الرسائل

1

الهجرة و واللاجئين / رد: مقابلة محلفين في عمان

« في: 15:16 22/08/2010  »

مشكورين على الجواب عيوني
هي المقابلة مو الي اني باميركا بس علمود اهلي لان هما دينتظرون
وما اجاهم الدور بالمقابلة مال شهر 8 فه كتلهم ع الوجبة الجاية
بس مكنت متصور انه المحلفين يجون كل شهرين 

ع العموم شكرا على الجواب ورحم الله والديكم

2

الهجرة و واللاجئين / رد: مقابلة محلفين في عمان

« في: 20:27 21/08/2010  »

اشكرك اخوية على مرورك وردك
ماقصرت عيناي رحم الله والديك

3

الهجرة و واللاجئين / رد: الانتقال من ولايه الى اخرى

« في: 20:23 21/08/2010  »

مشكـــووور اخي ع المعلومات الرائعة
عاشت ايدك

عندي سؤال اذا امكن هو يمكن مطروح قبل بس حاب اعرف عنه تفاصيل اكثر ...
هسه اني رح يصيرلي تقريبا 5 اشهر من وصلت لاميركا
حاليا بمدينة شيكاغو\الينوي ودا اخذ مساعدات من الحكومة
سؤالي هو .. هل من الممكن انه انتقل لولاية ثانية خلال فترة تقديم المساعدات الي واحول على المنظمة اللي بالولاية الثانية وهي تكمل برنامج المساعدات الي بالفترة المتبقية ؟ او انتظر الى ان تخلص فترة المساعدات ؟؟
وهل الا نتقال يتطلب وقت طويل ام فقط معاملات واجراءات بسيطة ؟؟

4

مواضيع الحياة العامة في بلاد المهجر (امريكا) / رد: بعد اربعه اشهر في امريكا

« في: 18:05 21/08/2010  »

السلام عليكم
عاشت ايدك اخوية ع الموضوع الرائع وماشاء الله عليك عندك معنويات وهمة كلش حلوة
الله يوفقك وييسرلك طريقك يارب

اني مثلك وصلت لاميركا يوم 1\4 مدينة شيكاغو \ الينوي طبعا وهم اول ماوصلت مجانو المنظمة يدرون انه موعد وصولي باليوم اللي وصلت فيه وظليت انتظر بالمطار 4 ساعات بعد رحلة من الاردن دايركت 14 ساعة يعني المجموع 18 ساعة والتعب والارهاق ماسولفلك عليه .. المهم اجتي الكايس ووركر واتأسفتلي وكالت اعذرنا عن التقصير واخذتني ودتني يم الكفيل لان مكانو لاكيلي شقة اشكن فيها
المهم كول ربك يسرها وكعدوني بشقة وهم انطوني اغراض ومسواك ومن هالسوالف
وكملت كافة الاوراق الي لازم تاخذها من توصل لاميركا
بس المنظمة اللي جاي عليها صراحة متنطي ذيج المساعدة القوية للاجيء مثل مكنت متوقع يعني من ثاني شهر المسؤلة عن السكن بالمنظمة كالتلي لازم تدفع من الراتب اللي يجيك فلوس ايجار الشقة زين وين صايرة هاي يعني الراتب هو 243 دولار شتصير الواحد يدفع منها ايجار لو فواتير لو يشتري بيها احتياجات !!!
نجي على سالفة الشغل ... طبعا هم مثل مكلت المنظمة سووتلي ريسومي وهم عود كالولي انه رح ندزها لاكثر من مكان عمل حتى تكون عندك اكثر من فرصة .. ورحت قابلت بستور كبير للاغذية العضوية وانقبلت بيه بس تتصور لحد الان مخابروني حتى يكولولي شوكت ابلش شفل !!!!! هذا الحجي صارله 3 اشهر الله لا يكذبني
يعني سواء تعتمد ع المنظمة تدورلك على شغل تروح تقابل ويكولولك هناك اوك رقمك عدنا واحنا نتصل بيك .. او بفترة الشهرين الاخيرة كمت اني ادور على شغل وحدي بدون الاعتماد ع المنظمة وهم نفس الشي كلها نفس الحجي اعبي ابليكشنات واقابل وكل اللي احصله انتظار وبس ... يعني مختصر مفيد ماكو فائدة

بالنسبة للدراسة هنا رحت قدمت على اكثر من كلية بس كلها كالولي الا عندك البريمننت ريسدنز (اللي هو الكرين كارد) يلة نكدر نحطك على الفاينانشل ايد يعني موضوع الدراسة بشيكاغو لازم انساه حاليا !!!!
بس سؤال لحضرتك الكلية اللي قدمت عليها انت هل هي كلية مجتمع يعني تنطي دبلوم سنتين او بيها شهادة بكلوريوس؟
وهل انت مسافر على اميركا على نظام ال SIV لان بس هذولة الناس يكدرون ياخذون فاينانشال ايد لان الكريد كارد يطلعلهم خلال مدة قصير مو مثلنا !!

اتصور طولت عليك بالحجي هواي واني اسف اذا ضوجتك بس دااحجي الواقع اللي واجهته واللي دا اواجهه كل يوم !!
والظاهر رح افكر احول على الولاية اللي انت بيها لان هي مو بعيدة عن الينوي فرق ولايتين بيني وبينك  

مشكور اخوية على موضوعك وبارك الله بيك ع المعلومات

5

الهجرة و واللاجئين / رد: مقابلة محلفين في عمان

« في: 16:47 21/08/2010  »

السلام عليكم
اخوان ماكو احد يكدر يساعدني يعني معقولة
67 واحد دخل للموضوع وولا واحد عنده ولو معلومة بسيطة يكدر يفيدني بيها ؟؟!!!

6

الهجرة و واللاجئين / مقابلة محلفين في عمان

« في: 17:01 20/08/2010  »

السلام عليكم
شلون الصحة اخوان

يابة بلة زحمة واكون ممنون منكم
منو تحددله موعد مقابلة محلفين ورة المقابلة اللي صارت يوم 15\8 ؟؟
ياريت يجي هنا ويكتب التاريخ واذا اتصلو بيه او بعد

مشكوريين مقدما

7

الهجرة و واللاجئين / رد: اليوم قابلت محلف بعمان...عبالك دا أسولف ويه صديقي بالكهوه !!! دخلو وشوفو شصار !

« في: 18:35 03/08/2010  »

مشكور اخوية ع الخبر وان شاء الله تتسهل وتتيسر اموركم
ويوم اللي نسمع منك تكوللنا موعد السفر ان شاء الله

اني من قابلت محلفين ظليت من ساعة 7ونص الصبح لحد ساعة 6 العصر يلة صاحو اسمي وصعد فوك
يعني نمت وحلمت 100 حلم يلة اجاني الدور 

بلكي الله على كولتك صارت الامور اسرع من قبل واللي ممقابل محلف يجي الدور واللي جايله الدور يقابل بسرعة ويكمل ويخلص

مشكور عيناي

8

الهجرة و واللاجئين / رد: جماعة الينوي ILLINOIS للتفضل بالاطلاع

« في: 19:14 01/08/2010  »

 

MUHANAD_2009        شيكاغو           داخل امريكا
هنوة                                شيكاغو           داخل امريكا   
 Odisho Youkhana       شيكاغو           داخل امريكا
   البهلول                          شيكاغو           داخل امريكا 
ديما                                 شيكاغو           داخل امريكا     
ماستر                              شيكاعو           خارج امريكا
 Boney M                     شيكاغو            داخل امريكا
ام يلدا                              شيكاغو            داخل امريكا   
 القرش                            شيكاغو            داخل امريكا
  Abu ALjeez                     شيكاغو            داخل امريكا
الشمرية                           شيكاغو             خارج امريكا

 13.ahmad                  روكفورد            داخل امريكا 

اهلا وسهلا بيك اخ ابو الجييز وتم اضافتك للجدول
وستم اضافتك للجدول العام للولايات
وان شاء الله تتواصل معانا لمساعدة الاخوان المتوجهين الى شيكاغو

شكرا على الاضافة عيوني
وان شاء الله اكدر اساعد الاخوان بكلشي اكدر عليه
وماقصر بشي بعون الله

9

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 18:22 01/08/2010  »

هلو اخوية ابو الجيز

الله يسلمك و شكرا على الرد اخي

بالنسبة لأهلك ان شاء الله يلحكون هاي الوجبة.. والله اني بصمت بشهر الخامس و شوف هسة يالله قابلت محلفين

الله يفرجها عليهم

الله يسمع منج ان شاء يارب
على شهر رمضان بلكي الله ييسر امورهم

مشكورة عيناي على جوابج جزاج الله كل الخير

10

الهجرة و واللاجئين / رد: وصلنا امريكا / ولايو ساوث داكوتا

« في: 16:11 31/07/2010  »

حمدلله على سلامتك اخوية
ان شاء الله تتسهل امورك واتمنالك الموفقية بحياتك الجديدة

11

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 16:08 31/07/2010  »

مبروك مس فايولت كملتي المقابلة وان شاء الله تستلمين النتيجة ويصير سفرك باسرع وقت
بالنسبة لسؤالج على تحديد الولاية رح يكولولج وين لو بالدورة التثقيفية لو قبلها لان اني كلولي بأي ولاية وحددولي موعد السفر بالدورة التثقيفية بس اني عندي كفيل
وعلى شغلة انه اللي عنده كفيل اموره تتيسر اسرع من اللي ماعنده هذي معلومة مو مضبوطة لان هي تعتمد على جداول السفر والرحلات ومواعيدها ويشوفون شلون يرتبوها من يمهم

بس اني عندي سؤال ... اهلي بالاردن حالياً وماخذين منهم بصمات من يوم 7 بشهر حزيران
واتصلو عليهم كلولهم رح نخليكم على جدول مقابلات وية المحلفين ولحد الان محددولهم موعد مقابلة
ليش هيج تطول معقولة يعني اكو تأجيل او تأخير لو روتينية هاي السالفة ؟؟

12

الهجرة و واللاجئين / رد: جماعة الينوي ILLINOIS للتفضل بالاطلاع

« في: 15:51 31/07/2010  »

السلام عليكم
شلون الصحة اخوان ان شاء الله الكل مرتاحين
والي بشيكاغو موجودين سلامي الهم جميعا
واللي رح يجون عن قريب الله يوصلهم بالسلامة

اني اخوكم محمد ساكن ولاية الينوي/شيكاغو صارلي 5 اشهر
يصير تضيفون اسمي وياكم بالقائمة

13

الهجرة و واللاجئين / رد: معلومات عن ولاية الينوي

« في: 18:26 29/07/2010  »

صديقي العزيز ليفيار
اول شي ان شاء الله توصل بالسلامة لاميركا وتستقر وتبدي حياتك الجديدة
ووضعك يصير احسن ان شاء الله

اني ساكن بشيكاغو\الينوي مدينة جبيرة كلش
بالنسبة للمدينة اللي انت رح تروح الها ماعندي معلومات عليها
بس احجيلك عن شيكاغو اللي هي اكبر مدينة بالينوي
المواصلات موجودة وتوديك لكل انحاء المدينة
الايجارات اذا جنت سنكل فه تشوفلك ستوديو وحدك اذا المنظمة ماخلوك وية شريك بالسكن لفترة مؤقتة
لحد ماتلكة شغل وتستقر وحدك
اسعار الايجارات تتراوح بين 675$-1200$ هاي الشقق الصغيرة للسنكل
اما العائلة اللي يسكنون بشقة تتكون من غرفتين فما فوق فه الاسعار تبدي من 1300$ وانت صاعد
المسواك ومتعلقاته اول فترة بالفود ستامب وحتى لو تخلص وتكون انت لاكي شغل فه مو غالي رخيص كلش
المنظمات كلها نفس الشي لتصدك يكولولك اكو منظمة احسن ومنظمة اسوأ
كلها تقدم نفس الخدمات ونفس المساعدات وانت وحظك بعد
الشغل مو سهل تلكة شغل زين بس شوية شوية بالبداية واحد لازم يتعب وراها امورك تستعدل
على كولتهم هنا اي واحد يجي لاميركا اول مرة ياكل عجل (راشدي) قوي بالبداية وراها يبدي يتعافة منه هع

هاي معلومات اولية عن شيكاغو واتصور المدن الباقية نفس الشي
بس من حيث الايجارات يمكن اقل لان شيكاغو مركز جبير وبيها هواي ناس مو مثل الاطراف

وبالخدمة صديقي

14

مواضيع الحياة العامة في بلاد المهجر (امريكا) / رد: الحصول على الكرين كارد بالنسبة للاجئين

« في: 17:05 04/07/2010  »

صديقي اللي اعرفه اني انه بعد مرور سنة على دخولك للولايات المتحدة تقدم على الكرين كارد وخلال شهرين بعد متكمل كل الاجراءات يجيك بالبريد
بس مثل ماكال الاخ القبلي يمكن اكو تعليمات جديدة مو الا تكمل سنة يلة تقدم يعني اني سمعت انه من يصيرلك 9 اشهر تقدم على الكرين كارد وبعد مرور 3 اشهر يطلعلك يعني بسنة من اقامتك باميركا انت عندك كريم كارد
عاد اكو هيج شي او لا هاي بعد لازم نستفسر عنها

15

الهجرة و واللاجئين / رد: خلونا نفيد ونستفيد

« في: 18:18 12/06/2010  »

السلام عليكم

كيف الحال الجميع ان شاء الله بخير

بالبداية اشكر صاحب الموضوع ع الفكرة الحلوة والموضوع المهم

لان اكو هواي ناس تحب تستفسر عن شغلات كثيرة

سؤالي .. عندي حماعة ابغداد يريدون يقدمون على IOM اللي هناك

بس ميندلون وين الموقع مالها وميعرفون شنو الاوراق المطلوبة

فياريت احد يفيدني بهالمعلومة .. وشكرا مقدما

تحياتي

16

الهجرة و واللاجئين / رد: جماعه شيكاغو بلكت تنصحونه

« في: 18:09 02/06/2010  »

صديقي شلونك ان شاء الله بخير
عيوني اني بشيكاغو حاليا صارلي شهرين والامور تكدر تكول عليها زينة
بس الصراحة هي اميركا كلها دتمر بأزمة والعالم كله يعرف بهالشي فه مأثرة عليها كلها يعني بكل الولايات نفس الشي بس ولاية عن ولاية تفرق
شيكاغو مثل مكالولك باردة كلش وجوها متقلب مو شلون مجان يعني الفصول الاربعة كلها بيوم واحد تصير خخخخ
بالنسبة للمساعدات اخوية فه تختلف هم من حالة لحالة ومن شخص الى اخر يعني اذا عائلة تختلف واذا شخص وحدة هم تختلف وهم تعتمد ع المنظمة اللي انت رح تجي عليها فه انت قبل متجي لازم تعرف اسم المنظمة اللي رح تجي عليها لان هي هاي اللي رح تسويلك كل اوراقك وكل معاملاتك وهي اللي رح تنطيك المساعدات
منظمة عن منظمة تختلف عيوني مثل مكتلك وصراحة هي شغلة حظ يعني اذا متآمن بالحظ فه احسنلك تبدي تآمن لان هنا كلشي باي جانص
يعني اكو ناس صارلهم فوك ال 6 اشهر ومنظماتهم لحد الان تدفع الهم ايجار وتنطيهم مساعدات واكو ناس ورة 3 اشهر بس قطعت عنهم كلشي فه يعني حسب متعرف انت شنو رح يصير وياك

اخوية ماريد اقفلها بوجهك وماريد اخليك تتأمل بس انت لازم تجي لهنا يلة تعرف شنو الوضع وتعرف شنو رح يصير وياك

ها صدك وبالنسبة لفرص العمل فه اريد اكولك انه مو هلكد حاليا بسبب الازمة الاقتصادية فه اذا تريد تشتغل لازم عندك معارف وتشتغل بالاسود بدون ميعرفون المنظمة مالتك لان يكطعون عنك المساعدات مالتك

هذا كلشي اكدر اكوله الك حاليا لان اني بعدني جديد وهذا كل اللي جمعته واي شي تحتاج بالخدمة اخوية