الرسائل

1

دردشة منتدى الهجرة واللاجئين / رد: دعاء العيد

« في: 10:42 10/09/2010  »

اللـــــــــــــــــــــهم  امين  يا رب  العالمين 
يوفقك  و ويبارك  بيك اخونا و يستجيب  الدعاء  انشالله 
و كل  عام  و الشعب  العراقي  و الامة  الاسلامية  و كل  الامة  العربية   بالف  الف  خير 

2

الهجرة و واللاجئين / رد: ~ ما بعد استلام الظرف 04/09/2010 عمّان

« في: 19:10 08/09/2010  »

السلام عليكم  خواتي  و اخواتي
مممنووووونة  جدا   على  مشاعركم  الطيبة  وصدك  هذا الموقع   يجمع  العراقيين  الحقيقيين قلب على  قلب  ومعدن اصيل ميتثمن  لا والله  بكنوز  الدنيا  كلها 

السكوووت  علامة  الرفض واكيد  الكل  افتهم   غياب  وسكوت   جماعة  الثلاثاء شنو معناه 

الله رحيم بعده  واله  حكمة  بكل  الي  ديصير 
اني  الي  خايفة  من جنت صار   المترجم  و المحلفة  لاعبين  طوووووووبة  بقضيتي بحيث  الموظفة   انسطرت  من  السبب وراحت   تجيك  رقم  الملف  وتكولي  ممعقولة  قضيتج  مالها  علاقة  بالسبب.....!!!!!!!!!!!!!
شحجي  شكول  حسبي  الله  و نعم  الوكيل  حسب  الله  و نعم  الوكيل  وقل  لن  يصيبنا الا ماكتب  الله  لنا

اني  بس  حبيت  اشكركم  واوصللكم  امتناني  الشديد  لمشاعركم  و لوكفتكم  الطيبة 
الله يسهل  اموركم  و يكمل  فرحتكم  على  الف الف  الف خير يارب وينور  دروبكم  وبالف  موفقية و نجاح يارب

3

الهجرة و واللاجئين / رد: ~ ما بعد استلام الظرف 04/09/2010 عمّان

« في: 11:50 06/09/2010  »

حسبي  الل  و نعم  الوكيل  بيهم 
وين منروح   ماكو  اي  اعتبار   للوضع الي  احنا بيه  و حرب  اعصاب  وين  منلتفت الله  يساعدك  اخونا  جاك  و الله  عايشين و دنعاني  نفس  معاناتك بس  انشالله  قبول 
بس  هاي  موديل  جديد  مال يسلمون  الظرف  و ماشرين  تحريري  و شالعين قلب  الواحد  شفوي   اذا ممقررين   يوافقون شكو  ديسلمون  الظرف
زين يوم  الثلاثاء  الدامي  محد  افتهم  شنو قصته   اني   طلعت  روحي  و رجعت  الف  مرة   بعد  مابيه  حيل حتى  افكر   البيت   مشعول  شعل  و منهارين  كلنا 
يارب  ياستار   ارحمنا  برحمتك  الواسعة انت اعلم  بالحال  يالله 

4

الهجرة و واللاجئين / رد: ~ ما بعد استلام الظرف 04/09/2010 عمّان

« في: 17:41 04/09/2010  »

الف  الف  مبروك  و الله  يسهل امر  الجميع  و انشالله  التعب  و الصبر  مضايع  و بالعافية   عليكم  هاي  الفرحة   
وان شالله  دائما   اخبار   طيبة 
بس  اخوية  بهبهان من  ترجع  لعمان  سلملي  على  جيرانكم   وكوله  ماشالله  المعلومات  المصخمة  الي  نطاكياها ذاك  اليوم  ابيش  تجازيه  عليها نص  عافيتك  طارت  والله  يساعد امك  الي  كضت  هاليومين  بس  الحمد  لله  خوش بشارة   انشالله  يكتبها  النا  احنا  هم و ادعولي  استلم  موافقتي
لان  متعرفون  شديصر بينا  صار  يومين  و بعد 3 ايام 

5

الهجرة و واللاجئين / رد: عاجل عاجل عاجل iom عمان

« في: 20:13 02/09/2010  »

اخوية  دوووري  والله ادري هو كله بيد رب العالمين و الي بيه الخير الله يقدمه
ورب العباد اني كلش مؤمنة و مأمنه برب العالمين ميصير بالعبد  الا الخير  الي يريده رب  العالمين و عسى ان تكرهوا شيئا وهو  خير لكم  و عسى ان تحبوا شيئا و هو شر لكم
ونعم باالله بس واحد مو بيده  كلنا عايشين بامل  ان نخلص من هذي المرحلة العصيبة  بحياتنا مو دنريد نبدي  بخطوة  الاستقرار  متكولولي شوكت  ...؟!
مو كضينا  وكضى  عمرنا   بالانتظار  و الهبطات  هجينا  من  بيوتنا  وبلدنا وعفنا  كلشي ورانا  في  سبيل  الامان  و هاي عايشين  بهالرعب  الى  متى ووين منروح  مرعوبين  عفية عراقييين   متمرمرين  وين  منروح  ومشلوع  فؤادنا 

اخوية  احمد  عباس  انشالله  وبجاه الحبيب المصطفى  متضوك  الي  داشوفه  ومااتمناه  لا  العدو و لا  الى اي بشر

6

الهجرة و واللاجئين / رد: عاجل عاجل عاجل iom عمان

« في: 18:10 02/09/2010  »

الله  يفرحك و يفرج همك و يريحك و ينصرك ان شالله  يا احمد عباس
و ان شالله  جماعة  السبت و الثلاثاء مقبولين و يطفي  النار الي  بينا و الله
من  الصبح  لحد هسه و يه هاي  المحاورات  نار و اشتعلت  الف شعلة من  كلتو  الثلاثاء رفض بس الله  يعرف شايفة و شجارة  و شصابرة  صبر  كلشي  انتظظظظظظظظظظظظظظظظظظظظظظظار طلعت روحي و الله  محروكة  الف  حركة
يارب سترك يارب  نصرك و الي بيه الخير عجله يالهي علينا و على الجميع
لا اله الا انت  سبحانك اني كنت من الظالمين
حسبي الله و نعم الوكيل
لا حول و لا قوة الا بالله العلي العظيم

7

الهجرة و واللاجئين / رد: عاجل عاجل عاجل iom عمان

« في: 13:05 02/09/2010  »

اي  و الله  مو  بيدنا  اشتعلنا الف  شعلة  من  الصبح  لحد  هسه  هاي  كاظين العمر  كله   بهالحمس  و الانتظار  و القهر   
شنو الي  شفنا  بشبابنا و حياتنا اشو  نركضضضضضضضضضضضضضض  و حرك  الاعصاب  و الانتظار  عمرنا  كلنا   خلصان واكفين  سره ولعب  بالاعصاب 

8

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 13:00 02/09/2010  »

الخميس  الدامي

9

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 12:57 02/09/2010  »

هاي  شلون  مصيبة  راح  اتخبل
هذا الاخ  معتز  الي  مخابريه  مثلي  و كايليه على يوم  الاربعاء  اهله  مخابريهم فحص  طبي  همينه  قبل فترة  و  اشو  دخل  على  الخط  الاستاذ مالك  الاحزان  و يكول   يوم الثلاثاء  رفض اكيد  شسسسسسسسسسسسسسسسسوي  وين اروح

10

الهجرة و واللاجئين / رد: عاجل عاجل عاجل iom عمان

« في: 12:52 02/09/2010  »

بس  ردت  ارتاح   دقيقتين و جتيني  هاي  الكفخة  منو كال  يوم  الثلاثاء  رفض اكيد  الله يخليكم و الله  بعد  ماكو   اعصاب    والله  راح اموت   يارب  ارحمني  يارب 

11

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 12:45 02/09/2010  »

يارب  ان شاء الله  خير.....   قريت   موضوع  اخونا  معتز  الي  مخابريه   مثلي  و اجلو  ليوم  7 /9
ارتاحيت  و اطمانيت   نوعا ما  و الله  مو  نوعا  ما   هوايه  و الحمد  لله  و الشكر  تبات  نار  تصبح  رماد  
مادام  اهله   مقابلين  و ماخذين  فحص  طبي  يعني  اعتقد ( لو  داقشمر  نفسي )  انه  الموضوع  موضوع  زخم  و لود  بالاعداد  فديقسموووون  على  اكثر  من يوم  
الله يصبرنا  هو اني  جنت  خايفة من  هذا التلفون  و دادعي   لا اريد  احد  يخابرني  و لا  يدكون  عليه   بس  ردت  محد  يخابرني  و اللي  خفت  منه   صار  
بس  الله يستر  انشالله  خير  و مثل  مدنتوقع  بس  تاجيل  و ليس  مصيبة الرفض

12

الهجرة و واللاجئين / رد: عاجل عاجل عاجل iom عمان

« في: 12:35 02/09/2010  »

السلام  عليكم   اخوية  معتز   
اني  همينات  اليوم خابروني   ساعة   عشرة  و نص  وكالولي   لا تجين   يوم  السبت   تعالي   يوم  الاثلاثاء  و من  صدمتي   مافتهمت  شنو  منو   ليش و  ساعة  بيش
و رجعت   هسه  قبل  شويه خابرتهم   كتلهم  اريد  اعرف  ساعة  بيش  كالولي  تعالي  بالتسعة
بس  اني  كلش  هسه  اطمانيت  من  سمعت  انه  اهل  حضرتك  فاحصين  طبيا  لان  الفحص  يعني  موافقة
و الظاهر  فعلا  و انشالله  موضوع   زخم  اعداد  لا  اكثر  و لا اقل
يارب  ان شالله  خير  كلش  هسه  تغيرت   نظرتي  للموضوع الله يسهل  اموركم  و امرونا  و امر  الجميع  يارب   اني 

13

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 12:26 02/09/2010  »

صدك  والله  يارب  الله  يسمع  منج  اختي  دفيدوف  و الله  كمت  ابجي  من قريت   كلامج  هذا وينه  الاخ  ابو  يوم الثلاثاء  و شوكت   خابروه  ووين   لكيتيه  بيا  موضوع  اشو  دانغبش  و مدالكي  احد  يارب  يبرد  قلبج  و قلب  الكل  دنيا  و اخره  و لا تشوفون  مكروه  و لاتنضامون  بجاه  الحبيب المصطفى 
والله  هاي  الحرب  مال  الاعصاب   تاكل  بالصحة  و العمر  مثل السوسة  الي  تنخر 

14

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 11:45 02/09/2010  »

اي  و الله  اختي  يا  دفدوووف  والله   ماعرف  شسوي   جنت   نايمة  و  خالة  تلفوني  يم   راسي  دك ساعة 10ونص كمزت  و ركض  شلته  طلعتلي  وحدة  و كالتلي   لا  تجين  يوم السبت  ولو  كالتلي  تاجل  لو تغير الموعد  الى يوم  7/9  اني  راسا   كفخت  على  راسي  وبعد مسمعت  شي  بس  كتلها  زين و سديته  حتى  مركزت   على  ياساعة  
وزوجي  خابر  بعض الاصدقاء  يستفسر  من  هالتلفون  شنو معناه   اشو  ناس تكول  لو   رفض  يخابرون  ويكولولكم تعالو استلمو  الفايل و رجعو   للممنظمة  مال  اليو ان  و لازم يكولون  يكولون  تستلمون فايل  
مو ظرف  واني   المصيبة  متشوووشة  و مداعرف   شحجت  ويايه  ورة  مكالت   لاتجين  يوم السبت  تعالي  الثلاثاء  لان   انهاريت  وانصمت  اذني  عن  كلشي  ومداتذكر شي  
شسوووووووووووووووووووي  راح  اموت  
حسبي  الله  و نعم  الوكيل   يارب  انت  اعلم  بالحال  يارب  سترك  يارب  
وهسه   رجعت خابرتهم  صفن  الموظف  و كالي  اكو  ناس  يوم  4  اوكو  يوم 7  كتله   يعني  اكو  شي  لا سامح  الل  كالي  و الله  ماعرف   وتعالي  ساعة 9 الصبح

15

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 10:41 02/09/2010  »

الله  يسمع  منك  اخوية  يارب  والل  منهارة  شنو  هالحرب  الاعصاب  والله  مادري  شسوي  اني  مقابلة  صار  شهر  بالضبط  يوم 2/8  يعني  شنو  يجوون  هسه  يشمروني  بعد  شنو  على  الحروف  الابجدية  والله  مدافتم  و  فوكاها اني  انضربت  على  راسي  حتى  مركزت  و معرفت  ساعة  بيش  الموعد  ومداذكر  شكالتلي  لان  بس  هي  كالت  لاتجين  يوم السبت  وتغير  الموعد  الى  يوم  الثلاثاء  اني   انهاريت  وبعد  مكمت  اسمع  شي 
بس  الله اعلم  بالحال  وحسبي  الله  و  نعم  الوكيل  وانشالله  مثل  متتوقع  انه  بسبب اللود والزخم  والاعدادا  الهوايه   صار  تقسيم

16

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 09:52 02/09/2010  »

ياناس  ياعالم  وين  اروح  و شسوي  .؟؟؟؟؟ خابروني  و كالولي  لا  تجين  يوم السبت  تغير  الموعد الى  يوم  الثلاثاء  7/9
شسوي  راح  اموت  شنو  هذا حرك  الاعصاب  يعني  شنو   تاجل ووتغير الموعد هسه يله تذكروا  لو  قصدهم من جماعة  !!!!!!! مداكدر  اكولا  للكلمة  وين  اروح  وشسوي  اذا اج  رفض 

17

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 23:54 01/09/2010  »

هو  بس  باجر  يعدي  على  خير  انشالله علينا  كلنا  و محد يرجفنا  بتلفون يشل  اعصابنا  و نلتقي  بوجوه  بشوشه و متبشرة  بجاه الحبيب المصطفى  يالله يوم  السبت  .... ان لناظره  لقرييييييييييييييب

18

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 12:31 20/08/2010  »

مساء الخير على  الجميع و انشالله  صيام مقبول 
ياجماعة  خليتوني  اشك بنفسي من قلقكم الزايد الي  نعرفه  الفحص الطبي  ابدا مو ظرور ي قبل  الظرف 
بعدين  يا جماعة الخير  سهلوووها  احنا  بلاشي  اعصابنا منهارة  على  شغلة  الموافقة  و الظرف 
فعلى  شنو  اللطم  بشغلة الفحص
ترة  المنظمة  هسه  زخم  مو طبيعي  بمقابلات  المحلفين  لا ن  نهاية  السنه  مالتهم  بشهر  ايلول  يعني  لازم  يصفون  كلشي  متعلق  بهالسنة  قبل  نهاية  الشهر  فالموافقات  اهم  من الفحص الطبي  لان  الموافقة  و بعدين  الفحص
بعدين احنا  كلنا  شامرينا  على 4/9 متكوليلي  شرااح  يصير  السرة  بذاك  اليوم  اعتقد  من  دوار  الواحة   وعلى  مد  النظر 

واحب  الفت  انتباهكم  يا  اعزائي خاصة  الي  قابلوا  بنهاية  تموز  و بداية  اب  انه  مادام  احد  متصل  بينا  و لا دكو  علينا  فهذا نذير  مبشر  انشالله  يارب  بالموافقة  لان  لو  ياستار  اكو  رفض جان  خابرونا  و بلغونا  انه  منجي  يوم  4/9 و رجع الفايل  لليو  ان 
مو  لو  مو مو ؟؟؟
انشالله محد  يخابرنا  اصلا  احنا كل  مايدك  التلفون  يصير عدنا  شلل نصفي  لحد منوصل  للتلفون و نشوف منو  و تخيلوا  كم  مرة  يدك التلفون باليوم  و شصاير  باعصابنا  فكولوا  يا الله   و انشالله يارب  تسهل  بجاه  هاي  الايام  المباركة  يارب  وهاي  الساعة  المفترجة ونستلم الموافقات و كلنا  نطلع منصورين و مضايع  صبرنا  يا  رب 
 

19

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 00:56 16/08/2010  »

هذا  خوش خبر  مال فحص الطبي  يارب  يخابرونا  احنا همينات و الله  كل ميدك  تلفون  غريب  اعصابي  تتحطم لحد ماعرف منو  الله كريم  و الف مبروك على الي اتصلوا  بيه للفحص ويوم الي النا

20

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 00:54 16/08/2010  »

ان شالله ماكو  اي  احباط و الله يسهلها  عليج اخت  دفدوووف و اني هم جنت منهارة  يوم  المقابلة  و وراها  باسبوع  بس ها هيه  احنا سوينا الي  علينا و انشالله خير و كولي  يالله و هو  يبرد النار  الي  بينا و يطفيها و هو ارحم الراحمين و اعلم  بحالنا  وميضيع تعبنا انشالله

21

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 23:41 15/08/2010  »

السلام  عليكم  و رحمة  الله  و بركاته  
رمضان  كريم  عليكم  و علينا  و على امة  الاسلام  جيمعا يارب  ينعاد  بالخير  و  الصحة و الامان و تحقيق  الاماني  يارب  

اخواتي  و  اخوتي   كان  الله  بعونكم و  عون  الي  قابلوا  محلفة السقف و الاوووف
و ان شالله  القبول القبووول  الظاهر  كلنا  نفس الشي ونفس الاستفزاز و  الكلام و الاف افففف

والله  لا يكولها و انشالله  نبقى  بهاي  الجمعية و نطورها  الي  جمعية  المقبولين  في 4/9 و كلنا  سوى  بهاي الجمعية  ومنحتاج جمعية  المرفوضين  يا ستار
هي هاي  شدتها  مثل  امتحان  البكلوريا مال صف سادس و يوم  النتائج ان شالله  كلنا  معدلاتنا  عالية و نكلب  الاي او ام  هلالالالالالالالالاهل ونشوفهم  العراقييين  شلون  يفرحون و يحتفلون ونغني  جيب  الكاس جيبه  
كولوا  امين  وعلى  كولة  بعض  الاخوة  المشاركين   الي  الله  كاتبه  يصير  و خير  انشالله  وهي  بيد  ربك  مو عبدك  والله  رؤوف  ورحيم و عليم  بحالنا  

22

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 16:42 04/08/2010  »

اخوية علي  عباس
ان شالله  المعافاة و السلامة  للوالدة و الخير يارب  و يسمع من عندك  رب  العالمين و يسهل  امورنا  كلنا  اجمعين 
بالنسبة  لسؤالك  بخصوص  الفحص هو المفروض ومثل  ما كان  انه  استلام  النتائج  بعد عشرة  ايام من  مقابلة  المحلفين و هسه  الظاهر و مثل  مشفنا  غيروها  صارت  تقريبا  شهر  بعد  المقابلة  وكلنا  على  4 ايلول
و من  المفترض كان الفحص  الطبي  بعد استلام  ظرف  الموافقة   بس  احتمال و يكولون  انه  راح  يبين  الموافقين  عليهم  يخابروهم  على  الفحص  قبل  استلام  الظرف 
بس هذا  ميعني  انه  الي مراح يخابروه  على  الفحص يعني  مرفوض  لان  هواية  ناس دتقابل  و زخم  هووايه فما علينا  الا  الانتظار و الصبر
و انشالله  الله  ميضيع  تعبنا و صبرنا  والله يسهل على  الجميع

23

الهجرة و واللاجئين / رد: ~ جماعة محلفين (تموز + آب) + الفحص الطبي + استلام الظرف 04/09/2010 عمّان

« في: 14:23 04/08/2010  »

اني  كلش ممنونة من مواساتكم واتمنى للجميع  يارب  الموفقية و الحظ والنجاح و عبور  هاي  المحنة  الي  دنمر  بيها
والله  يسهلها  على  كل  اللي راح  يقابلون  بالايام  الجاية  وانشالله التقي  بيكم  يوم  الموافقة  ونستلم  كلنا يارب ظرف القبوووووول
امين  يارب  العالمين