السلام عليكم...............
طبعا اني طول فتره تقديمي من سنه 2008 ولحد هاللحظه اني من المتصحفين بهذا الموقع اللي استفاديت منه صراحه بدرجه كبيره من المعلومات اللي يقدموهه الاخوه مشكورين فحسيت انه لازم اطرح موضوع تقديمي الكم عسى وان تستفادون من فد شئ
طبعا قدمت على الاي اي او ام بعام 2008 وكانت مقابلتي الاولى بشهر العاشر 2009 والفحص الطبي بشهر الواحد سنه 2010 وكانت المقابله الثانيه بيوم 14 بشهر الثالث 2010 واجاني تاجيل مثل بقيه الاخوه اللي قابلو بعد مرور 25 يوم فقط من المقابله الثانيه وانتهى!!!!!!!!!!!!!
تقديمي على الاس اي في كان بشهر الخامس 2009 واستلام الكوم ابروفل بشهر الواحد 2010 (طبعا قبل ان يتم فصلي من عملي قبل استلام الكوم ابروفل ب 10 ايام فقط واحب اكلكم مو بس فصل لا وخلوني بالقائمه السوداء بتهمه التجسس لاني كنت اعمل ويه الجيش وبنفس الوقت كنت اجهز مواد كمقاول وهذا يعتبر مخالفه للقوانين وفعلا اجتي لجنه من امريكا وحققت ويايه وتم فصلي على اثرها طبعا ما اسولفلكم الحاله النفسيه اللي عشتهها وكنت قد فقدت الامل بس الحمد لله بعد ما استلمت الابروفل كام قررت اكمل كلشئ للنهايه ودزيت اوراقي النبراسكا وبعد ها بشهرين اي بشهر الثالث دزولي ايميل انه اوراقي كامله وبعدها بشهر اي بالرابع دزوله موعد مقابله بالسفاره بيوم 9 بشهر الخامس قابلت وسئلني المحقق اذا كنت مستمر بالخدمه طبعا الجواب لا وسئلني ليش فشرحتله الوضع فشكرني على صراحتي لان همه الظاهر كلشئ يعرفون بس اكو شئ وحيد ما كتلهم عليه انه اني كنت قد خرجت من العراق بسنه 2000 الى ايران طبعا نتيجه ظروف سياسيه بوقتهه وبقيت تقريبا 3 سنين وحاولت اطلع مناك الى اوربا ووصلت التركيا والزمت مرتين ويرجعوني الكردستان والاكراد مشكورين ما سلموني للحكومه العراقيه بوقتهه والا جنت يم الباري عز وجل الى ان سقط الحكم ورجعت للعراق وبالمناسبه اني اخذو بصماتي العشره اكثر من مره من قبل السلطات ومن الامم المتحده بس ماذكرت هذا الموضوع نهائيا الى اي من المنظمات لاني خرجت من العراق بصوره غير رسميه ورجعت هم بصوره غير رسميه بس الحمد لله الظاهر مشت الشغله
طبعا بتسهيل من رب العالمين واليوم استلمت جوازي من السفاره وكانت الفيزا الامريكيه تشع مثل الكمر عليه الف حمد وشكر يالهي على كلشئ والله يوفق الجميع
بس عندي نصيحه صغيره للي يقابلون بالسفاره راح يسئلوك سؤال عن ماهوه خططك المستقبليه بالولايات المتحده الامريكيه طبعا انته مخير بالجواب بس نصيحه لوجه الله كلهم فد شغله انسانيه مثل اريد اصير ممرض او جليسه اطفال بالنسبه للنساء طبعا او اي شئ اله علاقه بالانسانيه لان راح يحترموك جدا وهمه يحبون هذا النوع من البشر والسلام.
عرض المشاركات
