15
اخي صاحب الموضوع
كلام صحيح 100%
هاي الحقيقة في هذا البلد..انا صارلي 9 اشهر بدون عمل ..واكشفت هنا العلاقات والمعارف هية التاكل .. كونك لاجيء يكلك ارضى ب اي شي لان انت عفت بلدك من الخوف وجيت هنا مزين انطيناك فرصة تعيش
هية هاي الحقيقة
اني عندي شهادة ماجستير هندسة اتصالات وخمس سنوات خبرة في مجال الاتصالات الخلوية وكذلك عندي بحوث منشورة وكان عملي في العراق راتب جيد ومحترم ومكان عملي جيد جدا وشركة مرموقة في العراق..ولحد الان ماكو اي عمل لي في امريكا....ثقوا بالله العزيز الكريم والله يشهد على كلامي انه كلما اضع الرسيومي مالتي على اعمال في اختصاص الاتصالات لااقول دائما لكن كثيرا والله يتصلون بية لكن السبب كون خبرتيي بالعراق...الحقيقة لا يعترفون بشهادتك ولاشي ولا يعترفون بالخبرة مالتنة على اساس احنة جاي من بلد كلة جمال واحنة حشاكم متخلفين..المهم هية هنا بعد متفيد
هذا الكلام انه امريكا بعد متفيد مو اني ابو 9 اشهر صارلي.. اقاربي هنا بنفسهم من هوة صارلة 14 سنة و10 سنوات هوة بنفسة يكول امريكا متفيد وعلى الرغم ما شاء الله شغلة زين ولله الحمد والشكر وضعة جيد جدا.لان كان الوضع مو مثل هسة يعني يقصد بي الناس الجدد اللي يجون هنا ويريدون يكونون نفسهم.
الحقيقة ومافيها انو حتى الناس الامريكان بعدهم مقنعين انو بلدهم حيرجع والوضع الاقتصادي يتحسن ..شيتحسن هوة الصناعة والتكنولوجيا كلهة من الصين رحمة الله والديكم بس كولولي من جنتوا بالعراق ومن انتوا بامريكا هنا مو كل الغراض صناعة الصين؟؟
بعدهم الامريكان مقنعين نفسهم انهو الوضع يتحسن ..لايتحسن ولاشي
واخوان اكوا نقطة مهمة ؟؟؟انتوا واني منسأل نفسنة ليش امريكا انطتنة لجوء؟؟؟
هذا البلد عايش على المهاجرين ..قبل سنة 2007 كان ماكو هجرة للعراقيين الى امريكا صح كلامي لو خطأ؟
فكانوا مهاجرين يجون كومة من الهند والصين وبقية دول اسيا والعالم..لكن اللي صار من بدا الركود الاقتصادي عدهم سنة 2007 فتحوا للعراقيين لان بدوا ناس من بقية الدول ميجون..فحتى تبقى الايدي العاملة رخيصة لازم يفتحون باب اللجوء والهجرة للناس
الم تعلموا ان هذا البلد الزنكين فيه بس يزنكن والفقير يصبح افقر هذه الحقيقة وما فيها
اما بالنسبة الى موضوع الجنسية وانت تاخذهة ..اريد اشوية اناقشكم شنو الفرق اذا اخذت الجنسية او لم تأخذ؟؟؟
قصدك تريد تروح لبلد عربي علمود يشغلوك؟؟؟ اخوان من كلك انه بالدول العربية حيشغلوك على اساس انه انت عندك جنسية امريكية ..لاتبنون امل على حسابات حجي من ناس بدون ادلة..الامريكان او البريطانين اللي يشتغلون بالخليج شركاتهم في امريكا او بريطانيا هية دازتهم الى هناك فيعطوهم راتب عالي كونا العيشة في بريطانيا او امريكا غالية
واريد اكول للاخ صاحب الموضوع ....فعلا نحن نستحق ما صار بنا هنا لاننا غير قنونعين
القناعة كنز لايفنى..ولايدرك النعيم بالنعيم
واتخذت قرار منا الى نهاية شهر الواحد 2011 ماكو شغل اني راجع ان شاء الله الى العراق
عرض المشاركات
