الرسائل

1

الهجرة و واللاجئين / رد: صورة المرأة في جواز السفر

« في: 01:55 04/09/2011  »

اخي الكريم حتى ظهور الاذنين غير مشترط فقط الوجه كامل

موضوع قديم شنو ذكرك بيه لو بس علمود يصير مشاكل 
عراقيين مايصير النا جاره

2

الهجرة و واللاجئين / رد: أنواع الاقامات والتصاريح الممنوحة للاجئين العراقيين في السويد ومميزات كل منها – تقرير مفصل

« في: 01:06 22/07/2011  »

معلومات مفيده عاشت ايدك

3

الهجرة و واللاجئين / رد: واخيرا خابرونه من امريكا ويا ريت ما مخابرين

« في: 22:41 27/06/2011  »

مو دفاعا عنهم وخصوصا الزوج حسب حجي ابو مهند هو كان مقاول جيد وكان يتخشخش بكولشي  وسبع واشتغل

بهواي امور منهه شراء بيوت باوقات خطره وباماكن خطره في العراق وبعدين صارت البيوت هاي تسوه اضعاف اضعاف ما اشتراهن بس هو ما نسه اصحابه وحتى كان يساعد ابو مهند خلال وضعة الصعب ويرسل حتى فلوس لابو مهند يعني كان وفي بس يا

جماعة يا اخواني العينكاويين الي كاعد بالعراق ومرتاح حتى لو موظف وزوجته موظفه ويستلمون رواتب اثنينهم مليون او مليون ونص

 بالشهر ومرتاح بالهم وما خايفين من شي شيسوون رايحين لامريكا يروحون ويبدون من الصفر في مجتمع غريب ما يتلائم وياه

والدليل على هاي اقوالهم والحق يقال زوجته كلتلي انتو تفيدكم امريكا لان على الاقل تلم شملكم وكالت الي الي يشوف الموت

يرضى بالسخونه يعني بالعكس مجانت تريد تكولي ميفيدكم امريكا

 

عاشت ايدك اخت سرى يا اصيله
ظربتي على الجرح
واصبتي بالكلام

4

الهجرة و واللاجئين / رد: واخيرا خابرونه من امريكا ويا ريت ما مخابرين

« في: 21:45 27/06/2011  »

يعني احنا العراقيين ماتصير النه جاره لا والله بس نحب نشيل غيبه العالم ونحجي بظهرهم ليش النفاق ما اعرف
كل واحد خلي يشوف نفسه قبل ما يحجي على الاخرين كل واحد خلي يصفي نيته تلكه الدنيا كلها تسعنا مو بس امريكا
واحد يتمنى الخير للثاني مو واحد يحسد الثاني واحد يشيل غيبه الثاني لعد الله ليش غاضب علينا
مع احترامي للطيبين

5

الهجرة و واللاجئين / رد: شنو سالفة القجق من تركيا لليونان

« في: 00:13 20/05/2011  »

اخي نصيحة لوجه الله صديقي طلع قجغ من تركيا الى اليونان طول بالطريق 4 ايام مشي وطبعا اكل اخذو وياهم بس خبز ومي جنطة صغيرة تخليها على ظهرك وكال متنا من البرد بالطريق ومطر يكول باليل نمشي وبالنهار نام حتى لاتشوفنا حرس الحدود وكال كنا 10 نفرات ويانا بنات هم وعبرنا نهر وشلون نهر عبرنا بين الحدود التركيا اليونانية بزورق مال نفخ كل شوية يعبرون نفرين لان ما يستحمل اكثر وبعدين كال خلونا نمشي بالحدود واليل متعرف تطلعلك حية لو حيوان مفترس انت وحضك لازم تمشي واذا تتعب راح يعوفوك وحدك ويروحون وكال نمشي بين الاشواك والشجر كلشي ماتشوف من الظلمه والمطر فوكاك وكال كنا من نريد ننام ويانه جيس مال زبل ندخل بية علمود ما نتبلل بالمطر وكنا نموت من البرد لحد ما دخلنا قرية يونانيه وهناك اخذتنا سياره بيكب مال دواجن كانو ضامينا بيها لحد ما دخلنا اثينا وكان بوكتها ب 28 ورقه تكلف واذا صار عندك بصمات باليونان انسى بعد تروح لغير دوله لان راح يرجعوك على اليونان والشغل باليونان تشتغل عماله اكو ساحه يكفون بيها عراقيين من يجي يوناني يريد عماله لازم تجيت وتصعد بالسياره لان الحياه صعبه هناك وماكو شغل والشرطه تفتر وتلزم الناس الي ماعدها اوراق ويخلوك بلسجن 3 اشهر او تلزم محامي وتطلع بس لازم تدفع فلوس ف اذا عندك معاملة قدمها احسن من القجغ حتى لو عندك فيزا شنكن بعد اللجوء صار صعب هوايا في اوربا بقى الامر متروك يمك وانت قرار الشي الي تشوفه صحيح

6

الهجرة و واللاجئين / رد: كيفية طلب اللجوء من فرنسا \ صديقي بعد ايام يذهب لفرنسا ولا يريد العودة للعراق

« في: 18:18 15/04/2011  »

الله يفتحها كدامك وتوصل بسلامه

7

الهجرة و واللاجئين / رد: نبقى بسوريا لو نروح لغير دولة... للنقاش

« في: 00:09 10/04/2011  »

والله اخوان محد يعرف شلون راح تصير الامور بسوريا يمكن راح تستقر الامور ويمكن لا هي حيره اذا واحد يسافر هسه من سوريا راح يخلص من هاي الدوخه قبل مايفوت الاوان وتنلاص الامور مثل ما صار بمصر وتونس وليبيا ويمكن مراح يصير شي بسوريا يعني محد يكدر يعرف شلون الوضع راح يصير هاي بس ربك يعرف