الرسائل

1

الهجرة و واللاجئين / رد: ساعدوووني يا عراقيين لا اذبح نفسي وخطيتي برقبتكم :'(

« في: 02:10 23/06/2010  »

 الاخوان اللي يقلولي روح بالترفل الي سوريا واطلع للعراق مناك مافاهمين الوضعية
اول شي الاسماء اللي بالترفل تختلف عن اللي بالعراقي وثاني شي  الترفل مكتوب بيه مسموح لكل البلدان الا العراق وبعدين حتي لو ما انتبه  وخرجلك راح يختلمك خروج سوريا  وهنا يسالونك خروج هاي الي اين؟ شقللهم ؟ وبعدين من ترجع لسوريا مايردون ختم خروجك من العراق؟؟؟

2

الهجرة و واللاجئين / رد: ساعدوووني يا عراقيين لا اذبح نفسي وخطيتي برقبتكم :'(

« في: 01:57 23/06/2010  »

وهسه نبدي نرد عليكم واحد واحد
ونبدي بسري: شنو اشوفهم بالانترنت لو احجي وياهم اذا مااا اشوفهم قدام عيني هم اعتبر شايفهم  وحتي التلفون والانترنت يزودووون الشوق الهم وبعدين والدين ناس كبار ومابيهم حيل ع السفر وامي جاي تبجي بس تريد تشوف جهالي
نرجع للصقر:شكرا ياورد علي ردك ويارتيك ياصقر تجي وتشيلني علي جناحك وترجعني هناك
يا  وردة هاي اللي اريدها اللي هي دخلة الفيحاءعن طريق ايران لامن شاف ولا من دري . قبل علي ايام صدام كانت سهلة والناس تروح من التنوة  هسه م اعرف الوضعية والاهواز ماكو دخلة منها؟ اذاتعرف فيدني ياوردة
ايهم :المهرب اللي هربني طلعني من العراق الي الكويت بجواز جنبي عن طريق الحدود وكلشي اصلي يعني ما عبرت غجق بس تزوير  وشفت ي ايهم اريكا الناس تقدر تدخللها واني عراقي حصرة علي ارجع اشوف اهلي
وهسه اجينا الي  انجي: بصراحة ما قريت شنو كتبتي بس ضليت اباوع علي صورتج عبالي هاي انت قلت والله العراق ماينعاف  وارجع واقعد اقابل بيتكم ليل ونهار
الي عمر العراقي : ياوردة انت واله اهلييقلولي لا تجي ومحد يلح علي تري ان ماصار لي هواي من طلعت يعني اعرف الوضعية. وبعدين انا مستحيل اقدر ارجع للعراق لان حافي هسه لا وراي ولا دوني  لابيت لاسيارة وهنا كلشي ماسويت بس اكل ونوم وانترنت يعني مااكو اكشن يفرحك لا فخخات ولا رمي ولاا ولاا

3

الهجرة و واللاجئين / رد: ساعدوووني يا عراقيين لا اذبح نفسي وخطيتي برقبتكم :'(

« في: 01:38 23/06/2010  »

 
اخووواني اخواتي طبعا بالبداية احب اشكركم علي تعاطفكم وياي وردكم علي الموضوع وهذا الرجاء بيكم بس والله  انتم ظلموتها ووراوتينوا الجانب المظلم (صرت احجي نحوي) ونسيتوا ان اللي بالعراق ابوي وامي واخواني وخواي واصدقاءي وطفولتي وشبابي حتي صاحباتي لهسه اذكركن وحدة وحدة(من صاحباتي تعرفون اني زوجتي نايمة ومو يمي بالمرة)اخواني والله العظيم والعباس ابو فاضل ومريم العذراء(طبعا حلفي هذا علمود ماتعرفون انا سني لو شيعي لو مسيحي)مشتاق لصوت جارتنا ام عباس اللي جانت تقعدنا من الفجر كل يوم واحنا نايمين فوق السطح تدعي علي زوجها اللي خطية نايم يم الحفرة اللي يم بوري الماي علمود اذا اجاء الماي يعبيلهم سطلة  وعدي شوفة  تسوف شوفة الملكة اليزابيث  وحتي جودي المخبل اللي بشارعنا اللي كل مايشوفني يلزم الحجارة ياتنطيني ربع يا افشخك  عندي شوفته تسوي  شوفة بيكهام ومرته (لا مرته هاي بيها مبالغة شوي). اخوان لا تهبطوون معنوياتي انا اريد اللي عنده معلومة عن طريق مثلا  ايران يدخلون العراق او مثلا اللي بسوريا يعرفون سايق يخرجني من لحدود السورية بدون ما اختم او احد يعرف واحد بسوريا يدخل الجواز العراقي دخولية سورية علمود اطلع وارجع بيه . يعني لو تحجوووون ماتحجون انا  بعد لازم ارجع اشوووفك ياعراق وهسه وري ما انزل ها الموضوع ارجع ارد عليكم واحد واحد

4

الهجرة و واللاجئين / رد: ساعدوووني يا عراقيين لا اذبح نفسي وخطيتي برقبتكم :'(

« في: 23:29 22/06/2010  »

حرام عليكم كاافي لاتهبطوون معنوياتي تري والله   رملة من زبااالة اعراق تسوي بريطانيا وماجاورهاا

5

الهجرة و واللاجئين / ساعدوووني يا عراقيين لا اذبح نفسي وخطيتي برقبتكم :'(

« في: 21:56 22/06/2010  »

 
السلام عليكم ايها العراقيون بكل انحاء الدنيا وحتي اللي بالاخرة هم سلامي  الهم لان يمكن راح اجيهم
اخواني وخواتي اكتب الكم الموضوع ووحدة من عيوني تدمع واللخ تباوع مباراة الارجنتين واليونان بكاس العالم.
خل اختصر الكم وضعي قبل لا  اطلب المساعدة(ادري نصكم وقف قلبه عباله اريد فلوس لالا تخافون  )
باختصار شديد انا من اهل الزبير بالبصرة ومتزوج وعندي اربع اطفال قبل ثلاث سنوات حصلتلي مهرب محترم يطلع للندن واتفقنا (بعت اللي وراي ودوني )المهم تريقيت الصبح  انا وعايلتي بالزبير واتغديت بالكويت والعشاء اتعشينا انا وعايلتي بلندن. وقدمت لجوء هناك والحمدلله بسرعة حصلنا علي الجوء واقامة خمس سنوات طبعا انا غيرت اسمي واسماء عايلتي كلها هناك من قدمت. وذاك الوقت لهسه وقلبي  فااااير يريد يشوف العرااق واريد اخذ عايلتي ولو شهر واحد هناك. ويعرفون اهل بريطانياان جوازاتنا ترفل دكيمونت مكتوب بيها يسمح له بالسفر ماعدا العراق (مع ان عدنا جوازات عراقية انا وزوجتي والاطفال بجواز امهم لازال ساري المفعول لان جددت من سفارتنا بلندن طبعا الجوازات باسماءنا الحقيقين مو باسماء بريطانيا).هذا مختصر عن حالتي والمطلوب منكم اللي عنده معلومات يسااااعدني  بليز بليز(اقول بليز عود احجي انجليزي )
اريد ادخل العراق بدون ما اختم الترفل البريطاني ولا اخليهم يشكون اني دخلت العراق.
يعني انا ممكن اسافر بالترفل الي تركيا ايران او سوريا واريد ادخل من هناك من غير ما اخرج الترفل يعني غجق وبعدين من اريد ارجع ارجع بالعراقي الي الدولة دخلت منها ودخولتي تبقي كما هي  بالترفت وارجع ندن بدون مشاكل فاللي يعرف طريقة ادخل بيها العراق  الي اي محافظة او مدينة عراقية عن طريق هاي الدول يسااااااااعدني الله يخليكم واكون مموون الكم. واكيد اكيد العراقين اهل الغيرة ماراح يتخلوون عن اخوووهم