الرسائل

1

الهجرة و واللاجئين / رد: نصيحة عمي اللي وضعة مستقر في بلدة لايتورط ويجي لامريكا

« في: 21:13 09/11/2010  »

السلام عليكم وشكرا لصاحب الموضوع للنصيحه وارجو من الاخوان فهم الاخ وراح اشرحلكم الحقيقيه والي مر بيها اخي وطبعا هذا صعب جدا عليهم فعذروهم شباب وعلى كيفكم وياه اخي كان في بغداد بيت وسياره وراتب 3000 $وشغله كلها مكتبي لحد هنا مشت اموورة وسافر اول ماوصل طبعا يشوف شغله غسل صحون في فندق متواضع صعبه عليه ويفكر انه شلون جان بالعراق وهسه وين صار اضطر يرجع طبعا لان عندة كرين كارت بس مشكله العراق الامان والحكومة من يتوفرن صدكوني ماكو عراقي يطلع فاحنا لازم نسافر ونجرب الوضع واذا عليه مصطلح حديقه ينطبق عليه عندي عائله والمصرف لو يطلع لو لا هيج فمن اروح واشتغل هيج وبامريكا عندي عسل ارجو ان تفهمو صاحب الموضوع اخوكم مراد

الف رحمة على والديك اخ مراد وعلى حليب الرضعتة  اتمنى الجميع يتفهم الموضوع مثل ما انتة متفهمة  والله يوفق الجميع ويحقق مبتغاهم 


اخوك العلم

2

الهجرة و واللاجئين / رد: نصيحة عمي اللي وضعة مستقر في بلدة لايتورط ويجي لامريكا

« في: 19:28 09/11/2010  »

طبعا اخوان اني با البداية محبيت اعلق عا الموضوع لان بي شيء الكثير من الاحباط با النسبة للي  مقبل على سفر واتصور هاذا الشي راح تشوفوا با الدورة التثقيفية حسب كلام الي سافروا بس تبقى كل انسان واصرارة با الحياة احنا نعلم الكل بانه الحياة با امريكا با النسبة النا كلاجئين متعبة  وراح انواجه متاعب بس شنو يعني الحياة اذا متتعب بيها مراح تشعر بيها وبنتائجها اتعب من اجل شي اسمة مستقبل لا اطفالي انا با النسبة الي اذا تكمل شغلت سفري اشعر انوا ابواب الجنة انفتحت الي ليس من اجل حياة لي بل من اجل حياة لطفلي الذي ارغب بعلاجه في امريكا اما مسالة التعب فالكثير منا اتجرع طعم التعب والحرمان والعيشة الصعبة وهي اتصور فرصة ذهبية لنا لنجربها ونسعى بها ونتعب من اجل شيء للمستقبل وبا المناسبة الكثير من اصدقائي با امريكا الي بشيكاغوا ولي  اوستن ولي اريزونا ايكولولي  كلمن ايكلك امريكا مو زينة  هاذا ميريد الك الخير مع خالص احترامي وتقديري لكاتب الموضوع ولكل تعليق كتب من اخواني واخواتي وانشا الله  يوفقكم اجمعين ياربي

اخي العزيز  طبيب الحب بالنسبة الى حالتك وهدفك النبيل في علاج ابنك  انا اول المشجعين الك حتى تجي وتعالج ابنك وانشاء الله ياربي يتعافى وصحة وسلامة  لان الخدمات الصحية اهنا لاتوصف وفوق الممتازة ومراح تخسر اي شي من جيبك لان كلها على التا مين الصحي  وانصح كل شخص عندة مشكلة صحية وتتطلب علاج خارج العراق ان ياتي  الى هنا

اخوك كاتب الموضو العلم

3

الهجرة و واللاجئين / رد: نصيحة عمي اللي وضعة مستقر في بلدة لايتورط ويجي لامريكا

« في: 17:06 09/11/2010  »

مستعد انام على الرصيف باامريكا حته لو مو امريكا لو بل صومال
على ان ابقه بل عراق و اعيش رهبه مداهمات و اخيس بل سجن الى الابد 

انتة عندك ام اب اخوة اخوات قرايب    تعال هنا وشوف  نظرة وحجاية وياهم يومية تسوا امريكا ومابيها وبعدين بلدنا جبير اذا انتة ما مرتاح بمنطقتك ممكن تنتقل الى منطقة اخرى لكن المهم انتة بين اهلك وناسك حبيبي الغالي

4

الهجرة و واللاجئين / نصيحة عمي اللي وضعة مستقر في بلدة لايتورط ويجي لامريكا

« في: 16:40 09/11/2010  »

صدقوني اخوان الوظعية في امريكا يرثى لها يعني احجيلكم بالنسبة  لصاحب العائلة صحيح هناك ما يسمى بالفود والكاش ولكن حتى الحيوان  عذرا للالفاظ هو ياكل ويشرب وينام هذه هي الحياة في امريكا لايوجد شي اسمة حياة الشخص هنا يصبح ويمسي  وهو ينتضر المساعدات او بالاحرى يبحث عنها  اما بالنسبة الى العمل فهذا بحثا اخر اذا العمل صعب جدا وكلمة صعب جدا قد تكون غير كافية  يعني اصحاب الشهادات يتوسلون في سبيل الحصول على اي عمل كناس غسيل اواني منضف ارضيات اي شي يقبلون فية ولايجدون وان وجدوا فسوف يعملوا ويقطع عنهم مايسمى بالكاش والفود  انا انصح كل شخص لدية عمل ومستقر في العراق ان لا ياتي الى هنا فانا واعوذ بالله من كلمة انا فقدت عملي الذي كان يدر علي مال خير وبركة في العراق لان جانت عندي رغبة اجي لامريكا واذا بامريكا من الداخل هي غيرها من الخارج والصورة التي رسمت لها والبهرجة الاعلامية المرعبة  تفاجأت عندما شاهدت بعض الامريكيين وهم يحكملون اللافتات يطالبون بالمساعدة عند تقاطع الطرق وبعضهم افترش الرؤصيف كنت اتصور ان هذه الصور فقط  في بلادنا هذا بالاضافة الى الحياة الكئيبة بكل ما تعنى الكلمة

اما بالنسبة للشخص الذي ليس لدية عائلة فان المساعدات تستمر معه فترة 8 اشهر فقط وبعدين يكلولة اشطح شوف حالك وبالتالي اذا لم يكن قد وجد عمل وهو العمل اساسا ماكو لان هم الامريكان مالاكين عمل ويدورون انوب يجي العراقي اللي لاعندة لغة ولا خبرة يلكة عمل بالتالي راح يعيش مشرد  ولاتكولون هناك يساعدوكم العراقيين القدامى طبعا حشا الزينين مع الاسف العراقيين القدامى هم الذين   يتفننون في طرق استغلال العراقيين الجدد وعمليات النصب وضرب البواري معرة


نصيحة نصيحة
اللي قرر ومصمم يجي رغم كلشي رجاءا خل يجيب وياه فلوس تكت طائرة حتى اذل ضاقت بية يرجع لااهلة معزز مكرم





والسلام عليكم ورحة الله وبركاتة

5

الهجرة و واللاجئين / رد: عراقي وصل مينيسوتا حديثا ويبحث عن عراقيين(نلتقي لنرتقي)

« في: 03:45 26/04/2010  »

شكرا للجميع على هذة المشاعر الرقيقة المفعمة بالروح العراقية

اما بخصوص تساءول بعض الاخوان عن ولاية مينيسوتا وتحديدا مدينة سانت بول مدينة يغلب عليها الهدوء والابنسامة تجدها على محيا قاطنيها  وتشتنهر بصناعة الحاسبات وثروة الحديد وطبيعتها الخلابة وتسمى ولاية العشرة بحيرات وفيها اكبر مول في الولايات المتحدة الامريكية يسمى مول اوف امريكا ولو لحد الان مرحتلة
الجو حاليا معتدل ( لاكلش بارد ولا حار) حلو الى حد ما بالنسبة للمساعدات ماكو هيج كلام انو تستمر لخمس سنوان
مع تحياتي

6

الهجرة و واللاجئين / رد: عراقي وصل مينيسوتا حديثا ويبحث عن عراقيين(نلتقي لنرتقي)

« في: 01:52 26/04/2010  »

شكرا اختي العزيزة على الرد ولموفقية للجميع انشاء الله


مع تحياتي

7

الهجرة و واللاجئين / عراقي وصل مينيسوتا حديثا ويبحث عن عراقيين(نلتقي لنرتقي)

« في: 01:37 26/04/2010  »

الاخوان والاخوات الاعزاء في المنتدى الرائع بكم وبانفاسكم الطيبة

تحية ود

انا اخوكم وصلت الى ولاية مينيسوتا في مدينة سانت بول اللي هي تعتبر العاصمة  ابحث عن اخوة عراقيين في هذة المقاطعة فكل من يعرف  اكون شاكرا جدا ونلتقي لنرتقي

مع تحياتي

8

الهجرة و واللاجئين / واصل جديد الى امريكا

« في: 23:38 25/04/2010  »

[الاخوان والاخوات الاعزاء جميعا وصلت والحمد لله  الى ولاية مينسوتا مع العائلة

قادما من بغداد اقبلوني صديق جديد ليكم مع احترامي وتقديري