عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .

الرسائل - ننوس

صفحات: [1]

مواضيع الحياة العامة في بلاد المهجر (امريكا) / رد: اريد اقدم على الكرين كارد ما اعرف شلون ساعدوني

« في: 18:50 19/04/2011 »

اخويه هي 3 فورمات

I-485
g 325 a

I643
اني مليتها هاي ال 3 فورمات بالاضافه الى تقرير الطبيب مال اللقاحات طبعا اهم شي تكون مخلص اللقاحات المطلوبه حتى توديها لطبيب خاص و يخليها بظرف و يختمها و متفتحها ابد حتى تقدمها ويه الفورمات

و طبعا اني من نزلت الفورمات من المنتدى قريت بوحده من الفورمات انو هي اكسباير و سالت الاعضاء هنا كالوا ماكو مشكله تمشي و بالفعل مشت

مواضيع الحياة العامة في بلاد المهجر (امريكا) / رد: اريد اقدم على الكرين كارد ما اعرف شلون ساعدوني

« في: 07:13 18/04/2011 »

اخويه اني من قدمت دخلت على مواضيع بالمنتدى خاصه بالكرين كارت و نزلت الفورمات من المنتدى و مليتها بالبيت طبعا اسال منا و منا اكو شغلات اله الواحد يسال يلله يعرف يجاوب و طبعتها عندي بالبيت و استنسخت الاوراق المطلوبه و دزيتها بالبريد و طلعت عندي غلطه وحده رجعولي فورمات العائله كلها لان كلنه نفس الغلطه و صلحتها و رجعتها دزيتها و هذا الاسبوع رحنه بصمنه الحمد لله دنشوف شوكت نستلمه
اذا تحتاج اي سؤال اني حاضره و بالمناسبه اكو عضو هنا اسمه البغدادي هو منزل الموضوع ووياه لنك الفورمات المطلوبه و امانة هو هوااااايه ساعدني

مواضيع الحياة العامة في بلاد المهجر (امريكا) / رد: قررت العودة الى العراق بشكل نهائي

« في: 19:02 12/03/2011 »

اخويه ممكن اعرف شكد صارلك بأمريكا
و اطفالك شكد اعمارهم
الله يريحك وين ما جنت

مواضيع الحياة العامة في بلاد المهجر (امريكا) / منو يساعدني بترجمة رساله مهمه

« في: 16:59 14/02/2011 »

السلام عليكم اخواني و خواتي
عفيه محتاجتكم اني مقدمة على الكرين كارت و اليوم يلله اجاني جواب من عدهم مرجعين فورمات العائله كلها اني و زوجي و بناتي يكولون بيها غلط و اني مدا افتهم شنو الغلط اذا احد لغته زينه ممكن ادزله الرساله على الخاص او العام مو مشكله و تفهموني

اعرف مراح تقصرون ويايه
شكرا جزيلا على المساعده

مواضيع الحياة العامة في بلاد المهجر (امريكا) / رد: اسئلة مهمه حول اجراءات التقديم على الكرين كارت

« في: 01:18 13/02/2011 »

عفيه خربطتوني اني قدمت على الكرين كارت صارل 3 اسابيع بس مسحبت الفورمه I693 دزيت بس 3 فورمات ووياها ظرف مغلق بي اللقاحات و بس ما بي اي ورقه ملاها الطبيب او اني

مواضيع الحياة العامة في بلاد المهجر (امريكا) / رد: عندي موعد مع طبيب العائله و محتاجه مساعدتكم بالترجمه

« في: 20:18 30/11/2010 »

لا حبيبتي موعدي باج بال 5 و نص العصر اخذي راحتج

مواضيع الحياة العامة في بلاد المهجر (امريكا) / عندي موعد مع طبيب العائله و محتاجه مساعدتكم بالترجمه

« في: 19:29 30/11/2010 »

شلونكم عيني شخباركم ان شاء الله الكل باحسن حال
عيني باجر عندي موعد ويه طبيبة العائله و عندي عدة حالات اريد اسئلها عليها ممكن احد متمكن باللغه و المصطلحات الطبيه يساعدني اني ترجمت بعض الشغلات بالقاموس بس احس الكلام مخربط

شكرا جزيلا على التعاون مقدما

مواضيع الحياة العامة في بلاد المهجر (امريكا) / رد: الحياة (لي) في أمريكـا بعد مرور سنة ونص (( تجربتي الشخصية وليست تعميم))

« في: 21:40 22/11/2010 »

الله يساعده صاحب الموضوع كلش مو سهله لان احنه مرينه بنفس تجربتك و مكانك راوح و مثل مكال الاخ هاي تجربته الشخصيه يعني ناس ترتاح و ناس لا و اكو ناس يعيشون نفس ظروفه بس يكولون نصبر اهم شي احنه بامريكا عبالك جنه جوعانين بالعراق كل انسان و قناعته

الهجرة و واللاجئين / رد: اللقاحات المطلوبة للكرين كارت

« في: 20:23 15/11/2010 »

اخويه عندي استفسار بالنسبه للقاحات احنه مماخذين كل هذي اللقاحات الي انت ذاكرها و قسم منها ماخذين بس اول جرعه لان مستمرينه بنفس المستشفى حولنه على طبيب عائله و هسه تفاجئنه من اخذنه تقرير اللقاحات للطبيب كناله شوفها و احنه بعد شنحتاج لقاحام لان نريد نقدم على الكرين كارت كللنه هاي هيه هذي المطلوبه و حطها بظرف و ختمها بس شو احنه ممطمئنين بس لا بعدين يرجعوها علينه شنو رأيك ؟ و الطبيب اخذ 40$ على كل نفر

مواضيع الحياة العامة في بلاد المهجر (امريكا) / رد: الي ممرتاحين بامريكا ومتندمين على الخطوة انريد مشاركاتهم فقط

« في: 18:12 14/11/2010 »

حبيبتي سراوي شكرا على اهتمامج بموضوعي تعرفين اني مسجله على هذا البرنامج من الصيف و كلولي تبقى بنتج على قائمة الانتظار لحد ميصير عمرها 4 سنوات و الصغيره مقبلوا يسجلوها لان بعدلها هوايه
و هنا كل العراقيين الي قبلي اطفالهم بالبيت لحد ميصيرون 5 سنوات على الكندر كاردن لان البري سكول تقبل عدد كلش قليل

و شكرا مره ثانيه متقصرين

مواضيع الحياة العامة في بلاد المهجر (امريكا) / رد: الي ممرتاحين بامريكا ومتندمين على الخطوة انريد مشاركاتهم فقط

« في: 04:42 12/11/2010 »

حبيبتي سرى اتمنى تساعديني و لو بفكره شوفي حبيبتي اني لغتي زينه يعني افتهمهم ب من اجاوب شويه على كيفي يعني عادي مدبرتها و اني خريجه كلية علوم بايولوجي بس طبعا هاي متفيدني بشي هنا و بالنسبه لبيتي ببغداد موجوده على حطة ايدينا مبعنه منه لا اثاث و لا شي و سيارتنه موجوده و كلشي موجود لان زوجي معاند كلشي ميقبل يبيع يكول على غفله يبطلوني من الشغل على الاقل من ارجع البيت موجود و اني اكول لو مأجرين البيت جان استفادينه من فلوسه بس مديقتنع

و عيني صارلي 10 شهور بامريكا حاولت هوايه ادخل دورات تقويه اللغه و حاولت اداوم بالمنظمه حتى يلكولي شغل بس مشكلتي بناتي صغار الكبيره عمرها 3 و الصغيره 2 و الويل فير ميقبلون يدفعون فلوس الدي كير من اداوم يكولولي من تشتغلين نساعدج بفلوس الحضانه كتلهم زين شلون الكه شغل و اني بالبيت غير اداوم بالمنظمه و ماكو نتيجه
تعرفين حتى بناتي كلش متأذين يعني خطيه بهاي الفتره جان تعلموا لغه و شافوا ناس كلش تاذينه من الوحده

مواضيع الحياة العامة في بلاد المهجر (امريكا) / رد: الي ممرتاحين بامريكا ومتندمين على الخطوة انريد مشاركاتهم فقط

« في: 03:43 12/11/2010 »

الاخ كاليفورنيا كلامك صحيح 100% عبالك عايشين بحصار نشوف كلشي و نتحسر يعني و الله انقهر اكول راح نبقى نشتري ارخص الملابس و نكعد على اثاث قديم و الله من افوت لسوبر ماركت لو مول بالكوه اسد عيون بناتي عن الملاعيب و الملابس الراقيه شنو الفايده احنه عايشين باحسن دوله بالعالم و محرومين

مواضيع الحياة العامة في بلاد المهجر (امريكا) / رد: الي ممرتاحين بامريكا ومتندمين على الخطوة انريد مشاركاتهم فقط

« في: 04:14 11/11/2010 »

الاخ علي و الاخ ريفولفر اشكركم لان دتصبروني بس اخويه اريد اعرف شي اني اذا بقيت هنا و ضحيت علمود بناتي قابل راح اخليهم هنا يعيشون طول العمر اكيد صعبه و بنفس الوقت من ياخذون الجنسيه يكون عمرهم بالابتدائيه و راح يتعلقون بالحياة هنا لان كبروا هنا و اذا رجعت اكيد مراح ارتاح لان راح نبقى نقارن يعني القصد شنو نهايتنه شو اني احس اذا نبقى هنا راح نخسر هواي شغلات و دائما اكول ماكو شي يسوه اترك اهلي يعني اذا صار بيهم شي و ما اكدر اشوفهم عمري مراح اسامح نفسي و المشكله الرجال ميقتنع بهذا الكلام لان الرجال يلتهي بالدوام و الاطفال راح ييجي يوم يكبرون و يلتهون بالمدارس و تبقى الام الخاسر الاكبر

مواضيع الحياة العامة في بلاد المهجر (امريكا) / رد: الي ممرتاحين بامريكا ومتندمين على الخطوة انريد مشاركاتهم فقط

« في: 19:24 10/11/2010 »

اممممممم الموضوع كلش حلو و راح احجي هوايه لان محتصره اريد احجي ويه احد

اني صارلي بامريكا 10 شهور جيت مع زوجي و عندي 2 بنات اولا بالعراق جنه مرتاحين ماديا و البيت ملك منشيل هم الايجار غير لمة الاهل و الاحساس بالحياة الاجتماعيه طبعا اعرف راح تضحكون عليه بس بالنسبه الي هاي النقطه اثرت هليه كلش بدون اهل تدمرت نفسيا و اني بولاية بنسلفانيا مدينة فيلادلفيا و زوجي وره 6 شهور يلله لكه شغل و احنه ندفع ايجار مال 3 شهور من عدنه لان المنظمه دفعتلنه مال 3 شهور و طبعا 750$ بالشهر مو شويه بالنسبه النه وواحد من الاخوان قال ممكن تقدمون على سكن حكومي هذا المشروع مسدود بولايتنه لان الحمد لله و الشكر الولايه مفلسه و حاولنه ننتقل لغر ولايه بس هم شفناهم مكلفه علينه و مندري هناك راح نشتغل لو لا
و جنت متأمله اعادل شهادتي لكن مع الاسف انحبست بالبيت مع اطفالي لان الدوله متقبل تدفعلهم فلوس الحضانه و هيه طبعا مكلفه على حسابنه 200$ بالاسبوع على الطفل

يعني كسر بجمع حياتي تغيرت للأسوأ لا حياة اجتماعيه و لا ماديه و لا شهاده و هنا العراقيين ملتهين كل واحد لحاله و انوب تشوف المغريات كدامك هوايه و متكدر تتونس لان وراك ايجار و فواتير و الله اموت قهر على بناتي لان دائما وحدهم و كمت اخاف عليهم لان ميشوفون ناس يحجون وياهم

و بالنسبه للاخوان الي يكولون الي متندم يرجع اني متندمه و اريد ارجع لكن امري مو بيدي زوجي ميقبل يرجع حاليا على كولتكم يخاف الناس يتشمتون بينه زين شنو الحال بهاي الحاله يعني جينه هنا حتى بس ناكل ؟؟؟؟؟؟؟

صفحات: [1]

ankawa

الأخبار: