الرسائل

1

الهجرة و واللاجئين / رد: اليوم ارسلولي موعد مقابلة زوجي ..ممكن مسا

« في: 23:23 31/10/2013  »

اخي العزيز
هو اليوم لغوا الموعد مالته البارحة اتصلوا بيه وكالوله انلغى الموعد واحنا نتصل بيك مرة ثانية علمود نحددلك موعد ثاني
واني ارسلولي ايميل كاتبين بيه انه اكو خلل تقني وانلغى الموعد

طيب اخوان حسب معرفتكم شوكت ممكن يحددون الموعد الثاني ؟؟

وبالنسبة لفدائيي صدام اذا مثل مدا تكولون يعني شنو لازم يشوف بالاول خط الخدمة وبعدين يقرر شنو الي يحجيه ؟؟
لو هو اصلا لازم ينفي عمله بفدائيي صدام ترة دخت عفية

2

الهجرة و واللاجئين / رد: اليوم ارسلولي موعد مقابلة زوجي ..ممكن مساعدة اخوان

« في: 20:40 30/10/2013  »

اشكركم اخوتي على الاهتمام والرد

هو ناوي يحجي الصدك وعلى الله الاعتماد

شكري الجزيل مرة اخرى للردود

3

الهجرة و واللاجئين / رد: اليوم ارسلولي موعد مقابلة زوجي ..ممكن مسا

« في: 05:26 29/10/2013  »

سؤال اخر بليا زحمة عليك اخوية

بالنسبة لقصة التهديد بهاي المقابلة يسالوه لو بالمقابلة الثانية ؟

4

الهجرة و واللاجئين / رد: اليوم ارسلولي موعد مقابلة زوجي ..ممكن مساعدة اخوان

« في: 00:34 29/10/2013  »

شكرا اخي العزيز على الرد ..الله يوفقك
ويارب تتسهل شغلته

5

الهجرة و واللاجئين / رد: اليوم ارسلولي موعد مقابلة زوجي ..ممكن مساعدة اخوان

« في: 00:08 29/10/2013  »

اشكرك اخي العزيز ابو الحكم على الرد السريع

بالنسبة لزوجي لم يكن له  من مشاركة في اي مما ذكرت بل كان في فدائيي صدام فقط ولكنه كان مسؤولا على قسم الحسابات فهل يذكر انه كان من ضمن فدائيي صدام ام لا
؟؟؟
وهذه بالمناسبة هي المقابلة الاولى
وهل هناك مقابلة ثانية ومتى تقريبا ؟

6

الهجرة و واللاجئين / اليوم ارسلولي موعد مقابلة زوجي ..ممكن مساعدة اخوان

« في: 23:12 28/10/2013  »

السلام عليكم اخوان

اني SIV  واجيت سنة 2009 لامريكا وبعدين رجعت للعراق وتزوجت
وهسة بعد الوضع المزري بالعراق قدمتله العام الماضي على اللجوء واليوم يلا اجا موعد المقابلة
والمقابلة علي يوم الخميس اي عكب باجر
الشي الي اريد اسال عليه هو انه زوجي كان ضابط بالجيش العراقي القديم اي قبل 2003
وطالبين من ضمن المتطلبات دفتر الخدمة والضباط كما تعرفون ما عندهم دفتر خدمة وانما هوية ضباط
فهسة بالمقابلة يكول اني جنت ضابط لو لا
وشلون خاف يرفضون القضية اذا عرفوا انه جان ضابط
عفية اخوان لاتبخلون بالمعلومة الي عنده معلومة ياريت يجاوبني

7

الهجرة و واللاجئين / رد: سحب اخي وبنت اختي وعائلتها

« في: 04:06 27/01/2013  »

الاخ mriraqi حسب ما اعرف اي يكدرون يسحبوك حتى قبل حصولهم عالجنسية

8

الهجرة و واللاجئين / رد: سحب اخي وبنت اختي وعائلتها

« في: 03:45 20/01/2013  »

اشكرك اخوية العزيز عالرد وبارك الله بيك ماقصرت 

9

الهجرة و واللاجئين / رد: سحب اخي وبنت اختي وعائلتها

« في: 02:44 20/01/2013  »

الاخ steven_siv
شكرا للرد .. ولكن انا سمعت من العراقيين في نفس الولاية ان احد الاخوان قام بسحب اخوته وهو ايضا SIV
اما بالنسبة للمتطلبات التي ذكرتها والمطلوبة من اقاربي اقصد متطلبات ال IOM  فانا لا اعرف ما هي فاذا ماكو زحمة تذكرها الي

.. الله يحفظلك ليونا 

10

الهجرة و واللاجئين / رد: سحب اخي وبنت اختي وعائلتها

« في: 01:40 20/01/2013  »

اخ اوكلاوهما : اتقصد بالمنظمة ال IOM  ام الامم المتحدة  لانني تهت من كثرة القراءة على هذا الموضوع فساعة اقرا باني يجب ان املي الفورمة I-130  وارسلها بالبريد الى عنوان معين وساعة يكون التقديم من بغداد
ان كان من بغداد كيف يتم التقديم ... وما هو المطلوب منهم ارساله لهم في البداية وما هي الصيغة .....ارجو ان لا اكون ثقيلة في طلبي هذا منكم

11

الهجرة و واللاجئين / رد: سحب اخي وبنت اختي وعائلتها

« في: 19:12 19/01/2013  »

الاخ يوزارسيف والاخ اوكلاوهما وبس بوركتم على الاجابة ومشكورين جدا ..
وسأقرا الموضوع جيدا وان كان عندي استفسار ساستفسر منكم مرة اخرى اذا ماكو زحمة 

12

الهجرة و واللاجئين / سحب اخي وبنت اختي وعائلتها

« في: 07:18 19/01/2013  »

السلام عليكم

انا مقيمة في امريكا منذ 4 سنوات وقد جئت على برنامج SIV والان اريد سحب اخي وبنت اختي وعائلتها ولا اعرف كيف او اي فورمة املي او حتى اين ارسلها وهل عن طريق المنظمات ام عن طريق الايميل .. فياريت كلمن يعرف عن هذا الموضوع شي يفيديني ويساعدني

اشكركم مقدما

13

مواضيع الحياة العامة في بلاد المهجر (امريكا) / رد: مبلغ الويل كوم(welcome)هل هو 900 ام 1100؟

« في: 19:24 08/07/2011  »

ريمان انت المنظمه مالتك من المشاركين بالعملية السياسية يعني خمط لو تنطيهم ميزانيه انفجاريه يتقاسموهه بيناتهم

اي والله اخوية اياد لاعاب حلكك .. الظاهر هم الهم حصة يعني وين منروح منخلص من هاي الشكول
يعني هسة اني اكدر اشتكي عليهم لو لا؟
 اني باطيه لكلبي بط 

14

مواضيع الحياة العامة في بلاد المهجر (امريكا) / رد: مبلغ الويل كوم(welcome)هل هو 900 ام 1100؟

« في: 11:17 08/07/2011  »

اشو اني اول مرة اسمع بهالشي شنو هذا جديد اقصد للقادمين الجدد لو شنو ؟؟
وداعتكم فلا استلمت منهم غير 90 دولار اول مدخلت للبيت وابوكم الله يرحمه .. ووراها بشهر نطوني 180 عن الحلال والحرام

ممكن احد يكولي شنو هذا ؟؟

15

مواضيع الحياة العامة في بلاد المهجر (امريكا) / رد: بخصوص الفود ستامب

« في: 07:41 08/07/2011  »

مو  خوس سالفه

بلسلامه انشالله

الله يسلمك عيني نوار

16

مواضيع الحياة العامة في بلاد المهجر (امريكا) / رد: بخصوص الفود ستامب

« في: 07:37 08/07/2011  »

هي هاي مشكلة الاس اي في الازلية احنا لو ما نطلع من النت بي دي اف ومدري شنو ما جان حصلنا اي شي

حبي بالنسبة لمرضك الف سلامة شوفي هاي هسه طلعتلي بالنت بجورجيا بلكي تفيدج عيادات للي ما عدهم تأمين او ما يغطي تامينهم حاجتهم

http://www.gfcn.org/

اشكرك سرى عزيزتي عالموقع هسة ادور بلكي الكى الكى عيادة قريبة ورخيصة

17

مواضيع الحياة العامة في بلاد المهجر (امريكا) / رد: بخصوص الفود ستامب

« في: 00:38 08/07/2011  »

لا وازيدك علم اختي سرى انه يعتبرونا على اساس ممحتاجين لانه احنا جايين كبل من يغداد وكالوها النا اني وصديقتي انتوا مبين عليكم اغنياء كلتلها والله انتي الغنية لانه على الاقل انتي عندج عمل اني ما عندي .. تكولي لا كل الي يجون عن طريق الاس آي في  امورهم زينة وما يديرون بال للمساعدات... طبعا حتى بالبنفت كلشي ما افتهمت منها نطوني فقط ايجار شهرين وصكوك 2 واحد ب90 دولار وواحد 180 دولار فقط لاغير , ومن اتصلت بمقر المنظمة الرئيسي علمود اشتكي كلشي ما سووا ولا ردوا علي , ردت اروح احط محامي واشتكي عليهم طلع بس الاستشارة مال المحامي 200 دولار .. بطلت وكعدت وخليتها على الله وين متصفى خلي تصفى.

يعني الحمد لله حصلت منهم الفود ستامب والمديكيت ولو عليهم هم مجان نطونياه بس لانه على الحكومة ..

والله صارلي فترة مريضة ما اكدر اروح للطبيب لانه اعرف شكد ممكن تكلفني ,, بس اكول هاي هي الحمد لله على كل حال اكيد متبقى هيجي .

18

مواضيع الحياة العامة في بلاد المهجر (امريكا) / رد: بخصوص الفود ستامب

« في: 08:16 07/07/2011  »

اشكرك اخوية العزيز على اجاباتك الوافية والي هواي ساعدتني
ممنونة منك كلش

وبالنسبة لسؤالك عوائل لو عزاب لا  الي اعرفهم عوائل مو عزاب

تحياتي

19

مواضيع الحياة العامة في بلاد المهجر (امريكا) / رد: بخصوص الفود ستامب

« في: 19:30 06/07/2011  »

اخي حسب ما اعرف كل الاس اي في عندهم فود ستامب ومستمرين عليه بس الصراحة هم من اجوي وكملوا المدة الي لازم ينكطع عنهم الفود ستامب لحكهم السرة مال ال5 سنوات

20

مواضيع الحياة العامة في بلاد المهجر (امريكا) / رد: بخصوص الفود ستامب

« في: 12:26 06/07/2011  »

اخي المدرس اشكرك للرد

انا في جورجيا ولا اعرف كم المبلغ بالضبط بس حسب ما سمعت انه 1200 ... بس ما متاكدة من الحجي
يعني هسة اروح عليهم اكوللهم لازم ترجعوها وهاي الشيكات مال الرواتب مو
زين ادا طلبوا الكفيل لازم امريكي لو اي شخص عادي؟

21

مواضيع الحياة العامة في بلاد المهجر (امريكا) / بخصوص الفود ستامب

« في: 10:00 06/07/2011  »

صباح الخير شابات وشباب

اريد اسال عالفود ستامب .. اني كطعوه عني بعد مجيئي لامريكا ب8 اشهر وبعد تقريب 5 اشهر طلع القرار مال 5 سنوات فكلت خلي ارجعه علمود يساعدني بالمعيشة اشو بعد ما جيب وودي تاليها رفضوا مع العلم انه اني مجان عندي عمل وجنت عايشة على الي يرسلوه اهلي وعلى الشغل بالاسود ... هسة رديت قدمت يكلولي منرجعه الج لانه شلون عشتي خلال هاي المدة كلها بلا متحتاجيه كلتلهم انه اهلي جانوا يساعدوني .. ما قبلوا يكولون جيبلنا مستمسكات شلون جنتي تعيشين بدونها .. وهسة ما اعرف شسوي .. هسة اني عندي عمل تقريبا بالشهر 800 دولار يادوب ايجار وتنقلات .. يعني ابقى محتاجة للفود ستامب

منو منكم يعرف شلون ارجعه

22

الهجرة و واللاجئين / رد: (((((( كروب //// SIV فقط ///// بحلته الجديده ))))))

« في: 03:06 06/07/2011  »

اشكرك حبيبتي سرى وممنونة جدا الج

23

الهجرة و واللاجئين / رد: (((((( كروب //// SIV فقط ///// بحلته الجديده ))))))

« في: 06:48 05/07/2011  »

عيني اسفة صاير غلط بالسؤال
لانه ردت اكولج انه قريبتي الي هي والدتها تصير بنت خالتها لوالدتي تريدني اسحبها .. اكدر لو لا
اني سمعت شخص مسويها وساحب ابن خالته

ويالنسبة لصديقتي ذكرتي انه لازم تتواجد هنا بامريكا ليش شنو السبب ؟

اسفة عزيزتي تعبتج بأسئلتي
تقديري وشكري الجزيل

24

الهجرة و واللاجئين / رد: (((((( كروب //// SIV فقط ///// بحلته الجديده ))))))

« في: 04:26 04/07/2011  »

هي شغلة سحب زوجها موجودة سواء تقدمله على هجرة او لجوء بس تبقى اذا رادوا منها تغير الهوية هاي مالها حل خلي تمشي هسه بالمعاملة والله كريم بس اول وتالي لازم ترجع لامريكا تقدمله


عيوني سرى 1 .. يعني من تقدمله تذكرلهم انه هي متزوجة بالسر لو لا .... وراح يفتهمون هالشي ويقدروه لو ماعندهم هيجي شي؟
,وعندي سؤال اخر .. تريد اسحب قريبتي من طرف والدتي بس من بعيد ممكن لو لا..

25

الهجرة و واللاجئين / رد: (((((( كروب //// SIV فقط ///// بحلته الجديده ))))))

« في: 09:32 03/07/2011  »

صباح الخير اخواني واخواتي كروب ال SIV

اخوان اريدكم تساعدوني بحل هاي المعضلة
عندي صديقة اني وياها اجينا لامريكا عن طريق الا SIV .. هي رجعت للعراق بعد فترة وبعد ما حصلت على الكرين كارد لانه محصلت عمل هنا
وهنالك بالعراق تزوجت شخص تحبه بدون علم اهلها ولا علم اهله بس زواجهم مسجل بالمحكمة وهسة تريد ترجع هي وياه هنا لامريكا
طبعا هي تكدر ترجع بس هو شلون راح تكدر تقدمله .. واذا طلبوا منها الهويات بعد الزواج هي ما كدرت تغيرها لانه هاي معناها القيد يتغير ومعناها اهلها راح يعرفون .

اتصلت بي وسالتني شلون وما لون كلتلها والله راح احاول اسال وان شاء الله خير
فياجماعة الي يعرف شي او طريقة ياريت يكول .. اني نصحتها انه تتصل بالIOM وتشرح الهم الشغلة فشنو رايكم نصيحتي صحيحة لو لا
ياريت اسمع منكم

26

الهجرة و واللاجئين / رد: معامله سحب الزوجه

« في: 04:50 18/03/2011  »

بالنسبة للعراقية وافتخر

انصحك بكطع المهر الان واضافته الى فايلك وابقي معه انتظريه احسن لك هذا ما شفته سووه بعض زملائي وبالتالي سافروا هم وزوجاتهم صحيح تعطل موعد سفرهم بس بعدين سافروا سوى وبسرعة صارت القضية مالتهم

هذا الي اعرفه وان شاء الله الي عنده معلومة احسن ينصحك بيها

27

الهجرة و واللاجئين / رد: معامله سحب الزوجه

« في: 23:19 17/03/2011  »

الاخوة الاعزاء

انا ايضا بحاجة للنصيحة اريد سحب زوجي من العراق للعلم انني جئت عن طريق ال SIV وحصلت على الجرين كارد بعدها ذهبت الى العراق للزيارة وصارت القسمة وتزوجنا... الان ممكن احد ينصحني كيف  اسحبه وكيف اقدمله الطلب؟؟؟؟
رجاءا