الرسائل

1

الهجرة و واللاجئين / رد: اخوان مساعدة الف رحمة لوالديكم

« في: 20:27 08/10/2010  »

السلام عليكم

اتمنى اكون ما ازعجتكم بس سؤال عندي بسيط

للاخت ريم عبد

هذه الايميلات اللي نطيتنياهن يستقبلون مراسلة باللغة العربية

لو بس انكليزي؟

وشكرا

منتظر الرد !

2

الهجرة و واللاجئين / اخوان مساعدة الف رحمة لوالديكم

« في: 23:34 07/10/2010  »

السلام عليكم اخون شلونكم شخباركم

اتمنى اللي يعرف بالموضوع لايبخل علينا بالرد

عندي صديق خطية هو قدم على هذا اللي اسمة اللوتري المجاني مال الهجرة الامريكية الكرين كارد2011

وطب للموقع وكتب اسمة ورقة الخاص وطلعت النتيجة مقبول وفايز هاي الحجي قبل شهرين...بس هسة هو ميعرف شيسوي

يعني مجرد هو موجود اسمة ورقمة بالموقع ومقبول...وهو ما اجا رد بالبريد... لان هو من مالي استمارة التقديم ممنطيهم عنوان بريد ... ( ما اقصد البريد الالكتروني...) لان همة مينطون النتيجة على البريد الالكتروني...لان كان مكان البريد اختياري

زين هو هسة مديعرف شيسوي .... يروح للسفارة الامريكية ... بالمنطقة الخضراء ... لو ميصير ... لو محد يخلي يطب للمنطقة الخضراء...
واذا طب للسفارة شيكللهم اني فزت باللوتري الهجرة الامريكية الكرين كارد وهذا اسمي وهذا الرقم السري مالتي وتأكدو منة

وبعدين شراح تصير من اجرائات ...... يعني يجيب الجواز يختمو الة ويسافر ... لو قصتها طويلة

اتمنى اللي عندة واحد فايز قبل يشرحلنا ... وما يبخل علينا بالرد... ( خطية هو خايف يروح للمنطقة الخضراء حتة يروح للسفارة خاف محد يطببة...خخخخخخخ)

3

الهجرة و واللاجئين / رد: استمارات الشينغن " ايطاليا "

« في: 12:27 20/09/2010  »

ممكن احد يشرحلنا النقطة السابعة وهل يعني واحد لازم يدفع هذا المبلغ لو لا

4

الهجرة و واللاجئين / استمارات الشينغن " ايطاليا "

« في: 10:52 20/09/2010  »

السلام عليكم ورحمة الله وبركاته

بعد ان بحثت كثيرا .. وجدت ان السفارة الايطالية لديها موقع خاص على شبكة الانترنت وخاص بالعراق(بغداد)

ويمكن من خلاله الحصول على التأشيرات او استفسارات... او تقديم على الدراسة بأيطاليا .. للعام الدراسي 2010-2011

ويمكن من خلاله اخذ استمارات الشينغن وملئها ..الخ

مكان السفارة في بغداد " الوزيرية ... شارع المغرب ...محلة304...زقاق15...تقاطع7...دار 33

الموقع الرسمي " http://www.ambbaghdad.esteri.it/Ambasciata_Baghdad

الايميل الرسمي " ambasciata.baghdad@esteri.it

رقم الهاتف الخاص للسفاررة الايطالية هو : 009647801952388

وهذا ايضا : 009647901113343


أیام التقدیم في المكتب القنصلي ھي الأحد و الثلاثاء و الخمیس من الساعة التاسعة و حتى الساعة 12 ظھرا.
إن مدد اصدر التأشیرة یتراوح مابین 15-20 يوم من لحظة اجتياز المقابلة مع المراجعين
الاستمارة الاولى :http://www.ambbaghdad.esteri.it/NR/rdonlyres/4506278C-8AE1-4384-8BB7-968A37D81896/38371/applicationform1.pdf

الاستمارة الثانية :http://www.ambbaghdad.esteri.it/NR/rdonlyres/4506278C-8AE1-4384-8BB7-968A37D81896/38372/host_declaration.pdf

معلومات اضافية تم اخذها من الموقع الرسمي:

في حال كان المتقدم مدعوا من ایطالیا أو یذھب ھناك بالاعتماد على نفسھ دون دعوة موجھ إلیھ(سفرة شخصیة)
فأن على المتقدم جلب الأوراق التالیة:
-1 استمارة طلب الحصول على التأشیرة لكل شخص راغب في الحصول على التأشیرة..موجودة بالاعلى
-2 صور خاصة بالمعاملات عدد 2 لكل شخص
-3 حجز طیران أولي ذھاب و إیاب أو تذاكر السفر
-4 تبیان توافر مسكن في ایطالیا أو الحجز الفندقي أو كتاب الاستضافة(الدعوة).
-5 وثائق محلیة تتعلق بالحالة الاقتصادیة و الاجتماعیة للمتقدم (كتاب تأیید من موقع العمل، كشف حساب
مصرفي الخ )
-6 تبیان امتلاك الإمكانیات الاقتصادیة للمعیشة، وذلك حسب الإحداثیات المعتمدة حسب توجیھات وزارة
الداخلیة 1.3.2000 المرفقة طیا
-7 تامین صحي دولي على السفر مع تغطیة تأمینیة لأتقل عن 30.000 يورو و ذلك لتغطیة مصاریف العلاج
الطبي الطارئ و مصاریف العودة إلى الوطن
-8 مبلغ الرسوم الإداریة و البالغ 60 € لكل فرد.

بس الشيء الوحيد اللي اني ما افتهمتة هو النقطة السابعة التأمين الصحي ضروري او غير ضروري او شلون ممكن واحد يعرف وويوضحلنا  هذه النقطة .. وشكرا اتمنى انه اللي يعرف اشياء بعد يدردش ويانة بهذا الموضوع..ويفيدنا ونفيدة وشكرا

ملاحظة هامة الاستمارات الي موجودة على شكل روابط هية موجودة بصيغة pdf يعني تحتاج برنامج Adobe Reader  حتى تتمكن من مشاهدتها ومن خلاله تحفظها عندك.

5

الهجرة و واللاجئين / رد: عضو جديد ممكن مساعدة

« في: 08:51 20/09/2010  »

السلام عليكم

بالحقيقة حبيت استشيركم بموضوع مرة ثانية
وهو اني اندليت مكان السفارة الايطالية ببغداد زين شنو رأيكم اروح اقدم طلب تأشير الشينغن السياحي ... واخذ كل المستمسكات القانونية ...... وما عندي شي حتى لو تتأخر سنة حتى تتطلع... او سنة ونص .. هم اني اظل انتظر...

شتكولون ينطونياها لو لا....لان اني ماكو واحد اثق بي حتى اشتريها من مكاتب السفر والسياحة ... لان كلهم او اغلبيتهم..

عبارة عن مافيات...مو مكاتب وخصوصا بهيج شغلات... عموما اذا اكو امل احصلها من السفارة الايطالية .. او اكو واحد منكم محصلها خلي يرد على الموضوع... وينطيني تعليمات او تفاصيل ... الطلب وكيف.. والمستمسكات ما هي.. شكرا

انتظر الرد

6

الهجرة و واللاجئين / رد: عضو جديد ممكن مساعدة

« في: 23:33 17/09/2010  »

مشكورين بس هسة اني ما عرفت ياخذون بصمات لو لا... واذا اخذو بصماتي بفرنسا...وطبيت من فرنسا للنرويج وهناك تخلصت من الجواز...يرجعوني لفرنسا لو بعد ميكدرون لان ماعندي جواز... وشكرا منتظر الردود

7

الهجرة و واللاجئين / رد: عضو جديد ممكن مساعدة

« في: 22:21 17/09/2010  »

اهلاحبيبي دايخ بن دايخ
اني اعرف انه البصمة بدولة معينة مستحيل ينطوك لجوء بدولة غيرها بس المهم انه انته ما تبصم

8

الهجرة و واللاجئين / عضو جديد ممكن مساعدة

« في: 20:51 17/09/2010  »

السلام عليكم ورحمة الله اني عضو جديد بالمنتدى
اسمي كريم من بغداد عمري 21
الحقيقة حبيت اسألكم كم سعر فيزة الاتحاد الاوربي او ما تسمى بالشينغن الان ومن وين ممكن احصلها...
اما ثانيا اني ابحث على هذه الفيزا لان عندي خالي في المانيا من زمان وعندة الجنسية الالمانية وكلتلة وحجيت وياه بأنه اني اريد لجوء لدولة من الدول الاوربية ... وكلي اخذ هاي الفيزا وتعال بالطائرة لفرنسا... واني اجي عليك وادخلك الى المانيا...وتظل يمي يوم او يومين او ثلاثة ايام وبعدها احجزلك طائرة الى النرويج... لان دينطون لجوء...مع العلم انه اني اثناء الرحلة الى النرويج لازم اتخلص من الجواز واتلفة واسلم نفسي هناك واحجيلهم قصتي .... الخ من هذه السوالف
 
بس اني اللي مخوفني شي واحد وهي البصمات ... اني اذا اطير من بغداد الى فرنسا من انزل بالمطار بفرنسا ياخذون بصماتي لو مايخذونها لان فيزتي هي شينغن يعني مميزة... ومن يجي خالي ياخذني من فرنسا الى المانيا ما اعرف هو ياخذني برا او بالطائرة... بالمانية على الحدود او بالمطار هم ياخذون بصماتي لو مايخذونها لان فيزتي شينغن... لان اعتقد انه لازم مياخذون بصماتي حتى من اوصل للنرويج واني تالف جوازي ميرجعوني للدولة اللي انطيتها بصماتي ... اتمنى انه اني ما طولت عليكم واتمنى انه كل واحد يعرف ان يجاوبني على هاي الاسئلة واني منتظر على احر من الجمر وشكرا