الرسائل

1

الهجرة و واللاجئين / رد: الفحص الطبي و الهجرة الى كندا

« في: 02:16 25/10/2011  »

السلام عليكم شلونك اخوية العزيز اني من كندة احجي وياك وعندي خبرة بهاي السوالف انشاء الله انت مقبول مادام اخذت ورقة الفحص وسويت الفحوصات اعتبر نفسك انت بكندا انشاء الله وكندا فاتحة بابها الكل الناس الي تعرف انهم صدك بحاجة الى استقرار وتعبانين فعلا فابشر وكول يارب

2

دردشة منتدى الهجرة واللاجئين / معلومات مهمة للذين سفرهم قريب

« في: 03:15 07/02/2011  »

السلام عليكم شلونكم اخوان شخباركم انشاء الله بخير اعذروني على هاي الغيبة الطويلة بس انتوا كلكم اتعرفون المسافر جديد يكون مشغول بهواي امور مثل الفحوصات والتحاليل وغيرها طبعا صحيح السفر حلو بس التفكير بالعيشة اصعب وباللغة اكو ناس يكولون ماكو شغل واكو ناس يكولون اكو شغل بصراحة احنة هنا كلش دخنة وتعبنة من التفكير مع العلم كندا احسن من امريكا الله يساعد الابمريكا انشاء الله يعينهم ويعينة الى ان نلكة الشغل ونضبط اللغة بس اكلكم معلومة كلش مهمة ان اللغة اهم شي الي عندة فرصة يتعلم لغة لايتردد خصة اذا مفكر بسفر لو سفرة قريب تر احنة كلش دنعاني من اللغة دنداوم مدرسة وخبصة واكو هواي شغلات وكلمات مدنعرفها يعني كلش تعبنة بس اني مدا ايسكم لو اهبط معنوياتكم بالعكس اريدكم تتعلمون اللغة بالاخص اذا انتوا مسجلين باليو ان يعني على حسابهم علمود من تجون لهنا انتوا مصيطرين لان اليعرف لغة وضابطها راسن يلكة شغل هاي نصيحة خلوها بالكم اهههههههههههههههههههم شي اللغة يا اخواني واخواتي الاعزاء ونتمنالكم التوفيق وتسافرون وتخلصون من معانات الانتظار وسلامي الى كل الاخوة والاعزاء بالمنتدى الجميل .

اخوكمspidr

3

الهجرة و واللاجئين / رد: معلومات عن مستحقات اللاجيء في كندا

« في: 02:23 02/11/2010  »

مرحبافي البداية اشكركم على هذا التوبيك الرائع حابة اسئلك عن فانكوفر هل صحيح ان التاكسس فيها اعلى لان احنة عدنا لاندنك بالصيف الجاي الى فانكوفر ويمكن ابقى انا و الاطفال وزوجي يرجع للخليج  الى ان يحصل قبول  للدكتوراه وشنو افضل مناطق بفانكوفر (للمسلمين )وهل فيه امكانية للعراقيين يعملون نت ووركنك اسوة بالمصريين و الهنود و الاسيويين لو هم مشتتين ومتفرقيين مثل الداخل لان حسب علمي الانسان يضيع بكندا  (وبكل مكان )من غير نت وورك بليس انطينا انطباعك عن العراقيين بكندا لان هذا الموضوع اكثر شي يقلقني وبليس هل اعادة الثانوية يحتاج اربع سنين دراسية حتى للكبار في منتصف الثلاثين بالمناسبة احنة قدمنا على برنامج هجرة وليس لجوء فهل عندك فكرة عن الصعوبات الي تقابل المهاجر الجديد وليس الاجئ واسفة على الاطالة وشكرا

عذرا على تطفلي لكن اني حبيت ان اسادج
اختي العزيزة اني بفانكوفر بالنسبة للتكس اعلى شي عدنة بفانكوفر لان منطقة سياحية ويجون بيها ناس من مختلف العالم وبالنسبة للعراقيين الموجودين بفانكوفر اكثرهم بمنطقة اسمها سري بالنسبة انة احنة كاعدين بمنطقة جميلة وايضا بيهة عراقيين بس مو مثل سري وهنا بكندا بصورة عامة العراقيين واحد يساعد الثاني وكلنة هنا اخوة انشاء الله ولتخافين انشاء الله تجون الكندا وكلنا نساعدكم ومنعوفكم وحدكم باذن الله المهاجر مثل متعرفين انه كلشي لازم يسوي على حسابة واذا عدكم امكانية لتخافين ومرح تواجهين اي صعوبة ومثل ما كتلج من توصلون بخير وسلامة الى فانكوفر ماراح انعوفكم تحتارون ونشاء الله انساعدكم بكل النكدر علي و من قصر واي معلومات ثانية اني بالخدمة.
اخوكمspide

4

الهجرة و واللاجئين / رد: من دخولنا مطار سوريا حتى وصولنا الى كندا ويارب الموفقية للجميع

« في: 19:41 24/10/2010  »

الى الاخوة والاخوات الاعزاءum reem.ابو علاوي.ابو ديفد1973.abomagid.windtalker.شكوماكو.كاتلوني الى الابد.مؤيد العبيدي.gerarrd.مشلوع كلبي.aseel_msb.قيد الدراسة الى الابد.مغتربة في مصر.aa12_zz5.doori.baghdad_eye.انجي
اخواني واخواتي الاعزاء اهدي لكم هذه الصورة الجميلة لمدينة فانكوفر ارجو ان تتقبلوها مني


اخوكمspide

5

الهجرة و واللاجئين / رد: من دخولنا مطار سوريا حتى وصولنا الى كندا ويارب الموفقية للجميع

« في: 19:18 24/10/2010  »

انا اشكر الاخوان والاخوات الاعزاء على تهانيهم لى ويارب يوفقكم ربي ويسر اموركم للسفر وتسافرون وترتاحون امين يارب العالمين والله اللسان عاجز عن شكركم مهما قلت لااستطيع ان اعبر عن فرحتي بتهانيكم الجميلة لي ولا اريد ان اطول عليكم اكثر وانا اندعي لكل منتظري السفر من الله ان ييسر امركم اجمعين.
اعذروني تاخرت بالرد عليكم لان كان الابتوب عاطل وثانيا مدا افرغ تعرفون احنة جدد كل يوم فحوصات ومواعيد ومدرسة مدا الحك افتح النت فارجوكم ان تتقبلوا اعتذاري يا اخواني واخواتي الاعزاء واي سؤال او استفسار اني حاضر وما اقصر انشاء الله

اخوكمspidr

6

الهجرة و واللاجئين / رد: استفسار عن وضعنا بسوريا للجوء

« في: 22:06 20/10/2010  »

السلام عليكم اختي العزيزة رباب الصبر مفتاح الفرج يرادلكم شوية صبر اني كنت بسوريا 3سنوات وصارلي شهرين من سافرت الى كندا بس لتئيسون ومثل ماكالوا الاخوة يرادلكم كل ثلاثاء اتراجعون الكفر سوسة لان اني هم تركت ما جنت اراجع نسوني بس اخر فترة ضليت كل ثلاثاء اروح ملوا مني ودزوا ملفي الى كندا وستعينوا بالله كثيرا والله كريم.

اخوج spide

7

الهجرة و واللاجئين / من دخولنا مطار سوريا حتى وصولنا الى كندا ويارب الموفقية للجميع

« في: 20:10 15/10/2010  »

                                            بسم الله الرحمن الرحبم

طبعا انتوا كلكم اتعرفون الي يريد يسافر شكد فرحان ومرتاح ويارب انشاء الله كلكم اجربون هذا الشعور الحلو والفريد من نوعة وبالخص للمهتمين للسفر طبعا طلعنة من البيت لمطار دمشق الساعة9.30مساءا اجرنة سرفيس وفلوس الاجرة انطونياها  اليوأن احنة ومجموعة من الاصدقاء وصلنة المطار الساعة 10وثلث وطبعا كان موعد الطائرة الساعة3.30الفجر الاقلاع بس همة كالونة تعالوا من وكت علمود الاجرائات جمعونة بالمطار احنة الي عن طريق اليوأن كلنا واجة موظف الهجرة ونطانة بعض التعليمات ودخلونة الساعة12في منتصف الليل الى التفتيشالحقائب وختم الجوازات للخروج وقطع تذاكر الطيران وبقينة في صالة الانتظار لحد الساعة 3فجرا وبعدها فتحت باب الطائرة ودخلنا الى الطائرة وكلن جلس حسب مقعدة الخصص له
وربطنا احزمة الامان وقلعت الطائرة الساعة 3.30فجرا ويارب كلكم تمرون بهذه المراحل.طبعا كان خط رحلتنا الى تركيا اسطنبول وصلنا تركيا الساعة6صباحا وكالونا بسوريا منظمة الهجرة سيستقبلوكم اشخاص من المنظمة في تركيا ولمن وصلنة تركيا محد استقبلناوضلينة دايحين بمطار اسطمبول واحد يجر بالطول واحد يجر بالعرض وبالموت يالله اندلينة الطريق وطبعا احنة ولاواحدبينة يحجي تركي ولا انكليزي وتاهت علينة السالفة وبعد ماخلصنة اجرائات الدخولية والخروجية رحنة كلنة بمكان واحد ونمنة بالكاع مثل المكادي وياهو ليفوت يباوع علينة
وضلينة بمطار اسطنبول من الساعة6صباحا لحد الساعة11.30صباحا توجهنا الى الطائرة العملاقة التي توجهنا بها من اسطنبول الى تورونتو والطريق كان تقريبا12ساعة احنة بالجو وفوك الغيم شفنةالدنيا كلها وطبعا كلة نهار من طاعنة من اسطنبول الى ان وصلنا الى تورونتو وصلنا الساعة 3.30ظهرا حسب توقيت تورونتو ومحسينة بالطريق ابدا جان الطريق حلو والطيارة بيها العاب وتلفزيون نباوع بي افلام ونسمع اغاني وابد ماحسينة بهاي المسافة البعيدة
ولما وصلنا الى مطار توروتنو استقبلونة احسن استقبال وما تركونة ابد ونتوا طبعا تعرفون احنة عدنة سفرة ثالثة الى فانكوفر وترانزيت 5ساعات في تورونتو بس محد تركنة خلصونة الاجرائات كلها وضلوا ويانة الى ان اجة موعد الطائرة وصعدونة بالطائرة ياله راحوا 
5ساعات طيران من تورونتو الى فانكوفر طلعنة من تورونتو الساعة 8.30مساءا وصلنة الى فانكوفر الساعةتقريبا 1فجرا وستقبلونة بمطار فانكوفر احسن استقبال وسلمونة الجنط كلهن بدون نقص ومحظرينة العشة والعصاير طبعا العشة سندويج اجبان لان يدرون احنة مناكل لحمهم كالونة هذا حلال واحد واكفنة باب الطائرة شايل لوحة عليهة اسمائنة وجابنة اكياس البيها العشة والعصاير وجباس للاطفال وشال الجنط ويانة واخذنة للشارع وخذنة تكسي ودانة للمكان الى سكنة بي لمدة 15يوم وهناك الجماعة ماقصروا ويانة ابدا.وهاي كل القصة وعاشوا عيشة سعيدة.ويارب التوفيق للجميع ويحقق امانيكم مثل ما حقق امنيتنة.مع تمنياتي للجميع بالموفقية



اخوكمspide

8

الهجرة و واللاجئين / رد: تاريخ مقابلاتي للتوطين من اول مقابلة الى ان وصلت الى كندا علما اني كنت بسوريا

« في: 04:50 03/10/2010  »

اشكركم اخواني واخواتي الاعزاء على مشاعركم الحلوة واتمنا لكم الموفقية والنجاح لجميع اخوانة العراقيين يا رب



اخوكم spidr

9

الهجرة و واللاجئين / رد: تاريخ مقابلاتي للتوطين من اول مقابلة الى ان وصلت الى كندا علما اني كنت بسوريا

« في: 08:11 02/10/2010  »

اني اشكر كل اخوانة واخواتنة بهذا المنتدى الجميل واشكرهم على مشاعرهم الجميلة واتمنا يارب التوفيق للجميع وتيسير امر كلمن منتظر سفر انشاء الله :

أخوكمspidr.D

10

الهجرة و واللاجئين / تاريخ مقابلاتي للتوطين من اول مقابلة الى ان وصلت الى كندا علما اني كنت بسوريا

« في: 04:21 02/10/2010  »

  :)بسم الله الرحمن الرحيم
اخواني الاعزاء اني اشكركم طبعا كلكم بالبداية واتمنالكم الموفقية وين ماكنتوا ويارب يسر امرالجميع وتسافرون وترتاحون وتعيشون حيات جديدة باستقرار وامان كولوا امين
اني وعائلتي دخلنة سوريا في16-9-2007قابلت un اول مقابلة في 25-2-2008وبعدين ورة6 أشهر خاروني على مقابلت توطين بالتحديد يوم24-8-2008أول مقابلة وكانت على امريكا وبعد3أشهر وبالتحديد يوم4-12-2008قابلت مقابلة ثانية بالهجرة الدولية بالمزة ومن خلصنة المقابلة انطونة موعد بعد شهربالتحديديوم24-12 2008بس كنت الوحدي بدون العائلة وكالولي انتظر الوفد الامريكي لمن يجي وبعد11يوم بالتحديديوم5-1-2009أتصلوا بينة على مقابلة الوفد الامريكي وكانت يوم 28-1-2009طبعا قابلنة الوفد الامريكي وعرفنة من كلامهم احنة مرفوضين وبعد شهرين ونص تقريبا خابرونة من الهجرة الدولية ورحنة استلمنة الرفض :oلهنا اوكي.
طبعا سالف طويلة شوية بس اتحملونة علمود اتعرفون التفاصيل.
طبعا احنة قدمنة استئناف وانتظرنة بعد3أشهر من الرفض اتصلوا بينة من جديد من الهجرة الدوليةوكالونة انقبل استئنافكم وعدكم مقابلة وية الوفد الامريكي وياريت ما انقبل
طبعا احنة فرحنا وكانت يوم المقابلة16-8-2009والمحلف كلي اوكي وماشي الحال ويوم15-9-2009اجتنا رسالة رفض ثانية ونتوا شوفوا الواحد من تجي رسالتين رفض خلال3أو4أشهر شيصيربي اللهيسلعدنة مو والجهال فرحانين لحيسافرون والحمدالله ما انقبلنة على امريكا .
اخواني اخواتي الاعزاء طالت عليكم السالفة موهيج.اكو مثل يكول رضينا بالهم والهم مارضا بينا
راح اكمل السالفة.
طبعا ضليت اراجع unكل اسبوع يكلولي بعد مائلك توطين لان مرتين ارفضت من امريكا بس اني لحيت كل اسبوع اروح طبعا كل هذا ويا دعاء وسهر للصبح اني وزوجتي خطية هية اكثر مني تعبت لان اني مو دائما اكعد بس هية الحمدالله رب العالمين استجاب الدعائها
فد اسبوع من الاسابيع رحت دا اسئل وكلولي ملفك اتحول على كندا رجعت للبيت فرحان وكتلها الزوجتي الله فرجها علينة بفضل دعائج
من كالولي ملفك اتحول عل كندا كانت بداية شهرالواحد 2010بس ما اذكر اليوم بالضبط بس هم ظليت اروح لليو ان كل اسبوع وكلما اروح يكلولي ملفك اتحول على كندا
بعدين بسبوع من الاسابيع مقرر باجر اروح هم اسئل جانت الساعة 12 الظهر تقريبا الساعة2 الظهر دك التليفون كان يوم 24-4-2010جاوبت كالولي احنة من السفارة الكندية عدكم مقابلة يوم 4-5-2010طبعا كالعادة رحنة واخذوا من عدنة صور والجناسي وشهادات الجناسي مصورات ملينة الفورمات ورجعنة كلونة احنة نتصل بيكم.وعد15يوم كان يوم 20-5-2010كالولي عدكم مقابلة وية الوفد بس جيبوا عدم محكومية وياكم وترجموهة.لهنا اوكي
رحنة قابلنة طبعا بس اني دخلوني سويت المقابلة وطلعت قبل ما اطلع كلي راح اتصل بيك على مقابلة ثانية ما اعرف ليش ??
وبعد اسبوعين من المقابلة اتصلوا على الفحص ورحنا اخذنا اوراق الفحص وبعد اسبوعين ثانية اتصلو بية وكان بالتحديديوم11-7-2010
كالولي جيب الجوازات وتعال وخيروني كلولي وين اتريد بكندا كتلهم بفانكوفر من سلمت الجوازات ورجعت العصر اتصلوا بية من الهجرة الدولية وكلولي اجهز نفسك للسفر خلال 30يوم كان موعد السفر يوم 12-8-2010 وهاي كل التفاصيل مع العلم احنة دخلنة الدورة التثقيفية يوم 8-8-2010لمدة 3 ايام لغاية 11-8-2010 وبد بيوم اجينة الكندا

11

الهجرة و واللاجئين / رد: معلومات هامة عن فان كوفر.كندا

« في: 09:03 01/10/2010  »

شكرا الكم اخواني الاعزاء ونشاء الله يوم الالكم تجون الكندا وتعيشون حيات جديدة وحلوة ومليئة بالمفاجئات الحلوة بس اللغة شوية يراد الهة دراسة بس كلشي يهون المهم الواحد يرتاح ويستقر اتمنا الكل عراقي منتظر السفر ان رب العالمين يسر امرة ويخفف عنة المعانات كولوا آمين 

12

الهجرة و واللاجئين / معلومات هامة عن فان كوفر.كندا

« في: 20:57 30/09/2010  »

اخواني لاعزاء اني وصلت كندا.فانكوفر في12-8-2010 ولاحقا اكتبلكم التواريخ المقابلات طبعا مدينت فانكوفر مدينة جميلة جدا بغاباتهة ونظامهة وكلشي بيهة جميل يعني شما اوصف قليلبحقهة ونتوا انشاء الله تجون وتشوفون بعينكم هاليوم لهنا وكافي لان ما الحك بعد داروح للمدرسة وكلمن عندة سؤال استفسار اني بالخدمة ونشاء الله اني ماقصر وياكم ونشاء الله راح انزل بعض الصور عن فانكوفر علمود تشوفوهن واني مثل ما وعدتكم راح اكتبلكم التواريخ من اول مقابلة الى ان وصلت الى كندا.اخوكم SPIDR