الرسائل

1

الهجرة و واللاجئين / رد: الشركات الاهلية

« في: 23:08 11/04/2010  »

السلام عليكم
الاخت سرى جدا اشكرج لان الموضوع استافديت منه كلش هواية بارك الله بيج وشكرج على كل الردود
الاخ الدكتور هندسه اشكرك على ردك لان استفاديت من كلامك والصراحة جدا ارتاحيت لان صحيح التقديم بي تعب ويراد واحد يتحرك بي حتى ايحصل الشي ليريده وكلامك من قريته صراحتا حسيت التقديم كلش سهل وشجعني لان اني كلش مستصعب الموضوع وشلون راح احصل على التزكيه وشلون راح اقدم وكثير من الامور
بارك الله بيكم والله يحفظكم لان مدتقصرون ويه اي شخص

2

الهجرة و واللاجئين / رد: الشركات الاهلية

« في: 23:38 09/04/2010  »

يا اخوان الله ايبارك بيكم ويحفظكم لان ابد ما مقصرين ويه اي شخص يحتاج مساعده واني من الاشخاص المحتاج مساعده حول كثير من التفاصل احتمال اطول واكثر الاسالة عليكم بس اتمنى تتحملون وبارك الله بيكم
بصراحة الشركه شركة مقاولات عامة و تتعامل مع الجيش الامريكي بتنفيذ مشاريع يعني كلهم ضباط وجنود واني ماعندي علاقه مع احد منهم بس الجنود والمترجم واعتقد الجندي مو من حقه ينطي التزكية والمده صار 5 اشهر انا اعمل محاسب مع الشركة واصلا اني موظف مدني بأحدى دوائر الدولة هل اتاثر هذه الوظيفة بالتقديم
وعندي استفسار هل من حق عمال الحدادة او عمال البناء او الصباغ الي شاركو باحد المشاريع ايقدمون بعتبار كان عامل باحد المشاريع
وشكرا على اجوبتكم

3

الهجرة و واللاجئين / رد: الشركات الاهلية

« في: 23:56 08/04/2010  »

شكرا جزيلا اختي انجي على الرد واني قاري الهذا الرابط ومالكيت من ضمن النقاط الشركات العراقيه الاهليه بس الاخت سرى ماقصرت وياي وعلى الاجوبه وضحتلي وحده من النقاط تشمل هذه الشركات

والاخ الدكتور المهندس اني ممنون منك على الرد بس منو تقصد بالموظف الامريكي
والتوصيه شنو تقصد بيه استماره احصل عليه من منظمة  iom او من الجه الامريكيه المتعاقده وياهه الشركة

4

الهجرة و واللاجئين / رد: الشركات الاهلية

« في: 01:54 08/04/2010  »

اني قريت هذا الموضوع بس ما مذكور الاشخاص المقصودين وكتبت الموضوع حتى اعرف اذا كان من حقهم التقديم او لا

5

الهجرة و واللاجئين / رد: الشركات الاهلية

« في: 01:42 08/04/2010  »

اخت سرى انتي شنو صدكي خجلتيني ماشاء الله اسرع رد شفته بحياتي والله ايبارك بيج

6

الهجرة و واللاجئين / الشركات الاهلية

« في: 01:36 08/04/2010  »

السلام عليكم
اخواني اهل الخبره هل من حق الموظفين مثل المهندسين او المحاسبين اللذين يعملون لدى الشركات الاهلية شركات المقاولات التقديم على لجوء عن طريق iom او اي منظمة ثانية وهذه الشركات تنفذ اعمال للقوات الامريكية مثل تبليط طرق او تجهيز مواد او بناء قاعات داخل القواعد الامريكية او خارجها وطبعا هذه الشركة مسجلة لدى القوات الامريكية ولديها عقود بين الشركة والقوات الامريكية
وشكرا للجميع

7

الهجرة و واللاجئين / رد: استفسار

« في: 22:39 03/04/2010  »

الى الاخت سرى والاخ ابن عين كاوه جدا جدا اشكركم والله فرحتوني لان جاوبتو على استفساري بارك الله بيكم
زين اخواني سمعت منظمة ال IOM تقبل الطلبات للاشخاص المهددين طائفيا او للي ايعيشون بالمناطق الساخنه يعني الامان بيه غير متوفر صحيح هذا الكلام واذا غير صحيح يعني طالما اني داخل العراق ماراح احصل على لجوء لازم اسافر السوريا واقدم عن طريق الامم المتحده هناك واذا قدمت هناك لازم ابقه بسوريا انتظر ماكدر ارجع للعراق صراحة اني كنت عايش بسوريا فتره بس ماخطر ابالي اقدم لكن هسه اني بالعراق واريد احصل على لجوء لان الاوضاع تعبانه والكل يعرف هذا الشي واذا عندي صديق بامريكا يكدر ايحصلي على لجوء او يبعثلي دعوه واذا اسافر بطريقه شرعيه يعني دخلت لسويد مثلا او المانيا او امريكا بجوازي ومستمسكاتي الاصلية وطلبت اللجوء منهم احصل عليه لو لا
وجدا اسف على كثرة الاسأله بس حضراتكم خبرتكم ومعلوماتكم افضل من عندي وشكرا مره ثانيا على الاجوبه

8

الهجرة و واللاجئين / استفسار

« في: 23:12 02/04/2010  »

السلام عليكم ورحمة والله وبركاته
اخواني الاعزاء طبعا هذا المنتدى جدا راقي لان اعضائه كلهم راقين وشفت كثير من المواقع لتخص مواضيع الهجرة واللجوء بس هذا المنتدى كان المتميز بين هذه المنتديات تحية مني الى كل الاعضاء المساهمين بنجاح هذا المنتدى
اخواني عندي استفسار حول اللجوء الى امريكا عن طريق الاعلان اعمل وعيش في الولايات المتحدة او الكرين كارد ( البطاقة الخضراء ) هل هو فقط للأشخاص اليعملون مع الامريكان او المنظمات الامريكية و اكو احد عن طريق هذا الاعلان حصل على اللجوء وهل يوجد طريقه للحصول على لجوء الى امريكا او الدوله ثانيه غير امريكا علما اني ما عملت مع اي منظمه واريد احصل على لجوء الي عنده معلومات ممكن ايفيدني وشكرا جزيلا