5
السام عليكم اخواني حبيت ابلغكم اول مااوصل لان انتواصحاب الفضل الكبير عليه وارد اسوفلكم تفاصيل الراحله المتعبه وكل اللي صار ويايه واجاوب عن اسئلتكم واني خادم الكم المهم جانت سفرتي يوم الاثنين 13-12 وجان اللقاء ساعه بالعشره ابمطار بغداد بساحه عباس وفعلا اجه الموظف وانطانه التذاكر مال السفر لعمان وكال روحو انتظروني ابقاعه بابل داخل المطار المهم فاجرت سياره على حسابي الي ولعائلتي وحده واخذ مني اجور السياره 28000 ةانطيت لابو السياره اكراميه لان تعب ويايه بالغراض 10000 المهم وجان موعد الطائره تثريبا بالثنتين طرنا لعمان ووصلنا وجان باستقبالنا موظفي الاي او ام وانطونا الكيس الي بيه كل اوراقنا ووثائقنا المهمه ووقعونا على اسعار التذاكر يعني اني وزوجتي وبنتي عمرها 9 اشهر جان سالسعر 3381 دولار بذمتي اسددها خلال 42 شهر المهم وانطونا كل نفر بطاقتين للاكل لان كالو رح تبقون للساعه بالثلاثه يله الطياره الثانيه لفرانكفورت المهم بليل اجه موظف منهم وكال منو عنده وزن زايد فاني وكم عائله جان عدها وزن زايد فكال ميصير ومدري شنو لان احنه ابمطار بغداد محد حجه ويانه عالوزن فخلانه نشتري كل واحد جنطه ب 30$ حتى علمود انقلل من الجنطه الكبيره وتصير مثل الهاتد باك المهم اني مقتنعت بكلامه بس شسوي اشترينا جنط وكملنا وطرنا وصلنا لالمانيا بعد اربعه ساعات ونص لكينا موظف ينتظرنا واخنا على مكان الطائره الثانيه الي هي لنيويورك وجان موعدها ساعه بالثنعش الظهر المهم وطارت بينا الطياره وجانت الرحله كلش طويله ووصلنا للمطار تقريبا ساعه بالثنعش ونص ابتوقيت امريكا المهم لكينا موظفين الاي او ام وجان عددهم ثليل وغير كفوئين عباره عن ثلاثه بنات سمان وعصبيات ماعرف منين وباردات وممرتبات العمل المهم كملو اوراقنا وكالو اكو قسم منكم رح يمكل على ولايته اليوم وقسم باجر المهم فراحو قسم من الجماعه وودعناهم وبقينا احنه طبعا ننتظر ديدبرولنا على باص وبعد انتظار تقريبا ساعتين يله اجه الباص امهم صعدنا كلنا جان وحده من الموظفات اتكلي انوديهم كلهم للفندق وانت لوحدك وعائلتك بغير قندق يابه ليش كات لان اني المسوله عنك وانت باجر البوابه مالتك تختلف عنهم المهم وهنا انضؤبت بوري لان نزلنا جنط العوائل الي ويانه ومن ضمنها راحت جنطه زوجتي وياهم بدون مندري بيها والي بيها جوازات السفر العراقيه مالتنا وزنجيل ذهب و500دولار المهم بليل انتبهنا عليها هسه رح اتكولون اشلون منتبهت من وكت والله كلش تعب الطريق واني عندي طفله عمرها 9 اشهر وبس تبجي لان هم تعبت وهم متنحسه دتطلع سنون فثاولتنا ثول المهم ركضت على ابو الفندق كتله خابرلي الاي او ام وبلغهم بضياع حقيبتي فخابر ومحد جاوبه ثاني يوم من الساعه بالخمسه الفجر اجتي الموظفه وكتلها طبعا كامت اتصيح عليه وتكلي هاي مشكلتك اني شعليه ووين نلكاها هسه ويله كمل الرحبه اني ماعندي وقت المهم صارت طيارتنا ساعه 8 وربع الصبح لمطار شارلوت ومناك على بالم بيج بفلوريدا طبعا وصلنا مطار شارلوت وماكو احد من المنظمه يستقبلك ويدلك انت تقرا التذكره وعلى اساسها تتصرف والميعرف انكليزي الله يساعده لان اني مشيت عالتذكره ووصلت للبوابه جان يكلي اتغير مكانها انتبه رح نعلن وره شويه عالمكانالصحيح المهم طرنا لفلوريدا ساعه بالثنعش تقؤيبا ووصلنا ساعه وحده وربع شحجيلكم على فلوريدا اتخبل كلش كلش حلوه المهم لكيت المشؤؤله عني واخذتني لمكان المنظمه وهنا سولفتلها عالحقيبه الي ضاعت مني وجان تتخبل كالت لعد شرح انسوي وياك لان انت رزم انطلعلك سوشيل سكيورتي ووفود ستامب ومديكيت وهاي كلها منكدر انسويها اذا ماعندك جوازات عراقيه والحقيقه منعرف شرح ايصير وانطتني صك وقعته ب 250 دولار من المبلغ مالتي الي هو 900 كل نفر مثل مكالو وكتلهم على ال1100 غلست عالموضوع وودوني للشقه مالتي وجانت بعدها غير كالمه وبيها نواقص كومه وحتى مي بعده مابيها لان ديسوولها صيانه وانطوني اكل عباره عن اربعه حبات فلافل وحمص بطحينه وزلاطه واربع كرص عيش كالو هذا هو غده وهو عشه وهو ريوك لباجر الصبح بالثمانيه ونص الصبح يجيك سايق ويجيبك يمنه ونفهمك شنو الي رح يصير وننطيك محاظره وهسه المهم بالصدفه جواريني عائله عراقيه من الكوت صارلهم شهرين وكلش يحجون عالمنظمه وكالو موزينه ومساعداتها شهرين بس يدفعولك ايجار وانت حير بروحك وراها وبس يشوفون عندك فلوس كلشي يقطعون عنك وهسه اخوكم حاير والله ماعرف شسوي وياهم وداانتظر الصبح يجي ونشوف بالمناسبه اني مشاد نت بس امكنك عالواير ليس وديجيني نت بس ك شويه ينكطع وهم الحمد لله واني كلش اسف طولت عليكم وحجيتلكم بالتفصيل الممل لان حاس اني اريد اقدملكم اي شي لان انتو اصحاب الفضل عليه واخص الاخت انجي وسرى وابطال جمعيه الشهر الخامس والسادس والسابع جمعيه جورجيا واخونا الزيدي الراقي ولورنس والكل واسمحولي هسه اطب لجمعيتنا اسلم عالاخوان واني حاضر لاي سؤال تسالوني عنه
عرض المشاركات
