الرسائل

1

الهجرة و واللاجئين / رد: ~ ما بعد استلام الظرف 04/09/2010 عمّان

« في: 18:28 01/05/2011  »

مرحبا اخوان

اليوم واحد صديقي من وجبة 4-9 بلش دورة تثقيفية و كال تقريبا جانوا 25 واحد...عرف اثنين منهم صارلهم سنتين و نص و اكو 2 من وجبة 4-9 و الباقي ميدري..بلكت صدك فكت الجبسة
و الله كريم

2

الهجرة و واللاجئين / رد: اخوان امر خطير امر الفحص الطبي

« في: 21:22 29/04/2011  »

اخوية العزيز بعد التحية....

اذا جان اللي دتكولة صح فالطبيب شخص يؤدي واجبة..و المرة حالها حال الرجال و الطفل بالنسبة اله..و انت تريد تسافر الى مجتمع مدني متطور...مو تكول هذا هيجي و هيجي...اخي العراق بالثمانينات و السبعينات جانوا اشهر اطباء النساء رياجيل و الكل تروج يمهم من المنقبة للمفرعة..

و السلام

3

الهجرة و واللاجئين / رد: سؤال عن الوكالة وتعليماتها .......عماااااااااااانـــــــ

« في: 23:55 06/03/2011  »

الحجي مضبوط بس الخاصة 10 دولار  و العامة 30 دولار و السفارة بعمان متقبل بس دولار و طبعا تكمل الوكالة و تطبعها بمكتب بابل الي بصف السفارة...

4

الهجرة و واللاجئين / رد: معاملات ال iom في عمان - المده

« في: 23:51 06/03/2011  »

حبيبي مو سوة...يعني اني مثلا من تحول ملفي الى ان قابلت اول مقابلة 4 اشهر  و وراها بشهرين يالله محلفين و صار 6 اشهر  عالامنية و كبلها 7 اشهر يو ان و الحمد لله...يعني مو اقل من سنة و ان شاء الله اتصيرلك باقل

5

الهجرة و واللاجئين / رد: ~ ما بعد استلام الظرف 04/09/2010 عمّان

« في: 20:27 01/02/2011  »

مرحبا اخوان....شلونكم ان شاء الله الكل بخير....الف مبروك لاخونا على موعد السفر و ان شاء الله تفرج علكل...اني همين بعدني نفس الشي لا خبر لا جفية لا حامض حلو على كولة اخونا حيدر......صارت ويايه فد شغلة صارلي سنة من ادزلهم ايميل يرجعلي بالعنوان مال ايميل   (JO/CASE NO. NSH)
ذاك الاسبوع جان عدنة جواز نقص بالعائلة طلعنا اتحول عنوان الايميل الى   (JO/CASE NO. NSH STATUS UPDATED RKH)
و طبعا وياها الجواب الطبيعي مال امنية لمن اتصلت بيهم دا استفسر كالوا هاي رموز خاصة بينا و ميصير تسئلون عليها....سؤالي هاي الرموز بيها معنى لو هيجي بس رموز طبعا حسب خبرتكم و شكرا جزيلا على وقتكم و بالموفقية للجميع ان شاء الله.

6

الهجرة و واللاجئين / رد: ~ ما بعد استلام الظرف 04/09/2010 عمّان

« في: 22:54 11/11/2010  »

مرحبا اخوان....اسف عالانقطاع بس لظروف خارجة عن الارادة....الف مبروك علي حصلوا موعد سفر و مبروك للي اخذوا الدورة و ان شاء الله الي منتظر دورة يخابروا باسرع وكت.......اني سالفتي وية ذولة الاي او اوم خبلوني..كلما ادزلهم ايميل ورة يومين بالضبط يخابرون....و جمالة يكولون ماكو شي...كلمن اسئلة يكلي من يدزون ايميل اقل شي ورة اسبوع عشر ايام يالله يخابرون اني ورة يومين بالضبط صار 3 مدري 4 مرة...بحيث اخر شي سئلتة اكو مشكلة عندي؟؟؟كال لا امنية؟؟؟كتلة و الكفيل ممخابري...كلي اي ممخابري...كتلة بشرفك شكو كال احنة نخابر..يابة تسلم.....

الله يفرجها عالجميع ان شاء الله

7

الهجرة و واللاجئين / رد: إلى جماعة 4/9 : كل من لم يخبروه بتأجيل إستلام الظرف مقبول

« في: 19:11 02/09/2010  »

ان شاء االله الموفقية لكل الرح يستلمون و الي مستلمين و دينتظرون

8

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 19:02 02/09/2010  »

كولوا يا الله ان شاء االله  الموفقية للكل و الكل مقبولة.......

9

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 15:23 02/09/2010  »

مرحبا اخوان...خلص اليوم و ان شاء الله اقل الخسائر للجميع...ان شاء الله السبت الكل تتوفق....سؤالي لازم كل الي بالكيس يجون لو بس ممثل عن الكيس؟؟؟؟؟و طبعا سؤال اللاخ السبت همي اكو رفض او تاجيل حسب علمكم لو فقط للقبولات؟؟؟؟؟و بالموفقية مرة ثانية للجميع

10

الهجرة و واللاجئين / رد: اين مكان الفحص الطبي في عمان ؟ ... لو تفضلتم بالاجابة

« في: 14:44 31/08/2010  »

الف مبروك اخ مروان و ان شاء الله يوم السفر...بدون زجمة شوكت جانت تواريخ مقابلاتك؟؟

11

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 20:33 30/08/2010  »

يالله مظل شي....الواحد عايش بالهباطة وية كل دكة تلفون....و ميصدم تصير ساعة 4 العصر حتى يرتاح شوية...الموفقية للجميع ان شاء الله

12

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 01:47 28/08/2010  »

عطب الدماغ صار فترة......ما اسولفلك الخميس جان عندي شغلة و دك رقم مكدرت اشيلة,,,المهم وراها طلبت الدنيا اريد اخابرة يطلع غير مستعمل كلت اكيد دولي و جركت كارت اريد اشوف منو مخابر...شيجيب الخميس و اصبر شلون...الله كريم

13

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 01:02 28/08/2010  »

اكو اغنية اسمها على الله غلى الله خليها على الله ترهم للانتظار....محد مجاوب اكو احد من الي قابلوا ورة 15 8 سووا فحوصات؟؟؟

14

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 15:09 27/08/2010  »

حبيبي لنكولن صح الي دتحجيه بس ترة الانتظار قاتل ادري بعد ورة الكل حصبة و جدري بس الاسبوع الجاي الكل عايشة بالهباطة تتنتظر يوم الخميس يخلص و محد يخابر يئجل موعد استلام الظرف...و الله كريم بعد و الموفقية للجميع

15

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 14:26 27/08/2010  »

مرحبا اخوان؟؟؟شلونكم و شلون المعتويات؟؟؟اكو احد من الي قابلوا من يوم 15\8 و انت طالع خابروهم عالفحص؟؟؟اني مقابل يوم 16 و مخربط شوية و كاعد و مكابل التلفون بس لا يخابرون؟؟؟؟؟الموفقية للجميع ان شاء الله

16

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 01:43 25/08/2010  »

مرحبا اخوان...شلونكم ان شاء الله الكل بخير و بالموفقية للجميع...طبعا اني قابلت بيوم 16\8 و قابلتني السودة ام مناظر الشابة مو العجيزة بس جفصتلي كم جفصة فما اسولفلكم المعنويات...ان شاء الله الموفقية للجميع ان نشاء الله....سؤالي اشو قبل المقابلة وية توقيع الاوراق عل ملف...انطتني الموظفة ورقة كالت تعهدمال خدمة احتياط باميركا...ما اتذكر قاري عليها بالمنتدى الي اتذكرة قاري انه تصير من الواحد يوصل لاميركا....و ان شاء الله الموفقية للكل و الل يوم 4\9

17

الهجرة و واللاجئين / رد: شنو قصة IOM عمان

« في: 19:11 31/07/2010  »

السلام عليكم...ان شاء الله الكل بخير...شنو القصد بالامنية قبل المقابلة؟؟؟شنو تبدل النظام بالجديد؟؟؟؟و شكرا

18

الهجرة و واللاجئين / رد: جماعة عمان.. موعد محلفين :) اخيييييييييييرا

« في: 18:26 16/07/2010  »

الف مبروووووووك..اني همين انطوني موعد على يوم 16/08 و كالوا من غبشة انت و كلشي عندك و اكلك و شربك و يمنا تفضل...طبعا و صديقي المرتة رح تجيب همين انطوا موعد بس صارت بي خوش قصة
قبل ليخابروا بساعة خابرهم ديسئل عالملف مالتة..كلولة عالانتظار مال محلفين ليهسه ماكو موعد..كلهم مرتي رح تجيب مبقة شي (طبعا هاي 3 مرة يخابر و يدز ايميل بنفس الموضوع) كالوا ها مو مشكلة من تجيب اذا قبل المحلفين ينضاف عالملف و يقابل وياهم..الولد كال همزين ورة ساعة خابروا كالوا عندك موعد يوم 16/08 كلهم شنو السالفة قبل ساعة خابرت و كالوا ماكو شي.كلهم مرتي حامل و رح تجيب..ذولة ها صدك...شوكت؟؟؟الولد صفن لانه 3 مرات مبلغهم و ياها ايميل المهم كلولة اذا تريد اناجل الموعد كلهم دخيلكم مصدكت يجي..ورة 10 دقايق نقاشات اتفقوا انه يبقون الموعد على وقته و بس يجي الجاهل يبلغهم راسا على امل يسرعولة الاجراءات مال طفل حتى يلحك عالمحلفين و بعد ما ادري بس خصم لحجي الي يردون عالتلفون كلشي ميفتهمون خاليهم هيجي......و الف مبروك للجميع و يوم السفر ان شاء الله

19

الهجرة و واللاجئين / رد: استفسااااااااااااااااار

« في: 17:38 12/07/2010  »

شكرا عالردود..اني قصدي اذا جابت قبل مقابلة المحلفين..لازم ينضاف الطفل عن طريق الامم المتحدة اول قبل الاي او ام لو عادي يبلغ الاي او ام حتى يضيفوا حتى يكون اسمة موجود بيوم المقابلة

20

الهجرة و واللاجئين / استفسااااااااااااااااار

« في: 16:55 12/07/2010  »

مرحبا اخوان..شلونكم ان شاء الله بخير...عندي استفسار..صديقي قابل وياية بالاي او ام بنفس الوكت بنهاية شهر الخامس و هسه من يتصل بالاي او ام يكلولة انتظار موعد محلفين..المهم زوجته حامل و هالشهر تجيب..تتوقعون يلحك على هاي وجبة لمحلفين هو و الطفل؟؟؟و ورة متجيب مرتة وين يضيف الطفل اول عن طريق الاي او ام لو المنظمة؟؟علما انه تقديمة من عمان...و اسف عى طول الانقطاع..

21

الهجرة و واللاجئين / رد: الأخوة منتظري قدوم المحلفين لعمان iom

« في: 17:03 05/07/2010  »

السلام عليكم..اني البارحة خابرت عالمنظمة و كلولي اسمك بقوائم الانتظار و ان شاء الله قريبا نتصل بيكم..علما اني اولى و ثانية ب 26/05/10  و بصمات يمكن 7/6/10 ...و دا انتظر و الله كريم

22

الهجرة و واللاجئين / رد: سؤال؟؟؟؟!!!!

« في: 21:13 23/06/2010  »

اخوان اني ادري مصار فترة طويلة و اصلا عايفها على الله لان كلبي انشلع وية المنظمة كل اسبوع تلفونات و عركات من عفتهم خابروا بس اني سئلت صار شي جديد لاحد مقدم لان افتهمت من الي اقرا اكو جماعة مخابريهم بصمات ورة شهر هيجي شي...و شكرا عالمشاركة و الردود

23

الهجرة و واللاجئين / رد: سؤال؟؟؟؟!!!!

« في: 17:55 23/06/2010  »

شكرا جزيلا اخوان عالردود...بردتوا كلبي....تسلمون

24

الهجرة و واللاجئين / رد: سؤال؟؟؟؟!!!!

« في: 22:41 22/06/2010  »

هاي شنو اخوان الظاهر الكل مثل حالتي محد اتصل بيهم بعد المقابلة او اني الوحيد الي مقابل ب 26\5....
اخوان عندي استفسار و رجاءا الي يكدر يفيدني بي يسويلي خدمة جبيرة....


مرات تصيريلي شغلات تجيني بيها حوالات مال فلوس من بغداد مو جبيرة بس يعني الفين 3 الالف دولار (مو مالتي)...هاي بيها تاثير عالكيس مالتي؟؟؟ادري سؤال شوية غبي بس اني باجيلهم عالوضع(حال الجميع)...و شكرا عالردود مرة ثانية

25

الهجرة و واللاجئين / سؤال؟؟؟؟!!!!

« في: 00:58 21/06/2010  »

مرحبا اخوان..ان شاء الله الكل بخير...اسف علة قلة المشاراكات بس المشاغل خابصتني مو شلون مجان...اكو احد من جماعة الي مقابلين ب 26/05/10  مقابلة اولى و ثانية اي او ام عمان اتصلوا بيهم علة شي جديد..كلما اتصل بيهم يكولون جملتهم الشهيرة احنة نتصل بيك لمن يصير شي....و شكرا عالردود

26

الهجرة و واللاجئين / رد: سؤال

« في: 01:18 10/03/2010  »

شكرا عالمرور...تدرون شنو المشكلة واحد طكت روحة من الانتظار...ليحد مخابروا جماعة التوطين طلعت روحي....و اني اسمع الاجراءات من تبدي تمشي باليو ان الباقي كلة تصير مقابلات سريعة وراها واحد اذا انقبل يظل ينتظر الامنية و الله كريم...شكرا عالمرور

27

الهجرة و واللاجئين / رد: سؤال

« في: 22:09 09/03/2010  »

شكرا عالمرور...عمي مجاملة بالجذب.......اي حجاية......

28

الهجرة و واللاجئين / سؤال

« في: 18:18 09/03/2010  »

السلام عليكم......
اني تحول ملفي من اليو ان لمنظمة الهجرة مال اميركا ب 19 2 2010 و سويت مقابلة كارت ازرق وراها بكم يوم...سؤالي اكو احد من الي تحولوا بهالموعد او ورا خابرتهم ال IOM؟؟؟؟
و شكرا عالجواب

29

الهجرة و واللاجئين / استفسار جديد

« في: 01:08 23/02/2010  »

السلام عليكم...

قبل فترة سويت مقابلة توطين اولى باليو ان و ماخذوا اي صور...اليوم سويت مقابلة كارت ازرك..بس شنو الي سوت المقابلة راسا اول مدخلت كلتلي الملف تحول للهجرة على امريكا ب 19\2 كتلها يعني المفوضية خلص فلمها كالت صارت شغلتك يم دائرة الهجرة....
سؤالي هو اني محد ماخذ مني صور غير الصور الي قدمتها اول مرة من قدمت عاليو ان و الصورة الي انطيتها اليوم عل كارت الازرك....شنو السالفة؟؟؟؟؟!!!!!!

طبعا و شكرا عالردود مقدما....

30

الهجرة و واللاجئين / رد: استفسار

« في: 00:23 11/02/2010  »

شكرا عالمرور...لا ما اخذوا صور و بالنسبة لامريكا الموظفة كالت ترة ماكو غير امريكا(طبعا جانت امريكية) فعندك مشكلة كتلها لا.....فلهذا اني جان استفساري عالبصمات و شكرا مرة ثانية

31

الهجرة و واللاجئين / استفسار

« في: 00:02 11/02/2010  »

السلام عليكم...ادري سؤالي مكرر كلش هواية بس بصراحة مدا الكي جواب شافي...اني مقدم عالمفوضية من عمان من شهر 7 و قبل اقل من اسبوع خابروني و قابلت مقابلة اولى توطين و كالوا روح و بغضون شهر احنا نتصل بيك..مدا افتهم هذه الروح دعبلة لو اجراء روتيني...و ثاني شي اني قبل ما اسافر جنت ابغداد دا اسوق وكفتني جيك بوينت اميركية تفتيش سيارة عادي بس اخذوا بصماتي و بصمات العين سئلت هاي شنو كالوا للسيكيورتي سيستم و عادي فيما الله فيما الله...اني محجيت على هذه الحادثة بالمفوضية لان بصراحة محد سئل اي شي بخصوص اعتقالات او بصمات..و شكرا على وقتكم