الرسائل

1

الهجرة و واللاجئين / رد: الرفض بعد الموافقة الرجاء المساعدة والرد بسرعة من اهل الخبرة رجاءا

« في: 00:02 08/11/2011  »

اخوان ترة اني لابطران ولا ابد بس اني لازم احجيلكم بالتفاصيل اللي صار بالموعد الثاني
اني بالموعد الثاني اتصلت بية بنية من ال اي او ام  وكالتلي موعد سفرك يوم 11 نيسان والفحص الطبي يوم 10 وقبلهة بكم دقيقة اجتني رسالة علموبايل اتاكد الموعد وذكروا بيهة تفاصيل الحقائب وارسال نسخة من الجواز لايمايل تابع الهم . وهذا مثل اللي صار بالموعد الاول
بس وراهاهة بيومين اتصلت بية بنية من غير رقم تكلي احنة صار عدنة خربطة بمواعيد السفر وانتة موعدك يوم 18 نيسان والفحص الطبي مالتك يوم 15 فاني بوكتهة كلتلهة (اشو مجتني رسالة عالموبايل ) كالت لا هاي الشغلة صارت مستعجلة لان مثل مكتلك صارت عدنة خربطة وبالفعل انتظرت لحد يوم 15 ورحت للمستشفى ورابطت بالباب من الساعة وحدة لل 2 ونص وجلبت للحارس الخفر مال مكتب ال اي او ام انه يتصل باي واحد هناك علمود يفهمة بالموضوع كلي الولد عمي اليوم جمعة ومحد ميجي هيج يوم لان عطلة والحل انه اني راح اسجل اسمك وانطيتة ال اي زي نمبر مالتي ورقم تلفوني وكال اني ظال لحد يوم الاحد راح ابلغ بيك المسؤول مالتي واسجل بيك موقف .
اني همين بنفس اليوم اتصلت علة اخر رقم اتصل بية من مكتب عمان ومحد مجاوبني بس خليت رسالتين عل بريد الصوتي علمود أاكد الموضوع وهمين ضليت قلق فدزيت ايمايل لل اي او ام وحجيت بالتفاصيل اللي صار بية
يعني واحد غيري شيريد يسوي بعد .والله ما ادري هسة اني حاير والدنية طالعة من عيني .
شغتة الثانية هسة همة بالايمايل مال دي اتش اس يكولون رد بس بعبارة (اني استلمت الجواب واقر بهذا )ولتكتب اي شي زايد فهسة شلون اني هسة حتة خايف اجاوبهم و شلون راح اقدم اعتراض

2

الهجرة و واللاجئين / الرفض بعد الموافقة الرجاء المساعدة والرد بسرعة من اهل الخبرة رجاءا

« في: 09:23 03/11/2011  »

اخوان اذا امكن واحد يساعدني بهذا الموضوع
بداية اني من جماعة ال112 وكملت كافة اجراءات من المقابلات بنهاية السنة الماضية وبعدين اجتنيي رسالة الديفيرال من ال دي اتش اس بداية
هذه السنة وراهة بيومين اتصلو بية وانطوني موعد سفر وحددوا بعد اسبوعين بصراحة اني ما كنت مستعد بوقتهة لذلك طلبت تاجيل منهم وبالفعل اجلوني
وبعد شهرين ردو اتصلو بية وحددولي موعد ثاني بشهر الرابع على ان يكون الفحص الطبي قبلة بيومين وصادف موعد الفحص الطبي يوم جمعة ولمن رحت لمستشفى ابن البيطار بذلك اليوم واللي كان يوم جمعة ابغوني الحرس مال مكتب ال اي او ام هناك بان اليوم عطلة للمكتب وما يتم بي اي فحص لذلك قلتلهم ارجو ان تسجلون اسمي يمكم علمود تثبتون انه اني حضرت بذلك اليوم 
وقبل يوم من موعد السفر وبلضبط ساعة 3 اتصل بية واحد من مكتب ال اي او ام يكلي حضر روحك باجر وانتظرني ساعة 12 يم عباس بن فرناس  ولمن كتلة بان اني ممسوي فحص طبي قال انتة بهاي الحالة متكدر تسافر , روح للمستشفى ببلكي هسة يكدرون يسولك فحص
اني مرحت بوكتهة لان اني جنت بمكان بعيد ودزيتلهم ايمايل لمكتب عمان شرحتلهم اللي صار بية
وراهة بكم يوم اتصلت بية موظفة من مكتب عمان علمود تفتهم اللي صار وياية وفهمتهة بالموضوع وبعدين اجتني رسالة من ال اي او ام تكلي انتة بعدك ويانة بالموضوع والاجراءات راح تستمر وراهة اجاني ايمايل يكلي انتة الان بال سيكورتي جيك وكان هذا بالشهر السادس
البارحة اجتني رسالة من ال دي اتش ال مال دينايل ومؤشر عل السبب السابع واللي هوة الاسباب الاخرى

اني طولت عليكم بس اريد اهل الخبرة يساعدوني بهذا الموضوع علمود اعرف شلون اجاوبهم خصوصا اني مثل ماكلتكم اني محصل موافقة امنية قبل وشكرا

3

الهجرة و واللاجئين / رد: اكو واحد يكلولة بعد اسبوعين تسافر و هو كلشي ممحضر روحة وين صايره هاية جاوبوني محتاجكم

« في: 22:20 13/01/2011  »

حبيبي علاء اني هم نفس سالفتك بالضبط واليوم اجتني نفس الرسالة ودزيتلك استفسار عل خاص ومجاوبتني بس ردت اعرف الرسالو جتك من هذا الرقم 962775700736+
واريد اعرف من الاخوان اصحاب الخبرة اكو هيج شي يعني اني حتة موافقة محلفين ممجصل

4

الهجرة و واللاجئين / رد: هل يوجد اتصال بين ال جي ال اس وال اي او ام

« في: 14:25 14/11/2010  »

شكرا لكم اخواني علة ردودكم اللي ساعدتني بفهم الموضوع
اني قابلت يوم الخميس اللي فات وحبيت اكللكم شصار وياية وتنطوني رايكم اذا امكن لان اني كلش محتار.
طبعا اني قرات من خلال المنتديات والنصائح الموجودة بالموقع الرائع عين كاوة انو لا تسترسل بالحجي وية المحلف لان هذا الشجص يكون مدرب علمود يغلطك بالحجي
وهذا عكس اللي صار يحكم انو اني اريد اثبت هذي الشغلة مال اعتقال اللي مالي اي ذنب بيهة والشاهد الله اني لحد الان ما اعرف ليش اخذوني وشنو الذنب
المهم بداية الحجي بالموضوع جانت لما كلتلي انتة ماخذين بصماتك ؟؟ وهذا جان بعد ريع سعة من المقايلة
كلتلهة علة موضوع الاعتقال وهناك اخذوا بصماتي وانو المعتقلين اللي جانوا ويانة نصهم ميعرفون همة ليش هنا , وتفاصيل اخرى مثل انو اني ذبوني باللواء اللي بالمنصور (البيجية)قيل مياخذوني الى مكان الاعتقال الثاني.......واللي ظليت بي هناك 33 يوم
ولمن كلتلهة علة النقيب اللي تعاطف وياية وكلي راح اتلف الفايل حسيت بيهة مصدكت !!!!!!
فكلتلهة علة شغلة صارت وياية لمن دزيت ولد يداوم بالمغاوير (علمود اثبتلهة الموضوع) علمود يجيبلي ورقة منهم أاجل بيهة امتحانات نص السنة مال كلية اللي فاتتني , كلي والله رحت لهناك وملكيت كلشي عليك
جاوبتني واني كنت اتحدث وياهة بالانكليزي of course he found nothingبصورة كوميدية والله اني ضحكت لان الحجي مالتي ما بي اي منطق بس هذا اللي صار وياية واكثريتكم تعرفون الخربطة بوكتهة وتحت القسم كلت كلشي اللي بكلبي مباشرة بدون تفكير يعني (بصراخة كاملة).
واني حاير لان مااعرف عندي فايل بالداخلية لو لا ؟؟؟ وخصوصا الولد اللي دزيتة علود الورقة مو ثقة يعني (كلاك)

سالتني هواية اسالة بخصوص الموضوع ثم انتقلنة للبصمات الثانية واللي اخذوهة الامريكان (اخوكم ارباب سوابق)
لمن فجروهم براس شارعنة ولموا ولد المنطقة وهدوني ورة ريع ساعة وهتاك اذكرت كلتلهة اذا ملكيتوا شي يثبت كلامي (يخصوص الاعتقال الاول) بالداخلية اذا النقيب تلف فايلي فاكيد اللواء اللي اعتقلني واللي ظليت يمة يوم (بالبيجية) المنصور عندة فد شي يثبت هذا الحجي هية شوية فشت يس يعد ما ادري؟؟؟؟؟؟؟؟
اني طولتهة عليكم لان حبيت احجي تجربتي الكم بالكامل وما اعرف احد احجيلة اللي بكلبي بس انتوا واسف علة الاطالة بس اللي عنده اي جواب علة اسألتي بلكي يجاوبني



ال اي او ام يسالون بس السجون لو عدهم اتصال وية الالوية كافة لوشلون يتصلون علمود يتاكدون من هذا الموضوع؟
اني اذا ردت اتاكد من موصوعي شسوي ألمن اسال على الفايل وشلون اطلع عدم مجكومية؟
شدكولون المحلفة راح توافق علية خصوصا اذا ملكوا فد شي يثبت كلامي؟
اني اكول حتة لو وافقت المخلفة اكيد راح الموافقة الامنية تتاخر؟
 

5

الهجرة و واللاجئين / هل يوجد اتصال بين ال جي ال اس وال اي او ام

« في: 16:33 10/11/2010  »

ارجو المساعدة من الاخوة الاعضاء وارجو الرد بسرعة لضيق الوقت
السلام عليكم
حبيت اسالكم اخواني على هذا الموضوع لاني كنت معتقل من قبل مغاوير الداخلية في بداية عام 2006 وكلنة نعرف انو هذي الاعتقالات كانت تتم عن طريق طائفي ومن خلال المخبر السري ولمدة 33 يوم
وهناك ضابط التحقيق تعاطف وياية لان عرف اني ما عندي شي والمخبر السري مكمل افادتة اثناء اعتقالي (يعني كسرة ظهر)
وهوة اللي طلعني وكلي وراهة انو راح يتلف الفايل مالتي وهذا اللي تاكدت منة بعدين لمن دزيت واحد يداوم هناك (عرفني بي احد الاصدقاء) علمود يطلعلي ورقة اعيد بيهة الامتحانات
اللي صار بعدهة انو اني اشتغلت كمترجم مع القوات الامريكية واثناء السكريننك لم ابلغهم باني كنت معتقل وبالمقابلة الاولى كلتلهم علموضوع واني هسة خايف ليسئلون علية بال جي ال اس او بوزارة الداخلية ويكلولهم ماكو هيج شي للاسباب المذكورة علما انو مقابلت المحلفين وياية قريبة جدا واسف عل اطالة والازعاج

6

الهجرة و واللاجئين / رد: مجموعة الي مقابلين محلفين IOM بغداد شهور 8\9\10

« في: 16:40 18/10/2010  »

السلام عليكم اذا امكن من الاخوة الاعضاء بالجمعية ممكن نعرف موعد مقابلتكم الاولى والثانية طبعا اني عضو جديد وما اعرف اذا هذا الموضوع يسبب الكم اي احراج
لان اني مقابل مقابلة اولى بشهر الرابع ولحد الان ماكو شي