الرسائل

1

الهجرة و واللاجئين / رد: هومْ سِكْ ... سِكْ هومْ

« في: 11:31 26/10/2010  »

السلام عليكم

اخي الغالي موضوع الحنين الى الوطن هو الحنين الى الاصدقاء والاهل والاقارب

اخويه بس الدنيا اتغيرت وكلمن هسه مشغول بنفسه وبحياته ومحد يسال على التاني الا بالمناسبات  واني شخصيا تعبت من هاي الشغله بس ورة مده الشغله صارت عاديه وبالبدايه لمن كنت اصادف موقف معين اقول ايباه هاي لو بالعراق كان سويت هيج وهيج او ككان ما صادفني اصلا بس يوم بعد يوم اتعلمت على احياه خارج بلدي ولغتي واهلي واصدقائي وطبعا مستحيل الاقي شيء ايعوضني عن وضعي بالعراق بس بعد مشيت بطريق ولازم اكمله للنهايه لانني عراقي عنيد ما اعرف الياس والفشل واحب اكون دايما راسي مرفوع وماانطي مجال للعذال ان يرتاحون نهائيا لو على قص رقبتي وتقبل مروري

2

الهجرة و واللاجئين / رد: س: العملية التجميلية و السفر ؟

« في: 16:44 20/10/2010  »

اخويه هيه تعتمد على الخشم وحجمه ههههههههههههههههههههه اذا كان ايشكل علامه فارقه اكيد لازم ايوثقهب الصور هههههههههههه


تقبل مزاحي اخويه يوم توصلون بالسلامه

3

الهجرة و واللاجئين / رد: اخر المستجدات عن اللجوء في فلندا ( اماكن التسليم)

« في: 16:17 20/10/2010  »

السلام عليكم

شكرا جزيلا اخويه صاحب الموضوع بس اخوان تره التهريب مو مضمون وميفيد وكله مخاطرة وبهذله احسن شيء على اليو ان واني اعرف ناس طلعوا لفنلندا عن طريق اليو ان والحمد لله مرتاحين بس ايكولون انه الجو كولش ايتعب النفسيه هناك بس بالنسبه للمساعدات مال اللاجئين زينه واتعيش الواحد بس فنلندا غاليه كولش بكلشيء وطبعا اكرر التهريب مو مضمون وما انصح بيه واحد ويرادله ناس بايعيها كولش مع احترامي لاخواني الى وصلوا تهريب هذا الحجي من اصدقاء اهواي عندي طلعوا تهريب وهسه متبهذلين واكو بيهم انرفضوا وايسمعون صوتكم ببغداد  فلا تتورطون ابدا واعرف ناس طلعوا قبل يمكن اسبوعين على اساس لتركيا ومناك للسويد بالطيارة وصلوا لتركيا والشغله جذب طلعت وهم اتورطوا وهسه همه هناك ايدرون على تهريب عمي شنو هالوزة اخواني استهدوا بالرحمن واتوكلوا على الله ورحوا للامم اني وصلت لعمان قبل 6 اشهر والحمد لله انقبلت وهسه على اميريكا وكولشي قسمه ونصيب تره اوربا بيها مشاكل مال عنصريه لان السكان هناك كلهم اصليين مو متل اميريكا  من كل مكان وانتم بعد براحتكم

4

الهجرة و واللاجئين / رد: فحص طبي رابع في عمان؟؟؟؟!!!!!!!!!!!!!!!!!!!!!!

« في: 19:36 25/08/2010  »

اختي الغاليه راح اموت من القهر

انسي يالموضوع اشويه وحاولي لااتفكرين بيه لان انتي امبينه متاذيه منه تره اتصير اسوالف والله  عيني انتي الحمد لله مقبوله وكلشي بس الشغله انهم مرات اكو ناس صدك يتظلمون بالانتظار عيني ارحمي نفسك وانسيهم اشويه همه ماراح ايغلسون على قضيتك ومن تجي اوراقك اتسافرين بسلامه حاولي عيشي حياتك بصورة طبيعه ارجوكي وهذا الكلام لباقي الاخوه المنتظرين خلوها على الله كلشي بامره

5

الهجرة و واللاجئين / رد: للهجرة ولاجئين

« في: 15:27 21/08/2010  »

اختي نيرانكو الف مبروك على التوطين بس انتي لو تتصلين بالهجرة وتساليهم احسن كوليلهم ملفي وصل يمكم راح ايطلبون رقم ملف المفوضيه وشوفي شيكوللك 

اسمك ذكرني بسامكو

6

الهجرة و واللاجئين / رد: الشرطة العراقية الجديده

« في: 17:12 19/06/2010  »

لاماترهم قضيته بس يذكر انه كان شرطي واتهدد لانه كان شرطي ايصير ايقدم بس ما ينقبل

7

الهجرة و واللاجئين / رد: أعادة استمارة Ds-157 ارجو المساعدة من اهل التجارب السابقة

« في: 17:07 19/06/2010  »

يابه السلام عليكم
 
كوندا

قل لن يصيبكم الا ماكتب الله عليكم

8

الهجرة و واللاجئين / رد: ويكولون المترحم مو متهدد عمي ؟شوفوا هاي السالفة ؟حسبي الله ونعم الوكيل

« في: 17:03 19/06/2010  »

هاي شنو الحاله الغريبه الي معروف ومنتشر الاب الي ايعاقب الابن بس اشو هاي الحاله بالعكس زين اكو شغله ادري ماكو علاقه ابويه تربط الاب بالابن الاب هاي شنو قضيه غريبه والعراق صار ابو الغرابه والله العراقيين الطيبين الي على نياتهم الناس الي بحالهم الله ايساعدهم

9

الهجرة و واللاجئين / رد: من لديه معلومات عن الاعاصير في امريكا وكيفية مواجهتها فليتفضل

« في: 17:22 04/05/2010  »

احسن واقوى طريقه امواجهة الاعصار

هيه الهروب من المنطقه الي هو بيها لان اكيد ما راح تكدر اتواجه الطبيعة لمن اتكون عصبيه

10

الهجرة و واللاجئين / رد: تشابه الاسماء

« في: 17:21 04/05/2010  »

يعني اكو امراءة نفس اسمها وهمه ايريدون يتاكدون بس روتين وبعدين تمشي الامور

11

الهجرة و واللاجئين / رد: هم اكو احد رفضو بعد استلام الضرف

« في: 17:09 04/05/2010  »

ايه اكو واحد اعرفه استلم ظرفة مقبول وفحص وبقة سنتين ينتظر الامنيه ووراها دزوا عليه وانطوة ظرف جديد بيه الرفض ايه اكو يعني بس نسبة 1 بالميه او اقل ونادرا ما تصير

12

الهجرة و واللاجئين / رد: الى كل الاخوان الي بلبنان والي كانو بلبنان سابقا ارجو الدخول

« في: 16:59 04/05/2010  »

عيني اني الي اعرفة لازم اتروحح اتسجل باليو ان وهمه ايحددون الدوله من وره التوطين

13

الهجرة و واللاجئين / رد: نصيحة للي بعدهم ما وصلوا امريكا

« في: 16:57 04/05/2010  »

اولا الحمد لله على سلامت المدام وثانيا شكرا جزيلا للنصيحه الذهبيه  الي العديد من الناس ان شاء الله ياخذون بيه

14

الهجرة و واللاجئين / رد: من عمان الى فنلندا

« في: 17:42 27/02/2010  »

حياوي بالخير عليك تستاهل الخير ياورد بس اذا امكن تشرحلنا شكو ماكو اب فنلندا  الحمد لله على سلامتك وشايف الف خير

15

دردشة منتدى الهجرة واللاجئين / عضو جديد

« في: 17:40 27/02/2010  »

الشسلام عليكم اخوتي واخواتي الاعزاء اعضاء المنتدى المحترمين الي صيتهم طش بالشرق الاوسط والاميريكيتين واوربا واسياواستراليا ونيوزيلنده ووين ماكو عراقي بالمعموره احب ان اتعرف عليكم اخوكم الصغير عصفور بالقفص ادعولي ينفتح باب القفص وافلت وتقبلوا فائق الاحترام والتقدير وشكرا جزيلا لكم