الرسائل

1

الهجرة و واللاجئين / رد: استلمت ايميل رفض من IOM بغداد و ضاع الحلم

« في: 18:54 29/09/2011  »

الله يكون بعونك

2

الهجرة و واللاجئين / رد: هام جدا الى جميع الاخوة الاعزاء في تركيا-

« في: 22:03 24/01/2011  »

أخوية العزيز ...

كلي انت وين بالضبط و اني اجيك و بدون اي مقابل .

علي العراقي

اسطنبول - تركيا

3

الهجرة و واللاجئين / رد: يرحم والديكم دبرولي قصة

« في: 10:48 20/09/2010  »

اخواني الاعزاء ... اني هم محتاج قصة و اتمنى تساعدوني و لكن بعد موافقة الاخت تبارك لان هي صاحبة الموضوع ... حتى اذا ممكن اراسلكم عالخاص .

4

دردشة منتدى الهجرة واللاجئين / رد: خبر مفجع ومؤلم يخص والدة الاخ العضو alisalam2010

« في: 19:33 16/09/2010  »

                                                                          بِسْمِ اللَّهِ الرَّحْمَنِ الرَّحِيمِ
(1) الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7)

                                                                          صدق الله العلي العظيم

رحمها الله , مثواها الجنة ان شاء الله ... و الصبر و السلوان لذويها و اهلها ...

آخر الاحزان ان شاء الله ...

5

الهجرة و واللاجئين / رد: صديقة جديدة

« في: 23:54 14/09/2010  »

مبروك اختي ... بالموفقة و النجاح ان شاء الله ...

6

الهجرة و واللاجئين / رد: لــــــــــرفع المعنــــــــويات .. قصة ناجحة لأول عشرة اشهر لي في الولايات المتحدة

« في: 23:52 14/09/2010  »

الف الف مبروك اخوية العزيز ... بالتوفيق ان شاء الله ...

7

الهجرة و واللاجئين / رد: كارثه في تركيا االغاء مواعيد الطيران يوم 9-9

« في: 19:28 08/09/2010  »

لا تدير بال اخوية علي , شوية اصبر و الله كريم , ان شاء الله موفق ...

8

الهجرة و واللاجئين / رد: سؤال بخصوص اختيار الولاية !!!

« في: 11:26 07/09/2010  »

مشكورة اختي العزيزة على الرد و بارك الله فيكٍ .

9

الهجرة و واللاجئين / رد: سؤال بخصوص اختيار الولاية !!!

« في: 09:30 06/09/2010  »

مشكورة اختي العزيزة آنجي ...

يعني لازم كفيل حتى اكدر اني اختار الولاية ؟ و مين راح اجيب الكفيل , زين اذا اني اريد ولاية ايوا , لازم يكون الكفيل من ولاية ايوا ؟

شكراً اختي مرة ثانية , و هم انتظر باقي الاخوان شيكولون ...

10

الهجرة و واللاجئين / سؤال بخصوص اختيار الولاية !!!

« في: 09:01 06/09/2010  »

بسم الله الرحمن الرحيم

كيفكم اخواني و اخواتي , ان شاء الله كلكم بخير ...

اخوان , إختيار الولاية يتم تحديده من قبل الــ UN  لو من قبلي , يعني اني اللي اختارها ؟ و متى يتم ذلك يعني في المقابلة الاولى لو الثانية لو بعد الموافقة ؟

اذا اني اللي اختارها حتى من هسة استثني ولاية نيويورك و واشنطن و كاليفورنيا لقلة فرص العمل و صعوبة الحياة بالذات للواصلين الجدد و اشوفلي فد ولاية بعيدة و افضل اسكن على الاطراف .

و مشكورين مقدماً ... سلامي للجميع ...

11

الهجرة و واللاجئين / رد: عدم محكومية للي مسافرين خارج العراق --- رادوها منكم لو لا ؟ خبراء SIV !!

« في: 11:31 29/08/2010  »

اخواني آسف عالمقاطعة , اني راح اروح لتركيا , هم لازم اسوي عدم محكومية لو لا ؟؟ اتمنى من الاخوان اللي بتركيا يساعدوني ؟

و الله يوفق الجميع ...

12

دردشة منتدى الهجرة واللاجئين / رد: لعبة ورط اللي بعدك بسؤال

« في: 20:51 28/08/2010  »

امنيتي اعيش مغامرة , و سفر و استكشاف و الله كريم ...

و نفس السؤال ...

13

دردشة منتدى الهجرة واللاجئين / رد: لعبة ورط اللي بعدك بسؤال

« في: 20:40 28/08/2010  »

ما شاء الله  14  سنة , و الله بطل ...

14

الهجرة و واللاجئين / رد: قصتي من البداية لحظة وصولي امريكا

« في: 20:23 28/08/2010  »

الف الف مبروك اخوية ... ان شاء الله تشوف كل الخير انت و كل العراقيين المحرومين ...

سلامي للجميع ...

15

الهجرة و واللاجئين / رد: طلب معلومات للجوء الى امركيا عن طريق تركيا, رحم الله والديكم !!

« في: 19:10 28/08/2010  »

الاخ العزيز علي العكيلي (  untr  ) , اسف على تاخري البارحة الخط انقطع , بس ما وصلني اي شي لا عالخاص و لا على الايميل , ارجوك اخوية ولو بس تدزلي ايميلك حتى اضيفك , و الف الف الف شكر مقدماً و ان شاء الله تحقيق الاماني و الاحلام و مشكور مرة ثانية يا وردة .

16

الهجرة و واللاجئين / رد: طلب معلومات للجوء الى امركيا عن طريق تركيا, رحم الله والديكم !!

« في: 14:06 27/08/2010  »

الاخ العزيز  untr , رحم الله والديك على هاي المعلومات و بالفعل ان شاء الله النخوة موجودة و اكون ممنون إلك لو تطيني بعض ارقام التلفونات و اذا تحب ارسلها عالخاص او على الايميل هذا ( aah23_world@yahoo.com )  حتى من هسة اخابرهم و اتواصل وياهم و مشكور مرة ثانية أخوية و الله يسهلك امرك و تطلع بخير و سلامة ...

الاخ ابو عزوز , ان شاء الله تتوفق و توصل و تحقق اللي تريده ...

17

الهجرة و واللاجئين / رد: طلب معلومات للجوء الى امركيا عن طريق تركيا, رحم الله والديكم !!

« في: 22:28 26/08/2010  »

مشكور اخي العزيز يدكو على جوابك و توضيحك المتكامل و بارك الله بيك و ان شاء الله بعض الاخوة يوضحون اكثر ...

و لكم شنو قصدك بعدم المحكومية ؟ هل هو كتاب يجب استحصاله من دئراة او شيء من هذا القبيل ؟ للعلم اني اول مرة اسمع بهذا الشيء ...

18

الهجرة و واللاجئين / طلب معلومات للجوء الى امركيا عن طريق تركيا, رحم الله والديكم !!

« في: 20:57 26/08/2010  »

(( بسم الله الرحمن الرحيم ))

السلام عليكم اخواني ...

اخوان اني و إبن عمي نريد نروح لتركيا و نقدم على الــ UN و محتاجين بعض المعلومات بالاخص من اللي عايشين بتركيا و مقدمين :
1.   ملف القضية (Case File) هل يجب ان نتقدم في ملف واحد إلي و لإبن عمي لو كل واحد وحد ؟ و هل يجب ان يكون باللغة الانكليزية لو بالعربية ؟ و كم صفحة يجب ان يكون ؟ و شنو المطلوب من عدنا نكتبه بالملف ؟
2.   شنو المستمسكات اللي نجيبها ويانه ؟
3.   اذا العيشة غالية في انقرة و اسطنبول , شنو المدينة القريبة على انقرة و مناسبة للحياة ؟
4.   اذا رحنا لتركيا , نكدر ندبر شغل بين ما تطلع الموافقة ؟ للعلم آني انكليزيتي قوية و اشتغل عالحاسبة و عندي خبر اربع سنين بهالمجال في شركة تجارة و مقاولات ؟
5.   شنو الاسئلة اللي ممكن يسألوها بالمقابلة ؟
6.   هل من الممكن ان ناخذ حاسبة Laptop  ويانة لو لا ؟ للعلم احنا راح نطلع بالسيارات ...
7.   شنو الاسعار مال الشقق بصورة عامة لأن الوضعية مكيسة بمعنى الكلمة , الله يخليكم ؟

في النهاية هل من الممكن ان يستقبلنا احد الاخوان المقيمين في تركيا لمساعدتنا بشكل مبدئي عن كيفية ايجاد مكان و التقديم للــ  UN  و هكذا ... للعلم احنا ناوين نطلع بعد شهرين و يجوز أقرب ... و اكون ممنون لو تنطوني ارقام تلفونات لأشخاص موجودين حالياً في تركيا و ممكن ترسلوها عالخاص و اكون شاكر لكم طول العمر الله يخليكم و يحفظكم و يسهل عليكم اموركم ...
مشكورين مقدماً اخواني ... سلامي للجميع ...