مواضيع

1

الهجرة و واللاجئين / جماعة سان فرانسيسكو

« في: 17:45 26/08/2011  »

السلام عليكم

شلونكم  اخوان ... انشاء الله الجميع بخير وبصحة ويارب المنتظر طيران يطير والي ملفة نايم يصحصح والي مستقر بالخارج الله يوفقة

اخوان اني جان عندي كفيل بسان فرانسيسكو _ كاليفورنيا الي هوة صديقي ولكن قبل فترة حول علة مدينة تكساس لان يكول تكساس ارخص بالنسبة الي وهسة اني في حالة ( دياحة من هاي التمام )  لان كفيلي طاررر     ومقابلتي الثالثة بعد اقل من اسبوع فأذا اكو احد من الاخوان ممكن يكفلنة بسان فرانسيسكو اكون ممنون من حظرتة  علمآ انو اني وحدي يعني مو عائلة واذا ماكو امرنة ل الله وين ما يجوتنة اليو ان نروح   

مع جزيل الشكر   

2

الهجرة و واللاجئين / هم يسويهة البخت ؟؟؟؟؟؟؟؟؟

« في: 02:49 15/04/2011  »

هم يسويهة البخت واطفر بسرعة او رح اشلغم ..... اتوقع رح اشلغم حالي حال كل الاخوة المشلغمين في الاقطار العربية الشقيقة وغير الشقيقة ..... والله الله يساعد العراقيين كلهم شلع الأصيل بيهم والنص ردن ...... خرب حظي وحظ شكو واحد شايف القعقاع التميمي بعينة
يارب سهلهة عل عراقيين ترة انتة تدري حتة الصبر الة نهاية واحنة كمنة نشلع كاشي بالغربة وكلهة لايبة روحهة وكلهة ما مستقرة وترة السنة والسنتين ياربي مو هينة لان احسن عراقي اذا وصل 65 هذا مدومن وانتة ما نطيتنة عمر مثلآ الف سنة حتة تاخذ انت سنتين او 3 وكبلك ماخذ سنيين من عمرنة
ربي شكو بيهة تنطي دفعة للكيسات مال العراقيين بالامم المتحدة لان ترة مو اصعب من الي صار بالحرب العالمية الاولى والثانية واذا سهلتهة علية وعلة اخوتي رح اوزع حامض شلغم بالمنتدى
ياربي ...... عبادك زهكو والناس ترة من حلاة روحهة تكمز ببيوتهة الة شوية ومحد يدري بيهة وبضيمهة وبس انتة تدري بيهة .... ومادام تدري ليش مطولهة علينة ...... فدوة اروحلك واروح لأنبيائك الطاهرين كلهم من ادمهة لمحمدهة افتحهة علينة ربي .... واذا صار العراق كمرة وربيع والدينار يرجع بحيلة والامان تكول عبالك سويسرا وداعتك كلنة نرجع دقلات للعراق واحنة الممنونين بعد شتريد ....... ربي كمنة نشوف الواحد ازدحام من هلكد ما فرفحنة والعراقيين مفرفحين من زمن عمو حمورابي ولحد عمو المالكي الي لطش بالكرسي تكول عبالك الكرسي مال حبوبتة بتول ام الكركري 

مع تحيات واحد هستوة بدة يزهك

3

الهجرة و واللاجئين / لحك يا ولد ..... كندا لو امريكا

« في: 15:48 05/04/2011  »

السلام عليكم اخوان

اني باجر عندي اول مقابلة بأنقرة وداكول يا الله ومتفائل  .... بس الصراحة كللللللش محتار هسة تكولون ليش ... اني رايد اطلع علة كندا وكالو هنا علة كندا اطول ويجوز يشدولك مغذي وتضل اقل شي 3 سنوات ( طبعآ هذة حجي ربعنة هنا والي ماشاء الله كل واحد يحجي بديرة شكل  ) وتلحك تبدي تصبغ شعرك هلكد ما رح تبقة هنا    يعني ما ادري اقدم علة امريكا لان الي فهمتة مطول من تركيا حتة لا اضيع المشيتين لو اخليهة عل ساطور واكلهم رايد كندا ....  مع العلم اني اعزب ومخادم لا جيش ولا بطيخ واصلآ الكلاشنكوف شايفة بس بالافلام   

ارجع واكول رايد مشورتكم لان اكيد اكو هنا ناس اعلم مني بهيجي قضية بقاطات فياريت يفيدونة من خبرتهم


اخوكم المحتار مابين كندا وبلاد العم جبار

4

الهجرة و واللاجئين / سؤال للأخت انجي وباقي الاعضاء الكرام

« في: 16:31 04/12/2010  »

مرحبــــــــــــــــــــــــــــــا

اني مسافر اكثر من دولة وجوازي بي هواية تأشيرات ( فيزة ) وانشاء الله ناوي اطلع اقدم عل UN بس نصحوني جماعة كالو اذا جوازك بي تأشيرات رح تتعطل ورح يحققون وياك وسين وجيم وليش رحت فلان دولة وليش رحت علان دولة ومن هل السوالف وحتة ممكن ينرفض الملف مالتك فكلولي اذا تكدر طلع جواز نظيف جديد مابي اي فيزة حتى كأنما اني مطالع برة العراق سابقآ ..... هل هذا الكلام صحيح يا اخوان لو موشرط يعطلوني لهذا السبب .... وهل اكو منكم من مقدم عل UN وجوازة بي تأشيرات ومشة الموضوع بخير وسلام بدون تحقيق وبدون ما يتعطل الملف مالتة ..... انشاء الله الكة الجواب من حظراتكم

تحياتي لكم جميعآ

5

الهجرة و واللاجئين / ياريت جماعة كندا يتفضلون يجاوبون

« في: 15:25 01/12/2010  »

مرحبــــــــــــــــــــــــــــا عليكم كلكم

اخوان استفسار بسيط جدآ وهو الي يحصل فيزة مال دعوة دراسية بمعهد بكندا ويدخل الاراضي الكندية يكدر يقدم لجوء عن طريق محامي مثلآ لو تخلص المدة مالتة هناك وراهة يكولولة يلا حبيب لم غراضك والله وياك ؟؟؟؟؟؟؟؟؟؟   

6

الهجرة و واللاجئين / طلب معلومة

« في: 17:18 09/11/2010  »

السلام عليكم

اخوتي الكرام لي استفسار بسيط جدآ .... اريد بعد فترة اطلع لأحد دول الجوار اقدم عل الامم المتحدة بس الصراحة ماعندي ذيج القصة القوية يعني مجرد طلعت ورقة من مركز شرطة " كلاوات " الصراحة علساس اني تهددت علمآ انو اني تعرضت سابقآ لمحاولة اغتيال من جانت الاوضاع موزينة بس بوكتهة لا رحت مركز شرطة ولاقدمت شكوى لان بوكتهة جانو همة نفسهم الشرطة علاسة فممكن اروح اقدم على استناد انو الوضع الامني تعبان واني حياتي معرضة للخطر حالي حال الكل هنا بالعراق لو الة اسوي قصة من هاي الثكيلة حيل بحيث من احجيهة اخلي دموعهم تنزل مطر ؟