الرسائل

1

الهجرة و واللاجئين / رد: حول اصدار جواز الجديد (أي)A

« في: 17:48 23/04/2010  »

شكراا جزيلاا

اني و عائلتي عدنه جوازات جي G عام الماضي طلعناهم كلفتنه السالفه 8 أوراق عل اربعة جوازات المهم اخذناهم و سافرنا سياحه الي ايران و سوريا و بعدها الي تركية و اخر شي بقينه بسورية طبعا بدوون ما أقدم علي الأمم المتحدة ,

حاليا فكرت اروح الي الأمم المتحدة مال الاردن عمان و أبقي هناك الي ان يطلع الجواب , بس وين المشكلة ؟؟
المشكلة جماعه هنا كالولي كلشي ولا تروح بجوازك هذه الي الاردن لان بيها تأشيرات مال دول خصوصا ايران ...

اني بصراحه أخاف اطلع الي الاردن و أقدم و يستشكلون علي تأشيررتي مال ايران و هنوب بطلعولي سالفه , ها يابه شعندك ب ايران ؟؟ أو تركيا !! و احتمال قوي انرفض و يروح وقتي و تعبي ببلاش......

سألت ولد يداوم بلجوازات العامة كتله يابه هيجي سالفتي , كال تعال كول جوازي ضاع لو انتلف و سويلك ورقة محكمة و طلع جواز A , و تخلص من تأشيرات الدول اللي رحتلها , بس المصيبه يكول اذا طلعت A يمنعوك من السفر لمدة سنة لازم تبقي هنا (علي أساس عقوبه لو ما اعرف شنو)....

ماكو حل ؟؟ 

اخوكم أمير

2

الهجرة و واللاجئين / رد: حول اصدار جواز الجديد (أي)A

« في: 20:05 22/04/2010  »

ماشاء الله اذا التوريق ماشي يعني العراق بخير

اللي عنده فلوس يكيف للسالفه بس المصيبه توكع براس اللي ماعنده ....

الله كريم تفرج ...

هاي مال التوريق عرفناهه بس يا تري اكو اصدارات لو متوقفه؟؟؟


شكرا
امير

3

الهجرة و واللاجئين / حول اصدار جواز الجديد (أي)A

« في: 20:37 21/04/2010  »

سلام عليكم

حصلت كل المعلومات حول اصدار جواز الجديد من منتدي عنكاوا عن طريق الروابط النالية

http://www.iraqinationality.gov.iq/passport_ar.htm

http://www.iraqinationality.gov.iq/eForm/%28S%28qvpiho55k1q25xuxeinuvt45%29%29/Default.aspx
شكراا جزيلا لكم

بس سؤالي : اريد اعرف حاليا مستمرة الأجرائات ,؟
يعني ديطلعون لو متوقفه علي علم اني عي الفرع كرادة مسبح
 لان اني هسه خارج العراق و اريد اروح الي بغداد و اطلع جواز جديد
و سؤالي الاخر هو : المدة شكد يطول ؟ لو هم مثل جواز G تورق و يجيك الجواز يم الباب..؟؟

شكرا
اخوكم امير

4

الهجرة و واللاجئين / رد: آهل الخبرة (((بريطانيا)))

« في: 16:33 17/04/2010  »

ولله بصراحة كالولي مجرد بس توصل لمطار هثرو (لندن) اتعبر نفسك ماخذ اللجوء و ماكو رجعة بس كالو لا تكول اني عراقي , علي اعتبار اني اعرف عدة لغات و من ضمنهم لغة فارسية فنصحوني اكول اني ايراني و أضمن اللجوء ,
اما عن البصمات شئ أكيد ما راح ادخل من طريقة قانونية حتي يصير بيها بصمات و اجرائات قانونية أخري ...

و أحب أشكر العضو yasooo و أخوية Edy Simon علي الردود لان وضحتولي هواي أشياء ...

مثل ما ذكرتوا هي صايره صعبه و تشديدات و عمليات تسفير قصري و ما شابه هذه الأمور يعني خصم الكلام (مجازفة)...

ولله حاير شباب , اني أخاف أقدم علي الأمم المتحدة و السالفه تاخذ مني سنة أو أكثر و في الاخر ما اخذ نتيجة بعد كل هذه الوقت , لذلك فكرت بطريقة أخري أسهل و أسرع و شباب نصحوني علي بريطانيا علي أساس واحد يوصلني لهناك و مناك أقدم علي لجوء و بعدها اسحب والدتي ..

علي كل حال أشكر ردودكم الطبية
خلوكم علي اتصال شباب و نصائح المجربين تسوي الف نصائح أخري
بارك الله بيكم

5

الهجرة و واللاجئين / رد: آهل الخبرة (((بريطانيا)))

« في: 15:13 12/04/2010  »

مرحبا مجددا

اولا اني اعتذر أختي الغالية ✿AnGie✿ و اقدر وقتج الثمين علي الردود و مساعدة اخوانج العراقيين...

يمكن اني مدا اعرف اسئل مضبوط ؟!؟!؟ اني قصدي مو شلون اسلم نفسي لو امزق الجواز أو احتفظ بي و ما شابه هذا الامور (بس لو تقرين مجددا اسئلتي تعرفين شنو قصدي)
ما اقصده ليس كيفية طلب اللجوء (داخل المطار) بل الاجرائات و المحاكمة و المدة الي ان اصبح لاجئ و استقر و باقي اسئلتي كما ذكرت اعلاه...
يعني انسي الرابط مو اللي ابحث عليه , (((  ادري كوه هيه؟ هههه    )))

علي كل حال اتمني شخص يفيدني
و ارجع اشكرج ✿AnGie✿
اني فاتح الموقع ما اطلع اذا ما اخذ جواب 
التوفيق للجميع يارب
امير

6

الهجرة و واللاجئين / رد: آهل الخبرة (((بريطانيا)))

« في: 14:09 12/04/2010  »

أشكرك أخي ✿AnGie✿ علي الرابط

بس المعلومات اللي طلبتها لا يجيب عليها الرابط اللي ذكرته

الأخ top secret شارح يعني شلون واحد سلم نفسه للشرطه و يطالب لجوء و طبعا هي عملية معروفه ...

طلبي منكم هو شرح كامل من اخوان اللي مرو عن طريق مطار لندن و طلبو اللجوء , اريد اعرف شنو هي الأجرائات الي ان اصير لاجئ قانوني و استقر , ثاني شي عندي امي مريضه بلعراق و تحتاج رعاية مني يعني ما اكدر استغني عنها مدة طويله المفروض أول ما اوصل لندن و اصير لاجئ اسويلها لم شمل و اسحبها يمي , بس وضحولي اخوان اكدر اسحبها لو لا؟
اكو شروط معينه مثلا العمر أو شي اخر ؟

لو نهائيا ماكو لم شمل ؟

بارك الله بيكم
امير

7

الهجرة و واللاجئين / آهل الخبرة (((بريطانيا)))

« في: 03:32 12/04/2010  »

سلام عليكم
أولا أشكر هذا الموقع الذي يحتوي علي الكثير من الأقسام المفيدة و الشيقة و هذه اول زيارة لي بنصيحة من صديق و اتمني أن لا تكون الأخيره...
اريد بعض الاستفسارت من أخواننا أهل الخبرة بخصوص اللجوء في بريطانيا


شباب اريدكم تعتبروني اني حاليا في مطار لندن و قدمت نفسي كلاجئ للشرطه...
اريد اعرف شنو هي الخطوات من المطار الي اللجوء
يعني كيفية التصرف مع شخص عراقي طالب اللجوء ,وين ياخذو , شلون يحاكمو , شكد تطول العملية الي ان ياخذ اللجوء و يستقر كلاجئ , ثاني شي احتمال قبولي كلاجئ شكد بلمية (سألت ناس كالو احتمال كلش اقوي من السويد و الدنيمارك و نرويج)

و في الاخر من انقبل لاجئ اكدر اسحب والدتي اسويلها لم شمل لو ماكو هذا الشي أو لاغين لم الشمل ؟

يارب تكدرون تفيدوني يا أهل الخبرة
شباب اريد معلومات 2010 جديده

دعواتي و امنياتي بلتوفيق لكم أعضاء المنتدي جميعا
اخوكم امير