السلام عليكم
اخي اذا حضرتك اتريد تايرات جديدة ويل كبات جديدة دور المحلات الموجودة في منطقتك مثل ولمرت او اوتو زون اورالي او محلات مختصة بالبيع وراح تلكة اسعار منافسة وكلمن ايبيع ابكيفة ماكو سعر محدد اما اذا اتريد مستعمل اتوجه الى البكم بول والجان كير وانشاء الله تلكة اليعجبك واسعار هم رخيصة ويل كبات اصلية مو افتر ماركت تحياتي طبعا حتة اكو باتريات بالبكم بول وسعرة 25 دولار مع ضمان شهر تبديل واذا اتريد او ن لاين كولشي ايعجبك ويوصلك للبيت حتة اذا اتريد محرك او بلم او سيارة من امريكا او خارج امريكا تحياتي

صياغة حلوة للموضوع ومقالة حقيقية من الواقع رغم كول هذا يعتبر ان (زفرت مريدي )تسوة الف امريكة من وجهت نضرة هذا الشخص مو قياس على باقي المهاجرين من جميع الدول والاجناس والالوان امريكا بلد متقدم ومتحضر محكوم بقبضت القانون اتريد اتعيش في سلام وامان اعرف حقوقك والي الك والي عليك يعني ما من الممكن انقارن العراق في امريكا خصوص ولايت كلفورنيا جنة مالت الله وفعلا اقاربي العايشين بالسويد مرات اطول وما اتصل عليهم  ايعيبون علية ويقولون شنو يعني انتة عايش بالجنة اجاوب نعم انا عايش بالجنة لان ماكو ولا قطرت تلوث حتة الكات كونفريتر (يعني الصالنصة مالت السيارة ) تختلف عن باقي الولايات وممنوع صالنصة تنشد من خارج ولايت كلفورنيا حتة لا تلوث البيئة انا عندي كلفورنيا تسوة الف ((())))) وبعد ما احب اكمل لا اجرح شعور غيري فيا اخي لا تستغرب على هيج ناس يويمية بمريكا اتصادف الك واحد اثنين خصوصا اذا اصدقائك اغلبهم عراقين انا من ايصادفني هيج واحد اجاوبة ( هاي سيارتي وذاك مطار سكرمنتو مو بعيد منا وهسة  نحجزلك اون لاين وارجع اشبع بالعراق العضيم ))) تعرف شي جاوبني
لا يمعود اشعدي راجع الوضع موزين ______________يعني جنابة ينتضر الوضع ايصير زين يالة يرجع اشكد لوتي معناهة ولا راح يرجع فد يوم هذولة مبنية افكارهم وغذائهم على كسران نفسيت الاخرين ويعتبرون فشلهم تجربة لازم ايعمم على الباقين حتة يرتاح نفسيا فيا اخي اشتسمع طنش وامريكا على الاغلب جيدة ودولة عملاقة محكومة بقبضت القانون واليجاوب عكس الاكتبة كـــــــــــــاذب لان ماكو ولاية ما تحترم القانون واي ولاية ايصير بيهة شغب ينزل الجيش بيهة ايشك حلوك المشاغبين والعابثين وصارت في اكثر من مناسبة واكثر من ولاية تنسحب الشرطة وينزل الجيش هسة ما علينة اشوكت انتة توصل لو اصلا انتة عايش في امريكا تحياتي 

السلام عل اخي لا تهتم الى الاولاد انا عندي اولادي في صف الثالث الابتدائي في بغداد حاليا في امريكا هم في نفس صفهم اسوتا في اعمار اقرانهم ولا تهتم الهذا الموضوع ابدا للعلم اولادي توئم والحمد الله هم في نفس الصف

السلام عليكم اخي العزيز واسعد الله اوقاتك انا اكتب لك من كلفورنيا ولايت سكرمنتو دخلت الولايات المتحدة في 2012 شهر 11 مشتغل وية الشركات الامنية ومشتغل مترجم واخرها موضف في وزارت الداخلية وطلعت من مطار بغداد انا وعائلتي الى امريكا دايركت عن طريق iom ونصيحة اخوية اذا عندك لمكانية اتوكل على الله وطلع من العراق وشغلت العسكرين ما تئثر عليك تحياتي الك لان هواي عسكرين طلعو لمريكا وانا واحد منهم واكو ولد اتعرفت علية كان بالفرقة الذهبية ايداوم وهو واصل  قبلي مجرد نسيبةمشتغل مترجم و قدملة لان استهدفو سيارتة ابعبوة لاسقة عبالهم سيارت نسيبة وهو من البصرة قدم iom وهسة هو بمريكا انتة فقط من اتقدم اهم شي تثبت انه انتة مهدد بالعراق وماكو امان عليك وعلى عائلتك يعني من ايحس المحلف انتة متهدد50%من شغلت الجوء انضمنت لان التجيكات الباقية مو معقدة وهذا المستة من فترت الانتضار وثانيا انا طلعت من العراق وبعدني مستمر بالخدمة ابوقتهة والحمد الله انا هسة عايش ومعي العائلة وارتاحيت من دوخت العراق وارهابة

صارلي ثلاث اشهر في امريكا عايش في كلفورنيا باليل اطلع فقط ابسيارة ما نصحوني امشي على رجلي الحيات اهنا جدا نضيفة وجو نقي الصحة والمدارس مال الاطفال جيدة جدا ويتعاملون مع الطفل ابكل ذوق وحترام  انا امقدم على برنامج في الولفر 4سنوات مساعدات كاش مع فود استامب وحاليا امفكر اقطع الكاش وفقط ابقي الفود ستامب والمدكل لان حصلت شغلة ابراتب 8 دولارات 40 ساعة في الاسبوع  واعتبر من جماعت الو انكم فيبقى الفود استامب والمدكل
من ايجابيات امريكا احترام الانسان  وخصوص الاطفال
طلعت من العراق انا موضف في دائرة جدا حساسة  وراتبي يعبر 1750 الف كل شهر مع مكافئة راتب كل ثلاث اشهر يعني راتبي ومكافئة ابكد راتبي وزوجتي معلمة راتبهة 850 الف وبيتي في منطقت الشباب ملك من ردت اطلع الكل حجة علية وما نصحوني اسافر الى امريكا ومنهم اقرب الناس الي اخي لكن اساس الانسان مو مادة اساس الانسان راحت الضمير والاطمئنان على اولادة من بعدة انتة بالعراق ما تعرف اشوكت راح ينهدم كل البينتة وسويتة  والناس الداير ما دايرك بالعراق مو احن من الناس العايشة داير ما دايرك بمريكة وترة امريكة بيهة شغل لاكن شغلهة انشوفة تعب لان احنة العراقين متعلمين على التملص من واجباتنة واذا اشوف عراقي في  دائرة يشتغل من كل قلبة الموضفين البقية يحجون وينافقون علية ويسوة لو مستفاد لو لوكي هاي بالعامية احجيهة الك اما اهنا اليشتغل ويكون مميز يوصل لدرجت المدير وهواي ناس شفتهة مديرة في شركات ما عدهم شهادة يعني مثل شركت اوتو زون مال قطع الغيار اتعرفت على بنية امديرتهم اسمهة جسيكة ما مكملة كولية وعدهة اطفال اثنين وهية مديرة في فرع شركة عملاقة مثل اوتو  زون  طبعا راتبهة بالساعة 25$صارت مديرة على اساس المهنية فئنتة لاتهتم الشهادتك اما اهنا الدراسة حسب الي تحبة من اتروح للكلية اتقدم المواد التحب تدرسهة اون لاين وينطوك افلوس على حسب السمستر التاخذة وهنا الناس تدرس ابعمر 70 سنة يعني اتريد تاخذ شهادة تعال الى امريكا والله يسهلك صحيح تحتاج 8 سنوات او اربعة حسب قابليتك حتة تتئقلم وية الوضع وتعيش حالك من حال المولود في امريكا وشكد ما اشرحلك ما توصل للموجود في امريكا حياتنة بالعراق افلس ونص لاكن مو حيات  عبارة عن فد شي روتيني ممل اهنا الحياة اتصير حلوة اذا انتة عاجبك اتحليهة بس اهنا من جد وجد الحياة اكشن بس شي على شي انا بالنسبة الي راضي ابحياتي الجديدة وحامد الله وشاكرة تحياتي وعذرني خاف ماكو ربط ابعض الاصطر اما بالنسبة للسود ترة السود فقط عليهم صيت سيء جيراني سود واشوفهم ناس طيبين ما عدهم مشاكل وفقرة يرحون ويجون الشغلهم ولا فد يوم سمعت عرك منهم  وسكرمنتو بيهة اكثر شي المكسيكين  والسود بس هم ما شفت مكسيكين فد يوم اتعارك وهنا الششرطة اتشتغل امهنية وما تتهاون وية المجرم وخصوص المخدرات وعدهم هواي شرطة متخفية بالشوارع تفتر رغم ما ان الحكومة في كلفورنيا سرحت منهم 70 بالمئة واطتهم تعويضات لاكن اكو امان انا اشوف خصوص بوقات النهار اما يا اخي باليل افتر اشكد ما تريد ابسيارتك ولا توكف فقط للشرطة يعني اذا انتة ابسيارة امن على نفسك وفعلا اغلب الامريكان باليل كاعدين في بيوتهم مو من الخوف ابسبب اعمالهم في النهار وقت راحتهم باليل

اخي نصيحة لاسوي عقد 6 اشهر خصوص اجارك غالي والكاش التستلمة ما راح ايغطي اجارك ومنو ايكول راح تلكة شغل رئسن على الاقل تحتاج فد شهرين اتلاثة اتكمل كل اوراقك
ثانيا اخي انتة مو اخوك كفيلك خلي ياخذ عناوين مجمعات سكنية من ام المنضمة تقبل اتئجر كل شهر  ابشهر بدون ما ادور انكم عالي ثلاث اضعاف اجار الشقة
ثالثا انا عندي ثلاث اولاد وهل الشهر راح احول من شقتي الي اجارهة 1100$زائدا فاتورت كهرباء على الاقل 160$بسبب ان التدفئة كهرباء والطباخ هم كهرباء زائدا ادفع مال ماء وادفع مالت  تكرم نقل الزبالة 40$ وللعلم اغلب المجمعات ما تاخذ مال الماء والزبالة فقط هذا مجمعي التعبان وادفع مال انترنيت 40$ يعني احتاج 1260$شهريا كحد اعلى شوف اسويت هذا الشهر لان اهنا كلشي لازم ايكون مخططلة حتة ما تخلص افلوسك وحتة على الاقل تئمن نفسك للمرحلة القادمة ولا تنكسر من اول اشهر وتفكر بالرجعة للعراق وانا اخوك صاحب تجربة وستفاد من تجربتي وياريت الاخوة هم ايفيدوك ويساعدوك لان الغربة فقط تحتاج لغة وتحتاج انسان صبور وتمشي الامور انشاء الله
هسة راح اسولفلك اسويت وشلكيت
اول شي رحت الى دائرت الكهرباء اسمهة سماد واعترضت على ورقت الكهرباء وطلعلي سبب صرفي الزائد ونطاني تعليمات فادتني هواية وكال راح اشوف الفرق طلع العندي يصرف الكهرباء ويجرجني اربع اضعاف هو التدفئة مال البيت وانا كنت اخليهة على 85 مئوية طلعت تصرفاتكوم الكهرباء اربع اضعاف  المئلوف  الهذا السبب قللتهة حسب تعليمات الكهرباء الى 68 بالمئة وخليتهة على الاوتو حتة بعد ما اطفيهة لان من اطفيهة وشغلهة مرة ثانية هم تحتاج واط اعلة وتكوم تصرف من جديد فاخليهة دائما مشتغلة التدفئة  على الاوتو .....وطلبت من الموضف ايقصد علية الكهرباء هذا الشهر بما انه الفاتورة تجيني غالية فسئلني اشكد ادفع كتلة 40$ انا واكف قصطهة علية رجعت للبيت من الفيزا كارت سويت اكاونت اون لاين ودفعت منهة 8.2 يعني ثمانية دولار وزائد 2سنت لان اهنا السنت ايحسبو افلوس  وسويت تخفيض 30%بما انهو انا الدخل مالتي يعتبر لو انكم يعني التخفيض زائدا الاقتصاد بالكهرباء راح تجيني الورقة ما تجاوز 50 دولار انشاء الله حاليمن حال الجماعة الساكنين ابغير مجمعات التدفئة غاز وطباخ غاز تجي بالشهر اقل 30 دولار وغاز يجي فد 30 دولار لان الغاز رخيص في امريكة 
هسة اكتبلك تفاصيل الشقة الكيتهة طبعا اخذت من المنضمة العناوين مال المجمعات المدور عقود وقانونيات وهل السوالف لان اكتشفت كل الايجار والي يصير بيد المنجر مو بيد الحكومة هو مسئول عن الايجار مال الشقق ولان انتة جديد ولان الامريكان واحد يشتكي على الاخ ويخافون من اليسكن مع ثلاث اولاد وزوجة في شقة غرفة وحدة ايخافون يئجرون الة حتة لايشتكي عليهم وهذا الافتهمتة نصا من منجر احد المجمعات فسويت عقد الاجار فقط بسمي بدون ان اضيف اولادي وزوجتي والشقة اجارهة 550دولار ابنفس الشارع الاسكن بي واقرب الى مد رستي ومدرست اولادي والتدفئة غاز فقط الطباخ كهرباء وما يخذون افلوس على الماء ورفع الزبالة او التنضيف مال المجمع وخدمت الانترنيت راح اسويهة 10$بما انه عندي اطفال فقط ادفع افلوس نصب المودم والسيرفس الى شركت كومكاست هاي اذا المجمع الجديد يحتاج تدخل من الشركة مال كومكاست في حالت وجود عطل بالكونكشن مال الشقة
وقدمتلي عروض ام المجمع
اذا اسوي عقد وياهة 6اشهر تعفيني من نصف الجار 275$وتنطيني مال نصف شهر افري يعني اول شهر بدل ما ادفع 300$+550$=850$ادفع فقط 550$واذا اوقع وياهة عقد لمدت سنة ادفع فقط 275دولار لان راح تنطيني اول  شهر مجانا وراهة ادفع 550$بالشهر انا فضلت ادفع اول شهر 850$ وبعدين كل شهر 550$لان ادفع كل شهر ابشهرة احسن من العقد السنوي  الما اكدر اكسرة ويسويلي مشاكل مستقبلا ماديةوهاي نصيحة لاسوي عقد طويل ابو 6اشهر او سنة سوي عقد كل شهر ابشهرة وخلي اخوك ايدور ويسئل وايشوفلك مجمعات تقبل لو انكم وخلي ايصير كفيلك او امساعدت الكيس وركر على الاقل اول اشهر وخلي ايتعب نفسة وياهم ترة يوصل النتيجة تحياتي الك وارجو ما طولت عليك
ملاحضة ......انتة ابسهولة اتحصل شقة ام الغرفة وحدة لان انتة اصلن عائلتك صغيرة وبنك اينام وياكم
ثانيا خلي اخوك يتفق وية المنضمة يسستلم االولكم  مالتكم وهو يئجرلك وهو يئثث  ولائثاث اهنا ابرخص التراب المستعمل لو ينطو ابلاش لو تلكا محلات المستعملgood wall افلس ونص ولان المنضمة راح اتئثثلك كولة مستعمل تاخذة من موقع كركلست افري مال تبرعات ما راح ايكون بالمستوى المطلوب فخلي اخوك يتفقلك وياهم على الاقل يتبنى موضوع الاثاث وموجد ابكد ول افراشات جديدة امجيسة وانا ذبيت مال المنضمة ورحت اشتريت جديد امجيس افلس ونص تحياتي وباقي الاثاث تكدر تشتري اماعين وخواشيك من 99سنت او تري دولار وهاي هم محلات موجودة في كل الولايات ورخيصة تعتبر بالنسبة الى امريكا يعني طاوة تشتريهة من ولمرت 18$تلكا طاوة 99سنت سعرهة دولار وهية نفس العمل  اول تالي ما تبقة عندك اكثر من ست اشهر وتستهلك وتنذب واكو هواي امور تلكاهة امحلات رخيصة وتلكاهة امحلات غالية انتة من تجي الى امريكا اتريد تنجح فكر واختار واحسب تصرفاتك ومصروفاتك اتعيش ملك وما تحتاج احد انشاء الله

شكرا جزيلا اخي ودعائي للجكيع بقضاء الحاجات وسهولت العيش تحياتي

شكرا جزيلا وفقك الله على  عمل الخير تحياتي وحترامي

تحياتي الحضرتك وكثر الله من امثالك وجعلها في ميزان حسناتك وهذا شعورك الانساني يدل على مدى اخلاقك وتربيتك الحسنة اخوك ابوعلاوي
    كلفورنيا سكرمنتو

السلام عليكم الحمد الله وصلت  كلفورانيا وكيبورد ما بي عربي حتة اكتبلكم تفاصيل رحلتي انشاء الله بعد كم يوم اجيب من ايبي ستيكرات عربي وانا كولش فرحان وين كتة يالعراق مدفونين اهنا الحياة مو طبيعية بس كةلش غالية للمايشتغل وسهلة على اليشتغل والله هنايلة اليجي  لمريكا ويوم الي الله يسهل عليكم وتجون وشوفون ابعينكم  واسولفلكم على تفاصيل الرحلى انشاء الله من يوصلن الستيكرات العربي  تجياتي للجميع

احبتي واعزائي اشكر ردودكم الطيبة وانشاء الله السفر للجميع تحياتي الكم ودمتم سالمين  اخوكم ابو علاوي

تحيــــــــــــــــــــــــــــــاتي ياطيبين واسعد الله اوقاتكم اليوم رحت من الصبح واخذت جواز الوالدة والوالد وتئكدت من وقت الفحص ناس هواية جاية يعني من رحت 8الصبح طبو وجبة ومنرجعتلهم 12الضهر طبو وجبة ثانية وشفت عوائل عدهم موعد سفر وياخذون الحباية كان العدد حوالي 20واحد بين اطفال وعزاب وعوائل وهاي بشارة اكو تحرك بالملفات وسئلت الاخوة المسافرين طلعو مقدمين من عام 2009 و2010 وناس بيهم جدد 2011 بس ماشفت ولا واحد فرحان بالسفر ما اعرف ليش المفروض ايكونون مبتهجين بس اعتقد كثرت التفكير تفسد فرحت السفر وتحياتي للجميع وانشاء الله السفر بقرب وقت للجميع تحياتي الكم

يعني شيكولهم الرجال؟ انه مجرد شغله وية الامريكان يعتبر تهديد حتى لو فترات متقطعه بالاضافة الى شغل ابناءه و الي تعرضوا لتهديد و محاولة قتل؟

+1
+111111

يعني اني شفت بالموقع مال عين كاوه هذه نفسه تحدثو الاخوه انه اذا الامنيه رجعت انتظار يعنيهذا ختم الملف ماادري احد شاف هكذا موضوع لو بس اني طمنونه

+11111 هاي امنية ماقبل السفر انشاء الله شهر او شهر ونص اسمعون اخبار مفرحة وموعد سفر واكو حالات مشابهة الحضرتج وهسة همة في امريكا

يعني واحد يقرة ومدري يعلق على موضوع الاخ ما ادري يقرة ردود الاخوة الزاهية اتفوح منهة عطور الورد والياسمين والطيبة وقبول الاخر حتة هسة امريكا حيل فرحانة لان راح انجيبلهة ويانة ورد وياسمين ومحبة وءام الله كريم  وانا من اشد المعجبين بالقانون الغربي يسوة ابو قوانينا وعادات مجتمعاتنا ولا فوكاهة ننتقد المجتمع الغربي على اساس احنة عباقرة وكلنة فهيمين ابعلم الاجتماع بالعـــــــــــــــــافية

هسه نجي لشغلة الي ستفسرو على لهجتي الي همه الاخ نصيييير وروان  و جي اس ام
اول شي اني ماازعل طبعا وشكرا عالنقد او النصيحه بس اني محجيت شي سوري واذا حجيت فيجوز ماخذ لساني
طبعا اني عراقية
بس الفكرة عشت بسوريا سبع سنين واخر اربع سنين جنت بجامعه دمشق وبكليتي وبختصاي  ماكو ولا عراقي بالجامعه اكو شي ٤ بس يأختصاصي ماكو ابد ودوامي من ٧ لل ٧ العصر فعمدا ٤ سنين وهالوقت الكبير مع السورين اللسان ياخذ واتوقع مسألة احجي وياهم سوري لو عراقي فهيه مسألة شخصية يعني اني اختي تحجي عراقي ويه الكل عنفس مبدأك واني احجي سوري من جنت بالشام لان من احجي عراقي ميفتهمون عليه وبعدين جانو يحبون اللهجه العراقيه بالعكس وجانو يطلبون مني اعلمهم عراقي وفعلا علمتهم هواية مصطلحات عراقية
يعني مااتوقع الموضوع بيه مشكله اني عايشة ببلدهم واني اخضع لقوانينهم مو همه واني بطبيعتي مرنة ماعندي مشكله وارجع اكول هيه مسألة شخصيه يعني تعتمد على الشخص وطبيعة تفكيرة
بالمناسبة اني ويه العرب الي بامريكا دااحجي سوري لسبب واحد بس اني ميفتهمون شي عاللهجه العراقية واللهجة االسورية وصلت من خلال المسلسلات والدبلجه......وصارت مفهومة اكثر
بتمنى كون بينت وجهة نظري بالموضوع

اولا الــــــــــــــــــــف الحمد الله على السلامة ربي يسعدكم ويسهل اموركم وتحقيق الاماني صحيح بالبداية راح اشوفين صعوبة بالحياة بس مسئلت وقت بعدين من تختلطون بالناس اتحسون اكو فرق وتتعودون على  الحياة لاني جربت الغربة وعرفت اشون اتعامل وية الوضع في احلك الضروف وتعلمت اشون اعيش عادات وتقاليد المجتمع المحيط بية واحافض على ما املك من عادات وتقاليد شرقية اتعلمتهة ابصغري
وثانيا بالنسبة للغة سبحانه وتعالى علمنياهة وسيلت تعبير عن ما في داخلنا ونطانة قدرة على النطق اكثر من لغة في وكت واحد وطبيعي اذا ايصير خلط بين لغتين  راح ايكون بدون وعي نطق بعض الكلمات .....لان من كنت مترجم وبوقـــــــت الطائفية المقيتة المرت على العراق ولكوني كنت ابقا بالمعسكر تصل الفترة الى ست شهورطبعا  خارج بغداد وللعلم كنت ما اكدر انزل بالسيارة خوفا من اسمي ولقبي  لازم ارجع الى بغداد بالطيارة واركب طيارتين حتة ارجع واتحمل مشقت الانتضار مرات الى حد اربع ايام حتة اشوف بيتي والدتي  مرت علية فترة ما اعرف اتكلم  بدون مالفض كم كلمة انكليزي بدون وعي واعتقد اكو هواي اخوة يشتركون وياي ابنفس الفكرة فئنتي الله يساعدج 7سنوات وما نسيتي لهجتج العراقية طبيعي تلفضين كم كلمة من المحيط العشتي بي هاي الفترة تحياتي الج وطبعا حريتج الشخصية ومحد يكدر يفرض عليج فد شي بس من رخصت الاخوة الاعزاء الدخلو للموضوع والارجو ما ياخذون كتابتي على محمل شخصي رجاءا  ***********احنة العراقين ابطبعنة فضولين واندقق على تفاصيل جانبية سطحية ونترك المسائل الجوهرية في حياتنا وهذا سبب شللنة وعدم تقدم دولنة ولا مجتمعنا وهذا الكلام ينطبق فقط على الوطن العربي وبالاخص المجتمع العراقي بينما احد رؤساء الولايات المتحدة الامريكيا كان في شبابة مقدم طعام في مطعم وانتو تعرفون شيسمو بالعراقي (بوي)ويعتبرة المجتمع العراقي انسان فقير ونضرتهم الة بستصغار عكس المجتمع الغربي يحترم اليشتغل لو ابسط عمل ويحترمون انسانيتة قبل لا يقيمو على اساس عملة وتحياتي الج وانشاء الله اسعد الله اوقاتكم انتي والعائلة وارجو المعذرة خاف كتبت هواي وخطت وخربطت خارج موضوعج الي استفاديت من قراءتة اخوج ابو علاوي

شكرا جزيلا الاخت نور وانا راح اروح والله كريم وهمة المنضمة بعد ما تصلو وكل مرة عراقي يتصل بينة قبل الفحص ابيومين بس هذه المرة ولا واحد اتصل فقط موضفين اردنين ومن الله التوفيق للجميع ارجومنكم الدعاء حتة الله يسهل على اهلي وعلينة ونسافر

قصة حلو وفعلا القدر الة دور في حياتنة بس احنة ما نكدر نعترف ابهيج خزعبلات لان دوما نحسهة حسب مانريد اشون ما يعجبنة انفصصلهة وبعدين يطلع القدر صفح ويخرب كولشي انشاء الله انكون بعيدين على الاقدار السيئة ويكون الحض حليفنة تحياتي

[ابو علاوي عيني اني اجونه يعني امراه وليس رجل وكللنا شيصير وياكم انشالله خير]

ابو علاوي عيني اني اجونه يعني امراه وليس رجل وكللنا شيصير وياكم انشالله خير

عزيزتي واختنة الغالية عذرا لان ما كدرت الفض اسمج الصحيح انا قريتهة (اجونة) ****بمعنى ركضو علينة *** تحياتي الج انشاء الله شيصير وياهم اكتبة اهنا بالموضوع وانشاء الله الموفقية للجميع همزين اكروهم بالفحص احسن من السكتة

[لسلام عليكم بكل الاحوال روحو احسن ع الموعد المقرر لكم لان الحضور مو مثل التلفون ع الاقل اثبتون وجودكم فحصتو خير عل خير ماصارت استفسرو هذا رأي ولكم الاختيار والله يسهل اموركم]

السلام عليكم بكل الاحوال روحو احسن ع الموعد المقرر لكم لان الحضور مو مثل التلفون ع الاقل اثبتون وجودكم  فحصتو خير عل خير ماصارت استفسرو هذا رأي ولكم الاختيار والله يسهل اموركم

تسلمين  اختنة  الغالية  هو هم هيج راح انروح والله كريم

الــــــــــــــــــــــــــــــــــــــــــــــــــف الحمد الله على سلامتة وسلامت عائلتة والحمد الله صفت على الامور المادية حسبي الله ونعم الوكيل ربي يفرجلة ويهون علية مصيبتة اخوية خلي يراسل السفارة ويشرحلهم بالضبط اصار بي عسى ولعل ايزودو بمستمسك على الاقل يمشي بي بالشارع واذا اكو مركز شرطة حكومي سوري خلي ايقدم بلاغ على الاقل يثبت وقت الحادث وتفاصيلة وياخذ نسخة من الدعوة ايمشي بيهة امورة والله يوفقة ويسافر

خابري ع هاي الاراقم



ارقام ابن البيطار 

07702503459
07817945794
07904376906
07702504525
07800735533
07904376906
07803389125
07713891482
07817945794
07904376906
07702504525
07906494098
07817945794
07702503459
07702504525
07702503459

الله يوفقك ورحم الله والديك ياغالي

تحياتي اخوتي الاعزاء اسعد الله اوقاتكم نورتوني ابردودكم الطيبة وتسلمون انشاء الله الفرج القريب للكل وشكرا اخوية الفرج 2 والله يسعد اوقاتك في امريكا

السلام عليكم اخوتي بيت اهلي عدهم فحص طبي يوم الخميس المصادف واحد محرم اشون اخوان خاف عطلة ماكو احد عندة ارقام مستشفى ابن البيطار حتة انخابرهم يعني اخذ الاهل واروح خاف ماكو فحص وبحالت اجلو الفحص الطبي ايدزولنة اميل لو لا ارجو المساعدة واذا واحد عندة نفس الحالة من قبل ايفيدني بجوابة جعلها الله في ميزان حسناتكم تحياتي يا غالين والله يومفقكم

للاسف كولشي ميفيد لو حتى هسه متزرف طلقات

انصحك سوي بلاغ و اسحب معلومات الرقم الي ديهددك من شركة الاتصالات

+++1

اخي العزيز

تروح للسفارة العراقية وتسوي وكالة بتسجيل البيت باسمك وتوديها بالبريد ... وهاي هيه .

انا لاجئ وموجود حاليا في امريكا . ابي يملك بيت في بغداد ويريد ان يسجل هذا البيت بأسمي فهل يجب علي الحضور الى بغداد ام يستطيع ان يقوم هو بالمعاملة لوحده.
علما بانني احمل الكرين كارد فقط وفي حالة العودة الى العراق سيشكل ذلك مشكلة مع دائرة الهجرة في امريكا وقد تؤثر سلبا على حصولي على الجنسية.
ما هي الاوراق المطلوبة والتي يجب ان ارسلها له ؟
الرجاء من الموجودين في العراق او خارج العراق ومروا بمثل هذا الضرف ان يساعدوني.+1111

الرجاء من المشرف عدم نقل الموضوع الى منتدى اخر قبل ان يتم الجواب عليه من قبل الاعضاء.
ولكم جزيل الشكر

هاياشكد عيب  الشتايم وتجاوز على حقوق الاخرين وانتو اتحبون البلد واحنة نكرهة لان البلد العايشين بي اخلاق الناس عالـــــــــــــية كلش بحيث الشرطي بالشارع ايقدملكم ورد ومن يمشي المسئول بالرتل ايسلم على الناس وينطي السبير مال سيارتة لواحد ابنجر وما عندة اسبير وابو الحصة مايبوك بالميزان ومن ترحون اتراجعون الدوائر ايفز المدير من مكتبة حتة ايتابع وين وصلت المعاملة مالتك وابو المولدة مايبوك الخطوط ولا يروح ايكطع وايرات غيرة لو يطفي المولدة ويكول عطلت وهو بايع حصت الكاز ولا ابــــــــــــــــــــــــد اجاوزتو على موضوع اخونة همر الرجل يستغيث بالناس عسى ولعل انسان يكدر ايساعدة ويحطة على اول الطريق حتة ايكمل حياتة ابكرامة وهسة العراق صار ابراسة خير وحنة الندور طلعة بطرانين شر البلية ما يضحك وينة الاداري الاداري وينة اريد افتهم اتخلي نماذج تغلط على العام اما انضار الكل وانتو ابد ما تابعون المواضيع التصعد رددودهة فوك 50 بقل من يوم يعني هاي هم يرادلهة علم زين وين خاصيت حضر العضــــــــــو اليغلط فهموني زين انتو  التحجون بالمثاليات ليش ما بالبداية اطبقوهة على نفسكم حتة نقتدي بيكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بس اكول حسبي الله ونعم الوكيل العراق هو خربان مو اليوم والبارحة صارلة قرن من زمن هدام والقبلة والاجو ورا ولل يوم انشاء الله ربي ايصلط عليكم الايرحم حتة من تحجون اتراقبون نفسكم مو تبدون ارائكم وانتو شتايمكم واصلة لخوت موزة هاي تردون اساعدون الولد ؟؟؟؟؟؟؟؟؟خوش ساعدتو وانطيتو صورة جيدة للينتضرة من يرجع للعراق ربي اليوم قبل باجر اسافر واعوف العراق والبي وانشاء الله عن قريب اريـــــــــــــــــــــد اشوف اشون امريكا طايح حضهة وجوهة ملوث وناس ما عدهم لا ذمة ولا ضمير اريد اشوف ابعيني

الله يكون ابعونكم ترى العراق مو مثل قبل اشو احنا عدنا كهرباء 24 ساعة ولا تطفة طبعاً وطنية ومولد والحياة طبيعية انتو دتشوفوها ماكو تفجيرات وأمان والناس كاعد تشتغل وعايشه هاي حقيقة العراق ,,, بس احنا ضايجين من العراق اريد نطلع انشوف العالم ,,, وطبعاً هذا الشي صحيح اريدة بس بعدين من نطلع ونشوف ونشبع انفكر نرجع لبلدنا ,, بس صدكوني ماكو شي احلا من العراق صحيح شفنا الضيم بي بس هسه الحمد لله يعني ماكو لا قتل ولا تفجيرات وهذا شي ارتاحينه منه والحمد لله القانون فوق الكل,, واهم شي الواحد من ايكون ابلدة ايكون مسيطر لان اقربائة واهلة داير مدايرة ويحس ابروحة مسيطر بكلشي يعني من ايروح الى دائرة او من يمشي بالشارع مسيطر لان هوة ابن البلد يعني شيريدون ايسولة ,, بينا بالغربة اتحس بروحك انت وحيد ومحد ابحالك وثكيل على المعدة مثل منكول ,,,, هسه اني بيت عمتي وبيت اختي صارلهم 20 بامريكا وكندا ايريدون يرجعون لان ايكولون منلحك على كلشي نركض 24 ساعة ويارت انحصل العيشة يعني تعب بتعب وفوكاهه الحكومه الضرايب هواية تاخذ منهم وغرامات وتاكتات دك عليهم وكلشي غالي والرواتب كولش قليل يعني سد بسد ميكدرون يجمعون هاي حقيقة اني داحجية صحيح اني مطالع من العراق بس هذا الشي اهلي شافو والحمد لله على كولشي .... اخوكم علاوي

مو من حقي اعلق على تعليقك بس اسمحلي انا ابن بغداد يوم الخميس الفائت  طبت للمنطقة خمسين سيارة مدنية تفتر وتضرب طلقات وسقطو ثلاث سيطرات بمعنا مو كتلوهم وانما الجماعة الشرطة الاتحادية انسحبو وما ادخلو وانتة شوف الامان الحنة عايشين بي سيارة ايسوقهة مدني امطلع اكلك من الجامة ويدكون هورنات ويصيحون همة صحيح بس استعرضو وما خذو احد بس حسب حساباتي وخبرتي بالعراق والعراقين الاغلبية الالناس الضعفاء ماكو واحد يجرء ويجيب طاري افلان لو يكول وين الدولة عنهم والناس كامت تحجي ابكيفهة ناس اتكول ذولة بالحكومة وناس اتكول ذولة تابعين لفلان وما تدري وين الصدك انا عن نفسي كنت راجع للبيت وصار الموقف اكبالي والساعة عشرة ونص باليل وموقف كان جدا تعبان وانا حيل اضايقت لان كانو مادين مسدسات من الجامات يعني افرض ابطسة ايدوس الزناد بالغلط ويجطلني بالشارع هاي الاحداث يوم الخميس ابمنطقت الرسالة وكم منطقة ابصفهة اما ابخصوص الكهرباء يا حبيبي كل سنة مثل هيج وكت تستعدل الناس ما شغل صوبات وهيترات وما شغل السخانات هواي وما تحتاج للمكيفات فقط  هل الشهرين 11 وال12 وبعدها راح نتونس على القطع المبرمج كل 12ساعة تجي ساعة ابخصوص الوضايف بس شرطة وجيش لو واسطة لو حض لو تدفع افلوس ابخصوص المنحة اربع ملاين ابشرط ترجع الى مكان سكناك وجيب تئيد من المختار واكدر اساعدك ابهذا الموضوع لان عندي صديق بالحارثية على المهجرين يكدر ايساعدك وينطيك تفاصيل اكثر اذا اتحب طبعا هذا قاراك ومحد يعترض انتة فقط تحتاج الحض من تقدم على شغلة بس لو جوة ايدك كم فلس كان الحياة اسهل الك اصير وانتة وين عايش اذا بسكرمنتو حتة اوديلك رقم اخوية سيف وانشاء الله ايشوفلك جارة اذا الله يسهل الخاطر الحجي والحجية واخيرا القرار قرارك احنة فقط نكدر انطيب خاطرك لان انتة بعيد علينة اما العراقين داخل العراق هم اتغيرت نفوسهم يعني من ترجع هم راح اتحس ابغربة وصعوبة اتحصل عمل  تحياتي

عزيزي الغالي همر الله يوفقك وتلكة عمل وهم الي رجعة الموضوعك وانشاء الله تلكة حل وارجو من الاخوة ان مايقصرون لان كولنة في مركب واحد واليكدر ايساعد حتة لو ابنصيحة لا يبخل علينة تحياتي الكم للرفع وطلب المساعدة

الــــــــــــــــــــــــــــــــــــــف الحمد الله على السلامة  ربي ايسهل امرك عمي انتة اذا وحدك شوفلك روميت بس كون عيونهة زرق وشعرهة اصفر هم اساعدك بالسكن وهم اتخفف عنك الوحدة وانشاء الله انشوفك مهندس بمريكة   بس مو تنسة لازم فول مواصفات عيون زرق وشعر اصفر

وياكم على الواهس انا عندي ملفين الاول ملفي 112 والثاني ملف اهلي 111بيهة مجال اهلي يبقون وية 112 لو انزلهم من الباص مالتك 112 انشاء الكل اسافر والله كريم

الله يكون ابعونكم ترى العراق مو مثل قبل اشو احنا عدنا كهرباء 24 ساعة ولا تطفة طبعاً وطنية ومولد والحياة طبيعية انتو دتشوفوها ماكو تفجيرات وأمان والناس كاعد تشتغل وعايشه هاي حقيقة العراق ,,, بس احنا ضايجين من العراق اريد نطلع انشوف العالم ,,, وطبعاً هذا الشي صحيح اريدة بس بعدين من نطلع ونشوف ونشبع انفكر نرجع لبلدنا ,, بس صدكوني ماكو شي احلا من العراق صحيح شفنا الضيم بي بس هسه الحمد لله يعني ماكو لا قتل ولا تفجيرات وهذا شي ارتاحينه منه والحمد لله القانون فوق الكل,, واهم شي الواحد من ايكون ابلدة ايكون مسيطر لان اقربائة واهلة داير مدايرة ويحس ابروحة مسيطر بكلشي يعني من ايروح الى دائرة او من يمشي بالشارع مسيطر لان هوة ابن البلد يعني شيريدون ايسولة ,, بينا بالغربة اتحس بروحك انت وحيد ومحد ابحالك وثكيل على المعدة مثل منكول ,,,, هسه اني بيت عمتي وبيت اختي صارلهم 20 بامريكا وكندا ايريدون يرجعون لان ايكولون منلحك على كلشي نركض 24 ساعة ويارت انحصل العيشة يعني تعب بتعب وفوكاهه الحكومه الضرايب هواية تاخذ منهم وغرامات وتاكتات دك عليهم وكلشي غالي والرواتب كولش قليل يعني سد بسد ميكدرون يجمعون هاي حقيقة اني داحجية صحيح اني مطالع من العراق بس هذا الشي اهلي شافو والحمد لله على كولشي .... اخوكم علاوي

مو من حقي اعلق على تعليقك بس اسمحلي انا ابن بغداد يوم الخميس الفائت  طبت للمنطقة خمسين سيارة مدنية تفتر وتضرب طلقات وسقطو ثلاث سيطرات بمعنا مو كتلوهم وانما الجماعة الشرطة الاتحادية انسحبو وما ادخلو وانتة شوف الامان الحنة عايشين بي سيارة ايسوقهة مدني امطلع اكلك من الجامة ويدكون هورنات ويصيحون همة صحيح بس استعرضو وما خذو احد بس حسب حساباتي وخبرتي بالعراق والعراقين الاغلبية الالناس الضعفاء ماكو واحد يجرء ويجيب طاري افلان لو يكول وين الدولة عنهم والناس كامت تحجي ابكيفهة ناس اتكول ذولة بالحكومة وناس اتكول ذولة تابعين لفلان وما تدري وين الصدك انا عن نفسي كنت راجع للبيت وصار الموقف اكبالي والساعة عشرة ونص باليل وموقف كان جدا تعبان وانا حيل اضايقت لان كانو مادين مسدسات من الجامات يعني افرض ابطسة ايدوس الزناد بالغلط ويجطلني بالشارع هاي الاحداث يوم الخميس ابمنطقت الرسالة وكم منطقة ابصفهة اما ابخصوص الكهرباء يا حبيبي كل سنة مثل هيج وكت تستعدل الناس ما شغل صوبات وهيترات وما شغل السخانات هواي وما تحتاج للمكيفات فقط  هل الشهرين 11 وال12 وبعدها راح نتونس على القطع المبرمج كل 12ساعة تجي ساعة ابخصوص الوضايف بس شرطة وجيش لو واسطة لو حض لو تدفع افلوس ابخصوص المنحة اربع ملاين ابشرط ترجع الى مكان سكناك وجيب تئيد من المختار واكدر اساعدك ابهذا الموضوع لان عندي صديق بالحارثية على المهجرين يكدر ايساعدك وينطيك تفاصيل اكثر اذا اتحب طبعا هذا قاراك ومحد يعترض انتة فقط تحتاج الحض من تقدم على شغلة بس لو جوة ايدك كم فلس كان الحياة اسهل الك اصير وانتة وين عايش اذا بسكرمنتو حتة اوديلك رقم اخوية سيف وانشاء الله ايشوفلك جارة اذا الله يسهل الخاطر الحجي والحجية واخيرا القرار قرارك احنة فقط نكدر انطيب خاطرك لان انتة بعيد علينة اما العراقين داخل العراق هم اتغيرت نفوسهم يعني من ترجع هم راح اتحس ابغربة وصعوبة اتحصل عمل  تحياتي

احـــــــــــــسن خطوة وهذا اخوية العايش في كلفورنيا بس ايريد جكاير ايكول من تجي جيبلي فد 40تكة كلواز اصفر لو اي جكاير حارة اشوية والله خبلني ياريت الله يهدي ويتركهة بس نصيحة ابتعد عن المدخنين وحاول تركض الصبح او تروح للجم وكثر شرب الماء حتة شكو كاربون وقطران يبدب ينسحب من جسمك وانشاء الله اشوف فرق ابصحتك وحركت جسمك لان راح ازيد نسبت الاوكسجين بالدم وبالمقابل راح اتكون عندك طاقة زايدة وراح يبدي وزنك يصعد انشاء بعد ماترجعلهة هما اتكون الضروف وتحت اي ضغوط

اخي العزيز  حسب معلوماتي المتواضعة ولان انا فاحص مرتين اشوف دخول الاخوة المسافرين لاخذ الحباية الساعة وحدة الضهر  وانتة هم اتئكد من الموعد الانطو الكم  اتروح من الصح احسن هم ايشوفون اسمهم بالمستشفا اما اذا ما خذين الحباية وما تصلو بيهم على موعد القاء في ساحة عباس ابن فرناس نصيحة اخوية يرحون الثامنة صباحا حتة ايشوفون ابو المنضمة ويشوفون  اسمائهم وان شاء الله نسمع اخبار حلوة وتكتبلنة تفاصيل وصولهم تحياتي

تحياتي الك والشعورك الطيب اتجاه الناس  لان كل ما اشوف احد ايسوي خير ابهاي الدنية ايصير عندي امل فد يوم انعيش ابعالم مثالي مبني على المساعدة وعمل الخير بدون مقابل الله يكدرنة على عمل الخير انشاء الله للجميع

الله يصبرك انشاء ويحفضكم ويحفض باقي العراقين في سوريا  للرفع والمساعدة وينهم اهل الخبرة اخونة محتاج المشورة لا تقصرون

اخواني الكرام السلام عليكم ورحمة الله

طبعا مثل ما تعرفون العالم كلة الان يتحدث عن اعادة انتخاب اوباما وتداعيات ونتائج هذا الامر على العالم بشكل عام وعلى العالم العربي بشكل خاص وعلينا احنا كعراقيين بشكل اخص من الخاص

اليوم احد اصدقائي على الفيس بوك كتب تعليق عن فوز اوباما وآثار هذا الفوز وطبعا من وجهة نظر شخص صارلة 3 سنين بامريكا فحبيت انقل الكم الكلام واتمنى نستانس بآرائكم وتجاربكم

نص الكلام:

تمنيتكم تكونون اليو بامريكا حتى تشوفون العنصرية على اصووووولها ..طبعا الجمهوريين الي هم جماعة بوش وجوههم سووووده وقسم منهم اصلا اساتذه ما اجو للدوام اليوم والي اجو ميحجون وضايجييييين ..الديمقراطيين اليو م كانو فرحانين بس ضايجين من العبارات المو حلوة الي سمعوها من الجمهوريين المعادين لاوباما ..
الفرق بين الاثنين اذا متعرفون انه اوباما معتدل نوعا ما واعترف انه امريكا مارست وتمارس دكتاتوريات ضد العالم وكال هالكلام لما اجا بزيارته للعالم العربي (الي يسموها الجمهوريين زياره الاعتذار) وهاجمه رومني (المنافس الجمهوري مالته) علمود هالشغله بالنقاش الي صار بيناتهم قبل اسبوعين وكاله انت رحت زرت العرب وكلت احنا دكتاتوريين واحنا مو دكتاتوريين احنا نحرر العالم من الدكتاتوريات(كالها طبعا بلهجة الكاوبوي) ورجع كاله انت رحت تزور العالم العربي ومازرت اسرائيل اقرب حلفائنا.
الفرق بين الاثنين بالسياسه الداخليه انه اوباما اشتراكي يريد يزيد الضرائب عالاغنياء حتى ينطي تامين صحي كامل للفقراء ..الجمهوريين يكولون لا اذا انت متشتغل متاكل وطبعا رومني المرشح الجهوري هو من اكبر اغنياء امريكا بس ميريد يسوي تأمين صحي للامريكيين لان امريكا طامسه بالديون على كلامه ومتكدر توفر هالشي لشعبها ...على مستوى السياسه الخارجيه اوباما يكول احنا منحارب الا اذا اضطرينا بس رومني يحكي بلهجة راعي البقر ويكول احنا الاحسن والاقوى ولازم يصير عندي دور بكل شي يصير بره امريكا ولازم نوقف الشعوب الثانيه عد حدها اذا حسينا من قريب او بعيد انه هي ممكن تأذي امريكا او اسرائيل (شخص عنصري بشكل مخيف ويريد يطرد المكسيكيين الي صار عدهم اولاد واحفاد وصارلهم سنوات بامريكا يخدموها وما اخذو جنسيه ولا معترف بيهم لان دخلو بطرق غير مشروعه من عشرات السنين)..المهم احنا المهاجرين اليوم كنا كلش فرحانين لان عرفنا عالاقل انه محد ممكن يهدد وجودنا بامريكا عالاقل الا ان ناخذ جنسيات وبعدها محد يكدر يسوي شي ضدنا

+1فعلا انا خابرت اخويــــــــــــة البارحة في كلفورنيا عايش وكان جدا فرحان افوز اوباما

عزيزي لا تحزن وكلنة اشتغلنة انا اشتغلت مترجم وبعدين بالشركات الامنية وبعدين رجعت مترجم وبعدين اخذت ستور صغير اب معسكر ابغداد وبعدين انسحبو الامريكان وبعدين اشتغلت على حمايت الشخصيات عقد وبعدين هم بطلت واشتغلت هسة ابشركة بريطانية بالخضراء وهية هاي حياة الانسان للعلم انا عندي ثلاث اولاد وعمري 35سنة وناوي من اوصل كلفورنيا راح اقدم على الجيش اذا الله هداهم وقبلونيي حتة ارتب اموري واخوك واجه الموت والحياة ابغداد هواية ولا غيرت موقع سكني ولا هم يحزنون وذابهة على الله بس شغلة وحدة ما متندم عليهة ابكل المكانات الشتغلت بيهة ما انطيت اسمي الحقيقي ومن اشتغلت من عام 2003 ولحد الان ما صادقت احد من جيراني فقط السلام ومحد يعرف بية شنو مذهبي وساد بابي وكاعد وساكت من اخذ عطلة من العمل بس يبقة هاجز الخوف على اولادي فقط انه ايواجهون مصير مجهول بالعراق انتة هسة وصلت الى امريكا المفروض نهايت المطاف وتخطط اتكمل باقي 30سنة الجاية بمريكا ونسة العراق وانسة الماضي لاتخلي يثقل عليك وحنة العراقين معروف علينة التحمل وانشاء الله اتكون كد المسئولية حتة اتعين زوجتك وطفلتك الجاية لازم تتحمل وادعيلك بالموفقية واذا انتة عايش في سكرمنتو وتحتاج مساعدة راسلني على الخاص وانطيك رقم اخوية وانا اعرفة مايقصر انشاء الله ولو العراقين الهناك اذو هواي بس هو داءما ايقول مو كل اصابعك سوة اما ابخصوص البنوتة انشاء الله يربي يكتب السلامة الهة وامهة اخوية بتة سماهة سارة وهسة عمرهة 10 اشهر اسم يقبل ايكون عربي ويقبل ابنفس الوقت ايكون انكليزي تحياتي الك

يعني شحجي شقول بعـــــــــــــــد فعلا امريكا حلم المهجرين والباحثين عن الحرية ومستقبل افضل امريكا كتلت عطاء

الف مبروك وعلى الخير تستاهل والله يوفقك انشاء الله تحقيق الاماني والنجاح

اخوية العزيز وراهة حالت السفر اصير انتضار وتحسب شهر او اقل يتصلون بيك على موعد رحلة انشاء الله خلي تيلفونك قريب عليك لان انتة هسة بديت بالعد التنازلي تحسب ايام وانشاء الله القاء وية اهلك عن قريب تقبل تحياتي

انتة الغــــــــــــــــــــــــالي صبرا جميل

يمعودين دمرتونه دكافي عاد بس تنزلون بالمواضيع التعبانه الي تخرب واهسك من كلشي مو انتو عايشيين بامريكا ومتنعمين بالامان والحياة الحلوه والطبيعة واضربون بالرواتب والمساعدات وتجون للموقع تبجوووون بوجه العباس دكاااااااااااااااااااااااافي عااااااااااااد يوم واحد يكلي الولايات التنظيفية وواحد يكلي ديحوني المنظمة وانوب جايني واحد منزل موضوع مال تنظيم القاعده مقارنه بين المراه المسلمه والغير مسلمه دروووووووووووووووووح يمعود لتخليني احجي مو واصله للسماء بالدول العربية المسلمه والعاقل يفتهم . رحمه على والديكم كلمن ضايج بامريكا اني مستعد ابدل ويا حتى لو عايش بالقطب الشمالي زين . هيج صار العراق جنه !!!!!!!!!!!!  ودطلعون مساوئ امريكا ؟؟؟؟ شو واحدكم جان قبل ميطلع يجي لعينكاوه يبجي ويلطم (مو الكل طبعا) . مختصر مفيد عمي  تره عايشييين بجحيم بالعراق فشمتكون امريكا هي احسن من العراق زين لو لا . وبعد لحد ينزل اي موضوع مزعج حتى لو ضربوا بالجلاليق بامريكا . 

حبايبي اخوتي و خواتي هذا موضوع كتبه احد الاصدقاء عالفيسبوك اتمنى يعجبكم و همينه احيي صاحب الموضوع ...


الى كل ( البــكــّـائين ) خارج العراق

بس تعال .... جديرة بالقراءة

كتبت لصديق لي في بغداد رسالة بأنني مشتاق لبلادي وترابها وجمالها فأجابني بالآتي:

والله لعبت نفسنا من هاللغووه:ـ
مشتاق لتراب بغداد؟ .... لويش تشتاق للتراب يابه؟ حضرتك وسخ ومتكدر تعيش بليه تربان؟ و اذا عاجبك ، ادزلك شويه منه بالقوطيه ويوميه تمرغل بيه وين متكون ، واذا خلص مو مشكله، هسه الصين تسويلك تراب بغدادي اصلي.

مشتاق للمسكوف!!! هسه هاذي المشكله؟ المسكوف موجود بهوايه دول باوربا و امريكا و كندا !!!
وعلى أبو مسكوف بغداد غير شكل...انهجم بيتكم...على اساس چنت يوميه غاط بالنهر ومطلعلك گطانه بطولك وساگفها، اسكت بابه، لا تخليني احجي!!!

مشتاق لدجله!! تعال شوفه يمعود ، صاير دهله وكله جزرات وجثث بشر وحيوانات.

اشتاق للخبز بالتنور !! لعد من چنت تتزقنب ببغداد صمون الاعاشه و العيش اللبناني وناسي الخبز بالتنور ليش؟،،،
وهم مو مشكله تعال و اتزقنب خبز الى ان تنفخ من البيكنباودر اللي بي، لو عبالك يسوون هنا الخبز بالخمرة؟؟؟.

اشتاق لهوى بلادي !!! ايباااااااااااااخ على اساس هوه بغداد رب النقاوه و النظافه ،، دتعال
واشتم الهوى ، متعرف شنو الريحه اللي تجيك، ريحة سماد لو ديزل؟

اشتاق لسما بلادي !!! هي وينها السما ؟؟ اصلا متبين من الترابه.
بس تعال..

البطرانين من العراقيين أمثالك، ممن يعيشون خارج هذه الخرابة ، يتذمرون ، ويتمضيقون غاية التمضيق ، فتجدهم يصرحون – والعبرة تخنقهم – بأن تمرة من نخلة عراقية تعادل الدنيا وما فيها ! ... هؤلاء عليهم : أن يراجعوا أنفسهم قليلا ً ، ويعلموا أننا نستورد التمر من السعودية ، حالنا حال الشقيقة أرتيريا ! .
وليعلموا جيدا ً أن : شارع الرشيد لا يعادل مزبلة في باريس وما فيها ، و ( التمشي ) عصرا ً في ( سوق الثانيه ) لايعادل إطلاقا ً ( الكزدره ) على كورنيش بيروت الساحر .. والبنات الحلوات في بغداد كلهن مجودرات ومتشوف غير عينتين وما تدري هاي مرة لو رجال، أما الساحة المقابلة للأمام الأعظم تعتبر مزبلة قياسا ً بأي مبولة عامة في لندن.

أما الجبايش فحدث ولا حرج. دعونا من المبالغات رجاء ، فكمية البق الموجودة في جزر الجبايش العائمة تعادل سكان الصين مرة ونصف والذبان بعد أكثر! .
لا أدري ما الذي أصاب هؤلاء البكائين الفاشلين في الانسجام مع مجتمعاتهم الجديدة ، ولماذا يصدعون رؤوسنا ليل نهار بالحنين إلى هذه ( الجيحه الجايفة) ! فليأتوا إليها ونذهب نحن مكانهم ، لننعم بالأمان والقانون والرعاية الاجتماعية والصحية والجيز بيركر ماكدونالد والبيتزا هوت والكنتاكي فرايد جكن والفواكه والحلويات! .
وليشبعوا هم هنا من : الكباب والصمون الحار والطرشي والطماطه شوي ، والأسكنجبيل ولبن أربيل لو أحبوا ، والطابك والسياح والتمن وقيمه ، والسمك المسكوف والباجة والممبار ، والباقلاء بالدهن الحر ، وقيمر السده .. وتعده.. بكتريا لبو موزة!

تعالوا .. حيث الشيب قبل أوانه ، والبواسير وقرحة المعدة ، والضغط والسكري وداء الشقيقة، تعالوا حيث يحصد ما يسمون بالمجاهدين المسلمين من حفظة القرآن يوميا، يومياً، يومياً العشرات من أرواح الناس الابرياء ، ويخلفوا الأرامل واليتامى والأمهات الثكلى ، وذلك انتقاما ًمن منع 9 عربيات من ارتداء الحجاب داخل المدارس الحكومية الفرنسية ! أو لعدم مناصرة عبد الله المؤمن ! يمعود، د فك ياخة......

بس دتعال!!!..

متت من الضحك طلعت الجكاير من خشمي هههههههههههه والله هذا الكاتب اخو خيتة عاشت ايدك صبرا جميل على النقل تحياتي الى كل الاخوة والاخوات وخلونة اشوية ننسة من ماضينة الاضلم ونلتفت المستقبلنة القادم  يشع نورانشاء الله السفر للجميع وانا منهم تحياتي الكم

السلام عليكم انا هم عدت الفحص الطبي وطلبو مني الجوازات مال العائلة كاملة وكان بالتحديد 8\7\2012 والموضف خابرني وقال هاي اخر فحص طبي للعلم انا مقدم من 2010 وكانو امحدديلي موعد سفر 27\5\2012 وانلغة في 25\5\2012 ولليوم ماكو شي انشاء الله ابشارت خير ويكون فعلا اخر فحص طبي الكم

الــــــــــــــــــــــــــــف مبروك انشاء الله توصل بالسلامة وربي يسعد اوقاتك ب عندس استفسار من اطوك خط الرحلة  اتغيرت حالت الملف عندك يعني خانت السفر اصبحت فعال لو بقت انتضار وهم دزولك اميل وشكرا

اشكرك اخوية الغالي ابو دينا وتحياتي الك ونورت الموضوع ابوجودك هسة اطمئنيت لان ردت اعرف كل الولايات نفس البركرام  لو اكو اختلاف من ولاية الى اخرى تحياتي الحضرتك واسعد الله اوقاتك

ننتضر  ررررررررردودكم الاخوة الوصلو حديثا الى امريكا واكون ممنون الكم

من تستلم الرسالة ونص الرسالة انه نوع الربط بينكم خفيف ما يحتاج الفصل يعني ياهو امنيتة تكمل ايسافر وتحياتي الك ارجو ان اكون فدتك وهاي الصار وياية عن تجربة

السلام عليكم  اخوية تكدر اتراسل المنضمة اول مرة تعرف طبيعة الربط بين القضيتين وانا سويتهة لاني مقدم مع اهلي كل واحد رقم قضية ويكون نص الرسالة كل الاتي
سيدي ,سيدتي
اسعد الله اوقاتكم اشكر جهودكم المبذولة وعملكم المتواصل بقضايا المهاجرين واشكر دولت الولايات المتحدة الامريكا لتفضلها وقبولي بصفت لاجئ ويسرني ان اكون مستقبلا احد مواطنيها
استفساري عن نوع الربط بين ملفي (الاسم مع الكيس نمبر)وملف اخي (الاسم مع الكيس نمبر )هل هناك ربط قوي وان وجد هل استطيع فك الربط دون التئثير على مجريات سير القضيتين شاكرا لكم سرعت ردكم ...
راح تستلم رسالة منهم اذا كان رد المنضمة على هذا النحو ....
Dear Sir/Ma`am
 
Thank you for your Email,
 
Please note that your cases IZ-112/IZ-111 are linked together as soft link.
 
Please make sure to provide us with your final decision regarding keeping the link between your cases of removing it.

up وونتضر المساعدة

up

السلام عليكم اسعد الله اوقاتكم سؤال محيرني واليوم احد الاخوة نبهني علية ابخصوص مدارس الاولاد او وثائق الاولاد المدرسية يعني مثلا صاحب العائلة عندة اطفال في الابتدائية اشون يحتاج ياخذ وثائقهم ويترجمهة وبعدين ايروح للتربية يختمهن وبعدين ايروح الوزارت الخارجية ايصدقهن لو يروح وهناك على اعمارهم ايوزعوهم للصفوف ارجو المشاركة لكي تعم الفائدة للجميع وانتضر ردودكم اخواننا اصحاب العوائل الوصلو حديثا الى امريكا وشكرا لكم

up

up اذا اكو احد ايساعد جعلها الله في ميزان حسناتة

الف مبروك يارب حياة جديدة بعيد عن كل منغصات الحياة تحياتي وسؤالي كلواحد كم جنطة ؟؟؟؟

السلام عليكم اخي ابو علاووي عيوني يوم 15 يصادف خميس وليس جمعة عاادي يروح الخميس
ياخذ الحبااية

تحيااتي

تسلملي يا غالي مو هو صديقي الحاسب واني اعتمدت على كلامة واشكرك والله هذا الموقع رحمة ونور ابوجودكم وانا راح انقلة نصا انه يوم 15 يصادف يوم خميس وشكرا الك

[مرحبا ابو جاسم من خلال تجرتي لان اني مقدم اي او ام .. وقدمت لكثير من اصدقائي ( قسم منهم حاليا بامريكا ) ,,اني اكول دز كل اوراقك الثبوتية + الجواز + الباجات + التوصيات (ريكمونديشنات ) ( اذا عندك ) + عقود العمل ( اذا عندك )+ الجوازات لكل من تحب ان تاخده وياك . بهااي الطريقة راح تخلص من طلباتهم ,, يعني كل الي راح يطلبوا منك انته دازة بالبداية تحياتي]

  مرحبا ابو جاسم

من خلال تجرتي لان اني مقدم اي او ام .. وقدمت لكثير من اصدقائي ( قسم منهم حاليا بامريكا ) ,,اني اكول دز كل اوراقك الثبوتية  + الجواز + الباجات + التوصيات (ريكمونديشنات ) ( اذا عندك ) + عقود العمل ( اذا عندك )+ الجوازات لكل من تحب ان تاخده وياك . بهااي الطريقة راح تخلص من طلباتهم ,, يعني كل الي راح يطلبوا منك انته دازة بالبداية
 تحياتي 

+1

صديقي العزيز ترة ابو المنضمة مايدري همة دورهم ايكملون اواراقك عند وصولك الى الولايات المتحدة الامريكيا وانا متئكد من كلامي لان اخوية عايش في كلفورنيا كول مايروح او  يخابر المنضمة عن حالت ملفي يجاوبو انه احنة اهل الكيس نمبر ندري قبلهم ابفترة على الاقل عشر ايام وهذا كلام اخوية نصا وتحياتي الك

الاخ العزيز صاحب الموضوع قصت صديقك نفس قصت صديقي خابرو قبل يومين وانطو موعديوم 18 ابهذا الشهر والخابرا حسب اتصالة انه يروح يفحص بالوحدة الضهر يوم 15ابهذا الشهر ويوم 15 يصادف يوم جــــــــــــمعة وهو هم كلفني اسئل بالمنتدى اكو فحص طبي قبل ثلاث ايام قبل السفر وهل من المعقول مستشفى ابن البيطار يوم الجمعة امفتحة والله اعلم هو راح يسئل بالمستشفى باجر يوم الجمعة ايروح بالوحدة ويشوف شنو الوضعية ومن يرجعلي خبر انشاء الله ارجعلك خبر واطمنك وانشاء الله السفر القريب الصديقك تحياتي

الحمد الله على السلامة وانشاء الله الموفقية بس ابخصوص الحقائب اتصولو على صديقي وبلغو لكل شخص عمرة اكثر من سنتين ياخذ حقيبتين وزن الوحدة 23كيلو اكو هيج شي ؟؟؟؟؟؟؟
وسئوالي الثاني الحضرتك ولو ثقلت عليك  اتحملني رحم الله والديك ابخصوص الاتصال الاول وتبليغك بالسفر كان عن طريق موضف من عمان قبل سفرك ابكم يوم  اتصل ينطيك خط الرحلة وزن الحقائب وهم دزولك اميل بعد الاتصال تئكيد على الاتصال مالت موضف IOM يعني مباشرتا اجة اميل لو قبل السفر ابكم يوم استلمت الاميل وشكرا الك

الف الحمد الله على السلامة انشاء الله حياة جديدة وهادئة الك والى العائلة الكريمة تحياتي

 السفر املي  تسلم اخوية الغالي وانتضر من الاخوة السافرو حديثا حتة الكل تستفاد من الموضوع الاخوة السافرو حديثا ياريت اتشرف في اجوبتهم وتعليقاتهم على الموضوع

الاخوة الاعزاء نورتو الموضوع ابردودكم وشكرا  جزيلا الكم وننتضر الاخوة الطلعو حديثا الى امريكا ان يفيدونة ابردودهم تحياتي للجميع والله يكتبلكم السفر القريب  واشكر كل من .....
الاخت ورد الشام
والاخوة   rawaan       ابو هجران      Maizar        انشاء الله السفر القريب تحياتي للجميع[/size][/b]

السلام عليكم واسعد الله اوقاتكم عندي صديقي وياي بالشغل امقدم iom بغداد من عام 2009وهسة طلعلة موعد سفر وهذا اول صديق بالكروب مالتنة راح يطلع وحنة اربع اصدقاء قدمنة سوية ونستبشر الخير انشاء الله على السنة الجديد
ســـــــــــــــؤالي الحضرتكم
اتصلوابصديقي الساعة بالوحدة وشوية حسب نقلة ويقول انه الموضف سئلة فقط عن اسمة وعرف عن نفسة الموضف انه من منضمت الهجرة عمان وطلب منة ورقة وقلم يكتب خط الرحلة وموعد سفر وهاي السوالف مال الجنط والهاند باك وسئلة اذا اكو اسئلة بعد عندة فجاوبة ماكو اي شي بعد فقط ينتضر اتصال موضف عراقي يتفق ويا على موعد التواجد في ساحت عباس ابن فرناس
وخط الرحلة هو مطار بغداد- مطار الاردن عالية -وبعدين مطار شيكاغو صديقي هسة اتصل بية ايقول ما دزولة اميل صايرة عدكم الاخوة الطلعو انه المنضمة تتصل بدون مادز ايميل تئكيد على الحقائب وباقي الامور ؟؟؟؟؟؟؟؟؟؟
شكرا جزيلا مقدما للاخوة المشاركين بالموضوع وتحياتي للجميع
ملاحضة ........ارجو من الاخوة الطلع سفرهم في هذه الاشهر القريبة ان يشاركونة بالمعلومات ولو  رؤس نقاط وشكرا للجميع وارجو المعذرة اذا خانني التعبير

يـــــــــــــــــــــــــــارب الله يحفظك ويحفض عائلتك والله يكثر من امثالك

[السلام عليكم وكل عام ونتة بالف خير وحمد الله على السلامة وانشاء الحياة الجديدة اتكون على خير انا المصيبة مالتي 27_5_2012 وفي اخر يوم لغو سفري من واشنطن وليومك ماكو لاح ولا خبر والله كريم همزين انتة وصلت والحمد الله تحياتي]

السلام عليكم وكل عام ونتة بالف خير وحمد الله على السلامة وانشاء الحياة الجديدة اتكون على خير انا المصيبة مالتي 27_5_2012 وفي اخر يوم لغو سفري من واشنطن وليومك ماكو لاح ولا خبر والله كريم همزين انتة وصلت والحمد الله تحياتي

والله ما ادري شكتب حاير ؟؟؟؟؟؟؟؟؟؟ عندي اخ راح يستلم الجنسية وعايش في كلفورنيا وعندي ابن خالة عايش في ارزونا ابو اريزونا اصوري حتة اكو يمهم وهابية !!!!!!!!!!!!!!!!!!!!!!!!!اي وهابية ذولة اليلبسون عرقجين ويطولون لحاياهم ويلبسون قصير يعني هو شوية بالغ بس مال امريكة اتعادي المسلم ومال شغلة موزينة  هذا مبالغ بي الموضوع  وحتة لو صدك ما كان صبر وبقة هل السنين عايش الشي الثاني الطب درجة اولى وما يصرفون العلاج فقط من يتئكدون من التحاليل وقابليت المريض لشفاء وهذا من وجهت نضر اقاربكم فشل لان متعود بالعراق يشتري دوة الصخونة من الصيدلية وابر الاس بي جك من المضمد وما يكلفة فحص لو وصفت طبيب هو ياخذهن رهمن وشتغلن خير على خير ما شتغلن الله والعاذرين وهذا مثال عندي ابن خالتي طلع من جنوب لبنان الى امريكا ولايت ارزونا هو والاده ولا  طكة بالغة الانكليزية اتعرف على عراقين سودو الحياة ابوجهة وهو لاجئ جديد حتة ماكلفو نفسهم يترجمولة وية المنضمة او يساعدو على الاقل في اول ايام دخولة فستعان بخوية كان يترجم الة عن طريق الاتصال بالتيلفون لان كام ما يثق بالترجمة مال العراقين او المترجم مال المنضمة اذا اتوفر اخوية قرر ايروحلة ايرتبلة امورة وتعرفون المسافة بين سكرمنتو واريزونا طويلة جدا وصل اهناك لكا عندة صديقة امريكي امساعدة وحلف وقسم يمين ان ابن خالتي يتفاهم وية الامريكي بلغت الاشارة يعني ايكول خربان ضحك عليهم ههههههههههه ويكول دكو الباب على ليث  جماعة عدهم لحايا  ايخوفون حسب وصف اخوية كالولة تعال صلي ويانة بالجامع انتة والخطار مالتك كاللهم ابن خالتي هذا خطاري مسيحي ما يصلي هذا صديقي مو اقاربي  حتة يخلص منهم والله وهاي الاحداث حقيقية فلا صدكون كولشي رجاءا الحياةفرص والسئؤال ؟؟؟؟؟؟؟؟؟تتحملون الغربة لو لا  هنا مربط الفرس اما باقي الامور من معيشة الى عمل الى المستقبل كولهة تجي في مرور الوقت يعني لا واحد ايشيل هم الهن ما معقولة اهناك ايروح واحد ويصير مجدي وتحياتي للجميع وترة ما كو احد يجبر احد في امريكا على اعتناق دين او فكرة لان القانون يمشي على اوباما وهذا  سر قوتهم

جزيل الشكر الله يوفق معلومات جدا مفيدة تحياتي ياغالي

السلام عليكم  الاخ الغالي مهما نكتب وننصح فهي فقط اوجه نضر لا تقدم ولا تؤخر يبقى القرار الاول والاخير لحضرتك  وطبعا  بمشاركت زوجتك ومنما استنتجت مابين الاصطر حضرتك ما خذ قرارك مسبق بالسفر الى الى الولايات المتحدة الامريكيا وحضرتك ابهاي الخطوة هم ماراح اتحل ازمت اولادك لانك تنتضر المجهول وماكو احد يشبه تجربتك راح سافر وشي اكيد راح ايحقق الى اولادة الشيئ الحضرتك تتمنى وتتصورة ...
اما بخصوص الاهل وهم طبعا همك وشاغلك  لانك انسان حساس ومتربي واحسن تربيتك والدك ووالدتك مهما تكون الضروف المرت عليكم اخي نصيحتي ان تقنعهم انك مجرد وصولك الى الى امريكا اول خطوة تقدم لهم على الهجرة ولم شملكم في ولاية واحدة وبيت واحد وهذا الشيئ ليس بالمستحيل
عن نفسي انا اريد السفر الى امريكا لاسباب خاصة منها وجود اخي الاصغر وثانيها سفر امي وابي وثالثها مستقبل اولادي ولحد الان متذبذب القرار بسبب الحالة الاقتصادية المستقرة التي اعيشها في بغداد ولكوني احول مبالغ مادية بين فترة واخرى الى اخي الوحيد الذي يعيش في كلفورنيا وهو الان اصبح متزوج ولديه ابنة مثل القمر والسؤال المحير جدا انا لم اتهيئ نفسيا للسفر وقد شرحت لك الضروف وبنفس الوقت لا استطيع السفر او ترك امي وابي يسافرون وحدهم  فقد قابلنا نحن العائلتين في نفس اليوم وحصلنا على موافقت المحلف بنفس الشهر رغم ان المنضمة لم تعمل ربط بيننا قوي والسبب بسيط كنت في البداية لا احبذ فكرت السفر فقد قدمو اهلي الى الهجرة قبلي حوالي اشهر  وانا كنت ارفض التقديم لكن الوالد والوالدة اجبروني على التقديم لكي لا ابقا بالعراق وهم في امريكا وقد نجحو في اقناعي .... يا اخي حاول ان تقنع اهلك بالتقديم والمجئ معك او بعدك  وانا متئكد انك سوف تنجح انشاءء الله ولا تستمع الى عقلك  واستمع الى قلبك لانك اذا كنت حساس جدا سوف تبقى تلوم نفسك على اي خطوة تخطوها بدون مباركت الاهل خصوص انتة في موقف لا تحسد عليه لانك الوحيد عندهم وكما فهمت انتة عامود بالنسبة لهم واخرا تحياتي لك وارجو ان تئخذ قرارك بعيد عن الانانية وحب الانا ....

اخي انا هم مثلك المدينة فراغ وهاي اعتقد من نوصل يملوهة فقط رمز المطار وهو كلفورنيا    SMF  اعتقد مطار سكرمتو وهي الولايا التي يسكن بها اخي وهو كفيلي يوم الجميع ايسافرون والله انا صارت عندي الشغلة عادية اذا  سافرت اليوم او بعد خمس سنوات ثانية لان من كثرت الانتضار كولشي طفة وما ضل حتى الامل راح وية سنين الانتضار تحياتي للجميع

السلام عليكم حسب ما انقل الخبر عن طريق صديق بالسفارة يعمل انه مبدءايا بدء الدخول الى العراق في الوقت الحالي 1000جندي والمقر يكون مطار المثنى ومحتمل يرتفع العدد الى 5000جندي خلال هذا العام والسبب هشاشت الوضع السوري والتهديدات الايرانية والاسرائيلية على البرنامج النووي وحسب كلام صديقي القوات الداخلة فقط للتدريب الجيش العراقي والشرطة العراقية وتستعمل للدفاع على العراق اذا  تعرض الى تهديد خارجي حسب الاتفاقية الامنية والله اعلم لاكن الخبر الاكيد 1000جندي وتحياتي للجميع

السلام عليكم اخي اتوكل على الله وروح قابل والمقابلة عن طريق السكايبي وقبلهة مقابلة شفوية وراهة السكريينك مالتك ايكون على جهاز كشف الكذب وهذا الازعاج صديقي يوم الاربعاء استلم شغلة مد نايت بالسفارة الامريكيا بالمنطقة الخضراء شغلة بالباب ورغم ما يتوقع احد يجي نصف اليل ما يعرف يحجي انكليزي لان اكثر الداخلين من البوابة شركات واجانب وهو اشتغل والحمد الله اما ابخصوص الركمنديشن كولش ضروري اتكمل سنة وياهم وتاخذ منهم التزكية احنة نعتبرهة وقدم siv ولا دوخ روحك هسة  حاليا مكتفين بالسفارة ما يردون مترجمين واعتقد يردون مترجمين في مطار البصرة حسب علمي التحاق 1000جندي خلال هذا الشهر والشغلة الثانية والمهمة انه صديقي ما حددولة مدت العقد من وقع الاوراق مالت الشغل يعني قبل احنة نوقع على سنة وحدة قابلة للتجديد من طرفهم هسة لا اختلفت ما حاطين تاريخ واي استفسار سويهن نقاط وانا راح اسئلة واجاوبك عليهن
امــــــــــــــــــــــــــا ابخصوص السفر مهم ان  اتكمل سنة وحدة كاملة مع قوات التحالف حتة اتكون مؤهل لبرنامج siv وضروريايكون ما عندك مشاكل امنية ولا عندك مشاكل اثناء عملك حتة ايكون سفرك سهل جدا وانشاء الله الموفقية ابخصوص الانتر افيو لا شيل هم تشتازة انشاء الله اما قبل سنتين من رادو ينسحبون من العراق حتة المترجم الصارلة اربع وخمس اسنين يشتغل وياهم طلعو فاشل مو انتة تقديم جديد يعني اصور بس يردون يتخلصون من المترجمين وهاي ما عدى الي طلعوهم فاشلين بالسكريننك يعني على اتفه الاسباب ايفشلة وينطي طابع خروج لان ما عدهم بعد جيش وما يحتاجون هلكد مترجمين لان همة ناس منضمين وصادقين عند دخولهم للعراق كجيش تعاقدو مع شركات اتوفر مترجمين لكل مثلا 20جندي واحد مترجم وانتة احسب الجماعة اشكد كانو يحتاجون واشكد شالو افلوس من هذا العقد تحياتي وانشاء الله تنجح وتتوفق بالامتحان ومن ايعرضون عليك البصر او المحافضات لا ترفض لان اكو غيرك ينتضر ويريد يتوضف هاي نصيحتي الك يعني وين مايعرضون عليك الشغل كولهم اموافق وهسة كل المدن صارت زينة وبيهة هدوء نسبي وعذرني على لاخطاء لاملائية لان ما اكدر اراجع الكتبتة

الله يوفقك انشاء  وينطيك من بابة الواسة

up ولو اخوية عايش عناك في كلفورنيا سكرمنتو خلاصت الفتهمتة اجيب وياي 20الف دولار بداية لمشروع سيارات صغير وانا عندي عائلة ثلاث اطفال وزوجة وحسب الفتهمتة مهما ايكون احسن من عيشت العراق بالف مرة ورغم ما انا وزوجتي موضوفين وبيتنة ملك ورواتبنة عالية اسوة اباقي الدوائر لكن هم انروح لو مدري  شيصير

السلام عليكم ابنائى والله انى اعتبره جريمة لهيج ناس يسون وياخذون مكان غيرهم من السفر احنامتمرمرين وكاعد نحسب للساعة من تمر الف حسابوالله افرح من يمر اليوم والاسبوع والشهر بسرعة اكول يالله بلكى تقرب الامنية واسافر واشوف عائلتى وهذولة الناس الى ميخافون الله انى اعتبرهم يزاحمون الناس المظلومة والى تهجروا وتكسفت احوالهم من ورة الوضع ياناس خلو الله بين عيونكم الى ممحتاج السفر واموره زينة وماكو خطر على ليش ياخذ مكان غيره ليش هم انتو والزمن على تراحموا ياناس خلى الله يرحمنا كافى جوزوا من انانيتكم شوفوا الناس وين وصلوا واحنا بعدنا نحسد اليتيم على خبزته ابنائى يمكن يكون تهجمت وتعصبت عليكم بس اعذرونى من اسمع هيج خبر اموت قهر واكول ليش اكو ناس  هيج متخاف الله وتحب تاخذ كلش ومتفكر بالمظلومين ابنائى افكروا قبل ماتقدمون على مساله السفر فكروا بغيركم وانطوهم مجال يبداون حياتهم الى فقدوها بالوطن بغير مكان ليش هم لا ارحمك ولا اخلى رحمة الله تنزل عليك فكروا بكلامى ابنائى والله يهديكم الطريق الصحيح

عيني حجيج صحيح اللي يطلعله سفر و يرجع هذا كفر يسافر وياخذ سره غير بس صحيح احنا متهجولين ومتهجرين وعايفين بيوتنه بس اني برايي حتى اللي ممهدد من حقه يسافر تعرفين ليش لان اكيد راح يجي يوم ويتهدد و الانفجارات و ماكو واحد عايش بالعراق بامان و بالمناسبه ماكو واحد يريد يسافر اذا مفاقد معنى الحياة بالوطن

+ 1 كلام منطقــــــــــــــــــــــــــــي وتحليل جـــــــــــــــــــــــــــــــــيد
س1 ____العراق بعد مرور 20 عــــــــــــــــــام اشون راح ايكون
س2_____امريكا بعد مرور 20 عــــــــــــــــــــام اشـــــــــــــــــون راح اتكون ؟؟؟؟؟؟؟؟؟؟؟؟؟؟؟

الف مبروك اخي غسان وحمدا لله على سلامة
الله يفرج للجميع تحياتي وتمنياتي الك ان تقضي اسعد اوقاتك بعيد عن الهم 

وهاي هم up up  up   up  اخواني دجاوبو الولد من انشلع قلبة تحياتي للجميع

والله متت من الضحك لان سالفتك تشبه سالفتي بس انا راح اشتري من العراق واسكت عليش بعد صاعد طيارة ومكلف روحي ورايح لمريكا تحياتي وانشاء الله اتنول مرادك وسافر

اخوية نصيحة اخوية وعن تجربة بس يلكون فيزت ايران تئثر على سفرك وتعطل التجيك الامني مالتك  عندي ابن عمتي جراح واستاذ في  كلية طب واسط في شهر السابع بلغو هو ومجموعت اطباء عدهم مؤتمر في ولايت واشنطن مؤتمر طبي ورشحو من بغداد والمحافضات جراحين اكفاء على مستوى لغرض من المؤتمر الاطلاع على احدث الاجهزة والعمليات القيصرية لحد الان كولشي تمام طلعت كل الفيز مال الدكاترة ما عدى كم فيزة تئخرتت والسبب اجراءات امنية اكثر ابسبب الفيز مالت ايران الموجودة في جواز ابن عمتي وسافرو الاطباء بالثامن وحضرو المؤتمر وابن عمتي ما سافر رجعو الجواز للعلم الدكتور ابن عمتي عدة هواي مؤتمرات في دول عربية واجنبية واحنة متئكدين ابسبب فيز ايران ماسافر وهذا نقلن عن لسانة وانتة ابكيفك بعد تكدر اتروح تتونس في تركية او الاردن او الهند

اشـــــــــــــو اغلب الردود جارحة وبعيدة عن مشاعر الانسانية فقط توحي عن المصالح الشخصية وبيهة قساوة غريبة هذولة الاشخاص اولا مساكين ودرجت تفكيرهم الى هذا الحد وكفت يعني لا تستغرب من جابو حطب وشعلو داخل السكن كانو محتاجين تدفئة او طبخ والــــــــــــــــــــسؤال لكل من جاوب ابرد مسيئ او جارح انتة لو ابمكانهم وكطعو الكهرباء عنك وانتة اعتمادك الكلي بالتدفئ والطبخ على الكهرباء اشون راح اتعيش او اشراح اسوي؟؟؟؟؟؟؟؟؟؟؟؟؟؟؟
بالنسبة عن نفسي من اشوف هيج ناس اعطف عليهم واقدملهم المساعدة اما ان تكون عن طريق النصح او مساعدة مادية وارحمو من في الارض يرحمكم من في السماء
تـــــــــــــــــــــــــــــــــــــرة الرحمة حلوة اذا انتة بعدك بالعراق وهيج تفكيرك من تطلع بالغربة اشون راح اتكون حياتك وجل تفكيرك اعتقد راح تتعب هواية لان راح اتكون علاقتك وبلورت افكارك وتعاملاتك مع الناس واقرب الناس الك عبارة عن علاقة تحكمهة المادة والفلوس وهاي اسوء ما يمكن

اخوية عمر لا تهتم الله شكاتب انشوف انا مثلك خلصت الفحص الطبي صار الملف فعال الامنية وراهة اكتملت مر على اكتمالهة حوالي 20يوم او اكثر وراهة اتحولت من جديد بندنك انتضار واليهسة ماكو شي وحتة العمر خلص حسبالي من وكت اسافر بس اضاهر كولشي مقلوبي بس المتئكد منة شكو ملفات قديمة كولهة اسافر مهما طالت المدة تحياتي

وانا واحد منكم 2009 وصافية ودافية بس اعادات وكلشي ماكو

السلام عليكم الاخت البغدادية هذا سؤال الاجابة تعتمد على الشخص نفسة لازم ايجرب ويخوض الحياة في امريكا انتي لازم تحددين النقاط او الاسئلة الدور في ذهنك بالنسبة للمعيشة او الدراسة او التجارة او ماشابه ذلك ولكن ابصورة عامة الحياة في امريكا بعد 20عام من تاريخ 2012 ما تصوراتك اذا الله خلانة عدلين اشونهة اتكون امريكا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اما العراق العايشين بي ابو التلوث بعد 20سنة اشونة ايكون؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واحد لازم  يسئل هذا السؤال ويستبصر المستقبل مختصر مفيد ماكو مقارنة بين العراق وامريكا
من محاسن العراق كولشــــــــي بي فوضة وتايه وبدون حقوق من الاعلا الى الادنا الكل فد يوم راح يخصرون مكاسبهم اوالسوة
اما افقر دولة غربية بيهة حقوق وماكو شي ايضيع او حق يغتب من ضعيف الفرق بيناتنة وانشوف الحياة عدهم اصعب لانهم اتعلمو يمشون حسب القاونين على الاقل 80%امطبقيهة لاكن احنة دول العالم الثالث لو كولهة اجمعيهة ما مطبقين ولا 20%
وتحياتي الحضرتج

حبيت ابلغكم يعني السفر مستمر ماشاء الله ابشهرالتاسع وهاية ابشارة كولش خير للمنتضرين وياربي انكون مع المسافرين فد يوم والله كريم

انشاء الله يوم الـــــنة والـــــــــــــــــــــــــــــــــــــــــــــــــــكم وتوصلون بالف سلا مة يا الله بالكي التسريع يشملنة احنة جماعت البلوكة تحياتي لكل من دخلو على الموضوع وردو تحياتي للجميع

السلام عليكم اسعد الله اوقاتكم
موعد سفر يوم الاحد غدا iom بغداد جيراني تربطني بي علاقت سلام فقط  وهو انسان خلوق اهلة في امريكا  حسبما عرفت من صديقة وبس هو باقي اضاهر كان عندة ارتباطات ابعملة وسلم اكبالي على ابو المحل الاشتري منة  ودعة وافتهمت رئسن من قالة باجر اخر موعد بعد ماكو تئجيل اروح الساحت عباس ابن فرناس ومناك العمان وبعدين ما ادري يمكن الدبي ههههههههه انا رئسن طخت عندي والله من طلع كان ضحكت وسئلت ابو المحل رئسن هو جاوبني هذا خطية اتعللعل اهلة كولهم بمريكة من زمان بس هو باقي اهنا.......... على السريع شهرة للرجال وغدا صباحا موعدة ابعباس ابن فرناس وانا ما حبيت اخذ تفاصيل اكثر لان كانو ناس واقفين ادعولة يوصل بالسلامة ويوم الالكم والنة انشاء الله السفر القريب

انا من جماعت 2009 شهر 11 واهلي قبلي ابشهر من قابلت في 2010 كان ابني الزغير عمرة سنة ونص استوة بدة يقوة السانة واولادي التوئم  في الصف الاول هسة ابني صار يحجي لبلبان وتعلم كم كلمة وحتة وديتة للروضة شهرين اتعلم ايفشر وبطلتة للعلم من قابلت المحلفة وانا وياهة كونة انسولف كنت واثق من نفسي ونافخ ريشاتي واكول للمحلفة انشاء الله هذا ابني الزغير اسجلة بالروضة بمريكة ويكوم ما يعرف عربي ويحجي بس انكليزي واولادي ذولة التوئم يصيرون امريكين ويحجون اصلنك حسبالي راح اسافر وهسة هاي السنة الثالثة مرت والولد كبرو صارو بالثالث ابتدائي وصارو يردون لابتوبات وانا شعري ابسرعة شيب ما اعرف ليش وبعدني باقي انتضر وهذا الاسبوع فد مرة ايست لاني ططوة اكتملت الامنية ور عشر ايام رجعت انتضار حتة ذبيت الوم على اهلي وبعدين اتندمت  واعتذرت من امي وابوية وكلت امريكا صارت خير على خيرر ما صارت الله والعاذرين ما دام الامور صارت هيج  ايطلعون الحرامية وايعوفون اليمشون ابصف الحيطان اعرف واحد باك ناضور امريكي والدنية انقلبت على راسة وطردو من القاعدة اليشتغل بيهة وذاك اليوم بالصدفة على الفيس اشوف صورة بمريكا وعنوانة اريزونة وخال الروحة كم صورة امطول زلفة ههههههههههه وهو خشمة جبير والله مو حسد ولا حقد بس متعجب عليهم اشون ايقسمون الهجرة على المشتغلين وياهم يمكن الشغلة قرعة لان اذا قرعة ويا نصيب فعلا اني ما عندي حض وراح اخمخم ويصير علية بقدقيقي على كولت الحجي ابوية خابصني بالبقدقيقي خخخخخخخخخ

مشكور اخوية العراقي والله يستر عليك اخوك ابوعلاي

لا حول ولاقوت الا ب الله العلي العضيم قلبي انفطر على الاطفال الله يصبر اهليهم والله يكتبلهم السلامة للبقية مع كل الاسف اليائس دفع بيهم ايضحون ابحياة اولادهم  حسبي الله ونعم الوكيل[/c olor]

اخي العراقي المقابلات كانت سوة ابنفس اليو م مالت المحلف وحتة الدورة التثقيفية سوة اذا افك الربط يئثر على القضية مالت بيت اهلي لو قضيتي يعني هم اعيد من جديد التجيك الامني ومقابلات جديد لو بس ايفكون الربط وهايهة

خويه همه ماكتبين الرابط ضعيف همه كاتبين يريدو يعرفون تريد تفصل الرابط لو لا وهذي ترجمه كايرجى ملاحظة أن الحالات الخاصة بك وترتبط معا في IZ-112/IZ-111 الرابط لينة
يرجى التأكد من توفر لنا قراركم النهائي بشأن الحفاظ على الرابط بين الحالات الخاصة بك من إزالته.

 

A استعراض دقيق للسجلات لدينا تشير إلى أن قضيتك حاليا في انتظار مشاركات أمن الولايات المتحدة الحكومة التي مطلوبة من أجل جميع اللاجئين قبل المغادرة إلى الولايات المتحدة.

نحن غير قادرين على التنبؤ متى يمكن الانتهاء من عمليات التفتيش الأمنية، وهذه العملية تخضع لسلطة وكالات مختلفة في الولايات المتحدة وخارجة عن سيطرة المنظمة الدولية للهجرة.

 

عندما يتم إتاحة النتائج إلى المنظمة الدولية للهجرة، وسوف نتصل بك مع التحديث وفقا لذلك.

 

يرجى العلم أنه إذا كنت ترغب في معرفة المزيد عن الحالة الراهنة للحالة الخاصة بك، يمكنك زيارة الموقع التالي:
مله

اشكرك اخ منذر همة كاتبين بالسطر الاول الربط نوعة ضعيف( سموث ) وكملين بالسطر الثاني اذا اريد افك الربط
؟؟؟؟؟؟؟؟؟؟سؤالي لصحاب الخبرة وقبل لا اطلب فك الربط اكو واحد مثل حالتي فك الربط او استلم رسالة بيهة نوع الربط قوي وشكرا لمرورك  ونورت الموضوع

السلام عليكم أخي أبو علاوي ..
بالنسبة لموضوعك آني قريته كله واعتقد مثل مكالو المنظمة الرابط يكون ضعيف وآني تقريبا مشابه لحالتك أيضا عندي رابط مع عائلتي . شوف أخي الرابط دائما يكون ضعيف حتى لو يدزولك رساله بيها الأي زت نمبر مالتكم سويه هذا مو معناه أكو ربط وأكو أحد دينتظر الثاني لا أنته مفتهم غلط ,, التخلص أمنيته راح يطلعوه وبأسرع من البرق لأن حبيبي هاي فلوس وبيها ربح وخساره يعني كل واحد من عدنه مقدم على هاي المنظمة هيه شغله تجاريه قبل متكون انسانيه بس مرات تصير أشياء أو أخطاء بعمل الموظفين داخل المنظمه تعيق عملية سير الملف بصورة صحيحه واحنا عبالنه هيه المنظمة متريد تسفرنا ,, المهم بالنهاية أنته راح تنجمع مع أهلك بنفس الولاية وهذا الربط هنا راح يكون .. اما باقي الأجراءات أنته دتكول أكو اختلاف بـاريخ الفحص والمقابله بينك وبين أهلك يعني ماكو ربط ياعزيزي . بس همه بأجراءاتهم هيج يجاوبون وأذا تريد كللهم بعد ماأريد جاوبوني على الأي زت نمبر مال أهلي وهمه راح ينفذون الطلبته ويكومون يدزولك بس ألك . بس هذا مو معناه أنته راح تمشي أسرع لا اااء مثل ماكتلك ياهو التكمل امنيته يطلع الأول .
وبخصوص أخوك المصاب بمرض التوحد الله يعينكم عليه ويشافيه يارب ويعافيه ويشفي جميع مرضى العالم .
يمكن هذا تصير حالته خاصه ويعتبر من ضمن ذوي الأحتياجات الخاصة حاول تكتبلهم للمنظمة وتفهمهم بان حالته من ضمن ذوي الأحتياجات الخاصة وشوف شكولولك ,, أعتقد المفروض تصير اجراءاته اسرع منكم ..
والله يفرجها عليك أنته وأهلك وتسافرون وترتاحون .. ويارب السفر للجميع ونرتاح .
تحياتي

شكرا جزيلا اخوووووووووية العراقيي اثلجت صدري والله هو كان استفساري على الربط رسالتهم اتكول الربط ضعيف يعني ماكو ربط قوي اخوية انتة هم دزيتلهم رسالة وجاوبوك نفس الشي انا افتهمت منهم وحسب ما ورد ابرسالتهم اكو ربط بين القضيتين لاكن ربط ضعيف واذا اريد افك الربط حتة لو ضعيف لازم ارسللهم يعني هذا قصدي لان الامنية مالتي اكتملت ورجعت بيندك واعتقد الان راسلتهم على ملف اهلي  لان ملفهم بعدة بنتضار النتيجة رغم ما فحصو فحص طبي ثاني ابشهر الثالث 2012 وشكرا جزيلا الك اخي الغالي على ردك

السلام عليكم اسعد الله اوقاتكم ابخصوص موضوع الربط وتئثيرة على سير المعاملة انا اخوكم امقدم من عام 2009 وقابلت في عام 2010 مقابلة اولا وراهة قابلت محلف اخذت الموافقة انا واهلي همة قدمو قبلي ابشهر او اكثر بشوية صارت اكثر الرسائل مال المنضمة تجي على الاميل مالتي  والمقابلات كانت سوية فقط الفحص الطبي كان مختلف  الفحص الطبي الاول همة قبلي ابكم اسبوع الفحص الطبي الثاني همة قبلي ابثلاث اشهر فحصو احنة مقدمين قضيتين كول قضية بيهة رقم
iz-111قضيت اهلي
iz-112قضيتي
طبعا انا اكتملت عندي الامنية وراهة بسبوعين رجعت غير مكتملة لان دزيتلهم استفسر عن ملف اهلي
هسة دزيتلهم رسالة اريد استفسر عن نوع الربط بيناتنة وكان مضمونهة
******************************************************
السلام عليكم.سيدي .سيدتي
اسعد الله اوقاتكم
طالبا ملتمسا منكم معرفت نوع الربط بين رقم القضية
iz-111
iz-112
علما  ان لامنية في موقعكم اكتملت وبعدها تحولت من مكتملة الى في حالت لانتضار راجيا لطفا منكم ان اعرف هل هناك ربط بين القضيتين بيني وبين قضيت والدي والتي رقمها هو111*** هل هذا هو السبب الذي يؤثر على سير مجريات قضيتي والتي رقمها 1122*** ارجو توضيح ذلك واذا وجد ربط كيف استطيع فك هذا الربط نهائيا دون التئثير على مجرياتالقضيتين  وارجو منكم المعذرة واقدر سعت صدركم وجهودكم المبذولة في مجال قضايا المهاجرين ذالك لا املك كلمات اوصف بها مدى امتناني انا وعائلتي وشكرا لكم والى ادارت الولايات المتحدة الامريكيا والى منضمتكم الهجرة والاجئينiom
************************************كـــــــــــــــــــــــــــــــــــــــــــان الرد كما يلي
Dear Sir/Ma`am

 

Thank you for your Email,

 

Please note that your cases IZ-112/IZ-111 are linked together as soft link
Please make sure to provide us with your final decision regarding keeping the link between your cases of removing it.

 

A careful review of our records indicates that your case is currently pending U.S. Government security reviews which are required for all refugees prior to departure for the United States.

We are unable to predict when the security checks might be completed, as this process is under the authority of various agencies in the United States and beyond the control of IOM.

 

When the results are made available to IOM, we will contact you with update accordingly.

 

Kindly be informed that if you would like to learn more about the current status of your case, you can visit the following website:
****************************************************************طبعا باقي الرد بنج مثل كل مرة مزيد من التجيك الامني.
اخواني اشون الربط ضعيف وانا استلم كل التحديثاتوالتبليغات على موبايلي وعلى اميلي ودوما الرسائل اتكون اسم مقدم الطلب الرئيس iz-111وiz112 معقولة لان  كل الاميلات تجي برقمين مزدوجة اي رسالة ادزهة حتة لو من اميل الوالد
زين انا عندي اخ معاق ذهنيامصاب بالتوحد  معقولة مؤثر على سير المعاملة وحنة قدمنة بوقات مختلفة  شنو رايكم اكو ربط قوي لو اكتفي ابردهم واسكت لان ردهم ما يشبه فعلهم وشكرا لكم اعزائي وشكرا لكل من عندة معلومة وذكرهة او يشبه قضيتي تحياتي الكم
هــــــــــــــــــــــــــــــسة اشتنصحوني؟؟؟؟؟؟؟؟؟؟

لا اخويه بس هسه جتني الدعوه مال العرس بالايميل

تتشرف منظمة الهجرة ان تدعوكم لحضور حفل زفاف موظفهم WSK  على الموظفة SNK في تمام الساعه السابغه من عصر يوم الخميس القادم.

طلع الملعون WSK عنده علاقه صارله سنتين ويه NSK  و ثاري هذا RKH ابن عمه و هو الي جان واكف بطريقهم و كل هايه المشاكل اثرت على معاملاتنه.
بله انت شايف هيجي خربطة بشرفك

هههههههههه حلوة هاي يراد انجيب نسوان اتهلهل حتة تنفك الجبسة مالتهم يعني فرجت راح تمشي المعاملات؟؟؟؟؟؟؟؟؟؟؟؟
 

9647817945794 +اخوية هذا الرقم مال الفحص الطبي استلمت منهم رسالةانتة اخبصهم بالتيلفونات والله ايخلوك تفحص لان احتمال هذا الحقير الي اجل سفرك خلة واحد امكانك وصدكني هاي صارت بية خلو واحد امكان اخوية المعاق ذهنيا لاكن الوالد  والوالدة صمطت ابو ابوهم وخلو يفحص ويانة وهو كان مؤجل الفحص مالتة يعني الشغلة من يمهم الله وكيلك وهذا رقمهم اجاني على شكل رسالة وكاتبين نحن المنضمت الهجرة يرجى الاتصال وطلعو فحص طبي وشكرا طلعلي عراقي ايكول عندك فحص طبي بالبيطار وهذا الفحص الثاني الي وانتة اتصل اول ما تقرة تعليقي لاضيع وكت وشكرا

حبيبي علاوي .... انزل يم ساحة النسور اي ابو تكسي يندلهه ... وأسال ابو المرور اللي واكف يم الساحة هو يدليك بالضبط
والاخوان ما قصورا وياك.. خو عبد الله انطاك احسن خريطة واقعية..


تحياتي+1 اخوية اذا فد مرة تيهت دزيتلك رقم تيلفوني على الخاص وبالخدمة لاني اداوم خلف القصر البي المقابلة مال iom وتددلل واذا وصلت الى ساحت النسور اسئل المرورايدلوط وراح اتكون حوالي 100 عن باب المقابلة تحياتي

اخويةدزيتلك رسالة على الخاص بيهة كل التفاصيل واي شي اتريد انا حاضر ولا تترد بالخدمة

up

السلام عليكم على الخير عدت الفحص الطبي وانشاء الله السنة ما نبقة انا مثلك واوقات التقديم مقاربة بيناتنة طبعا انا عدت الفحص  الطبي 8\7\2012 تغيرت نتيجت الفحص بعد سبوعين وراهة اتغيرت الامنية وفعلا فرحت خوش فرحة لان الامنية صارت مكتملة وقبل حوالي 10 ايام رجعت الامنية بندنك انتضار وهسة دخت من يمي دزيتلهم رسالة استفسر شنو الوضعية وماكو منهم اتصال لحد الان وانا من جماعت بغداد2009 وهسة 2012 يعني ما توقعت اولادي ايصيرون ابثالث ابتدائي وبعدني بالعراق وانشاء الله نسمع منك اخبار حلوة تحياتي

السلام عليكم
الاخ احمد انا استخدم برنامج JustVoip برنامج صافي وما يحتاج انترنيت عالي السرعة وبنفس الوقت من تتصل عبالك موبايل بدون قطوعات والوقت افري ورسمي من موقع الشركة طبعا هذا البرنامج يحتاج تعبئت رصيد 12$من امريكا او ما يعادلها 10يورو طبعا يتعبة مرة واحدة لمدت سنة الاتصال بي من العراق الى امريكة فري ابلاش وكئنه تتصل ارضي داخل امريكا لاكن من امريكا للعراق 1 سنت يعني اخو البلاش البرنامج شي مرتب وصارلي سنتان استعملة وسهل الاستعمال اتنصبة على الابتوب او الحاسبة المنضدية تحتاج مايك ادخل الرقم المراد تتصل بي في خانت الاتصال مال البرنامج وتتصل جدا سهل فقط حملة من هذا الموقع وخلي بنتك الله يحفضهة اسويلة اكتفيت من امريكا وانتة استخدمة مجاننا من العراق فقط نصب البرنامج وهذا رابط البرنامج تحياتي واي استفسار اخي لا تتردد انا حاضر البرنامج
http://www.justvoip.com/download

عادي تقريبا نفس قصتك وانا من جماعت 2009 هذا الشهر الفائت كملت لامنية مالتي ورة عشر ايام رجعت بندك وانتة حالت الملف هم اتغيرت
؟؟؟؟؟؟؟؟؟حالت الملف فعال لو هولدبنتضار النتيجة.؟

اخي هاي ما الهة علاقة بالاميل  مالتك يعني اذا انقفل اكو خلل صار اما انسرق الباسورد او انتة نسيت الباسورد ولازم اترجعة لا تعوفة مقفل ثانيا اذا ما كدرت اترجع اميلك راسل المنضمة وبلغهم ان الاميل مالتك اتعرض للقفل او السرقة وهذا اميلك الجديد
وأخيرا صديقي نفس الحالة صارت عندة اميلة انقفل حاول ايرجعة ما فاد سوة جديد وراسلهم وانطاهم معلومات الكيس نمبر وبدلولة الاميل ارجو ان اكون فدتك ابشي تحياتي

السلام عليكم الاخوة والاخوات الي رايدين ايطلعون مضاهرات عدكم  احتمالين
1 ايفوت انتحاري عليكم والله الستار لان هاي ايدوروهة ادوارة حتة ايحملون الادارة الامريكية سوء الاوضاع الامنية بالعراق وراح اتكونون هدف سهل لكل الجهات الارهابية والسياسية المعارضة دخول قوات التحالف في اتفاقية امنية مع الشعب العراقي
2ثانيا والي متئكد منة راح ايصير كتلكم عمل شعبي وانتو اتعرفون سياست البلد وبكيفكم
اخوكم ابو الطابوكة الفولاذية جماعت 2009 وشكرا لكم

السلام عليكم اخوتي واخواتي الاعزاء ...
اخوان اكو نبي نصلي عليه وبالعجلة الندامة .. ياجماعة بغداد الي تريدون تروحون للمنظمة وتظاهرون او تطرحون مشاكلكم مفكرتوا شراح تكولون للجندي العراقي الي بالدخول وراح توكفون بالسرة ومراح تكدرون ضربون السرة لأن الموظفين هواية وحتى لو وصلتوا ورة دخلة الموظفين فهمين الة يصيح الاسامي واكيد ولا اسم بيكم حيكون موجود بالقائمة وراح يسألوكم شعدكم وتكب الهوسة ويطلعون الحرس العراقي اول شي الحرس الاوغنديين ميخاطرون بحياتهم على كم عراقي ديظاهر فراح يطلعون العراقيين بس وتعرفون التعامل شلونه وراح تزحفون شوية شوية عالشارع وانتوا تدرون الوضعية بغداد شلونهة هسه وبس يحسون هاي الهوسة مال شنو راح تصير امور احنه في غنه عنها وان استجابوا الكم المنظمة وطلع فد شخص منهم فة مستحيل مستحيل راح يفوت هيج عدد على مسؤؤليته لأن ميعرف شراح يصير جوة داخل المنظمة او بالقرب منها واذا دخل كم واحد من الاخوة نيابة عن الباقيين فراح يهدئوهم بكم حجاية ويطلعوهم وبالتالي راح نجيب العين على نفسنه ويصير مكان المقابلة الوصول الة جدا خطر والمقابلات هسه لبعض الكيسات ماشية وبيهة كم تغيير وانتوا دتلاحظون ودتشوفون الاحصائيات مال السفر فيا اخوان الي صابر خمس سنوات او اربعه او تلاثة او سنتين او سنه ميكدر يصبر هالكم شهر على نهاية السنه ونشوف شحيصير عسى ولا عل بمشون الكيسات النايمة حتى يمشون البقية اسرع ولتتوقعون بهيج شي المنظمة حتساعدنا.. المنظمة ممخولة بأن تحل هيج نوع من المشاكل بصورة سريعة حتى لو يخاطبون الجهات الامنية الي بأميركا او الامم المتحدة او اي جهة امنية تخص ال اي او ام  فمناك راح يجاوبوهم ويكلولهم حجاية وحدة والي هي علة ومشكلة كل الاخوة الي هي التجييك الامني.. اكبر مسؤول ميكدر يتلاعب بيهيج شغلة حتى لو كان شخص واحد عنده مشكلة مراح يكدر يسويلة شي اذا ميجيلة الاوكي مال التجييك الامني مالته فخلي نكول يا الله ونذبها بالظلمه ونخلي الي خلقنا وخلق اشخاص المنظمة والي خلق امريكا يكون الحل والتسهيل بأيدة  والي كاتبة يصير وهذا الحجي كله لسلامتكم وخوفنا عليكم لأن من المستحيل نقارن نفسنه ووضعنه بنفس الوضع الي بعمان المنظمة بعمان من تفوتلهة حالهة حال اي دائرة عدنا هنا  او شركة من الشركات مو محصنه وخابصين الدنيا مثل هنا هنا الوضعية تختللللللللف والوضع هسه جدا جدا خطر مو مال نسوي هيج شي بهيج مكان بهيج بلد بهيج وضع وارجع واكول صلوا على النبي وصفوا بالكم ولتخلون مثل هيج منظمات تخربط حياتكم ماكو احد بينه مرايد السفر بس اكو شي اسمه الحياة دتمشي ومواكفه عليهم ... وجدا اسف على الاطالة واتمنى الحجي عجبكم وفادكم بعض الشيء وهذا الشي من واجبي عليه وعلى الكل ان نحجي بيه لسلامتنا كلنا وتجنب الامور الي مو بصالحنا لاسمح الله واتمنى من كل كلبي ودعاء جماعي نكول يارب ياكريم نكون السنه التجي الجديدة كلنا هناك وكلب على كلب وعائلة وحدة تحياتي للجميع والسفر القريب بأذن الله .

+1 طبعا وتدرون اشون راح يتعاملون ويانة  على اساس الجلاليق والكفخات والله هاي سياست البلد ونتو اعرف مني بيهة وانا اخوكم من جماعت 2009 واكثر واحد مختنك بيكم لاني ما احب العراق ابصراحة من زغري الهذا كبري وحتة اولادي يعتقدون همة مو عراقين والحمد الله صبرت وانشاء الله اشوكت الله يقسملي السفر اروح وما عندي كل مشكلة من استنفذ اخر نفس وية منضمت الiom عود ادور غير طريق واهم شي واحد  يحفض كرامتة وما يخصرهة على ايد كم جندي وشرطي ما يستحي وانتو شوفو ابعينكم لازم من اتفوت من السيطرة اتنزل الجامة واسلم وتبتسم حتة اتفك رقبتك والله كريم

اخوية حمد الله على السلامة اول شي وثاني شي ذكرتني بغنيت كــــــــــاظم الساهر (رحــــــــــــــــــــــــال)ايباه يعني مكتوب علينة نبقة عابر سبيل والله وين ما اروح بس اسمع  الناس اتريد اتهج من العراق ليش ما اعرف ؟؟؟؟؟؟؟ حتة الجهال اسولف بالطلعة شنو السالفة ما ادري الله كريم ياريت ايكتبون املفي فد يوم عابر سبيل قابل عمي بس استقر لان صرت فد مرة مشوش هاي السنة لا اني اكدر اكمل حياتي ولا انا مسافر وبادي صفحة جديدة من ورة انتضار السفر

اخوية رئفت ماكو هيج شي موافقت المحلف ما اصير اكس باير لاكن اكو تحديثات من قبل صاحب الملف مثلا يجي طفل او يضيف او يحذف من ضمن المتقدين على الكيس نمبر لان هواي اخوان مقدمين 2009 او حتة من 2008 ما عادو عليهم مقابلة فقط الي عندة تحديث في معلوماتة المقدمة مثل جواز اس وبعدين استحصل جواز جي اما من تحصل موافقت المحلف ماكو اعادة وانتة احسب اشكد مقدمين  الاف مؤلفة ذولة مو كلهم طلعو لكن اغلبهم خذو موافقة محلف وبيهم سافرو على حضهم وبيهم بقو

السلام عليكم اختي ام تنسيم انشاء الله الصحة والسلامة الج والى الاهل
انتي وين في كلفورنيا اخوية عايش هناك من 2008 في سكرمنتو ويعرف كولشي وهذا الموقع مال الاجازات والشروط والدروس الخاص في ولايت كلفورنيا وهو بالغة الانكليزية واذا ماكدرتي تستفادين من الموقع ولو هو الموقع الرسمي بصدور وتقديم طلب على الاجازة مال السوق انطيج رقم اخوية وطبعا اتصل بي وافهمة انتو راح تتصلون بي وهو فقط يكدر ايساعدج عن طريق الاتصال لان هو يدرس وبنفس الوقت عندة محل تصليح سيارات واغلب الاوقات من اتصل بي لو الكا بالكلية لو الكا ابهوست المحل وتدللين اخوج ابو علاوي بالمناسبة انا هم ولايتي كلفورنيا الي صارت بالنسبة الي حالهة من حال الحلم ابسبب iom الاغبياء رغم ما انا اشتغلت ويا الجماعة الامريكان  فترة طويلة بس هم باقي على التجيك الامني من 2009 وليهسة انشاء الله اكون فدتج http://www.ca.gov/Driving/LicenseReg.html

اخي احمد لا تستغرب احنا سةينة دورة تثقيفية شهر الثالث 2012 وبالدورة التثقيفية اتعرفت على اصدقاء ومن ضمنهم مقدم طلب هجرة وكان مترجم ويا امة وابو واختة حوالي عمرهة 14سسسنة ورة ثلاث اشهر خابرني متحطم لان اهلة طلع سفرهم وهو بقة والمصيبة ابو رجال مريض يعني هناك حارو بي النسوان والله يساعدهم على هل الحالة وبقة اليومك اخابرة صنطة ايكول ماكو شي واهلة راح ايسولة دعوت زيارة وراح يبقة هناك حسب كلامة واليصير ايصير لو ايرجع امة وابو واختة ويكعد بالعراق ويسكت هاي مو جديدة على المنضمة التعبانة مال iom فلا تستغرب وانشاء السفر القريب الك انشاء الله

السلام عليكم الاخوةوالاخوات
انا كانت الامنية مكتملة بعد الفحص الطبي ابشهر دزيتلهم رسالة استفسر عن ملف اهلي ورة اسبوع اتحولت الامنية مالتي الى هولد لاكن الملف بعدة فعال وملف اهلي على حطيتة قيد الدراسة والامنية هولد البارحة دزيتلهم رسالة استفسر عن نوع الربط بيناتنة انا واهلي وكتبتلهم اذا اريد افك الربط هل يئوثر على سير القضية فقط استلمت الاوتو ربلي وانتضرمنهم جواب احتمال بعد اسبوع او عشر ايام لانهم كاتبين راح تلزم سرة على الاجابة على اكثر وقت هو سبوعينوهسة قريت احد الاخوة كاتب اذانفتح الربط نرجع من جديد على التجيك الامني والله حرت ويا هم يعني انفك الربط لو لا وللعلم الربط بيني وبين اهلي قوي

واذا تحب اكتب الي تريده بالعربي و دزه الهم وابوك الله يرحمه
مو اله بالانكليزي

اخوية دولير كان قصدي يعني رئسن اكتب اريد افك الربط لو اطلب منهم اتصال على العموم انا دزيتلهم رسالة بالانكليزي بس من تئليفي والله كريم انتضر منهم اتصال انشاء الله

اكتبلهم بلعربي تره عادي

اخوان شكر الى ردكم بس انا ما ردت ترجمة ردت كليشة مكتوبة عربي وانا اترجمهة يعني حاليا شكتب اريد افك الربط شكتب ما ادري اول مرة اكتبلهم اريد اعرف اكو ربط وشكرا

السلام عليكم
الاخت الغالية وشكرا على هذا الموضوع وفعلا اثار فضولي وخلاني اروح اجيب التواريخ بالمضبوط من الاميل يعني مو تخمين تواريخ مضبوطة
هســــــــــــــــــــــــــــــــــــة نجي على مراحل التقديم للعلم انا من جماعت البلوكة الفولاذية نايمة خوش نومة قضيتي بسبب الربط
1-قدمت من بغداد وستلمت نمبر فــــــــــــي 4نوفمبر \2009
2-استلمت من المنضمة تئكيد رقم الملف وهو  112 -izفـــــــــــي 12  2010may
3-اشعار لموعد المقابلة  مع المنظمة الدولية للهجرة في بغداد 30 aog  في 2010
4اشعار لموعد المقابلة  مع هيئة المحلفينThursday, 16 December 2010 
5موافقت المحلف 23jan 2011
6-فحصين طبي واحد 2011 والثاني 8\7\2012
2012شهر الثالث دورة تثقيفية
7اكتملت الامنية اموقع الهجرة عمان ابشهر الثامن ورجعت من جديد ابنفس الشهر تقريبا ورة 10ايام هم بالانتضار
للعلم اكو ربط قوي جدا وية اهلي وهو كيسهم iz-111 قبلي قدمو 2009شهر 11 والمقابلات مال المحلف والاولى سوية الفحص الطبي الاول قبلي همة بسبوع الفحص الطبي الثاني همة قبلي ثلاث اشهر الدورة التثقيفية سوية حالت ملفهم بنتضار النتيجة حاليا دزيت رسالة اطلب من المنضمة توضيح نوع الربط  وشكر الحضرتج وتحياتي ارجو ان اكون ما اهملت ادق التفاصل عسى ولعل اطلع ابنتيجة عن قريب

طبعا  عن نفسي اتفق مع الاخوة رافضين الفكرة وكلنة اشتغلنة وية الامريكان ونصير صيد سهل للكامرات وكل الجهات اتكوم اطالب ابروسنة خلوهة سكتة انسافر و حنة ايدنة على قلبنة عمي ترة والله ايصير كتلنة رفس وانتة مو غريبين على الوضع وهية ناس كاعد تمشي ابسيارات وياهة حمايات يختالوهة بالكواتم احنة ما يحتاجون كواتم بعد ايشمرون روسنة الله وكيلكم وكلهة تستفاد من هل الوضع وحنة انكون الخاسرين الوحيدين لان وضعنة مو مثل وضع عمان الله وكيلكم وانتو ابكيفكم بعد

أخواني اهل بغداد احنا مو اقل من اخوتنا بعمان والي سوو كان فعلا شجاعه ولازم نسوي نفس الشي اذا مو اكثر لانه احنا عايشين بالضيم لا امان لا استقرار اذا اكو  من يساندني فأني أول وحده
والشكر للجميع

اخواني اخواتي

الفكرة حلوة بس لابد تلافي اخطاء جماعة عمان كي يعم الخير على جماعة عمان وبغداد والجميع.
يجب ان تكون حملة اعلامية خارجية يشارك بها جماعة بغداد وعمان في الاعلام الامريكي وان يكون في امريكا من يقوم بذلك وانا ارشح لكم اخونا رايان الذي وصل الى هناك قريبا. فله باع وخبرة في هذا المجال لانه عان ماعاناه من المنظمة  وقاد حملة سابقة ادت نتائجها الى حالة التسريع الذي نلمسه هذه الايام. فهو الخبير بهذه الامور وعلاقاته التي بناها لم تُنسى لحد الان.
اما ان اردتموها صورة طبق الاصل من النسخة الاردنية فتاكدوا بان المادة 4 ارهاب بالانتظار

  +1

اخوية من دزيتلهم الرسالة اجاك اوتو ربلي ؟؟؟؟؟؟؟ لان دزيتلهم رسالة شو لاحس ولاخبر وشكرا الحضرتك

اخوية ابو علاوي

من رحت لمطار  بغداد  بساحة  عباس ابن فرناس   لكيت موضف الاي او ام  موجود  تروح علية  وتنطي الجوازات  يقراء الاسامي  وينطيك التذاكر  والجوازات  ويكلك  ادخل للمطار لقاعة بابل  وراهة انتة ترتب امورك  تريد تتدخل  بالباص بالجمسي بالتكسي   اني جان ويياية اسكورت  سيارة جمسي وباج 

همة الي دخلوني للمطار
المهم
تدخل المطار وتتفتش  وبعدين  يجي الموظف مال الاي او ام  يتاكد انو الكل  سلمو الحقائب  وبعدين تدخل للترانزيت تروح للضابط تنطي الجوازات  يباوع على صاحب الجواز  ويختمة حالك حال اي مسافر عادي  رايح لعمان تدخل الترانزيت  تنتظر الطيارة من ينادون عل الرحلة تروح للبوابة  تنطي الجواز والتذكرة يشوف الختم وبكلك الله وياك


واي سوال اني  اخوكم حاضر

اشكرك وجزيل اخوية الغالي تحياتي الك طمنتي يعني الجماعة بالمطار ماراح يعرفون انتة على iom فقط يختم مغادرة الى عمان وهايهية .....تمنياتي الحضرتك بالصحة والسلامة وطيب الخاطر
اخوك ابو علاوي

طريق السلامة تحياتي الك توصل وتحقق كل امانيك واحلامك ويوم تاخذ الجواز الامريكي

dear sir/madam
I would like to check the link between our cases and if you found it is hard link please make it to soft link
and please advice if this change will delay our depart date or not
I'm looking forward to reply

الف شكر وتحياتي ياغالي جعلها الله في ميزان حسناتك اخوك ابو علاوي

Dear IOM

I'D LIKE TO REQUEST SOFT LINK BETWEEN THE CASES BELOW

IZ-xxxxxxx AND IZ-xxxxxxx

جزيل الشكر والعرفان بالجميل الن في بلاد العجائب وفقك الله على فعل الخير اخوك ابو علاوي

السلام عليكم
انا عدت الفحص الطبي بتاريخ 8\7\2012 ورة شهر اكتمل الفحص الطبي وراهة اتغيرت الامنية الى مكتمل وقبل اسبوع رجعت غير مكتمل لاكن حالت الملف فعال ولا راسلتهم ولا دوخت روحي بس انا بعد اكتمال الكيس مالتي راسلتهم على الكيس الثاني ايخص اهلي وراهة بسبوع وبالتحديد يوم الجمعة الساعة 11 الصبح اتغيرت الامنية الى بندنك بالانتضار وهذا الخبر حيل ضوجني
انا من جماعت 2009الكيس 112
اما اهلي الكيس مالتهم 111وهمة لحد الان ملفهم بنتضار النتيجة والامنية بندنك بالانتضارعلما احنة فحصين طبي امكملين ومقابلات ودورة تثقيفية امكملين ومن خابر ابو الفحص الطبي قال هذا اخر فحص طبي الكم
والله احتارينة وتمررمرنة لا احنة بالعراق ولا احنة بمريكا ياريت احد يجاوبنا ناس اكو مثلنة

انتضر ردود القدامة ونصائح الاخوة يعني اشون افك الربط بدون ما اثر على الكيسات وشكرا لكم

موضوع حلو عاشت ايدك زيادت معلومات بدون زحمو california
ســــــــــكرمنو

السلام عليكم الاخو والاخوات تحية طيبة معطرة بئريج الورد والياسمين
ارجو من حضراتكم اصحاب الخبرة ان تكتبو لي (كليشة)بمعنى نموذج رسالة ابعثها الى iom بخصوص فك الربط بين الكيسات خصوص اخوكم امنيتة كملت وبعدين  رجعت من جديد بالانتضار والسبب انه على ما اعتقد اكو ربط بيني وبين اهلي وخصوص قررو الاهل انهم بعد ما يسافرون الى امريكا وانا كنت استقبل اتصالات المنضمة على هاتفي الشخصي بخصوص كيس الاهل ومقابلات المحلفين كانت سوية رغم ان اهلي قبلي بالتقديم يعني سبحان الله كنت انا رافض السفر (وراهم قدمت )هسة همة رافضين السفر بالوقت الحاضر ارجو من يستطيع مساعدتي لاني لا اعرف (شكتب الهم )وكيف اعرف انه هناك ربط قوي
ملاحضة ,,,,,,,,عند اكتمال الامنية في ملفي ارسلت رسالة الى iom استفسر عن ملف اهلي وبعد اسبوع تحولت امنيتي من مكتمل الى انتضار
؟؟؟؟؟؟؟؟؟؟يعني شتفسرون اكو ربط
ملاحضة ثانية .........كانو دوما يفحصون طبي قبلي على الاقل ثلاث اشهر  وانا بعدهم افحص الفحص الطبي
ملف الاهل يبدئ iz-111
ملفي iz-112
وشكرا جــــــــــــزيلا لحضراتكم لا يهم ان تكون الرسالة عربي او انكليزي وشكرا لكم

السلام عليكم وبارك الله بيكم وماراح تعبكم ابلاش خصوص على شغلت الربط تحياتي والله يجعل طريق السلامة مبتغاكم ويسهل امورنا واموركم وللجميع السفر القريب تحياتي

الـــــــــــــــــــــــــف مبروك وحمد الله على السلامة وسلامت الاهل انشاء الله اشوف الخير ابحياتك الجديدة  عندي سؤال اخي عراقي من طبيتو مطار بغداد الى حد ما غدرت وبالتحديد اصالت المطار ارجو منك ان تسرد احداث تسليمك للجوازات مالتكم وية ضابط الجوازات العراقي قبل لا تصعد للطيارة يعني اخوية هم ضابط الجوازات سئلك على الرحلة ونوعهة وية iom؟؟؟؟؟؟؟؟؟ يعني الموضوفين مال iom بغداد كانو قريبين عليكم لو خلوكم انتة وربك يا موسى لان انثار موضوع بالمنتدى مال الهجرة ابخصوص المنع وتشابه الاسماء وكثرت الاجوبة وما كدت اعرف الصدق وين اذا امكن اتجاوبني واكون ممنون الك ومرة ثانية الف الحمد الله على السلامـــــــــــة

 
عن نفسي راح اخذ وياي مبلغ 20 الف دولار اجرب حضي  ابعمل خاص النفسي اذا فشلت راح احول على الشغل وية الحكومة والمؤسسات ومن ضمن التوقعات الحاطهة انتسابي للجيش الامريكي طبعا بعد ما احصل الكرين كارت وهذا اضعف الايمان وبنفس الوقت ادرس وتعب نفسي كم سنة اخذ شهادة اتفيدني بس انا حملي ثقيل وياية عائلة زوجتي واطفالي بدل ما افكر ابنفسي فقط را افكر بربعة يعني مخلص الكلام انتة رووح واصنع انفسك الضروف ولا ضيع وقتك ادور اعمال فقط تسترزق منهة معيشتك اليومية وما تدري اشراح ايصير بعد اسبوع افرض صار عندك افلاونزة بسيطة اتنومك يومين اتلاثة بالفراش اشراح اسوي ؟؟؟؟؟اذا انتة ما عندك كل مدخرات ولا رصيد اتواجه بي مثل هكذا ضروف
وهذا خوش موضوع يحتاج تفاصيل اكثر وتجارب اكثر

اخوي ابو علاوي
نصيحتي الك ولكل الي يفكر يفتح عمل خاص بامريكا ،  لا تباشر بيه الا بعد مرور على الاقل سنة او سنتين حتى تتعرف على جميع قوانين البلد ومن اهمها (الضرائب).


اخوك
ابو لوليا

اخوية العزيز الغالي هو انا ذكرت انه الازم  نختلط بالمجتمع الامريكي ونندل كول الدروب ولامور اليعرف بيهة ابن البلد ولازم بالبداية انجرب الاعمال البسيطة وبعدين واحد يختار عمل منة يكدر ايطور نفسة وينجح بي بالنسبة الي كل الاعمال الشريفة الي تتناسب مع قوتي البدنية طبعا ابنضر الاعتبار عدم هدر الوقت خصوص بالسنين الاولى ثانيا الي يريد ايغير  حياتة  وعندة طموح ايغير حياة اولادة خلي يطلع والي يحس انه حياتة هنانة بالعراق بيهة انسانية واحترام  للبشر خلي يبقة لان كولمن عندة وجهت نضر وفكرة عن نفسي من طفولتي الى حد هذا عمري ما فد يوم حسيت نفسي عراقي الجنسية وهذا الشعور ما راح فد يوم عن ذهني  مع كل الاسف حتة من صار عندي بيت ملك ورصيد وضيفة هم ما حسيت نفسي عراقي وهذا احد اسبابي للهجرة اما الامور الامنية والمادية خالهة مسئلة ثانوية

تسلم اخوية انشاء الله الموفقية

اني هم مثلك قبل لاينغلق ابيوم صارت الامنية مالتي بالانتضار اما الملف نفس حالتة فعال شو دوخونة ما نعرف اشبيهم

ممنون والف رحمة على والديك يعني الشغلة امبينة بس سئلت صديق الي منتسب بالمطار هو عندة نوع من الغباء اصملة عليكم  ايقول التشابه ايصير على الاسم الثلاثي وما يجيك اسم  الام والزوجة !!!!!!!!!!ما من الممكن قابل هية هيتة وهم انا اكول هل الشكل بس انا عندي اقاربي بالجوازات مال الكرادة وراح اخذ كل الجوازات حتة مال الاطفال اجيك يمة والله كريم ولو ما عندي شي والحمد الله لاكن اسمي هواي ناس امسمية بي واسم ابوية مركب هواي عالم امسمية بي لكن اسم جدي نادر
وصارت عندي بالضريبة تشابه اسماء سويت عريضة على السريع مال تشابه اسماء وخليت اسم الزوجة واسم الام والشغلة ماطولت ربع ساعة رحت لبو الحاسبة ختملي على العريضة ورفقوهة ابملفي بالضريبة يعني تشابه الاسماء وارد بس مو بالضرورة والخطورة وحجمهة مثل ما دا اشوفهة بالمنتدى يعني حتة اني صارت بية خوفة هلكد ما انعاد الموضوع وكل واحد ايجر بالطول بالعرض وشكرا جزيلا على المعلومات الكتبهة وتجاربك تحياتي ياغالي

السلام عليكم
من وجهت نضري الانسان اول شي ايحسن علاقات بالمجتمع الجديد ويطور الغة مالتة ويندل (الدروب)مثل ما نسميهة بالعامية ابلدنة
ثانيا يبدي ايبلور فكرة عن العمل الراح يختارة يطور من ورا لو بس مال عيشة يومية وسد ايجار وما كو شي يجي بدون صبر والحياة في امريكا تعتمد على الفرص  وتعتمد حياتك على التخطيط لان اذا اتخطط ما راح اجوع او تنذب بالشارع بدون سكن وخلي نتعلم من النمل وهاي هسة اتكول فلسفة وخيال ما يبت للواقع في اي صلة  لا بالعكس انتة اذا اتخطط وتعرف اشون راح اسوي كونترول على حياتك ومصروفاتك راح توصل انتة والوياك الى بر الامان وتوصل مراحل ما متوقعهة
عن نفسي راح اخذ وياي مبلغ 20 الف دولار اجرب حضي  ابعمل خاص النفسي اذا فشلت راح احول على الشغل وية الحكومة والمؤسسات ومن ضمن التوقعات الحاطهة انتسابي للجيش الامريكي طبعا بعد ما احصل الكرين كارت وهذا اضعف الايمان وبنفس الوقت ادرس وتعب نفسي كم سنة اخذ شهادة اتفيدني بس انا حملي ثقيل وياية عائلة زوجتي واطفالي بدل ما افكر ابنفسي فقط را افكر بربعة يعني مخلص الكلام انتة رووح واصنع انفسك الضروف ولا ضيع وقتك ادور اعمال فقط تسترزق منهة معيشتك اليومية وما تدري اشراح ايصير بعد اسبوع افرض صار عندك افلاونزة بسيطة اتنومك يومين اتلاثة بالفراش اشراح اسوي ؟؟؟؟؟اذا انتة ما عندك كل مدخرات ولا رصيد اتواجه بي مثل هكذا ضروف
وهذا خوش موضوع يحتاج تفاصيل اكثر وتجارب اكثر

up للرفع والاجابة من اصحاب الخبرة

الاخ عراقي هاي لحد هسة ما اعرف انا عندي ربط وياهم لو لا لاني قدمت وراهم ابشهر على ما اذكر همة قبلي  منو عندة وية منو ربط والله ما اعرف احتمال iom من يمهم ايسون الربط بدون ان يرجعون لصحاب الكيس ؟؟؟؟؟؟
وسئلت اكثر من مرة اخوية على شغلت الربط قال ماكو ربط بيناتكم

طبعا انا واخوية متفقين في حالت طلع سفري قبل اهلي اسافر ومناك انسويلهم فيزة للزيارة ويبقون في امريكا ونكمل معاملت الهجرة مالتهم قضيتهم اتكون ابعين العطف عند القاضي لان اولادهم مهاجرين من العراق وبعد ما عدهم احد شو انقلبت الامور كولهة من الامنية مالتي صارت في الانتضار يعني اتغيرت من مكتمل الى الانتضار والله يعلم اشوكت راح اخلص احتمال الاهل راح ايسافرون فيزت زيارة هل الشهرين الجايات وتنفض سالفت الانتضار والله كريم

شـــــــــكرا جزيلا للآخوان الرد على استفساراتي وهونو علية مصيبتي بالنسبة الى الكيس مالتي
iz-112
الكيـــــــس مالت الوالد والوالدة هو iz-111
افتهمت اكو ربط بس اشون ملفي يتغير فجئة من  الامنية مكتملة وكان فعال الى تحت الانتضار يعني اشون رجعو ابكلامهم لو هاي اصير عدهم عادي لعب على الناس والله حتة اذا طلع السفر اصير عندي ريبة خاف اوصل امريكا ويرجعوني محتاجين تجيك امني هاي غير مشكلة شنو اجراءاتهم مافتهمت اراسلهم لو خاف ايصير ملفي معلق تاليهة درب الموت الى استراليا وافضهة هية هاي الثلاث اشهر ما اتحمل غيرهة لان بعد راح العمر مابقة بي شي وتحياتي الكم

اخوان التجيك الامني صار Pending (بالانتظار)
وحالت ملف اهلي صارت    Pending Result (بانتظارالنتيجة)
وقبل سبوع اخوية دزلهم رسالة يستفسر عن حالت ملف اهلي

السلام عليكم
اخوان ادخل ابصلب الموضوع لان مابقة بية عقل بعد
انا من  جماعت امقدمين 2009 iom بغداد
فحصت الفحص الثاني يوم 8\7\2012 وراهة ابشهر اتغيرت حالت الامنية الكشرة الى مكتمل
حالت الملف فعال البارحة الحد  الساعة 2باليل ملفي فعال وكلشي مكتمل فقط حالت السفر غير فعال
اليوم الصبح الى حد الساعة العشرة كان ملفي على حطيتة كولشي مكتمل   جيكت ملف اهلي الي همة قبلي فحصو فحص طبي ابشهر الثالث 2012 ملفهم على حطيتة  حالت الملف غير فعال    والتجيك الامني  غير فعال فقط الفحص الطبي من اكسباير الى مكتمل صار زين شنو القضية التجيك الامني مالتي انقلب غير مكتمل فجئة يعني شنو الخلل هسة شسوي اني اراسلهم شسويلهم حتة مليت من الانتضار وما بقة بالعمر  بعد وكت مو حتة طلع شيب ابراسي وراح اكرع والله من ورة التفكير بالسفر والله يطيح حضج يا iom معقولة الكيس مالتي مرتبط وية الكيس مال بيت اهلي رغم اهلي كيسهم عبارة عن ثلاث نفرات الوالد والوالدة وثنينهم حجاج وكبار بالعمر وعندي اخ عمرة 23 سنة من ذوي الحاجلت الخاصة عندة(معاق ذهنيا) يعني اشون اكو واحد صارت عندة هيج حالة ورة فترة رجعو حالت الملف مالتة لو حضي الاسود للعلم انا ماعندي بولادي اكبار همة ثلاثة البكر توئم والزغير عمرة 4 سنوات والكبار عمرهم 8سنوات وانا وزوجتي خرجين كوليات وما عدنة اي مشاكل ولا حزبين ولا بعثين ولا عدنة حتة اقارب ارهابين لو مليشيات وشتغلت وية قوات التحالف في عام 2003 وطلعت من شغلي من قوات التحالف في عام 2010 يعني من قابلت كنت اشتغل وياهم يمعودين بس دلوني على طريقة  غير الرسائل اتصل في  iom واذا مايردن على اتصالي من العراق اخلي اخوية يتصل بيهم من امريكة لو اشون تحياتي لكل من قرة الموضوع وساعدني ابكلمة وشكرا الى ادارت موقع عين كاوة والى الاخوة والاخوات اعضاء موقع عين كاوة تحياتي لكم

السلام عليكم
ابخصوص صندوق البريد كلفني 8000ديينار عراقي من اتفوت مدة وما دافعلة اشتراك اتروح اجددة ويكلف 15000الف دينار سعر الكيلو الى امريكة 12000الف دينار سعر  اذا  ادزون من امريكة الى العراق ايكلف 2كيلو ما اذكر اشكد ايعادلهة بالباوند واعتقد 45باوند ايكلف  40$وتختلف من  ولاية الى اخرى مدت الشحن اكثر من 25يوم نهايت السنة شهر 11ما كو طرود  اذاالحالة الامنية صار بيهة خلل بمريكة هم اي طرود ما تطلع من العراق الى امريكة وهو امين الحمد الله استلمت عن طريق بريد الصالحية اكثر من طرد من ضمنهة احذية رياضية  والبسة رياضية  وبعض الشغلات  من العراق الى امريكة ممنوع المواد الغذائية تندز  الجكاير مثل ما اتفضل الاخ كابتن الحب اثنين بوكس فقط واذا تكدر اترتبهة ايسوهن 4بس لازم عندك وياهن فد ملابس او جراجف او اي شي المهم يندحسن بالشلت وتحياتي الكم والعالم كولشي ايدزون من العراق من ترحون راح تتعجبون !!!!!!!

السلام عليكم قريت كل الردود بالمناسبة اخوية عايش في _كلفورنيا __سكرمنتو _ يشتغل فيتر عندة محل وعندة شريك ومشي امورة بالوقت الحاضر هو يعتبر من اوئل siv 2008 ما فد يوم جاب طاري واسطة ابشغل ومشتغل بالرتيشن سنة ورة سنة هو بالبداية عانة في كلفورنيا لان وحدة ماكو احد ايعينة الى حد قبل سنة فتح المحل وتوكل على الله ومشت امورة الغربة صعبة واليصعبهة حشاكم ابن الحرام الخاين للزاد انسو الواسطة وهاي السوالف واعتمدو على حضكم  لاءن
الـــــــــــــــــــــــــــــدنية ليس لمن جد وجد
الـــــــــــــــــــــــــــــــدنية لمن حـــــــــــظة كعد وتحياتي الكم

والله يا ابو علاوي الاخ الي كتب هذي الكتابه مع كل احترامي وتقديري اله وما اريد امس اي شخص بهذا المنتدى بس يا اخوان شويه تمهلو اذا انتو صغار وما تتذكرون حرب الكويت وايران والحصار فما عليكم عتب بس خلوني اذكركم بشي خدمت بالجبه وعانيت ما عانيت من اشتياق الى اهلي واصدقائي وخوفي من ان اموت وافقد حياتي والجوع والتعب والذل الي عانيته في الحرب قلة النوم بسبب القصف المستمر ليلا ونهارا علينا بالطائرات والمدفعيه وزمات الطعام المستمره ونلزم سره على البيض والجكاير واللحم ومعجون الطماطه وغيرها ونخاف ان نخرج من بيوتنا صباحا فياخذوننا جيش القدس او الجيش الشعبي الطحين الاسمر الي كنه نطلق عليه نشارة الخشب وغيرها وغيرها وغيرها من معاناة لم يشاهدهه شعبا بهكذا تشعّب يا اخواني خلي نكول الله يساعد العراقي ويكون بعونه والله خطيه مسكين العراقي لا نكول عليه حثاله خلي نكول اعصابه تعبانه لا نكول عليه شروكي خلي نكول عانه من التفرقه والاضطهاد في يوم ما لا نكول عليه همجي وما شايف خلي نكول فلوس الشعب كانت تروح للغير والشعب يتفرج ويباوع بعيونه ولا نكول عليه اناني لان كنه في يوم ما طلاب جامعه بالكاد نكدر نوفر الكروه نروح ونجي ونشوف بعيونه الطلبه الفلسطينيين يلعبون بالفلوس لعب وعايشين احسن عيشه بفلوس العراق الي كان ينطيهم اياه صدام خلي نكول الشعب العراقي مسكين اعذروه يا احبائي والله اعذرو ولكم والله خطيه صعب واحد يكون غني ومحروم والله اصعب شي الي اطلبه من كلبي دعوه لكل من مس شعبنه المسكين بهذا الموضوع ان يحذف تعليقه او يعدله واعتبروه طلب من اخوكم الجبير

احترامي وتقديري لكل اعضاء المنتدى

احــــــــــــــــــــترامي وتقدير الى شخصك وتحياتي الى طيب اصلك يا اصيل يادم نقي ياطيب الله يكثر من امثالك فعلا نحتاج علا ج ونحتاج انضف الغبار المتكدس على اكتافنة من سنين احنة شعب غني ومحروم ابنفس الوقت تحياتي يا اصيل وكل ما كتبتة انما يدل على معدنك وطيب اخلاقك اما يا اخوتي الاعزاء العراق ترة ايعاني ازمة نفسية ايعيش ويوافي الاجل وهو ما يعرف شيريد بالضبط والسبب لاننا ما مرعلينة يوم انحس عدنة وطن نبني ونعمر بي ونعيش بي اخوة وحالنة من حال البشر ترة اليمر علينة ابحياتنة عبارة عن غابة بيهة القوي ياكل الضعيف مع كل الاسف وهذا الوضع يصلح بس يحتاج سنين مو اقل من 30 سنة ثانية ولهذا السبب انا قررت الهجرة وانقل اولادي الى مستقبل احسن وانضف وهذا الشعور فقط يخالج من هو والد وعدة ابناء وعاش بالعراق فترت حرب العراق وايرا ن وحرب الكويت والحصار وما بعد 2003 تغير النضام الدكتاتوري وهاي تسع سنوات طلع النضام الدكتاتوري عايش في اغلبنة ما يحتاج تعليق وصف وانتة اتعرفون الباقي ابحياتنة اليومية اشون انعيش بيناتنة من اكبر شهادة الى اقل درجة بالمجتمع ايحس ابحب الانا وتحياتي الكم والى الاخ الصابر الله يصبرنة معك

السلام عليكم عيدكم مبارك وكل عام وانتم بالف خير
اليوم كنت اسولف مع اخوية الاصغر عايش في كلفورنية من 2008 وهو في ولايت سكرمنتو  سئلتة على شهادت الكولية قال نكعهة واشرب مايهة سئلتة على الاعدادية قال جيبهة ابطرك عمرهة حتة لو عربي وما مصدقة من الخارجية اتفيدك اذا ردت تنتسب للجيش الامريكي لان يحتاجون منك شهادة ثانوية وقال للسرعة خاف ايعضموهة عليك روح جيبهة من امريدي ترة محد يسئل وراك
وهذا نقلن عن لسانة الله ما بيناتنة وهو اخوية ابن امي وابوية يعني ما يريد ايضرني وتحياتي الكم

السلام عليكم ايامك سعيدة ابو خالد وكل عام ونتة بالف خير تحقيق الاماني والله ينولك مرادك ويكتبلك طريق السلامة

واكو ملاحضة اشكولهم شكول ارهابين  ياسبحان الله
الله يرضى هيج شكولات منزوعة الرحمة اتروح لمريكا وابني العمرة اربع سنوات يحسب انكليزي ورياضيات ويتكلم العربي الفصيح باقي بالعراق حسبي الله ونعمة الوكيل الله يطيح حضج يامنضمة iom اطلعين الارهابي وتعوفين  المضلومين امعلكين  على الامنية المهجومة

الله يطيح حضهم واذا اكو عدالة في امريكة المفروض يعدموهم ذولة امين طلعولنة صفح ابيا ولاية عايشين  بلا زحمة

السلام عليكم الموقع شغال الساعة 01:09بعد منتصف اليل حاول اخوية مرة ثانية وانشاء الله اكو جديد ابملفك صارت عنديوراهة اكتمل الفحص الطبي مباشرة لان بقة يومين مايفتح وبعدين من انفتح لكيت الفحص الطبي مكتمل والموفقية للجميع

السلام عليكم جميعا اخوة وخوات
اليوم احنا من الساعة ثنتين الضهر انحاول الى حد الساعة 5 العصر من بغداد ابخصوص تغير الباسورد من موقع iom وحاولنة اكثر من مرة واخوكم صرف باكيت جكاير حشيتة حش حتة النفاضة انترست وما فاد خخخخخخخ
طبعا هذا التغير مال الباسورد الى صديقي مو الي لان عندي شغال الموقع واتابع  ملف القضية ولو هو  الموقع مثل قالب الثلج اشوكت ما يموع انتة اتخلص التجيك الامني
وراح اكلكم اسوينة
عدنة صديقنة بسترالية وهو فطحل مال حاسبات وقواعد بيانية واول ما انطينا الموقع حجة عليهم وكال ذولة تعبانبن ومراح ايفيدوكم ابش لان حاول من يمة تغير الباسورد الي انطيناهيا كال من اخلص كتابت واعادت كتابت الباسور ومن اطلب منة التغير لازم الويب سايد ايسوي رفرش حتة تتحدث المعلومات الجديدة وكال هذا الويب سايد مالتهم بي مشكلة في تحديث قاعدت البيانات
حاولنا وية صديقنة الثاني في امريكة وهم انطينا ال ايزي نمبر والاميل وكلنالة من يمك سوي الباسورد اليعجبك والولد ما قصر وهم الموقع نفس المشكلة يعني المشكلة بالموقع وما اصيرلهم جارة لان همة ابعمان وفاشلين  ومابيهم خير هسة انريد انحصلهم على التيلفون مايردون على الاميل لازم ننتضر اسبوعين ابسبب الزخم مالتهم ومن ايجاوبوك دك اعتذارات صديقي ابو استراليا كال لاتهتم هسة همة ايخابروك وهاي الزعابيل مالتهم والموقع مالتهم الفاشل بالشط لان ما طول الموضفين عرب تبقة الشغلة عاضة السانهة  واي شي جديد ياريت يتحدث الموضوع واحد كدر ايبدل الباسورد لا يبخل علينة وشكرا

اخويه صاحب الموضوع
اخويه العزيز احنه عدنه كلب نوع جابانيز وعنده جواز لان من طلعنه من العراق كان معنا
وبصراحه اني اعتبره احد اولادي وميهمني شنو الناس رح تكول بس اكول ياريت الناس عدهم نفس وفاء الكلاب
اخويه بمقابلة الوفد اخذت جوازه ويايه وكال الوفد انه ماكو مشكله  وعندما وقع الكفيل على اوراقنه صاحبة المنظمه خابرته وقالت اجتي اوراق كلب مع اوراق العائله الي وقعت عليها فراح مره ثانيه ووقع على اوراق كوكي
واحنه بسوريا فسالنه ال اي او ام عنه
قالو نعم هناك الكثير طلعوا كلاب وبزازين وطيور حتى بس لازم تسوولنه فحص دم عالمي يعني من يدكوا بالحاسوب بالمطار يطلع رقم نفس رقمه ويطلعلهم مواصفاته
واحنه رحنه على الطبيب البيطري وسواها النه وطولت العمليه 15يوم وحصلنه اله رقم
وهسه اوراقه كامله وتلقيحات طبعا لازم تكون كامله دائما لان منعرف شوكت يخابرونه
ولا تهتم اخويه على كلام الناس وانما سير على الي يقرر ضميرك وقلبك
اختك ام شاهين من سوريا  واني بخدمتك على اي استفسار اتمنى انه مقصرت بالشرح
[/quot
تحية خاصة الى صاحب الموضوع على روح  الانسانية والرحمة البقلبك والله ايوفقك وانشاء الله تطلع قبلنة
وما اكدر اضيف شي على رد الاخ  الذي يحمل ابردة انسانية راقية وموضوعية وبارك الله بيكم
اما الاخوة المستهزئين هاي مشكلتهم وارجو من صاحب الموضوع عدم الانجرار وترك ما يعكر جديت الموضوع وخلي البقية تستفاد من ردود وتجارب الاخوة  الموفقية للجميع

عيني ليش انتوا مصعبيهة والله ماعرف يعني هذولة شبابنة هيجي من ورة الكبت الي ديعانون منة هسة خليهم براحتهم كلهة جم شهر ويملون لعد اهلنة من جانوا مو كلة نفس الشي غير الحملة الايمانية جتي للعراق بالجديد وياريت ايمان من صدك كلة قشمريات عالعالم المهم هو خلي يكسبهم ويكوون صديقهم عالاقل بس ميمشون بطريق المخدرات وتحياتي الك

كلام جميل ومضبوط 100% لان الانسان ابسهولة ايصير عندة اشباع هاي اول شي ثانيا احنة فعلا ماخذين البراعم من العراق نزرعهة بمريكة تبقة اصلهة شرقي ومهما ايكون ما تتخلى عن اخلاقهة



كلهه جم شهر ويملون
---------------------------

  هناك مقولة مفادها ( الممنوع مرغوب دائما )  لو انا عندي بيت يحتوي على 30 غرفه , وانت جاري وقد اردت ان اذهب الى مكان بعيد وطلبت منك ان تهتم ببيتي هذا وانا بعيد وتركت لك مطلق الحريه بفتح كل الغرف ما عدا غرفة واحده اكدت عليك ان لا تفتحها مهما بلغت الحاجه لذلك . فأنت في هذه الحاله تصير روحك بالغرفة الممنوعه وتبقى تسأل نفسك لماذا ولماذا وما تحتويه هذه الغرفة من اشياء مجهولة بالنسبة لك . ولان باقي الغرف تحت ارادتك وتصرفك متى ما شئت فسوف لن تهتم بهذه الغرف . اذا تتذكرون عندما كنا نمشي في الشارع سوية وتقابلنا امرأة او بنت متلفلفة من كل مكان وبالصدفه الهوى يطير جزء من عبايتها ويطلع قسم من ساقها , شيصير بيك ؟؟؟ عيونك اتصير براسك .....

  تعال هنا وشوف لباس داخلي يا دوب يستر الشسمه وستيان يغطي الصدر , والله بس اول يومين او ثلاثه هيجتني هذه المناضر ثم صارت امور عادية جدا لا تحرك بي ساكنا . اخواني هذا الموضوع طويل وعريض ,,, انت اهم شي ماخذ وياك براعم النيتة الاصيلة التي نمت على المباديء الدينية والقيم الاجتماعية الصحيحه ,,, او دعني اقول لك شيئا اخر هو :  روح للعراق وشوف شديصير من عمايل سوده بالكليات والمدارس وبالحدائق العامه ,,, خلونه ساكتين الله يحفظكم ,,,




الفرج ............................................  للجميع بعون الله تعالى .

 

مع ذلك راح اجاوبك على قدر فهمي وتحليلي لسؤالك (وهذا الكلام من وجهة نظري وعن تجربة تقارب ال5 أشهر في امريكا)
الشيء اللي داأحسة بسؤالك انه كلامك لايشمل فقط الميسورين ماديا بل يشمل ايضا الميسورين من ناحية الشهادة والعلم والثقافة التكنولوجية الحديثة ... يعني تقدر تكًول شباب الجيل الجديد خلي نقول مواليد ((الثمانينات والتسعينات )).. اغلب مواليد هذه الفترة عاصروا فترة ماعد ال2003 والذي نعتبرة جيل (الدفاتر الثقافة والتطور والايفون  والابتوب والانترنت والستلايت والفيسبوك والشهادات والجامعات والمطاعم الراقية والعمل مع الامريكان والتكلم باللغة الانكليزية بطلاقة وقيادة السيارات الحديثة وركوب الطائرات بل وحتى السفر خارج العراق بسهولة و و و ...الخ  ونعم هو في نفس الوقت جيل المفخخات والارهاب .)
اما الجيل الذي سبقه ((جيل السبعينات والستينات))  (جيل حرب ايران و جيل الحصار و الفقر اغلب رواد هذا الجيل يتذكرون الطماطة والبيتنجان كوجبة  الشعب رئيسية ,جيل عدم اكمال الدراسة لااسباب اقتصادية , جيل الفورتات والباصات المزدحمة والمشي لمسافات طويلة.. جيل اللي سامعين بالدولار فقط ,,جيل اللي كان مجرد عندة جواز او تلفون ارضي او مصادق ولد عندة سيارة  يعتبر من صفوة القوم . و و و ... الخ  اذا حبيت ان تضيف )
.............................
عزيزي القاريء.... اذا كنت من اهل الجيل الاول وكنت حريص على تطبيق كل مقومات العيش كأنسان  من هذا الزمان فعليك بامريكا واروبا وبالفعل ان حياتها ستهون عليك حتى وان كانت لم يكن مبلغ  الدفاتر عندك عالي جدا ونوعية اللابتوب قديمة شوية  فسوف تتأقلم بسرعة وتعيش الجو ولن تجد صعوبة كبيرة ..
..................................\
اما اذا كنت من الجيل القديم ممممممممم فاعذرني ان اقول لك وبصراحة امريكا ليست لك ولست لها , سوف تتعذب كثيرا وتعاني كثيرا ...
امريكا ليست لها علاقة بما تحمله من دفاتر ولابتوبات ولاتهتم ... امريكا لها علاقة بشخصك انت بثقافتك بعلمك بذكائك بما تعرفه بشهادك بخبرتك في مجال مطلوب وكلما زادت معرفتك بالتكنولوجيا الحديثة واللغة وقل عمرك ايضا كلما كانت (امريكا) سهلة وممتعة ومرغوبة ومحبوبة لك .
.............
اذن بقت يمك انت راجع نفسك وشوف هل تقدر ان تلحق بالركب ام لا ......... وبعدين انت جاوب نفسك
تحياتي اخوك كوندا العنكاوي

ايبــــــــــــــــــــــــــــاه ذكرتني بيام البتنجان وحش الطاوة ههههههههه

[وهذا صطر من الكتبتة (منن نصدم ابهيج نماذج بالمجتمع ويحتاج انسان قوي يتحمل مثل هيج صدمة ايكون اقوى من المريض المقابل) كنت اردة على تعليقة يوصف الناس مرضى وهو ما ملاحض وين وصل المرض بي]

السلام عليكم  رمضان كريم  على الجميع تحياتي الى الفرج 2 والى الاخوة والاخوات زوار الموقع
وعتبي على ادارة  الموقع والمشرفين بالتحديد على مواضيع الهجرة والاجئين
السبب راح انقل الكم ما صار وشون موجودة  خاصيت تنبيه المراقب وستعملتهة ولحد هاي الساعة رد المدعو (كــــــــــــــــافور )موجود على صفحت وموضوع الاخ (ابو مجتبى)؟؟؟؟؟؟؟؟؟؟؟؟؟؟؟؟؟؟؟؟ واريد اعرف المشرفين وينهم عن هيج اسائات وموضوع او استفسار  يتعرض الى اهانة واستهزاء ورد كان على كل من يعلق على الموضوع ومن رخصت الاخ الفرج 2 لازم انقل رد (كـــــــــــــافور)نصا على موضوع الاخ ابو مجتبى واترك الكم التعليق والتحليل ليش ما الادمن حذف هذا العضو رغم ما طلع عن سياق الاداب العامة وتهجم ابكل وقاحة على كل الاعضاء ؟؟؟؟؟؟؟؟؟
  شوفو اشكتب كافور
والله انت بطران ون اسمك تريد تثبت فد شىء بخاطرك المريض يعني من سفاهة اسئلتك المفروض محد يجاوبك بس السفيه اللي راح يجاوبك
يـــــــــــــــــــــــــــــــــا ادارة اشمنتضرين بعد يالة ينحذف هذا الرد شسمو  واستعملت تنبيه المراقب ولحد هسة ماكو شي  لا حذفو ولاخذو ضدة هذا الشخص كافور اي اجراء على الاقل حضر العضو هذا فترة
على العموم اشكرك الاخ فرج 2 وكثرالله من امثالك ومواضيعك الحلوة ........................................نحتاج تصليح هواي في مجتمعنا وانا من كتبتلة (الكافور) وهذا صطر من الكتبتة (منن نصدم ابهيج نماذج بالمجتمع ويحتاج انسان قوي يتحمل مثل هيج صدمة ايكون اقوى من المريض المقابل) كنت اردة على تعليقة يوصف الناس مرضى وهو ما ملاحض وين وصل المرض بي نحتاج انكون اقوى من امراض المجتمع حتة لا ننعدي من هيج نفسيات دوما الانسان الماعاجبة كلشي وبس معجب ابنفسة ويلغي وجود الاخرين هذا انسان مريض نفسيا ويحتاج علاج واكو هواي طرق للعلاج منهة اتوكفة عن حدة واتعرفة قدر نفسة وخير الكلام ما قل ودل تحياتي الحضراتكم وشكرا جزيلا اخي الغالي الفرج 2 لسعت صدرك واذا اتحب احذف الكتبتة واشوفة بي فد ضرر مجرد اتراسلني احذفة تحياتي
ملاحضة الى اي ادمن خاف ما يندلون رابط الموضوع خلي يتفضلون ايشوفون اول رد على موضوع ابو مجتبى رد كافور اشكاتب
http://www.ankawa.com/forum/index.php/topic,603950.0.html

خواني ممكن تجاوبوني على سؤالي وهو
احنا عائلة مكونة من خمس افراد ومقدمين على اﻷجوء الى اميريكا وبما تن عدنا كبير فهل مطن ان ياحخر اح لنا البيت هناك اي نحن نسكن به وليس الشخص الذي سوف يؤجر البيت هل هذا ممكن ام لا
3لاني سمعت ان لاييجوز ذلكح
بعد التصحيح
اخواني ممكن تجاوبوني على سؤالي وهـــــــــــــــــــــــو
أحنا عائلة مكونة من خمس أفراد ومقدمين على الجوء الى امريكا وبما انه عددنا كبير فهل ممكن ان يئجر لـــــــنا البيت هناك ...اي نحن نسكن به وليس الشخص الذي سوف يؤجر البيت هل هذا ممكن ام لا ...لأنني سمعت أن لا يجوز ذلك
وتمت الاجابة علىالسؤال  من قبل الاخوة الكرام  وشكرا

الله يعينك اخوية على حياتك وايامك الجاية وانشاء الله ما ضيج الة تفرج  بجاه هذا الشهر الفضيل وبجاه الرسول وال بيت الرسول عليهم السلام تحياتي ودعائي الى ابنك في الشفاء العاجل ارجو من الاخوة اليقدرون ايقدمون ايد العون الى اخونة ما يتئخرون والله يجعلهة في ميزان حسناتكم