الرسائل

1

الهجرة و واللاجئين / رد: SIv & IOM .. مهم واريد افتهم .. تحياتي

« في: 13:01 24/09/2012  »

بلمناسبة قابلت شباك رقم 7 والظاهر هاي البنية الشكرة هي مختصة بمقابلات الاس اي في مثل حالتنا اتمنى من الاخوة القابلوا يؤكدون هذا الموضوع

اني مقابلتي الاولى عام 2011 كانت بشباك رقم 8 يم الشاب الاشكر ابو لحية ( بس كل اللي اعرفهم وانسحب منهم الكوم قابلوا هذا الشاب) فيرجح انه اله دور كبير بالرفض خصوصا ان الرفض تم من قبل السفارة.


تحياتي

السلام عليكم جميعا
نفس الشاب أبو لحية مقابلتنا القديمة ونفس البنت الشكرة المرة الثانية شلون صدفه وهم ألحت على موضوع التهديد بينما المقابله السابقه بس سالني عن أعمالي السابقه من يوم التخرج الى الان وهاي البنت الشكره تلح على التهديد وعلى الموبايل عندك غير رقم تستخدمه أو لا

2

الهجرة و واللاجئين / رد: SIv & IOM .. مهم واريد افتهم .. تحياتي

« في: 22:45 02/09/2012  »

هله بأخوي عراقي هواي هاي أنته بعدك ما مليت 260 هي هاي الطركاعه بلمقابله متنفتح وأكدت عليها باني مالي هاي الفورمه وهي كالت هذا طبيعي من يتحدد ألك موعد مقابله يعني أنته أكيد لازم مكمل هاي 260  الغضب ومتنفتح بيوم المقابله وهسه شلون أودي اللي يمي أني من كملتهن طابعهن والله يسهل على الجميع

اخويه وصديقي العزيز يعني انت ما كلولك على الكيس القديم مذكروا ابد؟؟؟ زين تعتقد انه بسبب الكيس القديم ما فتحت الاستمارة 260 يمهم لو عير شي الله يخليك ويوفقك جاوبني لان دخت ودحت والله شغلة تحير

لا ما سالتني عن الكيس القديم وأنته تدري من دزو الكوم الجديد صارت هاي هي الكيس الجديد كل المراسلات والاستمارات بالنسبه ألي كان بيهن الكيس الجديد ومحد ذكر الرقم القديم بس بيوم المقابله من داخو بحالتي كلت يمكن النحس القديم تدخل ويجوز لان نفس الاسم وبيه رقمين كيس ماخذ داخت بينه الحاسبات أنته معليك هسه شد حيلك وكمل المطاليب وأنشاء الله من تكمل أحنه بلكت مكملين مقابلة وننطيك التعليمات المفرحة أنشاء الله

3

الهجرة و واللاجئين / رد: ...SIV ... رجاءا منو مار بهذه الحالة ..يطمئني ؟؟؟؟؟

« في: 22:35 02/09/2012  »

اني وياك نفس الفلم مو همه اللي سحبو الكوم  وهمه اللي أنطونه واجد جديد أني بلنسبه اللي حتى ما راسلتهم ورا ما الرفض أجاني بس دزيت الهم ايميل باني اريد الجوازات وهمه وره 3 ايام دزو كالو روح استلم من الدي اج ال وصدك أستلمتهن من العام الماضي وصارت سوالف لاعاتب عليهم ولا مراسلهم وطب هاك  كوم جديد وسويت فحص جديد وأنوب عدم محكوميه جديده وقابلت وأجلتني على ثاني يوم وكالت أكو مشاكل تقنيه بلكيس مالتك وأنوب أحنه نخابرك حتى ماكالت ندز أيميل وهسه أني والموبايل على الشحن من يوم 28 أب ولليوم لاحس ولاخبر

4

الهجرة و واللاجئين / رد: SIv & IOM .. مهم واريد افتهم .. تحياتي

« في: 22:30 02/09/2012  »

هله بأخوي عراقي هواي هاي أنته بعدك ما مليت 260 هي هاي الطركاعه بلمقابله متنفتح وأكدت عليها باني مالي هاي الفورمه وهي كالت هذا طبيعي من يتحدد ألك موعد مقابله يعني أنته أكيد لازم مكمل هاي 260  الغضب ومتنفتح بيوم المقابله وهسه شلون أودي اللي يمي أني من كملتهن طابعهن والله يسهل على الجميع

5

الهجرة و واللاجئين / رد: SIv & IOM .. مهم واريد افتهم .. تحياتي

« في: 21:43 02/09/2012  »

أخي أني نفس وجبتكم والاخ عراقي هواي يعرفني ومتراسلين أجاني رفض الكوم العام الماضي يوم 1/8 وهاي السنه بيوم 3/6 أجاني الكوم أبروف الجديد وركضت بكل المطاليب لان صارت كليشه بالنسبه ألي وكانت مقابلتي يوم 27/8 الفائت وكلت هاي خاتمه الاحزان لان كلشي رايديه كملته ودخلنه حسب الاصول وسلمتهم الجوازات وبعدين أجه دورنه وطلبت مني كل الوثائق الاصليه وسلمته وعندها ورقه بيها كل المطاليب وأشر تهن حسب الاصول وبعدين من على أساس ر اح تبدي تسالني الاسئله شويه تلعثمت وصاحت واحده أخرى من يمها وسولفن وأفتهمت بان الكيس متالتي مينفتح وأكو مشكله عتدهم تقنيه وبس وكالت أنتظر ووره ساعتين صاحتني وتعذرت بكل أدب وأصول وكالت لسه ما كدرنه نحل المشكله وانطيني رقمك وأحنه نتصل بيك ورجعت ألي كل الاصليات الجوازات والهويات وشهايد الجنسيه وأحتفظت بل عدم محكوميه وصوره القيد وجماعتهن بقن يمهم  المهم وره ما رجعت للبيت وشبه يائس والله والمغرب خابرت نفسها وكالت تعال باجر انته وكل العائله أذا تكدر انطيني كونفورم واني ما صدكت كلت الها باجر يمكم بس اكدت عليها بان لازم أسمائنا تكون بلباب لان ما عندي موعد وأيميل بهذا الموعد الجديد ورحنه ثاني يوم ولا كيت أسمائنه موجوده ودخلنه بكل سهوله وبعدين سلمت الجوازات بشباك 2 ونفس الفلم ورة نص ساعه صاحتني وكالت مازالت المشكله غير محلوله وتعذرت بكل أدب وكالت راح نطلب مساعدة من دي سي قصدها العاصمه وشنو رباط العاصمه بمقابلتي مفتهمت وكالت هسه روح أحنه نتصل بيك وهسه مداري الموبايل بلشحن على يا ساعه تتصل ما ادري يعني هسه دخت أكثر من قبل المقابله شنو وضعي ما ادري وليش هذا النحس اللي ملازمنه هاي المجموعه بنفس اليوم انرفضنه وأنقبلنه وتحياتي للاخ عراقي هواي وبشرني متى راح تقابل شد حيلك وأعذروني للاطاله بس حبيت أذكرها مفصله

6

الهجرة و واللاجئين / رد: اعاده فحص طبي في مستشفى بغداد

« في: 22:48 11/08/2012  »

أذا ممكن وبدون زحمة أرقام التلفون مالتهم لان أني siv واريد اتصل اشوف اسعارهم أقل لو أبن البيطار أقل ولكم الشكر مقدما

7

الهجرة و واللاجئين / رد: شباب اجاني رفض اول يوم رمضان بعد انتظار 10 اشهر من المقابله

« في: 22:41 24/08/2011  »

أني هم لسه مغلسين على جوازاتنه من أول يوم برمضان ولسه بس اني ما دزيت الهم اريد الجواز كلت يجوز اوتماتيك وره سحب الكوم غير همه يدزون الجوازات لو شلون
خوش يوم مختارين النه سوونه مجموعه وفرحونه على رمضان
بس وراها هسه سكته بعد ماكو رفض الظاهر أحنه كبش الفداء وورانه غيرو الخطه

8

الهجرة و واللاجئين / رد: وين الشباب المرفوضين تعالو نشكي اولا (لله)ومن ثم لبعضنا ما بعض عسى ان نخرج بحل

« في: 22:31 24/08/2011  »

أخواني السلام عليكم
أني نفس قضيتك وأجاني سحب الكوم أول يوم برمضان وسويت نفس خطوات أخي عراقي هواي دزيت لل أي أو أم وكلت الهم افتحو قضيتي من جديد ودزيت الهم أتاج بيه رساله الرفض حتى يكون عدهم علم مابيه حيل بعد أنتظر صارت صارت وبيها الخير ما صارت شنسوي خو ما أنتهت الدنيا وهم راسلت اللست بروجكت ونفس الجواب وكالو من يصير أبديت أحنه نراسلك

9

الهجرة و واللاجئين / رد: معلومات تفيدك بعد تحويل الجوزه على بلان B و استقرار الامبيريه على بلجيكا

« في: 21:12 05/08/2011  »

عزيزي أرمي الله يوفقك ويسعد أيامك لان هواي دتفيدنا
أريد تفاصيل الرحله وأسم المكتب لان قررت أمشي على خطتك بعد ما أجاني رفض وسحبو الكوم مني باول يوم من رمضان
يعني جازوني خوش وره شغل 3 سنين ومخاطر وصار سنه ونص من قدمت اس اي في عود هاي السريعه ووراها أجاني رفض وسحب الكوم
واللطيف بلموضوع من رجعت وسالتهم عن السبب ولماذا جاوبوني يمكنك التقديم من جديد ودزولي الروابط مال USRAP
يعني لو سبب قوي مجان سوو منع وكالو انه فقط الكوم ملغي الان يعني مو منع او عدم دخول الولايات
رحمه لوالديك دزلي التفاصيل على الخاص والله يوفقك بجاه هذا الشهر الفضيل

10

الهجرة و واللاجئين / رد: جواب SIV بعد الرفض

« في: 12:02 05/08/2011  »

ايهم الله يساعدك اخويه

وهو هذا السويته ارسلت ستيتمنت مثل ما رادوا وسبب غلق القضيه اول مرة انه انا استلمت كوم من الاس اي في ايام كان الكوم ضمان
وبعد التاخير ونتيجه نقص المعلموات الامنيه تم سحب الكوم
اجاني الرد اليوم انه حولنا طلبك لاعادة فتح القضيه الى جهة اسمه الكونسلت

والله كريم شتتقعون اخوان الله يرضى عليكم

عمي الثعلب القديم
من قدمت مرة أخرى جبت الهم توصيات جديده ورساله توظيف جديده أو القديمات نفسهن
هسه أني نفس حاله أخوي عراقي هواي الكوم مالي انلغى ونفس الرساله الغضب اجتني
بس أني هسه تارك العمل يعني من راح أقدم من جديد نفس التوصيات ورساله التوظيف والباجات يعني يصير ينطون كوم اخر على نفس هذني اللي أني حصلت كوم عليهن
أرجو الرد أيضا من كل من له خبرة أو تجربه بهذا الموضوع والله يبعد عنكم حاله الرفض المرة اللي بلا سبب وتكون موذيه والله لو أعرف السبب كان أرتاحيت

اخي عراقي هواي
الرسالة اللي اجتك من الان في سي اني نفسهااستلمتها سابقا
بس اني قدمت من جديد على البرنامج و  ورا التقديم باربع شهور اجاني الكوم
اني انصحك اتقدم من جديد

تحياتي

11

الهجرة و واللاجئين / رد: موضوع حساس للمرفوضين من ال SIV

« في: 23:35 04/08/2011  »

السلام عليكم اخوان
بالمناسبه اني اعتقد من المرفوضين الاوائل يعني الوجبه الاولى يمكن شويه تعديت الصدمه لكن لا تزعلون عليه اذا كلت الكم من اسمع واحد ماخذ فيزا انقهر ولا تفهموني غلط والله احب الخير لكل الناس وادعي بالموفقيه للكل (لا يومن احدكم حتى يحب لاخيه ما يحب لنفسه)صدق الرسول الاعضم(ص) بس لان سلبو حقنا ولو اني عندي مؤشر واحد موزين جان والله ما انقهر المهم اني من عائله نصها شيعه ونصهاسنه الشيعي الي بيهم سيد واني بنصهم اثنينهم اهلي وعمامي اصل عشيرتنا ديالى بس احنا ببغداد من ال 1700 م ولو اني فد بنيه كلتلي هيه ساكنه اميركا ان الشيعه فقط ينطوهم فيز والله اعلم انشاله الكل ميشوفون حزن

أي والله يابه تحس حقك وراح منك وبكلك قرار سحب الكوم نهائي وميتناقش ولو عندي مشكلة كان سهلة بس كلشي ما عندك وأوراقك كامله هاي المصيبه
وأني من مواليد بغداد وما عايش بغير مكان  وأصل عائلتي من النجف
وما لابس عسكرية

12

الهجرة و واللاجئين / رد: sivالمرفوضين

« في: 17:44 03/08/2011  »

واني وياك بنفس شركة viap يعني منتظر الرفض بس وداعتك طز بيهم السفله القهر بس على المصروفات والجهد والانتظار

انتوا جماعة المتعاقدين وية القوة الجوية مو ؟ جماعة المشاريع الـ Q.A ... الله يساعدكم 

أي والله يا أخي كظيناها ركض يوميه بمحافظه ويه الخطورة وتالي هاي النتيجة السفلة لو رفض من البداية أروح وأحسن
مو انتظر الكوم 9 اشهر ووراها نبراسكا وكومه طلايب للمقابله وخسائر الترجمات وفلوس الفحص وهسه ورة سنتين انتظار بكل سهوله يكولون أعتبر الكوم ملغي وهسه لازم احنه ندز نشوف الجوازات وين ولازم نطلبها لان همه مغلسين
الله ينتقم من اللي كان السبب وخوش توقيت أجتي باول يوم رمضان يعني يفتهمون بالاصول مو لو مو مو

13

الهجرة و واللاجئين / رد: sivالمرفوضين

« في: 14:52 02/08/2011  »

سلام عليكم أني من البارحه أجاني رفض
وكنت انتضر الفيزا يعني كلشي مكملين من شهر الثاني 2010

والسبب نفس أخوي عراقي هواي المربع الاول
وكنت مهندس بشركه

14

الهجرة و واللاجئين / رد: ارجو من كل الاخوة الدخول SIV

« في: 19:59 01/08/2011  »

اخوان السلام عليكم
أني هم قبل قليل فتحت الايميل بيه نفس الكليشه ووياه أتاج بي دي اف بيه سحب الكوم مني والسبب المربع الاول أيضا
وأني قابلت يوم 7/2/2010     والكوم محصلها من شهر التاسع 2009


هسه أنطونه الحل شراح نسوي وخصوصا أني نفس الشي كنت مقدم أي او ام ومن أجاني الكوم صرت خوش ولد ودزيت الهم ايميل وكلت الهم أغلقو ملفي لاني حصلت كوم كلت خلي يستفاد شخص ثاني وهاي تاليها
مع العلم اني كنت علاقتي طيبه بلجميع وتم انهاء خدماتنا لانتهاء المشروع ومده عملي 3 سنوات ولاخر يوم عندي باج وسلمته واخذت منهم أحسن التوصيات

15

الهجرة و واللاجئين / رد: جمعية برنامج الSIV المقابلين في 2011 وموعد استلام الفيزة .

« في: 16:53 07/02/2011  »

أخي أني اليوم قابلت ومعي زوجتي وأطفالي 2
وجانت كلش سهله وما طلبو بيانات ولاده ولا تصديقات بس اني مترجم يم نادر وجايب صوره قيد والجناسي وشهايد الجناسي النه كلنه وما طلبو اي شي زايد
ومن كملنه كال انتظار من 2 ال 6 اشهر
وراح اسجل بكروب المقابلين ودينتظرون فيزا

16

الهجرة و واللاجئين / رد: واخيرا والحمد لله ..... يوم الطيران يوم 4 من الشهر الاول 2011

« في: 14:45 05/01/2011  »

حرام عليك أبو زيد مو دمرتهم يوميه تاجيل
موفق أنشاء الله
شنو اخبار السنتافي الذهب؟

17

الهجرة و واللاجئين / رد: واخيرا والحمد لله ..... يوم الطيران يوم 4 من الشهر الاول 2011

« في: 11:08 02/01/2011  »

ألف مبروك أخواني وسام وأبوزيد(محمد الصيداوي)
توصلون بلسلامة والموفقيه والرزق الوفير
أنتم السابقون ونحن اللاحقون ما بقالنه شي مقابلتي بشباط أنشاء الله

18

الهجرة و واللاجئين / رد: المساعده اخوان لاتبخلو عليه اري ان اقدم عله ال اي او ام

« في: 17:57 17/12/2010  »

اذا ما مشتغل مباشر ويه الامريكان متصير من بغداد
يعني لازم تقدم من بره شوف دوله من الجوار سوريا لو الاردن لو لبنان لو مصر أو تركيا
وتركيا حاليا الافضل في المواعيد لان عدد العراقيين اللي مقدمين منها أقل من باقي الدول

19

الهجرة و واللاجئين / رد: ايميل صدور الفيزا(بالصلاة على محمد وال محمد)

« في: 16:57 15/11/2010  »

اللهم صلي على محمد و على آل محمد كما صليت على ابراهيم وعلى آل ابراهيم وبارك على محمد و على آل محمد كما باركت على ابراهيم و على أل ابراهيم في العالمين انك حميد مجيد.
ألف مبروك ويوم اللي كل جماعة المنتدى نجتمع بأمريكا طبعا بعد أن نحصل الفيزا أشو صارت طويله شغلتنه
الله يسهل على الجميع بجاه محمد وآل محمد

20

الهجرة و واللاجئين / رد: ال ان في سي

« في: 20:30 30/10/2010  »

شكرا اخي
تقريبا اني مكمل هذي الاشياء بس دفتر الخدمه ما ذاكرينه همه بالطاري
وحرامات اترجمه واخسر ويطلع ما مطلوب
وخصوصا حاليا مكتب نادر للترجمه اسعاره تعاونيه ترجمت قبل مده الهويات مال الاحوال يمه اخذ 10 الاف على الوحده وهذا الاسبوع رحت اترجم يمه شهايد الجنسيه مزيد الاسعار مسويها بس 15 الف على الوحده
ديتعاون ويانه

21

الهجرة و واللاجئين / رد: ال ان في سي

« في: 17:27 30/10/2010  »

أخواني اني اليوم هم أجاني رد من NVC وابشركم يكولون بيه لكل نفر 1800 ما ادري هاي جديده لو عندكم علم
وهم بيه Invoice ID وما عرفت شنو بس همه منطيني رقمه
وللعلم اني دازهن من يوم 25 ايلول ومن متابعه التراكنك يوم 29 ايلول مستلميهن واليوم بلضبط يوم 30 /10 جاوبوني وهسه اني مرتبك شادز لان هوسه يردون كومه وخصوصا اني متزوج وعندي اطفال 2
ويوم ألكم أنشاء الله

22

مواضيع الحياة العامة في بلاد المهجر (امريكا) / رد: واخيرا النسر الذهبي يحلق فوق سماء الحرية-رحلتي من بغداد الى تكساس - اوستن بالتفاصيل

« في: 09:43 22/09/2010  »

أخي العزيز
هل يوجد أختلاف بلتعامل او اجراءات السفر بين SIV  أو IOM

23

الهجرة و واللاجئين / رد: من يريدني كفيلا في امريكا؟

« في: 22:33 25/07/2010  »

مشكور أخي العزيز على كرمك وطيب أخلاقك
أحاجيك من صدك ولايتكم زينه وأكدر أحصل شغل لان أني أخوك مهندس كهرباء وصاحب عائله وأحب الالتزام والقانون من شبابي
أني هسه بعدني دا أنتظر الكوم أبروف وانشاء الله جايتني جايتني لان مشتغل أكثر من 3 سنين وما عافونه الا كملو كل مشاريعهم بلعراق أذا مو زحمه تجاوبني حتى أحط عنوانك بل 230 والمراحل اللي تليها
والشكر للجميع في المنتدى الرائع