عرض المشاركات
1
المنبر الحر / انا والحراميه
« في: 19:17 16/12/2010 »انا والحراميه
فديوم صبحيه
براس الفرع لاكتني دوريه
قسم لابسين ملابس مدنيه
ثلاثه لو اربعه انضباطيه
واحد لابس منقط او حاطله بيريه صاح بيه
تعال لاك شوفلي الهويه
انطيته كل اوراقي
كتله هاي بطاقتي الشخصيه
هاي الاحوال المدنيه
هاي البطاقه التموينيه
هاي الورقه استلم بيهه الطحين شهريه
هاي شهادتي المدرسيه
خريج كليه قسم السلام للانسانيه
او هاي شهادتي الجنسيه
تاكد ان ابوي عراقي وامي عراقيه
كال لعد ليش مكتوب بخانتل القوميه اثوريه
مبين اته مزور الجنسيه
كتله لا عمي هاي الاصليه
ادا ما تصدك اتصل بالمديريه
هومه يكلولك ادا مزوره لو حقيقيه
كام فتش بجيوبي وباك الخرجيه
او لكه شويت صور شخصيه
كال منو دوله اكيد فراريه
كتله لا خالي هاده ابن عمي استشهد بالجبهه الشرقيه
وهاده اخوي استشهد بالقادسيه
وهاده صديقي استشهد من اجل الامه العربيه
كال دوله الثلاثه منو مبين عليهم افنديه
كتله هاده يوسف وهاده يوخنا
وهاده يوبرت ترك زوجه كلهه طيبه او حنيه
او طفلين بعدهم بالدوديه
دوله هم شهداء بس دوله استشهدو من اجل قضيه
دوله احفاد اغا بطرس
امتدادهم من سميل وصوريه
كال كافي اني ما اعرف هي الشغلات التاريخيه
بس الاعرفه اتو الاثوريه
كولكم جواسيس للامبرياليه
اتو اصلن مو عراقيه
كتله لعد اشور وسنحاريب وحمورابي منين
من صين الشعبيه
او سومر وبابل واكد ونينوى منو بناها
شركه يابانيه
تعال فهم هيج متخلف العقليه
حسيت بعد ما اكدر اعيش ويه الحراميه
شكيت كل اوراقي او رحت لسفاره الكنديه
الفنان = زيا البازي
