الرسائل

1

الهجرة و واللاجئين / رد: بعد الشكر لكل من آزرني ، إليكم خطوتي القادمة :

« في: 00:40 24/09/2010  »

اخويه دايخ ابن دايخ
بس الله يعينك
انت تكول 3 سنين بس الكاعد  يقره و مامجربها عباله كلمتين سهله. كل يوم بيها يمر مثل الجبل. 3 سنين بالمعاناة والقلق و ماتدري باجر شنو بيه رح تسافر لو  رح يكولولك حير بنفسك
يعني لو واحد متونس او مطمئن رح يجيه السفر بلنهايه تهووووون.
 الله يساعدك ان شاء الله يعوض صبرك و همتك و عزيمتك الحلوه بكل خير.
 احنا متعودين العراقيين كلها شلعان كلب. بس الله كريم ماعدنا غير ربك يرحمنا.

اخوك اني وين.

2

الهجرة و واللاجئين / رد: انسدت القضيه لو بيها امل؟ iom بغداد رايكم فدوه !!

« في: 14:39 23/09/2010  »

السلام عليكم اخوان
aliusaشكرا على هاي الهمه اخويه عاشت ايدك
و تسلم abnbaghdad على الاجابه. والله ياخويه شكلك !!! هذا صاحبك الي مقدم من 2008 بس الله ليساعده ماكو ل غير شي
وداعتك اني من سنه 2006 واني متبهذل, هاي اخر سنتين حتى بيتنا ما اوصله لان منطقتنا خطره ولااهل ماعدهم امكانيه بعد يتحولون لان مرتين التهديدات خلتهم ايتركون بيتهم.  حتى لبيت اهلي ماأوصل مكضيها شلعان كلب و تعب بس متكلي الى متى ؟؟؟؟!!!!!!!! و داعتك هم مكضيها للحياة تعب بتعب مو تكول كاضيها عربده وهم ياريت دا اطلع بنتيجه.
والله اخوان ردكم فرحني على الاقل واحد يحس اكو بشر يحجي وياه, يسالهم يجاوبوه وإلا مصايره سنه وشهرين بس ناطيني رقم قضيه و نسوني. حتى جواب ماكو. هسه لو يجاوبون دا افتهم.
اني اكول بلكي تطلع منهم غلط يكولون طلعناك بعفو من القضيه و خلي اهلك يكملون ويانا !!! دا احس هاي المعامله سجن و طبيت بيه. بلكي على راي اخونا aliusa يبقون الكيس لاهلي. امين
اخوان اذا احد عنده راي جديد لاتبخلون عليه فدوه. اني ائيست من الاي او ام بس املي باجاباتكم
تشكرون و بالتوفيق. اخوكم اني وين

3

الهجرة و واللاجئين / رد: انسدت القضيه لو بيها امل؟ iom بغداد رايكم فدوه !!

« في: 13:15 23/09/2010  »

شكرا للاخ aliusa و لدايخ ابن دايخ
و اتمنى الله يوفقك اخويه دايخ, الحمدلله الله ناطيك الصبر.
و الله اني هم حاير بالسالفه, بس اني نطيتهم عنوان احد افراد الكيس مالتي حتى يصير نقطة الاتصال الرئيسيه.
اني على ابواب سفر اريد اطلع من العراق اعيش حياتي و اكمل دراسه بره اذا الله راد و رحمة ال اي او ام كلشششش طولــــــــــــــــــــــــــــــــــــت
الله شاهد سنه و اكثر على قضيتي بس بال اي زي نمبر جنت احسبها يوم يوم و ماكو شي
اريد اطلع من هذا الكابووووووووس. و الله حيره. يعني هسه رايكم اذا اسحب نفسي من الكيس احتمال يلغون اهلي مثلا ؟؟ زين اني شفت بالمنتدى اكو هوايه ناس ساحبه نفسها من الكيس و باقين اهلهم !! هاي شلون سووها ؟ تحياتي اخوان و شكرا جزيلا لمساعدتكم. فرحت بجوابكم اكثر من اجوبه ال اي او ام الغامضه.

4

الهجرة و واللاجئين / انسدت القضيه لو بيها امل؟ iom بغداد رايكم فدوه !!

« في: 01:51 23/09/2010  »

مرحبا اخوان
اني نزلت موضوع قبل يومين بس ماوصلت لاجابه شافيه
شكرا للاخت انجي و للاخ ابو ديانا-بغداد للاجوبه الي نطوها
بس بعده سؤالي. اني اي او ام بغداد . قدمت سنه 2009 و اخذت ال اي زي نمر صار سنه و اكثر بشويه و كلشي مسمعت منهم بعد
اني مقدم الي و لعائلتي. اني تعبت بصراحه و اريد اطلع من القضيه ورح اطلع من العراق و مليت الصبر صارلي سنه مراقب الايميلات. بس ال اي زي فوك السنه لعد لمن اسافر شوكت.!!!!!!!!!!
اذا اطلع من القضيه يأثر على اهلي.؟؟؟ دزيتلهم اسألهم للمنظمه محد جاوب. واني سمعت شي بس ما متاكد منه يكولون هي الحاسبه اتسوي جواب مو شخص و الجواب بناءا على جمل معينه احنا ذاكريها بايميلنا. اكو هيجي شي ؟ رحمه لوالديكم راي -جواب- اطلاع- مرور-  اي شي منكم. على الاقل بالمنتدى احد يشاركني. اريد اعرف الاهل خاف رح اضرهم ؟ لو عادي احول القضيه لاحد من افراد عائلتي ؟؟؟

اخوكم اني وين!!!

5

الهجرة و واللاجئين / رد: عاجل : بوري أمريكي حوّلني من قيد الدراسة إلى مرفوض ، الحمد لله

« في: 01:28 23/09/2010  »

الله يساعدك اخويه دايخ ابن دايخ
اني جديد عل المنتدى بس تاثرت بالخبر. كله هذا الانتظار مرارو من اعصابنا وصحتنا.
 بس احيك على الصبر و التحمل الي عندك
عراقي اصيل.
الله يسهلها عليك بالجايات و يعوض صبرك خير
اخوك اني وين

6

الهجرة و واللاجئين / رد: منوعـــــــــــــــــــــــــــــــات IOM

« في: 18:32 21/09/2010  »

مرحبا اخويه رمادي
اني واحد من الاسئله اعرفه
صارلي شهر و نص ادز لل اي او ام
وماكو اوتو ربلاي و عدت الارسال تقريبا 3 مرات و ماكو اوتو ربلاي
بس بقية الاسئله ترك . ما اعرفها وداعتك
اخوك اني وين
مشترك جديد لكن متابع مستمر
مع التحيه

7

الهجرة و واللاجئين / رد: iom بغداد-استفسار بلازحمه

« في: 17:33 21/09/2010  »

مرحبا اخت انجي
شكرا على الجواب و الاهتمام
اني صاحب الكيس الرئيسي و اهلي ويايه. و اني نفتحلي طريق سفر ورح اطلع بعد يعني ما اريد من ال اي او ام تطلعني
بس اهلي بقوا بالعراق وينتظرون رحمة الله و ال اي او ام بكلي يتذكروهم بشي
غير ال اي زي نمبر احنا ما ماخذين
وصار اكثر من سنه على هاي الوضع
اني كتلهم يابه اني طالع من الكيس لان رح اسافر انطيتهم عنوان ايمل احد افراد الاسره حتى يتابعون وياه
وهم ماكو رد. اكول خاف ذابين فايلنا !!! لو ما ادري والله شنو القصه
 مجاوبتيني على سؤالي ولو رح اثكل عليج. همه سائلين مديري بهاي المرحله لو بعدهم؟ لان اذا بعدهم هاي هم مو زينه لان مثل ماكتلج اني شركتي كلها سافرت.
تسلمين على الاجابه و اتمنى اسمع رد من منتدى عين كاوه على الاقل لان اهل ال اي او ام حتى رد يميل عادي ماكو. حتى اوتو ربلاي ما استلم منهم.

8

الهجرة و واللاجئين / iom بغداد-استفسار بلازحمه

« في: 13:58 21/09/2010  »

السلام عليكم للجميع اولا:

عندي فد استفسار بلا زحمه
اني مقدم على ال اي او ام صارلي تقريبا سنه او شويه اكثر
انطوني الكيس نمبر قبل سنه وكل شي ماكو بعدها ,نامت الطابوكه عل السالفه
اولا: هل هيجي تاخير عادي بعد الكيس نمبر؟
اني اريد اطلع من القضيه لان رح اسافر و ما ارجع بعد للعراق و اسحب نفسي من القضيه بس ابقي اهلي بيها
دزيتلهم ايميل اكلهم بالتطورات الجديده قبل شهر تقريبا. و هم ماكو جواب.
اني عندي سؤال ثاني عن ال اي زي نمبر نفسه
اني وين هسه ويه جماعه ال اي او ام ؟ عندي وجود يمهم؟ ال اي زي نمبر من ينطوه للشخص يعني متحققين من عمله ويه المدير مالته لو لاء ؟ همه سائلين مديري عني لو لاء ؟ اني مديري و شركتي سافرو.
و الشي الوحيد الي عندي من مديري هو البريد الالكتروني الهوت ميل.
اريد اسافر وكلبي مرتاح من ناحية عائلتي. تاخير ميخالف قبلنا عليه ماعدنا غير ملجأ,بس اكول خاف يكولولي احنا اصلا ممتحققين من عملك. شنو رايكم؟