2
اخواني الاعزاء مع احترامي لكل الاخوان الي ابدوا رأيهم بالموضوع مع اني و للمرة الثانية اقولها لم اسأل الاخوان بأن ارجع ام لا أرجع
بس احب اسأل سؤال للأخوان الي ميشجعون برجعة العراق منو من عدهم بداخل امريكا؟و الي بداخل امريكا فشديشتغل حاليا و شمخطط للمستقبل؟
اما الاخوان الي بالعراق فأعذرهم لأن كنت بنفس حالتهم و مقدر شديشوفون من جحيم العراق
اخواني تره الي تعبان على نفسه و دارس و صاحب خبرة بمجاله صعب عليه يقضي عمرة بشغلات مال ناس اميين فقط كي يسد رمقه و الي يكول اصبر و عادل شهادة و بعدين تفرج مع احتراماتي اله ديضحك على نفسه صبرت سنتين الى ان الشغل هد حيلي و ماكو نتيجه ما خليت باب ما طرقته و و دا اشوفهه بدون نتيجه يجوز اني ما مجنص ما اعرف بس تره هذا الي موجود بامريكا شغلات بائسة اذا كنت محظوظ يله تحصلهه لأن الامريكان نفسهم ديدورون شغل و ماكو.
ما اكول انه العراق جنه بس اكول بيه هواي فلوس و حتى الامريكان نفسهم يعترفون بهذا الشي
و لذلك اني راح ابقي عائلتي و ابقى اروح و ارجع اذا الله سهلهه و مشت
اخوية كوندا كلامك صحيح و اخوك مو لهالدرجة غشيم و يروح و يخاطر اذا محاسبهه بالحاسبة
عرض المشاركات
