الرسائل

1

الهجرة و واللاجئين / رد: سؤااال مال ناس مطفيه .. بس لاتصيرون اعصاب رجاءا ههه

« في: 07:44 14/10/2010  »

شكرا برادو : اسعد : عرايه حزينه : الصراحه اشكر تجاوبكم ويه المشتركين الي مبين وواضح بكل الكروب وباستمرار عن كل تساؤل بكل التوبكات ... الله يوفقكم انشالله وترتاحون بحياتكم يارب ... اني اول ملجاءت للنت حتى اجيك بنفسي واقتنع بالشغله بنفسي قبل مااسال اصدقائنا او احد من السفاره .. من خلال اجوبتكم صار الي نص احباط (: وراها رحت سالت ولد اعرفه ويانه بالدوام جان يشتغل مترجم قبل ويه الامريكان وطالعتله من iomهجره وصار 2 سنه يدفع بيه .. لنفس سببيي وهو انه يخاف يتبهذل هناك ويقول اروح واخسر شغلي هنا وراتبي واخاف اروح وانوب اضيع الاول والتالي وبنفس الوقت هو كشاب ممتزوج بعده يريد يعوف العراق ويشوف دنيه عدله اكيد ... اتوقع هاي ترددنه لان مرتبطين بشغله زينه هنا .....
عموما البارحه رجع زوجي اتصل بصديقه ب تكساس صارله سنه تقريبا  ومتزوج وعنده 3 اطفال .. يكله بالشهر ينطون 450 دولار للعائله كلنه وبس لاول 3 اشهر وراها يقدمولك وظائف الي هي مطاعم وبانزينخانات وهلسوالف ويبدون يستقطعون ثمن التذكره منك ... طبعا حجيه مشابه الى اجوبتكم اكيد ... هو يكول روحوا اي دوله اوربيه او كندا عدا امريكا .. لانها اتعس شي بشغلات اللجوء والهجره .. لان سالنه تليفونيا اخر بكندا يكله تبقه تبربع بالشقه والراتب والضمان صحي لحد ما انت تكلهم كافي اني بديت استقر حتى لو سنين .......
اما الي سالت من المصدر .. دزيت ايميل لواحد امريكي جنت اعرفه هنا بس رجع لامريكا .. يكول الشغل حاليا صعب الا بعض الشغلات بتكساس ممكن تلقيه .. يعني وانطاني ويب سايت مال
www.uscis.com
الخاص بخدمات التوطين والهجره وووو هو اني اصلا جنت قاريته هم .. علعموم
اشكركم جميعا علردودكم الحلوه
بالمناسبه عراقيه حزينه ... ردج هو اكثر ما بالي حاليا هو الخوف من البهذله واضيع الشغلتين ... تحياتي للكل واشكركم مره اخرى علمساعده الحلوه مالتكم

2

الهجرة و واللاجئين / رد: سؤااال مال ناس مطفيه .. بس لاتصيرون اعصاب رجاءا ههه

« في: 18:16 13/10/2010  »

على العموم مصار شي ... بالنسبه للجديه او لا .. حقي اسال واتسائل وابقه متردده مليون مره قبل مااقرر لان .. اني متعينه هنا وراتبي زين وتفريبا عيشتنه مستوره الحمد لله ...وبنص اهلنه صح .. بس الي خلاني افكر هو مستقبل الاطفال لاغير .. لان اكيد بره حيعيشون ويتعلمون  على اكمل وجهه... بس هذا ميمنع ابقه متررده .. لان حسب الحجي الي اسمعه هواي وقصص الي راحوا الي مرات يضلموه ومرات يسوه وردي ومفتهمنه احنه ....انه حتروح هناك اذا وصلت واحتمال متلقي شغل مساله وارده جدا واول شغل بالمقاهي ومطاعم وهاي الشغلات العاديه ويكون صعوبه العيش وراتب قليل ينطوك ومدري كم شهر ويقطعوه وراها لازم ترجع تسدد كل الي دفعوه الك بالتقسيط واحتمال متلكي ووووو طبعا قصص كومه .. واني مااقدر اجازف بشغلي هنا الي هو ماانكر زين ويتمناه غيري واجازف بحياتي هنا واروح مكان مااعرف شي  عليه وموضوع مدارسته من كل النواحي .... فالجديه عندي تبدي وره مااقرر مليون بالميه اتخلى عن كلشي هنا .. شغلي وبيتي وحياتي واروح ابدي من الصفر .... اتصور شغله سهله للشباب الي ماعدهم اي ارتباط او تعين او همه اصلا ديدورون شغل ... بس بالي مرتبط بشي زين اتصور صعبه ... علعموم ماقصرتو واشكركم .. اتصور حاروح للمصدر اسال هناك حتى محد يضووج

3

مواضيع الحياة العامة في بلاد المهجر (امريكا) / رد: تجربة شهر واحد في اميركا .. انطباعاتي الاولية ونصائح لكل الاخوة الجدد

« في: 17:05 13/10/2010  »

مبروك انشالله الاستقرار الدائم .. بس سؤال هاي المنظمه الي قصدته ؟ شنو هي ؟ ولعد ليش يقولون ينطوكم كراتب للجوء بس 250$
؟؟
طبعا معلوماتي قليله علموضوع فدالملم منا ومنا معلومات

4

الهجرة و واللاجئين / رد: سؤااال مال ناس مطفيه .. بس لاتصيرون اعصاب رجاءا ههه

« في: 08:07 13/10/2010  »

طبعااا تسلمون كلكم على اجاباتكم الحلوه وصدركم الرحب .. هو اني ادري انتو حبابين ههههه
اولا اني ممشتغله بشكل مباشر ويه الامريكان بس تكدر تكول اشتغل بالمنطقه الخضراء وعندي مرات لقاءات بالسفاره الامريكيه بس طبعا هذا ميعتبر انه شغل وياهم ... فممكن انه يكون سبب الهجره:: هو التهديد بحكم خطوره الموقع وهلسوالف ... بس اني ممفكره اطلع اقدم من سوريا او الاردن .. طبعا اذا فكرت حتكون سوريا اسهل كفيزا ... زين اني ماريد لجوء لان اتخيل الهجره ارقى ..
بس لحد الان محد كلي مميزات الهجره عن اللجوء الي هو سوالي الاساس
بمعنى:-
شكد الراتب ينطوك ؟، يتكفلون بسكنك شكد لمده شكد ؟، الدراسه ؟، تكدر تشتغل وره شكد ؟::: هاي الاسئله مثلا شنو تختلف الهجره عن اللجوء بيه ... ؟؟؟؟؟؟؟؟

--------------
كهجره .. هم متقدر تقدم من بغداد الا تسافر للدول المجاوه مثل اللجوء او لا؟؟


يابه تسلمون مقدما على اجوبتكم
تحياتي للكل

5

الهجرة و واللاجئين / سؤااال مال ناس مطفيه .. بس لاتصيرون اعصاب رجاءا ههه

« في: 19:28 12/10/2010  »

هاي شباب .. كيفكم انشالله بخير
طبعا هسه دابحوش بالنت علسؤال ببالي .. ولقيت هذا المنتدى بالصدفه علهجره ودوخه اللجوء والهجره وداقره مواضيعكم علسريع كله مال ناس صارله سنين بالسالفه هعهع ولهذا اريدكم تهدئون اعصابكم وتصيرون ريلاكس لان حاسال سؤال مال ناس مطفيه هههه واكيد كلكم حتكبون وتكلوون يبووو هاي تريد نشرحله من الاول .. بس شسوي امري لله حأسالكم والي عليكم تجاوبوني مختصر كلش لان اني افهم علسريع وماريد اتعبكم :(

-----------------------------
السؤال ببساطه
اني عايشه ببغداد متزوجه وعندي اطفال 2 ...واحد 10 سنوات والخ6 سنوات .. شغلي هنا زين ومتوظفه وراتب اوكي نوعا ما بس ومجنت افكر اطلع اصلا بس هلفتره طكت فد مره عندي لان الوضع صار لايطاق والجو كله والبيئه وخاصه عندي اطفال اريد اربيهم مثل اوادم فقمت افكر بامريكا ... فالسوال ايهما احسن اقدم طلب لجوء او هجره وشنو مميزات كل وحده ... وياهو منهم الي واحد يكدر يشتغل هناك وميبقه عاله و؟؟؟يعني اهم شي افهم مميزات اللجوء عن الهجره وبس ؟

وشكرا للي حيستحمل هذا السوال القديم ويجاوب :(