44
لسلام عليكم اعزائي أعضاء الجمعيه
أود أن أوضح لكم الحقائق التالية عن موضوع أنتظار مقابلة الوفد الأمريكي من قبل أعضاء الجمعية :
1 . عندما نتصل بالآي أو أم للأستفسار عن موعدنا لمقابلة الوفد تخبرنا الموظفة في كل أتصال بأحدى الأجابات
التالية
أ . انتوا ما عدكم موعد ويا هذا الوفد ..عليكم ان تنتظروا وانتوا جدد .
ب . الوفد الجديد ما نعرف شوكت يجي وأحتمال انتوا تسوون مقابلة وياه ويجوز هم ما تحصلون مقابلة وياه.
ج . أحنا ( يعني موظفة الآي أو أم تكول ) ننطي الملفات للوفد الموجود وهو يختار الملفات اللي يقابلها وعلى
ضوء ذلك تتحدد المواعيد للملفات واللي يؤكد هذا الحجي ما كتبه الأخ العاشق_1111 قبل شوية ( وأنا اتصلت اكثر من مره بيهم تكلي الموظفه انت مكمل ومسوي بصمات واحنا رفعنا الاسماء وهو الوفد الى يحدد الملفات واحنه نتصل بيكم كتله و زين اني اريد اعرف اني على هذا الوفد لو لا تكول ما اعرف واحنا من
يحددون الك موعد نتصل بيك ).
د . هذا الوفد ( اللي موجود حاليا ) راح يبقى شهر آخر ( يعني الى 18/6/2010 ) وما نعرف الوفد القادم شوكت
يوصل وهذا الحجي عن أتصالي بالآي أو أم يوم 18/5/2010 وقالت آنه هي تعتقد أنه آني على الوفد الجاي
ويجوز هم ما يتحدد لنا موعد علما آني مكمل مقابلة الآي أو أم الثانية يوم 9/2/2010 .
2 . أخواني الأعزاء نستنتج من هذا الموضوع أنه الآي أو أم ما يعرفون شوكت الوفود تجي فكيف أعضاء الجمعية
يعرفون هذا الشيء وأحتمال تكون أستنتاجاتهم صحيحة .
3 . تحديد المواعيد للملفات مو بالترتيب الزمني لآخر مقابلة بالآي أو أم لأنه اليوم عرفت صديقي مسوي المقابلة الثانية وراي بأسبوعين وحددوله موعد مقابلة على الأسبوع الجاي وأكو ناس صارلها أشهر تنتظر مثل الأخ ألعاشق_1111 والله صبره ويحقق أمنيته وبالموفقية أنشاء الله ....بـــــــــــــــــاي
نكرر و نقول الله يصبرنا على الانتظار ..ونتمنى الكل تقابل و ترتاح من هذا القلق ....أخوكم ...abllndi2005
عرض المشاركات
