عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - الرومانس العراقي

صفحات: [1]
1
اخواني مرحبا اني اسكن في محافظه بابل الحله 100 كيلومتر جنوب بغداد خريج كليه تربيه فيزياء 2006\2007 ومنذ اربع سنوات ماكو وزاره تعتب عليه ماراجعتها صدكوني حتى مجلس النواب قدمت عليه بحدود عشره فايلات واني حتى الان على حطت ايديكم بس التعين للواساطات والعرف وللي مايسوه شكلا ومضمونا للاسف الشديد وعندي سؤال الى اصدقائي واحبابي من يسكن في كردستان الجميله ممكن اقدم تعين في وزاره التربيه في كردستان والمديريات التابعه لها مه جزيل الشكر

2
اخواتي واخواني نريد معلوماتكم حتى تفيدونا لاتبخلون علينا باي معلومه بليز

3
[size=20pاخي لاتفكر ابدا بالتهريب نصيحة t][/size]
    اخوان ممكن تذكرون ماهي مخاطر التهريب بالتفصيل لان هواي شباب يفكرون يطلعون تهريب لان حياتنا احنا الشباب بالعراق سقم والله سقم ونتمنى لو احنا مسيحيين لان اولا المسيحيين تاج على الراس وثانيا نسبه حصولهم على اللجوء عاليه اخواني والله الحياه بالعراق ماتراد والسبع اللي يستغل الفرصه ولو احنا مانريد اخوتناواصدقائنا المسيحيين يفارقونه وهمه اصل العراق وتراث العراق وبدونهم يفقد العراق احد ساقيه ويصبح اعرج الى الابد لايستطيع التقدم

4
اخوان ماهو افضل طريق اروح بيه تهريب الى السويد الرجاء من الاعضاء اللي يمتلك معلومه بهذا الشئن يذكرها حتى يفيدنا لان كل ماافكر ب un اشوفها شغله تعبانه اني سئلت هواي اكثر يقول تروح لتركيا بشكل قانوني كسائح ومن هناك تذهب الى المناطق الشماليه بتركيا وتطلع تهريب الى بلغاريا بس اخوان من اروح للمناطق الشماليه بتركيا شلون اطلع تهريب وين القه المهربين الي يساعدون الواحد يطلع تهريب مقابل مبلغ مالي ؟وهاي الشينغن مبلغه هواي

5
شكرا للاستاذتنا الامورة انجي على هذا التوضيح بخصوص الشنغن ونرجو من جميع اعضاء المنتدى الاطلاع على ماكتبته انجي راجين لها الصحه والموفقيه والسعاده والشكر الجزيل لك ياانجي من صميم قلوبنا وشكرا للاعضاء الكرام لذكر معلومات مفيده راجين من كل الاخوة الاعضاء ذكر اي معلومه يمكن ان تفيدنا ونطلع من سقم العراق

6
صديقي عندك فلوس؟

اشتري شنغن

روح للسعدون هواي تلكه


   اخي العزيز ارمي سترونغ ارجو ان توضح لي ماهو الشنغن وماعلاقته بالذهاب الى السويد وطلب اللجوء واين يباع وماسعره وشكرا للاخت انجي على ادراجها المعلومات القيمه للاخوه الله يسهل امرهم الموجودين في السويد ولم يحصلوا اقامه ونرجو اخذ الامور التي ذكرتها انجي وتبليغ جميع العراقيين

7
اخوي العزيز نور ان تعرف يو ان يعني لازم اروح لهاي الدول التعبانه اقتصاديا مثل سوريا واقدم من هناك الى اليو ان وانتظر لسنه او السنتين وهناك بهاي الفتره شغل ماكو يعني موت على البطىء وبعدين يقولولي الوضع بالعراق مستقر ومحافظه بابل مو من ضمن المحافظات التعبانه امنيا من ضمن محافظات بغداد -الموصل-ديالى والواحد عنده منطق ويحكم التقديم على اليو ان كلش تعبان كلش كلش

8
اخواني اخواتي اريد منكم استفسار كيف اذهب الى السويد واطلب لجوء لاحظت ان كثير من العراقيين وصلوا مؤخرا الى السويد ولحد هذه اللحظه دا يوصلون بس عرفت ايضا ان الحكومه السويديه لاتعطي الاقامه الى العراقيين الذين وصلوا حديثا بس الواحد يوصل هناك     والله كريم كما عرفت ان حتى يوصل هناك يحتاجله 100000 عشره الاف دولار هذا المبلغ مصاريف شو؟ ارجوكم المزيد من التوضيح لان العيشه بالعراق صارت جحيم الواحد عايش في بلده ويحس نفسه عايش بالغربه لاامان لاتعينات لاخدمات لا حياه انسانيه كريمه

9
اخوان هذا جدول بمعدلات الجريمه للمدن والولايات الامريكيه منشور في وكيبديا انسكلوبيديا ومنقول من مكتب وتستند المعدلات على حالة لكل 100،000 لجميع التقويم 2007.                                    
المدينة    الدولة    السكان    الجريمة العنيفة    القتل والقتل غير العمد nonnegligent   القسري والاغتصاب   سرقة    الجرح    الملكية الجريمة    السطو    السرقة السرقة    سرقة السيارات    الحرق 
أوستن   تكساس   716,817   540   4   46   203   287   6,341   1,120   4,808   413   16
بالتيمور   ميريلاند   624,237   1,631   45   23   624   939   4,796   1,182   2,682   932   65
شيكاغو   إلينوي   2,824,434   لا يوجد [44]   16   لا يوجد [44]   546   617   4,472   876   2,937   659   25
كولومبوس   أوهايو   735,981   852   11   90   523   228   6,996   1,952   4,198   846   87
دالاس   تكساس   1,239,104   1,069   16   41   583   429   6,776   1,814   3,849   1,113   73
ديترويت   ميشيغان   860,971   2,289   46   40   764   1,440   6,772   2,064   2,430   2,278   88
إل باسو   تكساس   616,029   418   3   42   77   297   3,201   349   2,361   492   13
فورت وورث   تكساس   670,693   667   9   50   242   367   5,469   1,343   3,726   400   34
هيوستن   تكساس   2,169,544   1,132   16   32   529   555   5,684   1,339   3,449   897   48
انديانابوليس   إنديانا   797,268   1,234   14   63   507   649   6,308   1,679   3,666   963   42
جاكسونفيل   فلوريدا   797,350   1,022   15   31   391   584   5,696   1,394   3,698   604   23
لوس انجليس   كاليفورنيا   3,870,487   718   10   26   348   334   2,621   507   1,506   608   57
ممفيس   تينيسي   669,264   1,951   19   68   728   1,136   8,062   2,183   4,953   926   22
نيويورك   نيويورك   8,220,196   614   6   11   265   332   1,819   254   1,403   161   غير موجود
فيلادلفيا   بنسلفانيا   1,435,533   1,475   27   67   715   667   4,305   803   2,728   774   غير موجود
عنقاء   أريزونا   1,541,698   724   14   33   321   356   5,826   1,246   3,227   1,353   32
سان انطونيو   تكساس   1,316,882   556   9   48   186   313   6,390   1,272   4,607   511   35
سان دييغو   كاليفورنيا   1,261,196   502   5   23   166   308   3,502   609   1,845   1,049   16
سان فرانسيسكو   كاليفورنيا   733,799   1,037   14   17   514   493   4,696   692   3,199   804   32
سان خوسيه   كاليفورنيا   934,553   402   4   23   114   261   2,575   476   1,412   686   36
مصادر : مكتب التحقيقات الفدرالي تقارير الجريمة الموحدة                                    
F.B.I

10
اخوي العزيز استاذ احمد عباس شكرا لردك ومساهمتك هو العراق بيه نسبه الجرائم مفوله العبوات والمفخخات وكواتم الصوت والاغتيالات والسرقه يعني واحدنه يطلع لعمله الصبح مايدري يرجع للاطفاله لو لا فاني اقول احنا نهرب من هذا الوضع اللانساني ونروح لبلد ثاني غريب علينه واحنا غريبين عليه وبعدين تطلع المنطقه او الولايه كلها عصابات وقتل وسرقه يعني نشرد من النار نوقع بالطاوه او كما يقول المثل يستجير الرمضاء بالنار وشكرا ونريد مساهمات اخواتنا واخوتنا اخوكم الرومانس العراقي من بابل الفيحاء

11
اخواني العايشين بامريكامن المعروف ان امريكا من البلدان التي تكثر بها نسبه الجرائم يعني مو مثل السويد او النرويج او كندا التي تقل فيها نسبه الجرائم ممكن من اخواني واخواتي العايشين بامريكا او اي احد يمتلك المعلومات الصحيحه ذكر الولايات الامريكيه التي تكثر بها الجرائم اي تكون نسبه الجريمه فيها مرتفعه عن باقي الولايات الاخرى هذا سؤالي الاول وسؤالي الثاني هل تؤثر هذه الجرائم للاجئ العراقي يعني اذا ذهبت لولايه تكثر بها الجرائم هل هناك احتمال كبير ان اتعرض لعمليه قتل او شئ من هذا القبيل مع جزيل الشكر والامتنان اخوكم الرومانس العراقي من ارض بابل الفيحاء

12
اخوي العزيز استاذ شوفرليت احييك واتمنالك الصحة والموفقية وتحقيق اللي في بالك ومع الاسف هذا البلد بدل مايحوي كفائاته ويقدم سبل العيش الكريم تتقتل بيه الكفائات ويحارب فيه الشباب وهذا المخطط الصهيوني اللي يريد يدمر هذا البلد استاذ شوفرليت كلنا نحلم من هذا البلد ان نطلع منه لان صار مايصلح لعيش الحيوان حيث قانون الغاب هو اللي موجود في هذا البلد والبارحة كتبت موضوع عن حامل ماجستير ويريد يروح لكندا بااعتبارها تستقطب الكفائات فجاوبني احد الاخوان مشكورا على ان الهجرة الى كندا تعتمد على تجميع النقاط بحيث اذا جمعت اكثر من 68 يمكن قبول معاملتك بالهجرة ممكن تتطلع على الموضوع اللي كتبته وتنظر الى الاجوبه ويوجد اختبار موجود على موقع الحكومه الكنديه بامكانك ان تمليه وتشوف تقدر ان تجمع النقاط وتقدم مباشرة الى كندا ليش تروح لبلجيكا وبعدين لكندا
http://www.cic.gc.ca/english/immigrate/skilled/assess/index.asp
اضغط على take the test

13
اخوي زيد العزيز شكرا لك على اجابتك الوافيه جدا ورحم الله شهدائنا الابرار شهداء كنيسه الحق والكلمه شهداء الانسانيه جمعاء شهداء كنيسه النجاة وتغمدهم الله برحمته واسكنهم فسيح جناته والهم ذويهم الصبر والسلوان ولعنه الله على من قام بهذا العمل الشنيع وهتك حرمه بيوت الله ومصليها وقرار الارهابين جهنم وبئس المصير حيث لاذمه لديهم ولاضمير تراهم يفجرون الكنائس والحسينيات والمساجد همهم القتل والسلب وتبا لهم وساء مايفعلون . اخي زيد انا مسلم ولست بمسيحي واتشرف بااخواني المسيحين واعتبروهم تاج على الراس بس اني مااقدر اسافر للدول اللي ذكرتهن علمود اقدم على اليو ان لان رادله مبالغ نقديه وماادري يطون مساعدات لو لا ويمكن المساعدات قليله ماتكفي الاعزب

14
شكرا الى الاستاذ ددوفي وDR1985 على المعلومات القيمه ممكن اعرف شنو خمس سنوات الحد الاقصى للهجرة؟

15
اخوان ابن عمي ماجستير علوم الفيزياء النوويه هل اختصاصه يؤهله للذهاب الى كندا لان سمعنا ان كندا تستقطب الكفاءات فهل ماجستير علوم فيزياء نووي من الاختصاصات المهمه هل يقبلوه؟وكيف يقدم عليها نرجو التوضيح ؟للعلم ابن عمي الاستاذ صباح اعزب ويسكن في محافظه بابل -الحله

16
اخواني الاعزاء ممكن المزيد من التوضيح عن التقديم للسفارة الفرنسيه في بغداد لان اللي اعرفه ان التقديم للجوء يجب ان يكون من دوله ثانيه وليس من نفس البلد كما يحدث للذين يقدمون من سوريا الى un ويطلع لجوئهم الى امريكا او كندا او غيرها من البلدان
سؤالي الثاني هل التقديم محصور للاخوانا واحبائنا المسيحيين بس الظروف الاخيره من استهدافهم بشكل مباشر بتفجير بيوت الله الكنائس سؤالي الثالث اين تقع بالضبط موقع السفارة الفرنسيه سؤالي الرابع هل احد من اخوانا في بغداد قدم على السفارة في بغداد واتصلوا بيه مع جزيل الشكر

17
اخوي ابن الحله توكل بالله ومبروك مقدما على هذه البشارة الحلوة بمناسبه البيبي الجديد وتوكل بالله وروح يحصل الطفل على الجنسية الامريكية اخوك الرومانس العراقي ابن محافظتك الحله

18
اخوان جاء قبل فترة احد الاخوان من الدنمارك في زيارة الى العراق فسالته عن احوال اللجوء فقال ان الدول الاوربية وخصوصا الغربية متشددة جدا في قبول طلبات الاقامه واللجوء ولكنه قال ان احد اقرباء اصدقائه وصل حديثا الى الدنمارك عن طريق سفره من العراق الى تركيا بصورة طبيعيه كسائح وبعد وصوله الى تركيا حاله حال اي مسافر سياحة الى تركيا ذهب الى المناطق الشماليه من تركيا حيث اتفق مع مهربين في احدى القرى التركية الحدودية على تهريبه الى بلغاريا وعندما وصل اليها بعد دفع مبلغ خمسة اوراق  تم ايداعه في السجن لمدة شهر بعدها قدم على اقامة وبعد حصوله عليها سافر منها الى الدنمارك فسؤالي يااخواني هل هذه القصة صحيحة وهل من الممكن حصول اقامة في دولة اوربية حتى لو كانت مثل بلغاريا ومن ثم السفر الى دوله اوربيه غربية كدنمارك او السويد او النرويج الرجاء من الاخوة الذين يمتلكون معلومات افادتنا لان الجميع يختنق حتى الموت من المعيشه في العراق مع الشكر الجزيل يااخواني .......ارجو تصحيح المعلومات التي ذكرها الاخ الدنماركي

19
اخوي الغالي احمد عباس القرعة مالتي مان 10 سنوات واني من مليت الاستمارة الاولى وحولت على الاستمارة الثانية لقيت مبالغ لكل  سنة فاني شفت عشرة سنوات وقدامة مكتوب 299 يورو فاشرت عليه وانقله لك بالنص كما مكتوب في الاستمارة                               Choose Your Program
nafaa adnan
Register before 01-Sep-2010 and get up to €22 discount FREE!
Winners receive a free airline ticket to the USA and a lifetime Green Card*
ServiceStandard PriceYour Price (€)First year application
(Regular price)
€31€15Your application for 2 years
(30% discount on 2nd year)
€45€29Your application for 4 years
(FREE year)
€77€55Best ValueYour application and your family's for 10 years
(3 FREE years + double your chances of winning)
€325€299The Official USA Green Card is valid for life. Participate in the lottery for more years your winning chances will increase. We will resubmit your application every year automatically according to your selection.      زين اخواني ماكو طريقة ينعرف بيها ذولي نصابة او لا؟      

20
اخواني امسيكم بالخير واتمنالكم الموفقية والسعادة اخواني اني كتبتلكم مشكلتي ويه الكرين كارد واعيدها للي مااطلع عليها قدمت على الكرين كارد بالشهر الاول من 2010  من النت  وبعد اسبوعين اتصلت بي موظفه امريكية تتكلم الانكليزية تتاكد من اسمي وعنوان وقبل اسبوع اتصلت بي موظفة لبنانية اسمها حنان من مكتب كرين كارد تطلب مني تحويل مبلغ 299 يورو الى مكتبهم في امريكا رسوم الاشتراك في القرعة حتى استكمل الملف الموجود عدهم واعطتني عنوان ورقم موبايل مكتب في المنصور ببغداد لتحويل المبلغ عن طريق بطاقات كاشيو ويوميا تتصل بي وتقولي سويت بطاقة كاشيو بالمبلغ المطلوب حتى انها اتصلت بي اليوم الساعة 11 بتوقيت بغداد وطلعتلها عذر وقالتلي راح تتصل غدا واني هسه حاير مااعرف شسوي هل هذا مكتب كرين كارد الفعلي لو مكتب للنصب والاحتيال وتاخذ مني المبلغ اللي اشوفه هواي عليه يقارب 500 الف دينار عراقي يطلع راتب موظف لشهركامل علما اني لست بموظف وشسوي ماادري اخوان احلفكم بالله والكتب المقدسة ان تنصوحني شسوي ؟ ويااختنا العزيزة والغالية انجي دزيتلج على الخاص عنوان الموقع كما طلبتي مني فارجو منكي ومن اخواني واخواتي مساعدتي ولكم جزيل الشكر اخوكم من العراق الرومانس العراقي

21
اخواني اعضاء المنتدى احييكم واتمنى لكم الموفقية عندي استفسار الرجاء منكم الايضاح لاني في ورطة ومحتار الله لايحيركم قدمت على الكرين كارد بالشهر الاول من سنة 2010 وبعد فترة زمنية خابرتني موظفة امريكية لاتتكلم العربية وسالت عن اسمي وعنواني واليوم خابرتني موظفة لبنانية تتكلم معي بالعربية وقالت انها من مكتب البطاقة الخضراء وايضا اخذت مني بعض المعلومات عن اسمي الكامل وعمري وعنوان مسكني ثم قالت اني يجب ان ادفع مبلغ 299 يورو انتبهوا اعزائي لم تقل الرقم بالدولار وانما باليورو وقالت اني احتاج الى بطاقة كفيزا كارد او ماستر كارد دولية   لتحويل المبلغ الى الولايات المتحدة كما قالت ان لدي طريقة اخرى بواسطة الكاشيو واعطتني عنوان مكتب للكاشيو في المنصور واعطتني رقم موبايل مكتب المنصور كما ذكرت لي انه بعد ان احصل على بطاقة الماستر او الكاشيو ستتصل بي بعد يومين لتعطيني العنوان والاجراءات لتحويل المبلغ كما ذكرت لي انهوا بعد ان يتم تحويل المبلغ سيعينوا لي محامي ليتابع الاجراءات وهذا كله حتى يدخل اسمي القرعة لكني قراءت في الانترنيت ان هناك الكثير من حالات النصب والاحتيال تجري باسم مكتب الكرين كارد فكيف اعرف ان هذا المكتب حكومي وليس مكتب للتقفيص وانصب والاحتيال ؟وهل اجور واتعاب المحامي انا ادفعها ؟ وهل اقوم بتحويل المبلغ المطلوب حتى ادخل القرعة واذا لم يظهر اسمي في القرعة هل يسترجع المبلغ ؟ ممكن اعرف معلومات عن الكرين كارد ارجوكم ساعدوني اخواني اني حاير ومااعرف شسوي  اني هسه حاليا بالعراق والضيم راح ياكلني اكل

22
مرحبا  اخواني اعضاء المنتدى اني اشكر كل الذين كتبوا تعليقاتهم ومشاركاتهم على الموضوع وادعوا جميع من يقرا الموضوع يساهم ويكتب مشاركته وتعليقه وحتى نتشارك المعلومة والراي وتكون الفائدة للجميع .احاول ان اوضح مسالة بالنسبة الى بعض الاعضاء الذي على مايبدو حصل لديهم لغط  اولها نحن نعيش في بلد كل شيئ فيه محطم ابتداءا من الخدمات الاساسية من كهرباء وماء ومستشفيات ووظائف وووووو................... وانتهاءا الى نفسية المواطن العراقي التي اصبحت محطمة بمعنى الكلمةويا اخواني  واخواتي لاتوجد بارقة امل ان يتحسن الوضع العراقي في ظل هذا الاحتراب السياسي والفساد المالي والاداري والقضائي.  قبل فترة قرات في احد الصحف كلام لوكيل وزير الكهرباء ان الكهرباء لن تصل الى مستوى شبه مستقر حيث تكون الانقطاعات المبرمجة اقل من  الوقت الحالي الا في سنه 2016  لاحظوا احبائي
(بعد ست سنوات حتى تكون شبه مستقرة يعني هم تنقطع يجوز يسوها 3 ساعات مقابل 3 ساعات ) فاي مستقبل تتكلمون عنه ففي العراق اذا لم تموت بانفجار سيارة مفخخة او عبوة ناسفة او اختطاف او بالسرطان المنتشر بشكل مهول وتتستر عليه الحكومة العراقية واذهبوا الى المستشفيات ومدينة الطب ولاحظوا العجب العجاب الذي تدمي له العين والاطفال المشوهيين        او الاغذية الفاسدة التي تدخل الى العراق قبل فترة تم اكتشاف مادة في بعض ماركات حليب الاطفال فيها مادة تستخدم في صناعة الالمونيوم وقامت الحكومة الصينية بمعاقبة التجار الصينين وياعيني على المسؤوليين العراقيين لايدرون بما يحصل وكثير الكثير من الاغذية والماكولات غير مطابقة للاستهلاك البشري واخرها وليس اعظمها ان البانزين الذي تستورده الحكومة العراقية قدس الله سرها وعظم امرها فية نسبه عالية من الرصاص وهذا بدوره له ضرر كبير على ادمغة الاطفال وقد منعت الدول استخدام الرصاص في البانزين لكن في العراق حيث لاقيمة فيه للانسان يستخدم هذا العنصر في البانزين والكثير من الانتهاكات فاذا لم تموت بهذه الاشياء فستموت من القهر والحرب النفسية وستكون مريضا نفسيا مادمت تعيش في العراق لااريد ان احبطكم ولكننا كلنا مرضى نفسيا والعراقي يتعجب الى اتفه الاشياء فعندما يسافر الى ايران او سوريا او لبنان يتعجب من نظافه الشارع وعدم تواجد الوسائخ والقاذورات الى في سلة المهملات وذلك لان العراقي واقولها مع شديد الاسف الف القاذورات وتعايش معها في شارعه وحديقته وعندما ينتهي من شرب علبه الببسي يرميها في الشارع وعندما تطلب من شخص يدخن سيكارة وهو جالس الى جانبك في سيارة الكيا او الستاركس الضيقة والمعدومة التهوية كانها طائرة حيث نوافذها مكبوسة عندما تطلب منه ان يتوقف عن التدخين الكل يرمقك بعيون حاقدة كانك مخلوق فضائي غريب  فاي مستقبل زاهر في بلد من الصعب ان ترى حديقة نظيفة او شارع لاتنتشر فيه المياه الاسنه فيا احبائي الحياة في العراق بائسة وانظر الى جميع تجمعات اخواننا واهلنا كلهم يتحدثون في الامور السلبية لان من الصعب ان ترى الامور الايجابية في العراق وهي نادرة والنادر لايقاس عليه كما يقولون الفلاسفة لذلك اقول الى كل من توفرت له الفرصة الى الولايات المتحدة اللامريكية وهي اعظم  دولة بالعالم حيث تقدر الانسان وقيمته ان ينتهز هذه الفرصة وبما انه بعض الولايات تدعم اللاجئ ثمانية اشهر حيث تدفع الحكومة اجاره واكله وشربه اما اولاده فتتكفل بتعليمهم لحد سن البلوغ فهي فرصة ليجرب حظه ليخرج من هذا السجن المرير فان وفقه الله وتمكن من العيش خير على خير وان لم يتمكن فله الرجوع الى قاتله والكثير تمكنوا من العيش والعمل والزواج لغير المتزوجين  اما بالنسبة الى الانحلال الخلقي فانا قلت ان البعض يبالغ  في الانحلال الخلقي في امريكا انا اقول ان الانحلال الخلقي موجود ايضا في العراق انا لم اقول ان البنات غير محتشمات ولكن اتكلم عن مجتمع تتواجد فيه مستوى انحلال   ظاهر للعيان واخيرا اذكر مقوله النبي علية الصلاة والسلام احبب للاخيك كما تحب لنفسك كما ان البعض لديه الطاقة ان يعمل اي عمل حتى لو كان ماسح لزجاج السيارة اذا توفر لديه راحة البال اما لاخونا الذي يقول اي عمل لايسد اجار الشقة فانا اقول له لاتاجر شقة في مركز المدينة اجر شقة متواضعة وتستطيع دفع بدل ايجارها وشكرا لكم جميعا تحياتي

23
مرحبا اخواتي واخواني الغالين على قلبي كيف حالكم قرات كثير من المواضيع في منتدانا الغالي عن خوف البعض من الاعضاء الذين اتاحت لهم الحياة من الفرصة للسفر الى امريكا ولاحظت ان البعض من الاخوة والاخوات يبالغون في خوفهم وكانهم ذاهبين الى الثقب الاسود او الى كوكب اخر مجهول فيا اخواني واخواتي ارجوكم فكروا واستغلوا هذه الفرصة الثمينة ولاتضيعوها من بين يديكم وناقشوها بالعقل كما ناقشوها مع اخوانكم اعضاء المنتدى وادعوا كل شخص متردد ان يكتب تردده في هذا الموضوع الذي طرحته حتى نناقشه معا نحن اسرة عين كاوة . اني اتعجب على البعض حيث يقدم اوراقه ومعاملته الىIOM وعندما يستكملها الى الخطوات الاخيرة واذا به يتردد من فكرة السفر فلماذا قدمت على البرنامج اصلا وزاحمت بعض الاخوة العازمين على السفر والذين يحسبون الايام بالدقائق والثواني حيث اخذت بفايلك كيس نمبر رقما وتسلسلا ولماذا تردد في السفر اعتبرها نزهة سياحية واذهب وشوف اعظم دوله بالعالم التي يسموها بلاد الاحلام (قابل خسران خسارة هي السفرة كلها على المنظمة واجارك واكلك وشربك وهماتين تتعلم لغة انكليزية تنحثل بيها على اصدقائك واقاربك وتشوف ناس بشر حقيقين اوادم  تشوف التكنلوجيا الانفتاح الحضارة الحب الاحترام قيمة الانسان احترام المراة وتحصل الكرين كارد وعود اذا الله وفقك وحصلت شغل خير على خير بس كون تسعى مو كاعد بالشقة وتريد الشغل يدق بابك واذا شفت الامور مو كلش ماشيه ارجع لبلد القهر وانت كنت سابقا تشتغل بمعسكر امريكي او شركة امريكية واكيد مجمعلك من هاي الدولارات الحلوة  واني اعرف اكو بمنطقتنا موظفين بالدولة اكو واحد اعرفه موظف بوزارة الصناعة والمعادن ويعمل بشركة RTIالامريكية يقول راح اطلب اجازة سنة بدون راتب من وزارة الصناعة والمعادن واسافر شفت الوضعيه زينه اضرب الوزارة عرض الحايط شفته مو زينه ومااقدر احصل شغل اني ارجع للعراق وماخسران خسارة وعلى فكرة الشغل تره الشغل موجود وبكثرة شتتوقعون بلد متطور واغنى بلد في العالم ومابيه شغل بس بسبب الازمه الاقتصادية شويه اثرت وهاي مراح تدوم الحكومة وضعت استراتيجية معالجتها وراح يطوقوها وشويه شويه راح تتلاشى قبل فترة اعلن اوباما عن خطة راح توفر الكثير من الوظائف بالاف اما اولادك فراح تضمن مستقبلهم وتعليمهم الى مدى الحياة بس فهموني شنو السبب وراء احباطكم واذا تقولون امريكا بلد منفتح ونخاف على اولادنا يفسدون اني اقولكم العراق واصل بيه الفساد الى البو موزة اعرف طالبات بمعهد المعلمات موبايلاتهن كله افلام جنسية اعرف ولد يسجل افلام جنسية ويطيها لصاحبته وهاي وحدة تنقل للثانية ويرجعلنه فلم للرام مالته يقوله لصاحبته منيلج هذا تقوله هذا الفلم من صديقتي رنا اما بالنسبه للجامعة فحدث بلا حرج احنا بقسمنا ماكو بنية مامنسقة ويه ولد بس عن حلفة الله بكل قاعة لو اثنين لو ثلاثة ما مصاحبات وذني يسموهن الكابه    ومرة رحت لبيت استاذ هو دزني لبيته وبيت هذا الدكتور صاير ضمن مجمع بيوت الاساتذه داخل الجامعة ولكن باحد اطرافها ومن رحت شفت العجب العجاب كلمن والكبل مالته وماخذيلهم زاوية من الحايط وهذا يقبل وهذا ال..................... وانتوا تعرفون ونتيجة فضائح ذلك المكان وضعوا كاميرات مراقبة ونقطة FBS  تفتيش عند مدخله هذا الكلام في جامعة بابل   اني قصدي من هذا كلامي يعني ماكو ولد زنين اوبنات زينات لا اكو ورود وملائكة وقمة الاخلاق والثقافة بس ايضا اكو  انحلال خلقي  فلا نتصور امريكا قمة الانحلال والعراق بلد في الجنة انتوا متوهمين تره حتى دا الاحظ ويمكن بعض الاعضاء يوافقني صاير انحلال بالعراق مو طبيعي ودا يزداد سنة عن سنه وموجود بالمدرسة والشارع والجامعة ونشوفها بعيونه فيا اخواني لاتزمتون وتقول نخاف على ولدنا وبناتنا من مجتمع منفتح خافوا عليهم بالعراق وتره دا يصير بالعراق العجب العجاب وما تصدقه العين, اخيرا اختتم كلامي واني اسف اذا طولت عليكم على اخواني المترددين يقلولنا شي واحد ايجابي بالعراق ما اطلب هواي شي واحد فقط ماهو؟  مغخخات وعبوات ناسفة   كهرباء ماء شوارع صحة تعليم برودة الجو صفاء الجو اصلا اني احلم اشوف السماء زرقاء طبيعة بحيرات غابات تعينات بدوائر الدوله دولة مركزيه تطبق القانون مو دولة كارتونية تهتز وتتفلش مع اول زلزال حتى لو كان صفر على مقياس رغيتر المجتمع العراقي شبيه غير النفاق والدجل واللطم والبجي وياريتهم مطبقين واحد بالمائة على الامام اللي يبجون علية النميمة السرقة الرياء ماكو رحمة بين الناس وارجع واقول لو خليت قلبت بس شنو فايدت القليل مع نسبة الكبير فيا اخواني استغلوا الفرصة والما مقدم خلي يقدم لان اكو شائعات يسدون برنامجIOM فاانتهزوا الفرصة قبل مايوقع شعر راسكم من القهر ونريد رددوكم وارجع واكرر اسفي اذا طولت عليكم  بس هذه نصيحة ردناها تستكمل من جميع الجوانب  اخوكم الرومانس العراقي من بلد لايقدر الانسان

24
مرحبا اخواتي واخواني اعضاء اجمل منتدى منتديات عين كاوة.........ان شاء الله زينين وربي يحفظكم من كل مكروه . عندي سؤال اذا امكن هل يوجد موقع على النت يعلم اللغة الانكليزية بالصوت والقواعد والترجمة الصحيحة ومعاني الكلمات الشائعة والصور الذي يعرف موقع بالنت ممتاز ويعلم الانكليزية مايبخل ويكتبنا رابط الموقع ونترحمله دنيا واخره وشكرا اخوكم الرومانس العراقي من ارض عراق الضيم والمفخخات والماسي

25
تحياتي علاوي اقول لو تروح هواي احسلك والامتحانات الوزارية بعد هواي عليه وانت تكون ماتخسر شي والله اتمنى هاي الفرصة بس شسوي وتحياتي الك خوي العزيز اخوك من الحلة

27
الرجاء اخوتي ماهو الفود ستامب هل هو الضمان الاجتماعي الرجاء الايضاح وهل يختلف من ولاية الى ولاية وكيف يكتب انكليزيا اي باللغة الانكليزية الرجاء الاجابة وسؤالي الاخير الذي يذهب الى امريكا لجوء عن طريق iom كم سيستمر معه

28
ذكرت اسم العضو الذي قال ان التوفل في العراق يختلف عن التوفل في امريكا اسم العضو هو vincenzo كتب ردا في موضوع اسمه (امتحان GRE المرعب) في الصفحة 11 وهذا نص كلامه
حبيبي الحديدي هاي انت شو جاي تشخبط
هو فعلا الامديست اللي بفندق بابل نقلوه مؤقتا للمنصور وراح يرجع للكرادة قريبا
بس هذا اللي انت خاله مال الجامعات العراقية ترة مو هو نفسه التوفل مال التقديم بامريكا
عيني هذا اسمه اي بي تي وهو كانه توفل مبسط وبالاماكن اللي موجوده باللنك مالتك لان اذا يسووه نفسه التوفل مال امريكا فاقسام الدراسات العليا بالكليات العراقية تعزل وبعد محد يقدم عليهه   

هذا الحجي مو من عندي لان سألت بأكثر من مكان ومن ضمنهه الكلية اللي داأدرس بيهه وهم بيهه مركز تقفيصي فكالولي اوكي انت تعال بيوم امتحان الاي بي تي ونجيبلك اسألة توفل وحدك
(عبالهم ما متحن لان اني كلتلهم هيجي حتى يصيرلهم واهس يسولفولي وطبعا الموضفة اللي جاوبتني هي احلى بنية بالعالم     بحيث كمت اموت عالتوفل ويومية مكابل معهدهم فأذا اي احد عنده سؤال يسوي علية فضل حتى اروح اسألهه)
انتهى\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ هذا نص كلام الاخ نرجو منه ومن الاخوة الكرام التوضيح رجججججججججججججججججججججججججججججاءءءءءءءءءءءءءءءءءءءءءءءءءءاااااااااااااااااااااااا

29
يعني التوفل نوع واحد مو انواع ؟ لان احد الاعضاء كتب في المنتدى عن التوفل يقول ان التوفل اللي في العراق نسخة مبسطة عن التوفل الموجود في امريكا واذا طبقوا التوفل بامريكا تعزل الجامعات العراقية هذا نص كلام احد الاعضاء زين وشنو تعني I.T.P. هل هو مختصر لاحد انواع التوفل نرجو الاجابة رجاءا للافادة

30
ممكن  سؤال الى الاخوة الاعضاء الموجودين بامريكا او الذين يمتلكون خبرة بهذا الموضوع سؤالي هو هل يوجد اختلاف بين اختبار التوفل الذي تقوم به الجامعات العراقية وبين اختبار التوفل الذي تقوم باجرائه الجامعات الامريكية بمعنى اخر هل هو نفس التوفل بامريكا او العراق او الشيشان مع العلم ان الجامعات العراقية وحسب توجيهات وزارة التعليم العالي والبحث العلمي تسمى التوفل ب I.T.P.حيث اسمه الكامل حسب كتاب الوزارة I.T.P TOEFL    والدرجات المطلوبه كحد ادنى وحسب التخصصات

الدكتوراه الماجستير أو الدبلوم العالي الاختصاص
480 430 المجموعة الطبية
450 410 المجموعة الهندسية
430 390 مجموعة العلوم الصرفة والزراعية والبيطرية
410 370 مجموعة العلوم الادارية والقانونية
390 350 مجموعة العلوم الانسانية
نرجو الاجابه بالتفصيل رجاءا  مع تحياتي

صفحات: [1]