عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - moonlightiq

صفحات: [1]
1
الهجرة و واللاجئين / رد: ~ ما بعد استلام الظرف 04/09/2010 عمّان
« في: 03:57 27/05/2011  »
مساء الخير
بالنسبة ألي ، بالدورة  كلولي راح يجيك موعد في بداية شهر خمسة وصحيح سافرت 12-5
فحجيهم صحيح
وفعلآ حتى المسؤول علي بالمنظمة أهنا  كلي ماكو لاجئين الأشهر الي راحت ومتوقعين بالأشهر الجاية ترجع الامور أحسن
يارب تنفرج عليكم وتجوون وتنصدمون وتكولون هذوله شلوون حاربناهم !!!

2
الهجرة و واللاجئين / رد: ~ ما بعد استلام الظرف 04/09/2010 عمّان
« في: 01:23 18/05/2011  »
السلام عليكم

في البداية, حبيت اشكركم جميعآ متمنيآ لكم الفرج القريب العاجل وراحة البال

طبعآ جان ويانا بالطيارة اربعة عوائل فقط من عمان ولا واحد من العراق وكلهم متأجلين مرتين من شهر الثاني والثالث وكلهم يستغربون مني لان ما عندي تأجيل

دير بالكم على الوزن وليس الحجم ... أكرر ... جيبو شنط جبيرة ولا تحيرون بالحجم مثل ما سويت آني كلسع اقيس حجم الشنط ... اهم شي هو الوزن ... وشغلة ثانية ... الهاند باك ما كو احد وزنها بأي مطار , حرامات جنت موزنها ومقلل الغراض ... وبالنسبة للعائلة تكدر تجيب ثلاث او اربعة شنط صغيرة اكل وملابس تغيير وماكو احد علق او مانع آني هيج سويت... بس يشوفون اطفال كلشي يتسهل ...
 الغلطة الثانية ... حاولو تسوون سندويشات صغيرة وخفيفة لان الترانزيت بالمطارات طويل وقته وأكلهم غالي وصعب تلكه اكل مناسب ... اشتريت سندويشات صغيرة بيها شوية دجاج وخس من مطار هيثرو لندن , الوحدة بثمانية دولارات ...

 اتوقعت أجد وايرلس نت بالمطارات بس ماكو هيج حجي ... كله اشتراك وبفلوس !!!

رحلتي جانت من عمان الى هيثرو ... انتظار خمس ساعات ... بعدين الى شيكاغو وصلنا بالليل واستلمونا شباب الIOM عراقيين خوش ولد ... استلمنا الشنط ووصلونا لفندق صغير بس يلمع من النظافة طبعآ مع وجبات عشاء وفطور بوفيه ... ثاني يوم من الصبح بعد الفطور ومن الثمانية رحنا للمطار واتفرق الكرووب كل عائلة لوجهتها ... ظلينا بالمطار 8 ساعات ونصف بسبب سوء الحالة الجوية وبعدين ركبنا طيارة اتلانتا جورجيا واستلمنا الكفيل اهناك ... ظلينا مرضى ومكسرين يومين من ورة هالسفرة وشيلة الجنط ... شلون عبالك الواحد من يروح جم _ ويلعب حديد اول ايام يكون متشنج

طبعآ صارت شغلة حلوة بطيارة اتلانتا الاخيرة ... جنا آخر ناس أحنه دنصعد وجنت وره واحد امشي من صعدت بالطيارة فهو ما  وجد مكان يضع الهاندباك مالته وقال لي : لا يوجد مكان خلي نطلع نشحنها بره .. كلتله اوكي فدنطلع بعدين  وجد مكان في بداية الطيارة ووضعها في المكان ورجع ... وآني همينة رجعت ... طبعآ كعدت في مكاني وهو طلع مفصول عن زوجته بالاماكن وطلعوا غلطانين وياه فسوه هوسه ومن عصبيته نسه الهاندباك وين خلاها ... ظل نص ساعة يفتح الخزائن اللي بالاخيرة عباله اهناك وأخرنا وطلع كابتن الطيارة فبعدين انداريت وشفت الهوسة فكمت وكلتله بصوت عالي : انت حطيت الشنطة في البداية .... فكلي مستحيل ... كلتله جرب وشوف ... فراح فتح الخزانة ولكاها ... اتصورا ضحك وغمزلي وراح ولى ... وكل اللي بالطيارة اندار علي وصفك و كل اللي يمي طبب على جتفي ولد وبنات ... طبعآ جنت مفصول عن عائلتي بالجلوس فلما نزلنا من الطيارة جانت زوجتي مستغربة من التصفيق والتصفير في بداية الرحلة ... شلون فلم هندي ... مو !!

والسلام عليكم

3
الهجرة و واللاجئين / رد: ~ ما بعد استلام الظرف 04/09/2010 عمّان
« في: 14:17 15/05/2011  »
السلام عليكم
 
طبعاً آني وصلت بالسلامة الى أمريكا وصدك الواحد شكد ما كان سامع او شايف افلام مو مثل ما تشوف على الهوا مباشرة ... أول أيام راح تكون صدمة وكلش دوخة لأن كلشي بنظام وترتيب ينرادلنا وكت لحين نتعود عليه ... بالعافية عليهم يستاهلون يعيشون هالعيشة ...

اول فقرة حبيت اكلها أهنا ولاحظتها من خروجي من اجواء  عمان هو الابتسامة بوجهك سواء من عامل النظافة  في المطارات الى أشيك مسافر او مسافرة أما اذا عندك اطفال فالسوالف اتصير بفلس ...

والبارحة  أخذنا كفيلي على اسواق كبيرة فديقدمون اشياء للدعاية وللتذوق فجان واحد منهم ديقدم بورك به لحم مثروم بطريقة معينة فلما شاف زوجتي محجبة تأسف وحزن وقال بانه يحتوي على لحم خنزير حتى بدون ما نسأله ...!

انشالله بس استقر وارتب الغراض والاثاث راح اكتبلكم بالتفصيل بس صبروا شوية علي

تحياتي

4
الهجرة و واللاجئين / رد: ~ ما بعد استلام الظرف 04/09/2010 عمّان
« في: 22:28 08/05/2011  »
تسلم أخوية jack
تحياتي لجميع اعضاء جمعيتنا بلا استثناء متمنياً لهم الفرج القريب يارب

5
الهجرة و واللاجئين / رد: ~ ما بعد استلام الظرف 04/09/2010 عمّان
« في: 16:09 30/04/2011  »
مبرووك أخونا الغالي bhabhan على المولودة الجديدة

اشلونهم جماعتنا ؟ انشالله يا رب الكل بخير

آني لحد الآن ما حد خابرني للتأجيل ... والله يستر من الايام المتبقية

وانشالله الكل يجيها يوم قريب وتنخبص للتحضيرات ...

6
الهجرة و واللاجئين / رد: ~ ما بعد استلام الظرف 04/09/2010 عمّان
« في: 06:10 25/04/2011  »
شكرآ للرسام 1973

بالنسبة للاتصال يا جاك ... آني كفيلي هو  نفسه ذيج المرة من آني بطلت ما سافرت قبل سنة ونص ... المهم ... هالمرة ذاك الاسبوع هو راح على نفس المنظمة وقابل مسؤولتهم ووقع اوراق كفالتي بدون ما يتصلون بيه  أصلآ ... وهي بلغته بانها سوف ترسل ايميل لنيويورك تبلغهم باستعداد الكفيل لاستقبال الحالة ... بعد يوم او يومين اتصلو بي لتحديد موعد للسفر ... ما أدري صدفة جتي الامنية وية هاي الحركة لو أثر الايميل ... الله أعلم
هذا كل اللي عندي الله شاهد

7
الهجرة و واللاجئين / رد: ~ ما بعد استلام الظرف 04/09/2010 عمّان
« في: 13:39 24/04/2011  »
السلام عليكم

شكر خاص وتقدير لاعضاء جمعيتنا الحلوة والمتكاتفة وخاصة dovedove, الاسد الجامح , ديفيد بغداد , عراقي كرادي , ريم 75 , ريم عبد , hayder93 , bhabhan , واخونا الغالي Jack Black

يارب ماكو اي تأجيل بعد وانشالله الفرحة للكل وبلكي كم واحد من عدكم يلحك على نفس الموعد وياية ...

للي سأل عن حالتي, اني سويت دورة قبل حوالي اسبوعين وشرحت بالتفصيل شصار بالدورة ... تكدرون بنفس الصفحة تقروها فووك ...

يا الله الفرج

8
الهجرة و واللاجئين / رد: ~ ما بعد استلام الظرف 04/09/2010 عمّان
« في: 15:55 23/04/2011  »
يابه شنو هالركووود بجمعيتنا
آني صارلي يومين ما فاتح نت من الصدمة والهوسة اللي صارت بي وانشالله تصير نفسها للكل

خلي أصحييكم شوية ..

الاربعاء أتصلو بي بتبليغي موعد السفر يوم 12-5-2011 واستلمت خط الرحلة يوم الخميس وجانت بس عائلة وحدة وياية على نفس خط الرحلة بس مؤجلة لمرتين !!! يعني هاي ثالث مرة ينطوهم موعد ... أويلي ...!!
وهسة آني كاعد أيدي على كلبي كل ما يدك التلفون ... مثل قبل جنا ننتظر خبر مفرح من عندهم , هسة بس لا يدكوون مرة ثانية على تأجيل لأن صارت مودة هالسنة ...

يا رب الكل تجيهم مواعيد سفر لأن الكل تكوول بانه من شهر خمسة وطالع أكو سفر هواية ...

تحياتي للجميع

9
الهجرة و واللاجئين / رد: ~ ما بعد استلام الظرف 04/09/2010 عمّان
« في: 20:27 19/04/2011  »
مساء الخير جميعاً
والله وضعنا يبجي ... حسبنا الله ونعم الوكيل
عيني جاك انت سويت دورة وشوكت ؟ وكفيلك هسة خبروه بجيتك ؟
آني البارحة أتصلت بالمنظمة وخبروني بوصول الموافقة الأمنية وما ظل شي بس تعيين موعد للسفر
طبعآ الحالات ألي وياية بالدورة ألي جانت عدها مواعيد سفر كلها انلغت لأشعار آخر ... شلون لعب بالأعصاب
الله كريم شباب
ما عدنا غير الصبر

10
الهجرة و واللاجئين / رد: ~ ما بعد استلام الظرف 04/09/2010 عمّان
« في: 14:44 09/04/2011  »
السلام عليكم
 الله يساعدنا العراقيين ... شلون بلَووة ... يعني حتى اللي ماخذ موعد سفر مشلوع كلبه الى ان يركب بالطيارة ...
أحد العوائل اللي جانو وياية بالدورة عدهم موعد سفر هذا الاثنين 11-4 ... اولت البارحة خابروهم ولغو الموعد الى اشعار آخر ...
يعني الواحد ما يتهيأ للسفر الا آخر يوم لو شلون !!!
والله أحنا مو أوادم ... حسبنا الله ونعم الوكيل

11
الهجرة و واللاجئين / رد: بس اللي عنده اخبار مفرحة
« في: 16:11 06/04/2011  »
السلام عليكم

الموضوع حلو بس للأسف بعض الاعضاء أخذوه بالاستهزاء والضحك ...!!
للافادة آني اليوم خلصت الدورة التثقيفية بعمان للجوء لأمريكا ...
سمعتلكم من الحضور بأنه اكو مواعيد يوم 27 او 28 أبريل ... يعني بنهاية الشهر

ألخلاصة من دورتنا:
جنا حوالي عشر عوائل او خلي نكول عشر حالات لان أكو عزابية
حالتين أصلا ماخذين موعد قبل الدورة بيوم 11-4
حالة أجاها موعد خلال الدورة يوم 18 - 4
الموظفة بلغت 5 حالات بان السفر راح يكون عن قريب .. لو نهاية الرابع او في بداية الخامس.
وحالتين لم يأتيها أي شي ....

والبارحة شفت ناس بالاستقبال دتستلم خط الرحلة

يعني أكو حركة
والله كريم ...

12
الهجرة و واللاجئين / رد: ~ ما بعد استلام الظرف 04/09/2010 عمّان
« في: 15:59 06/04/2011  »
السلام عليكم ...

خوش خبر jack ... يعني كل الدلائل تشير الى عودة حركة السفر والتوطين وبنشاط

طبعآ اكيد الكل منتظرين أخبار زينة مني ... بس للأسف ماكو شي يفرح ..!! اليوم كان أخر يوم للدورة واستلمنا الشهايد ... وآخر كلام ألهم قبل التوديعة ( استنو أحنا نخبركم بالتلفون خلال الفترة الجاية ) ... لا أكثر ولا أقل ...

سمعتلكم من الحضور بأنه اكو مواعيد يوم 27 او 28 أبريل ... يعني بنهاية الشهر

ألخلاصة من دورتنا:
جنا حوالي عشر عوائل او خلي نكول عشر حالات لان أكو عزابية
حالتين أصلا ماخذين موعد يوم 11-4
حالة أجاها موعد خلال الدورة يوم 18 - 4
الموظفة بلغت 5 حالات بان السفر راح يكون عن قريب .. لو نهاية الرابع او في بداية الخامس.
وحالتين لم يأتيها أي شي ....

والله كريم ...
يارب نسمع منكم أخبار طيبة وآني راح أخبركم أذا صار وياي شي

13
الهجرة و واللاجئين / رد: ~ ما بعد استلام الظرف 04/09/2010 عمّان
« في: 15:38 05/04/2011  »
ألو ألوو ... مدا أسمع زين

يابة همينة مساء الخير
أشكر اخواني واخواتي جميعآ
طبعآ اللي راح يصير وياية او اللي أسمعه ويكون مفيد ما راح اتردد بكتابته لان هذا شي بسيط للي قدمه هذا الموقع العائلي الجميل ولا شغلة الحسد بحسابي لان أللي الله كاتبه راح يصير يصير

المهم
اليوم ثالث يوم من الدورة ونفس الاسلوب
بس كل ما نسألها الموظفة تجوابنا ( لا تستعجلون ... ما في شي اليوم ... بلكي بكره )... بس مبتسمة وبيها تفائل انشالله.

وأكو حركة بالمنظمة بقاعة الانتظار
ولمن طلعت شفت وسمعت كم واحد طلع كدامي كانوا مستلمين خط رحلة فأكو سفر يا جماعة ما متوقف
واغلبية او معظم اللي بالدورة وياية ما سامعين بعين كاوا بس آني كاعد أحجيلهم عنه ... المقصود لا تحكمون على السفر وعدمه بس من هذا الموقع ...

يالله بقه بس باجر ... انتظروني مثل هيج وكت بلكت اكو اخبار تفرح وتخفف بعض ألم صبرنا الطويل

14
الهجرة و واللاجئين / رد: ~ ما بعد استلام الظرف 04/09/2010 عمّان
« في: 15:36 04/04/2011  »
يابة هم مساء الخير
اشلونكم  ؟ أكيد الكل كآبة ... الله يصبرنا ويصبركم

طبعآ اليوم هو اليوم الثاني للدورة والدورة صايرة هسة حلوة لانها أعتقد مثل الطريقة الامريكية اللي نشوفها بالافلام يعني كلها مشاركات وكل شوية نتوزع كرووبات وتكوم تشرح انت وألخ ... يعني ما تحس بالوكت أبدآ

الموظفة المحاضرة كلسع تجيك الأيميل مالتها كدامنا حتى تشوف شنو أجه شي جديد من سفر وألخ

اليوم أجة موعد لأحد العوائل أللي ويانا وهو 18-4-2011 يعني بعد اسبوعين ... وقرأت أسامي حوالي خمس حالات سفر لو بنهاية الرابع او شهر الجاي واليومين الجاية بلكي بيها اخبار زينة.... المقصود كامو يمشون الحالات .... طبعآ بالاضافة الى حالتين اصلآ قبل الدورة ماخذين موعد سفر

فتفائلوا خير

15
الهجرة و واللاجئين / رد: ~ ما بعد استلام الظرف 04/09/2010 عمّان
« في: 20:48 03/04/2011  »
مساء الخير جميعاً
شكراً جنكي  وjack ... راح احجيلكم يومية شيصير وياية بالدورة
شكراً زهرة الصبار ... أغلبية اللي وياية بالدورة مستلمين الظرف بعدنا ، ويستغربون من سمعوا بي صارلي سبعة أشهر، وأكو عائلتين مستلمين الظرف قبل أكثر من سنة
والله كريم
ما عدنا غير الصبر

16
الهجرة و واللاجئين / رد: ~ ما بعد استلام الظرف 04/09/2010 عمّان
« في: 15:32 03/04/2011  »
السلام عليكم اخواني وخواتي جميعآ
قبل شوية جيت من الدورة
وكانت ممتعة جدآ ومختلفة تمامآ عن الدورة السابقة ألي أخذتها قبل سنة ونص
كنا حول العشرين شخص, حوالي 7 الى 8 عوائل
ولا واحد من جماعة 4-9-2010
واتصوروا عائلتين ماخذين موعد سفر يوم 11-4-2011 مخابريهم قبل حوالي خمسة ايام
وسألت الموظفة عن أي مستجدات عن البقية فكالت ( لحد الآن مافي شي بس يمكن عن قريب انشالله وراح اخبركم بس يوصلني شي ) ... والله كريم
الصبر

17
الهجرة و واللاجئين / رد: ~ ما بعد استلام الظرف 04/09/2010 عمّان
« في: 08:42 02/04/2011  »
شكرآ للكل على تبريكاتهم الحلوة وانشالله خير هذا الاسبوع نسمع اخبار طيبة
باجر انشالله اول يوم بالدورة
راح احاول اشمم اخبار البقية اللي بالدورة واحجيلكم اذا تسوه

18
الهجرة و واللاجئين / رد: ~ ما بعد استلام الظرف 04/09/2010 عمّان
« في: 16:50 30/03/2011  »
اشكركم زهرة الصبار واخونا الرهيب jack black

بالنسبة لسيرة حياتي :
توطين بشهر الرابع 2009
استلام الظرف الاولي 1-6-2009
دورة تثقيفية بنهاية الثامن 2009
موعد سفر 9-9-2009
موعد سفر ثاني 9-11-2009
اسباب عدم سفري الكئيبة يطول شرحها مع انه زوجتي كانت حامل
فتح ملفي مرة ثانية شهر الرابع 2010
اضافة طفل وألخ....
واستلام الظرف معكم 4-9-2010

واليوم انفكت الجبسة شويونة ....

19
الهجرة و واللاجئين / رد: ~ ما بعد استلام الظرف 04/09/2010 عمّان
« في: 16:14 30/03/2011  »
السلام عليكم اخواني واخواتي الاحباء

قبل ثواني رن تلفوني من المنظمة وتم تبليغي ببدء الدورة التثقيفية للمرة الثانية على حد قولها ... الأحد الجاي إنشالله

وسألتها عن حالة ملفي فكالت : شكله خير ... اتحرك ملفك ...!!

يارب يالله ... لك الحمد

20
الهجرة و واللاجئين / رد: ~ ما بعد استلام الظرف 04/09/2010 عمّان
« في: 20:49 22/03/2011  »
يارب يا الله ... شوية رفعتوا معنوياتنا ... يا رب نسمع أخبار طيبة هالأيام ...

21
الهجرة و واللاجئين / رد: ~ ما بعد استلام الظرف 04/09/2010 عمّان
« في: 08:08 18/03/2011  »
اللهم آمين يا رب العالمين
بارك الله بيك أخونا bhabhan
فعلآ الواحد لازم يسلم أمره الى الله واللي مكتوبلنا أيصير

22
الهجرة و واللاجئين / رد: ~ ما بعد استلام الظرف 04/09/2010 عمّان
« في: 17:05 17/03/2011  »
عيني شكلها راحت علينا ... راح نموت من الحسرة والكآبة اذا بقينا أهنا بعد اكثر .... لان انتو أكيد مجربين حياة الانتظار وعدم الاستقرار اشلونها
البارحة أجاني هذا الرد من المنظمة بعد سؤالهم عن ملفي :

The United States Government has placed your case on hold due to a new security check procedure that was recently put in place and must be performed on all cases that have not entered the United States yet.  This unexpected hold is not an indication that there is a problem with your case, as many cases have been placed on hold
.

23
الهجرة و واللاجئين / رد: ~ ما بعد استلام الظرف 04/09/2010 عمّان
« في: 08:21 10/03/2011  »
الله الله صارت حركة قوية بالجمعية
يارب الصبر ... يا رب الفرج
يا رب الكل نسمع من عنده اخبار طيبة وتفرح

24
الهجرة و واللاجئين / رد: ~ ما بعد استلام الظرف 04/09/2010 عمّان
« في: 07:53 05/03/2011  »
تسلم أخونا Jack Balck على الخبر ... رفعت شوية معنوياتنا
يا رب الصبر

25
الهجرة و واللاجئين / رد: ~ ما بعد استلام الظرف 04/09/2010 عمّان
« في: 09:07 01/03/2011  »
وعليكم السلام أخ حيدر ولكل اهل جمعيتنا الطيبين
قبل شوية أجاني خبر بأنه موعد صديق حجيتلكم عليه , يوم 2 - 3 - 2011 قد تأجل !!!
شغلتنا شكلها عاوية كلش
وراح تروح علينا ويخلص عمرنا بالانتظار وعدم الاستقرار
والله يصبرنا
ملينا من الانتظار وهالبلدان العربية الجميلة

26
الهجرة و واللاجئين / رد: ~ ما بعد استلام الظرف 04/09/2010 عمّان
« في: 11:38 19/02/2011  »
أشكرك أخ Hayder93

أي نعم سوو دورات تثقيفية وبعدين خابروهم على السفر ...

وحسب ما حجولهم بانه الدورات مستمرة ... كل اسبوع دورة ...

والله كريم

27
الهجرة و واللاجئين / رد: ~ ما بعد استلام الظرف 04/09/2010 عمّان
« في: 08:34 19/02/2011  »
السلام عليكم ورحمة الله وبركاته
تحياتي لجميع اعضاء الجمعية المباركة

آني انقطعت من الكآبة واليأس
بس حبيت ارفع المعنويات شوية

أحد اصدقائي قد سافر يوم 18-1-2011 وهو من جماعتنا 4-9

واليوم خبرني صديق ثاني بانه تم تبليغه بموعد سفر 10 - 3 - 2011 وايضآ من جماعتنا

والله كريم

28
الهجرة و واللاجئين / رد: سوال عن دقع الغرامات قبل السفر
« في: 11:20 07/02/2011  »
فعلآ أني هم عندي جماعة عدهم كرين كارد وما دخلو الاردن ...! جانو ما دافعين الغرامات لما سافروا

29
الهجرة و واللاجئين / رد: ~ ما بعد استلام الظرف 04/09/2010 عمّان
« في: 10:10 15/11/2010  »
عيد سعيد علينا وعليكم وكل عام والجميع بخير وصحة وعافية ...

تم الاتصال بنا قبل قليل من قبل الIOM لابلاغنا باعادة الفحص الطبي يوم الخميس القادم !!! رغم انه عيد وعطلة .... لأنه صار اكثر من ستة أشهر من سويته أول مرة ... وآني مستلم الظرف وياكم يوم 4-9-2010
هاي هي حسبي الله ونعم الوكيل
الله كريم ... تفرج

أخوكم
Dr Moonlight

30
الهجرة و واللاجئين / رد: ~ ما بعد استلام الظرف 04/09/2010 عمّان
« في: 18:37 12/11/2010  »
مساء الخير
لا تقلق أخ Jack Black الكل انشالله بخير ودنتابع اخباركم ومشاركاتكم الحلوة بس آني احب اشارك أذا اكو خبر او شي مهم ويفيد البقية ...
مبروك طائر البرق على الدورة واعذرني اذا تأخرت ...
 اكو طبيبة ويانا بالمستشفى صديقتها استلمت الظرف ويانا 4-9- ومسوية الدورة وخابروها قبل يومين وانطوها موعد بشهركانون الاول ...
يعني أكو أمل والشغلة ماشية ... طبعآ هم ما يعرفون بهذا المنتدى وغيرهم كثير ...
يالله أعنا على الصبر وبشرنا بخير للجميع

أخوكم
Dr Moonlight

31
الهجرة و واللاجئين / رد: ~ ما بعد استلام الظرف 04/09/2010 عمّان
« في: 13:16 03/11/2010  »
بعد السلام والتحية العطرة لكل الاصدقاء في جمعيتنا الحلوة هذه ...

البارحة خابرونا الIOM علمود اعادة البصمات لزوجتي فقط ... علمآ احنا سوينا البصمات قبل 3 اسابيع ...!

اليوم رحت معها ودخلت وشفت عوائل هواية بقاعة الانتظار ... قسم منها لمقابلة المحلفين وحوالي فوك العشرة اشخاص حاملين بيدهم ورقة صفراء وكان هناك موظفة تفتر عليهم تعطيهم كارتات بيضاء مكتوب عليها IOM بخط كبير مع بعض الكلمات الاخرى كالاسم وغيره ...

المهم ... أخذني الفضول فسألت واحد منهم شنو هاي الورقة ؟
فجاوبني : هاي هسة وقعت عليها تخص فلوس الطائرة لان موعد طائرتنا اليوم بالليل ... !!!
فسألته : متى استلمت موافقة المحلف ؟
فطلع ويانا 4-9-2009 ... ومسوي دورة ... وهو رايح بدون كفيل على North Carolina

يعني طلع اكو مواعيد سفر كثيرة وأحنا ما نعرف بيها ... وهاي بس كعدنا بالانتظار ربع ساعة مو اكثر وشفت اللي شفته !!!

والناس اللي يكولون ماكو سفر بنهاية السنة لان سنة مالية وما ادري شنو ...  البارحة انتخابات امريكية ومكلوبة الدنيا بأميركا واليوم بالليل سفر ... والله يعلم أبقية الايام الجاية ...

تقبلو تحياتي
Dr Moonlight

32
الهجرة و واللاجئين / رد: ~ ما بعد استلام الظرف 04/09/2010 عمّان
« في: 12:30 27/10/2010  »
الف مبررررررررررووووووووووك doori ...
يارب تفرج للجميع .....

33
مواضيع الحياة العامة في بلاد المهجر (امريكا) / رد: جوجيا ... أطلانطا
« في: 10:24 24/10/2010  »
مشكور أخ الحر على هاي المعلومات القيمة والمفيدة وبانتظار المزيد
آني انشالله تعالى رايح على Dunwoody

34
مواضيع الحياة العامة في بلاد المهجر (امريكا) / رد: لأصحاب المعرفة.... اسئلة عن ولاية جورجيا..اتلانتا
« في: 10:15 24/10/2010  »
شروح وافي ومفيد أخ الحر ... ننتظر المزيد لأن هاي هي ولايتي انشالله تعالى

35
الهجرة و واللاجئين / رد: ~ ما بعد استلام الظرف 04/09/2010 عمّان
« في: 19:26 23/10/2010  »
مساء الخير ...
أخوية نوار ... يمكن انت جيتنا متأخر شوية على هاي الجمعية الحلوة ... آني بعدني ومع الأسف بعمان ... حظي الحلو وقدري المكتوب انه صار عندي ظرف قوي بوكتها لأن والدي ارتفع ضغط عينه فجأة فأتى ألي لكوني طبيب وعمل عملية لعينه وليس له أحد غيري هنا  إذ لي أخ كان طيار أنفقد بعد الاحتلال ... فلم أسافر وحتى حرامات جانت زوجتي حامل بوكتها ... بس قدر الله وما شاء فعل ... فغلقو الملف وقدمت التقارير الطبية لسبب عدم سفري فانفتح ملفي مرة أخرى وها أنا معكم الآن ( التأخير كان بسبب اضافة الطفلة ) ... الحمدلله على كل شئ ...
(وَصَاحِبْهُمَا فِي الدُّنْيَا مَعْرُوفاً)
آني آسف على هالتفسير الممل بس حتى لا يجي أحد ويكول اكو ناس بطرانة تجيها مواعيد سفر وما تسافر ... ما اعتقد أحد ما عنده ظروف, يجيله لجوء أبلاش يخلصه من عروبتنا العظيمة وما يسافر ...

أخوية Jack Black منتظريك باجر بعد الساعة الرابعة انشاءلله بأحر من الجمر ... انشالله ينطووك موعد السفر يارب ...

أخوكم
Dr Moonlight

36
الهجرة و واللاجئين / رد: ~ ما بعد استلام الظرف 04/09/2010 عمّان
« في: 08:29 23/10/2010  »
لا ..... أنت ما عندك غير الدورة التثقيفية وترتيب امورك مع الكفيل اذا عندك ... بس اللي شفته هاي السنة عدد اللي استلمو الظرف كان اكثر من ضعف اللي استلمو السنة اللي فاتت ... فالتأخير كله من الضغط و كثرة طلبات اللجوء هاي السنة ... والله أعلم

37
الهجرة و واللاجئين / رد: ~ ما بعد استلام الظرف 04/09/2010 عمّان
« في: 07:47 23/10/2010  »
الله يصبحكم بالخير وبالعافية والبركة في بداية هالاسبوع ...

بس حبيت أذكركم
آني السنة اللي فاتت كان موعد استلامي للظرف 1-6-2009 وخابروني على الدورة بنهاية الثامن, واعطوني موعد للسفر يوم 9-9-2009 وهذا جان حظي حلو بوكتها ...
يعني حوالي اكثر من 3 اشهر من استلامي للظرف كان موعد السفر !!!

فلا تستعجلو أخوان ... احنا استلمنا الظرف قبل شهر ونص بس ...

الله كريم وهو نعم المولى ونعم النصير لكل الصابرين أمثالكم

أخوكم
Dr Moonlight

38
الهجرة و واللاجئين / رد: ~ ما بعد استلام الظرف 04/09/2010 عمّان
« في: 13:04 20/10/2010  »
مبرررررررررررررروووووووووووووووووووووووووووووووك اخوية جاك بلاك
انشاء الله يوم السفر عن قريب
ننتظر منك الاخبار الطيبة

اخوكم
Dr Moonlight

39
مواضيع الحياة العامة في بلاد المهجر (امريكا) / رد: مارايته في امريكا
« في: 08:04 18/10/2010  »
صدقت يا ابو غيث ... صدقة السر ضاعت عدنا مع الاسف

ننتظر المزيد بشوق من كلماتك وتصورك الحقيقي للواقع ...

أخوك
Dr Moonlight

40
دردشة منتدى الهجرة واللاجئين / رد: بااااااااااااااااااااااااااااااااااركولي يا الله مفاجئهه ممتوقعه وهسه سمعت بيهه [ موعد طيران]
« في: 07:37 16/10/2010  »
الفففففففففففففففففف مبرررررررروووووووووووووووك وبالخير يارب
بس انت من وين مقدم وشوكت مستلم الظرف ؟!!

تحياتي
Dr Moonlight Iraq

41
الهجرة و واللاجئين / رد: ~ ما بعد استلام الظرف 04/09/2010 عمّان
« في: 21:46 15/10/2010  »
الله يسمع منك Jack Black انت بس رجعلنا الهيكل العظمي وخليه يدعي ويانا

42
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 20:14 15/10/2010  »
مقتبس من: Captain في 10:44 09/10/2010
شكراً للأخت سرى على هذه النصيحة الطيبة

عالم الألكترونيات مليء بالمفاجآت وياريت الواحد ياخذ الجهاز اللي يستفيد من كل مميزاته مثل المكالمات الفديوية ووو مثلاً هناك تقنية في آيفون هي المكالمة الفديوية لكن مو على الشبكة مال سم كارد . هذه الخدمة تكون على الوايرلس

وتقبلوا مروري المتواضع

كابتن

أخ Captain بس انطيك هذا اللنك حتى تشغل الface time على ال3G أيضآ
http://www.ce4arab.com/vb7/showthread.php?t=235946

43
الهجرة و واللاجئين / رد: ~ ما بعد استلام الظرف 04/09/2010 عمّان
« في: 19:47 15/10/2010  »
هلا بجماعتنا الطيبة فردآ فردآ ...

يابه شكلها يابسة وتمن ويمكن أحنا مشمورين على السنة الجديدة ...

اتصلت باللي اعرفه من جماعة  IOM وكلها مأيييسة ...


آني انشغلت هالايام بمشاركات بموضوع انطرح بالمنتدى الا وهو موضوع الموبايل بامريكا شنو احسلك تاخذ وشراح تستفيد من الانظمة المتوفرة بالموبايل هاي الايام ... اللي ما قره الموضوع خلي يروح عليه اذا عنده واهس بهيج امور او اذا ما يعرف بالموبايلات الحديثة وامكانياتها ... يكضي وقت فراغ الى ان يتصلون بينا سنة الجاي  ;D

http://www.ankawa.com/forum/index.php/topic,447552.0.html

وتحياتي للجميع
Dr Moonlight Iraq

44
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 19:18 15/10/2010  »
طبعآ اكيد Saza تكدر تشتري سم كارد وتحطه بأي موبايل عندك ومو إلا تاخذ موبايل من عندهم ...

أشكرك أخ Romano على كلماتك الجميلة وآني كثيرآ ردت احط موضوع مثل هذا حتى يستفاد ويعرف الاكثرية بهالمواضيع وانت سبقتني لأن اغلبية العراقيين وهذا مو صوجهم مجلبيلي بالنوكيا وانواعه وما سامع حتى بال windows mobile, iOS or android
موقعك جميل وخزنته عندي ... اشكرك ...

وأختم هالبوست بخبر مفيد ومضحك بنفس الوقت قريته قبل شوية:

كشفت دراسات جامعة Stanford أنه لو أنك وضعت فيروس على شاشة اللمس للهاتف المحمول فأن هنالك نسبة 30 بالمئه من يقوم بلمس شاشة هاتفك سينتقل أليه الفيروس  ولك أن تتخيل الأمر أنتقال الفيروس إلى أصابعك وربما يتجه مباشرة إلى الفم أو إلى العين حتى .ولجعل الأمور أسوء كشفت الدراسات Sacramento Bee البريطانيه أن البكتيريا أكثر انتشارا في شاشة الهواتف المحمولة أكثر بثمانية عشر مره من التي موجوده في الحمامات العامه.

تقبلوا تحياتي
Dr Moonlight Iraq

45
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 22:39 14/10/2010  »
عيني Captain ماكو أي مشكلة ... تشتري أي سم كارد وتحوله الى Micro sim card بأداة صغيرة موجودة باي مكان اما ان تشتريها او نفس اللي يبيعلك الخط يحوله الى مايكروسم وهاي الصور توضح هاي الاداة وعملها وممكن شراؤها ...

الاخ اليكس العراقي الدين النصيحة ... وآني بالخدمة

46
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 13:38 14/10/2010  »
صحيح حجيك أخ Captain الjail break ما بيه اي عقوبات بعد القرارات الاخيرة من الكونغرس الامريكي بس اللي قصدته بانه يجوز للواحد وضع اي شريحة بالايفون في اميركا باعتبار الايفون حصري لشركة AT&T ؟؟؟ .... وفعلآ لا ينصح بعمل ابديت للنظام لأن راح يروح عليك الjail break

بالنسبة للأخ Saza فقد سألت صديق ألي مقيم في كالفورنيا سان دييغو وعنده iphone وقد تم الرد قبل قليل وهذا اقتباس النص:
Hi ..., no I don't think there will be any problem if it is used but if it was brand new i think they will gonna charge him tax & it will gonna work here if it is unlocked,

يعني يشتغل وما بيه أي مشكلة مثل ما أعتقدت وأي شي آني حاضر

تحياتي للجميع
Dr Moonlight



47
الهجرة و واللاجئين / رد: طريقة تحفة للاتصال بين دول العالم
« في: 08:03 14/10/2010  »
بارك الله بيك يا شهم على هالمعلومات المفيدة ... صدك انت عراقي أصيل

تحياتي
Dr Moonlight

48
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 07:46 14/10/2010  »
ألأخ Saza طبعآ يشتغل ما دام مسويله Jail break بس قانونيآ يجوز لو لا ما اعرف حقيقةً لان الآيفون 4 حصري لشركة AT&T بس بلكي اللي موجودين أهناك يفيدونا وآني راح اسألك جماعتي أهناك واجاوبك باسرع ما يمكن ...
  وللعلم أهناك باميركا الاشتراكات تكون وياها موبايل زين حديث ورخيص ...
  أكيد تعرف ان الآيفون 4 من شركة AT & T سعره 200 - 300 دورلار لل 16 - 32 GB بس بعقد واشتراك شهري بباقات مختلفة وللنت ايضآ لمدة سنتين وهذا اللي راح اسويه آني انشالله ... اما سعره بدون اشتراك راح ما يقل عن 800 دولار كحد ادنى هاي اذا حظك حلو ولكيت بهيج سعر ... فأذا عندك تلفون آيفون 4 الحديث فأخذه معك وتوكل على الله ... حسب معلوماتي يشتغل اذا unlocked ...

  الأخ Koka75 حجيك صحيح 100% ... آني حتى أهنا بعمان كل الاجهزة سواء الموبايلات او الكمبيوترات ما اشتريها الا اشوفلي واحد رايح جاي لاميركا حتى يشتريها من هناك لان الفرق فوك ال500$ للجهاز ...

وآني بالخدمة لأي سؤال او أستفسار

تحياتي للجميع
Dr Moonlight-Iraq

49
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 08:05 13/10/2010  »
الشكر لله أبو مريم الوردة

وآني بالخدمة باي شي يخص الموبايلات والسوفت وير مالتهم


تقبلو تحياتي

Dr Moonlight

50
الهجرة و واللاجئين / رد: ~ ما بعد استلام الظرف 04/09/2010 عمّان
« في: 14:08 12/10/2010  »
يالله ... فرحتونا بهيج اخبار ... يعني اكو حركة ومواعيد سفر ...

اتمنى للجميع الخير والسفر السرررررريع

اخوكم
Dr Moonlight

51
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 14:05 12/10/2010  »
أشكرج سرى وآني أعتز بهالأخوة ...

الاخ Captain فكرتك واضحة جدآ وواصلة ... بس اذا أنت مولع بهيج برامج فاخذلك الiPad أحسن ألك ...

  مثل ماوضحت فوك, نصيحتي الى اي واحد رايح لاميركا يكون اختياره بين نظامين اما اندرويد او نظام آيفون iOS لان راح تستفادون من تطبيقات وبرامج لا حدود لهما في كل مجالات الحياة اهناك ... يعني مثلآ اكثر من مرة انطرح موضوع شراء قواميس الكترونية بينما يكون هالقامون بتلفونك وناطق ايضآ ... وكذلك اجهزة الملاحة لا حاجة الها فهناك عشرات البرامج للملاحة بالنظامين وحتى تكدر تخزن الخرائط وشوارع اميركا كلها بالبيت على النت ثم تشتغل عليها اووفلاين وين ماتروح ... وغيرها من كثير امور مفيدة ...

ياجماعة آني بس اريد اوضح بانه التلفون صار هالايام مو بس نحجي بيه او نسمع بيه اغاني او ... فالاختيار يكون حسب الحاجة والاجهزة رخيصة باميركا

تحياتي للجميع
Dr Moonlight

52
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 08:23 11/10/2010  »
بس للافادة ايضآ بانه توجد برامج على الايفون تعليم لغة انكليزية وقاموس انكليزي-عربي ناطق (المورد) واحسن من القواميس الالكترونية الجيبية اللي تنطرح بالمنتدى بين الحين والآخر
وايضآ توجد برامج مفيدة جدآ للسفر, لحجوزات السفر , لسوق المستعمل الامريكي الاونلاين المعروف بcraiglist ويوجد تعليم واسئلة امتحان اجازة السوق الامريكية, وتوجد عن تاريخ الولايات المتحدة وعن رؤسائها ومعلومات لمن يريد ان يتجنس بالجنسية الامريكية بعد 5 سنين انشالله لان بيها امتحان مثل ما تعرفون اكيد , و.......... الخ من 250,000 برنامج وتطبيق, ويوميآ ينضاف العشرات من البرامج الجديدة ...
طبعآ كلها تكدرون تحصلون عليها مجانيآ من النت بدون اي سنت  :D

الأخ Captain توجد موديلات من HTC  الكاميرا بيها 8 ميكابيكسل وتصوير الفديو 720p HD يعني عالي الدقة مثل موديل HTC Desire HD فمو كل الموديلات سوية

صحيح حجيك Storm2 احنا شعلينة ...بس فعلآ ماكو اي نظام كدر ينافس نظام الايفون iOS

الاخت سرى العزيزة ... آني متابع مشاراكاتج المفيدة في كل مواضيع المنتدى ... وهذا الموضوع كان مناقشة لا اكثر ولا اقل بس يمكن صار بيه عناد شوية .... وعلى كولتج لما أجي يمكن يطلع نظام جديد ...  8)

تحياتي للجميع

53
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 23:45 10/10/2010  »
على شنو تعتذرين ...!!!

الموضوع مناقشة وتصحيح افكار واراء لا اكثر ولا اقل ...

54
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 23:10 10/10/2010  »
عجيييبة انت يادنيا

يمكن أسئلتج لهاي الاماكن أدقق وتعطي معلومات واضحة وواقعية عن اللي نقلته فوك من دراسة جديدة ما صارلها شهر من احد الدراسات اللي تطلع كل اسبوع

روحي لاي سوق الكتروني وشوفي بنفسج عن النظام الجديد اللي مسيطر على سوق التلفونات والتابلت tablet pc

وآني يوميآ افتح مواقع النت المتخصصة بهيج امور لان عندي ولع بيها وما يحتاج الا اجي واشوف بنفسي !! لان دشوف حتى أهنا بعمان تاثير الانظمة الجديدة على السوق

55
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 22:35 10/10/2010  »
طبعآ بس حبيت أضيف معلومة اضافية وخاصة لاختي سرى

شركة HTC غير معروفة في البلدان العربية الا القليل ...
شركة تايوانية ... حققت اعلى المبيعات ومحتلة مراكز متقدمة في الاسواق الامريكية لجودة صناعتها وتنوعها

قبل سنة او اكثر , كان كل موبايلاتها محملة بالوندوز موبايل ... الان صار كل منتجاتها اندرويد وبس موديل واحد علنو عنه سيكون محمل بنظام الوندوز 7 الجديد

فهذا دليل على نجاح وتربع الاندرويد على السوق الامريكي

56
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 22:10 10/10/2010  »
اختي سرى نظام اندرويد خلال سنتين صار النظام الثاني في عالم الهواتف الذكية في اميركا ... يمكن تلتقين بناس ما يعرفون او ماعدهم واهس بهيج امور وبالنسبة للأيفون رغم مشكلة الانتنا ( استلام الاشارة الاسلكية ) الا انه اكثر واغلى الهواتف في العالم ... وهاي المشكلة انحلت من شركة أبل نفسها ومجانيآ

وهذا الخبر عن دراسة جديدة باميركا انقله للفائدة


قامت بها شركة ChangeWave لدراسات السوق, دلت على اهتمام مُتصاعد من قِبل المستخدمين بنظام أندرويد.
تقوم هذه الدراسة على سؤال المستخدمين سؤالاً بسيطاً: ما هو الهاتف الذكي الذي تعتزم شراؤه خلال الشهور الثلاثة القادمة؟ السؤال لا يحدد نوع الجهاز أو الشركة المُصنّعة بل الهدف من الدراسة هو معرفة رغبة المستخدمين . بأنظمة التشغيل الخاصة بالهواتف الذكية خلال الشهور القادمة. وكانت نتيجة الدراسة ارتفاع الطلب على أندرويد خلال الفترة القادمة سبع نقاط عن الدراسة السابقة (من 30% إلى 37%):

وهو بهذا يقل بنقطة واحدة فقط عن منافسة الرئيسي iPhone الذي قال 38% من الذين جرت عليهم الدراسة بأنه سيكون جهازهم القادم مُتراجعاً عن الدراسة الماضية حيث كانت النسبة 50%.
لكن يبدو بأن أندرويد وآيفون يُسيطران على قلوب معظم المستخدمين إذ لم تترك المنصتان الأكثر شهرة حالياً المجال لبقية المنصات على الإطلاق إذ حصل Blackberry على نسبة 6% و Windows Mobile على نسبة خجولة لم تتجاوز الواحد بالمئة! لكننا سننتظر لنرى ما سيكون تأثير Windows Phone 7 عند انطلاقته خلال الفترة القادمة.
تضمنت الدراسة أيضاً قياساً لنسبة رضى الزبائن عن أجهزتهم الحالية وقال 65% من مستخدمي أندرويد بأنهم (راضون جداً) عن تجربتهم مع أندرويد بينما بلغت نسبة رضى مستخدمي آيفون عن أجهزتهم 74%.

57
الهجرة و واللاجئين / رد: ~ ما بعد استلام الظرف 04/09/2010 عمّان
« في: 20:07 10/10/2010  »
الله يحيك ويديمك للخير أخوية طائر البرق ويحي جميع أحبتنا بهالمجموعة الحلوة doori ،
Miss Violet ،  sh hani ، jack black  hayder93 ، bhabhan ، dovedove ، ZIAD-ABO ALHASAN ، ثابتكو , Stive_DN

آني وياكم منتظر رنة التلفون والله كريم

وصدك Black Jack رجعلنا صورة الهيكل العظمي خليه يدعيلنا على الدورة

الانتظار ممل ... الله يساعد اللي ماعنده شي او شغل يلتهي بيه

بس حبيت احجيلكم شوية عن بعض نكهة الشعب الامريكي اللي شفته أهنا بعمان, آني اشتغل بمستشفى راقية بعمان فتجي مرات شخصيات امريكية للفحص, طبعآ آني موصي الاستقبال بقسمنا انه يبلغوني باي مريض امريكي يجي

المهم, اتصورو يجون باوجاع كلى مثلآ وهو نايم دفحصه بالسونار وافهمه شنو اللي عنده بعدين استغل الفرصة واحجيله عن ذهابي لامريكا , طبعآ رأسآ الابتسامة على وجه تنرسم ويكعد يحجيلك عن الولاية اللي راح اروحلها آني ويضحك ولا عبالك عنده مرض او شكوى

طبعآ هاي الحالة صارت حوالي ثلاث مرات معي وأحد المرات لما ديروح المريض وكف يم الباب وصاح بعلو صوته وكال بابتسامة حلوة :

Thanks Doc .... Enjoy America

58
الهجرة و واللاجئين / رد: نصيحة لكل من على وجه سفر ان يشتري هذا الموبايل
« في: 08:48 10/10/2010  »
اخواني موضوع العربي كلش سهل تكدر تحمل السوفت وير من النت باي جهاز كان

ودير بالكم تشترون من الاردن او اي بلد اخر

الاسعار من امريكا هواية ارخص ... بالنسبة للاردن أهنا اسعار الاجهزة توصل للضعف تقريبآ ...

شوفو وهاي تجربتي وآني كلش مولع باخبار الالكترونيات واقتنائها وبرمجتها

 - آني جربت Sony Erics. P1i وجان نظامه سيمبيان مثل معظم اجهزة النوكيا
 - وبعدين اخذت Sony Erics. X1i ونظامه ويندوز موبايل مثل الHTC HD2 وهذا خلاص النظام مات وبعد ما ينتجون اي جديد عنه وراح يصدرون البديل عنه بشهر نوفمبر Windows phone 7
 - وبعدين انغريت بالHTC HD2 بس بعته بعد شهرين لانه صحيح جهاز كلش حلو ومتين وشاشته وصناعته حلوة بس نظامه فاشل Windows mobile 6.5 وحطوا بيه Multitouch على الفاضي فرجعت ولحد الان على القديم X1 منتظر السفر لدخول عالم iOS الرهيب
 - وجربت الايبود وهو مثل الايفون تمامآ بس بدون مكالمات, ونظامه iOS وشفته احسن نظام من ناحية البرامج والالعاب الخرافية وكلش سلس وسريع فقررت اول ما اوصل اشترك بالايفون الجديد iPhone 4
 - طبعآ اكو نظام جديد وكلش نجح بامريكا خلال هالسنتين من شركة Google اسمه Android ( ما جربته ولا راح اجربه لان ماكو نظام لحد الان نافس iOS بالسرعة والفيكات ) وهسة 90% من سوق الاجهزة الكفية والسمارت فون هو مزود بنظام الاندرويد مثل الHTC Evo 4G اللي حاط صورته اخونا L-E-X-U-S

فاقتناء اي جهاز يعتمد على النظام اللي مزود بيه

هاي بعض اللي اعرفه

بس ملخص مفيد

لا تتورط بامريكا وتاخذ غير الاندرويد او iOS يعني نظام الايفون لان هم هذوله ماخذين سوق امريكا الالكتروني هاي الايام والايام الجاية ... واي واحد يعرف بهاي الامور اكيد راح يأيدني

واي شي او سؤال آني حاضر  :)

وشكرآ

أخوكم
Dr Moonlight
Amman

59
مواضيع الحياة العامة في بلاد المهجر (امريكا) / رد: لأصحاب المعرفة.... اسئلة عن ولاية جورجيا..اتلانتا
« في: 13:02 05/10/2010  »
اهلآ Pinky

انا ايضآ ذاهب لنفس الولاية وكفيلي صارله 3 سنوات اهناك كاعد شمال اتلانتا بدنوودي Dunwoody

طبعآ الولاية جميلة جدآ يسموها Green state لانها كلها خضار حتى فتحي على google maps وشوفيها شلون خضرة وآني فلستها اتفلس عن طريق الyoutube

اختاروها عام 1996 لاقامة الالعاب الاولمبية
بيها اكبر مول ومجمع مائي بحري في العالم Georgia aquarium لمختلف الاحياء البحرية
بيها مركز الCNN الاخباري
بيها مركز كوكاكولا الرئيس
وطبعآ هاي المراكز مسويها شلون المتاحف تكصين تذكره وتدخلين برحلة داخل المركز تشوفين شلون يذيعون الاخبار او يصنعون الكولا
وبيها اكبر جبل صخري Stone mountain يجوله من كل بقاع العالم, بيه تلفريك وحدائق
و .... الخ

بس بيها هواية African american حوالي 30% فالواحد يروح على مناطق زينة لان مو الكل سوة

فرص العمل هالله رازقه ... كلش ضئيلة وهذا حال كل الولايات

بنت عمي بكلفونيا بس ما اريد اروح من البداية اهناك لان العيشة بمختلف النواحي ضعفين العيشة بجورجيا

المهم ...

أي شي آني حاضر

Dr Moonlight
Jordan/Amman

60
الهجرة و واللاجئين / رد: ~ ما بعد استلام الظرف 04/09/2010 عمّان
« في: 10:21 05/10/2010  »
صباح الخير اخواني وخواتي الاعزاء

هاي جيتي من الIOM  علمود البصمات ... آني قبل اكثر من سنة بصمت وشكلها هم بيها صلاحية

المهم ... كان العدد قليل بالصالة

اغلبيتهم مثلي بصمات او مقابلة اولى وقسم ثانية

سألت اللي يبصم عن شغلة السنة المالية وانه يصير تجميد لحالات السفر خلال هالشهرين ؟؟ فتعجب وكلي احنا مالنا علاقة بهيج امور وراح تكون هناك موافقات امنية ومواعيد سفر مثل بقية السنة ...

بالاخير سألته عن حالتي فتأسف بعدم معرفته

يعني أكو أمل

كولو يالله

61
الهجرة و واللاجئين / رد: ~ ما بعد استلام الظرف 04/09/2010 عمّان
« في: 22:22 04/10/2010  »
هذا خوش خبر أخونا دوري الوردة
يعني أكو أمل السفر قبل السنة الجديدة
يا الله يبشر الجميع بالاخبار الحلوة
وآني باجر من أروح, راح اشوف شكوماكو بالIOM

تحياتي

62
الهجرة و واللاجئين / رد: ~ ما بعد استلام الظرف 04/09/2010 عمّان
« في: 15:13 04/10/2010  »
حبيبي jack black
آني قابلت محلفين ب29-7-2010 واستلمت الظرف وياكم 4-9-2010

63
دردشة منتدى الهجرة واللاجئين / رد: ابشركم موعد سفر اتا قبل ساعتيين من الان
« في: 11:29 04/10/2010  »
مبرررررررررررررروووووووووووووووووووووووووووووووك  ;D

شكلك من بغداد امقدم ؟

بس شوكت سفرك ... واذا انت رايح لاريزونا ليش لقبك التكساسي !!!

على العموم ... بالتوفيق انشالله

والفرج للجميع

64
دردشة منتدى الهجرة واللاجئين / رد: اخوان باركولي واخيرا فرج خابرتهم اليوم وحددولي تااااااااااااااااااريخ وولاية ..اخوكم ديسبرادو
« في: 11:06 04/10/2010  »
أأأأأيييييييي مبررررررررررررووووووووك  ;D

بس انت من بغداد مقدم لو من عمان وشوكت استلمت الظرف ؟؟!!

65
الهجرة و واللاجئين / رد: ~ ما بعد استلام الظرف 04/09/2010 عمّان
« في: 10:51 04/10/2010  »
بعد السلام والتحية لجمعية 4-9-2010 الحلوين

تم الاتصال قبل قليل من منظمة الIOM  لابلاغي بالحضور غدآ صباحآ لعمل البصمات

وراح اسأل اذا اكو دورات ... مواعيد سفر جديدة ... !!

والله كريم
أخوكم
Dr Moonlight

66
الهجرة و واللاجئين / رد: ~ ما بعد استلام الظرف 04/09/2010 عمّان
« في: 12:16 30/09/2010  »
مبروك زياد

آني نفس الشي ضفت طفلتي على الملف قبل حوالي خمس اشهر ... دزيتلهم ايميل وثاني يوم خابروني

المهم ... هسة ما حد خابروه على دورة ... سفر ... شي ؟!!!!

شكلنا جماعة 4-9 على السنة الجاي مشمورين

سلامي للجميع

67
الهجرة و واللاجئين / رد: ~ ما بعد استلام الظرف 04/09/2010 عمّان
« في: 07:52 25/09/2010  »
شكلها يابسة وتمن .... آآآآآخ

بس للرفع

68
مواضيع الحياة العامة في بلاد المهجر (امريكا) / رد: امريكا مشاكل الايام الاولى
« في: 08:37 23/09/2010  »
كلماتك وكتاباتك جميلة جدآ وفي الصميم
أتمنى من الله ان يوفر لك الراحة والاستقرار لكتابة المزيد من موضوعاتك المؤثرة

تقبل تحياتي

69
مواضيع الحياة العامة في بلاد المهجر (امريكا) / رد: ... ايجابيات وسلبيات العيش في امريكا ...
« في: 07:49 23/09/2010  »
عاشت ايدك Torture Killer

صدك الواحد وخصوصآ للمهاجرين من العراق يفكر بأجوبة لأسئلتك اذا جان حاير بالسفر لو لا

70
الهجرة و واللاجئين / رد: ~ ما بعد استلام الظرف 04/09/2010 عمّان
« في: 22:54 19/09/2010  »
أخ doori
جنتو كم واحد بالدورة اليوم ؟

وهل الجميع من مستلمي 4-9-2010 ؟

71
الهجرة و واللاجئين / رد: ~ ما بعد استلام الظرف 04/09/2010 عمّان
« في: 22:00 19/09/2010  »
أأأأأأي مو والله قلقنا عليكم

مو مشكلة doori أصبر ... أحتمال بآخر يوم ينطوكم الاخبار

بس انتو جنتو كم واحد بالدورة ؟

يارب السفر القريب وما تتعذب بالانتظار الممل

72
الهجرة و واللاجئين / رد: ~ ما بعد استلام الظرف 04/09/2010 عمّان
« في: 21:16 19/09/2010  »
يالله .... كل تأخيره انشالله بيها خيره

على كولتكم خلي ننتظر

بس تأخروا ... غريبة !!!

73
الهجرة و واللاجئين / رد: ~ ما بعد استلام الظرف 04/09/2010 عمّان
« في: 15:48 19/09/2010  »
ادري وين صاروا جماعة الدورة اليوم .... منتظريكم يا معودييين

74
الهجرة و واللاجئين / رد: ~ ما بعد استلام الظرف 04/09/2010 عمّان
« في: 08:04 18/09/2010  »
ألف مبروووووووووك بس اهم شي تسألون عن الامنية ومو ألا بأول يوم ... يجوز بآخر يوم ينطوكم المعلومات وموعد السفر مثل ما صار ويايه ذيج المرة ... بحيث الكل ويايه عرفو شوكت يسافرون بس آني آخر يوم الا كلولي

أخوكم
د.موون لايت

75
الهجرة و واللاجئين / رد: يوم الكم يارب باركولي انطوني موعد سفر عمان
« في: 07:55 18/09/2010  »
مبرووووووووووك ويارب توصل بالسلامة وتتوفق بحياتك الجديدة كليآآآآ

76
الهجرة و واللاجئين / رد: ~ ما بعد استلام الظرف 04/09/2010 عمّان
« في: 18:56 17/09/2010  »
عيني ثابتكو

آني السنة اللي فاتت كنا حوالي 30 واحد بالدورة وكلتنا انطونا مواعيد السفر اثناء الدورة
فأسأل المحاضرة او المحاضر عن الامنية وموعد السفر

بس يمكن هاي السنة تختلف لان كالو الدورة هسة اربع ايام مع العلم كانت 3 ايام فقط ذيج السنة

بس شوكت خابروك واليوم جمعه ؟؟!!

77
الهجرة و واللاجئين / رد: ~ ما بعد استلام الظرف 04/09/2010 عمّان
« في: 18:07 17/09/2010  »
تحية لكروبنا الجميل

أني السنة اللي راحت جان استلام الظرف 1-6-2009 وجانت الدورة بنهاية الثامن وموعد السفر يوم 9-9-2009 بس ما سافرت فقدمت من جديد وهسة آني وياكم ف:

أحنا لو نلحك بنهاية السنة انشالله نسافر
او على السنة الجديدة

والله كريم

78
الهجرة و واللاجئين / رد: ~ ما بعد استلام الظرف 04/09/2010 عمّان
« في: 12:38 15/09/2010  »
ليش البصمات هم الها وكت وتصير اكسباير ... قابل تتغير البصمات ..!!! غريبة ...

آني مثلك يا أسد ... صارلي اكثر من سنة من بَصمت وماحد خابرني على اعادة البصمات مع العلم سويت الفحوصات واستلمت الموافقة الاولية يوم 4-9  وكاعد انتظر وياكم

والله كريم

79
الهجرة و واللاجئين / رد: استلمت الظرف بس ممكن مساعده
« في: 23:45 04/09/2010  »
عيني ريم
السنة اللي فاتت استلمت الظرف يوم 1-6-2009 وخابروني على الدورة بنهاية الثامن وانطوني موعد اثناء الدورة يوم 9-9-2009
صارت ظروف وأجلت بس أجلولي بس شهرين وما كدرت أسافر أيضآ لظروف قاسية جدآ ! فغلقو ملفي ..! بس دزيتلهم الاسباب والوثائق ففتحوا ملفي مرة ثانية وهلم .. عادو كلشي وأستلمت اليوم الظرف موافقة مثلج
فأنتظري وأصبري
والله كريم

80
الهجرة و واللاجئين / رد: ~ ما بعد استلام الظرف 04/09/2010 عمّان
« في: 09:56 04/09/2010  »
السلام عليكم
طبعآ هسة جيت من المنظمة الدولية للهجرة بعد استلامي للظرف - حمدلله موافقة مبدئية بانتظار الامنية

الحشد جان كللششش مهول بحيث ما مكفية القاعة الخارجية والناس واكفة برة

نادو اسامي حوالي مئة شخص او اقل شوية, كوجبة اولى والحمد لله جنت من ضمنهم ودخلنا جوة

اللي شفته من الناس اللي استلمو الظروف, واحد بس كاتبيله تأجيل وشفت ثلاث ظروف كانت رسالة مطولة بعدين فهمونا أنها هي هاي النتيجة الاولية والامنية فد مرة فمبروك عليهم

أتمنى من الكل استلام الموافقة والسفر العاجل بأذن الله

أخوكم, موون لايت 

81
الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان
« في: 06:34 04/09/2010  »
يالله دنبدل هسة

82
الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان
« في: 23:18 03/09/2010  »
لا طبعآ مو كل سنة ظرف .. بس آني ذيج السنة خلصت كلشي وطلعلي موعدين سفر وما كدرت أسافر لظروف قاسية ! فغلقو ملفي ..! بس دزيتلهم الاسباب والوثائق ففتحوا ملفي مرة ثانية وهلم .. عادو كلشي وباجر الظرف
والله كريم

83
الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان
« في: 21:56 03/09/2010  »
عيني ريم باجر بس أبو الكيس يجي لوحده مو إلا كل العائلة، مثل ما صار وياي السنة اللي فاتت لأن آني هاي ثاني مرة
والحضور الساعة التاسعة
والله كريم

84
الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان
« في: 09:16 03/09/2010  »
الحلو بالموضوع ياجماعة باجر راح نروح ونوكف كلتنا تحت سقف واحد بالانتظار ونشوفكم كلكم .. باجر راح تكون بس نظرات بدون كلمات مثل أهنا .. أكيد راح تكون نظرات ومشاعر متفائله برحمة الله ولطفه بهالشعب المسكين ...
يارب يسهلنا علينا كلنا ويبشرنا بخير ..
آمين

85
الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان
« في: 09:11 30/08/2010  »
حلوة jack black ضحكتني

آني شغلتي عويصة شوية !!!
طلعلي موعدين سفر من عمان نهاية سنة 2009 وما سافرت لظروف قاسية جدآ ..
طبعآ غلقوا ملفي
بس دزيتلهم كل شي عن اسباب عدم تمكني من السفر, ففتحو الملف من جديد
قابلت محلفين يوم 29-7  لأضافة طفلتي الجديدة بس جانت مقابلة كاملة مثل السنة اللي فاتت, حتى بالأخير حسيت من اسئلتها انها ما تعرف اني طالعلي مواعيد سفر وما رحت فكتلها بالأخير بس اريد اضيف معلومة تره هيج وهيج الشغلة ... ما تصورون الصدمة على وجها شنو !!! فكعدتنا من جديد وسين وجيم ليش ما سافرت ..............( تره غير مطفيين مثل جماعتنا )
طبعآ اني كملت الفحص الطبي قبل المقابلة بشهر تقريبآ آني وزوجتي وابني 4 سنوات
خابروني قبل اسبوعين لفحص الطفلة
وقبل خمسة أيام خابروني مخابرة غريبة .... سؤلوني انت طالعلك موعدين سفر وما سافرت ... ليش ...!!!
طبعآ شرحتلها السالفة بس كلشي ما ردتلي وكلتلي أوكي أوكي وسدته التلفون ... طبعآ نزلت علي الكآبة ... سترك يالله
( مو مطفيين مثل جماعتنا لو مو مو )...؟؟؟

يالله ألطف بينا

86
الهجرة و واللاجئين / رد: مجموعة الي مقابلين محلفين IOM بغداد شهر الثامن
« في: 08:55 30/08/2010  »
آني شغلتي عويصة شوية !!!
طلعلي موعدين سفر من عمان نهاية سنة 2009 وما سافرت لظروف قاسية جدآ ..
طبعآ غلقوا ملفي
بس دزيتلهم كل شي عن اسباب عدم تمكني من السفر, ففتحو الملف من جديد
قابلت محلفين يوم 29-7  لأضافة طفلتي الجديدة بس جانت مقابلة كاملة مثل السنة اللي فاتت, حتى بالأخير حسيت من اسئلتها انها ما تعرف اني طالعلي مواعيد سفر وما رحت فكتلها بالأخير بس اريد اضيف معلومة تره هيج وهيج الشغلة ... ما تصورون الصدمة على وجها شنو !!! فكعدتنا من جديد وسين وجيم ليش ما سافرت ..............( تره غير مطفيين مثل جماعتنا )
طبعآ اني كملت الفحص الطبي قبل المقابلة بشهر تقريبآ آني وزوجتي وابني 4 سنوات
خابروني قبل اسبوعين لفحص الطفلة
وقبل خمسة أيام خابروني مخابرة غريبة .... سؤلوني انت طالعلك موعدين سفر وما سافرت ... ليش ...!!!
طبعآ شرحتلها السالفة بس كلشي ما ردتلي وكلتلي أوكي أوكي وسدته التلفون ... طبعآ نزلت علي الكآبة ... الله اللي يستر
( مو مطفيين مثل جماعتنا لو مو مو )...؟؟؟

87
الهجرة و واللاجئين / رد: هل الطفل الحديث الولادة يحتاج لجواز
« في: 21:40 08/08/2010  »
آني نفس شغلتك أهنا بعمان .. بس اتطول الشغلة لازم أتضيفه باليو-أن اول مرة وحاول تلكه واسطة للجنسية لأن هي الي تأخر تخريج الجواز .. آني قابلت محلفين قبل اسبوع وسألتهم عن الجواز وكلولي لازم تطلع للطفل جواز جديد ..!

88
الهجرة و واللاجئين / رد: الي مسوي معاملة اضافة طفل ارجو منه الاجابة
« في: 09:31 07/08/2010  »
طلعلتلي مواعيد سفر سنة 2009 بس ما سافرت بسبب ظروف قاهرة ... ففتحت الملف من جديد ... أجتني طفلة فضفتها على الملف
المهم
آني همينة سويت مقابلة محلفين يوم 29-7-2010 في عمان لاضافة الطفلة
بس جان مكتوب انه نتيجة المحلفين ستكون بيوم 5-9-2010
أللي أعرفه انه لازم ننتظر الظرف يوم 5-9
مو لو مو مو ؟

89
الهجرة و واللاجئين / رد: IOMتوجل لك السفر مرتان هل تخذللك بالثالثة
« في: 09:25 07/08/2010  »
السلام عليكم

آني طلعلي موعد سفر من عمان بتاريخ 9-9-2009 وأجلت فأتصلوا بعد شهر ونص تقريبآ وانطوني موعد بتاريخ 9-11-2009 ... لكن الظروف كانت قاهرة جدآ وما سافرت حتى اتصور كانت زوجتي حامل ... فانغلق الملف ... بعد النصيحة من أخ صديق ألي ومن الاعضاء المحترمين في عنكاوا عن امكانية فتح الملف مرة ثانية, كتبتلهم اسباب عدم سفري وارفقت التقارير الطبية الخ ... اتصلو بي بعد اسبوع وعملت كل الاجراءات من جديد ... سويت اضافة طفل ومقابلة بمكتب الهجرة وسويت فحص طبي بعدين قابلت محلفين يوم 29-7-2010 ودا انتظر النتيجة يوم 5-9-2010 انشالله

الي صديق سافر قبل اسبوعين كان مأجل المرة الاولى وخابروه على المرة الثانية بعد عشرين يوم فقط واضطر الى السفر
يعني فترة التأجيل بعد المرة الاولى قد تكون قصيرة
وشوف انت ظروفك شلون
وانصحك بالسفر لأن راح تتندم وتتأسف بعدين على هاي الفرصة
والله يعين ويوفق الجميع

90
الهجرة و واللاجئين / رد: مقابلة محلفين في الاردن
« في: 16:21 13/07/2010  »
السلام عليكم ...
 تم الاتصال بي مساء أمس الاثنين وتم ابلاغي بان موعد المحلفين سيكون الخميس 29-7
الله يوفق الجميع انشالله

91
الهجرة و واللاجئين / رد: الى كل من يحتاج مساعدة في ولاية جورجيا الامريكية
« في: 18:24 12/05/2010  »
مبروك وآني أخوك هم جاي على جورجيا بمنطقة دن وودي انشالله ... منتظرين شرحك للولاية ولوضعك العام بيها ..

92
الهجرة و واللاجئين / رد: اميركا..هل تستحق كل هذا العناء؟
« في: 07:44 05/05/2010  »
آني طبيب اخصائي بعمان .. عمري 31 سنة ... اشتغل وراتبي وحياتي كلش زينة أهنا والحمد لله ... طلعلي موعدين سفر بنهاية سنة 2009 بس سبحان الله والدي اتمرض بذاك الوكت فأرغمت على البقاء لاستقباله من العراق واجراء اللازم ... وبالاضافة وما انكر عليك انه جان بكلبي تخوف وقلق شديد من خسارة المكانة اللي تعبت الى ان وصلت بيها بعمان ... لان تعرف الاختصاص الي صرفت عليه وسهرت عليه  أذبه بالزبل اذا اروح لامريكا ... وسويتها وما رحت ... بس صدكني يوميآ من احط راسي على الوسادة او من انظر الى اطفالي .. تنزل دموع مريرة من كلبي ... يعني آني كاعد اكتبلك هسة والدمعة بعيني من الندم والتأسف .. وحتى انعزلت عن اصدقائي اللي كلهم مو معظمهم هاجروا حتى ما اسمع اخبارهم واتندم ... لان ما حد رجع ...  والكل كاعد يجي زيارة بعد الكرين كارد والخ ... ومثل ما كال اخونا الغالي حمادة ابن عين كاوة "كل اللي رفضو المجي لهذا المكان هي اكبر جريمة ...الخ " قصده لامريكا
اتصور والله العظيم زوجتي قدمت على برنامج بورد بشهر الواحد وامتحنت كتابي وعملي وطلعت الاولى على المتقدمين ... ,اجاني الخبر التازة ثاني يوم ... ماكو موافقة أمنية !!! ليش يابه ... ماكو جواب ...؟؟!! بس معروف الجواب أخوية ........عرررراااااااقيييية ...... مع العلم انه آني أختصاصي اربع سنوات من نفس المكان ... .... ماتتصور اشصار بيه  من ذاك اليوم ... طبعآ هواية امور وتجارب ما تنحجي ...
الحمد لله لحكت على حالي وبمساعدة صديق الي اجه من بغداد بعد تحويل ملفه, ومساعدة الطيبين بهالمنتدى الطيب وأخص بالذكر حمادة 2.... كدرت افتح الملف من جديد وماشية شغلتي أذا راد الله ...
وراح اروح هالمرة لان العروبة ما تنراد أخوية

93
الهجرة و واللاجئين / رد: اخوان محتاجين عنوان صديق من ولاية جورجيا
« في: 16:11 26/04/2010  »
بس آني اللي اعرفه وسمعته من صديق لي في جورجيا  أنه ولاية فقيرة ومساعداتها تعبانة ومو أمينة ... فالاحسن دور غير ولاية ... بالنسبة الي في المرة الاولى اللي ما سافرت بيها كان كفيلي بجورجيا ... وهسة رجعت فتحت الملف من جديد وكاعد ادور على غير كفيل ... وبقت يمك طبعآ

94
الهجرة و واللاجئين / رد: عاجل ..عاجل .. مساعد وزيرة الخارجية الامريكيه يؤكد استمرار برنامج اعادة التوطين الامريكي للعراقي
« في: 10:21 23/04/2010  »
اني ما لحكت اشوف البرنامج بس جنت عارف انه اكو طيبين راح يكتبون عنه بهالمنتدى الرائع

Dr. Moonlight

95
الهجرة و واللاجئين / رد: اضافة طفل
« في: 07:48 23/04/2010  »
زين أخوية الاسد الجامح بلكي ترسلي رقم الUNHCR أكون ممنون وانشالله ياربي تسهل امورك وامورنا ...

96
الهجرة و واللاجئين / رد: شلووون حيرة .... شبيها ولاية جورجيا ..؟؟!!
« في: 07:15 22/04/2010  »
اشكركم جميعآ على الردود الطيبة

بالنسبة للمنطقة يا أخت سرى هي Cedar run .. ما ادري تعرفيها لو لا ؟


97
الهجرة و واللاجئين / رد: شلووون حيرة .... شبيها ولاية جورجيا ..؟؟!!
« في: 15:07 21/04/2010  »
يامعودين وين اللي بجورجيا او حتى اللي يعرف عنها اي شي ؟؟؟!!!

98
الهجرة و واللاجئين / رد: اضافة طفل
« في: 15:02 21/04/2010  »
الف مبروك والحمد لله على السلامة ...

انت أولآ وين ؟

آني مثلك مكمل كلشي وأجتني طفلة أهنا بعمان ... طبعآ خابروني IOM ديسألون عن الولادة وان أبعثلهم البيان فور حصولي عليه  ... فطلعتلها بيان ولادة ودزيته للIOM بالبريد الالكتروني ... خابروني ثاني يوم وانطوني موعد لرؤية الطفلة ...

طبعآ راح اسويلها احوال مدنية وبعدين جواز سفر ... بس هم ما طلبوها مني ... ما ادري ما أسألتهم ؟؟

ياريت اللي مار بهاي التجربة ينورنا ....

وشكرآ

99
الهجرة و واللاجئين / شلووون حيرة .... شبيها ولاية جورجيا ..؟؟!!
« في: 08:37 21/04/2010  »
مرحبا
راح اختصر ... جان كفيلي بالمرة الاولى بجورجيا (قبل ستة اشهر) ولم استطع الذهاب لظروف قاسية ... هسة انفتح الملف من جديد وماشية المعاملة ...

فشنو رأيكم بولاية جورجيا من حيث المساعدات والعمل والمرافق العامة ألخ ...
سألت هذا السؤال لأن حاير .... !!!!

  أخابر واحد أهناك يقولي لا تتورط وتجي بيها لانها ولاية فقيرة وبيها بوك وسلب ومساعداتها كلش قليلة وحتى عمان احسن من عدها وهو ديحاول يغيرها

 وآخر صديقي كلش( اللي هو كفيلي بالمرة الاولى) صارله اكثر من ثلاث سنوات اهناك أخابره سواها جنة من حيث المساعدات والاماكن والرخص وكلي لا تروح لكلفورنيا او ... الخ لانها غالية وما تفيدنا بالبداية ....

رجاءآ من الاخوة الطيبين والطيبات اللي بجورجيا او اللي يعرفون عنها شي ... بس نصيحة لوجه الله ... أذ أني  لم أعطي الكفيل بعد للوكالة مرة أخرى ... يعني اكو فرصة اكدر اغير الكفيل هاي المرة

وشكرآآآآآ

 

100
الهجرة و واللاجئين / رد: لم اذهب الى موعد السفر
« في: 10:43 15/04/2010  »
زين عندي أستفسار معقد شوية ...

زوجتي جان عدها جواز S ومضيوف عليه ابني ... وطلعتلهم كل واحد جواز G وفعلتهم ( نقلت الاختام والاقامة السنوية بالمركز الامني ) بس ما لغيت القديم ... شنو رأيكم لما يجيني المولود الجديد بأذن الله أضيفه على الS وامشي بالمعاملة ؟!! لأن مثل ما تعرفون راح نتأخر الى أن اسوي جواز G جديد ...
طبعآ طلعتلهم اقامات سنوية على جوازاتهم الجديدة G

استشيرهم جماعة الIOM بهذا الشي ؟؟؟

ادري الموضوع معقد ويدوخ بس يمكن وصلت الفكرة ..!!!

101
الهجرة و واللاجئين / رد: لم اذهب الى موعد السفر
« في: 20:42 08/04/2010  »
أشكرك ياhamada2 يا أصيل على مساعدتك والأيميل الخاص مالتك طبعآ أستفاديت منه ..
 
الله يبارك بيك يا eboo وبالعراقييين الشرفاء بهالمنتدى الرائع ..

وشكرآ أختي سرى على تعليماتج والله يبارك بيج ..

وانشالله نظل على تواصل

102
الهجرة و واللاجئين / رد: لم اذهب الى موعد السفر
« في: 18:19 08/04/2010  »
أشكركم على هاي الردود والتمنيات الطيبة وراح اتواصل وياكم أول بأول انشالله .. بليا ارادة الله و بلياكم جان ما صار شي ..!
بس بقه استفسار واحد .. آني هذا السبت راح يجيني مولود جديد .. هل يأخر سير المعاملة وشنو الاجراءات أللي لازم اسويها بالنسبة للملود الجديد علمود اضافته للملف؟ نصيحتكم أخواني وأخواتي الاعزاء

103
الهجرة و واللاجئين / تم الاتصال : لم اذهب الى موعد السفر
« في: 13:47 08/04/2010  »
أخوان تم الاتصال بنا من IOM وحددولنا موعد لاعادة الفحص الطبي ... يعني مشت شغلتنا من جديد ؟ 

104
الهجرة و واللاجئين / رد: لم اذهب الى موعد السفر
« في: 15:43 26/03/2010  »
دزيتها بالعربي وبالانكليزي بلأيميل وراح اروح لمقهرهم بعمان وأذب ظرف بصندوق البريد والله كريم ... أدعولي

105
الهجرة و واللاجئين / رد: لم اذهب الى موعد السفر
« في: 07:30 24/03/2010  »
بس سؤال أخير , الرسالة جاهزة بس أدزها بالعربي لو بالانكليزي أحسن ؟؟؟ أ رجو الافادة شاكرين تعاونكم المخلص يا شرفاء

106
الهجرة و واللاجئين / رد: لم اذهب الى موعد السفر
« في: 07:54 20/03/2010  »
بس سؤال أخير , الرسالة جاهزة بس أدزها بالعربي لو بالانكليزي أحسن ؟؟؟ أ رجو الافادة شاكرين تعاونكم المخلص يا شرفاء

107
الهجرة و واللاجئين / رد: لم اذهب الى موعد السفر
« في: 16:27 19/03/2010  »
Thanks for everyone ... I will write a letter explains everything and I'll attach the reports ...

108
الهجرة و واللاجئين / رد: iz _ baghdad مهم
« في: 07:46 18/03/2010  »
اتمنالك الموفقية والنجاح يا ستيف بغداد ... مثل ما كالو الصبر !!!

109
الهجرة و واللاجئين / رد: لم اذهب الى موعد السفر
« في: 07:41 18/03/2010  »
جتي الرسالة واشكرك على وقتك للشرح الثمين يا وردة

110
الهجرة و واللاجئين / رد: لم اذهب الى موعد السفر
« في: 07:07 18/03/2010  »
مقتبس من: hamada2 في 19:42 17/03/2010


سوف ابعث لك الاميل ورقم التلفون على الخاص لدائرة الهجرة



hamada2

تسلمون يا شرفاء ... انتظرك حماده تدزلي الايميل ورقم التلفون ....

111
الهجرة و واللاجئين / رد: لم اذهب الى موعد السفر
« في: 18:14 17/03/2010  »
هو هم هيج راح اسوي ولو أتأخرت  ... أشكركم على هاي الردود الفاضلة واتمنى ألكه واحد مثل حالتي شسوه بعدين !!؟؟؟

112
الهجرة و واللاجئين / لم اذهب الى موعد السفر
« في: 17:09 17/03/2010  »
اعضاء المنتدى المحترموون ...
آني طبيب مقيم بعمان قدمت على اليو أن من 2007
تم تحديد موعد للسفر الى امريكا يوم 9-9-2009 وقد اتصلت بهم لتأجيل السفر لأن شلووون صدفة وحظ  والدي صار عنده نزيف بشبكية العين من السكر وكنت منتظره يجيني من العراق لعمان لعمل العملية في الاردن إذ اني الوحيد له بعد استشهاد وفقدان اخوتي في العراق وتم التأجيل, واتصلو بعد حوالي شهر لتحديد موعد ثاني واخير يوم 11-11-2009 وطلبت التأجيل مرة ثانية لنفس السبب ولم استطع مرغومآ الذهاب الى موعد السفر !!!... اتصلت بهم بعد ذلك اكثر من مرة وابلغوني بان ملفي مغلق ...!!!

ظليت حاير فذهبت للتسجيل مرة ثانية لمفوضية اللاجئين وقد تم تجديد الوثيقة بدون مقابلة او حتى سؤالي لماذا لم اسافر الى امريكا او حتى أعطائي فرصة لفتح ملفي مرة اخري ...

ماهي فرصي في فتح ملفي لامريكا مرة ثانية او هل هناك فرصة لتوطيني لبلد آخر اذا ظليت وياهم مسجل على المفوضية بعد شغلة امريكا ...

وشكرآآآآآآآ

صفحات: [1]