الرسائل

1

الهجرة و واللاجئين / رد: سؤال للمقابلين وبالاخص المحافضات مو بغداد

« في: 12:58 20/10/2010  »

اتمنى انه الفكرة وصلت......او تحتاج اي توضيح ..... اكو اخطاء مطبعية بس اتمنى الفكرة وصلت

2

الهجرة و واللاجئين / رد: سؤال للمقابلين وبالاخص المحافضات مو بغداد

« في: 12:47 20/10/2010  »

صديقي: انت اذا جبت صورة القيد مالتك وزوجتك من المحافظة مالتك فلازم اتروح الى دائرة الجنسية ابغداد كبال مشمشة بشارع الرشيد وتاخذ صوركم وياك وكافة المستمسكات مالتكم وضروري اتروحون اثنينكم، ولاتنسى جوازات السفر وماكو داعي تستنسخها برة لان اكو مكتب استنساخ بداخل الدائرة. بعد ماتدخل للدائرة طبعا اكو ناس ادلوك هناك يعني ماتضيع، صاحب المكتب راح يطلب المستمسكات والجواز حتى اكمل فايلاتكم هو يعرف شيسوي. بعدها راح تصعد للطابق الثاني الموظف محترم وحباب راح ادقق مستمسكاتك المستنسخة ويا الاصلية، بعدها ادزك على المدير المسؤول حتى اوقع بعدين تنزل للطابق الاول حتى اترجمولك الاوراق وهم لاتهتم راح تلكة الي ادليك، من تنزل للطابق الاول حتى ترجمون صورة القيد راح اتكلك الموظفة وين جوازك وبعد ماتطبع الاوراق مالتكم بالانكليزي راح اتكلك تعال شوف وتاكد من الترجمة( همه جدا )دقق حسب جوازاتكم لان اي عدم تطابق اجوز بين اسمك يالجواز وصورة القيد احتمال اوكعك بمشاكل...بعدها راح تصعد فوك حتى يختمها المدير بالطابق الثاني بعدين تنزل مرة ثانية اتجرها صادرة وواردة بغرفة قريبة من غرفة الترجمة....... بعدها اتروح تاخذ اوراكم ويا زوجتك وتروح لـ تصديقات الداخلية بزيونة وهناك راح اشوفوك وطابقون صورتك ويا الجواز واسمك ابحضورك كدامهم طبعا وختمها المسؤوول هناك.....وراها روح للخارجية صدقها لان هاي الورقة اتفيدك بالمستقبل...... على فكرة لاتنسى عدم المحكومية الك والزوجتك هم تاخذ المستمسكات وطابق امائكم حسب الجواز ....... افضل انه تسوي عدم المحكومية لان عدم المحكومية اطول شوية وجعهم اثنينهم (عدم المحكومية وصورة القيد وروح للخارجة صدقهم اثنينهم لان ماكو داعي اتروح للخارجية مرتين.......  الله اوفقك       

3

الهجرة و واللاجئين / رد: سؤاااااال عال I-360

« في: 11:58 20/10/2010  »

هواية مترجمين كتبو الاختيار الي اكول : العاملين الذين مانوا يعملون مع او بالنيابة عن الحكومة الامريكية وهسة هم بامريكا هم اكيد راح اراجعون اوراقك لان راح ادز الباجات مالتك والوثيقة الي اتاكد انك مازلت تعمل ويا الشركة لاتهتم ...... الله يوفقك 

4

الهجرة و واللاجئين / رد: وامار

« في: 11:00 20/10/2010  »

الناسك: انت تحدد احيانا واذا حددو هم الوكت تكدر اتكلهم اني عندي شغل بهذا الموعد يعني مامهم انه تلتزم بالموعد مالهم عندك خيارات بس لازم اتراسلهم وتوضح شغلتك والعيادة زينة والناس مؤدبين ومحترمين. العيادة اتقدم خدماتها للـ (IOM والـ SIV ) بس الفرق مابين وامار وابن البيطار انه وامار ياخذ منك المبلغ نقدي يعني احسن من ابن البيطار الي لازم تروح للمصرف وتدفع وينطوك شيك بالمبلغ المستلم تاخذه وياك للفحص، يعني روحة وجية ....الخ. شي ثاني وامار ماكو تلقيح بس فحص، بينما الي سمعته من الناس الي راحو لابن البيطار اخذو لقاحات اثنين....... هذا الي سمعتا عيني......واذا اكو شخص يكدر افيدك اكثر بهاي المعلومات اقصد عن عيادة ابن البيطار بعد ما ادري....... اتمنى ان اكون قدمت خدمة الكم اصدقائي......الموفقية للجميع.     

5

الهجرة و واللاجئين / انتظار الفيزا SIV

« في: 10:17 20/10/2010  »

 يوم جديد وصباح جميل على عيونكم جميعا .................... اتمنى من كل الي قابلو بشهر التاسع  SIV وطلعت الفيزا مالتهم ان اطمنونا...... لان اكو جماعة هواية كملو المقابلة ودينتظرون.واذا اكو احد عندة معلومة ليش اكو ناس تاخذ الفيزا خلال اسبوع وليش تاخذها بشهر؟ (اقصد جماعة SIV )

6

الهجرة و واللاجئين / SIV تكساس

« في: 13:27 18/10/2010  »

شباب الي كملو مقابلاتهم بشهر التاسع اكو واحد استلم الفيزا مالته لان اني صار شهر وماكو جواب طمنونا ياشباب