الرسائل

1

الهجرة و واللاجئين / الموبايل والارضي شنو احسن في سان دييغو

« في: 21:33 16/07/2010  »

تحية مباركه لكل الاخوان بلمنتدى الحلو
اني تحولت من منطقه لاميسا الى ايل كاهون مكان عندي لاتلفون ارضي ولاموبايل لاكن هسه مهم جدا خاصة الانترنيت كنت ماخذه من المجمع كان ببلاش لكن هنايه ماكو.
فاريد اخذ رئيكم منو احسن شبكة موبايل (تي موبايل) لو (اي تي ان تي) وعلى التلفون الرضي والنترنيت شنو احسن(كوكس)لو (اي تي ان تي).
ومشكورين هواي على كل جواب

2

مواضيع الحياة العامة في بلاد المهجر (امريكا) / رد: كيف تجد عمل في امريكا ... ادخل وشارك

« في: 21:27 16/07/2010  »

مشكور اخي ماجلان وبارك الله بيك وبامثالك والله يوفقكم دنيا واخره
احنه ماعرف على يابرنامج احنه حولنه علولفر وعدنه مكسموس بس علاقتنه حلوه بلمنضمه.
واحنه منريد نتعبك وناخذ من وقتك وصراحه هوايه شغلات مدنستوعبهه يعني لو بس تنطينه رقم الجوب دفلوبر مالتك حتى تتصل بيهه البنيه ام المنضمه مالتنه وتشرحلهه بنفسهه وهم راح ادزلك رقم تلفوننه اذا صارلك مجال خابرنه.
بلمناسبه اني هواي قريت بهذه الموضوع عن عمل تطوعي شنو يعني ؟ ويصير الواحد يتطوع بلعمل بعدين يبطل منه؟

ماجلان
ابو الفوارس
سرى
انجي
بغدادي
فينسزو
الله يحفضكم ويحميكم من كل مكروه.

3

مواضيع الحياة العامة في بلاد المهجر (امريكا) / رد: كيف تجد عمل في امريكا ... ادخل وشارك

« في: 21:21 15/07/2010  »

مشكور اخويه ماجلان علشرح لكن همات اتصلت بالكيس ووكر مال ماكسموس وقال ماكو هيج نظام وعدهم بس 72 دولار صك للبانزين واذا متكفيكم اشترو بطاقة باص شهريه ب72 دولار توديكم وين متريدون.ونطيته اسم المنتدة حته يشترك بيه.

وفكرة اخويه ابو الفوارس وفينسزو مفيده مال الاخ ماجلان يتصل بيهم بس على كولة الاخ ماجلان (المنظمة أو الكيس مانجر معلوماتهم محدودة بهاي الشغلات أو ما عدهم عنها أي معلومات نهائياً)  .... علمود اخاف احرجهم وانوب يضوجون مني وهم لحد هسه زينين ويايه وويه زوجي ولكوله شغل.

لاكن اني نست اذكر فكرة الجوب دفلوبر مال irc طلبت مني اجيب اسم ورقم الجوب دفلوبر اللي سوالك هذا الشئ او بيا منظمه  همه حتى تستفسر منهم لان كالت كل منظمه مرتبطه بمكاتب عمل مختلفه ويمكن برامجهم تختلف عن irc.

ادري داسوي زحمه بس انتو كبار المنتدى ومتقصرون

4

مواضيع الحياة العامة في بلاد المهجر (امريكا) / رد: شلون تعرفون المكان اللي راح تسكنون بيه زين لو مو زين؟ تفضلوا

« في: 04:30 14/07/2010  »

شكرا عيوني سرى علموضوع واني دورت لكيت مجمعي 81 بلميه recomended يعني زين.بس اني مااشوف هيج لان بس الطفل يبجي شويه تجي المنجر تكول الجيران اشتكو عليكم صوتكم عالي. وهدوء يعني المنطقه مابيهه ولانفس يعني اللي يطبون عليه للبيت يبوكوه ويكتلوه محد يدري.يعني اذا اقارن بين لاميسا والدورة االدوره احلى ههههه

5

مواضيع الحياة العامة في بلاد المهجر (امريكا) / رد: كيف تجد عمل في امريكا ... ادخل وشارك

« في: 04:23 14/07/2010  »

سؤال ثاني وسويت زحمه عليكم

الاخت سرى ذكرتي انتي تساعدين بالريزومي. اليوم بالمنظمه الجوب دفلوبر كالت اني اسوليج الريزومي وبالكنيسه كالو اكو جمعيه بمنطقه قريبه هم يسوون ريزومي.
شنو احسن المنظمه لو الجمعيه لو واحد بنفسه يسويهه يعني بمساعدتكم طبعا؟

6

مواضيع الحياة العامة في بلاد المهجر (امريكا) / رد: كيف تجد عمل في امريكا ... ادخل وشارك

« في: 04:14 14/07/2010  »

مساء الخير جميعا

احب اشكر كل المساهمين في هذا المنتدى الطلعنه من غربتنه بمريكا ونحس احنه عايشن هنايه جيران.
اني جيت لمريكا صارلي 5تشهر وية زوجي و2جهال ومنظمتنه اسمهه irc حطونه بمنطقة اسمهه لاميسا حلوه حيل بس مابيهه ناس هواي يمشون بلشارع بس سيارات بعدين من الكنيسه تعرفت على ناس كتبولي اسم المنتدى ودخلت وشفت هنايه الناس هواي.
سؤالي للأخ ماجلان اني كان عندي اليوم مقابله مع الكيس ووركر مالت الماكسيموس وطبعت كلامك على صفحه ووديته يقراه حتى يدلينه شلون نسوي مثلك لان زوجي اشتغل بارت تايم واشترينه سيارة ينرادلهه تصليح وتايرات ومصرف البانزين اهوايه فالكيس منجر كال مااعرف اي شئ عن الموضوع ورحنه للمنظمه حجينه ويه الجوب ديفلوبر وطلعت وحده صينيه حبابه وكالت ما اعرف اي تفاصيل عن هذا الكلام واتصلت بالولفر وسالتهم عن شنو اليكدرون يسووه للواحد من يشتغل ويحتاج ملابس او عدة عمل كالو هذا مو اشغلنه هذا شغل المنظمه او الماكسيموس.يعني دخلونه بدائرة مفرغه من واحد لواحد.

ياريت اخويه بس تشرحلنه خطوه خطوه اللي نسويه الله يرضه عليك.
وانشاء الله الاخوان هم يساعدونه بلشرح

وقوم التعاونت ماذلت