الرسائل

1

الهجرة و واللاجئين / رد: تحت شعار الفيل اذا شد حيلة يطير

« في: 00:15 02/05/2012  »

اشكرج عزيزتي زهرة الصبار هذا بس من ذوقج
اني كل ما هنالك ردت اقدم نصيحة باسلوب فكاهي لا غير اتمنى الكل تتقبل كلامي برحابة صدر
والى اللقاء في رد جديد على موضوع جديد من مواضيع اخونا باكله ودهن 

2

الهجرة و واللاجئين / رد: هل يوجد شحن بحري للاغراض من مصر لامريكا ؟

« في: 15:32 14/08/2010  »

مشكورين اخوان على كل الردود الله يبارك بيكم كلكم ورمضان مبارك عليكم والله لو ما انتم وهالمنتدى الرائع بعد الله كان تهنا بلياكم  واذا واحد عنده بعد معلومات عن هالشغلة ياريت يفيدنا بيها

3

مواضيع الحياة العامة في بلاد المهجر (امريكا) / رد: ايهما افضل بالنسبه للمعوق كندا لو امريكا

« في: 22:38 04/08/2010  »

ولو اني بعدني مشايف لا هاي ولا ذيج بس اكيد الثنتين زينة لان الدولتين تراعي كلش المعاقين ومهما يكون فهي احسن من العراق واحسن من اي دولة عربية بالف قاط كله لصديقك خلي يروح للي تقبله اسرع لان كلما يطول انتظارة اكيد راح تسوء حالته بينما هناك راسا يسووله تجييك واعاده تاهيل وعلى حسابهم

4

الهجرة و واللاجئين / رد: الاخوة في امريكا .. محتاج مساعدتكم

« في: 19:55 29/07/2010  »

اخي صفاء ان شالله مشكلتك تكون نحلت واذا على شغلة المكالمات فاستعمل برنامج voipgain الاتصال من خلاله لايمريكا ابلاش بس اول من تفتح حساب لازم تدفع ما قيمته 10 يورو  يعني تكدر تخابر لامريكا من الصبح لليل
وهذا رابط البرنامج اذا تحب تنزله من النت
http://www.voipgain.com/en/download.html

5

الهجرة و واللاجئين / رد: أحذروا الربط القوي

« في: 10:43 16/07/2010  »

اخوان الربط القوي او الضعيف هذا وين يسووه باليو ان لو من نتحول لل iom  ؟
زين واذا كان اكو ربط قوي وواحد من العائلة ( مو اللي باسمه الكيس ) بطل ومراد يقابل او يسافر فهل هذا ياثر على باقي العائلة اللي بنفس الكيس ؟

6

الهجرة و واللاجئين / رد: من اخوانا الي خاضوا تجربه السفر ...والقاطنين الان في امريكا ارجو الرد؟

« في: 15:35 21/03/2010  »

اخوان اللي يدور على نركيلات بامريكا خلي يشتري من موقع ebay لان بيه هواية اشكال لطيفة وبفلس ونص يعني هواية ارخص من غير مكان ويوصلولكياها للبيت وهذا الرابط اتفرجو بيه على كيفكم
http://shop.ebay.com/i.html?_nkw=+Hookah&_sacat=0&_odkw=Smoking+Hookah&_osacat=0&_trksid=p3286.c0.m270.l1313

7

الهجرة و واللاجئين / رد: صيغة عقد أيجار مترجمة (مهم للأطلاع(

« في: 04:17 17/03/2010  »

نحن بانتظارك وشكرا مقدما

8

الهجرة و واللاجئين / رد: صيغة عقد أيجار مترجمة (مهم للأطلاع(

« في: 17:16 16/03/2010  »

الف شكر اخي عراقي على ردك وتعبك ويانا وياريت مثل ما كلت تصورنا العقد سكنر وترفعه هنا حتى نطلع عليه ونستفيد منه والله يجازيك بكل خير  وتسافر اليوم قبل باجر
وشكرا الك اخوية كريكت على توضيحك وشرحك للموضوع وصلتني فكرتك واني الك ممنون ويارب يسهلها علينا وعليكم وعلى كل العراقيين

9

الهجرة و واللاجئين / رد: صيغة عقد أيجار مترجمة (مهم للأطلاع(

« في: 03:43 16/03/2010  »

مشكور اخي فعلا موضوع قيم
بس متكلي شنو هالعقد هذا عقد لو بلوة مناقص بيه بعد غير بس يحددولنا شكم مرة يحقلنا نطب للحمام
بس سؤال رحمة لابوك العالم هناك شكد تلتزم ببنود هذا العقد يعني يطبقوه حرفيا لو نص ونص يعني بس الشغلات الضرورية يعني مثلا اذا اريد اجيب فد كناري لو بلبل لازم اروح اقدم طلب موافقة خطية من المالك ؟؟؟؟؟  واحطله عليه طابع واصدقه بالخارجية وعد مختار المحلة لو شنو الفلم ؟؟؟  ياريت تحجيلنا على الواقع العملي هناك بالنسبة لتطبيق هاي العقود
وياريت تحطلنا النسخة الانكليزية من العقد حتى نشوف اسلوب صياغة العقد بالانكليزي وانكون الك ممنونين

10

مواضيع الحياة العامة في بلاد المهجر (امريكا) / رد: ملاحظات ...مفيدة

« في: 17:31 14/03/2010  »

شكرا اخي على هالمعلومات القيمة بس عندي سؤال اذا امكن بالنسبة للادوية ممكن الواحد يطلبها عن طريق التلفون لو الا تروح للصيدلية والوصفة الطبية ياخذوها منك لو ممكن تصرف بيها الدوا اكثر من مرة خاصة اذا جان دوا لمرض مزمن مثل الضغط

11

مواضيع الحياة العامة في بلاد المهجر (امريكا) / رد: امكانيه ترجمه كتيب السياقه في ولايه تينيسي

« في: 09:53 23/02/2010  »

يا اخي انت ترجملها اذا هي زوجتك وانت ماترجملها لعد المن ترجم
لو هاي حجة حتى متنطيها السيارة 

12

مواضيع الحياة العامة في بلاد المهجر (امريكا) / رد: افضل بديل عن المايكروسوفت اوفس في اميركا

« في: 09:48 11/02/2010  »

اخوان يعني اذا الواحد عنده وندوز مو اصلية ويكركها قبل ما يربطها على النت من يسويلها تحديث وراها هم تنكشف لو هاهيه بعد متنكشف ؟

13

الهجرة و واللاجئين / رد: أخواني الله يخليكم الحكووووولي ... مصيبتي .. مصيبة مالهة حل!!

« في: 10:34 07/02/2010  »

يابه صفاء متكلي انت شنو قصة النحس مالتك هذا شنو لازم ذيل بزونة لو شنو اشو انت من مصيبة لبلوة بس تره هاي الاخيرة قوية يعني انت صمت صمت وفطرت على بصلة مجرشة هههههه
بس ميخالف تكرهون شيئا وهو خير لكم
شوف حبيبي صفو اول شغلة اريد اعلمك عليها هي البوس , تره البوس والسلام هناك غير شكل يعني من يجي واحد يسلم عليك ويبوسك ينكرك من خشمك بخشمه يعني مثل شغلة الخليجيين بالضبط ويسموها اسكيمو كس هاي اول شغلة مهمة لازم تتعلمها حتى لتنصدم هناك ههههه
واني حطيتلك شكم صورة تتونس بيها وتتخيل روحك هناك يعني شوف هاي الصورة وانت كاعد تصيد السمج ايباااااه شلون كعده بس دير بالك لتطلعلك جرية تره يسويها البخت وياك مو بعيده ههههه
وحطيتلك صورة وانت بالبيت مالتك ودتحن للبنكة السقفية اللي جانت تشتغل ساعة وتطفه الف ساعة
واخر صورة تخيلتك وانت دتتمشى هناك بالليل شايل الفاسة ودتدور على الحطبات للبيت لان النفط اللي بصوبة علاء الدين خلص عندك والى حد الان محد وزعلكم بطاقات النفطستمب ههههه
حبيبي صفاء تره دنشاقة وياك مو تزعل وخلي ابالك انت رايح لامريكا يعني لتتخيلها بابا كركر يعني شمتصير هي احسن من مكانك بالف قاط وان شالله ربي يسهلها عليك ويرزقك وتصير السكرتير الاول لعمدة الاسكا وعلى عناد العذال ههههه
اخوك الوطواط

14

الهجرة و واللاجئين / رد: رجاءءءءءءء اخوان طلب مساعدة عن طريقة التقديم على برنامج SIV

« في: 01:54 20/01/2010  »

شكرا اخت ريم  وشكرا لاختنا انجي على التوضيح لان الصدك فزيت كلت بس لا المنتدى صار بيه خرق لان هالايام الوضع كله صاير معلعل مدري شنو القصة بس لا هم من وره الانتخابات مال جماعتنا  
خفت لا نروح بالزلك ويجتثون المنتدى بدربهم  على واهس الاجتثاث  

15

الهجرة و واللاجئين / رد: رجاءءءءءءء اخوان طلب مساعدة عن طريقة التقديم على برنامج SIV

« في: 01:25 20/01/2010  »

شنو القصة اشو اللي كاتب كاتب باسم انجي بس على لسان شخص اخر غريب عجيب امور قضية
ممكن احد يوضحلنا شنو الفلم

16

الهجرة و واللاجئين / رد: كيف تبدو في جهاز السكانر الجديد في المطارات - ادخل وشوف

« في: 10:31 19/01/2010  »

اشو الكل متخاف غير بس من الفضيحة هسة يا جماعة الخير هو شنو اللي عدنا وماعدهم كلنا ولد ادم وحواء
بس السؤال الاهم هو شلون يشتغل هذا الجهاز بمعنى هل فيه ضرر كان تكون اشعة مضرة لو على الموجات الصوتية لو شلون بالضبط لان اكيد اكو ناس ميفضلون يتعرضون لهالشي مثل الحوامل
فياريت اكو احد يبينلنا طريقة عمله
اخوكم الوطواط

17

الهجرة و واللاجئين / رد: اخواني الاعزاء ... وقعت في مصيبة ... ولاأعرف كيف اخرج منها

« في: 19:04 18/01/2010  »

ابو اندرو مع احترامي الشديد لحظرتك بس تره المنتدى يسوى ومو بس يسوى يسوى ونص لان هواية ناس استفادت منه يمكن اولهم حظرتك استفاديت وفدت غيررك بنفس الوقت واحنا ميصير نعمم على الكل علمود قله قليلة تتواجد يوم يومين وتختفي بعدها وتنسي وخالفالله على الولد من راد ينظف المنتدى من هالشكولات واكيد ربك مراح ينساه
وتحياتي لحظرتك واحترامي مرة ثانية
اخوك الوطواط

18

الهجرة و واللاجئين / رد: اخواني الاعزاء ... وقعت في مصيبة ... ولاأعرف كيف اخرج منها

« في: 17:33 18/01/2010  »

اخي العزيز تحية طيبة اما بعد التحية فانت شورطك ويا هيج نماذج اذا انت ممسيطر على شغلتك بعدين انت شلون هكر وماعندي ابسط مستلزمات الحماية وهو الانتي فايروس
على كل حال ما اريد الومك لان انت نيتك جانت صافية بس مرات الواحد يندفع زايد ويتورط لهذا مرة ثانية على كيفك وعوف هالشغلات لغيرك
هسة نرجع لموضوع ايميلك اللي انسرق ابسط طريقة لاسترجاع ايميلك هو ان تكون حافظ سؤالك السري اللي تكون مجاوبة اول ما فتحت ايميلك هذا لان اجابتك هاي محد يعرفها ومحد يكدر يغيرها غيرك انت يعني اذا جنت حافظ الجواب لو الف مرة ينباك ايميلك هم تكدر تسترجعه اما اذا محافظ الاجابة فاقرا السلام على ايميلك لان صعب تسترجعة بالطرق العادية الا اذا تسوي شغلات مالهكر وما اعتقد هاي راح تعبر على صاحبنا يعني افتح اميل جديد احسن الك بس قبل كل شي فرمت حاسبتك حتى تتخلص من اي برنامج هكر زرعلكياه هالسرسري ضروري ضروري وقبل كل شي وبعدها نزل انتي فايروس زين مثل الكاسبر او النود وحدثه
واذا تحتاج شي دزلي على الخاص واني حاضر
اخوك الوطواط

19

الهجرة و واللاجئين / رد: عاجل الى الاداره الموقره.. مع التحيه

« في: 18:11 17/01/2010  »

اخوان اني اقترح على المراقبين الغاء خاصية وضع الصور بالمنتدى لفترة معينة او على طول لحد ما يبطل هالسخيف هذا من هالشغلات
وتحياتي واحترامي للكل
اخوكم الوطواط

20

الهجرة و واللاجئين / رد: مساعدة بخصوص طبيب الاسنان

« في: 17:48 15/01/2010  »

اخوية سوي اول جلسة وخلي يموتلك العصب اقلها متحس بالوجع ومشيها هناك على الحشوة المؤقتة الى ان ربك يفرجها عليك بحل منا مناك
او اذا السن مكانه مو مهم اشلعه واخلص منه ولو اني ضد فكرة شلع اي سن بس الضرورات تبيح المحظورات
اخوك الوطواط

21

مواضيع الحياة العامة في بلاد المهجر (امريكا) / رد: وصلنا الى فرجينيا والحمد لله

« في: 00:14 15/01/2010  »

حمد الله على سلامتك وان شالله الله يفتحلك كل ابواب الخير
بس ياريت لو كاتبلنا تفاصيل رحلتك ووصولك مثل ما سووا بعض الاخوة بهالمنتدى حتى نستفاد من تجاربكم
اخوك الوطواط

22

الهجرة و واللاجئين / رد: مو خوش شغلة

« في: 00:09 15/01/2010  »

اخي العزيز والله لو اني مكانك لو هسة راتبي مليون مو 1200 دولار الا اعوف العراق لان البلد بصراحة انتهى واذا انت هسة امامن على روحك شوية فماعندك اي ضمان ان الغد راح يكون امن بالنسبة الك او لاطفالك
يا اخي اعتبر طلعتك من العراق تضحية لاجل اطفالك قضيها شلون من جان هالشكم سنة لحد ما تاخذ الجنسية بعدين ارجع للعراق اذا الامور اتحسنت باذن الله واذا لا فانت عندك خط رجعة لمكان ينعاش بيه وتكدر تامن بيه على مستقبل جهالك
والشغلة بالاول وبالاخر تعود الك يعني انت ادرى بظروفك مثل ما كالتلك اختنا الكريمة انجي وباقي الاخوة المحترمين
اخوك الوطواط

23

الهجرة و واللاجئين / رد: تعارف وصداقة ( عضو جديد)

« في: 07:59 12/01/2010  »

الف حمد الله على سلامتك اخ جوزيف يارب يكومك بالسلامة ومتشوف الا الخير
يابه هاي انت كنسلته لجوزيف رقم 2 يعني صار عتيك بعد محد يكلبه شلون بالله 
بس مع هذا نكله لاخونا جوزيف 2 ولا يهمك انت عدنا مثل الخل كل ما تعتك تصير احلى واحلى 

24

الهجرة و واللاجئين / رد: قصة الفريدو من يوم وصوله الى كندا ( كالكيري)

« في: 02:08 07/01/2010  »

الف حمد الله على سلامتكم وان شالله تنفتح الكم كل ابواب الرزق والسعادة بس متكلي شلون هناك دتدفون يعني الشقة دفيانين بيها لو هم كاعدين وتكزكزون من البرد
عدكم صوبة علاء الدين لو هم ماكو 
اخوك الوطواط

25

الهجرة و واللاجئين / رد: اللاجئون العراقيون في أمريكا وأزمة البطالة

« في: 01:48 07/01/2010  »

عزيزي ابو فاروق لتنفعل ولا ابد تره هي الناس اشكال ومو الكل يكدر يدرك الحقيقة من اول نظرة اكو ناس تنخدع بالبهرجة وبالحجي ومتشوف العيوب وناس تشوفها بس تغض الطرف عنها اما مكابرة او فشلانة من كثر ما دكو رجل واصرو على عدم وجود شي اسمه سلبيات بهالمجتمعات لهذا تشوف صوتهم يعلى بالمديح ويخنسون من يصير الحجي واقعي ومن تظهر الحقائق
واكو ناس متشائمة فد مرة يعني حتى الايجابيات ميشوفوها طول عمرهم يلطمون بالزينة والشينة وميعجبهم العجب فحظرتك واحنا وكل اللي ويانه ان شالله يلزمون العصى من النص حتى لتنعثر او انعثر بيها غيرنا
وتحياتي للكل
اخوكم الوطواط

26

الهجرة و واللاجئين / رد: شرطي مروووووووووور

« في: 00:24 06/01/2010  »

اني موفق على الفكرة ان كان من الممكن تطبيقها
المشكلة اننا نحن العراقيون متحيزون لانفسنا دوما والقله القلية منا من يعترف بخطاءه اضافة الى ان العراقي عصبي المزاج بطبعه وقد يحجي حجي هو مقاصده ربما بسبب ما مر عليه من حروب ومن قهر وضيم
بس مع كل هذا يبقى العراقي ابو قلب الطيب اللي كله حنية واللي ينسه كل شي من اول حجاية طيبة يسمعها من المقابل
اختنا الكريمة ريم شكرا لمحاولتج في جعل هذا المنتدى خالي من كل ما يكدر اجواء هذا المنتدى وانا مع من قال بان على كل منا ان يكون شرطي مرور على نفسه قبل ان يكون الغير عليه رقيبا
نصيحة جميله ارجو من الكل الالتزام بها واولهم انا
تحياتي للكل
اخوكم الوطواط

27

مواضيع الحياة العامة في بلاد المهجر (امريكا) / رد: تجربتي منذوا خروجي من العراق الى هذة اللحظة تاريخ خروجي من سنة 1992

« في: 22:39 05/01/2010  »

اختنا الكريمة انجي قبل كل شي اريد اكلج حمد الله على سلامتج ووصولج لبر الامان وفعلا رحلتج هاي حتى قسم من الرياجيل ميتحملوها لهذا فعلا انت مو بس بطلة وانما بطلة ونص وكوني على ثقة انت طيبتج وطيبة قلبج وحبج لمساعدة الغير هي اللي بفضلها الله وكفلج اهل الخير ويسر امورج صحيح اتشعوطتي بالبداية بس المهم الله وفقج بالنهاية وان شالله يارب تبقين طول حياتج موفقة ومرتاحة
وياريت الكل واني اولهم نتعلم من قصتج هاي الصبر وقوة الارادة والثقة بالله وما نبقى نتافاف ونتشكى علمود شوية اتاخر القبول او اتاخرت الامنية او او او وكل هاي واحنا كاعدين ببيوتنا معززين مكرمين لان فعلا راح نكون متبطرين على النعمة اللي احنا بيها
ونحن بانتظار تكملة قصتج
اخوج الوطواط

28

الهجرة و واللاجئين / رد: قبل أن تسكن في شقة او بيت أتأكد اولا من المنطقة !!

« في: 00:44 04/01/2010  »

شكرا على النصيحة والله يبعد عنا وعنكم هيج شكولات ولو احنا بعدنا ممسافرين بس ان شالله نجي يمكم
اخوك الوطواط

29

مواضيع الحياة العامة في بلاد المهجر (امريكا) / رد: تجربتي في اميركا بعد سنة من وصولي /الجزء الثاني

« في: 00:39 04/01/2010  »

عاشت ايدك اخ ماجد على هالموضوع فعلا موضوع قيم ويستحق التقدير وتستحق الشكر والامتنان
دعائي لك ولعائلتك بالصحة والموفقية
اخوك الوطواط

30

الهجرة و واللاجئين / رد: ابي جنسية كندية باي طريقة

« في: 02:09 03/01/2010  »

اخي الكريم اذا راح ياخذون بصماتك من تطلع الفيزا فبعد ما بيها اي فائدة انك تمزق الجواز من توصل لكندا لان بصماتك عدهم يعني كل شي عنك يعرفوه
اخوية انت ليش مجلب بكندا ليش متسافر لفد دولة اوربية مثل هولندا او فلندا او السويد انزل باي دولة منهم مياخذون بيها بصماتك واطلب اللجوء هناك او انزل بدولة قريبة منهم وادخل لوحده من هالدول قجق يعني بالخفية واول متدخل اطلب اللجوء بيها اهم شي محد ياخذ بصماتك قبل ما تطلب اللجوء لان تنكشف
وحتى تكدر تكول اني عراقي من البصرة وانهزمت مناك لان هددوني بالقتل بس بهالحالة لازم تكون تعرف البصرة زين حتى اذا سالوك انت من يا منطقة وشلون انهزمت ومنين طلعت تعرف تجاوبهم
وعلى كل حال اسال بعد  على هالشغلة لان اكو هواية عدهم معلومات وخبرة احسن مني
وبالتوفيق ان شالله

31

الهجرة و واللاجئين / رد: اخوان محتاج مشورتكم وخبرتكم

« في: 23:23 29/12/2009  »

شكرا للاتخت انجي على الرد طمنتيني الله يطمنج ومثل ما قلتي راح اسوي باذن الله
وشكرا للاخت اسود على الدعوة واسف لان عبالي حضرتج ولد بس العتب على النظر

32

الهجرة و واللاجئين / رد: استلمنه ....الفود ستام

« في: 03:59 29/12/2009  »

اول شي الف سلامة لابو مريم وثاني شئ مبروك عليكم الفود ستامب وان شاء الله يوم الجنسية مثل ما كالوا الاخوان وثالث شي شكرا على المعلومات المفيدة اني قريت مواضيعج وفعلا استفاديت منها خلفالله عليج وربي يوفقكم ويرزقكم ويعافيكم

33

الهجرة و واللاجئين / رد: اخوان محتاج مشورتكم وخبرتكم

« في: 03:51 29/12/2009  »

اشكرك اخوية عكعك فعلا انت عكعك اصيل بس متكلي شنو يعني تطوي تره مدا اعرف معناتها
بقى سؤال واحد بلا زحمة عليك اذا الامم المتحدة حولتني على التوطين يعني اكدر وراها اطمان واكول راح اتوطن هاهيه يعني متظمة التوطين بهالحالة غصبا عليها تلكالي موطن اذا مو امريكا فغيرها ؟
واسف لان خليتك تنتظر بس جنت طالع بجولة تفقدية ليلية بالمنتدى 

34

الهجرة و واللاجئين / رد: اخوان محتاج مشورتكم وخبرتكم

« في: 01:56 29/12/2009  »

شكرا فري مان على النصيحة بس المشكلة اخاف اذا ابقي الوالد خارج الكيس وانقبل اني وعائلتي ونسافر هم ميقبلون على والدي من اقدمله طلب الحاق بينا

شكرا اخي اسود وشكرا للاخ شوقي على الدعاء والنصيحة

اما الاخ عكعك فله شكر خاص بس احب اكله يمعود على كيفك ويانه احنا تره هم من جماعتك كلنا طيور الطايرة بس اكو ناس تطير الصبح وناس تطير بالليل واحنا جماعة الليل 
اما جواب سؤال حضرتك فهو اني مامشتغل لا ويا امريكان ولا ويا غيرهم اني جنت استاذ جامعي لا الي ولا عليا ماشي جنب الحيط بس شنسوي اذا الزمن جار علينا
بس اني مسجل على الامم المتحدة وسمعت اكو ناس دتقدم طلبات توطين من خلالها يعني همه يحولونا على منظمة الهجرة الدولية وهي توزعنا لو على امريكا لو على كندا
واي اسئلة عندك الي اني حاظر اجاوبها كلها وبلا ترك بس شوفلي حل دخيلك عكعوكي انت

35

الهجرة و واللاجئين / اخوان محتاج مشورتكم وخبرتكم

« في: 01:00 29/12/2009  »

السلام عليكم ان شاء الله كل واحد يقرا موضوعي يكون بخير وعافية واتمنى من اي واحد عنده نصيحة تفيدني فاتمنى ما يبخل بيها عليا
هسة نجي لموضوعنا ولشغلتي اللي دوختني وحيرتني وهي
اني طلعت من العراق قبل سنتين اني وزوجتي و3 اطفال ووالدي ووالدتي وهسة احنا بسوريا وسبب طلعتنا انو اجاني تهديد بالقتل عن طريق التلفون . وهسه اني قررت اقدم على الاي او ام  بس المشكلة وين او بالحقيقة هي مو مشكلة وحدة هي اكثر من مشكلة
اول شي ان والدي جان قاضي بالثمانينات وطلع تقاعد قبل التسعين يعني قبل حرب الكويت بس خلال فترة وظيفته كقاضي اشتغل سنة او اثنين كمستشار قانوني باحدى دوائر الدولة الحساسة بس جانت دائرة مدنية مو عسكرية . فاني هسة اكول اخاف اقدم وما انقبل بسبب وظيفة والدي وبقيت حاير ادخل اسمه ويانا لو ابقيه خارج الكيس ومن يسفرونة اسويله دعوة ؟ لو منكول انه جان يشتغل بهاي الدائرة لو ننكشف بعدين ؟ زين وعلى فرض سجلنا اسمه ويانا واجاه رفض بسبب وظيفته فهل الرفض يكون بس اله يعني بس لوالدي والباقين يمشوهم لو كلنا ننرفض ؟ واذا انرفضنا كلنا فهل يسقط حقنا باللجوء والتوطين بغير دولة لو يحولون الملف مالتنا لدولة ثانية ؟
اما ثاني شغلة فهي شغلة التهديد مالتي اللي اجاني بالتلفون شلون راح اثبت اكو هيج شي يعني هيج شغلة تمشي عدهم  ؟ اكو ناس تعرفوهم اتهددوا بالتلفون ونطوهم لجوء لو لا ؟
وثالث شغلة اذا سالوني ليش صارلك سنتين تنتظر وهسة يله قدمت على طلب اللجوء والتوطين فشنو احسن جواب اجاوبهم بيه ؟
اني ادري دوختكم ويايا واسئلتي هواية كلش بس ادري العراقيين اهل مروة ومن واحد يستنجد بيهم الكل تفزعله .
وشكرا الكم يا اهلنا الطيبين