عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - ابو دينا العراقي

صفحات: [1]
1
مواضيع الحياة العامة في بلاد المهجر (امريكا) / رد: أرجو مساعدتكم حول ولاية تكساس
« في: 08:09 30/12/2011  »
السلام عليكم اخوية سعد اني اخوك ابو دينا اني عايش في مدينه هيوستن تكساس صارلي سنه احجيلك مختصر مفيد وانته قرر اليفيدك ويفيد عائلتك هيوستن جوهة حار والصيف طويل والشته قصير جدا الشغل موجود ومتوفر مشفت احد لحد الان ملكه شغل
بس المشكله الاجور قليله مقارنه باجور كاليفورنيا حسب ماسمعت من بعض الاخوان العراقيين العايشين في كاليفورنيا مثلا عندي صديق يشتغل سكيورتي هنا بهيوستن ياخذ بالساعه 9دولارات وانته قارن بالاجر يمكم وشوف اما الايجارات مجمع نص ونص ماكلك راقي ومرتب ومنطقه زينه غرفتين وصاله 650 الى 700 اما ايجار الشقق الراقيه والمناطق المرتبه فهاي تتراوح بين 1000الى 1200 وهذا الحجي اسعار هذا الشهر مقدار الضريبه عدنه   8.25 اما البانزين اني سيارتي 4سلندر تفويلتهة 40دولار طبعا من ناحيه جماليه كاليفورنيا طبعا منطقه سياحيه واكيد مناخهة وطبيعتهة اجمل من هيوستن لان هيوستن مكسيكيه الطابع وتكثر فيها المكسيكان بكثرة اللي اني بصراحه مااجرعهم هههههههههه وارجو اخي العزيز ان اكون قد افدتك واللك الخيار وانشاء الله الموفقيه وراحه البال والاستقرار

2
الهجرة و واللاجئين / رد: اخواني الاعزاء جماعة تكساس نحتاج مساعدتكم
« في: 01:12 08/12/2010  »
اختي العزيزة ريم اني و صلت تكساس مدينه هيوستن قبل 5ايام وارجو اضافتي الى الجدول وشكرا على مجهودج الرائع هسة صدك نكدر نعرف جوارينه بتكساس ولو ابو عبد الله مقصر ويانه 

3
مواضيع الحياة العامة في بلاد المهجر (امريكا) / رد: الى ابو عبد الله التكساسي ضروري وعاجل
« في: 15:22 07/12/2010  »
اخوية المدرس همة معترضو على موضوع الرش بالعكس كالو كل اسبوع نجي نرش وشكد متريد وانشاء الله خير ونخلص من هالسالفه لان بصراحه اني هسة مو مال انقل بغير شقه او غير مجمع صعبة شوية جيف جديد ومكان مااعرفه خليني بماكاني وتكضي السته اشهر والله يسهل وشكرك اخوية على ردك ومساعدتك

4
الهجرة و واللاجئين / رد: سفري لا على البال ولا على الخاطر
« في: 15:13 07/12/2010  »
الله سلمكم اخوتي وشكركم جزيل الشكر وعذروني لان مكدرت ارد عليكم خلال هاي الايام لان كلش جنت مشغول واني الان في مدينه هيوستن في تكساس وهم اموري شوية مخربطه بس تصف متضل هيج

5
مواضيع الحياة العامة في بلاد المهجر (امريكا) / رد: الى ابو عبد الله التكساسي ضروري وعاجل
« في: 05:00 07/12/2010  »
حبيبي اسد بابل اشكرك جزيل الشكر والله انتو العراقيين عونه النه بالغربة وحزام ضهر اخونه ابو عبد الله مقصر وقام بالواجب وجابني وداني بس ملكينه شي على المرارم وهسة اني كاعد بشقتي منا الستت اشهر الما الله يفرجهة وشغله الحشرات راح يرشوهة للشقه والله كريم

6
مواضيع الحياة العامة في بلاد المهجر (امريكا) / مراحل وصولى اميركا هيوستن
« في: 20:06 05/12/2010  »
السلام عليكم اخوان حبيت اقدم تجربتي في السفر والوصول الى ارض الاحلام والمستقبل انشاء الله
بالبدايه احنه عائله مكونه من 4نفرات اني وزوجتي بناتي اثنين البداية كانت من البحرين وجنه كروب مكون من 36نفر طبعا واللي جايين هيوستن 12نفر وحنه من ظمنهم وصلنه مطار كان بانتضارنه موضف اي او ام باكستاني جنسية مطفي موتنه طبعا ونطانه كل نفر جبير 100دولار والاطفال 50ولار وزعنه الجياس وتوكلنه على الله وطرنه وتوقفنه ترانزيت في الدمام نص ساعه ونطلقنه الى المانيا وكان مدة الطيران 7ساعات وصانه المانيا طبعا ثلج وبارده بس المنظر كلش حلو والجهال فرحانين قبل لاانسه ترة وزن الجنط ممكن يوصل 30كيلو ماكو مشكله وصلنه تفتيش جنط اخذو لابتوبات ومسحوهة وخلوهة على جهاز وضلينه ننتضر طيارة نيويورك لمده 5ساعات بالمطار وراهة طرنه الى نيويورك لمده 5ساعات وصلنه نيويورك كان بانتضارنه وفد اي او ام وكعدونه بصاله وبدو يشرحولنه على كل ورقه راح نستلمهة طبعا اكو موضفه عراقية وياهم واغلبهم باكستان موضفين اني جانت ورقت الفحص الطبي مالتي ضايعه وصار شوية اشكال بس الحمد لله لكوهةببعدين وخلصنه كل الاجرائات ورحنه نستلم جنطنه لان راح نبات بنيويورك واخذنه جنط ورحنه للباب الرئيسيه مال مطار طبعا بارده ومطر وضلينه واكفين برة لمدة ساعه الجهال ماتو برد جتي السيارات وصعدنه جنط متنه تعب والله هلكنه طبعا شوارع نيويورك ازدحام ساعتين يالله وصلنه الفندق وبتنه بالفندق شوية ارتاحينه كالو الساعه اربعه ونص الفجر يجي موضف علمود يكعدنه ونروح للمطار طبعا موضف نايم ولا يمه وحنه بالخمسة رحنه كعدناه وتاخرت سيارة من السيارات وبالكوة يالله لحكنه الحمد لله طرنه من مطار نيويورك الى دلاس طبعا في دلاس بقنه 12 نفر من جماعه هيوستن وهنا صار الاشكال اني وعائلتي من دون الكروب تكتاتنه تحت الانتضار ماكو مقاعد بالطيارة وراحو جماعتنه وبقيت اني وعائلتي ننتضر طيارة ثانيه ورة نص ساع رحنه نسال كالو اكو طيارة على بوابه 16Aطبعا كلش بعيده عن المكان اللي جنت بيه كالت خلال 10دقايق انته تكون هناك لان طيارة راح تطير وركض بالمطار حته نلحك وزوجتي والجهال هلكو  الحمد لله وصلنه بوابه وفتنه طيارة وخلال ساعه وربع وصلنه هيوستن كانت  الساعه بالخمسة العصر وملكينه احد ينتضرنه ورحنه على البوليس كال روحو على بوابه سي وجان نتيه بالمطار كلت خلي ارجع النفس المكان احسن والحمد لله لكينه ولد عراقي ينتضرنه هوة الكيس وركر مالتنه وصلنه للشقه وكانت الصدمه الاولى لنا في هيوستن شقه كلهة حشرات تكمز باعداد هائلة فوك متتصورون هية حلوة وجبيرة ومجمع كله عراقيين بس مشكله حشرات مكدرنه نام جهال تبجي طبعا صاحبنه ذبنه وفلت خابرناه الصبح كلناله تعال اجه كتله شقه مينعاش بيهة اريد اغيرهة كال اي تكدر تغيرهة روح دور شقه واجرهة وجيبلي عقد الايجار والنظمه تدفعه زين هوة هذا منطق اني لا اعرف احد ولا اعرف مدينه شلون ااجر اني شقه خابرت بعض معارف وجوي العراقيين اللي بالمجمع دورنه داخل مجمع على غير شقه ماكو  لازم يوم الاثنين اللي هوة باجر اوقع على عقد ايجار علمود مدرسة بتي لان ميسجلوهة اذا ماكو عقد ايجار هاهية سلمت امري الربي وراح اوقع وكعد بالشقه وكالو راح يجون يرشوهة مبيد بس الناس اليمنه كلش طيبين ومديعوفونه ابد خطية جابولنه عشة اول يوم ثاني يوم سوولنه غدة الله يرضه عليهم يودونه ويجيبونه وشوفونه المنطقه والاسواق اللي بيهة هوة مجمع اسلامي وكله باكستان وبيه جوامع ومدرسة اسلاميه ويمنه محلات اكل حلال الله يسهل باقي الامور وتنحل مشكله الحشرات شسوي هذا اخر شي صار ويايه وانشاء الله اكمل باقي الاحداث التصير  قبل لا انسه اتصلت بابو عبد الله التكساسي وخطية الرجال مقصر ومدورلي شقه بس اني الانتضار مو بصالحي لازم اوقع عقد علمود اكمل باقي الاجراءات واهم شي مدرسة بتي لان جايه عطل هنا  ولازم الحك اسجلهة بالمدرسة           
                                       وفي الختام السلام

7
مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة
« في: 00:20 03/12/2010  »
والله اخوية نزلت موضوع لاخونه ابو عبد الله التكساسي وهوة هنا يمي بهيوستن مجاوبني
ماادري شسوي

8
مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة
« في: 21:44 02/12/2010  »
قبل نص ساع اتصلتلتي  بالكيس وركر مالتي وكال انته روح دور شقه وميخالف احنه ناجرلكياهة بس عليك النقل احنه معلينه زين اني شسوي لا عندي سيارة لااعرف احد ولا اندل المدينه وين انطي وجهي

9
مواضيع الحياة العامة في بلاد المهجر (امريكا) / الى ابو عبد الله التكساسي ضروري وعاجل
« في: 18:23 02/12/2010  »
اخويه العزيز ابو عبد الله اني البارحه وصلت تكساس ولايه هيوستن بس المشكله مااعرف احد هنا بهيوستن ولا اعرف على يا منظمه خاليني لان المسؤل عني ولد عراقي ذبنه وراح وكلشي محجالنه والشقه كلهة حشرات مكدرنه نام البارحه والمجمع تعبان بشكل فشنسوي نكدر انكله غيرلنه الشقه منريدهة علما احنه موقعنه عقد ايجار الله يخليك كلي شسوي وبسرعه بلا زحمه لان شقه متنعاش والجهال خايفين بس يبجون   

        وشكرا جزيلا مقدما

10
مواضيع الحياة العامة في بلاد المهجر (امريكا) / رد: انت اسأل وانا اجيب....مستعد لتقديم المساعدة على مدار 24 ساعة
« في: 18:18 02/12/2010  »
السلام عليكم اخوية العزيز اني البارحه وعائلتي المتكونه من 4اشخاص وصلنه مدينه هيوستن وطبعا بعد تعب دام يومان بس المشكله الشقه اللي خاليني بيهة كلهة حشرات مكدرنه نام بالليل والجهال تبجي والمجمع كلش تعبان كله باكستانيين اني جنت كلش تعبان فمكدرت احجي شي والشخص المسؤل عني عراقي محجه شي ويايه ذبنه وراح فاكدر اكلهم ماريد شقه وبدلوهة علما اني موقعت على اي عقد فشسوي رحم الوالديك الله يخليج جاوبني باسرع وكت

11
الهجرة و واللاجئين / سفري لا على البال ولا على الخاطر
« في: 23:23 27/11/2010  »
سلام عليكم اخوان
ترة اني كلش مستعجل ودااكتب عذروني لان ماعندي وكت اليوم الساعه بالسبعه العصر بلغوني بان سفري بعد يومين مدااعرف شسوي لابايع غراضي لاسيارتي دااركض ومالحك وكالو ميصير تاجل موعد سفرك لان ينلغي اذا متروح هسة خالين بولايه تكساس مدرينه هيوستن هذا كل اللي اكدر ابلغكم بيه اسف لان مااكدر اطول اكثر   سلامي للجميع ودعولي الله يخليكم

12
دردشة منتدى الهجرة واللاجئين / رد: باركولي اخوان
« في: 18:15 31/10/2010  »
حبيبي مجرب الغربه اني نهاية الرابع سويت مقابله محلفين وراهة بسبوعين اجاني موافقه محلفين 5-8 سويت فحص طبي و10-10 سويت دورة تثقيفيه هاي طبعا كلهة ب2010 هاي قبل يومين خابرتهم وبلغوني بان الامنيه واصله وخاليني على جدول السفر

13
دردشة منتدى الهجرة واللاجئين / رد: باركولي اخوان
« في: 17:14 31/10/2010  »
اشكر كل اللي هنوني وانشاء الله كل المنتضرين الامنيه توصلهم ويفرحون واي جديد يصير ابلغكم بيه

14
دردشة منتدى الهجرة واللاجئين / باركولي اخوان
« في: 15:52 31/10/2010  »
اني كلش فرحان  شكلكم شحجي
اخواني خابرت un البارحه في عمان وكالولي طلعت الامنيه مالتك ونته على جدول السفر وانتضر باي لحضه يخابروك اني مدااعرف شسوي ابيع غراضي اجهز نفسي يعني بعد تطول اشو ناس ويايه هنا باعو غراضهم حته مسواك مديسوكون يوم بيوم ههههههههههههههه اني اضحك عليهم اكول صدك جذب مدا اصدك يعني راح تصير صدك وسافر وخلص من هم الاقامه اويلي بس مكالولي بيا ولايه ذبوني لان اني ماعندي كفيل

باروكليييييييييييييييييييييييييييي
اني كلش فرحان
الله يفرح كل العراقيين يارب يارب يارب

15
الهجرة و واللاجئين / رد: سؤال لاهل الخبرة: الامارات افضل ام اميريكا ؟
« في: 15:43 31/10/2010  »
عزيزي صاحب الموضوع اني نفس حالتك جنت بس اني بالبحرين قبل 4سنوات قدمت على un من البحرين وجنت مستقر وعندي شغل وكلش مرتاح وجنت امشي بالاجرائات مال هجرة هيج بس ضحك وتصنيف وشوف القدر انو اني هسة بدون عمل واقامتي خلصت وكاعد بالبوكه وشوف ربك بهاي السنه كملت كل مقابلاتي واني حاليا انتضر موعد سفري الى اميركا وانشاء الله اروح ورة كم سنه احصل الجواز الامريكي وافوت بالدوله التعجبني وشتغل بيه ويطكولي تحيه هههههههههههههههههههههههههههههه

16
دردشة منتدى الهجرة واللاجئين / رد: احلى لمه
« في: 21:43 10/10/2010  »
اقدم اجمل تحيه لاعضاء المنتدى وياريت لمن نوصل اميركا نسوي حفله وندعو بيهة كل اعضاء المنتدى ونتعرف بشكل اوسع فشنو رايكم

17
الهجرة و واللاجئين / رد: اجريت الدورة التثقيفيه اليوم واين الصدق والكذب فيها
« في: 00:14 10/10/2010  »
تسلم خوية hanarمالنه غير الله نتوكل عليه بس فدوة اروحلك انته بيا ولايه وبلكت تحجيلي بالتفصيل لمن يصير عندك وكت لان هذا الموضف دمرنه بشرفي  والف الف شكر ورحمه الله والديك

18
الهجرة و واللاجئين / رد: اجريت الدورة التثقيفيه اليوم واين الصدق والكذب فيها
« في: 00:09 10/10/2010  »
اشكرج اختي سرى وبارك الله بيج بس علمود شغله الويلكم كال ماكو هيج شي ابدا نفا نفي قاطع ونطيناه دلائل كال لتصدكون بكل شي ينحكي

19
الهجرة و واللاجئين / اجريت الدورة التثقيفيه اليوم واين الصدق والكذب فيها
« في: 23:01 09/10/2010  »
تحيه طيبه وبعد

اعزائي اليوم اجريت دورة تثقيفيه ولكن هناك بعض التفاصيل طرحها موضف الiomتختلف عن ما سمعناه وعرفناه من الاخوة الذين سبقونا الى اميركا   

 1-بطاقه الفود ستامب اللي حسب ماعرفناه يستمر للاطفال دون سن 18 سنه اذا كان دخل الفرد قليل اقل من 2000دولارهوة الموضف قال انو الفود ستامب ينقطع بعد 8اشهر
2-الويلكم اللي حسب ما سمعناه مبلغ 900دولار او 1100  دولا  لكل فرد موضف يكول ماكو شي اسمه ويل كم يكول احنه كثرة ماسمعنه من الناس بهذا الشي اتصلنه بالمنضمات باميركا وسئالنه كالو ماكو هيج شي في بعض منضمات عدهم بعض مساعدات مادية وزعوهة على بعض العوائل وبشكل محدود جدا
3-المساعدات المالية لمدة شهر واحد كال لاتحلمو يعطوكم اكثر من هذة المدة
4-الروضات بالنسبه للاطفال بعمر 5سنوات بفلوس لاتوجد روضات مجانيه
فهل هذه المعلومات صحيحه او حسب محسينه احنه انو الموضف كان يبالغ ااو يعطينه اسوء ممكن نمر فيها او قد تحصل لنا الشي الذي اكد عليه في الدورة العمل والاجتهاد لتحقيق النجاح وهذا صحيح لكن واحد عندمل يذهب الايام الاولى على مجتمع جديد وحياه مختلفه ولغه جديده يحتاج الى من يمد له يد العون وويعطيه لمحه امل وتفائل  فارجو منكم توضيح هذه النقاط التي ذكرتها وما صحتها       



شكرا جزيلا مقدما
                                                                             

20
الهجرة و واللاجئين / رد: اعتذر عالانقطاااع ومشتاقتلكم جدا
« في: 17:54 02/10/2010  »
الله يكون بعونج اختي ويعينج على الانتضار بس اني قبلج ردت كفيل وصارلي 3اايام انتضر محد رد علية ولا عبرني بالمنتدى مااعرف شنو القصه لان حالتي مثل حالتج بالانتضار اذا مو اكثر والله يعين الجميع ويفرجهة علينه يارب

21
الهجرة و واللاجئين / رد: الله يخليكم اريد كفيل بهيوستن
« في: 12:14 02/10/2010  »
حبيبي baghdad ghost والله اثلجت قلبي بردك لان محد رد علية وعبرني بالمنتدى
 الحمد لله خابروني قبل يومين حددولي يوم10-10 دورة تثقيفيه انشاء الله خير بس شبيهة اوستن يمعود كلي فهمني ترة
د اعيك ابيض كلشي مااعرف عن اميركا هاي اسمع من العالم يكولون تكساس وضعه احسن من باقي ولايات

                                           

                                                     والله يسهل وين مجان بس اخلص

22
الهجرة و واللاجئين / الله يخليكم اريد كفيل بهيوستن
« في: 14:35 01/10/2010  »
السلام عليكم اخواني وخواتي في منتدانا الحبيب
اني بحاجه الى كفيل في ولاية تكساس مدينه هيوسن اواوستن لان مااعرف احد بيهة لازم خلال هذا الاسبوع احصل على كفيل لان حددولي 9-10موعد لتحديد الكفيل والولاية اذا احد يكدر من المنتدى يساعدني ويكفلني بهاي المدينتين اكو ممنون منه مع العلم اني بعثت برسالتين الى عضوين بالمنتدى بس مردو علية


                           ابو دينا العراقي

23
الهجرة و واللاجئين / رد: مامصير المقدمين على iomمن البحرين
« في: 18:37 18/09/2010  »
اخت انجي اشو مسمعت رايج بموضوعي كلش ضروري راياج بالنسبه اليه لان اني اعتبرج مرجع للمهاجرين العراقيين فشتكولين

24
الهجرة و واللاجئين / رد: مامصير المقدمين على iomمن البحرين
« في: 18:33 18/09/2010  »
شكرا للعبير والله يسمعج منج واسافر وخلص من هالهم

25
الهجرة و واللاجئين / مامصير المقدمين على iomمن البحرين
« في: 00:45 18/09/2010  »
السلام عليكم اخواتي واخواني في منتدانه الحبيب
ممكن مساعدتكم وتوضحولي بعض الاشياء اني مقدم على iomمن البحرين قبل 3سنوات اني وعائلتي سويت مقابله محلفين يوم 12-5-2010وخابروني وره اسبوعين كالو مبروك انقبلت وتعال استلم ضرف ورحت استلمته ومكتوب عليه رقم فهل هذا رقم الكيس وهل هية هذه الموافقه الامنيه اني مااعرف بهاي الامور وماطولهة عليكم يوم 4-8-2010سويت فحص طبي جتي لجنه من عمان وفحصنه وخلصنه الحد الان ماكو اي خبر ودننتضر هسة السؤال الاهم بعد شنو بانتضارنه يعني ورة الفحص الطبي شنو اكو وشكد يطولون يالله يخابرونه ويخبرونه بالمرحله القادمه لان احنه جماعت البحرين ماعدنه موضفين دائميين حته نروح نسالهم او نخابرهم لان هية لجنه تجي كل فترة ويخابرونه وينطونه موعد كلش طولوهة ويانه والعدد الموجود من العراقيين هنا بالبحرين مو مثل الاردن او سوريا يعني ميحتاج ذاك التاخير فهل المرحله القادمه بنضركم تطول او سفرنه بهاي السنه او هم يتاخر بعد ترة اني دااسالكم لان وضعي هنا كلش تعبان وخلصت اقامتي والله ليراويكم حالي لان اني باي لحضه انطرد منا بس اريد اسافر واوصل لاميركا وارتاح
واسف على الاطاله وشكرا مقدما

26
الهجرة و واللاجئين / رد: حاير وحيرني زماني
« في: 18:00 12/05/2010  »
ولو دوختكم بس سؤال صغير اني اقامتي راح تخلص شهر التاسع بالبحرين لازم اطلع وراهة زين اني قدمت لجوء منا شلون بعدين وين اراجع

27
الهجرة و واللاجئين / رد: حاير وحيرني زماني
« في: 17:49 12/05/2010  »
شكرا اختي سرا واخوية ابو ياسين على ردكم بس اريد اعرف يا ولايه احسن شي لان حسب ماسمعت يكولون احنه نقرر الولايه النريده اكو هيج شي

28
الهجرة و واللاجئين / حاير وحيرني زماني
« في: 17:26 12/05/2010  »
السلام عليكم جميعا بالبدايه اود اشكر جيمع القائمين على هذا المنتدى الرائع وتقبلوني عضو جديد في منتداكم الحبيب
مين ابتدي والله حاير على العموم اني طلعت من العراق سنه 2006الى البحرين فيزة عمل وخلال هذه السنين شفت الويل والقهر والضيم حالي حال كل العراقيين عادي مشي تعلمنه فجتي لجنه الامم المتحده وقدمنه للجوء حالنه حال غيرنه هذا الحجي قبل 3سنوات اني مقدم وعالتي طبعا زوجتي وبناتي وحده عمرهة 9سنوات والثانيه 4 سنوات سوولنه مقابلات هسة اخر شي باجر انشاء الله مقابله هيئة محلفين اليصادف 13-5 هسة اني حاير كلمن يحجي شكل على اللجوء لامريكا ناس تكول متنراد لتروح وتتورط ناس تكول لا هاي فرصه وحياة حلوة هناك ومستقبل زين السؤال هسة شكد راح ينطونه راتب اني وبناتي وراح يستمر راتب الاطفال لو اشتغلنه اني وزوجتي اي ولايه هية زينه من ناحيه الشغل والعيشة اريد واحد ينطيني المفيد اني حاير وكلشي مااعرف وخايف بنفس الوقت لان كفخات الدنيه تعبتني مابيه حيل بعد والله ارج الرد بسرعه الله يخليكم اسف على الاطاله بس والله ماعندي غيركم اشكركم مقدما

صفحات: [1]