مواضيع

1

الهجرة و واللاجئين / جمعية البلاك لستال ايدورون على حل

« في: 20:25 31/01/2011  »

السلام عليكم اخوان هاي الجمعية للمترجمين الي همة با البلاك لست اخوان مثل ما تعرفون احنا سوونا بلاك لست واكثرنا بدون سبب واتحطمت حياتنا يعني هسة فوك التهديد والموت من المليشيات والقاعدة انوب الامريكان هسة لا سفر ولا شي وانوب حتة هسة ما نكدر نشتغل ويا المنضمات واشركات الاجنبية الي با العراق اخوان شتكولون لو  انسوي اعتصام با ال جي ال اس يلكونا حل ايسوونا اعادة سكريننك شوف شلون وانتم كيفكم بعد نتفق على يوم محدد انروح بيه كلنا بعد ما بيها مجال وانتم كيفكم بعد

2

الهجرة و واللاجئين / الاخوة الاعضاء المحترمون محتاج نصيحتكم ومساعدتكم رجاء

« في: 19:07 26/12/2010  »

اخوان اني طبعا مقدم اي او ام واجاني رفض وسويت استئناف بس ايست من عندة لان اكيد هماتين رفض المهم عندي السبونسر مالتي الي هوة مقدم با الجيش الامريكي وجنت اني المترجم مالتة وعلاقتي بيه جدا قوية والرجال يعرف وضعيتي والي صار بية المهم هوة عندة هماتين الجنسية الالمانية واهلة عايشين با المانيا وسالني شلون يكدر ايساعدني عوة حاضر زين شتكولون يكدر ايحصلي فيزا زيارة لامريكا لو المانيا ومناك اطلب لجو شتكولون يكدر ايسويلي هاذا الشي يعني سؤالي لانه اني مو كرايبة ايصير ايقدم الي طلب فيزا   واذا ايصير شلون الاجرائات الي يعرف ممكن يشرحلي ولكم الشكر

3

الهجرة و واللاجئين / كيف تكتب الاستئناف ادخل واستفاد

« في: 15:11 10/09/2010  »

اخواني كثرت في الفترة الاخيرة حالات الرفض من قبل المنضمة واكو هواي اخوان ما ايعرفون كيفية كتابة الاستئتاف لذلك حبيت اساعدهم با الي اكدر عليه وحسب معلوماتي البسيطة والي يعرف شي ثاني خلي ايضيفة للموضوع للفائدة وشكرا اخوان اول شي لازم تفهم سبب الرفض الي اجاك من المنضمة وعلى هاذا الاساس راح تكتب الاستئناف مالتك لانه مثل ما تعرفون كل ملف يختلف عن الثاني  واتحول من تعرف السبب اتوضح انه كانو غلطانين واتشرح شنو سبب الغلط الي صار با المنضمة واتحاول ان تجيب ريكومنديشنات جديدة من اي ضابط امريكي او اي شركة كنت تعمل بيها اتايد انه انت حياتك بخطر واتايد قضيتك واتساعدك في الاستئناف يعني اوراق رسمية لو صور  بعدين تكتب الاستئناف با العربي ونفس الكلام اترجمة للانكليزي وحاول ان تكون الاستئناف لا يزيد عن 3 اوراق عربي و3 انكليزي وتكتبهة با الوورد واتسويهة سكان وترسلهة على ايمبل المنضمة وكذلك على هاذا الايميل الخاص با الاستئنافات الي بمركز المنضمة بعمان  والي هوة uscis.amman@dhs.gov وتكتب با الانكليزي على كل صفحة من صفحات الاستئناف ليفوك reopning reconsederation  على كل الصفحات  فوك العربي والانكليزي تكتب هاي الكلمات وكذلك تكتب اسمك وتوقيعك على كل صفحات الاستئناف اسمك با العربي على الاوراق الي با العربي واسمك با الانكليزي على الاوراق الي با الانكليزي  وكذلك تكتب  الكيس نمبر مالتك فوك على كافة الاوراق مال الاستئناف  ولازم ايكون عنوان اليميل مال الاستئناف الي ترسلة  للمنضمة هوة هاذا reopning reconsederation وتكتب رقم الكيس مالتك وياه وشكرا واي واحد ايريد اي توضيح او مساعدة اني حاضر لو ايريد ترجمة اني حاضر

4

الهجرة و واللاجئين / اخوان منو يعرف اذا اكو شركات امنية محتاجين موضفين

« في: 18:35 07/09/2010  »

السلام عليكم اخوان اكو مجموعة من اصدقائي واغلبهم كانو  مترجمين ايريدون يشتغلون با الشركات الامنية فاذا اكو واحد يعرف ممكن يمطينا العنواين مهم اب اي محافضة وشكرا

5

الهجرة و واللاجئين / اخوان فهموني شسوي حالتي غريبة مساعدتكم رجاء

« في: 17:53 05/09/2010  »

 السلام عليكم اخوان اريد احجيلكم قصتي واريد منكم النصيحة اني قابلت محلفين بغداد شهر الثاني 2010 ورة شهرين استلكت الرد من المنضكة والتاشير على المربع الاول والي يعني التاجيل والاخوان با المنتدى كالو هاي معناها موافقة المحلف وراها اب 20 يوم اجاني رفض من المنضمة وكان السبب غريب المهم قدمت استئناف واجاني رد من المنضمة انه ايريدون الجناسي والجوازات مال عائلتي او كاتبيلي هاي الفقرة - Please note that it's essential to have a valid passport issued and ready once you are scheduled for travel.

والي معناه انه لازم اتكون جوازاتنا صالحة في حالة وضعنا على جدول السفر سؤالي هو اذا هاذا معناه انه استئنافي مقبول يعني اني الرفض مالي جان من الامنية يعني هسة اني خلصت الامنية مالتي لو بعد  زين هسة اني  شنو مصيري انتضر الامنية لو السفر ممكن اذا واحد امقدم اسئناف او مقبول ايفهمني شنو الي صار وياه ورى قبول الاستئناف  ارجو رد الاخوة الي يعرفون  لانه والله دخت دمرتني هاي المنضمة المن اروح ما اعرف واخوان اكدر اعرف الارقام مال المنضمة مال عمان يعني ايصير استفسر منهم وشكرا

6

الهجرة و واللاجئين / اخوان حالة عجيبة غريبة اكو واحد صاير بيه هيج شي ساعدوني

« في: 19:15 09/08/2010  »

السلام عليكم اخوان اني قابلت محلفين بغداد شهر الثاني وراها اجاني جواب المحلف با التاجيل وراها اجاني رفض قبل 3 اشهر طبعا ما ردت اسوي استئناف المهم اخوية سوالي استئناف او دزة بدون ما اعرف قبل 20 يوم  واليوم اجني ايميل من ال iomعجيب غريب ما اعرف شنو معناه شنو معناه اني مقبول لو مرفوض لو اعادة معاملة من جديد راح انطيكم نص الرسالة با الانكليزي شوفو اكو واحد اجاه هيج شي قبل  وشكرا للجميع  واريد منكم اتفهموني ورى الاستئناف اسوي مقابلة محلفين اذا مقبول لو شنو وشكراPlease be informed that your application is incomplete. It is missing the following items:

1. Biographical information for you and each person you wish to include on your case.
Ø       Please be advised that your qualifying family members are the following: parents, spouse, children (any age, married or single), grandchildren (under 21 and single), brothers and sisters (any age, married or single), brothers and sisters’ spouses, and nieces and nephews (under 21 and single.) In order for grandchildren, nieces and nephews to qualify, they must be on the application with their parents.The biographical information should be in the following format:

2. Jensia (AlBitaka AlShakhsia) for you and each person on the case.

- Please note that it's essential to have a valid passport issued and ready once you are scheduled for travel.
Kind Regard

7

الهجرة و واللاجئين / مساعدة عاجلة الله ايخليكم

« في: 12:31 01/07/2010  »

السلام عليكم اخوان عندي صديق جان يشتغل مقاول ويا الجيش الامريكي المهم كان عندة هواي رسائل توصية من الجيش تثبت عملة وياهم بس فقد كل الاوراق لانه اتهجر من بيتهم المهم هسة عندة ريكومنديشن واحد فقط بقة يثبت انه مقاول يكدر ايقدم بيهعلى ال اي او ام وشلون ايقدم يعني بس المستمسكات لو اكو غير شي وشكرا

8

الهجرة و واللاجئين / موضوع مهم ارجو مساعدتكم

« في: 11:33 02/06/2010  »

السلام عليكم اخواني عندي صديقي امقدم على ال اس اي في بس وحدة يعني ما ضايف اهلة وياه هسة هوة عندة جيف اوف مشن او منتضر المقابلة زين يكدر هسة ايضيف اهلة يعني ابوه او امه  واخوانه لو ما ايصير والشغلة الئانية هوة نفس الشخص امقدم على ال اي او ام بس اهلة وياه با الكيس مالته وبعد كم يوم راح ايقابل مقابلة اولى زين  اذا سافر عن طريق ال اس اي في الكيس مالته راح ينغلق لو يبقى وشنو مصير اهلة اذا راح اس اي في ممكن مساعدتكم وشكرا

9

الهجرة و واللاجئين / البلاك ليست

« في: 10:50 30/05/2010  »

السلام عليكم اخواني شلون واحد يكدر يعرف  سبب الي خلوهم يوضعون اسمة با البلاك ليست لانه اني اشتغلت اربع سنوات مترجم او ما عندي اي مشكلة رحت اسوي سكريننك عادي راسا انطردت بدون لا سؤال ولا جواب سالتهم اليبب ما جاوبوني رحت لل جي ال اس كالو انت بلاك ليست با السكريننك يعني فاشل با السكريننك مو يمنه الشغلة زين هسة اني قابلت محلفين اي او ام وراها اجتني مقابلة المحلف وراها اجاني رفض اريد اسوي استئناف بس ما اعرف شكتب بيه لانه ما اعرف سبب فشلي با السكريننك لانه ما سالوني ولا سؤال مجرد كلولي هاي جنسيتك كلتلهم اي شكد صارلهة عندك كلتلهم اربع سنوات وراها راسا انطردت زين شلون اكدر اسوي سكريننك جديد شلون اعرف يبب البلاك ليسست ممكن مساعدتكم وشكرا

10

الهجرة و واللاجئين / محتاج محامي لكتابة الاستئناف ساعدوني

« في: 16:22 09/05/2010  »

اخواني واخواتي اعضاء المنتدى المحترمين اني امقدم على اي او ام بغداد صار سنتين قابلت مقابلة اولي  وثانية او سويت فحص طبي واستلمت موافقة المحلف هسة اجاني رفض واريد اقدم استئناف بس ما اعرف اذا ممكن اي احد يعرف عنوان محامي مختص بقضايا اللجوء يكدر ايساعدني اكون ممنون اله او الله ايوفقكم محتاج مساعدتكم ابسرعة علما انه اني اسكن بغداد حاليا وشكرا

11

الهجرة و واللاجئين / شلون اكدر اقدم استئناف ساعدوني الله ايخليكم

« في: 11:57 02/05/2010  »

اخوان اني اجاني رفض او ما اعرف شنو رفضي هسة شسوي اكدر ادز ايميل اسالهم على سبب الرفض وشلون ادز الايميل يعني اسوي ري بلي للايميل مالتهم مال الرفض لو ايميل جديد ادز اسالهم بيه عن سبب الرفض لانه ما ذاكريلي سبب الرفض شنو موضوع امني او كبل اني اعرف انه اتعاركت ويا ابنية سوتلي سكريننك سنة 2009 وراها انطردن من شغلي علما انه اني اربع سنوات مترجم هسة اريد اعرف هاي اشكاتبة علية بس همة ما كالولي هذا السبب مال رفض ملفي مرفوض او كبل  شسوي الله ايخليكم فهمزني

12

الهجرة و واللاجئين / اخوان هذا سبب رفضي ممكن اتساعدوني

« في: 14:21 28/04/2010  »

اخوان راح اكتبلكم سبب رفضي ممكن اتفهموني شنو قضيتي لانه دخت والله العضيم  after  a review of all evidence concerning your case    including your testimony supporting documentation,background checks country conditions and other aviailable information as a matter of discretion your application for refuge resettlement under section 207 of the immigration  and  nationality act INA has been deniedيعني شنو قضيتي ما اعرف ممكن مساعدتكم 

13

الهجرة و واللاجئين / اليوم اجاني رفض واتحطمت حياتي

« في: 09:42 27/04/2010  »

السلام عليكم اخوان اليوم اجاني رفض من ال iom مال الامنية يعني دمروني ما اعرف شسوي اني جنت مترجم اربع سنوات اوقبل سنه سويت سكريننك واتعاركت ويا ام السكريننك او من يومهة حياتي ادمرت بطلوني من شغلي او كلولي ما نكللك ليش زين هسة اجاني رفض ما اعرف هاي اشكاتبة علية والله العضيم اني مهدد او مهزوم من بيتي من سنة 2007  لانه كنت اشتغل ابنفس القاطع الي بيه بيتنا زين هسة شسوي لا فلوس لا عمل وين اروح وابركبتي زوجتي و 3 اطفال دمرو حياتي ليش بس مو ذنبهم ذنبي اني الغبي الي صدكت ابكلامهم عن الحرية والديمقراطية والله فكرت انتحر بس اطفالي منو الهم ولو اني هسة كلشي ما امسوي الهم ولا راح اكدر اسوي

14

الهجرة و واللاجئين / جمعية جديده جماعة المحلفين بغداد شهر 2 ارجو التسجيل

« في: 12:11 19/04/2010  »

السلام عليكم اخواني جماعة iom بغداد الي قابلو محلفين شهر الثاني هاي جمعية جديدة اذا تحبون اتشاركون بيهة علمود كلنا نعرف وين صارت قضيتنا التطورات مالتهة انكون اصدقاء يعني ايجوز انصير كلنا قريبين اذا ان شاء الله انسافر ما بيهة شي المساعدة حلوة كلنا عراقيين او رايحين للغربة يعني الف صديق ولا عدو واحد   وبكل خرابة خليلك كرابة هههههههههه اتمنى الموفقية للجميع

15

الهجرة و واللاجئين / الي امقابلين محلف ابشهر الثاني بغداد اجاني رد المحلف

« في: 14:47 07/04/2010  »

السلام عليكم اخواني اني قابلت محلف بشهر الثاني يوم 6 اجاني الرد اليوم والرد هو انه التاجيل بعدهم كاعد ايراجعون قضيتي مثل الاخ كوسوفي والله كيم طبعا كايلي منعرف يمته راح ناخذ قرار نهائي انتضر او لا اتلح يعني طردة ابنزاكه والله كريم واتمنى الموفقية للاخوان الباقين بس ما اعرف يعني شنو رفض لو لا

16

الهجرة و واللاجئين / جماعة بغداد الي قابلو محلفين بشهر2 اجاكم رد محلفين

« في: 08:34 24/03/2010  »

يمعودين قابلت محلفين يوم 6 شهر الثاني او ماكو اير رد من المحلفين اذا اكو اي شخص قابل شهر الثاني واستلم رد خل ايكولنا لانه تعبنا من التفكير وشكرا

17

الهجرة و واللاجئين / اطلب من الاخوان مساعدتي با النصيحة وشكرا

« في: 11:04 17/02/2010  »

اخوان اني صار سنة اونص من قدمت على برنامج iomالمهم قابلت اول مقابلة  شهر العاشر 2009 اوقابلت ثاني مقابله قبل 11 يوم اني او زوجتي واطفالي المهم اجاني هسة موعد فحص طبي بعد اسبوع سؤالي هوة اني اني كنت اشتغل مترجم ولمدة اربع سنوات متواصلة بدون انقطاع او ما عندي اي مشاكل بس شهر الخامس 2009 اتحولتي وحدتي من معسكر  لويلتي الى معسكر همر وراها بحوالي اسبوع رحت اسوي سكريننك علمود الباج ابمعسكر همر راسا انطردت وبدون سبب سالت ابو السكريننك ليش اني شمسوي كال ما اكولك انت مطرود ردت اعرف السبب مكا جاوبني المهم راجعت لل glsكالو والله ماكالونا ليش طارديك بس انه انت فاشل با السكريننك زين هوة اصلا ابو السكرييننك ماسالني ولا سؤال علمود اجاوبة بس اخذ جنسيتي وراها كال انت مطرود ليش ما اعرف  زين اخوان شتكولون راح افشل با الجيك الامني لو لا ما اعرف هسة اني مهدد والله العضيم منطقتنا اني طالع منها من سنة 2006 زين شنو مصيري ما اعرف اريد اجوبتكم اخوان وشكرا