الرسائل

1

الهجرة و واللاجئين / رد: ولاية كنتاكي-مدينة اونزبور

« في: 23:08 19/11/2010  »

السلام عليكم
من اخوكم كنتاكي الحاقا بالموضوع السابق و لكثر المعلومات و زحمةالحياة اود اضافة الاتي
يوجد شي جميل في هذة المدينة و هو الناس ودودين و المتطوعين خدوميين و طيبين و اللاجئ هو وشطارته و مستوى لغته راح يكدر يكسب اصدقاء من المتطوعين.
للاسف من مساوئ هذة المدينة انها تقع في منطقة اعاصير و تنتشر صفارات انذار للانذار عن الاعاصير وصوت صافرات لانذار يذكرك بصفارات الانذار بالعراق ب91 و 2003
من احد مساوئ هذة المدينة انه زغيرة يعني الناس الي تشوفها بالمركز الصحي تشوفها بالولمارت و اذا انعرقت انه انت لاجئ راح تلزك بيك هذة الصفة لان مثل ما كلت مدينة زغيرة

2

الهجرة و واللاجئين / رد: ولاية كنتاكي-مدينة اونزبور

« في: 11:55 18/11/2010  »

اخوان السلام عليكم
في البداية اسف على الاخطاء الاملائية بالموضوع
شكرا لجميع الاخوة الذين دخلوا وشاركوا بالموضوع اني حاليا بمرحلة تغيير الولاية لان تعرفون تغيير الولاية شي مو سهل وخصوصا انه ما عندك كفيل او كريديت هستري زين و ما عندك شغل يعني ما عندك انكم
بالاضافة الى انه لازم تدفع الشرط الجزئي مال عقد الايجار يعني الله شاهد علية راح ادفع لبو الملك 16 ورقة ورقة تنطح ورقة
كذلك راح ادفع تكاليف السفر من ولاية كنتاكي الى ولاية واشنطن ستست و الي هي تقريبا 14 ورقة
وراح ادفع مبلغ التاميناتللشقة الجديدة والي هي 9 ورقات
ردا لللاخ العزيز الي كاتب اذا ما مرتاح بالولاية غيرها فيا عزيزي شوف شكد راح اخسر بس علمود احول من ولاية الى ولاية اخرى
المنظمة اهنا هدفها تثبيت العراقيين هنا لان اكثر من خمس عوائل عراقية من بداية شهر تموز الماضي و لحد الان رفضوا يجون لهاي المدينة يعني اعتقد جان عدهم مجال و سسووا بحث بالنترنيت عنها فالمنظمة تحاول تقيد الاجئ بعقد الايجار و بعدين تحاول تأخر حصولها على السوشل و الامبيلومينت كارد اطول فترة ممكنة علمود تستنفذ مدة الثلاثة اشهر الي المفروض المنظمة تساعد بيها اللاجئ وبيهاي الفترة المنظمة تاخذ فلوس من الحكومة الامريكية تحت عنوان استخدامها في برامج مساعة العوائل اللاجئة بالتوطين و الاندماج و الله يعلم شيكتبون بسجلاتهم عن نوع المساعدة الي يقدمونها للاجئين حتى يبررون نفقاتهم
ان شاء الله اتصل بيكم بالمستقبل القريب من واشنطن
اخوكم كنتاكي

3

الهجرة و واللاجئين / ولاية كنتاكي-مدينة اونزبور

« في: 00:56 18/11/2010  »

السلام عليكم
الاخوة الاعزاء في موقع عين كاوة المحترم
ايامكم سعيدة و كل عام وانتم بخير
اود ان انقل تجربيتي بالهجرة الى امريكا و تحديدا ولاية كنتاكي مدينة اونزبورو
اخوان نصيحة لله لا تسافرون و لاتجون لهذة المدينة للاسباب التالية:
1-مدينة صغيرة جدا و لا تعرف كيف تتعامل مع الاجئين لان هذة المدينة لم تستقبل اي من الاجئين من قبل اول دفعة من الاجئين استقبلتهم هذة المدينة كان بتاريخ شهر الرابع سنة 2010
وهؤلاءاللاجين الدفهة الاولى بورميين يعني كلشي ما كو
اني اول عائلة عراقية وصلت لهذة المدينة بشهر السادس سنة 2010
2-توجد منظمة فقط خاصة بالاجئين وهذة المنظمة جديدة و تعبانة وحرامية و مديرها يضوج من العراقيين ويكره العراقيين و خصوصا اصحاب الشهادات
3-لم تقدم المنظمة لي اي مساعدة مالية يعني اشتروا و اجروا شقة بفلوس المنحة الامريكية لالاجئين و الي هي كانت 900 دولار لكل لاجئ وحاليا صارت 1100 دولار
3- لاتوجد اماكن ترفيهية في هذة المدين يعني بين قوسين الي يريد يشوف الدنيا ما راح يشوف اي شي هنا
4- لا توجد جالية عربية في هذة المدينة و عدد العرب حوالي ثلاث عوائل فقط
5- لا توجد محلات او اسواق عربية و لايوجد لحم حلال
6- لا يوجد جامع في هذة المدينة يوجد مكان يسمى بجامع و هو مغلق اغلب الاوقات لان الشخص المسؤول عنة مسوية مجرد واجهة علمود ياخذ دعم مالي من الحكومة الامريكية

7- لاتوجد جامعات رصينة والجامعات الموجودة  فقط كمنيوتي كوليج
8-اللاجئ من يوصل راح المنظمة تخلي يوقع على عقد ايجار لمدة سنة وشرط جزائي اذا اخل بالعقد او ترك السكن راح اللاجئ يفع مبلغ التامينات مضافا لها مبلغ  مساوي  لمقدارضعفين مبلغ الايجار الشهري
9-يعني حاليا اني هنا خسرت 6 اشهر و فلوس المنحة خلصناو ما اكدر اروح لغير ولاية لان ما عندي كفيل
10-لا يوجد شغل و الشغل الوحيد الممكن تساعد المنظمة بالحصول علية هو في مجزرة دواجن في مدين اخرى تبعد عن اونزبزر حوالي 35ميل وهذا الشغل صعب و جسدي يعني بين قوسين مال مطايا
11-الفود ستامب تعبا و الكاش بعد اكثر تعبان اني حاليا ينطوني كاش استنت 383 دور شهريا +200 دولار للنقل مقابل هذا المبلغ لازم تشتغل 35 ساعة اسبوعبا فولنتير جوب وهنا يجي دور المنظمة راح تشتغلك عدها حمال تحمل اثاث وراح تكلك انت لازم تدرس انكليزي عدنا و زوجتك لازم تدرس عدنا دروس انكليزي
ايجابيات المدينة
المدينة امنة و اهلها زينين وامنها مثل امان العراق بالثمانينات