الرسائل

1

الهجرة و واللاجئين / رد: عاجل جداً ,,,200 دولار جماعة عمان؟؟؟

« في: 03:21 03/10/2010  »

لك عرب وين طنبورة وين
الناس دتحجي عل200دولار
اخوية روح انشر الاسلام بالعراق لان العراق يرادلة سوفت وير هسة

2

الهجرة و واللاجئين / رد: خبر تازة مؤلم ومحبط : الأردن يشترط كفالة مالية بقيمة 7 آلاف دولار لكل زائر عراقي

« في: 22:15 09/09/2010  »

هذا الخبر مجرد اجراء روتيني ينكتب عند العرضةحلجي بباب وزارة الداخلية ولم يتم اخذ المبلغ من اي عراقي  وهنا بالاردن والحمدلله وحسب اوامر جلالة الملك حفظة اللهيتم تسهيل اقامة العراقين وعدم تسفيرهم بالقوة او قسرا وهناك اعفاء من الغرامات على كل عراقي يغادر الاردن بشرط تكون المغادرة للعراق وان كانت غراماته لسنين عديدة ويمنح سمة دخول يعني فيزا خروج وعودة والامور ميسرة من الاردن وجزاهم الله خيرا لانهم احتضنوننا لهذة المدة وهم ليس لهم اي واردات ومن يرى غير ذلك فليضع نفسه مكانهم جان شسوينة بيهم لو همة يمنة بالعراق هم خلف الله عليهم لفونة والله لو تشوفون باقي الدول ومعاملتها وية العراقين جان بوستو ايدن كل الاردنين على معاملتهم ويانة بس اكو بعض اللي يدورون مشاكل وهمة نفسهم اللي يدورون مشاكل بالعراق هم اللي يحجون والله العظيم اني زرت 13 بلد عربي ما شفت احسن ولا افضل من الاردن علما اني مو مقيم ولا عدي فلوس هنا واراجع الدوائر هنا ماكو فرق بيني وبين الاردني ابدا والشرطة تساعد العراقي اكثر وتوكلو على الله وادعو الله يديم هالنعمة علينة واشكر الجميع

3

دردشة منتدى الهجرة واللاجئين / رد: مطاردة شعرية بالحرف الاخير من بيت الشعر

« في: 21:20 09/09/2010  »

كل لحظة مو كل عام وانتو بالف خير ياربي كلها اعياد ايامكم تصير .
مبروك عليكم العيدوينعاد علينة بالخير والبركة واكتب الى كل اهلي في العراق الحبيب الجريح هذه الابيات القليلة عسى ان تعجبكم وخصوصا ونحن نفارقهم من زمن

بلياكم طفيت وثلج الموكد(الموقد)
وبلياكم حفر نهران دمعي بكل كتر بالخد
وبلياكم تهت وبنص هلي اتنشد
واحسب بالليالي احساب ها جمعة انكضت هاسبت ها احد
وصفيت اسبوع جر اسبوع كثرن تيهت بالعد
دنياي وعكس تمشي مابيهة ضحك   جد بجد

4

دردشة منتدى الهجرة واللاجئين / رد: مطاردة شعرية بالحرف الاخير من بيت الشعر

« في: 23:51 07/09/2010  »

السلام عليكم
انا شاعر عراقي ولكن لم اخذ حيز كبير بالاعلام
بس راح اكتبلكم جم بيت شعر قسم غزل وراح ابد بي والثاني على وطني وافتخر بي واريد ارائكم الحلوة
الغزل
مشتهيك بضحكتك ...بهمومك.......بكل لون بيك...
ومرتضيك تصير سلطاني ........وقضيتي...واشتكي عندك...عليك
وك فرفحت روحي واجتك............لاتضيعها من ايديك.
انتهى
بس هو ضيعها الي كتبتلهيا

فخر العراق
بعدنة  احنة النسهر الليل  لمن تطلع الغبشة
وبعدنة بزودنة معلين وفوك النجم نتمشة
وبعد من تجدحلنة سيوف....نجم الليل يتغشة
وبعدنة اللي نريدة يصير والما يعجب انفلشة
وبعدنة شيوخ هاي الكاع بس الله النهابة ونسجد بعرشة

لوكلت العراق وماكلت الحسين ماسخ كل طعم ولاله كل وحشة
لو كلت العراق وماكلت الاحناف ما ينهاب اسمنة ولاله كل دهشة
وك ولو كلت العراق وماكلت  ابو الحسنين كل هاي الامم تنطيك اذن طرشة
انتهى
القصيدة ليست طائفية فارجوكم من ذكرتهم بهم قام العراق والاسلام ارجو ابداء الراي وشكرا للجميع
والمطاردة الجاية اني وياكم

5

دردشة منتدى الهجرة واللاجئين / رد: ..........اذا لم تستفد ما راح تخسر..........

« في: 22:52 05/09/2010  »

السلام عليكم اولا نحن من نفس المذهب وانا عراقي ابن عراقي ابن عراقي ونسبي معروف الى سيدنا الحسين ع وانا اوؤيد رايك كله فيما يخص العرب ولكن الاردن افضل ما موجود واشرفهم بعد ما عانيت الويلات من الدول العربيةولو ان ماحصل من الشيخ المزعوع صحيح فانك بسهولة تامة تاخذ حقك هنا في الاردن ولا تخشى بالله لومة لائم ولاتخف لايسفروك ولا ابد وحقك ينطوكيا مضاعف وصارت وياية والشرطة الاردنية ماقصروا ابدا وعلما اني غير مقيم ومتجاوز اقامتي اكثر من سنة ونص واقول لك كما قال سيد المرسلين صلى الله عليه واله وسلم(يحشر المرء مع من احب)وان احب الله والرسول والذين امنوا جميعا وادعوا الله ان يحشرني معهم ان شاء الله في جنات النعيم وللتوضيح فقط انا لست طائفي اطلاقا ومايجري في العراق يعرفه القاصي والداني وحتى الاطفال سببه ايران واذنابها وانجاسها واكبر دليل ان شيويخ الجنوب حفظهم الله وقفوا الوقفة الشجاعة ضد الحكومة وايران في احداث الاستيلاء على حقل الفكة وقفة العراقي الحر الشريف ولك السلام

6

دردشة منتدى الهجرة واللاجئين / رد: ..........اذا لم تستفد ما راح تخسر..........

« في: 01:29 03/09/2010  »

اتق الله بما نسبته عن امام الجامع فان اكثر من يساعدون العراقين بالاردن ائمة المساجد ومن الملاحظ ان العيب بك وليس بمن حولك وكما قال الشافعي  نعيب زماننا والعيب فينا وما لزماننا عيب سوانا   ...........
اما عن معاملة الاردن فهي من افضل الدول العربية على الاطلاق اني زرت اكثر من13 دولة عربية والله لم اجد افضل من القانون والنظام المعاملة في الاردن   ولكن مع الاسف بعض ضعاف النفوس الذين اتخذوا  من الذل طرق للكسب مثل مافعلو الان بسب وشتم وافطار علني لان انقهروا ماستلموا ال200 دولار من المصرف هم من يشوهن صورة الاردن ومثل هؤلاء ماذا ينتظرون تعلكلهم الحكومة الاردنية انوط شجاعة لان سبو بلدهم كل ناس عدهم بلدهم عزيزة بس العراقيين عدهم ايران عزيزة  مع احترامي لكل شخص حفظ كرامته

7

الهجرة و واللاجئين / الى ذوي الخبرة ارجوكم افيدونا جماعة عمان

« في: 00:50 03/09/2010  »

اني قابلت باليوان يوم 25\7\2010وكالولي عندك مقابلة توطين لامريكا وقابلت امريكية وكلتلها ماعندي اي اعتراض وموافق على امريكا بس شو ليهسة محد اتصل بية ولا مقابلة كارت ازرق ولا كالولي تحولت لل اي او ام لو لا  اريد افتهم فدو اروحلكم هذا الشي  عادي لو شنو والي يعرف  شنو المراحل الي بعد مقابلة اليوان لايبخل علينة والله يوفق الجميع وفدوة شكد وقت تتاخر بعد من اول مقابلة بليوان  للمحلفين  لان ناس خبلوني كالو صار سنة ونص وال اي او ام مدازين  عليهم ارجوكم اجيبوني ورحم الله والديكم وجزاكم الله خير

8

الهجرة و واللاجئين / رد: استفسار

« في: 00:03 30/08/2010  »

الله يبشرج بالخير عيني انجي لان ياهو الاسالة يكلي  خلص انرفضتو ومراح يحولون ملفكم لل اي او ام

9

الهجرة و واللاجئين / رد: الى الاخوه الموجودين في عمان \عاجل عاجل عاجل

« في: 23:43 29/08/2010  »

هاي الرسالة منين وين نسجل والكل مشمولين لو ناس وناس مع جزيل الشكر

10

الهجرة و واللاجئين / رد: استفسار

« في: 23:29 29/08/2010  »

السلام عليكم غلطت بتواخ خدمتها كمدرسة

11

الهجرة و واللاجئين / رد: استفسار

« في: 23:19 29/08/2010  »

الجفصة مالتها هي مدرسة بعقد وكالت باول مقابلة باليوان هي تركت الوظيفة سنة 2003وبعدين قدمنة اوراق انه هي دخلت دورة بالتربية سنة 2004 . وارجو من كل الاخوة الموجودين العلم باني الى الان لم يتصل بي احد لاالامم المتحدة ولا ال  اي او ام   وسؤالي  كان    هل من حق الموظفة التي قامت بمقابلتنا في الامم المتحدة  وهي امريكية  ان ترفض الملف ولا ترفعه الى منظمة الهجرة ام لا لازم ترفعةللمنظمة وارجوكم افيدوني علما اني بعمان وسؤال ثاني انا لم اخدم عسكرية ابدا وليس لي دفتر خدمة علما اني من مواليد 1974وليس لي اي اثبات اني لم اخدم غير شهادتي الجامعية اني دخلت الجامعة1992 وتخرجت 2003والشهادة مصدقة من الجامعة والخارجية والسفارة والخارجية الاردنية وبها صحة صدور من الملحقية الثقافية في الاردنولدي هوية الجامعة نافذة لغاية 1\11\2003هل هذا يكفي ام هم يدققون علعسكرية ارجوكم اجيبوني مشكورين       والشكر الجزيل لكل من اجابني ورحم الله والديكم

12

الهجرة و واللاجئين / استفسار

« في: 22:56 28/08/2010  »

رسائل: 1


     استفسار
     

--------------------------------------------------------------------------------
السلام عليكم جميعا
عندي استفسار بسيط واجو منكم الاجابة متفضلين
اني مقدم على اليوان من 2007 وخبروني  بموعد مقابلة توطين لامريكا وقابلت اني وزوجتي واطفالي يوم 25\7\2010 علما اني بورقة وهمة بورقة ثانية وبعد ساعتين ونص من الاسئلة وزوجتي جفصت كل الزين كالتنة الامريكية اوكي خلصت المقابلة وبعدين دمجونة بورقة يوان وحدة وليهسة محد اتصل بية واريد اعرف منكم هذي من حقهة ترفضنة من يمهة لو لازم يتحول الملف لل اي او ام وليش ليهسة محد اتصل وشنو الاجراءات الي بعدها ارجوكم جاوبوني رحم الله والديكم علما اني بعمان

13

دردشة منتدى الهجرة واللاجئين / استفسار

« في: 22:25 27/08/2010  »

السلام عليكم جميعا
عندي استفسار بسيط واجو منكم الاجابة متفضلين
اني مقدم على اليوان من 2007 وخبروني  بموعد مقابلة توطين لامريكا وقابلت اني وزوجتي واطفالي يوم 25\7\2010 علما اني بورقة وهمة بورقة ثانية وبعد ساعتين ونص من الاسئلة وزوجتي جفصت كل الزين كالتنة الامريكية اوكي خلصت المقابلة وبعدين دمجونة بورقة يوان وحدة وليهسة محد اتصل بية واريد اعرف منكم هذي من حقهة ترفضنة من يمهة لو لازم يتحول الملف لل اي او ام وليش ليهسة محد اتصل وشنو الاجراءات الي بعدها ارجوكم جاوبوني رحم الله والديكم علما اني بعمان