الرسائل

1

الهجرة و واللاجئين / رد: ولاية تكساس مدينة الباسو

« في: 11:45 24/05/2010  »

السلام عليكم اخي اني هم مثلك ذابيني ابمدينه مابيه ولا عراقي من اخوانه وموعد السفر من يا مطار وياك عائله لو بحدك ارجو منك الرد ولو زحمه عليك بلكت احنه وياك ويسهل امرك وابو عبدالله التكساس كلشي                                        يعرف ايسموه مختار المحله مال تكساس بلكت ايجاوبك ارجو الرد منك اخويه

2

مواضيع الحياة العامة في بلاد المهجر (امريكا) / رد: امريكا و اليات اختيار السكن للمهاجرين

« في: 19:38 14/05/2010  »

اجابه وافيه وجزاكم الله اجر وثواب  الى اخوانكم العراقين الواصلين الى موطنهم الجديد  اني اقول امريكا الجنه تستاهل من عندنا شويه التعب في الاستقرار وتدبير حياتنا من جديد وامريكا هي ام الفرص والحض لو استغليت طموحك وهدفك في الحياه هو الطريق الى وصول النجاح وتحقيق كل امنيات التي كنت يحلم ان تتحقق  واحنه من ريد مثل مكال ابو المثل نزل ويدبج ههههههه خاف ايطردنه ابو البيت اعذروني خاف اشويه طلعت من الموضوع ولي طلب صغير كل واحد ايمر ابتجربه  في اي ولايه ويستفاد منه اخوانه العراقين ان يكتبه وخوانكم ايموتون على ابو المثل ايكول اسال مجرب ولا تسال حكيم شدكولون وتدرون الايجار اشلون ان اشيل همه كل راس شهر ايطب الشهر منا يطلع منا واني لو الواحد ايسويله كرفان اجبير 3 في عشره مثل مال عادل امام ويخليه  ابنص الولايه ليحير ابسوك وامان والمدارس قريبه عليه لا اكلج ولا بانزين وكاعد على درب اليمرون ههههههههه وتحياتي الكم اشويه انضحكم خاف ضايجين من الانتضار مثلي والله يفرجه الي وصلو ولي بعدهم -

3

الهجرة و واللاجئين / توقيع الاستماره الخدمه العسكريه في امريكا بيه فائده لو لا برنامج siv

« في: 21:35 08/05/2010  »

السلام عليكم  عندي احد اولادي في المقابله انطوه استماره الخدمه العسكريه هل توجد مميزات في العمل الدراسه وهل تفيد بشي ام مجرد روتين ونحنو مقدمين من برنامج siv ,وما المده لتحديد السفر والولايه ونحنو ماخذين الفيزه بتاريخ 20 4 2010 وباقين الله سبحانه وتعالى يفرجه علينه وعلى كل من ينتضر والصبر مفتاح الفرج -

4

الهجرة و واللاجئين / رد: اشوكت تتحدد الولاية لجماعة الsiv ؟

« في: 17:47 10/04/2010  »

تحيه طيبه لكل من ساهم  بلرد الوافي واني اشكركم والله يحفضكم ويرزكم وتحققون كل امانيكم ويجعلكم ذخر الى اخوانك ويكثر من امثالكم

5

الهجرة و واللاجئين / رد: اشوكت تتحدد الولاية لجماعة الsiv ؟

« في: 07:11 10/04/2010  »

السلام عليكم .. اشكرك اخي العزيز سلفر على هاي الاجابة الوافية بالنسبة الي مليت هذني الحقلين وماعندي كفيل كتلهم.,بلنسبة للشخص الي يستلم الكرين كارد موجود في ولاية ميزوري  وكالونة بالسفارة هوة لحة يستلم الكرين كارد ورة شهر من توصلون لامريكا, واحنة صار 40 يوم دننتظر الفيزة,سؤالي ايصير هسة نسأل المنظمة على الولاية الي لحة ايذبوني بيهة لو من نستلم الفيزة؟مع الشكر والتقدير ولو اشوية تعبناك ويانة.... 

6

الهجرة و واللاجئين / اشوكت تتحدد الولاية لجماعة الsiv ؟

« في: 21:09 09/04/2010  »

السلام عليكم.... احيي  كل اخواني اعضاء منتدى عنكاوا وكل المشتركيين العراقيين وهذا المنتدى الذي يحمل معاناة المغتربيين والمهاجريين من ابناء العراق العزيز والذين هم المقبيليين على السفر والهجرة والذين سبقونا بالسفر  والذي يجعل من هذا المنتدى نقطة انطلاق للمستقبل والمعرفة في الحياة الكريمة الجديدة وسوف اكون عضوا جديدا لا ابخل بأي مساعدة او معلومة كما علموني من الاعضاء المتميزين بهذا المنتدى الذين يقدمون وكل ما عندهم من معلومات ومساعدة اخوانهم العراقيين سواء في الداخل او في الخارج وهذه نقطة جديدة  تظهر لنا بوحدة ابناء العراق ,.                                                                                                 لدي سؤال الى ذوي الخبرة من الاس اي في . متى يتم تحديد الولاية مع العلم اني دا انتظر الفيزة  منذ اربعين يوما مع بقية عائلتي . مع العلم اني عندي iz  نمبر وسفري على IOM  . ولم تحدد لي ولاية لحد الان..وهل من حقي اختيار الولاية؟.