الرسائل

1

الهجرة و واللاجئين / رد: (جمعية انتظار موعد السفر لشهر او اكثر بعد وصول الموافقة الامنية وختم الملف...)

« في: 13:10 21/11/2009  »

اخي العزيز تحيه طيب
موضوعك جميل
احنه دننتظر من يوم عشره بشهر العاشر اللي استلمنه بيه الدفرال لتر ولليوم يعني تقريبا مصار النه 45يوم واعتقد السكه طووووووووووووووووووووووويله امامنه
لكن الله موجود ويارب يسهل عليك وعلينه اجمعين
احلى شي بهذا الموضوع انه الكل يكتب اشكد صارله ينتظر وبعدين نفس الاشخاص يزفونه البشاره بوصول مواعيد سفرهم
حته الواحد يكوم يتفائل من يمه وعاشت ايدك اخويه الاصيل على هذا الموضوع
كل التقدير
اجازه

2

الهجرة و واللاجئين / رد: بعد الاتصال بـ IOM مصر للاستفسار عن سير المعاملة ؟؟ هذا كان الجواب

« في: 09:45 21/11/2009  »

الاخ العزيز ابو اندرو
تحية طيبه يمكن عندي معلومه تفيدك وتفيد الاخوه بخصوص هذا الموضوع...
نفس الحاله صارت لبعض اقاربي وهم يستفسرون عن وضع الكيس مالتهم ووين وصلت الموافقات الامنيه عن طريق الاتصال بمصر الا ان مكتب مصر اجابهم لااكثر من مره (اقصد بعد اكثر من اتصال على مكتب مصر من قبلهم خلال الاسبوع الماضي) ونطاهم الايميل ادريس مالت اي او ام بغداد انفو سنتر............. اتخيلو نفس الايميل اللي قدمو عليه اهل بغداد للدخول بالبرنامج ...
اللي صار شنو كلنه خل نكتب رساله لبغداد انفوسنتر ونشوف مخسرانين خساره وكالعاده وره دقاسق وصل الاتو ربلاي
وكانو ذاكرين بيه انه الاجابه ستكون بعد 3 اسابيع عن اي استفسار احنه ايسنه
لكن
المفاجئه
جائت
برد او ايميل اخر وبنفس اليوم
اتخيلو ايميل ثاني بنفس اليوم  يبلغهم عن اخر تطورات الكيس  مالتهم وبلغوهم انهم تقريبا انهو كلشي بقت بس تحديد موعد سفر الهم
بصراحه اني قررت هم اجازف وادز ايميل للاستعلام عن اخر تطورات الكيس مالتنه والتسهيل من الله...
اتمنه تكون هاي المعلومه ذات فائده
تقبلو مروري
اجازه

3

الهجرة و واللاجئين / رد: معلومة ممكن تفيدكم

« في: 08:26 19/11/2009  »

عاشت ايدج اختي العزيزه نور على هذا التنبيه المهم .... وجدا اسفين لسماعنه خبر عدم امكانية دخول والدتج الى امريكا مابيدنه غير بس الدعاء الهه والكم بالتوفيق وان شاء الله يسهل امرهه ويفتحهه بوجهه وبوجه الجميع ولو كانت رجعته بعيده  فماكو شي بعيد عن ارادة رب العالمين

وبالتوفيق
مع كل التقدير
اجازه

4

دردشة منتدى الهجرة واللاجئين / رد: باركولي حددولي موعد سفر الى فيلادلفيا من بغداد

« في: 11:51 18/11/2009  »

الف مبروك اخي العزيز ويارب يفتحه بوجهك وانشاء الله بالتوفيق يكولون بنسلفانيا حلوه
ربي ايوفقك ويوفق كل الاخوه والاخوات ويسهل امرالجميع بالسفر
كل التقدير
اجازه

5

الهجرة و واللاجئين / رد: مواعيد سفر من بغداد IOM ؟

« في: 07:06 18/11/2009  »

اهلا اخي نايت مون
والله مااعرف اني كله مصارلي شهر وشويه من الانتظار وعلى نصيحتك منتظر يوم الاربعاء يجي حته اتصل بمصر ولو موكلش متفائلين لانه اكو جماعه صارلهم قبلنه بهوايه ينتظرون قسم دينتضرون من شهر السادس فمعقوله اني رح احصل شي قبلهم علما اني حظي معروف عليه مثل السلحفاه يمشي قدمت اول الناس والبي جي دي نمبر مالتي جوه الالف ووره سنه يالله تحركت قضيتي...يعني عادي منتظرين او الله كريم
واشكر اخ نايتمون لسؤالك عني اني باقي على كلبك ههههههههههههه واتمنه تواصل ابداعاتك...
تمنياتي بالتوفيق للجميع
اجازه

6

الهجرة و واللاجئين / رد: مواعيد سفر من بغداد IOM ؟

« في: 13:37 17/11/2009  »

اخواني الاعزاء اخر موعد سفر سمعت بيه هو يوم 12 بشهر 12 وربي يسهل عالجميع
مع كل التقدير
اجازه

7

الهجرة و واللاجئين / رد: مواعيد سفر من بغداد IOM ؟

« في: 13:26 17/11/2009  »

مرحبا اخوان ...
اخر موعد سفر سمعت بيه هو اكو وجبه طالعه يوم 12/12 والله يسهل عالجميه
مع كل التقدير
اجازه

8

الهجرة و واللاجئين / رد: الي مخلصين وباقي منتظرين موعد سفر فقط

« في: 10:45 02/11/2009  »

اخي العزيز احنه صارلنه من يوم سبعه بشهر العاشر ننتظر لليوم يعني تقريبا 3 اسابيع وشويه واعتقد السكه طويله امامنه والتسهيل من الله وربي يسهل عالجميع ويقدم اللي بيه الخير
تحاتي
اجازه

9

الهجرة و واللاجئين / رد: مواعيد سفر من بغداد IOM ؟

« في: 08:01 25/10/2009  »

الاخ العزيز نايتمون
تحية طيبه وشكرا لك و بخصوص ايميلي فموجود بالبروفايل .... مع التقدير

الاخ العزيز سعد الجماعه اللي حايسافرون كانوا منتظرين من شهر السابع وانته احسب بعد... كم يوم صارلهم عالشحن.

بس اخوان اعتقد اكو حركه قويه ونشاط اكبر للمنظمه الدوليه للهجره (طبعا اني دااحجي على فرع بغداد) اعتقد الستاف مزيدين عدده واكو شغله لفتت انتباهي انه اني اعرف جماعه قدمو قبل اسبوع تقريبا تقديم جديد اتخيلو الكيس نمبر اجاهم وره اقل من اسبوع وهذي اشاره ايجابيه جدا يعني شنو يعني اخوان اكو حركة قويه وسرعه بالموضع وطبعا مااحجيلكم على المقابلات الثانية اشلون دتصير سهله وسريعه وكانما ديكولون بس روحو ...هذا الانطباع اني حسيت بيه شخصيا.

اخي سعد بالنسبه للتلفون اول مااحصل عليه رح اكتبه وباسرع وقت ان شاء الله الرقم على مااعتقد من عمان
مع كل التقدير
اجازه

10

الهجرة و واللاجئين / رد: مواعيد سفر من بغداد IOM ؟

« في: 14:16 24/10/2009  »

والله مااعرف يااختي العزيزه ريما
حاولي اتصلي وشوفي بس بالمناسبه انتي اشكد صارلج تنتظرين اني صارلي اسبوعين من استلمت الدفرال لتر ومقريين انخابر وره ميفوت شهر بلكت اكو اخبار مو احسن هيج علما احنه مقدمين من بغداد

مع كل التقدير
اجازه

11

الهجرة و واللاجئين / رد: مواعيد سفر من بغداد IOM ؟

« في: 13:33 24/10/2009  »

اختي العزيزه نور القمر
الاخوه الاعزاء
المشكله هي ان الناس اللي وصللهم هذا الموعد  ما انتظروا المنظمه حته تتصل بيهم بل اغلبيتهم هم اللي اتصلو بالمنظمه للسؤال عن اخر اخبارهم واعتقد هم اتصلو بتلفونات عمان وطبعا المنظمه كالعاده كلتلهم احنه ناوين نتصل بيكم قريبا فبما انه انتو اتصلتو فهذا هوموعد سفركم
يعني لوعايفيهه عالمنظمه كان الموعد اجه على راحتهم يعني مثل متفضلتي خلال اسبوع الى عشر ايام تكون فتره الاعلام ماقبل السفر وطبعا احد الحالات لبعض الاصدقاء اللي سافروا واللي استلمو مكالمه دوليه قبل اكثر من اسبوعين قبل سفرهم وماكان الصوت واضح وانقطعت المكالمه وظلت هاي الاتصالات لاكثر من مره قبل اسبوعين من اتصالهم اي المنظمه بالاشخاص لتبليغهم بالسفر واعطاء فقط 10ايام قبل السفر وكان عذرهم انه اتصلو قبل هالفتره لكن الاتصالات كانت تعبانه وماكو خط وشبكه ومن هالحجي لذا فالمواعيد الاخيره على حد علمي حصلو عليهه اصحابهه من خلال اتصالهم هم بالمنظمه وبالصدفه بلغوهم بوجود مواعيد سفر محدده لهم
مع كل التقدير
اجازه

12

الهجرة و واللاجئين / رد: مواعيد سفر من بغداد IOM ؟

« في: 09:27 24/10/2009  »

الاعزاء جميعا
عاجل
عاجل
عاجل
اخرموعد سمعت بيه بالنسبه للسفر من بغداد هو انه اكو جماعه نطوهم موعد سفر على يوم 17/11/2009
وربي يسهل عالكل
كل التقدير
اجازه

13

الهجرة و واللاجئين / رد: مواعيد سفر من بغداد IOM ؟

« في: 12:46 21/10/2009  »

الاخ نايت موون
اولا اكو خبر اليوم سمعته انه اكو مجموعه اخرى حاتسافر على يوم عشره بشهر الجاي شهر الهدعش شهر تشرين الثاني اللي هو نفسه شهر نوفمبر (سوري بس حته يكون الكلام واضح اكثر)
والشغله الثانيه الدفرال لتر هي الرساله اللي توصل بعد مقابلة المحلفيين وتقريبا تعني هاي الرساله الموافقه الاوليه لان اغلب اللي سافرو وصلتلهم هاي الرساله اللي بيهه اتاجمنت وبالاتاجمنت ماشرين على النقطه رقم اربعه بالقلم
احنه نعتبر هاي الرساله موافقه ومثل مذكرت باحد الردود اكو من الناس من ينتظر 40 يوم الى شهرين الى 3-5-6 اشهر يالله يجي موعد سفر يعني موسوه .
بالنسبه النه صار اسبوعين من استلمتهه وكانت اخر مقابله النه مع المحلفين من بغداد كانت يوم 7/بشهر التاسع ايلول- سبتمبر-ووره شهر وصلت الموافقه اللي نسميهه الدفرال لتر اللي هي انتظار اكثر منها تاجيل
هسه حسب توقعاتكم اشوكت اخابر حته اعرف اشوكت حايوصلي السره والمن اخابر هل اخابر على مصر او على عمان؟؟؟؟
 لان بعض الاخوه خابرو هالاسبوع  وعرفو انه هم حايسافرون وره عشرين يوم يعني لوباقيه عالمنظمه جان خابروهم قبل عشر ايام فقط ووين ماواحد يعرف موعد سفره قبل 20 يوم ووين ماواحد عنده مجال بس عشر ايام الفرق جدا مهم بالنسبه للوقت
ربي يفرج عن الكل
كل التقدير
اجازه

14

الهجرة و واللاجئين / رد: مواعيد سفر من بغداد IOM ؟

« في: 09:30 20/10/2009  »

اخي نايت مون اني لحد قبل اسبوعين يالله استلمت الدفرال لتر من بغداد يعني اعتقد سالفتي طويله بعد...
 ونعم انا محدد الولايه والله اليستر... لكن انته لو تقره الرد مره ثانيه اني ذاكر بيه انه احد الاقرباء  حايسافر يوم 3بشهر الهدعش (مو اني) واعذرني لان مااعرف بالظبط اي ولايه
مع كل التقدير
اجازه

15

الهجرة و واللاجئين / رد: مواعيد سفر من بغداد IOM ؟

« في: 12:48 19/10/2009  »

اخوان عاينو خير...
البارحه سمعت انه احد اقربائي حايسافر يوم 3/11
يعني مواعيد شهر الهدعش اتحركت وهذا اول واحد
يارب تفرج عالكل

تحياتي
اجازه

16

الهجرة و واللاجئين / رد: جماعة الiom بغداد الي مقابلين المحلفين شهر التاسع ؟؟؟؟؟؟؟؟؟

« في: 15:45 14/10/2009  »

الف الف مليون مبروك اخويه العزيز ولتقلق لان بالليل رح ايدزون باقي الموافقات يعني مثل مسوو بينه احنه تلاث فايلات دزولنه اول شي موافقه على بس اثنين الصبح وفرحنه وغورنه اخويه الثالث وشلعنه كلبه وضاج حيل لهناكه بالليل وصلت موافقه الفايل الثالث مالت اخويه
بس والله ضحكنه ضحك
المهم
اتمنالك التوفيق اخويه وهسه تبدي اتصفي امورك شويه شويه لان عندك منا لخمسه واربعين يوم او تمتد نوبات 3 اشهر او اكثر انتظار

بشر محدد ولايه لو عالمنمنظمه؟

تحياتي
اجازه

17

الهجرة و واللاجئين / رد: جماعة الiom بغداد الي مقابلين المحلفين شهر التاسع ؟؟؟؟؟؟؟؟؟

« في: 08:46 14/10/2009  »

نعم اخي تعتبر هذي الموافقه الامنيه الاوليه  اللي جتي لكل الاخوه اللي سافرو على برنامج iom Baghdad من ضمن اصدقائنا...
 لذا فانه في حالة وصول هذه الرساله عبر الايميل من المنظمه فهذا يعني انك اكملت جميع الاجراءات المطلوبه من مقابلات وفحوصات وماعليك سوى الانتظار والانتظار هنا يكون لاسباب عديده مرفقه بالرساله فلو كان السبب هو النقطه الاخيره ويكون مؤشر عليها بالقلم فهذا معناته انه لايوجد رفظ وان التاخير هنا للمراجعه الامنيه وهذا شيء روتيني
وهنا ادناه بعض الاسطر من ضمن الرساله الرئيسيه
The Baghdad Info Center writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter.

 

Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.  

وبالنسبه للسبب  او النقطه التي تم التاشير عليها في الاتاجمنت فهي :

further review of your eligibility for refugee resettlement in the United State
, وعلى اية حال فان معظم الاصدقاء الذين استلموا هذه الرساله انتظروا من 45 يوم الى 3 او 4 او قسم اكثر من خمس اشهر حتى اتصلو بيهم لتبليغهم بموعد السفر.

بالمناسبه هذي المره دازين اتاجمنت جديد بالاضافه الى هذا الاتاجمت واللي لم الاحظه  عد بقية الاصدقاء وهو اتاجمنت ثاني Online Information for Resettlement:
   
    

 
 ذارين بيه كل المناسبات الاجتماعيه والوطنيه والدينيه وتفاصيل كثيره يحتاجهه اللاجئ بحياته في الولايات المتحده 
تحاتي
اجازه

18

الهجرة و واللاجئين / رد: جماعة الiom بغداد الي مقابلين المحلفين شهر التاسع ؟؟؟؟؟؟؟؟؟

« في: 13:10 13/10/2009  »

الاخوه والاخوات الاعزاء تقبلوني عضوه جديده على منتداكم بيت كل العراقيين الي يشيل الوحشه عن كل القلوب المغتربه ويمنحها الامان والطمانينه بتعاونكم وتضافر جهودكم الطيبه فبارك الله بكل من ساهم في هذا المنتدى.

بالنسبه لجماعة المقابلات الثانيه في شهر التاسع انا وعائلتي اكملنا المقابله يوم 7 بشهر التاسع ويوم الخميس الفات اللي هو كان اعتقد يوم تسعه وصلت الموافقه الامنيه اللي احنه نسميهه الدفرال لتر والي تجي مع الاتاجمنت وكان وصولهه بعد مخلصنه الفحوصات الطبيه اللي كانت يوم اربعه بشهر العاشر ويوم سته ونحن بالانتظار علما نحن عائله مكونه من ثلالث ارقام وصلت موافقتين فقط والموافقه الثالثه وصلت بعد يو م او اعتقد نفس اليوم بالليل
اتوقع هالايام رح توصل الموافقه للي مقابلين مقابله ثانيه بشهر التاسع
ونحن بالانتظار
مع كل الود والتقدير
اجازه