عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - العراقي للعراقيين

صفحات: [1]
1
الهجرة و واللاجئين / رد: جمعيت الي قابلو الوفد في سوريا الشهر الثاني والثالث2011
« في: 16:00 17/03/2011  »
السلام عليكم اخوان اليوم رحت استلمت النتيجه وطلعت قيد الدراسه والظاهر الي ممسوي فحص تطلعله قيد الدرايه يعني بعد المقابله وره عشر ايام اذا متصلو بي يعني قيد الدراسه لان الجماعه الي جانو ويايه نفس الفلم الي رايح فاحص جايه قبول والي مفاحص لو رفض لو قيد الدراسه بس كلهم قيد الدراسه والشغله مطوله لان الافندي الموظف يكول منعرف النتيجه شوكت تطلع يجوز 6 اشهر او اكثر والعلم عند الله عله كل حال اكثر اخوانه المسيح جاي هم قبول او بالاحرى كلهم مبروك عليهم والله يوفق الجميع

2
الهجرة و واللاجئين / رد: جمعيت الي قابلو الوفد في سوريا الشهر الثاني والثالث2011
« في: 16:01 14/03/2011  »
عيني كابه فدوه شنو سالفة يوم للرفض ويوم للقبول لتصعد الكابه فدوه انته عندك علم بهل الايام لو بس سمعت تره اخوك الكابه فوووووووووول فيدنه اذا تعرف شيي والتوفيق للجميع

3
الهجرة و واللاجئين / رد: جمعيت الي قابلو الوفد في سوريا الشهر الثاني والثالث2011
« في: 15:56 14/03/2011  »
السلام عليكم اخوان اليوم اتصلو بيه وكالولي تعال استلم النتيجه يوم الخميس والحقيقه اخوكم مو متفائل لان بالمقابله الاخيره صارت عرويجات هوايه وهم مرحت للفحص ولكن اكول بلكي خير الله كريم شوكت يجي الخميس وعله كولت الكايل لكل حادث حديث والتوفيق للجميع

4
الهجرة و واللاجئين / رد: جمعيت الي قابلو الوفد في سوريا الشهر الثاني والثالث2011
« في: 21:14 13/03/2011  »
مبروك ام وعد وانشاء الله السفر والتوفيق للجميع

5
الهجرة و واللاجئين / رد: جمعيت الي قابلو الوفد في سوريا الشهر الثاني والثالث2011
« في: 21:55 12/03/2011  »
ها اخويه تعبان شون الصحه والاحوال انشاء الله الكل بخير اشو لحد الان ماكو اي اتصال بلكي مثل مدكول هل الاسبوع اكو شي والله يفتحهه عله الكل ويسر الامور اخوان احنه ننتظر اي شي يصير ويه الكل تلفون مسج حته نعرف بانه الامور ماشيه والتوفيق للجميع

6
الهجرة و واللاجئين / رد: جمعيت الي قابلو الوفد في سوريا الشهر الثاني والثالث2011
« في: 22:46 09/03/2011  »
اخويه الله يساعدك اني لحد الان كلشي ممسوي لافحص طبي ولا غيره والظاهر كلهه مسويه فحص بس اشو مخابروني عله الفحص بس لا الشغله عوت وداسو بريك يمي هوه الفحص وره المقابله قبل الموافقه لو موشرط هم اكو احد سوه الفحص بعد الموافقه لو اني اموري داجه اشو ممطمأن للشغله اكو احد عنده علم بهل الشي قصدي عله الفحص  افيدوني :'( :'(

7
الهجرة و واللاجئين / رد: جمعيت الي قابلو الوفد في سوريا الشهر الثاني والثالث2011
« في: 19:03 09/03/2011  »
اي والله صح اني اسف والله دايخ ومليت وطلعت روحي بس اريد اعرف النتيجه قصدي13-2 تمام اخويه الله يسهل للجميع مع اعتذاري زين شنو الخطوه الجايه مثلا مثلا اذا طلع رفض واحد شيسوي همه يحولو عله غير مكان لو ينسد الفايل ولو يكلك تفائل بالخير تجدوه الله كريم والتوفيق للجميع

8
الهجرة و واللاجئين / رد: جمعيت الي قابلو الوفد في سوريا الشهر الثاني والثالث2011
« في: 23:23 08/03/2011  »
السلام عليكم اخواني وخواتي اني قابلت يوم 13-3 ولحد الان لاجديد هيه المفروض شون تجي الموافقه يعني همه كالو اذا مخابرنه وره شهر ونص انتو خابرو نخابر هسه لو ننتظر الفرج شنو راي الاخوان مع تمنياتي للجميع بالصحه والسفر امييييييين

9
الهجرة و واللاجئين / رد: جمعية مقبلات IOM في سوريا لشهر 7 و 8 و 9 و 10 / 2010
« في: 23:16 23/11/2010  »
السلام عليكم اخوان جمعية مقابلاتiom شونك اخويه ابو مريم اولا احب ان اكون غصن بهذي الشجره الطيبه وانشاء الله التوفيق للجميع وثانيا اخوكم المتواضع اتصل بالمنظمه اليوم للسؤال حول المقابله بالنسبه للوفد لان اني مقابل المقابله الثانيه في 15-7-2010 وكالوليي,,,,,,,,,,,,,,,,,,,اخويه انته من الارقام الجديده واحتمال يقابلك الوفد بس احتمال ضعيف في حال الوفد مدد الاقامه مالته والموضوع والقرار يم الوفد   والله اعلم فنزلت المعنويات للصفر ولكن الصبر موجود ولكم جزيل الشكر

10
الهجرة و واللاجئين / رد: شحن غراض من سوريا لامريكا...منو مسويهه؟؟
« في: 21:00 29/06/2010  »
عيني ممكن شحن الغراض من سوريه عن طريق البريد الحكومي الموجود بالقرب من محطة الحجاز اول كيلو 1000 ليره وكل كيلو اخر 350 ليره الشحن يكون بصناديق من البريد نفسه ويكون كل 30 كيلو بصندوق كل الناس تشحن من هنا الى كل الدول لان الاسعار مناسبه واني شخصيا شحنت مرتين الى استراليا وممكن اي شخص يروح وسال عله التكاليف..........مع تحياتي

11
الهجرة و واللاجئين / رد: خبر عن حقائب السفر
« في: 13:11 05/06/2010  »
اخويهbaguncero تره السفر عله كل الخطوط نفس الشي ماكو فرق بين iom لو غيرهم هاي تعليمات ثابته للكل الوزن ثابت لكل الناس بس اكو فرق قليل بالوزن بين خطوط واخرى مع الشكر...............

12
الهجرة و واللاجئين / رد: هم سمعتوا هيج خبر عال IOM
« في: 23:15 04/06/2010  »
ماكو هيج حجي البارحه اكو مقابلات و جيراني الثلاثاء عنده مقابله تره الامن مستتب والامور ماشيه عدل فرجاءااا
بدون تعكير مزاج والممتاكد لالالالالالالالالالالالالالالا يفتي بالمعموره
مع التحيات للجميع  ...........شويه صبر اخوان

13
الهجرة و واللاجئين / رد: خبر عن حقائب السفر
« في: 22:41 04/06/2010  »
اليوم سافرت الوزن المسموح30 كيلو مع اللاب توب مع 5 كيلو بالطياره هاي بكل انواع الخطوط التعبانه وغير التعبانه مختصر مفيد.................... ;D ;D ;D ;D

14
الهجرة و واللاجئين / الكفيل عادي لو سوبر
« في: 10:17 04/06/2010  »
اخواني الاعزاء بالنسبه للكفيل شنو يقدم للشخص الي يطلب كفاله اشو السالفه مختلفه هنا بالمنتدى توقيع اوراق و السؤال عن دخل الكفيل وغيرهه اشو اني من سالت الموظفه كالتلي الشغله بس معنويهه يعني الكفيل ما له كل علاقه بس ونس ويدليك عله المكانات و الاسواق وهيج شغلات اكو غير نوع كفيل لو هوه نفسه  لو شنو السالفه؟؟؟؟؟؟؟؟؟؟؟

15
الهجرة و واللاجئين / رايكم اخوان؟؟؟؟؟
« في: 23:54 22/05/2010  »
اخواني الاعزاء
بعد السلام والتحيه ...اني طلعتلي امريكا بس قابله المقابله الاولى وطبعا صارت شويه خربطه بنهايه الحجي  وكنه اني وزوجتي هاهيه الجماعه عافونه بس بعد عشرين يوم اتلصلو بينه ورادو مقابله لخ بالمزه زين هسه اكدر ارفض امريكا لو بعد ميصير لازم اكمل المشوار واذا رفضت يسدون الفايل مالتي لو ممكن تطلعلي غير دوله علما اني قضيتي مقدم توطين (لجوء ) عله الun وشكرا........

ملاحظه :
شكر خاص الى اخونه ابو قمر عله كل المعلومات الي يرفد بيهه الموقع والله يفتحه بوجهك وتمنياتي لك وللعائله بالصحه والسلامه

صفحات: [1]