى بالحلم كمت اشوف المنظمه قبل يومين حلمت لن متصلين بيه وحجت ويايه وحده اردنيه كالتلي انته سلوان كتله اي تريد تحجي وفزيت من النوم شلون حظ بس نبقه نخلي عينه بعين رب العالمين ميقصر ابدا ومن الله التوفيق

68
الهجرة و واللاجئين / رد: لو اني دايخ لو ال iom دايخيييين
« في: 08:44 26/04/2010  »
السلام عليكم
احبائي ممنون من ردودكم وعاشت الايادي  والله يوفق الجميع

69
الهجرة و واللاجئين / لو اني دايخ لو ال iom دايخيييين
« في: 10:05 25/04/2010  »
اخواني الاعزاء السلام عيكم
عندي صديق مقابل المحلف بشهر الثاني من عام 2010 يعني من جماهة شهر شباط قابل يوم 7-2 ولحد اليوم مااجاه رد المحلف مع العلم انو عبر ال70 يوم مو 45 اليوم اجه ايميل بعد مااني دزيتلهم ايميل من ايميله شوفو شيكولون وشنو قصدهم من هذا الايميل واكرر هو لحد الان مامستلم نتيجة المحلف
Dear Sir,

 

Thank you for contacting Baghdad Info Center ,

 

Kindly note that your case is approved , but it's going under normal security checks, we don’t have an estimate time for how long this may take, once they are cleared , you will be contacted.

 

Your understanding is highly appreciated.

 

 

Best regards

 

Baghdad info Center


70
الهجرة و واللاجئين / رد: اسعفوني بالاجابة سرع الله لكم الاجابة والسفر
« في: 15:14 22/04/2010  »
لاحبيبي ماكو هيج حجي الي اعرفه انو من تاخذ الكرين كارد بعد مرور سنه من حقك تزور العراق او اي بلد اخر بس بحاله وحده ميخلوك تجي للعراق بس اذا شافك مدرب المنتخب الامريكي لكرة السله وانعجب بطولك وضمك للفريق احتمال جبير يجلبون بيك وميخلوووك تسافر الى اي مكان ههههههههههههههه

71
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 08:19 22/04/2010  »
صباح الخير اخوان
احب اشكر الاخ العزيز المتميز العراقي على هذا الجهد الاستثنائي الي يقوم بيه
ومواكبته للحدث خطوه بخطوه الله يبارك بيه لان هو ديتعب نفسه ويسأل ويتحره لخدمة اخوانه
بالمنتدى اخويه الله يبارك بيك والله يوفقك واتمنه لكل الخوان الي قابلو بشهر الثاني السفر عن قريب
وان شاء الله تتحقق هاي الامنيه واني هم وياكم  ;D ومن الله التوفيق

72
الهجرة و واللاجئين / رد: العسكريه وما ادراك مالعسكريه والموافقه الامنيه
« في: 10:56 20/04/2010  »
ليش هيج حبي عقيل مو اني احبك ونلعب طوبه سويه وثنينه نكسر ابو طويله صاير اطول من يوم الجمعه هاي صوج اسعد حبي سلمنه والله يسهل عليك وعلينه

73
الهجرة و واللاجئين / رد: العسكريه وما ادراك مالعسكريه والموافقه الامنيه
« في: 07:07 20/04/2010  »
والله ماعرف شكول وفيتو وكفيتو وبارك الله بيكم والله يوفقكم على هاي الردود الي ترفع المعنويات  الاخوان بغدادي و winner والاخت هناروalqaragulli والاخ العزيز الغالي الي يوميه مكابلني وجه بوجه وماعرف شوكت يجي يوم 17-5 واخلص منه ههههههههههههههه اخويه العزيز ضياء الشمري والاخ بغداد بقلبيوالاخ كديلاك والاخ Iraqi Christopher   ممنون منك هواي هواي وبارك الله بيكم ياووووووووووووورووووووووووود

74
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 06:56 20/04/2010  »
صباح الخير
الف الف مليون مليار ترليون مبروووووووووووووووووووووك للاخت العزيزه هنار وان شاء الله موعد سفر قريب بأذنه تعالى ومبرووك وتستاهلين كل الخير

75
الهجرة و واللاجئين / رد: جمعية جديده جماعة المحلفين بغداد شهر 2 ارجو التسجيل
« في: 15:17 19/04/2010  »
عزيزي اني قابلت المحلف يوم 8-2-2010 واجاني رد المحلف يوم 7-4-2010  المربع الاول

76
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 14:38 19/04/2010  »
حبيبي اخ لورنس العرب 2 اني الحمد لله اجاني رد المحلف يوم 7-4-2010  بس عندي صديقي صارله سبعين يوم ولحد الان لاجفيه ولاحامض حلوو الله يسهل عليه وعلى الاخت هنارلان الاخت هنار ورده وتستاهل كل الخير سباقه لعمل الخير وتحب تساعد الناس من خلال ردوده القيمه والله يسهل على كل المنتظرين والفرج من رب العالمين

77
الهجرة و واللاجئين / رد: العسكريه وما ادراك مالعسكريه والموافقه الامنيه
« في: 14:27 19/04/2010  »
اخويه العزيز كيدلاك الله يبشرك بالخير ويوفقك ياورد

78
الهجرة و واللاجئين / رد: العسكريه وما ادراك مالعسكريه والموافقه الامنيه
« في: 13:36 19/04/2010  »
الله يبارك بيك حبي كريستوفر العراقي والله يوفقك ويهنيك بحياتك على هذا الجواب الرائع ممنون منك حبي
سلوان ابو عباس

79
الهجرة و واللاجئين / رد: الاخوه الخيرين ممكن جواب
« في: 13:31 19/04/2010  »
شكرا اخت Linda1  على الرد وماقصرتي والله يوفقك

80
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 13:28 19/04/2010  »
السلام عليكم ..............اخوان اني عندي صديق كان جواب المحلف على المربع الرابع الي نفسه المربع الاول وحددوله موعدسفر بعد 3 اشهر من المقابله الثانيه وسافر يوم 19-1-2010 وهسه هو بولاية كاليفورنيا مدينة سانديكو وصديقي الاخر قابل المحلف واجاه الجواب هم ابو المربعيين  بس الاشاره على المربع الثاني اكرر المربع الثاني يعني على الاذرز ومكتوب جك سيكيورتي وبعد شهرين من مقابلة المحلف اتصلو بيه وحددوله موعد سفر وسافر يوم 21-3-2010 وهسه هو الان بولاية نيويورك مدينة الباني فيااخوان هاي الجواب روتيني الكل يدخلون تجييك امني وهيه الموافقه الامنيه الي تحدد اهلية المتقدم للتوطين  وان شاء الله ان شاء الله الكل مقبولين والله يسهل عليكم وعلينه ونسافر وهاي الامور تصير سوالف (لاتقل يارب عندي هم كبير ولكن قل ياهم عندي رب كبير)(والصبر مفتاح الفرج) والله يفرجه على الكل
نفس الشي ماكو اي اختلاف تبقه بس الامنيه هيه الفاصل وشكرا

81
الهجرة و واللاجئين / رد: الاخوه الخيرين ممكن جواب
« في: 10:58 19/04/2010  »
ممنون حبي صفاء الورده اشكرك علىالرد وتسلم الايادي

82
الهجرة و واللاجئين / الاخوه الخيرين ممكن جواب
« في: 10:24 19/04/2010  »
السلام عليكم
اخواني الاعزاء عندي احد الاصدقاء مكمل مقابلات وفحص طبي وفي انتظار جواب المحلف هو قابل محلفين يوم 7-2-2010 ولحد الان ينتظر جواب المحلف مشكلته انو عنده 3 بنات كبار وفي مراحل منتهيه بين اعداديه ومتوسطه والان هو ميريد ياخذهن وياه في حالة تحديد موعد سفر السؤال هو يبلغ المنظمه الان انو ميريد ياخذهن لو من يحددوله موعد سفر يكدر انو يسافر هو وزوجته واولاده الصغار والكبار يعوفهن بالعراق يصير لو لازم الان يبلغ المنظمه او شنو الاجراء الي يتخذه والمعتاد عليه بهيج حالات ولكم مني جزيل الشكر والاحترام وارجوا من الاخوان الي عدهم معلومات بهاي المور انو ليبخلون علينه بالاجوبيه وممنونين مقدما

83
الهجرة و واللاجئين / رد: العسكريه وما ادراك مالعسكريه والموافقه الامنيه
« في: 10:16 19/04/2010  »
حبيبي واخويه بغدادي طيب الله انفاسك وعاشت ايدك على هذا الكلام الي يبشر بالخير الحمد لله اني خدمت بمحافظتي جندي مشاة في فوج طوارئ وكانت من سنة 1995 ولغاية سنة 1998 ولاطاب حرب ولا رامي بندقيه ولاحتى كزوه جانوو شامرينه ندك واجبات على الطرق الخارجيه علمود السلابه متسلب السيارات الرايحه والراده وخلصت خدمتي بنفس الفوج لحد ماتسرحت ولله الحمد وممنون من جوابك الي نزل مي بارد على قلبي

84
الهجرة و واللاجئين / العسكريه وما ادراك مالعسكريه والموافقه الامنيه
« في: 09:32 19/04/2010  »
احبائي واخواني الاعزاء السلام عليكم
في المقابله الثانيه عندما سألتني المحلفه عن دفتر الخدمه العسكريه كان الجوابي ماعندي دفتر خدمه عسكريه سألتني عن السبب جاوبته انو من سقط النظام السابق قمت بتمزيق الدفتر يعني بالعراقي(شككته) لانه بعد سقوط النظام اصبح وثيقه غير مهمه بالنسبه للعراقيين ردت عليه المحلفه لكنه يعتبر وثيقه مهمه رديت عليه انو اني منسقط النظام عام 2003 ولحد هذه الحظه محد طلب مني دفتر الخدمه العسكريه لافي دائره ولافي شارع او سيطره اومعامله مع العلم اني شرحت للمحلفه تفاصيل خدمتي العسكريه من مركز تدريب ولغايته التسريح وكنت والله يشهد صادق في كل كلمه قلتها للمحلفه ولم ازد حرف ولم انقص حرف وكان كلامي متطابق بكل التفاصيل بين المقابله الاولى ومقابلة المحلف علما انو اني قابلت المحلف يوم 8-2-2010 واجاني رد المحلف بالتأجيل والاشاره على المربع الاول يوم 7-4-2010 فهل خدمتي العسكريه وتمزيقي للدفتر راح يصير بلوه عليه وتتأخر امنيتي ارجوا من الاخوه الخبراء الجواب ولهم مني الشكر والاحترام

85
الهجرة و واللاجئين / رد: أخيراً اتصلت المنظمة بكفيلي في دالاس تكساس
« في: 09:17 19/04/2010  »
الف الف مبروك اخويه ميثم وان شاء الله السفر عن قريب والله يسهل عليك وعلى كل جماعة شهر شباط

86
الهجرة و واللاجئين / رد: صديقي اجاه رفض من IOM بغداد .... والسبب هو............. ارجو الدخول للفائدة
« في: 13:00 18/04/2010  »
السلام عليكم..........اخ صفاء الله يصبر صديقك وانشاء الله يستأنف القرار وتمشي شغلته بحق محمد وال محمد  والله يوفقه ويرزقه عزيزي سؤالي قرار الرفض اجاه بعد قرار المحلف لو اجه وياه يعني الاثنين اجن سو قصدي الرفض من المحلف لو من الامنيه ولك الشكر والله يصبر صديقك

87
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 06:51 18/04/2010  »
السلام عليكم
اخت هنار مو بس انتي مامستلمه نتيجة المحلف عندي احد اصدقائي مكلفني افتحله ايميله واجيكله لان ماعنده نت بالبيت وهو مقابل قبلي بيوم يوم 7-2-2010  اني اجاني رد المحلف يوم 7-4-2010  وهو لحد الان مااجاه رد المحلف علما اني دزيتلهم من ايمله 3 ايملات ولحد الان خطيه ماانطوه نتيجة المحلف والله كريم والله يسهل على الجميع وكل تأخيره وبيه خيره وان شاء الله نسمع منج اخبار وبشائر حلوه والله يفرجه علينه كلنه ان شاء الله

88
الهجرة و واللاجئين / رد: الحمد لله تم تحديد موعد سفر لي الى نيويورك مدينة بوفالو في 17/5
« في: 09:27 15/04/2010  »
حبيبي عادل الفهد والله وين متروح وراك وراك حتى من كدر المركه اطلعلك ياخويه انته رئيس المنطمه واني النائب شلون اعوفك تقبله بله ضياء اكو واحد يعيف اخيه

89
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 08:09 15/04/2010  »
حبي واخويه الورده المتميز العراقي الله يبشرك بالخير والله يسمع منك وان شاء الله تكون 3 اشهر من بعد مقابلة المحلف لان عندي اصدقاء ويايه بالعمل حددولهم موعد سفر بعد ثلاث اشهر من بعد مقابلة المحلف وهسه همه بامريكا وان شاء الله تهل على الكل وربك يفرجه علينه كلنه

90
الهجرة و واللاجئين / رد: الحمد لله تم تحديد موعد سفر لي الى نيويورك مدينة بوفالو في 17/5
« في: 07:07 15/04/2010  »
حبيبي ابو قمر الغالي ولو اجتي متأخره الف الف مليون مليار ترليون مبرووووووووووووووووووووووووووووووووووووك والله يسهل عليك ويوفقك ويرزقك واتمنالك السعاده بحياتك الجديده وتستاهل ياورده ودير بالك على اخوك الصقررررر من تروح والله يوفقك حبي بحق محمد وال محمد

91
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 10:49 14/04/2010  »
حبيبي الورده المتميز العراقي اليوم ننتظر البشاره منك بفارغ الصبر والله يسهل عليك وعلينه ونسافر ونرتاح لان تعبنه من التفكير بشرنه الله يبشرك بالخير

92
الهجرة و واللاجئين / رد: اللي مقاببلين محلف شهر2 (بغداد) المستلمين نتيجة محلف او اللي وصلتهم الامنية الاخوان توفي وابوطيب
« في: 08:05 14/04/2010  »
يالله هاي بشارة خير واتمنالك الموفقيه اخ  untitled.man  والف الف مبرووووووك والاخت هنار الله يتقبل منك الدعاء ويفرج على كل المتقدمين ويحددولنه موعد سفر ونرتاح

93
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 06:58 14/04/2010  »
مبروووووووك حبيبي untitled.man

وان شاء الله يلتم الشمل واتمنالك الموفقيه انته واهلك والله يبشرك بالخير ويارب تكون فاتحة خير على جميع الاخوان المنتظرين الله يفرجه عليكم وعلينه بحق محمد وال محمد

94
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 14:47 13/04/2010  »
حبيبي واخويه العزيز المتميز العراقي وان شاء الله دوما متميز ورائع حبي يموعد جيكنه ويه المنظمه نريد نسمع منك اخبار حلوه وانته دائما اخبارك حلوه  نريدك تفرحنه وتبرد كلوبنه لان كلوبنه صايره جمرواخيك قبل اسوع التمت عليه الامراض من كل مكان حتى قرحه بالقولون صارت عندي من التفكير مع تحياتي ياورده

95
الهجرة و واللاجئين / رد: ابو طيبه وتوفي والموافقه الامنيه
« في: 12:02 13/04/2010  »
اخواني الاعزاء السلام عليكم اني اوجه نداء الى الاخوه ابو طيبه وتوفي انو يردون على الاخوان الباقين الي قابلوا محلفين بشهر الثاني 2010 ويريحون العالم

96
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفوا تشابه المربع الأول حالياً والرابع سابقاً
« في: 14:27 12/04/2010  »
السلام عليكم ..............اخوان اني عندي صديق كان جواب المحلف على المربع الرابع الي نفسه المربع الاول وحددوله موعدسفر بعد 3 اشهر من المقابله الثانيه وسافر يوم 19-1-2010 وهسه هو بولاية كاليفورنيا مدينة سانديكو وصديقي الاخر قابل المحلف واجاه الجواب هم ابو المربعيين  بس الاشاره على المربع الثاني اكرر المربع الثاني يعني على الاذرز ومكتوب جك سيكيورتي وبعد شهرين من مقابلة المحلف اتصلو بيه وحددوله موعد سفر وسافر يوم 21-3-2010 وهسه هو الان بولاية نيويورك مدينة الباني فيااخوان هاي الجواب روتيني الكل يدخلون تجييك امني وهيه الموافقه الامنيه الي تحدد اهلية المتقدم للتوطين  وان شاء الله ان شاء الله الكل مقبولين والله يسهل عليكم وعلينه ونسافر وهاي الامور تصير سوالف (لاتقل يارب عندي هم كبير ولكن قل ياهم عندي رب كبير)(والصبر مفتاح الفرج) والله يفرجه على الكل بحق محمد وال محمد

97
الهجرة و واللاجئين / رد: جماعة الشهر الثاني وقرار المحلفين 2010
« في: 09:47 12/04/2010  »
السلام عليكم     ممنون منكم اخواني وانتظر من باقي الاخوان الي قابلو محلفين بشهر الثاني واجتهم النتيجه المشاركه والهم مني الشكر والاحترام والتقدير

98
الهجرة و واللاجئين / رد: جماعة الشهر الثاني وقرار المحلفين 2010
« في: 14:51 11/04/2010  »
ممنون اخواني على الردود واني  اسمي سلوان ابو عباس وانديانا هو مجرد اسم بالمنتدى وممنون منكم هواي على الردود واتمنه من الباقين انو يردون حتى نعرف شنو السالفه

99
الهجرة و واللاجئين / ابو طيبه وتوفي والموافقه الامنيه
« في: 12:56 11/04/2010  »
السلام عليكم...........اني اعرف من راح اكتب هذا الموضوع راح يصير عليه يمكن هجوم بالاسلحه الثقيله والخفيفه وستعد لتحمل كافة النتائج اني متعجب من كلام الاخوان ابو طيبه وتوفي مع احترامي الشديد المفروض منهم يوضحوون للناس الي  دوخوها وياهم شنو الي اجاهم بالضبط هل اجاهم رد المحلف تاجيل واشاره على المربع الثاني لو غير شي اجاهم واذا اجتهم الموافقه الامنيه شنو الصيغه او نص من الايميل حتى يريحون الناس المحتاره هسه مو اكو اخوه من بشروا برد المحلف حتى نسخ من القرار مالتهم خلو بالموضوع وشالو الاسم ورقم القضيه ليش ماسوا هيج الاخوان توفي وابو طيبه وضحوا  لاخوتهم الي اجاهم بالضبط حتى الاخوه البقيه يفتهمون  وميدوخوون اشو فجروا القنبله وانسحبوا لارد ولاجفيه ولاحامض حلو ولاشربت اني اخوان قابلت المحلف يوم 8-2-2010 وكان الرد بعد 58 يوم وكان على المربع الاول يعني من الؤجليين واترك لكم الحكم وممنون

100
الهجرة و واللاجئين / جماعة الشهر الثاني وقرار المحلفين 2010
« في: 11:14 11/04/2010  »
السلام عليك...........اخواني الاعزاء حبيت اكتب هذا الموضوع حتى نعرف عدد الاخوه الي اجاهم رد المحلف الامريكي وحصرا من الاخوان الي قابلو المحلفين بشهر الثاني 2010 في بغداد راح ابدي بنفسي قابلت يوم 8-2-2010 واجاني الرد بعد 58 يوم من الانتظار وكان القرار هو التأجيل والاشاره على المربع الاول يعني مثل مااجه لاكثر الاخوان يمكن راح تسألون شنو الغرض من هذا الموضوع الجواب حتى نعرف هل انوا الاغلبيه اجاهم نفس القرار اذا كان الاغلبيه جايهم نفس القرار نستنتج من خلاله انوا هاي شغله روتينيه وانوا الاخوه وبما فيهم اني على ابواب سفر قريب لان ماكو هيج مصادفه اذا تتفقون ويايه يعني الكل يجيهم نفس الجواب شنو هاي الصدفه غريبه مو لو مو مو وارجوا من الاخوه في منتدانا الرائع وحصرا الي قابلو في شهر الثاني اذا اجاهم قرار المحلف ليبخلون علينه بالجواب وشنو القرار ولكم مني جزيل الشكر والاحترام

101
الهجرة و واللاجئين / رد: واخيراااا وصل جواب المحلف الشهر الثاني بغ
« في: 14:36 08/04/2010  »
السلام عليكم
اخوكم البارحه هم اجاه رد المحلف علما اني مقابل يوم 8-2-2010 وكان القرار ايضا التاجيل والاشاره على المربع الاول وان شاء الله تفرج علينه ونسافر بطياره وحده  ومن الله التوفيق


اخوكم ابو عباس

102
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفــــــــــوا رد المحلف؟
« في: 07:32 08/04/2010  »
ممنون اخويه العزيز سيوفي والله كلامك اجه قالب ثلج على كلبي والله يوفق الجميع ياورده والله يفرجه على كل المنتضرين مشكور اخويه والله يوفقك

103
الهجرة و واللاجئين / رد: اللي مقابلين مقابلة محلف بشهر ال2 (بغــداد) شوفــــــــــوا رد المحلف؟
« في: 07:00 08/04/2010  »
السلام عليكم ..........اخواني البارحه الظهر اجاني رد المحلف علما انسي مقابل المحلف الامريكي يوم 8-2-2010 وكان الجواب نفس الجواب الي جاي للاخ سنايبر الاشاره على المربع الاول بس اكو اختلاف واحد انو الاشاره على المربع بجواب المحلف هيه اشاره صح مو علامة x مثل ماموجوده في موافقة الاخ سنايبر الي اتمناله كل التوفيق فيا اخواني هاي عادي  الاختلاف بالاشاره لو بيه غير معنى  ولكم مني جزيل الشكر وفائق الاحترام والتوفيق لكل الاخوان المنتضرين الموافقه والله يفرجه على الكل

104
الهجرة و واللاجئين / رد: الاخوه الخبراء مساعدتكم
« في: 12:19 06/04/2010  »
ممنون حبي صفاء والله يفرجه على كل صاحب حاجه

105
الهجرة و واللاجئين / الاخوه الخبراء مساعدتكم
« في: 08:44 06/04/2010  »
السلام عليكم....انا مقدم على iomبغداد المقابله الاولى كانت يوم 26-10-2009 والمقابله الثانيه كانت يوم 8-شباط -2010 والفحص يومي 12و16-شباط-2010  يعني صارلي 57 يوم من قابلت المحلف ولحد الان ماكو جواب من iomماكو لاموافقه ولارفض سؤالي للاخوه الخبراء في المنتدى الرائع هل صحيح ان الاجرأات من المقابله الاولى لحين تحديد موعد سفر تستغرق سنه مع العلم اني مستلم رقم ال BGD  في شهر التاسع  سنه 2008  واجاني رقم ال IZ يوم 29-9-2009   اكرر سؤالي على الاخوه هل صحيح انو تستغرق الاجرأات سنه كامله من يوم المقابله الاولى ليوم تحديد موعد سفر  ولكم مني جزيل الشكر والاحترام

106
الهجرة و واللاجئين / رد: اللي مقابلين مقابلة محلف بشهر ال2 (بغــداد) هل من تطورات بموافقة المحلف؟
« في: 08:27 06/04/2010  »
السلام عليكم.............اليوم كملت 57 يوم بعد مقابلة المحلف علما اني حتى فحص مكمل وكانت مقابلتي يوم 8 شباط 2010 ولحد الان داانتظر رحمة الله والاخوان ساكتين فرد سكته والله حتى  قرحه بالقولون صار عندي  والفرج من رب العالمين

107
الهجرة و واللاجئين / رد: المشاحنات الدائرة بين الاعضاء و الاداريين في منتدانا الجميل
« في: 09:13 03/03/2010  »
كلامك صحيح وبارك الله فيك

108
الهجرة و واللاجئين / رد: انديانا
« في: 08:19 01/03/2010  »
اخوي العزيز الاداري واخواني واحبائي واخواتي الغاليات والله والله والله اني من حرصي على المنتدى  وغيرتي على اخوانتا الغاليات انقلتلكم هذي الحادثه والله ماهمتني نفسي واحنا عراقيين اصحاب غيره واني اعتبر كل شخص بالمنتدى اخ الي وكل بنت انظرله كأخت عزيزه وغاليه  ومثل ماكال الاخ ظاع الوطن هذا بيتنا ومنسمح لاحد انو يخربه ولكم مني جزيل الشكر وفائق الاحترام

109
الهجرة و واللاجئين / رد: انديانا
« في: 07:27 01/03/2010  »
اخي الاداري المحترم هذي كل التفاصيل الي بالايميل الي اجاني العنوان ونص الايميل ماتوقع انو ساذج لهل درجه حتى يكتب اسمه الحقيقي او الحركي الي يستعمله بالمنتدى ولو عندي اسمه ماتردد لحظه في كشفه امام المنتدى بأكمله حتى يكون عبره وزالك مني جزيل الشكر

110
الهجرة و واللاجئين / رد: انديانا
« في: 07:19 01/03/2010  »
 رسالة شخصية &#1580 ................... لقد إستلمت لتوك رساله شخصيه من 1.9.7.9 فى منتديات عنكاوا.

ملحوظه: تذكر, هذه الرساله هى مجرد تنبيه بإستلام رساله شخصيه. رجاء عدم الرد على رسالة التنبيه هذه.

الرسالة الشخصيه التى إستلمتها هى:

كيفك وكيف صحتك انشالله منيحة ومرتاحة معك هاني من لبنان صح انا وانت ما بنعرف بعضنا بس بصراحة حبيت اسمك كتير وبدون مجاملة وحبيت اتعرف ع حضرتك بتمنى انو ما اكون ازعجتك

الرد على هذه الرسالة الشخصية هنا: http://www.ankawa.com/forum/index.php?action=pm;sa=send;f=inbox;pmsg=192068;quote;u=81176

111
الهجرة و واللاجئين / رد: انديانا
« في: 07:09 01/03/2010  »
الاخ الاداري يعني تتوقع الشخص الي يرسل هيج ايميل يذكر اسمه الحقيقي لو ينطي عليه مستمسك هو ذاكر انو من لبنان وانو اسمه هاني هذا كل الي عندي تريد تخذف الموضوع احذفه براحتك بس اقسم بالله انو هذا الي صار واذا تريد تلغي عضويتي هم براحتك لان هاي صارت شغليه عاديه مال الغاء العضويات وانسحاب اعضاء من المنتدى واني كل كلمه قلته صادق بيه وماكو اي داعي اني اكذب والله على مااقول شهيد

112
الهجرة و واللاجئين / انديانا
« في: 06:36 01/03/2010  »
السلام عليكم  .....اخواني الاعزاء اعضاء منتدى عنكاوه المحترمين انا من دخلت للمتدى واردت الاشتراك معكم في هذا ال بيت الجميل سجلت بأسم انديانا يعني اسم خطر في بالي وحبيت انو اسجل به والي اعتقده انو كثير من الاخوان في المنتدى توقعوا اني فتاة ولكن الحقيقه انا شاب واسمي سلوان المهم القصد من موضوعي هذا اني البارحه تفاجأت برساله على اميلي الخاص من شاب من منتدى عنكاوه يطلب مني التعارف  ويقول اني معجب والله ماصايره اخوان يعني الاخوات العضوات بالمنتدى تره خواتنه والي توقعني اني بنت وسواه ويايه مستعد يسويه ويه غيري اخوان احنا بيت واحد والبنات الموجودات بالمنتدى تره خواتنه ولازم نحافظ عليهن ونحترمهن ومنتجاوز بأي شكل من الاشكال وياهن.......... والان هذا اليميل الي اجاني والكم الحكم ..................................لقد إستلمت لتوك رساله شخصيه من 1.9.7.9 فى منتديات عنكاوا.

ملحوظه: تذكر, هذه الرساله هى مجرد تنبيه بإستلام رساله شخصيه. رجاء عدم الرد على رسالة التنبيه هذه.

الرسالة الشخصيه التى إستلمتها هى:

كيفك وكيف صحتك انشالله منيحة ومرتاحة معك هاني من لبنان صح انا وانت ما بنعرف بعضنا بس بصراحة حبيت اسمك كتير وبدون مجاملة وحبيت اتعرف ع حضرتك بتمنى انو ما اكون ازعجتك

الرد على هذه الرسالة الشخصية هنا: http://www.ankawa.com/forum/index.php?action=pm;sa=send;f=inbox;pmsg=192068;quote;u=81176

113
الهجرة و واللاجئين / رد: معلومات عن مدينة الباني بنيويورك اخوكم محتاج مساعدتكم
« في: 10:43 25/02/2010  »
يوصل حبي ضياء بس هو بعد مينشاف من حددوله موعد سفر ههههههههههههه تحياتي حبي

114
الهجرة و واللاجئين / رد: معلومات عن مدينة الباني بنيويورك اخوكم محتاج مساعدتكم
« في: 08:47 24/02/2010  »
السلام عليكم  ......اخويه م-ضياء سلملي على اخويه عادل الفهد وكله خلي يتوكل على الله ويسافر والله يرزقه ويوفقه ليظل باله لان رب العالمين موجود وان شاء الله يتوفق وتصير سوالف

115
الهجرة و واللاجئين / رد: شكد اخذ ويايه
« في: 09:08 03/02/2010  »
ممنون حبيبي سبع صنايع  ان  شاء الله حظك جبير دنيه واخره وتتوفق بحياتك واتمنالك كل الخير بحق محمد وال محمد

116
الهجرة و واللاجئين / رد: شكد اخذ ويايه
« في: 08:44 03/02/2010  »
شكرا اخويه على الرد بس مو اني المعوق زوجتي معوقه يعني اكو اله امتيازات كراتب اوغيره لو لا لان اني اقدر اعمل والكم مني الشكر وارجوا من الاعضاء الاعزاء انو ميبخلون عليه بأجوبتهم وممنون منكم

117
الهجرة و واللاجئين / شكد اخذ ويايه
« في: 07:58 03/02/2010  »
اخواني السلام عليكم ممكن اعرف من الاخوان شكد اخذ ويايه فلوس اذا سافر لامريكا وخصوصا اني عندي عائله مكونه 5 نفرات وانتو تدرون مو كل الناس طاكه وسؤالي الثاني شنو اكو مميزات للاجئ اذا كان عنده عوق ظاهري يعني من ذوي الاحتياجات الخاصه وممنون لكل رد

118
الهجرة و واللاجئين / رد: سؤال في المقابله الاولى
« في: 14:14 02/02/2010  »
السلام عليكم اشكر جميع الاخوان والاخوات في هذا النتدى الرائع خصوصا الاخوان الي جاوبوني   وادعوا الله الله ان يطمئن قلوبهم مثل ماطمئنوا قلبي والله يفرجه على الكل بحق محمد وال بيت محمد

119
الهجرة و واللاجئين / سؤال في المقابله الاولى
« في: 09:38 02/02/2010  »
السلام عليكم في المقابله الاولى سألني موظف المنظمه ال iom هل تهددت تهديد مباشر ؟؟ فكان جوابي لا لم اتهدد تهديد مباشر لاني فعلا لم اتهدد تهديد مباشر لكن قلت ان الخطر موجود ونحن مكروهين ومنبوذين من بعض الجهات  وهنالك تيارات دينيه طائفيه كتنظيم القاعده تضمر لنا العداوه وتعتبرنا خونه وعملاء للحتلال وعندهم فتاوي تحلل لهم قتل العملاء الذين يعملون مع الحكومه الامريكيه واذكرت اربع حالات حدثت معي  وذكرت ايضا انو نحن نعيش حالت خوف وفقدان للأمان بشكل دائما حركتي انا والعائله حركه حذره يشوبها الخوف  نتوقع العتداء في اي لحظه لهذا اريد اللجوء حتى اشعر انا وعائلتي بالامان ...... سؤالي الى الاخوه في المنتدى  انا كنت صادق بكل كلمه قلتها فهل سينقلب صدقي علي ام سيكون معي لان الكثير طلبوا مني ان اختلق قصه تهديد ولكني لم اقبل لاني لااحب ان ابني حياتي وحياة عائلتي على اكذوبه ولكم مني جزيل الشكر وفائق الاحترام وانتظر ردودكم البنأئه

120
الهجرة و واللاجئين / الخدمه العسكريه ودفتر الخدمه العسكريه
« في: 08:32 27/01/2010  »
اخواني الاعزاء اني في المقابله الاولى من سئلوني عن الخدمه العسكريه قلت اني خدمتي كانت 3 سنوات من سنه 1995ولغاية سنة 1998 فسئلوني عن خدمة الاحتياط  الصراحه اني ماخدمت الاحتياط  علما اني من مواليد 1974 لان من راحت معاملتي من الوحده الي اداوم بيه للتجنيد العامه في بغداد اجاني كتاب التسريح  وره شهر من راجعت تجنيد بابل حتى اشوف المعامله اجت من بغداد  كانت ماجيه وهم راجعت وره فتره هم ماجايه وظلت المعامله ماجايه لحد صقوط النظام من استدعو مواليدي للحتياط اني راجعت تجنيد بابل  كالولي اله تجي معاملتك ياله تلبس احتياط فظليت امشي بكتاب التجنيد لحدسقوط النظام   والبطاقه مال الخدمه العسكريه ضاع مني والكتاب ايضا مال التسريح وهذا الكلام اني حجيته بالمقابله الاولى السؤال هل يأثر  هذا الكلام على قضيتي عند مقابلة المحلف ام لا ارجوا من الاخ عكعك التطوي انو ياجوبني او اي عضو من اعضاء المنتدى الطيبين واكون ممنون الكم مع خالص شكري وتقديري

121
الهجرة و واللاجئين / رد: لكل من لديه سؤال عن احوال المهاجرين الى الولايات المتحده
« في: 08:14 27/01/2010  »
الاخت العزيزه ناز اول شئ احب ان اشكرك على هاي المعلومات الجيده والمفيده واتمنالك الموفقيه بحياتك الجديده واشكر كل اعضاء هذا المنتدى الجميل على مايقدموه من معلومات مفيده .....الاخت ناز ممكن أسألك عن الخدمات الي تقدمه المنضمات بالنسبه للاجئ اذا كان معوق وماهي نوع هذه الخدمات ان وجدت ولكي مني جزيل الشكر والاحترام واتمنالك السعاده  والموفقيه

122
الهجرة و واللاجئين / رد: اين المحلفين بغداد؟؟
« في: 06:24 19/01/2010  »
اني من يوم 26-10-2009 مقابل الاولى ولحد الان داانتظر رحمت الله اني بالعراق والله يفرجه عليك وعلينه

123
مواضيع الحياة العامة في بلاد المهجر (امريكا) / رد: وصلنا الى فرجينيا والحمد لله
« في: 09:30 17/01/2010  »
ابو علاوي بالخير عليك واتمنالك الموفقيه والرزق اني واخوك الصقر ان شاء الله منطول ونلحكك  تعرفه للصقر مو لو نسيته

124
الهجرة و واللاجئين / رد: مروتكم اريد جواب
« في: 09:16 14/01/2010  »
السلام عليكم قسما بالله من ادخل على المنتدى ك
اني داخل حديقه  وانتو ورودها والله  اعضاء المنتدى ورود والله يوفكم ويفرج عنكم ويسهل اموركم

125
الهجرة و واللاجئين / رد: باركولي موعدسفر من بغدادمنو وياي يوم 19 - 1ارجوكم بسرعه جاوبوني
« في: 11:06 13/01/2010  »
اتمنالكم الموفقيه والاستقرار وارزق الوفير انا عندي صديق راح يسافر يوم 19-1 بس يريد يعرف الى اي ولايه راح تسافرون هو راح يسافر ولايه كاليفورنيا مدينة سانتياكو من بغداد يطير ان شاء الله

126
الهجرة و واللاجئين / رد: مروتكم اريد جواب
« في: 08:33 13/01/2010  »
ممنون حبي والله يوفقك اني بالعراق يعني مقدم على iomبغداد وممنون الك ولكل عضو يجاوبني

127
الهجرة و واللاجئين / مروتكم اريد جواب
« في: 07:54 13/01/2010  »
السلام عليكم اخوان قبل كم يوم اسالت سؤال ومحد جاوبني مروتكم لتبخلون على اخوكم بالرد اني قابلت المقابله الاولى يوم 26-10-2009 ولحد الان ماكو ماحددو موعد المقابله الثانيه اكو من الاخوان الاعضاء بالمنتدى مقابل بنفس الموعد او بشهر العاشر مقابل الاولى وهسه حددوله موعد مقابله ثانيه وممنون الكم هواي هواي

128
الهجرة و واللاجئين / سؤال وارجوا من اخواني الاجابه
« في: 12:41 11/01/2010  »
السلام عليكم اخواني في هذا المنتدى الجميل المنتدى الصادق والى اصحاب الاقلام النيره ان لايبخلو علينا بالاجابه انا قابلت المقابله الاولى يوم 26-10-2009 .......وانا الان في انتظار موعد المقابله الثانيه هل يوجد من الاخوان الذين قابلو المقابله الاولى في نفس اليوم او نفس الشهر تم تحديد موعد مقابله ثانيه ولكم مني جزيل الشكر وفائق الاحترام

129
الهجرة و واللاجئين / حقيقه ام اشاعه
« في: 12:34 11/01/2010  »
يوجد هذه الايام خبر انه مكتب ال iom  في بغداد لايستقبل معاملات جديده اقصد انه لايعطون الان iz  الى اي متقدم جديد هل هذا الخبر صحيح ام انه اشاعه ولكم مني جزيل الشكر والاحترام يااروع منتدى

130
الهجرة و واللاجئين / pending security checks
« في: 10:21 05/01/2010  »
كانت نتيجة المقابلة الثانية لاحد اصدقائي هي التاشير على المربع الثاني وكتب بخط اليد pending security checks يعني بانتضار التدقيق الامني حيث ان المحلف لم يصل الى قرار نهائي بالقضية . السؤال : اذا جائت نتيجة التدقيق الامني سلبية هل يستطيع الاستئناف ؟؟؟؟؟؟؟؟؟؟؟؟ مع جزيل الشكر والامتنان لجميع من يرد باي معلومة مفيدة

131
الهجرة و واللاجئين / ممكن معلومات عن ولاية سانتياغو
« في: 12:26 13/12/2009  »
ممكن من الاخوه الخبراء في هذا المنتدى الرائع معلومات عن ولاية ساتياغو من كل النواحي لان عندي صديق اليوم اتصلو بيه وحددوله موعد سفر يوم 19-1 2009  ارجوا من الاخوان ان لابخلون علينه بالردود وممنونين ومشكورين مقدما

132
الهجرة و واللاجئين / ممكن جواب من اصحاب الخبره
« في: 08:30 09/12/2009  »
عندي صديق قبل ايام كانت مقابله عندي مع المحلف الامريكي المشكله انو بالمقابله الاولى ذكر انو مامنتمي الى حزب البعث يعني مستقل لان هو من عائله متضرره بزمن صدام وتعذب هو واخوه ونسجنوا فماكانو منظمين لصفوف حزب البعث بالمقابله الثانيه من سئله الملف عن انتمائه الحزبي كله مستقل فكان اكو تعجب من المحلف الامريكي كله شلون كملت دراسه وشلون كملت كليه من غير متنتمي الى حزب البعث مع العلم هو صحيح مامنتمي يعني صادق بكلامه وهسه الولد خطيه قلق وخايف خاف ينرفض فاريد من اهل الخير من ابناء هذا المنتدى الطيب ان يفيدونا بأجوبتهم والله يوفق الجميع...................................

133
الهجرة و واللاجئين / رد: سؤال رحم الله والديكم
« في: 10:50 19/10/2009  »
اخوان كلى كيفكم ويايه لان اني جديد على الشغله وهذا الشهر ياله حددولي موعد مقابله اولى بس اني من كثر لهفتي واستعجالي بالسفر خلاني اسنعجل بالجوازات حتى قبل ماقابل المقابله الاولى وانا ممنون لكل من جاوبني وممنون لهذا المنتدى الراقي واني  من اهالي محافظة بابل

134
الهجرة و واللاجئين / سؤال رحم الله والديكم
« في: 10:33 18/10/2009  »
اني متزوج وعندي 4 اطفال وزوجتي يعني المجموع احنه 6 ويرادلنه 6 جوازات وهسه الجوازات مسدوده بكل العراق شنو الحل اذا حددولي موعد سفر اكو بديل من iomلو اله جوازات وممنون لكل اعضاء هذا المنتدى الاكثر من روعه  وحتى لو اكو جوازات فهي بفلوس يعني الان الجواز بخمس اوراق يطلع بيومين والماعنده منين يجيب يعني يرادلي 30 ورقه بس الجوازات وممنون للي يجاوب

135
الهجرة و واللاجئين / ممكن سؤال وارجواالاجابه عليه ولكم مني جزيل الشكر
« في: 12:27 12/10/2009  »
ممكن اعرف كيف هي الحياة في ولايتة تكساس وخصوصا مدينة اوستن يعني من ناحية فرص العمل ومن ناحيه تعامل البشر الموجودين بالمدينه او من كل النواحي واني ممنون لكل جواب

136
الهجرة و واللاجئين / المعاقين
« في: 12:21 12/10/2009  »
هل يوجدمميزات بالنسبه للاجئين العراقيين المعاقين من ذوي الاجتياجات الخاصه وماهي هذي المميزات

صفحات: [1]