الرسائل

1

الهجرة و واللاجئين / رد: الاقامه وموعد السفر

« في: 20:10 13/04/2011  »

لا ماكو اي مشكلة ولا حتى غرامة لان المدة قليلة
غيرك صارلهم اكثر من سنة بدون اقامات وسافروا
بس كلي سفرك على اي دولة ؟

2

الهجرة و واللاجئين / رد: هل يحق لموظف في منظمة انسانية امريكية في العراق التقديم على IOM?

« في: 16:26 07/04/2011  »

شكرا جزيلا على الاجابات الرائعة
ارجو ان تبينو لي طريقة التقديم على ال SIV والى اي عنوان ترسل الاوراق؟
وهل ال SIV افضل من ال IOM?

3

الهجرة و واللاجئين / رد: هل يحق لموظف في منظمة انسانية امريكية في العراق التقديم على IOM?

« في: 13:56 07/04/2011  »

نعم المنظمة مقرها الرئيسي في امريكا
ما هي العناوين التي يمكن ان ترسل لها الاوراق والوثائق ؟
هل هي IOM عمان؟
وبالنسبة لل SIV ما هو عنوانهم ؟
وشكرا للمساعدة

4

الهجرة و واللاجئين / هل يحق لموظف في منظمة انسانية امريكية في العراق التقديم على IOM?

« في: 13:30 07/04/2011  »

موظف يعمل في منظمة انسانية خاصة بالهجرة والمهجرين في بغداد تابعة لامريكا يرغب بالسفر الى امريكا نظرا لضروف خاصة اثرت على حياته هو وعائلته واصبح مهدد بالقتل
السؤال هو
هل يحق له ان يقدم على برنامج ال IOM او ال SIV من بغداد؟
وما هي طريقة التقديم ؟
وما هي العناوين التي يستطيع من خلالها ان يرسل اوراقه؟
وشكرا لكل من يستطيع ان يقدم معلومة مفيدة

5

الهجرة و واللاجئين / رد: خربطه iom سوريا

« في: 17:28 14/03/2011  »

المهاجر الجديد
لو سمحت انت داخل الدورة التثقيفية في الهجرة الدولية لو لا؟
وشكرا

6

الهجرة و واللاجئين / رد: حددولة موعد سفر وما عندة اقامة \شاركونا افادكم الله

« في: 09:18 07/02/2011  »

ماكو اي مشكلة يروح للمرجة للهجرة والجوازات وياخذ خروجية بكل سهولة وبدون مشاكل واحتمال يودو للقاضي واحتمال كبير لا
وحتى اذا راح للقاضي هي الشغلة سهلة كلش والمحكمة يم المرجة ومطول بس شكليات ويدفع 500 ليرة سورية
واحتمال مدير الهجرة والجوازات العميد---- يعفي من الغرامة لان راح يسافر عن طريق الهجرة الدولية

7

الهجرة و واللاجئين / رد: نصيحة عمي اللي وضعة مستقر في بلدة لايتورط ويجي لامريكا

« في: 18:12 09/11/2010  »

طبعا كاتب الموضوع صادق بكل كلمة كالها وهاي اللي ديمر بي هواية عراقيين مرو بي هنا بامريكا واكو ناس كدرت تتجاوز المحنة واكو ناس مكدرت وترة الوضع بولاية معينة قد يكون زين وبغير ولاية كلش مو زين واكو ناس تكدر يتكيف وية الوضعية وتتعايش بسرعة وتشتغل وتمشي امورها واكو ناس تمشي وتتعثر
وماكو داعي تسالون على الولاية اللي هو بيها    لان اكو ناس بولاية مرتاحين وبنفس الولاية اكو ناس كلش وضعهم تعبان واكو ناس الى الان اهلهم يساعدوهم من خارج امريكا
بس هو لو يحجيلكم للصبح مراح تقتنعون لان بعدكم مواصلين الى امريكا واللي عدهم اقارب او اصدقاء بامريكا فيجوز عدهم شغل ومرتاحين او على الاقل مستقرين خلي نكول
بس ابقى اكول بكل المقاييس الوضع باي مكان بالعالم اكيد احسن من العراق
وبالنسبة لكاتب الموضوع لمن يحجي على الاهل والاقارب والشوق والحنين فاكللكم اي واحد راح يجي راح يحس بهذا الاحساس وبعد فترة يتكيف وية الوضع الجديد وكل ميمر بضروف صعبة يرجعلة هذا الشعور     وهكذا
وبالختام كاتب الموضوع دينصح اللي يريد النصيحة
فبكل الاحوال يشكر على النصيحة
انما الدين النصيحة

8

دردشة منتدى الهجرة واللاجئين / رد: مجزرة كنيسة دار النجاة بعد نقله من الاخت انجي

« في: 09:15 07/11/2010  »

يرجى من المشرفين نقل الموضوع الى قسم ثاني ونرجو من كاتب الموضوع عدم ارجاع الموضوع من جديد الى هذا القسم
الي صار بالكنيسة واللي ديصير بالعراق مو جديد على العراقيين صارلنة سبع سنوات بهذا الوضع ومن سيئ الى اسوء

9

مواضيع الحياة العامة في بلاد المهجر (امريكا) / رد: مارايته في امريكا الجزء الثالث

« في: 18:21 22/10/2010  »

بحسابات بسيطة يطلع سعر البيت 72000 دولار (اثنان وسبعون الف دولار )
وتكول مماخذين فوائد
روح اسال على البيوت اللي عدكم بولاية ايوا وشوف الاسعار مال البيوت وخصوصا في ظل الازمة العقارية العالمية
راح تلكة بيوت في مناطق احسن من اللي راح يبنون بيها وباسعار ارخص بهواية
يعني تلكة بيبت بحالة جيدة جدا وبسعر 40 الف دولار
يعني ماخذين منكم فوائد بدون متحسون على الاقل 30 الف دولار
بس انتو متحسون بيها على اعتبار 300 دولار بالشهر قليلة ومتبين الة لمن تحسبها مضبوط

10

الهجرة و واللاجئين / رد: أخوان اصحاب الخبره بلموضوع ارجو المساعده الاتصال بلكفيل مره ثانيه وبدون تحديد موعد سفر شنو معناه

« في: 22:57 02/10/2010  »

موافقة الولاية مدتها سنة واذا مسافرت خلال السنة تنتهي صلاحيتها ويطلب من الكفيل ان يوقع على الاوراق من جديد وايضا لمدة سنة فقط
يعني اجراء روتيني عادي
بس كفيلك وقع على الاوراق  بالتاسع لو بالعاشر ؟
لان بكالفورنيا تنتهي السنة المالية بنهاية الشهر التاسع ويمشون المعاملات الي وقعوها الكفلاء خلال الشهر التاسع والملفات اللي تسقط وتصير اكسباير  بعدها وكذلك الملفات الجديدة يعني من 1-10 وبعدها تؤجل الى السنة الجديدة
وان شاء الله اتوقعلك تسافر خلال شهرين الى اربعة اشهر

11

الهجرة و واللاجئين / رد: فقط 9 ايام واعلان اغلاقا ملفي من iom

« في: 22:25 22/09/2010  »

عزيزي انت حقك بكل قرار تتخذة بس انت خال برنامج الحياتك بعد ان تغلق ملفك؟
يعني انت شراح تسوي من تغلق ملفك؟ هل سترجع الى بغداد؟
ام ستبقى في عمان ؟
في حالة بقائك في عمان فأنت خسران بغلقك الملف لان هذا راح يعتبر اعتراض منك على عمل الموظفين (الكلاب اولاد الكلب) في قسم التجييك الامني اللي هم اصلا (FBI) وهذولي الموظفين مراح يخسرون شي بأعتراضك على عملهم ولا ال (IOM) راح يتأثرون بقرارك هذا لان الشغلة مو بالعواطف اذا انت متاخر فهم عدهم يومية مئات ينقبلون وديسافرون بالاسبوع الواحد من سورية اكثر من 350 شخص بمعدل رحلتين اسبوعيا
اما اذا كنت راح ترجع الى العراق فأني اعتقد الوضعية لا زالت سيئة وبدأت تسوء من جديد اكثر من السابق
واذا عندك عمل او مشروع خاص فانت ادرى من عدنة واكيد انت راح تحسب حساباتك مضبوط قبل اي خطوة تخطوها
نصيحتي لك ان تنتظر وتصبر وتحتسب الاجر عند الله وان لا تغلق ملفك لا حاليا ولا في المستقبل لان هذا اخر فرصة تجيك من هذا النوع صحيح الواحد من يتأخر يكره السفر ويكره اليوم اللي قبلو بالتوطين بس الواحد مخسران شي اذا تركها ونساها وشوكت متجي خلي تجي
اني اشوف انه اعتراضك وطلب غلق ملفك مو من مصلحتك ابد واذا تريد فقط اترك الشغلة وانساها وعيش حياتك طبيعي ولا تفكر بالسفر ابد واذا الله سبحانه وتعالى يسرلك السفر روح وجرب مراح تخسر شي واذا معجبك تسافر انت حر
بس اهم شي بالنسبة الك في الوقت الحالي ان تنسى موضوع السفر وتنسى الاحلام والامال الي بنيتها على السفر وتعيش حياتك مثل مجنت عايش قبل ميطلعلك التوطين
 وايضا اكو شغلة تساعدك حتى تعيش حياتك بشكل طبيعي وهي ان تترك موقع الهجرة واللاجئين مؤقتا حتى لاتسمع اخبار  احتمال تضوجك ومتدخل للموقع الة وانت عندك موعد سفر

واني بالنسبة الي اكول الله يلعن الموظفين اللي ديأخرون معاملات الناس 

12

الهجرة و واللاجئين / رد: امراة تبحث عن عمل

« في: 14:06 19/09/2010  »

الغالية لمياء انشاءلله الوصول بالسلامة واهلا ومليون سهلا بك في الولاية المتحدة وفي ولاية مشكن

الاعمال هي - الخياطة معمل لعمل المعجنات - الحضانه يعني الاعتناء بالطفل في غياب اهله انثاء عملهم مرات تروحين انتي يمهم مرات يجيبون الطفل يمك بالبيت بالساعة ينطون سبع دولارات كلش زينة وانتي كاعدة بالبيت واكو اعمال الشغل ببانزين خانه او اي محل عربي بياعة عادي ترى هنا بدون استغراب الكل يشتغل وما يهتم المهم الرزق الحلال
اكو اشغال الواحد يكدر بيسويها وهو بالبيت مثل تسوين اكلات للمطاعم ولي الناس تشتغل وماعندك وقت تسوي اكل مثل كبة كبار وانواع الاكلات وهم بيها خوش فلوس    واكو اعمال اخرى صدكيني لو اكولها يمكن تضحكين عليه قراءة الفنجان تعرفين شكد هنا كل قراءة الفنجان ب 35 دولار مو خوش شغل  من تجين تشتغل سوية واني اجيبلج نسوان ماشاءلله ما يعجبها قراءة الفنجان حتى ينخبشون ورى رياجيلهم وين يرحون    وجمال كلها مواعيد شهر يلى يوصل السره امم المتحدة صارت ام الفنجان هنا  امي الغالية الله كريم من توصلين بالسلامة ربك يحلها

اشو مفتهمنة عليج انجي

منا تكوليلها اهم شي الرزق الحلال
ومنا تكوليلها تقرين فنجان وكلها دجل وقشمرة وقراءة الغيب
(من اتى عرافا فصدقه فقد كفر)

13

الهجرة و واللاجئين / رد: استلام مبلغ 200دولارللعراقين المقيمين بسوريا عاجل

« في: 16:10 15/09/2010  »

تكو احد راح اليوم واستلم ؟
اكو واحد وصلتلة رسالة بالجديد ؟
ياريت اللي عندهم معلومات يفيدون البقية

14

الهجرة و واللاجئين / رد: استلام مبلغ 200دولارللعراقين المقيمين بسوريا عاجل

« في: 16:12 14/09/2010  »

اكو شخص راح لليو ان بكفر سوسة اليوم
والسكيورتي كلولة الي تجيلة مسج يروح يستلم من الهلال الاحمر في حرستا
والمشمولين هم المسجلين من 2008 فما دون يعني 2007 و2006 و2005 وهكذا
وكذلك الذين يستلمون رواتب من المفوضية

15

الهجرة و واللاجئين / رد: استلام مبلغ 200دولارللعراقين المقيمين بسوريا عاجل

« في: 17:39 10/09/2010  »

شكرا على نقلك للخبر
بس ممكن سؤال
هل جميع العوائل مشمولة ام فقط الذين استلموا رسائل على الجوال؟
لان بالاردن شملو الكل مو بس اللي وصلتلهم رسالة

16

دردشة منتدى الهجرة واللاجئين / رد: اخبار الاخ العزيز صفاء الرجاء الدعاء له وعلى سلامته

« في: 00:07 04/09/2010  »

طبعا تحليل السيد كوندا والسيد دولار صحيحة 100 %
مع الاسف ان السيد صفاء الكرخي يتصرف مثل هاي التصرفات التي اقل ما يقال بحقها انها تصرفات صبيانية طائشة الغرض منها حمل اعضاء المنتدى الى الضغط على منظمة الاي او ام
علما بان منظمة الاي او ام  لا تحل ولا تربط والمساكين كلشي مو بيديهم والشغلة لمن توكف بالتجييك الامني بامريكا بعد محد يكدر يدخل حتى وزارة الهجرة والجنسية المتمثلة بالسيدة بربارة على اعتبارها المسؤولة عن قسم اللاجئين في الوزارة
وبالمناسبة حتى الرئيس اوباما ميكدر يدخل ولا اي واحد من الكونكرس وذلك لانها دولة موؤسسات وكل مؤسسة تعمل بنظام معين لا يسمح باي تدخل خارجي حتى من قبل اعلى السلطات ولكننا وللاسف نفكر بطريقة شرقية وعربية في نفس الوقت ونتصور انهم مثلنا يعني بالدول العربية ممكن الواحد يكون محكوم بالاعدام وياخذ افراج بعد ان يتدخل قريبه الفلاني او صديقه العلاني ذو المنصب الراقي
وحتى مجموعة الرسائل التي سوف ترسل الى الرئيس اوباما واعضاء الكونكرس فانها باعتقادي لن تجدي نفعا علما بانني اتمنى من كل قلبي ان تاتي بالثمار الطيبة لكل من تاخر عن السفر وهو بحاجة له حقا
السيد صفاء الكرخي بتصوري يمر بضروف نفسية عصيبة بسبب تاخر السفر والصدمات المتتالية التي تعرض لها حيث ان اسمه كان على جدول السفر ومن ثم اسمه رجع من جديد الى التجييك الامني وهذا هو الذي ادى به الى التصرف بهذه الطريقة التي ادت بالنتيجة الى خسارة اسمه وسمعته داخل المنتدى
علما بان السيد صفاء الكرخي قد قام سابقا باعمال مخلة باداب المنتدى منها
سال في يوم من الايام عن اللون الاحمر الذي يميز بعض الاعضاء في المنتدى فاخبروه بان هذا اللون يميز الاعضاء الذين تزيد مشاركاتهم عن 2000 مشاركة وعلى ضوئها قام بكتابة ردود على اي موضوع ينزل وكل الردود كان الغرض منها هو زيادة رصيده من المشاركات والردود كانت غير مفيدة لاصحاب المواضيع
وكذلك قام قبل فترة بسيطة بانزال موضوع عن صديقه الموجود في الصين وقام بفبركة نكتة قديمة جدا جدا عن صديقه المزعوم وللاسف فان طيبة اعضاء المنتدى  ادت الى تصديقه فيما قال عن صديقه  في حين كل الحكاية لا تعدو عن كونها نكتة قديمة وسخيفة في نفس الوقت   وفي هذه الحالة يكون قد  استخف بعقول الاعضاء الطيبين
وفي هذه القصة الجديدة حول محاولة اغتياله يريد ان يسيس النتدى بطريقته الخاصة وهذا قمة الاستخفاف والاهانه بمشاعر الاعضاء


الانسة انجي  
لو افترضنا بانك حصلت على رقم صفاء الكرخي واتصلت به وتكلمتي معه كيف تستطيعين من خلال المكالمة ان تتاكدي من مصداقية الموضوع ؟
يعني ممكن يطلعلج صفاء على التلفون ويكلج اني مصاب وبالمستشفى
طيب وين المصداقية ؟
لا يوجد اي دليل على كل ما يقوله

وبانهاية كل الاشخاص الذين كتبو الموضوع والخبر هم شخص واحد فقط يعني الياسري والطائي وغيرهم هم العضو صفاء الكرخي


واخيرا اتمنى للسيد صفاء الكرخي الشفاء التام ولكن ليس من الاصابة المزعومة وانما من حالة الاكتأب والحزن الذي يمر به واتمنى ان تنتهي معاناة كل من يستحق السفر  من المتاخرين

اسف على الاطالة

17

الهجرة و واللاجئين / رد: اغلاق الملف من قبل الIOM بغداد

« في: 22:19 28/08/2010  »

يصير طبعا
دز ايميل واطلب منهم وهم راسا يغلقون الملف

18

الهجرة و واللاجئين / رد: خلافاً لكل التوقعات... حمودي في أمريكا !!!

« في: 21:30 28/08/2010  »

المهم وصلت وانتهت محنتك
بس منو كان متوقعلك متسافر؟
اغلب المتاخرين بدو يسافرون واكو تحرك جدي من قبل وزارة الهجرة والجنسية بامريكا
يجوز الواحد يصير عندة احباط  بسبب التاخير  ويكوم يقل الامل عندة بس لازم الواحد يخلي عندة شي اكيد وهو

قل لن يصيبنا الا ما كتب الله لنا

19

الهجرة و واللاجئين / رد: الCase Manager مال منظمتي كام يهددني بأغلاق الكيس بسبب الانتقال الى ولاية ثانية...أصحاب الخبرة س

« في: 21:11 28/08/2010  »

معقولة هيجي الزنوج يسوون بيك؟
 

20

الهجرة و واللاجئين / سفري يوم 26 وخايف ومرعوب......ادخل وانطيني رائيك

« في: 13:04 10/07/2010  »

شكرا جزيلا لتفاعل الاعضاء مع قضيتي
واحب ابشركم بوصولي
بس اشوية جرت اذن سوولي وصارتلي عبرة وبعد ما افتح حلكي ابد طول عمري

بس اريد اكللكم بأنه احد اعضاء المنتدى المعروفين دزلي رسالة على الخاص وتكلم بكلام بذيئ
يدل على ضحالة تربيته واخلاقة
والكلام اللي كالة يشمل حوالي 70 بالمية من اعضاء المنتدى وال 30 بالمية الباقية متقبل على هذا الكلام
ومع الاسف الكلام اللي كالة يشمل اعضاء يحترموا بالمنتدى
فشنو رائيكم انزل الرسالة واسم العضو حتى ينفضح بالمنتدى وخصوصا كدام اللي يحترموا
لو لا ؟
ياريت كل الاعضاء اللي كتبولي ردود يشاركون ويكولولي افضحة لو اتركة ؟