الرسائل

1

الهجرة و واللاجئين / رد: تليفون اليو ان عمان عاطل؟؟؟؟؟؟؟؟؟؟؟؟؟؟؟؟؟؟؟؟؟

« في: 22:27 15/03/2010  »

نفس المشكله اني صارلي 3 ايام ادك عليهم
ماحصل

جنت ادك على هذا الرقم

5502141


بعدين اكو رقم مكتوب على ورقه اليو ان دكيت عليه حصلت طلعت وحده

كتلها اريد اسال عن ملفي كالت يم قسم المعلومات

كتلها ادك ماحصل كالت اي التلفون عاطل انتضره يصير وخابر

2

الهجرة و واللاجئين / رد: تحول ملفي الامريكا شكد الفتره الى ان يتصلون بيه ؟

« في: 17:13 07/03/2010  »

شكرااااً على ردودكم والله يجازيكم خير

3

الهجرة و واللاجئين / تحول ملفي الامريكا شكد الفتره الى ان يتصلون بيه ؟

« في: 23:52 06/03/2010  »

السلام عليكم تحول ملفي الى امريكا بتاريخ 19/2/2010

شكد ننتضر تقريباً يالله يخابرونه بمقابله



والكارت الازرك سويته بتاريخ 22/2/2010

همين شكد يطولون يالله يتصلون بينه نروح نستلمه ؟

4

الهجرة و واللاجئين / رد: جنسيات للبيع

« في: 11:55 25/02/2010  »

اصلا بالعراق كلشي مينرادلك
بس تعبر الحدود , انت صرت عراقي ومسموحلك تكتل اهل البلد وتهجرهم والحكومه اتساعدك عليهم وتهجر الي كعدت يمهم
واذا انت ما تعرف اللغه مثلا لانك افغاني وجاي للعراق بعد اسهل
اتروح للرمادي وتاخذلك غنيمه (( بيت ومره وسياره)) مال فد واحد وهابي انقتل وياك في سبيل الله وتصير عراقي وتجيبلك خادم من الرمادي ايترجملك
واذا انت من ايران وتريد تدخل للعراق وتملك النجف كليتهه هم اسهل منهه ماكو
بس تجي للزياره مال امير المومنين وبعدين اتمر على بيت الحكيم اتكوللهم اني ايراني واريد بيت وسياره بالعراق واريدلي  كم مليون دولار  لان اني بايران فقير وما عندي بس 20 مليون دولار
راسا يكتلون العراقي الي ساكن بذاك البيت وراها ينطون للايراني كلشي من ضمنهه جنسيه اصليه طالعه من الدائره مال الكراده


مو احلى شي واحد ياخذ جنسيه بالعراق ؟؟؟؟؟

وعيني شيسوي بالجنسيه العراقيه اذا هيه بالحدود العراقية تدخل بالكوه

5

الهجرة و واللاجئين / رد: ماهي كمية الذهب المسموح به بالسفر من العراق ؟

« في: 10:34 23/02/2010  »

اخويه عدنه قانون غريب شويه

طلع شكد متريد فلوس بس لطلع ذهب

بالقانون ميصير يطلع ذهب بس اكو هوايه يطلعون ذهب لكن اذا لزمو يمك يخلو بالبنك من ترجع اخذه وينطوك شي بسيط تسجله بجوازك

من ترجع لازم نفس الوزن مال الذهب الي طلعت بي يكون عندك بس طبعاً شي بسيط كلش

يعني سوار كلاده محبس هذا بالنسبه للقانون



لذالك اني انصحك نصيحه الذهب الي عندك بيعه بغداد واخذ فلوسه حولها للدوله الي انت دسافر الها ومناك اشتري


اذا جنت تريد تخلص من سالفه الذهب كلها

لكن اذا عندك مجال وخلك طويل

اخذ وياك جزء واطلع والباقي خلي يم ناس عرف

من يسافر احد منهم او اقاربك كلهم ينطو جزء يجي بي

وكذالك الى ان تخلص


بس بنضري تاخذ الزين منه والي تحبه المره والباقي بيعه وحول فلوسه وهناك انطي فلوسه للمره هاج هاي فلوس ذهبج روحي اشتري بيها ذهب مره ثانيه

هيج احسن وتريح راسك

6

الهجرة و واللاجئين / رد: اللاجئين العراقيين في الولايات المتحدة

« في: 10:01 23/02/2010  »

المفروض اذا جان اكو واحد بالدوله العراقية همه شعبه من صدك ويريد يساعد شعبه

يسويله مساعده للاجئين الي بره مو يعتبر المساعده هيه يدزلهم طيارات لدول الجوار تاخذهم بلاش ويطيهم بالحدود مليون دينار ويرجع ينكتل

وتروح المليون فلوس الدفنه

لو يركض وراهم بالدول الاوربيه ويحرض عليهم تعالو رجعو


مو فضل منه اذا ساعه العراقين بمنحه ماليه بالهجره مو صعبه منه اذا سافر الهم وكلهم تعالو انتو عايشين بره انتو معرضين لكل شي معرضين للتشرد معرضين للاستغلال من اي طرف كان كولولي شمحتاجين


عمي ابسط شي خلي يسوي برنامج بره الحصه التموينيه العراقي يستلمها بامريكا مثل الفود ستام

بس هاي لو يسويها العراقي يتغير وضعه


مو بحالنه احنه هاي هسه انتخابات الكل تركض وره الشعب احنه واحنه ونسوي ونشخط ونعور

وكله جذب

7

الهجرة و واللاجئين / رد: اني عضو جديدة بالمنتدى وارجو مساعدتي

« في: 19:34 22/02/2010  »

ادري متكلي شنو الاحلام الي بكندا وما تكدر اتسويهه بامريكا ؟؟

اشو البلد ثلج ثلاث تربباع السنه بارده موت

اول شي ينطوك راتب لمده سنه

تكدر اجر نفس واذا مشتغلت يمددولك سنه ثانيه


ثالث شي شغل متوفر

رابع شي الدوله تنطيك منحه دراسيه تكدر تدرس وتسدد من تشتغل الاقساط


خامس شي اول مطب ينطوك اقامه وره 3 سنين جنسيه


سادس شي اقاربي هناك يعني شويه احس اكو احد اعرفه يوكفلي اذا حتاجيت شي




بالنسبه الاحلامي الي ادمرت


الي هيه اول شي ادرس لان ينطوني فلوس ادرس بيها واسدد بعدين


واكدر اشتغل بسهوله وشغل زين



جنت مخلي بالي حلم انو ادرس وبعدين اشتغل وبعدين ازوج متكلي بيا منحه راح ادرس بامريكا ؟

متكلي بيا شغل راح اشتغل بامريكا

كل هل حلم الي راح مني وتكلي ياحلام بكندا عمي كندا وين امريكا وين

8

الهجرة و واللاجئين / رد: اني عضو جديدة بالمنتدى وارجو مساعدتي

« في: 18:00 22/02/2010  »

اني همين خابروني كالو جيب صوره دنسوي الكارت الازرك

رحت فرحان طبيت يم الموضفه دسوي الكارت

كالت ملفك تحول الامريكا

طبعاً شنو الصدمه جنت واكف اني

من كالت عضيت شفتي ونداريت على الباب ردت اضربها كله واني منا عصبي

لان صدك صدمه اني همين كرايبي بكندا

ذبوني بامريكا يعني خصم الحجي اكلكم


من كالت تحول الامريكا

ادمرت كل الاحلام الي جنت احلم بيها

بس شنسوي

9

الهجرة و واللاجئين / رد: ارجو المساعدة....زوجتي تحمل الجنسية المصرية والعراقية....IOM بغداد

« في: 17:26 20/02/2010  »

اخويه موضوع زوجتك مياثر

لان انت المعيل وانت ابو القصه والكيس

ثاني شي مصر من ضمن الدول الي يسفرون من عدها العراقين

مو بلد اجنبي حتى نكول ميسفروك

ومصر متطي اقامات وانت عندك اقامه اوكي بس مو مستمره

واهم شي تركز على هاي النقطه


كلهم ماعرف باي لحظه يكلولي غادر لان اكو بشروط الاقامه الدوله الها الحق الكامل تلغي الاقامه وتطلب منك المغادره باي وقت وحتى الشرطي بالشارع اذا ضاج منك يكسر الاقامه واله كل الحق ومحد يكله لا
لا انت ولا اي احد

فه انت كلهم هل حجي كلهم تنتهي على لحضه وممكن اي شرطي بمصر يكسر اقامتي وينتهي كلشي


لتكول همه يعرفون صح يعرفون بس انت لازم تحجي


مرات اكو ناس ميدققون بالامور هوايه مثل مره وحده من الاعضاء هنا صارت وياها كالت للموضفه رجلي نخطف ودفعنه فديه

كالت ليش دفعتو هذا يعتبر دعم للارهاب كالت الها لعد شلون مو يكتلو لزوجي

كالت اي هيجي كولي كولي دفعت فديه لان اذا مدفعت يكتلو لزوجي

هوه شي طبيعي اذا ميدفعون يكتلو والموضفه همين تعرف


بس هيه عدها ملف كبالها لازم تكتب التفاصيل فه وضح كلشي بالضبط

10

مواضيع الحياة العامة في بلاد المهجر (امريكا) / رد: سؤال للمتواجدين في فرجينيا ..ارجو الاجابه

« في: 23:41 19/02/2010  »

الاخت العزيزه جورجيا بالنسبه الى الاماكن القريبه من واشنطن دي سي العاصمه فاسعارها غاليه جدا وليس كما ذكرها الاخ Hamada 2  حيث انا اسكن في مقاطعة فيرفاكس وفي مدينة فيرفاكس حيث تبعد عن واشنطن دي سي حوالي ربع ساع الى عشرين دقيقة بالسياره ومعدل اسعار الايجار الشهري للشقق كالاتي: شقه غرفة نوم واحده ( 1000-1200) , غرفتين نوم ( 1250-1400) , ثلاث غرف نوم ( 1650-2100) وهذه الاسعار لاتتظمن اليوتلتيز اي الماء والكهرباء والخدمات . تقبلي فائق احترامي واي سؤال اخر اني بالخدمه
دعائي للجميع بالموفقيه
اخوكم ابو عادل الخالي

سترك ربي

2100 دولار ايجار شهر


وعاااااااااااااااااااااااااااااااااااااااااااااااااا

11

الهجرة و واللاجئين / رد: سواها الحظ وظاع

« في: 22:08 19/02/2010  »

للتوضيح فقط

اضافتا الى كل ماذكرتموه . واذا كان الشخص الي مضيع او فاقد جوازه

تقوم المفوضية السامية للاجئين في الاردن الى ( اصدار جواز صليب احمر ) للسفر الى بلد التوطين الثالث

يعني لاينشغل الي مضيع جوازه ومبلغ عنة وما كدر يطلع غيره


( يبلغ الامم المتحدة قبل اسبوعين من موعد السفر . وتكون المفوضية لديها العلم الكامل  . لان الشخص يكون عند فقدانه الجواز . يكون اسمه ورقم جوازه موجود في دائرة الاقامة والحدود ومبلغين على الكمبيوتر عدم خروج هذا الاسم من الاردن . لكن في حالة سفر الشخص المعني وصاحب الجواز الاصلي بدون ذلك الجواز وعن طريق (جواز الموقت للصليب الاحمر )  يكون لديهم العلم المسبق  بتسهيل سفر ذلك الشخص بدون اي تاخير


وللتوضيح اكثر
يراجع الشخص المعني فاقد الجواز الى  الامم المتحدة  والذي استلم موعد خط رحلة ويبلغهم بالحادثة ويعطيهم التبليغ الذي يثبت ضياع الجواز او سرقته

سوف تتصل به الامم المتحدة بعد ثلاث ايام  لكي تبلغه بالذهاب الى مقر الصليب الاحمر في الاردن والذي يبعد عدة امتار من مبنى المفوضية . لكي يوقع ويبصم على الجواز المؤقت (جواز صليب احمر)

وهذا الجواز هوة الذي يخرجه ويدخله الى امريكا

واي سوال اخر اني حاضر ( بالنسبة للاخوة الي بالاردن)


للتوضيح فقط

تسلم اخويه العزيز على هاي المعلومه

والله يفرحك مثل مفرحت هوايه ناس بهل خبر

لان صراحه مشكله الي يضيع جوازه

12

الهجرة و واللاجئين / رد: يا جماعة بس انصحوني اسافر لو لا ؟ الواصلين امريكا شيكولون ؟؟؟؟؟

« في: 15:27 19/02/2010  »

تعقيب على بعض الاخوان الي كالو الغربه صعبه على البنيه

هيه صعبه على الكل

بس هذا الخوف على البنيه من الاستغلال مثل منفكر بالدول العربيه بنيه تروح لبلد

يستغلوها شي


بره صح اكو هل شي بس اكو قانون

اكو منضمات

ميخلون وحده تنجبر يستغلوها



القانون وياها واخو خيته الي يتعرض لبنيه وتشتكي عليه

اخاف بالعراق يعوفو او البنيه مالها حق بالعراق

بره البنيه الكل بالكل


وهاي الاردن احجي ويه بنيه وخلي تعيط بالشارع شوفو شيسون بي الشرطه

عاد لو امريكا

13

الهجرة و واللاجئين / رد: يا جماعة بس انصحوني اسافر لو لا ؟ الواصلين امريكا شيكولون ؟؟؟؟؟

« في: 15:17 19/02/2010  »

عيني انتي

صح لازم ترضين بلي عليه انتي ومتتبطرين

انتي لا تقيسين حياتج بس على عندج شغل

ربج الي رزقج بهذا شغلج يرزقج بغيره



العراق ممضمون استقراره من قبل

حروب وحصار


وخلي هل مميزات بالج مموجوده بالعراق

بعد عمر طويل تكبرين ويمكن تصولين مرحله متكدرين تشتغلين شلون تعيشين ؟

هناك بامريكا ينطون راتب للمسنين يعني مجرد احساسج انتي بره من تكبرين مراح تتبهذلين لان همه يهتمون بكبار السن يخليج مرتاحه


ثاني شي الامان وماكو حروب هذا همين شي يخليج مرتاحه

بالعراق متعرفين يادوله راح تدخل حرب ويه العراق على غفله اذا ايران او اي دوله مجاوره او بعيده عن العراق

بس كلها طامعه بالعراق

امريكا محد يكدر يتقرب منها


ثالث شي تحصلين جنسيه اقوه من الجنسيه العراقيه ويه الدول العربيه

يعني بالجنسيه الامريكيه وبالجواز الامريكي ادخلين كل دول العالم ركض بس بالعراقي

بالكوه تفوتين لمصر ابسط شي

رابع شي اذا انتي عندج حاليا فرصه عمل بالعراق ودتشتغلين

تحصلين جنسيه تصير عندج فرصه عمل بالعراق وبدول الخليج

امريكيه يعني الكل تشغلج


خامس شي اولادج من تزوجين تصير عدهم جناسي

سادس شي اذا حصلتي جنسيه رجعي للعراق عادي وشتغلي بالعراق

واذا ياسامح الله صار شي انتي عندج دوله تروحين الها مو ترجعين ادورين دوله تلفيج ونفس هاي المعانات ترجع





سابع شي بالعراق هسه دصير عنده جفاف ونهر دحله والفرات بده المي يقل بيها وماعرف شلون وضع العراق راح يصير بعد كم سنه


لكن سمعتي مره امريكا عانت من ازمه ماء ؟

حتى لو نكطع بامريكا

امريكا عدها استعداد اطب على دوله حتى تحصل المي مالها

مثل مطبت للعراق حتى تحصل النفط ماله


خصم الحجي امريكا مال تعوف شعبها يتبهذل على شي جذب




تدوسي على نفسج وتحملي 5 سنين معانات ياسامح الله بامريكا بس حصلي جنسيه

ورجعي للعراق وعيشي عادي المهم هل فرصه لضيعيها منج العمر كله


تضلين متندمه عليها

14

الهجرة و واللاجئين / رد: سواها الحظ وظاع

« في: 12:00 19/02/2010  »

يروح على اقرب مركز شرطه يقدم بلاغ لان تره الجواز ابد شغله مو سهله عند الشرطه يعني ليعتبره مستمسك عادي وخلص طبه مرض اروح اطلع من السفاره

الجواز بلد ثاني شي مو سهل لازم يهتم بالموضوع ويقدم بلاغ للشرطه

الشرطه راح تنشر تعميم على كل الحدود والمطارات انو هل جواز اذا احد شايله ينلزم وممنوع يطلع

ثاني شي راح تكلك روح سوي اعلان بجريده معروفه بالاردن مثل الراي بس مو يروح يسوي بالوسيط او عرض وطلب هاي مياخذون بيها

لازم جريده مثل الراي همه يكلولك وين تروح تسوي الاعلان

من يروح يسوي الاعلان ينطو وصل ويكلوله الجريده مثل باجر تنزل ثاني يوم تروح على اقرب اسواق او مكتبه

ويكله اريد جريده اليوم يفتحها ويدور بيها بالاخير عن اعلان الجوازات والمفقودات

راح يشوف اعلانات كومه ويا مصرين وعراقين مضيعين جوازاتهم يشتري الجريده يخليها يمه


بعد الاعلان اذا مخابر احد يرجع للشرطه ويكلهم هذا الوصل وهاي نسخه من الجريده و محد خابرني همه راح ينطو ورقه للسفاره العراقيه انو احنه حققنه بالموضوع وتضح انو فعلا هل شخص مضيع جوازه فه السفاره تسويلك بدل ضايع


بس اني همين انصح يسوي اعلان بجرايد مجانيه مثل الممتاز والوسيط لان هاي الكل تقراها لان بلاش
فه بلكي ابو التكسي شريف يشوف اعلانك ويخابرك
لان هوه جواز شيسوي بي ومسؤليه عليه همين اذا الشرطه عرفت بالموضوع وشافته عنده ينلعب بي طوبه

15

الهجرة و واللاجئين / رد: الاخطاء الشائعه من قبل بعض موضفي الجوازات والجنسيه في العراق..وخاصة في السنوات الاخيره

« في: 03:01 19/02/2010  »

اني همين صارت ويايه شغله الجواز G

مواليدي 89 كتبو بالجواز82 والجنسيه والهويه 89


ومشت عليه بالاردن الاقامه مالتي كتبولي 82 وجازه السوق 82

تخربطت كل اموري وباليو ان همين الموضفه كالت شنو القصه كتلها هيج وهيج السالفه مجاوبت بس خايف لا همين ياثر هل موضوع عليه


واني جبت ورقه من السفاره العراقيه بالاردن على هل غلط وكتبولي بالورقه احنه نعترف انو هذا غلط وانو المواليد الصح هيه 89 وتوقيع السفير مادري القنصل وختم السفاره والله كريم