اقتباس من مشاركة kunda
اخي انت جاي تطرح فكرة سياسية لو تناقش موضوع الهجرة والسفر ترة هذا الموقع مايمثل اي جهة ولا يتبنى اي فكر اذا انت ضايج من الشرطة اللي اعتقلوك فهاي مشكلتك احنا هنا نناقش قضايا الهجرة واللجوء ومايتعلق بيها مالنا علاقة بالسياسة وثانيا شنو سويت نص العراق بالمعتقلات والسجون وظلم الاحتلال ومدري شنو سويتها ظلمة علينا عبالك رجعتنا لوقت صدام وحرب ايران والمعتقلات والقتل الجماعي أخي اهنا اغلب الناس تريد تهجاهر لعدة اسباب منها تحسين المستوى المعاشي او الفكري أو لغرض الدراسة ومنها لغرض رؤية العالم الخارجي وتغيير الجو ,,,انت وين جبتها عالمعتقلات والداخلية والميليشيات وسويت نص العراق بالسجون؟؟؟؟
شوف اخ كونده اولا اكثر الناس دتطلع بسبب الاوضاع الامنية المتردية وسببها السياسه الفاشلة للسياسيين بهذا الوكت وحتى قبله واذا انت مامتأذي من الاوضاع وايدك بالدهن وتريد تروح لامريكا مدري انت هناك عايش فهذه بسبب تقصير الجهات المسئوله عن الهجرة مو بسببي.. والله يعين الاخوان الي فعلا متأذين من الاوضاع وصارلهم سنين ينتظرون الفرج وماكو والمرتاح وراسه بارد تجيله على الحاضر ويطلع كأنه هو المظلوم والمضطهد....
وثانيا اني ما مستفيد من صدام ولا من غيره ولاعندي انتماء لاي جهة لاقبل ولاهسه واذا انت متأذي من صدام فأني اتعاطف مع معاناتك ومعانات كل عراقي ظلمه صدام او غيره,. بس مو معناه اني اتعاطف وياك وانت تتهجم على حالي هذا مو اسلوب نقاش مال واحد يكول اني مثقف مثلك اخ كونده...
ثالثا انت شلون عرفت ان الوضع هسه مابي اي ظلم وما كو اي معتقلين ليش انت جاي هنا تتدافع عن جهة معينه مثل حزب معين او طائفه معينة لو (همك العراق بكل شعبه مثلي ومثل الكثيرين غيري؟)
واخيرا انت تكول نهاجر لتحسين المستوى المعاشي والفكري وللدراسة ورءية العالم (وتغيير جو)
مع احتراماتي لجميع الاخوان الاعضاء ((((لعد انت شكد فايخ))) يعني عفت كل الويلات الي ديتعرضله العراقيين والظلم والقتل والعذاب وتريد تروح تغير جو بامريكا موهيجي..؟
والناس خطيه هذا المتهدد وهذا المخطوف وهذا المتصوب بانفجار مفخخة وهذا الي ذابيله الارهابيه والتكفيريه والمليشياويه ورقة تهديد لو يترك بيتهم لو يعرض نفسه وعائلته للخطر وانت تكول نروح لامريكا نحسن مستوانه المعاشي ونغير جو لك والله المفروض مو اني اجاوبك المفروض كل واحد قلبة محترك من هالشعب المجروح ويشوف جوابك يجاوبك ويبرد قلبة .. وانت اصلا يمكن مندس من الاجهزة حكومة العراق (المنتهية ولايتها) تريد تعرف منو يختلف وياها حتى تلفقلة قضية .
قبل مبتلين بصدام الدكتاتور وهسه ابتلينه بمئات الدكتاتوريين الله يعين العراقيين الطيبين المتأذين فعلا من الاوضاع المأساوية.
عرض المشاركات
